الشامى رجع من كندا يا رجالة

[ELSHAMY]

السلام عليكم دكتورنا الفاضل الشامي وجميع الاخوة والاخوات

اولا احب اعرفك ان احنا خريجي مدرسه واحده من اسكندريه العباسيه الثانويه العسكريه في محرم بيك وده شيء فرحني جدا اني الاقي حد من المدرسه العريقه اللي فغلا خرجت رجاله مخلصه زي حضرتك كدة.

ان شاء الله دكتورنا الغالي انا منتظر يبعتولي عشان استلم الفيزا لاني خلصت الميديكال من شهر 11 اللي فات ودعواتك ربنا يتمها على خير ان شاء الله .

وانا بقراء في المواضيع الخاصه بالهجره لاقيت حل تقريبا لكل المشاكل اللي ممكن تواجه العائله اللي نازله تعمل لاندنج وراجعه تاني خاصة اني بشتغل في الكويت وناوي ان شاء الله اني استغل السنتين السماح لحد ماستقر نهائي ان شاء الرحمن لكن لاحظت ان في مشكله معقده هتواجه الواحد خاصة اللي نازل يعمل لاندنج لفترة 10 ايام او اسبوعين وهي ه الصور اللي مش مطابقه الخاصه بكرت البي ار الواحد هيعمل ايه لو بعد ما نمشي لقينا هم بيقولولنا الصور مش مطابقه تعالو اتصوروا تاني ايه الحل من تجربة حضرتك وازاي الواحد يتصرف في حاله زي دي .

اسف اذا كنت تقلت عليك لكن والله الواحد بيثق في كلام حضرتك لما شهدته من اخلاص حضرتك في افادة الجميع .

على فكره اخوك اسكندراني كمان وعاشق لترابها الزعفران

تقبل تحياتي لك ولجميع الكتيبه الشاميه اللي يارب يكونوا بخير وسعاده ومتهنيين بدفا حنانك وانت جمبهم.

والسلام عليكم ورحمة الله وبركاته

الظاهر مافيش فايدة.....

ال C I A ورايا ورايا......

و انت يابنى عرفت منين ان انا خريج العباسية يمكن من احداث الرحلة التالتة....بس أحييك على انك قريت بتركيز....(العباسية دى مدرسة فى أسكندرية مش مستشفى فى القاهرة لذا لزم التنويه)

بالنسبة لموضوع الصورة مافيش حل غير انك تحاول تاخد بالاسباب و تستوفى جميع شروطها حتى تتجنب انك ترجع من الكويت للتصوير مرة أخرى ...لا قدر الله....

تحياتى لك و للأسكندرية و حبايبنا فى الكويت....

[ELSHAMY]

الدكتور العزيز الشامى

تحية تقدير و اعجاب بكل كلمة كتبتها

مش عارف لية عايز اقولك تسلم ايدك.. يمكن عشان كلامك وجبة دسمة من المعلومات و المعرفة..... عارف حاجة كدة زى فتة الكوارع (يا رب تكون بتحبها) او طاجن بامية باللحمة الضانى (سورى لو كنت جوعتك).

المهم... فعلا شكرا و يا رب نقدر فى يوم نرد جمايلك

انا كلامى "كوارع" :happy: .....و بامية كمان..... bv:- ماشى يا دكتور....

عموما بالهنا و الشفا.....

شكرا لك....و يارب يعمل لك الخير...

مافيش بينا جمايل ....دى واجبات الأخوة الانسانية.... و خير الناس أنفعهم للناس....

خالص تقديرى

[elafifi]

دكتورنا الغالي انا مقدم عن طريق محامي زي حضرتك هل هينفعني في موضوع البي ار انه يستلمه عني ويبعتهولي ولا ما ينفعش يا ريت تقولي تجربة حضرتك مع المحامي هل افادك في موضوع البي ار اصل قلقان اوي من موضوع لتحصل مشكلة الصور اللي مش مطابقه دي ومش عارف اتصرف ازاى.

زهقتك انا من موضوع الصور دي بس معلش عشمي فيك كبير يا كبير وتقبل تحياتي

[ELSHAMY]

دكتورنا الغالي انا مقدم عن طريق محامي زي حضرتك هل هينفعني في موضوع البي ار انه يستلمه عني ويبعتهولي ولا ما ينفعش يا ريت تقولي تجربة حضرتك مع المحامي هل افادك في موضوع البي ار اصل قلقان اوي من موضوع لتحصل مشكلة الصور اللي مش مطابقه دي ومش عارف اتصرف ازاى.

