الشامى رجع من كندا يا رجالة

[ELSHAMY]

أخوانى...أخواتى

السلام عليكم و رحمة الله

كانت الجيوش الشامية من الفطنة بحيث انها زرعت بعض العملاء السريين فى المدن التى تم فتحها خلال رحلة اللاندينج...و كان من أهم عملاء المملكة الشامية فى تورونتو العميل اكس الهجان....

كان مستر اكس (طبعا ده الاسم الحركى لكن اسمه الحقيقى ياسر)...من أنشط العيون ...و لذلك فكر الشامى فى الاستعانة به عشان يقلب شركات التخليص الجمركى و الشحن فى مونتريال و يشوف التكاليف كام و الظروف ايه...

طبعا أبو اليسر كان حبيب الشامى أصلا و الدليل على كده انه مستأمنه على تورونتو لحد دلوقتى...

المشكلة كانت انه ساكن فى تورونتو و الشحنة كانت فى الحسين.... قصدى القصة كلها لازم تخلص فى ميناء مونتريال ...و مع هذا لم يدخر المهندس ياسر أى جهد فى بدء اتصالاته بالجهات المعنية...

و يستغل الشامى هذه المناسبة و يطلب دعوتين حلوين منكم لأخويا المهندس ياسر على مجهوده... و بالذات من أختنا "أم بلال"...شكل دعواتها كده من النوع الجامد...ربنا يتقبل و لكم مثله..

و بدأت المعلومات السرية تصل من أبو اليسر تباعا عن طريق الحبر السرى...

و هنا ..و لأول مرة فى الفضائيات سيتم الكشف عن بعض الرسائل التى أرسلها اكس الهجان الى الشامى و فيها معلومات غاية فى الأهمية:

اكس الهجان: من اكس الى الشامى...هل تسمعنى ؟ ....حول :sad:

الشامى: نعم أسمعك...بس وطى صوت الراديو...و سكت العيال اللى عندك...ايه الأخبار؟....حول

اكس الهجان: بس يا ولاد مش سامع....حول

الشامى: ركز معايا يا اكس....بتعمل ايه عندك....؟ حول

اكس الهجان: بنتعشى جبنة بيضة براميلى ....اتفضل معانا...حول..

الشامى: يا بنى جبنة ايه و براميلك ايه....عملت ايه فى شركات الشحن ؟...حول

اكس الهجان: لقيت كذا شركة...بس بيقولوا عايزين يعرفوا شوية معلومات...حول

الشامى: حابعت لك المطلوب بالايميل...حول

اكس الهجان: و بيقولوا انهم ممكن يدبروا نقل البضاعة عن طريق القطار الى تورونتو...حول

الشامى: و بعدين يا اكس...حنعمل ايه فى البضاعة بعد كده...أنا خايف من رجالة تورونتو :blink: ...ليهم عندنا تار من ساعة ما اديناهم علقة عند البرج :ninja: ...حول..

اكس الهحان: و دى برضه تفوتنى يا سيد المعلمين....بيقولوا ممكن ينقلوا البضاعة بعد كده على عربية نقل الى لندن :o ...حول

الشامى: بس كده شكلنا دخلنا فى الغميق يا أبو اليسر...حول

اكس الهجان: ربنا يستر طريقنا يا معلم...أنا كلمت الدفاس و أبو دومة عشان يأمنوا الطريق...حول

الشامى: و فى لندن حنعمل ايه يا أبو اليسر...؟...حول

اكس الهجان: هما بيسألوا تقدر تنزل البضاعة عند البيت و لا لأ؟....حول

الشامى: بس انت عارف يا أكس ان ضهرى بيوجعنى و ما أقدرش أشيل تقيل بعد العملية الاخرانية...حول

اكس الهجان: تتدبر يا معلم.......حول

الشامى: و القصة دى حتتكلف كام يا هندزة ؟؟...حول

اكس الهجان: بيقولوا....بيقولوا...بيقولوا...

