أكلات صيامى....

[SoSo R]

كل سنه و الجميع طيبيين :rolleyes:

بالنسبه للشباب الغلابه الوحدانى! عليكم و على الاوتميل Oat meal

حت حبه فى طبق من العلبه و زود عليه ميه بتغلى, يدوب تغطيه.

سيبه 5 دقايق

حط عليه زبيب و جوز هند و مكسرات

و ادعيلى!

لو بتجوع بسرعه و محتاج بروتين زود Whey protein powder

الطبق خفيف و مغذى و فيه بروتين و بيشبع wst::

وحضرتك طيب...

دة بدل الكورن فليكس؟؟

يبقى متهيألى المفروض نحط شوية سكر برضه...عشان يبقى ليه طعم..

فيه كمان لبن الصويا أو لبن الأرز وده أخف و طعمه أحلى...ممكن يتضاف و يتقطع عليه تشكيلة فاكهة...ورشة معلقة سكر

وكدة يكون طبق متكامل

طيب يا أستاذ ريمو مافيش أفكار عندك للأوت ميل بس تكون حادقة مش حلوة...كوجبة للغدا

[SoSo R]

كل سنة و كل اخواننا النصارى طيبين

اقتراح بسيط للأكل الصيامي ممكن نعمل

السمبوسة بالسبانخ

بنشوح بصلة في زيت زيتون و نتبلها بالملح و الفلفل

ثم نضيف لها السبانخ المقطعة كبير يادوب تدبل ( لو مش صيامي ممكن إضافة جبن مبشور )

و تحشى بيها السمبوسة و تقلى

وفي طريقة ظريفة بحبها

رقائق السمبوسة

باجيب شرائح السمبوسة و أقصها بالمقص على شكل مثلثات

و المثلثات دي إما نقليها في زيت غزير

أو نضعها في صينية و نقلب عليها معلقتين زيت ..و على الفرن

بتطلع كرسبي و روعة الولاد بيحبوها أوي و في الفرن بتكون خفيفة كمان

الطريقة الثالثة للسمبوسة

السمبوسة الحلوة

نكون مجهزين شراب سكري (شربات )

ولما تطلع مثلثات السمبوسة من القلي و هي ساخنة نحطها في الشربات البارد

برضه حلوة أوي و سهللللة جدا

تحياتي :rolleyes:

ميرسى يا مدام لونا...

أفكار حضرتك كلها جديدة و ظريفة..

بس أنا مش نتأكدة إذا كان هنا فى عجينة سمبوسة..

هل الجلاش فى الحالة دى يسد الغرض ولا لأ؟؟؟

يا ريت حضرتك تفيدينى..

جود فيث....فيه هنا سمبوسة ولا؟؟؟؟

[SoSo R]

اهلا حبيبتى سوسو

كل سنة وانتى طيبة

هانت هانت كلها شهر ويخلص الصيام

ولو ان فترة الانقطاع لغاية الساعة 3 او لحد غروب الشمس بتهون الامور كتيير

الواحد يفطر (يعتبر غدا او قول عشا ) على طبق الفول المتين

او على الخضار والرز وتقفل لغاية اخر النهار يا دوبك يقسماطة مع شوية شاى او فاكهة ودمتم

بس اناشوفتلك طريقة الفاهيتا

اوعى دماغك تروح لبعيد wst::

دى فاهيتا مشرووووووم

ودى عبارة عن

علبة مشروم كاملة (او فريش)

3 ثمرات فلفل الوان

نصف كوب زيتون اسود او اخضر

بصلة مقطعة جوليان (يعنى شكل هلالى )

10 فصوص توم

الطريقة

يحمر الثوم فى قليل جدا من زيت الزيتون على نار هادئة

ويضاف البصل

ثم يضاف الفلفل الالوان

ثم الزيتون

ثم المشروم (كله على نار هادية )

ويغطى ويترك حتى يتم سوا المشروم بحيث لا يدبل الفلفل تماما

يضاف الملح والفلفل الاسود مع مراعاة ان الزيتون يعطى قليل من الملح

وبالهنا والشفا

ملحوظة ممكن اضافة الفاهيتا للمكرونة الاسباجيتى وتاكلى احلى مكرونة

يارب تعجبكم

ويضاف ربع كوب ماء

ميرسى يا أرورا...أنا فعلا باعمل الفيجيتيريان فاهيتا...وساعات باستخدمها للمكرونة الباشميل الصيامى كحشوة