زهقتك انا من موضوع الصور دي بس معلش عشمي فيك كبير يا كبير وتقبل تحياتي

فعلا المحامى قام بالدور ده ....

يارب الصورة تطلع حلوة.....بس إنت أضحك...تطلع حلوة...

الله معك

تم تعديل 24 ديسمبر 2009 بواسطة ELSHAMY

[ELSHAMY]

الأخوة الأعزاء

Ahmedosman - elpalasy - elafifi - myusername - Dr remon

الحمد لله أنا بخير...شوية مشاغل.......بس كتير قوى...

حلم حياتى الأن انى أقدر أكتب لكم الانطباعات بعد 16 شهر من الأستقرار....عندى كثير من المشاهدات و الدروس.....بس فعلا مش لاقى وقت خالص...

كمان بأفكر جديا- بناءا على نصائح كثيرين - انى أجمع مغامرات الشامى مدعومة بشوية صور و خرائط و حاجات و محتاجات و أنزلها فى كتاب.

ياترى ايه رأيكم جميعا....؟

بس برضه مش فاضى.... wst::

ادعولى

[ELSHAMY]

عزيزي د/الشامي

بما إنك مشغول ولن تستطيع سرد أحداث سنة كاملة أو أكثر فسوف أعطي لنفسي الحق

( بعد إذنك ) لأسأل أسئلة محددة عسى أن تكون نواة للمشروع الكبير ( الكتاب ).

# هذه أحياء لندن ، فما هي أحسن خمسة أحياء من حيث :

- السكن

- المدارس

- المواصلات ( على ماعتقد لابد من وجود سيارة )

و لك منا جزيل الشكر

تحياتي

http://www.london.ca/d.aspx?s=/About_Londo...eighborhood.htm

أخى أحمد

بالنسبة لمدينة لندن كقاعدة فدائما الأحياء الشمالية ارقى "الى حد" من الأحياء الجنوبية.... و هذا الكلام ينطبق على المدارس الموجودة فى هذه الأحياء...

يعنى أحياء مثل : FANSHAWE و STONEYBROOK تتميز بالهدوء و رقى السكان و لكنها من ناحية أخرى أغلى و تحتاج بحث مكثف شوية للحصول على سكن لأن معظم السكان أصحاب بيوت...لكن يمكن مع شوية بحث العثور على السكن المناسب.

أحسن مدرسة ثانوى هى مدرسة A B LUCAS

على فكرة أنا لما أقول أحسن أرجو أن تعرفوا أن الموضوع نسبى جدا....يعنى أنا لا أرى فروقات رهيبة بين المدارس نظرا لأنها كلها تتبع نفس النظام...و أقل مدرسة فيهم أحسن من أحسن مدرسة فى مصر مثلا....

بالنسبة للمواصلات يوجد شبكة أتوبيس تغطى معظم أحياء المدينة...و مواعيدها مضبوطة بالدقيقة....

لكن طبعا وجود سيارة خصوصا فى الأيام التلج زى اليومين دول (وصلت الحرارة الى 22 تحت الصفر)....هذا أمر ليس فيه فصال.... عربيتك تحت أيدك لأى ظرف طارىء...

التاكسات و الليموزين متوافر لكن بالاتصال التليفونى و يجيلك لحد البيت....

صعب انك تلاقى تاكسى ماشى فى الشارع و تشاور له يقف

تحياتى للجميع...

[ELSHAMY]

السلام عليكم يادكتور الشامي

انا اخوك محمد جلال - محامي بس اريد حلا

انتقلت انتقال كامل من دبي الى الكويت حسب ظروف العمل .

انا مستلم الفايل نامبر من تاريخ 10-2007 فيدرالي , مقدم من دبي من خلال مكتب لندن , ومقدم باسم زوجتي فلسطينية من عرب 48 مولودة في اللي ماتسماش وعندها اقامة وجواز اردني و ايضا لانها افضل مني من ناحية الدرجة العلمية والتخصص ومن نواحي اخرى وانا بحمد ربنا على كدة عشان هي طبعا اللي عملت امتحان الايلتس مش انا .