الشامى: بيقولوا ايه....الجهاز علق و لا ايه...مش قلت لك تحطه فى الشحن ؟..حول

اكس الهجان: بيقولوا من 3 الى 4 بواكى يا معلم...

وهنا سقط الشامى مغشيا عليه... ;)

و اتحول ...بس للمستشفى...حول..

ادعو له يقوم بالسلامة....

[HDarwish]

يعني من السعودية كانت الحسبة 11500 ريال يعني 3504.434 دولار كندي

ومن المينا في كندا لمكان السكن ثلاث آلاف أو أربعة آلاف يعني الحسبة كلها على بعض 6504.434 أو 7504.434

يعني الحسبة بالمصري 31,582.6498 أو 36,438.206 جنيه مصري

دي تهريبة آثار دي ولا إيه؟؟

ده تجهيز عروسة جديدة يا دكتور :wub: آه .. آه إوعى يكون الفيلدمارشال سامعنا ولا حاجه تبقى مشكلة

نيجي للجد بئا

حقيقي يا دكتور ربنا معاك ويوفقك

[ELSHAMY]

يعني من السعودية كانت الحسبة 11500 ريال يعني 3504.434 دولار كندي

ومن المينا في كندا لمكان السكن ثلاث آلاف أو أربعة آلاف يعني الحسبة كلها على بعض 6504.434 أو 7504.434

يعني الحسبة بالمصري 31,582.6498 أو 36,438.206 جنيه مصري

دي تهريبة آثار دي ولا إيه؟؟

ده تجهيز عروسة جديدة يا دكتور :wub: آه .. آه إوعى يكون الفيلدمارشال سامعنا ولا حاجه تبقى مشكلة

نيجي للجد بئا

حقيقي يا دكتور ربنا معاك ويوفقك

ومين قال لك يا درويش ان الشامى وافق على النقلة الاخرانية....؟

حساباتك مش دقيقة يا صديقى....الصبر حلو لما تقرأ باقى الحلقات..

دايما كده مستعجلين...

[ELSHAMY]

يا دكتور ما تسيبك من الطب ووجع القلب

و تتجه للكتابة وتأليف القصص

وربنا هتكسب مكاسب خيالية

اسلوبك القصصى والله ولا بلال فضل ويوسف معاطي

تسلم يارب

لعلمك يا أبوالشباب..

بلال معاطى...و يوسف فضل دول...كانوا تلاميذ عند الشامى...بس ربك هو الرزاق... :wub:

أنا الحقيقة نفسى فى شاب مصرى زى حضرتك يكون عنده شوية وقت و يجمع لنا الكصة من أول ما الشامى فتح الدكان و يعملها ملف كده على بعضه...هو ده الشغل...

تسلم يارب....على فكرة أنا اسلمت من زمان... :lol:

[ELSHAMY]

ده تجهيز عروسة جديدة يا دكتور :wub:

وبعدين استنى...

عروسة مين دى اللى تتجهز بالمبلغ ده فى هذا الزمان...

دى و لا عروسة المولد...

[ELSHAMY]

يا دكتور ما تسيبك من الطب ووجع القلب

و تتجه للكتابة وتأليف القصص

وربنا هتكسب مكاسب خيالية

اسلوبك القصصى والله ولا بلال فضل ويوسف معاطي

تسلم يارب

لعلمك يا أبوالشباب..

بلال معاطى...و يوسف فضل دول...كانوا تلاميذ عند الشامى...بس ربك هو الرزاق... :lol:

أنا الحقيقة نفسى فى شاب مصرى زى حضرتك يكون عنده شوية وقت و يجمع لنا الكصة من أول ما الشامى فتح الدكان و يعملها ملف كده على بعضه...هو ده الشغل...