متهيألى كوك دور كان بيعملها سندوتشات زمان لما كنت فى مصر :rolleyes:

عايزين طريقة لصنف حلو ضرورى جدا

بسكوت أو كيكة

[SoSo R]

سعدت للغاية بهذا الموضوع من منطلق أن نعرف بعضنا كثير من المسلمين و خاصة الأجيال الجديدة لا يعرفون شيئا عن حياة المسيحيين ، و لم يكن الأمر كذلك قبل عقدين أو ثلاثة من الزمان.

ما سبق كان إستهلالا لابد منه

قضيت فترة من حياتى فى إنجلترا و هناك رأيت أنواع كثيرة من الأطعمة منها الأطعمة النباتية و كانت تقريبا لا تفترق عن الطعام العادى السائد فى البلد عدا أنها نباتية ، و يود هامبورجر نباتى و لحم نباتى مصنوع من فول الصويا.

و مجرد البحث فى الإنترنت أو حتى فى المكتبات عن vegetarian food ستجدين عدد كبير مثال http://www.vegsoc.org/cordonvert/recipes/mainlist.html

أكيد يمكن أن يتسم حديثى هذا بالسذاجة أو الجهل فربما هناك متطلبات أخرى فى قائمة الطعام الصيامى للإخوة المسيحيين تختلف عن قوائم الطعام النباتية المنتشرة فى العالم.

و دعينى أصيغ سؤالى هل هناك فارق بين الطعام النباتى و الطعام الذى يتوافق مع الصيام الكبير للإخوة المسيحيين المصريين.

مساء الخير أستاذ عادل:

مشاركة حضرتك فى الموضوع شرف ليا يا فندم...

أنا أتأخرت فى الرد على حضرتك لحد ما قابلت زميلة تدين بالهندوسية عشان أرد على حضرتك بإستفاضة...

لأنهم المفروض نباتيين ...عشان أقارن فى الفروق

الواقع عندهم مالوش ثوابت و المدى عندهم واسع...

بمعنى إن لحوم الأبقار ممنوعة منعا باتا..

فى أسر ملتزمة على مدى أربع أجيال أو أكتر إن ما ياكلوش أى نوع تانى من اللحوم ويكتفوا بالسمك و اللبن و البيض..

فيه ناس إلتزامها أصبح أقل دينيا...و بياكلوا أى لحمة مادام مش بقرى مع الدجاج و الأسماك...

وهكذا...

أى أن التقاليد الأسرية هى التى تحكم مدى إمتناعهم من عدمه مع الأتفاق على مبدأ الأمتناع عن اللحم البقرى تماما

بالنسبة لنا الموضوع معروف و ثابت...

عدم إستهلاك أى نوع من المنتجات الحيوانية أو مشتقاتها...كاللبن و الزبد والجبن و البيض و الدجاج...حتى الجيلى لأنه مشتق من الجيلاتين الحيوانى

فيه بعض الصيامات على مدار السنة بيسمح فيها بالأسماك والسى فود...بس مش الصيام الكبير لأنه أعلى درجة من درجات التقشف...

أرجو إنى أكون وضحت الصورة...وتحت أمرك فى أى تساؤل

تحياتى

[SoSo R]

الف سلامة عليكي يا سوسو

انا عاوزة اقولك فيه اكلات اخف واجمل

يعنى انا نهاردة عاملة الاكل داه اولا وثانيا وثالثا خفيف

لكن رابعا ابعدي عنه - خدو عندكم الاكلات دي

اولا : ملوخية خضرا صيامي

المكونات

مكعب خضار ماجى - بصلة مبشورة - طماطم واحدة بس مبشورة - عدد 2 فص توم

- حزمة كزبرة خضرا مفرومة- 4 ملاعق زيت

الطريقة :

بنحط الحلة على النار و فيها كمية 3 لتر ميه ونحط البصلة و حبة الطماطم ومكعب الخضار وملح ونسيبهم على النار لغاية ما نشم ريحة الشوربة بدأت تظهروكمان البصلة المبشورة استوت تمام فى الشوربة واذا احتاج ميه زودي ميه مفيش مشكلة بعدين

