الشامى رجع من كندا يا رجالة

[ELSHAMY]

الف الف حمدلى على السلامة يادكتور

ان شاء اللة يكونو الاولاد والمدام بخير

تسجيل متابعة وربنا يعينك علينا مستنيين0000000000 وكلنا اذان صاغية

اختى الفاضلة ايناس

الله يسلم حضرتك من كل سوء....

كله تمام و لله الحمد

[ELSHAMY]

دكتورنا الشامي القائد المغوار عفوا عن هذا الخلل الفني نسيت اقوللك الله ينور عليك المرة اللي فاتت لكن هيهات.

يا باشا تسلم ايديك والله ينور عليك الف الف مرة. يعني انا امبارح ماخشش النت الاقي النهاردة 136 ميل من المحاورات. مش بس كدة. ونصهم عندك انت بس ياريس. لا بجد الله ينور عليك.

والاشد انك قدرت تجند دكتورنا العزيز وصاحب قسم الطموح والعزيمة والروح المعنوية العالية دكتور هشام باشا. والاشد من ذلك الاندماج التام بينك وبين مؤسس جمعية الفك المتدلي ايهاب باشا. لا لا فعلا الله ينور عليك.

اصبح الان كل عشمي هو وصول جواب الفيزا باسرع مايمكن عشان طموحي الانضمام لفريق الفك المتدلي واستلام مهامي في الجيش الشامي.

تحية طيبة ومعطرة من قطر ليك يادكتورنا. واحب ابلغ باشمهندس ايهاب انة تم الاستيلاء والاكل عند كل المطاعم بتاعة الفول ابو حمص المهمة في قطر. وجاري تغير الاسم لها.

والله ينور عليك.

وعليك يا سامح باشا

سلامى لكل أهل قطر....

ربنا يسهل لك الأمور

[ELSHAMY]

تسجيل متابعه واحكي بسرعه الله يرضي عليك ول اقلك حلقتين في اليوم اضن كل المشاهدين :rolleyes: موافقين يل همتك :rolleyes:

كيف حالك أم ريهام

ان شاء الله تكونى و الأسرة الكريمة بخير

ماقدرش أرفض لك و لا كل الحبايب أى طلب.....

اليوم حتنزل حلقة جديدة ان شاء الله....

مطلوب دعوة قوية لأهلنا فى غزة....الله يثبت أقدامهم و يرحم شهدائهم

تم تعديل 9 يناير 2009 بواسطة ELSHAMY

[ELSHAMY]

يخرب بيت الساسبنس

يا دوك إحكي على طول

مش هأعرف انام كده

المهم ...... عرفت تجند د / هشام أثناء لقائكم في المطار و الا نزق عليه ساره

الحمد لله قائد جناحنا العسكري الدكتور التهامي طلع صلب و معترفش في مصر على حاجه

معاك رئيس المكتب السياسي للحركه

ملحوظه : معرفتش اخبي الأسلحه في الباك يارد زي ما امرتني

أصل انا معنديش باك يارد أصلا .... سبتمبر القادم إن شاء الله سنصبح من أصحاب الباكياردات إذا ربنا أراد

أنا خبيتهم في البلكونه تحت التلج

البوب الكبير

الدكتور هشام دلوقت بقى من رجالتنا و تقدر تعتمد عليه.....خبى البضاعة عنده فى سانت كاثرين عشان أنت العين بقت عليك...

لو اتمسكت ...أكتم ايمانك.....أنا لا أعرفك و لا شفتك....

التهامى مأنتخ فى البريمة و شكله باع القضية....لما يجيلك فى فبراير ابقى ظبطه.....

صبح....صبح

خلاص يا باشا... فضيتلك ، وأسحب كرسي ع القهوة بتاعتك... شرّيب مستديم... واحد سحلب يابني هنا :rolleyes:

تهامى الحبيب...

كبر دماغك عن المشاكل....