تسلم يارب....على فكرة أنا اسلمت من زمان... :)

على فكرة والله انا كنت هعمل الموضوع دا فعلا لاني تعبت جدا وانا بقرا الموضوع من أوله

وكان اكتر من 40 صفحة

وكنت بنأأي مشاركاتك واقراها عشان اعرف افهم القصة

وقلت احاول اجمع مشاركات الدكتور الشامي لوحدها في ملف والمشرفين يحطوه مرفق في اول صفحة عشان الناس الجداد في الموضوع يقروه بسهولة

ان شاء الله الفكرة هتتنفذ قريبا يا جنرال :)

تسلم يا أبو الشباب..

هى دى فعلا المساهمة الفعالة... :wub:

مش زى درويش اللى قاعد لى بالكلكيولاتور... :lol:

[ام بلال]

اللهم اني أسألك بحولك وقوتك أن توفق المسلمين الى ماتحبه ترضاه وتيسر لهم كل عسير و تكون معهم بقدرتك وعظمتك وتفتح لهم أبواب الخير في الدنيا والآخرة في بلاد المشرق والمغرب اللهم انك على ذلك قدير وبالإجابة جدير . اللهم آميييينننن

[ELSHAMY]

اللهم اني أسألك بحولك وقوتك أن توفق المسلمين الى ماتحبه ترضاه وتيسر لهم كل عسير و تكون معهم بقدرتك وعظمتك وتفتح لهم أبواب الخير في الدنيا والآخرة في بلاد المشرق والمغرب اللهم انك على ذلك قدير وبالإجابة جدير . اللهم آميييينننن

حياك الله ام بلال

عاوز اقترح عليكى تتولى قسم الدعاء فى جيش الشامى....

أهو منك تدعيلنا و تدعى على اللى فى بالنا ....

بارك الله فيك.....مش عاوز منك غير دعوة حلوة بعدكل حلقة..

[ELSHAMY]

اخوانى....اخواتى

السلام عليكم و رحمة الله

فتح الشامى عينيه ...لقى نفسه فى المستشفى..... ما تقلقوش....على مكتبه بيشتغل يعنى زى كل يوم.......

و أخذ الشامى يفكر...و يفكر...و يفكر...فى الورطة اللى اتحط فيها... و الأخبار المحبطة اللى جاءت من العميل اكس...

و فجأة مزق صوت رنين الهاتف صمت الحجرة...(حلوة قوى دى)

الشامى: ألو

واحد قريب الشامى عايش فى جدة: ألو...ازيك يا دكتور

الشامى: ازيك يا حمام ...أخبارك ايه..؟

قريبه: كله تمام....انت قلت لى حتروح فين فى كندا ؟

الشامى: لندن...

قريبه: لأ ..قصدى فى كندا

الشامى: يا بنى فيه مدينة اسمها لندن فى كندا....بتسأل ليه ؟

قريبه: أصل معايا واحد اتعرفت عليه من شوية و عايش فى كندا....و حبيت انك تتعرف عليه...

الشامى: واحد مين يا....

الواحد: ألو....(بان من لهجته انه تونسى...مغربى...حاجة كده)

الشامى: يا هلا...

الواحد: معك الدكتور الأسعد...

و بعد التعرف و الذى منه ...

الشامى: حضرتك ساكن فين ؟

الاسعد: فى مونتريال...للأسف بعيد عن لندن...

الشامى (و كأنه لقى لقية) : بعيد مين يا راجل ...ده انت عز الطلب...

الأسعد: أؤمر ...

و حكى له الشامى قصة الكونتينر اللى حيوصل مونتريال أول سبتمبر و هل يعرف حد يخلص الموضوع..

الأسعد: سهلة...سهلة... و لا يهمك...أكتب عندك رقم التليفون ده... هذا صديقى فيصل عنده شركة تخليص جمركى و شحن.... و مكان مكتبه أمام الميناء فى الحى القديم بمونتريال...

سقط الشامى على الأرض....بس المرة دى سجدة شكر لله اللى كرمه غرق الشامى و عيلته...