بنضيف الملوخية الخضرا اللى مجهزاها عندى والكزبرة الخضره وقبل ما يبدأو يغلو بنكون حمرنا التوم فى الزيت بس يفضل لون التوم يبقي ابيض مش ذهبي ونحطهم فوق الملوخية ونسيبهم على النار لمدة 3 دقائق فقط حتى تمتزج الملوخية مع التوم – بس صدقونى طعمها جميل جدا

ثانيا : قرنبيط مقلى

نسلق القرنبيط نص سلق ونجهز التغميسة بتاعته – وهى بنجيب طبق فيه شوية ميه ومعلقتين دقيق وحبة طماطم مبشورة وحبة توم مبشورة وكزبرة ناشفة وكمون وملح ونخلطهم ونغمس القرنبيط فيهم ونقلى فى الزيت بيبقي جميل جدا

ثالثا : التبولة

2 – 3 حزمة بقدونس – معلقتين زيت زيتون – ربع بصلة مبشورة – نص كوباية برغل ناعم – حبه طماطم مبشورة – 2 عود نعناع اخضر مفروم كويس

يمتزج الكل مع معلقة خل ابيض وملح

رابعا : بليلة حمص

بنكون منقعينه فى المية من قبلها ب8 ساعات تقريبا وبعدين بنغليه ونسويه فى نفس الميه اللى متنقع فيها وبيكون لونها اصفرمع بصلة واحد كبيرة و2 فص توم صاحى مش مبشور ولما يستوى بنجهز الخبز العادي البلدي مثلا رغيف او حسب الطلب ونقطعه مكعبات بالسكينة ( 2سم × 2سم ) ونقلي الخبز فى زيت ولما يخلص بنرش عليه شوية زعتر ناشف وبيتقدم مع طبق بليلة الحمص

wst::

أفكار كلها جميلة و جديدة...بس يا عينى على قولونى بعدها :rolleyes:

المهم بالنسبة للملوخية ليه ما نعملهاش مع مرقة صيامى وخلاص بدل وجع القلب ده...

يعنى حطيها فى الشوربة المغلية و شكرا

إلى جانب إنك لازم تقترحيلنا حاجة جنب الملوخية و الرز...تسند القلب دول شوية شوربة مع رز...

ياترة عندك طريقة للكبيبة الصيامى؟؟؟

ويا سلام لو طريقة للكيك الصيامى يبقى عملتى فيا معروف

مستنياكى

[ريمون]

كل سنه و الجميع طيبيين :blush2:

بالنسبه للشباب الغلابه الوحدانى! عليكم و على الاوتميل Oat meal

حت حبه فى طبق من العلبه و زود عليه ميه بتغلى, يدوب تغطيه.

سيبه 5 دقايق

حط عليه زبيب و جوز هند و مكسرات

و ادعيلى!

لو بتجوع بسرعه و محتاج بروتين زود Whey protein powder

الطبق خفيف و مغذى و فيه بروتين و بيشبع :happy:

وحضرتك طيب...

دة بدل الكورن فليكس؟؟

يبقى متهيألى المفروض نحط شوية سكر برضه...عشان يبقى ليه طعم..

فيه كمان لبن الصويا أو لبن الأرز وده أخف و طعمه أحلى...ممكن يتضاف و يتقطع عليه تشكيلة فاكهة...ورشة معلقة سكر

وكدة يكون طبق متكامل

طيب يا أستاذ ريمو مافيش أفكار عندك للأوت ميل بس تكون حادقة مش حلوة...كوجبة للغدا

هو الاوت ميل شبه الفريك اكتر منه شبه الكورن فليكس.

الكورن فلبكس بلبن الصويا جميل برضه بس في ناس مبتحبش لبن الصويا

بالنسبه للحادق فيه ال"جاكت بوتاتو"

جيبى بطاطسايه و حطيها فى الميكرووايف 5 دقايق هتتطع مسلوقه

قشريها و اقسميها بالطول و حطى جواها مارجرين و ذره حب (كورن) و لو فى صيام صغير (فيه سمك)حطى علبه تونه.

حيقيها بملح و فلفل و شطه و ادعيلى :blink:

[لونا]

ميرسى يا مدام لونا...

أفكار حضرتك كلها جديدة و ظريفة..