احنا هنا ابتغاء ثواب الله و فايدة أخواننا و أخواتنا فى كل مكان...

أنا شخصيا لا أتصور البعد عن كل حبايبى فى المنتدى.....

راجع نفسك أخى الفاضل و أجعلها عودة فى سبيل الله....

[ELSHAMY]

ألف حمدالله على سلامتك ورجوعك بالسلامة وإطمئنانك على الاسرة والاولاد

ورجاءا يادكتورنا تطول الحلقة شويتين

وشكرا :rolleyes: :rolleyes:

أخى الفاضل أبو نور

شكر لكلماتك الطيبة....

حنحاول نطول الحلقة ان شاء الله عشان خاطرك...

[ELSHAMY]

يخرب بيت الساسبنس

يا دوك إحكي على طول

مش هأعرف انام كده

المهم ...... عرفت تجند د / هشام أثناء لقائكم في المطار و الا نزق عليه ساره

الحمد لله قائد جناحنا العسكري الدكتور التهامي طلع صلب و معترفش في مصر على حاجه

معاك رئيس المكتب السياسي للحركه

ملحوظه : معرفتش اخبي الأسلحه في الباك يارد زي ما امرتني

أصل انا معنديش باك يارد أصلا .... سبتمبر القادم إن شاء الله سنصبح من أصحاب الباكياردات إذا ربنا أراد

أنا خبيتهم في البلكونه تحت التلج

البوب الكبير

الدكتور هشام دلوقت بقى من رجالتنا و تقدر تعتمد عليه.....خبى البضاعة عنده فى سانت كاثرين عشان أنت العين بقت عليك...

لو اتمسكت ...أكتم ايمانك.....أنا لا أعرفك و لا شفتك....

التهامى مأنتخ فى البريمة و شكله باع القضية....لما يجيلك فى فبراير ابقى ظبطه.....

صبح....صبح

خلاص يا باشا... فضيتلك ، وأسحب كرسي ع القهوة بتاعتك... شرّيب مستديم... واحد سحلب يابني هنا :rolleyes:

القهوه كده بقت متلغمة عالأخر

ثلاث من القياديين الكبار في موقع واحد - الشامي وايهاب وتهامي - ده خطأ تكتيكي واضح

أنا مستعد للتجنيد يا د

لكن والله شوف لي أي خلية نايمة أحسن أنا بحب النوم موت

تسجيل متابعة واعجاب :rolleyes:

أخى el faid

شكرا لمرورك و كلامك الجميل...

كفانا نوم يا صديقى....جيوشنا لازم تفوق وتصحى......

حى على الجهاد.....أديك شايف اللى بيحصل...

[ELSHAMY]

طيب يمين بالله انك زى العسل يادكتور :rolleyes: :rolleyes: :happy: :sad: :lol:

بجد ربنا يكرمك ويزيدك من فضله

سؤال كده على جنب

ايه رايك فى مطار O'HARE

حلو وللا اى كلام؟

مطار ضخم جدا جدا و منتهى الشياكة و النظام...

يمين على يمينك....أنت اللى عسل...

[ELSHAMY]

متابعين و صف أول....إيه يا دوك العظمة دى كلها..........حاجة تفرح بصراحة كدة أنام بدماغ عالية طحن :rolleyes: :rolleyes:

يلا اصحى بقى كفاية نوم....

الحلقة الجديدة بعد قليل.....أقريها و نامى تانى....

معلش سهرتك امبارح....

تحياتى

[ELSHAMY]

احنا ماضحكناش كدة ييجي من بتاع شهرين :rolleyes: :happy: :sad:

انت راجل سكر مكرر اقسم بالله

ماتتاخرش علينا انا في عرضك :rolleyes:

شكرا يا زناتى

حلقة النهاردة حتضحكك أكتر.....

حالا حتطلع من الفرن...