يتبع

[ELSHAMY]

الحمد لله

شكلها هتفرج وتحلو يا معلم قصدي يا دكتور

بس إيه ده يا دكتور

دي مش حلقة دي ... دي يا دوبك مشهد

تحياتي

المشهد التانى جاهز ...بس عايز شوية محايلات منكم....بعد شوية نشوف الأخبار ايه..؟

معلش يا درويش مش بايدى ... دى أصول الحبكة الدرامية

[ELSHAMY]

أخوانى...أخواتى

السلام عليكم و رحمة الله

طبعا الشامى ما كدبش خبر.... وبسرعة كان على الخط الأخر من التليفون أخونا فيصل...و هو أيضا من تونس الخضراء...

وبعد ما عرف القصة...رحب جدا....و أى خدمة يا دكتور...مادمت من طرف أخونا الأسعد احنا تحت أمرك...

طيب ايه المطلوب يا عم فيصل ...

قال الأوراق الأتية أرسلها لى بالفاكس بسرعة:

- بوليصة الشحن

- تفويض من الشامى باسم المكتب لتخليص الكونتينر من ميناء مونتريال

- صورة من نموذج بى 4

- لستة بمحتويات الكونتينر

بعد نصف ساعة كانت الأوراق المطلوبة على مكتب فيصل..

كلمته تانى: ايه الاخبار ؟

فيصل: كله تمام ...كده انت ما عليك شىء...احنا حننتظر وصول الكونتينر...و نقوم بالباقى...سيبنى أتصرف و ما تشيلش هم

الشامى: يعنى مش لازم أكون موجود عند استلام الكونتينر ؟

فيصل: أبدا...التفويض اللى أرسلته كافى....

طبعا الشامى ماكانش واخد على السلاسة دى بس طلعوا ناس محترمة و بيصدقوا الورقة اللى أى حد ممكن يضربها بمنتهى السهولة...

على فكرة...هناك كما ذكرت من قبل المفترض فيك انك صادق...لكن لو ثبت عكس ذلك فالمفترض انك تتعلق من رجليك على باب تورونتو...

بدأت الحياة يميل لونها الى اللون البمبى...

كده – ولله الحمد – الأمور ماشية باقى بس نسفر الجيش أولا الى تورونتو يوم 30 أغسطس و منها الى لندن عشان يلحقوا المدارس...

أما الشامى فكان له خطة تانية لأنه لازم يروح مونتريال يخلص موضوع الكونتينر و يدفع فلوس لفيصل لأن شركته لم يكن عندها امكانية الدفع بالكريدت كارد...

كان الشامى عايز يعرف يحجز امتى عشان يروح مونتريال و ده طبعا متوقف على ميعاد وصول الكونتينر...

دخل الشامى على النت يشوف حكاية الكونتينر و يتتبع مساره.....كان الكونتينر وصل الى ميناء هامبورج...و كان ميعاد الوصول دايما 1 سبتمبر لا يتغير....لحد دلوقت كله تمام....

الشامى احتياطا عمل حجز على 3 سبتمبر...و كان وجود مكان على أى رحلة طيران صعب جدا...أتاريه موسم عودة الناس و الطلبة عشان يلحقوا مدارسهم و كلياتهم...

فاتت أيام قليلة...و بدأنا ندخل فى الجد...ميعاد سفر الأولاد قرب...و الحجوزات مش متظبطة....نهايته...لقيت حجز على الخطوط البريطانية الى لندن و منها على أير كندا الى تورونتو....

بس طرأت مشكلة....لأن طيارة أير كندا كانت حتوصل تورونتو الساعة 10 مساءا.... و كان لازم على الجيش انه ياخذ مواصلة تانية الى لندن...يعنى يوصلوا الساعة 2 صباحا...وده معناه انهم يناموا فى الشارع لأن الست مسئولة السكن مش حتكون موجودة....