بس أنا مش نتأكدة إذا كان هنا فى عجينة سمبوسة..

هل الجلاش فى الحالة دى يسد الغرض ولا لأ؟؟؟

يا ريت حضرتك تفيدينى..

الحقيقة ما جربتش الحلاش بالطريقة دي

و أعتقد إنه حيكون هش أوي و يتكسر بسهولة.. لو قطعتيه مثلثات و قليتيه أو حطتيه في الفرن

و لو تحبي ممكن تعملي عجينة السمبوسة في البيت

و دورت لك على الطريقة .. و هي :

المقادير :

4 كوب دقيق

نصف كوب زيت

ثلث كوب ماء أو حسب حاجة العجينة

ملح

الطريقة :

* يدعك الدقيق بالزيت و يخلط حتى يتجانس و يتفتت ثم يضاف الملح الناعم

* نضيف الماء و نعجن حتى يصبح الخليط متجانسا و تتكون عجينة متجانسة

و نغطيها و نتركها لترتاح مدة نصف ساعة ثم تقطع الى قطع بحجم البيضة

* يرش سطح الفرد بالدقيق ثم تفرد كل قطعة على حدة

تحياتي :blush2:

[SoSo R]

مساء الفل يا جماعة

انا تانى:rolleyes:

كل سنة وكلنا طيبين...رمضان ع الأبواب و صيام العدرا أبتدى

ومن موقعى هذا...وعشان سندوتشات الطعمية هنا ب 4 $ أقل حاجة ...يعنى أد الشاورمة..وكمان معمولة من الحمص مش الفول و جوزى بيحب بتاعة بلدها

فقلت أعمل مغامرة و هيا عجينة الطعمية

دى اول مرة من ساعة ما أتجوزت...بس نجحت الحمد لله

بعد ما عينيا طلعت:blink:

المهم

هانزل بالطريقة لو حد يحب يستفيد...ولو حد يقولنا برضه على طعمية الحمص

يبقى قشطة جدا

راجعالكم بالطريقة حالا

بس أغسل المواعيييييييييييييييييين

سلام

[Damo]

كل سنة وحضرتك وجميع الاقباط طيبين يا مدام سوسو

[بندق أفندى]

كل سنة والجميع بخير

طريقة طعمية الحمص هى نفسها طريقة الفول هى نفسها طريقة البسلة

ما هو فى السودان بيعملو الطعمية من البسلة

[SoSo R]

كل سنة وحضرتك وجميع الاقباط طيبين يا مدام سوسو

وانتى طيبة يا دامو يا حبيبتى...ورمضان كريم

بس ما قلتيش أنتى بتحبى الفلافل ولا لأ

كل سنة والجميع بخير

طريقة طعمية الحمص هى نفسها طريقة الفول هى نفسها طريقة البسلة

ما هو فى السودان بيعملو الطعمية من البسلة

وانت بألف خير يا بندق أفندى ده إيه النور ده كله؟؟؟

بصراحة شرف ليا إنك تعدى من هنا

لكن إيه موضوع طعمية البسلة؟؟؟

وده معناه إنها بتتفصص و بعدين تتنشف ولا يبقى إيه النظام؟؟

أصل مش معقول ننشفها و بعدين ننقعها فى مياه عشان تطرى زى ما بنعمل فى الفول

يا ريت بقى توضحلى يا بندق أفندى لحسن دماغى و جعتنى من التفكير فى طعمية البسلة...وانا أصلا مش بحب البسلة ولا بطيقهاwst::

عايزة منك خدمة مادام شرفتنا فى الموضوع...

ازاى نعمل سندوتش الطعمية زى بتاع المحلات...نحط عليها إيه؟؟؟

و يا سلام بأه لو تقولى طبق الفول الأسكندرانى نحط له إيه عشان الطعم يطلع زى المحلات...نحئ الفول إزاى:blush2:

[SoSo R]

بالنسبة للطريقة بتاعة الطعمية

بنجيب كباية أو أتنين فول مدشوش و نغسله بالمياه و بعدين ننقعه فى المياه ليلة قبل ما نشتغل بيه

الخضرة هيا أهم حاجة فى الموضوع فيه حاجات أساسية وهيا : البصل الأخضر و الكرات و الكزبرة الخضرا