[ELSHAMY]

أخوانى…أخواتى الأحباء

السلام عليكم و رحمة الله….

صلوا على النبى..

تكلم الطيار أولا باللغة الايطالية قائلا:

لا كوستا بيلو انديامو نومو...... باستا كورتا ألتوبيللى.... مطاراتو تورونتو مقفولاتو .....ثلجو كتيراتو.... مش شايف قداماتى.....مش عرفتو روحتو فينو... اخر كلامو مطاراتو شيكاغو امريكانو....مع السلامو عليكو

الركاب فى نفس واحد قالوا : واااااااااااو....

فهمت القصة من غير ما انتظر الترجمة بالانجليزية….

طبعا الشامى كان عامل حسابه عشان يفهم الطلاينة بيرطنوا ازاى وبالفعل استغليت ساعات الترانزيت فى روما و قريت كتاب كيف تتعلم الايطالية فى اربع ساعات الا ربع.. ..... (ملحوظة: أوعوا تصدقوا...)

و للأخوة اللى ما يعرفوش ايطالى كانت ترجمة كلام الطيار ان مطار تورونتو مقفول نظرا لعاصفة ثلجية عنيفة و الحل الوحيد كان النزول الى مطار شيكاغو فى أمريكا...

حلو الكلام...مغامرة جديدة جات لك على الطبطاب يا أبو الشام....حقيقى المثل اللى قال " يتأمرك المرء رغم أنفه "....ها أنا ذا لم أسعى الى دخول أمريكا و هاهى ذى تستقبلنى غصب عن عين كونداليزا رايس....

و نظرا لتأصل نظرية المؤامرة فى الوجدان العربى بدأ الفار يلعب فى عبى.... و ماكانش معايا سم للفيران....

يا ترى ال CIA عرفوا ان القائد الشامى على متن الطيارة فقرروا يخطفوها و يطلبوا فدية من المنتدى...؟؟

الحقيقة ما كانش عندى أدنى شك انكوا حتتأخروا فى دفع الفدية....

و لا ايه ؟

يا ترى بوش حب يعمل ملعوب فى أوباما و يجيبلوا الشامى عشان ينافسه فى الانتخابات الجاية...؟ ممكن...

يا ترى الامريكان كانوا عايزين يستفيدوا من خبرة الشامى فى الهجرة الى كندا عشان ياخدوا الباسبور الكندى...؟ ؟ وارد....

كان هناك ألف احتمال يدور فى راس الشامى عن سبب اختطاف الطائرة...

بس ذنب الركاب التانيين ايه ؟

بعد حوالى ساعة طيران أخرى حلقت الطيارة فوق مطار شيكاغو.... واضح ان الدنيا مليانة تلج برضه....يعنى ما أصخم من ستى الا سيدى...كان علي ايه اللف و الدوران ده كله...ماهو تلج بتلج ...درجة الحرارة كانت – 5 .....

هبطت الطائرة و كان واضح جدا على طاقمها التخبط التام...مش عارفين يجاوبوا على أسئلة الركاب.... حنروح فين ؟ و لمدة قد ايه ؟ و حنبات ولا حنسافر ؟ ...طب حننزل من الطيارة و لا حنطير تانى....

البنت الكندية اللى كانت قاعدة جنبى مثلها مثل باقى الركاب أصابها احباط شديد...كان معظمهم جايين كندا لقضاء اجازة الكريسماس لقوا نفسهم فى أمريكا و مش باين لهم صاحب....

بدأ الطاقم بتوزيع طلبات الحصول على الفيزا لدخول الجنة الموعودة.....لخبطة شديدة لمدة ساعة كمان لما اتخنقنا....أخيرا أفرجوا عنا .... نزلنا المطار و بعد مشوار طويل لقينا نفسنا فى صالة الجوازات مع طابور طويل فيه ألف نفر تقريبا....