عرض العميل اكس انه يساعد...بس الشامى مرضيش يتعبه...

و كان البديل تغيير الخطة...دى طبعا ميزة ان يكون القائد عند رؤية واسعة للأمور... :egyflag:

كان الحل الوحيد تغيير ميعاد طيارة اير كندا الى ميعاد لاحق...الحمد لله لقيت ميعاد بعدها....بس ده معناه ان الجيش حيبقى ترانزيت فى مطار هيثرو حوالى 9 ساعات....ما علينا خليهم يتفسحوا...

انطلق الجيش الى مطار جدة....ثم مطار هيثرو... ثم مطار تورونتو ... و وصلوها فاتحين مهللين الساعة 11 صباحا....

لم تنقطع الاتصالات بين الجيش الباسل و غرفة العمليات الرئيسية فى جدة....كان الشامى يدير الأمور بجميع وسائل الاتصال السلكية و اللاسلكية...

ماذا كانت خطة الشامى لتوصيل الجيش الى مثواه الأخير ؟؟...لندن يعنى (بعد الشر عليهم....)

هذه تستحق حلقة جديدة...

يتبع..

[ELSHAMY]

ايوة كدة يا دكتورنا الجميل .. هى دى الحلقات ولا بلاش ونرجع لايام زمان ,,

يا راجل انا جسمى قشعر والله لما لاقيت الحلقة خلصت ولسة متشوق اعرف الباقى ...

بقى كدة يا دكتور.. انت بجد بجد مخرج وسيناريست وبطل جامد كمان فى مسلسل رائع

تصدق انا لو منتج كنت عملتلك مسلسل وسميتة عودة جيوش الشامى..

ربنا يوفقك يارب.. وبجد الواحد بيتعلم منك كتير اوى اوى .. ويوفق كل واحد كتب ولو كلمة فى المنتدى الرائع دة ..

اخى علاء

ألف سلامة عليك من القشعرة....لو أعرف ما كنتش ختمت الحلقة بالصورة المقشعرة دى... :lol:

أمال حتعمل ايه لو قريت حلقة بكره...؟...أنصحك تتغطى كويس...

ربنا ما يحرمنى من دعاء الصالحين أمثالك..

[ELSHAMY]

الحمد لله

شكلها هتفرج وتحلو يا معلم قصدي يا دكتور

بس إيه ده يا دكتور

دي مش حلقة دي ... دي يا دوبك مشهد

تحياتي

المشهد التانى جاهز ...بس عايز شوية محايلات منكم....بعد شوية نشوف الأخبار ايه..؟

معلش يا درويش مش بايدى ... دى أصول الحبكة الدرامية

بصراحه أول قصه مشوقه أقرئها :ninja: أحس كل موره أني حأولد مع أني مش حامل :lol: الله يباركلك ويفتح عليك ونور طريقك كمل الآن سنطلب ثلاثة حلقات في اليوم

يا أم ريهام حرام عليكى....3 حلقات مرة واحدة...

ما اشتغلش يعنى...

[ELSHAMY]

بالله عليكم يا جماعة..ما حدش شاف أم بلال...

اللى يشوفها يقول لها فين الدعوات بتاعت النهاردة...

انا مستنى...

[ام بلال]

يا دكتور الشامي ربنا يوفقك ويكرمك انت وعيلتك دنيا وآخرة ، أنا منصتة لحضرتك فقط ، ربنا قال في الحديث القدسي :"أنا عند حسن ظن عبدي بي ، إن خيرا فخير " حضرتك أحسنت الظن في الله ودعيت وربنا فرجها وكده ربنا دائما ، لا يخذل عبده الذي لا ينساه في السراء أكيد لما يكون العبد في ضراء هيقف معاه.