وفيه حاجات إختيارية ممكن تتضاف أو لأ حسب الرغبة و هيا الشبت و الكرفس

بنجيب حزمة من كل حاجة و نغسلها كويس قوى و نقرطفها...و بعدين نضربهم مع بعض فى الكبة

الكمية اللى هتتبقى من الخضرة ممكن تتشال فى الفريزر للمرة اللى بعديها

بنصفى الفول من المياه

ونبتدى نحط شوية فول شوية خضرة من اللى ضربناها و ملح و فلفل و توم و شوية ميا قليلة قوى

لحد ما تعمل عجينة متماسكة

لو عايزين الطعمية لونها بنى فاتح قللوا كمية الخضرة اللى بتتضاف بالنسبة لكمية الفول

بعد ما نطلع العجينة ككمن نحط كزبرة حب أو سمسم زى ما تحبوا

الكمية اللى هتتقلى بس ممكن نضيف لها معلقة بيكينج بودر عشان تفرش و تقرمش

لكن لو هنحط الجينة فى الفريزر يبقى نضيف البيكينج بودر قبل القلى علطول

و نقلى فى زيت سخن و بالهنا و الشفا

[ام محمد]

مرحبا الكم طريقة الطعمية بالحمص ...على الطريقة الشامية ....ينقع الحمص يوم كامل ...ونتخلصمن ماء النقع ..ونحضر بقدونس وبصل عادي ناشف وقليل من الكزبرة والنعنع الاخضر ..بس كمية البقدونس اكتر من الكزبرة ...وبعدها نفرمهم في ماكنة فرم اللحوم وبعد العجن اخلطيها كويس وقسميها كميات على قدر الوجبة وحطيها باكياس نايلون في الفريزر ...وقبل القلي اضيفي الملح والكزبرة الجافة المطحونة وممكن السمسم بعد ما تعمليها كور وتفرديها بايدك او بالقالب وتوضع بالزيت وهو ساخن ..ولا تنسي اضافة البيكنج باودر قبل القلي ...وحمريها وطلعيها من الزيت وحضري معها سلطة طحيبة (طحينة وليمون وماء) وعلى فكرة عشان القولون اضيفي الكمون حتى ما تتعبي وصحة وعافية

فيه كمان الفول الاخضر المجمد ..يطبخ مع الثوم والكزبرة الخضرا طعمه لذيذ

[Damo]

كل سنة وحضرتك وجميع الاقباط طيبين يا مدام سوسو

وانتى طيبة يا دامو يا حبيبتى...ورمضان كريم

بس ما قلتيش أنتى بتحبى الفلافل ولا لأ

أنا بصراحة لأ مليش قوي في االفلافل:blush2:

أنا مش بكرهها بس لما باخد منها قطمة بحس كده كفاية مش عايزة تاني

تم تعديل 11 أغسطس 2010 بواسطة Damo

[SoSo R]

مرحبا الكم طريقة الطعمية بالحمص ...على الطريقة الشامية ....ينقع الحمص يوم كامل ...ونتخلصمن ماء النقع ..ونحضر بقدونس وبصل عادي ناشف وقليل من الكزبرة والنعنع الاخضر ..بس كمية البقدونس اكتر من الكزبرة ...وبعدها نفرمهم في ماكنة فرم اللحوم وبعد العجن اخلطيها كويس وقسميها كميات على قدر الوجبة وحطيها باكياس نايلون في الفريزر ...وقبل القلي اضيفي الملح والكزبرة الجافة المطحونة وممكن السمسم بعد ما تعمليها كور وتفرديها بايدك او بالقالب وتوضع بالزيت وهو ساخن ..ولا تنسي اضافة البيكنج باودر قبل القلي ...وحمريها وطلعيها من الزيت وحضري معها سلطة طحيبة (طحينة وليمون وماء) وعلى فكرة عشان القولون اضيفي الكمون حتى ما تتعبي وصحة وعافية

فيه كمان الفول الاخضر المجمد ..يطبخ مع الثوم والكزبرة الخضرا طعمه لذيذ

متشكرة يا أم محمد على الأضافة المفيدة دى

كنت عايزة أسئلك ...لو الحمص الجاهز اللى فى معلبات ممكن يستخدم و لا لازم يكون ناشف و يتنقع؟؟؟

أفيدينى فى النقطة دى من فضلك