وصل الشامى الى ضابط الجوازات.....أخد الباسبور و ال PR Card و قعد يخبط فى الكمبيوتر اللى قدامه..... وكل شوية يبص لى بصة طويلة كأنه مش مصدق انه وجها لوجه مع القائد الشامى.....

قلت فى نفسى....أخيرا وقعت يا أبو الشام.... عرفوا يصطادوك.. ياترى حيعملوا فيك ايه.....؟ مالهاش حل.... دلوقت ينادوا على العساكر و يتكهرب الجو و يحطوا فى ايديك و رجليك الحديد و تلبس أحمر....و على جوانتانامو عدل...

و دار بخاطرى شريط ذكريات حياتى...و افتكرتكم كلكم.... وقلت قد ايه حافتقدكم...و يا ترى حتعملوا حملة للافراج عنى على الفيس بوك و لا حتقلبونى ...مش عارف..و افتكرت مصر...و ترابها...و الاغنية اياها اللى بتيجى فى مخى مع المناسبات اللى زى دى...انا مصرى و أبويا مصرى........ماشربتش من نيلها....

و فقت من الاحلام على صوت ضابط الجوازات :

....على جنب يا شامى خلف الخط الاسود اللى هناك........ وبدأ العساكر فى الظهور…..

و بدأت أم المعارك.....

يتبع

وكتاب الله الى يمس شعرة منك يا شامى لاكون منيمك من الظهر يا شيكاغو

محمد هنيدى ( فى فول الصين العظيم)

ما تخغش يا با شا وراك رجاله تكل الزلط :happy: :rolleyes: :rolleyes:

لما نشوف....

[ELSHAMY]

:rolleyes:

واااااااااااااااااااااااااااااااااااااااااااااااااااااااااااااااااو

:rolleyes:

ايه ده.....

انتى كنتى معايا فى الطيارة....

[ELSHAMY]

دكتووووووووووووووووووووووووووور الشامي

الف حمد لله على سلامتك أنا و الله كان النت عندي معطل

و فاتتني البدايه كان لازم أكون في الصفوف الاولانيه لكن معلش

في الاستراحه هقوم و أزاحم على ( رأي د/ تهامي و هوه بيحكي

عن المترو في مصر ) يمكن حد من الي قاعدين في الامام يقوم

و يقعدني :rolleyes: :happy:

بس بجد حاجه جامده أوي و عوده قويه و قصص مشوقه

و مواقف مضحكه وووووووووووو ومش عارفه أوصف بايه

تاني :sad:

احنى معاك يا دكتور النوم طار من عيني خلاص :rolleyes:

أختى بنت مصر

فيه واحد صاحبى عنده كرسى فى الصف الاول عايز يبيعه....

لو عاوزاه ابعتى شيك ب 50 دولار على عنوانى.....

شكرا لكلامك الجميل

[ELSHAMY]

يا قفلاتك يا دكترة

لا و تمكن تام من اللغة الأيطالية كمان :rolleyes:

متابعين يا باشا

....و بأعرف كمان عربى و انجليزى و شوية فرنسى......

متابعتك شرف لى....

تم تعديل 9 يناير 2009 بواسطة ELSHAMY

[ELSHAMY]

تسجيل متابعة يا دكتورنا الحبيب أهم حاجة اوعى تكون جبت سيرة التنظيم بتاعنا الله يخليك

شرف لى يا باشا وجودك...

...أهم حاجة الصمود و الثبات....و...

الشجب و التنديد أحيانا......

تم تعديل 9 يناير 2009 بواسطة ELSHAMY

[ELSHAMY]

اية الحلقات الجامدة دي يادكتور.

الله ينور عليك. اسلوب قصصي رائج بجد. ودية هبة بجد من الله.

انا بجد شايف انت تفكر جديا في طبع قصة الشامي. الموضوع ممكن بجد يبقى مجدي. واعتقد ايضا انك تطلق العنان لقلمك في التاليف القصصي ممكن يكون لية مردود مادي ممتاز. فكر بجد في الموضوع دة.