اللهم رب السموات السبع ورب العرش العظيم ربنا ورب كل شيء فالق الحب والنوى منزل التوراة والإنجيل والقرآن نعوذ بك من شر أنفسنا ومن شر كل دابة أنت آخذ بناصيتها أنت الأول فليس قبلك شيء وأنت الآخر فليس بعدك شيء وأنت الباطن فليس دونك شيء نسألك أن توفقنا جميعا لما تحبه وترضاه وأن ترضى عنا جميعا وتجعلنا من أهل فردوسك الأعلى اللهم إنا نسألك من خير ما سألك منه عبدك ونبيك محمد ونعوذ من شر ما استعاذ منه عبدك ونبيك محمد آمييييييننننننن

[ELSHAMY]

ايه يا جدعان...احنا حنقلبها ليلة القدر...

ادعيلى يا أم بلال...و انا كمان يا أم بلال...و معاكى دعوة بالمرة يا أم بلال...

لعلمكم مش عايزين نشغل أم بلال خلوها تركز...

الأخت أم بلال.....زى ما انتى شايفة جبتلك شغل كتير جدا..أيه رأيك تسيبك من موضوع كندا و تركزى فى موضوع الدعوات....حناكل من وراه شهد..........بالنسبة للثواب النص بالنص...اتفقنا...و الا حأقفل الموضوع ومش حتلاقى شغل...

و بالنسبة للأخوة القراء...اللى عايز دعوات يبقى يكتب لى رسالة خاصة لتقدير الرسوم و أنا حأتفاهم مع أم بلال....

ولكن مبدئيا التكاليف حتكون كالأتى:

- دعوة و السلام 1 ريال

- دعوة حلوة 5 ريال

- دعوة على المغرب و هى بتفطر 15 ريال

- دعوة فى الثلث الأخير من الليل 50 ريال

و هناك تخفيض للمجموعات و الطلبة....و اللى عندهم فايل نمبر....

تحياتى

[ELSHAMY]

أخوانى....أخواتى

السلام عليكم و رحمة الله

عرف الشامى من بعض أولاد الحلال – أمثالكم – أن هناك شركة لنقل الركاب بين مطار تورونتو و مدينة لندن أونتاريو...الشركة أسمها

Robert Q

و الميزة الكبرى انهم بينقلوا الركاب الى منازلهم...يعنى مش ينزلك فى المحطة و اتصرف انت....طبعا البعثة الشامية كان معاها 12 شنطة.... و الجيش حيكون منهك من المشوار السخن...

دخل الشامى على موقع الشركة على النت...عندك 5 ركاب يابنى...كتبنا أساميهم...و العنوان اللى حيروحوه فى لندن...... و طبعا كان فيه أسئلة عن ميعاد وصول الطيارة ...و خطوط الطيران...

ملحوظة: موقع الشركة بينصح انك تاخد اتوبيس يكون ميعاده مش أقل من 90 دقيقة بعد الميعاد المفترض لوصول الطائرة....

الراكب الواحد كانت تكاليفه 50 دولار.... و له شنطتين مجانى...و أى شنطة زيادة تتكلف 15 دولار...

تم الحجز.... و أعطيت رقم الحجز للفيلدمارشال قبل السفر...و على فكرة مكتوب فى الايميل اللى أرسلوه كافة تفاصيل مكان مكتبهم فى المطار...

...وصل الجيش الى مطار تورونتو....الاجراءات خلصت فى 5 دقايق...و بعدين على مكان الأوتوبيس اللى أخد طريقه الى مدينة لندن...

فى هذا الوقت كان الشامى على اتصال بأصدقائنا الموجودين فى لندن عرفتهم بوصول البعثة...و هم بدورهم اتصلوا بمسئولة السكن ...و وعدتهم انها حتكون فى الانتظار عند البيت و معاها المفاتيح....

وصل الاوتوبيس لحد باب البيت و كان اصدقائنا و المسئولة موجودين...

السائق نزل بنفسه الشنط كلها و كمان دخلها داخل البيت...لم يكن فى انتظار أى اكرامية...بس الفيلدمارشال قامت معاه بالواجب....كله من جيب الشامى...ما علينا...