تعرف تتبنانى....

عندى قصص كتيرة......

[ELSHAMY]

الله ينور يا دكتور .............. و حمدالله على السلامة ............. معلش جت متأخرة حبتين

متابععععععععععععععععععععععععععععععععععععععععععععين

الله يسلمك يا مديح....

متسجل غياب يا باشا.....

تم تعديل 9 يناير 2009 بواسطة ELSHAMY

[ELSHAMY]

أخوانى و أخواتى الأحباء....

السلام عليكم ورحمة الله

بمرور الوقت تراكم خلف الخط الأسود عشرات المسافرين.... طبعا المسافرين أصحاب الجوازات الكندية مروا الى الاراضى الامريكية مرور الريح...فى ثوانى اجراءاتهم خلصت و بقى الدور على أمثالنا من أصحاب الباسبورات اللى لا بتودى و لا تجيب...لأ الحقيقة هى ساعات بتودى بس فى داهية.....

جاءت ولية بملابس عسكرية من ضباط المطار وشها يقطع الخميرة من البيت و لمت باسبوراتنا من ضباط الجوازات و طلبت منا أن نتبعها الى مكان مجهول....على جنب كده كان فيه ممر صغير يؤدى الى غرفة كبيرة الحجم عليها اتنين عساكر حراسة الواحد منهم زى الهلف طوله مترين و شكلهم نسوا ازاى يبتسموا ...كأنهم لو ضحكوا حيفك اللحام بتاع وشوشهم.....

الشامى ما كانش بيحب هذه النوعية من خلق الله....توجست خيفة من المصير المجهول.... هيا موتة و لا أكتر....أهم حاجة يا أبو الشام الثبات....الثبات....و ماتعترفش بحاجة حتى لو عذبوك....أنت راجل قدوة....

الغرفة كبيرة و فيها صفوف من الدكك الخشبية اللى مالهش ضهر....متعبة جدا فى القعدة... أمامنا منصة كبيرة يجلس عليه ثلاثة ضباط خلف عدة شاشات للكمبيوتر....ووراهم على الحيطة مكتوب ادراة الهجرة الامريكية مع سارية عليها علم أمريكى ضخم.......المنظر كله يبعث على الرهبة كأننا معتقلين....الغرفة كان بها ناس من كل الجنسيات....شفت حتة فاضية قعدت فيها و قد حل عليا تعب الدنيا كلها...

الجميل انى كنت هادى جدا...باتفرج على التمثيلية اللى بتحصل قدامى كأنى بأشوف فيلم....أصل لما تفوض أمرك لله و مايكونش فى أيدك حاجة تعملها حيكون ايه فايدة القلق...

بدا من طريقة تعامل الضباط مع الناس ان الليلة مش فايتة...كانوا فى منتهى العجرفة و الصلافة و الكبرياء ...عندهم شعور أنهم أصحاب مفاتيح الجنة.....كثر الشخط و النطر فى الناس اللى منهم كتير لا يتكلموا الانجليزية....ولما واحد حب يتكلم فى الموبيل بتاعه عشان يطمن أهله صرخ فيه كبير الضباط بشكل مستفز قائلا بوش عكر:

غير مسموح لك بعمل أى شىء فى هذه الغرفة الا بأذنى....مافيش كلام فى التليفون الا بأذنى...انتم هنا تحت أمرتى.....ليس لكم الحق فى أى فعل حتى ننظر فى أمركم.....

الراجل الغلبان قفل التليفون...و قال له: كنت عاوز أطمن أهلى

الضابط: اللى عاوز يتكلم يرفع ايده...و يستأذن و الكلام يكون من التليفون اللى على مكتبى و باختصار...

بدأ الناس فى رفع أيديهم زى التلاميذ و فيهم العجائز و السيدات...و الباشا يختار منهم على مزاجه...و كل ما حد يروح يتكلم يقول له: باختصار و بسرعة....

أنا تليفونى كان شحنه خلص....و كانت الساعة بقت حوالى 6 مساءا....حتى أولادى ما يعرفوش أنا فين...كنت مفهمهم انى حأكون عندهم الساعة خمسة بالكتير.....وقلت زمانهم افتكرونى اختفيت فى العاصفة الثلجية..... و لا عملت حادثة فى السكة....

اضطريت أسفا انى أنضم لجموع رافعى الأيدى حتى أحظى بموافقة صاحب العزة الأمريكى الجلف اللى قاعد على المنصة بيتحكم فى خلق الله..

أخيرا شاور لى.... : انت تعال...

قلت فى بالى يا بن اللذينا...انت لو تعرف بتكلم مين....أنا الشامى ياض...ده حبايبى فى المنتدى لو عرفوا حيقطعوك....

معلش لو كان لك عند الأمريكانى حاجة قول له يا قطران....

رحت عند القطران و قلت له عايز أكلم أسرتى فى كندا....قالى باختصار ...

ألو يا بندر....أيوه أنا وصلت ... لأ مش تورونتو.....شيكاغو...أه و الله شيكاغو.....أه بتاعة أمريكا.....مطار تورونتو كان مقفول...يا بختك ايه....ده العملية شكلها فى الضياع....ربنا يسهل مش عارف...لما أعرف حأحاول أتصل تانى...مع السلامة...

و فجأة قام رجل عجوز يبدو انه من جنسية شرق أوروبية و هجم على المنصة ... كان شكله اتخنق من القعدة وقال للضابط: انت بتعمل فينا كده ليه ...احنا مش عايزين ندخل بلدك أساسا...و لم يكن لنا رغبة فى ذلك.....و....

يا ترى حصل له أيه ؟....و ايه كانت ردة فعل القطران...

يتبع ...

[ELSHAMY]

تصدق يا دكتور شامي انا دمي اتحرق ؟

لعنة الله عليهم وعلى بلادهم

فاكرين خلاص اعجزوا في الارض

هاينتهوا زي ماللي اتجبروا قبلهم انتهوا وتظل الارض لله يورثها من يشاء

كمل كمل انا محتاج لمون اهدي اعصابي

كانوا فى منتهى الاستفزاز...

وعندك واحد لمون للمعلم زناتى عشان يهدى أعصابه....

ما عاش اللى يعصبك يا ياشا....

[ELSHAMY]

عم الامريكان و المترجم الفورى الطليانى د الشامى

اسجل متابعة و اعجاب وقهقه أخترقت الباب

اقبلنى عضو شريب دائم (يعنى السحلب يكون وصاية مش كروتة)

مقبول يا أخى الفاضل عضو دائم....

بس ايه أخبار الباب دلوقت

[ELSHAMY]

من شباك الطائرة كان منظر سلسلة جبال الألب ذات القمم الثلجية البيضاء أكثر من رائع...تتناثر بينها قرى و منازل ريفية صغيرة...

دايما الواحد بيقرب بمشاعره جدا من ربنا لما يكون فوق السحاب.... المرة دى جالى خاطر غريب و احساس بمدى ضعف هذا المخلوق الذى يدعى الانسان أمام الله صاحب مثل هذا الملكوت الواسع.... أكيد هناك فى هذه البيوت أسر تعيش يرزقها الله من فوق سبع سماوات...وهذا الانسان الخيبان مازال يجادل فى أحقية هذا الاله بالعبادة...بل و يزيد الطين بلة بمعاصيه و جحوده و نسيانه ....و مازال الرزاق يطعمه و يسقيه..

تسجيل إعجاب ومتابعة لتلك التأملات............... فى صمت

عندما يأتى الرد من صاحبة القلم الراقى يكون الصمت غير مقبول...

أسمعينا و أمتعينا بمشاركاتك