كان أول يوم فى رمضان...و أفراد البعثة كانوا و لله الحمد صايمين بعد الأنتخة فى مطار هيثرو.....و رفضوا الافطار....الجيش استرجع روح غزوة بدر اللى كانت فى 17 رمضان و كمان نصر العاشر من رمضان اللى أعتقد انه برضه كان فى رمضان

...العيال طلعوا رجالة و طول عمر ولادك يا بلدنا رجالة...

طبعا البيت كان على البلاط...قصدى على الموكيت....

ماذا فعل أفراد الجيش الباسل فى الأيام الأولى للأحتلال....كيف ناموا..؟ كيف أكلوا... ؟ كيف....و كيف...؟

مش عارف....

هذه حلقة أخرى....

[ELSHAMY]

أعزائى انا عملت الأنترفيو في فبراير و الميديكال في نصف ابريل بعدين طلبوا فيش وتشبيه بعته من دبي وبعدين طلبوا فلوس التأشيرة وارسلتها في اخر يوليو و حتي الأن لم يطلبوا الباسبورات . بعت استفسر ردوا انهم مستنيين ال Roteen background results وحتى الأن لآ جديد. لو في حد عنده معلومات ياريت يفيدني انا قلقان جدا

تم الرد عليك برسالة خاصة

[ELSHAMY]

السلام عليكم ورحمة الله وبركاته

ربنا يكرمكم جميعا أخجلتم تواضعنا ، ده انتم الخير والبركة وطبعا الدكتور الشامي صاحب الموضوع ، أنا في الواقع باستخدم النصاحة الإيمانية ، لو دعيت لأخوتي في الإسلام الملائكة هترد ولك بالمثل ، يعني دعوتي فوقهم دعوة من الملائكة مجانا .

الإخوة والأخوات الأفاضل ربنا يجعلكم جميعا من سعداء الدارين ، ومن الموفقين برضا الله ، ويرزقكم بصلاح قلوبكم مع الله وذريتكم

و أزواجكم( الزوج تطلق على المذكر والمؤنث في اللغة العربية).

وصفة بنص ريال ( بعد إذن د. شامي) تزن طن:

- فز بدعوات الوالدين

- دعاء المسلم للمسلم بظهر الغيب مستجاب

- دعوة المسافر مستجابة

- احذر من دعوة المظلوم عليك

الله يلهمك الدعاء ويرزقك الإجابة ويثيبك على دعاءك له في كرم أكتر من كده.

بصراحة يا دكتور الشامي أنا أضم صوتي للأستاذ شاب مصري وتتجه للكتابة والله هتكسب دهب، أسلوبك مميز ربنا يكرمك

كعادتك أم بلال....أكرمتينا...و أغدقتى علينا من فضلك...

بالنسبة لموضوع الكتابة...الحقيقة أنا عايز حد يكتشفنى....

أخويا س س مطنشنى..

[ام بلال]

للمرة الخمستاشر أخجلتم تواضعنا والله يا جماعة أنتم بتبالغوا " قل إن الفضل بيد الله " يعني ربتا هو ضاحب الفضل علينا كلنا الذي علمنا ما لم نكن نعلم والذي هدانا بعد أن كنا ضالين ، ربنا يرزقنا جميعا شكر نعمته كما يحب ربنا ويرضى ونعوذ بالله من الكبر والعجب والرياء والنفاق ونسأله الثبات لنا ولكم حتى الممات.أسأل الله العلي القدير ألا يفتني بما تقولون وأن يجعلني خيرا مما تظنون.ربنا يكرمك يادكتور ويا أخت أم ريهام ربنا يجمعنا في فردوسه نحن وكل المسلمين ويجمعنا في كندا إذا شاء الله تعالى ذلك

ويرزقنا واياكم أجمعين رضا الرحمن.يارب آميييينننن