ولكن بصراحة لظروف صعبة وقعت في مشكلة طفيفة في دبي وبالتالي اصبح متعمم عليا فاصبح من الصعب الحصول على شهادة حسن سير وسلوك من دبي ( الصحيفة الجنائية ) بالرغم من ان مافيش حكم ولا حاجة مجرد بلاغ كيدي ولكن دبي تطبق تقريبا في الموضوع ده القانون الانجليزي ان بمجرد الادعاء عليك بمركز الشرطة لا يحق لك الحصول على صحيفة جنائية الا ان تنتهي القضية تماما ( وطبعا يبقى معاه ربنا الواحد في الانتظار ) يعني الاجراءات في دبي طويلة جدا .

ربنا كريم ومع الجميع انشاء الله .

طبعا انا لما عملت الفورم اللي تم تقديمه في اول اجراء واللي يتطلب مكان عملك والاقامة لو كنت خارج بلدك , وانا طبعا قدمت اني شغال في دبي وبقالي اكتر من 6 اشهر مقيم فيها وبالتالي هم عندهم فكرة في الفورم الاساسي اني كان عندي اقامة بدبي واقمت فيها اكتر من ستة اشهر ( فايامصيبتاه)هههه يعني لا مهرب اني اجيب المستند على حد علمي .

هم على العموم حتى الوقت الراهن مطلبوش مني الصحيفة الجنائية بس انا لازم اكون على استعداد .

انا مافيش مشاكل اني احصل عليها بالنسبة لمصر والكويت والمدام مافيش مشاكل في ان تحصل عليها من اسرائيل والكويت ودبي , هي المشكلة عندي انهم مش عايزين يدوني الصحيفة عشان السبب اللي ذكرته سابقا.

لذا ارجو نصحي ماذا افعل ؟ مع العلم ان في مهندس قال لي ممكن يعملهالي ( متفبركة) نفس الورق واللي لازي منه على اساس ان الموضوع بايظ بايظ , بس انا مش عايز الا لما اطرق جميع الابواب للوصول الى حل آمن .

وجزاك الله خير

أخى الفاضل

تم الرد عليك فى بريدك الخاص...

[ELSHAMY]

سلام عليكم جميعا وخصوصا الدكتور الكبير

والله يادكتور انا خدت بنصيحتك و صرفت نظر عن الورق اللي بالي بالك .

اتصلت اليوم بالقيادة العامة لشرطة دبي وقالو لي اعمل كارت بصمة بالكويت و صدق عليه من السفارة الامارتية وابعته لاي شخص معاه توكيل منك في الامارات ويقدم وانشاء الله ممكن تطلع .

وحجرب وانشاءالله الفيش يطلع بأه لاني بقيت على اخري من الموضوع ده .

ادعيلي ياكتور الله يرضى عليك

"ومن يتق الله يجعل له مخرجا و يرزقه من حيث لا يحتسب"

أبشر بكل خير

تم تعديل 12 يناير 2010 بواسطة ELSHAMY

[ELSHAMY]

دكتورنا العزيز ممكن حضرتك تفيدنا بجزء من خبراتك فيما يتعلق بالمعادلة الكندية للاطباء و ايه انطباعات حضرتك عن فرص العمل بعد عمل المعادلة ؟

منعا للتكرار

أنصحك بقراءة موضوع الأخ الفاضل د. أسكندرية تانى "للأطباء كيف تقدم لأمتحان MCCEE

وأيضا موضوع الدكتور هشام ابراهيم "قصتى مع كندا"

[ELSHAMY]

بندحرج التماسي و بنجدد العهد و نواصل الدعاء المستمر لكبير العيلة الكندية القائد المظفر الدكتور الشامي و بقية الكتيبة كمان bsh:)

\\

ربنا يكرمك يا حبيبي ...

كلك ذوق....من يوم ما عرفتك و أنت مثال الأخلاق العالية و الاحترام...

خالص تحياتى

[ELSHAMY]

الأفاضل alafifi - ramyfathalla - resalah

الاحباء جميعا...

اشكر لكم مشاعركم الطيبة نحوى...

ان شاء اله ربنا يقدرنى و أجد الوقت الكافى لذلك...

أنا مازلت متابع للمنتدى...و الموضوع مش مهجور قوى يعنى...ما شاء الله من أخر مرة كتبت فيها منذ حوالى سنة زادت القراءات حوالى 100 ألف قراءة...مش عارف ازاى...

لكن اللى أعرفه كويس ان رياح من المودة و الاحترام المتبادل أحسها تسرى بينى و بين كثير من أخوانى و أخواتى فى هذا المنتدى الجميل...

أنا تحت أمر الجميع فى ما استطيع أن اساعد فيه...و لله الحمد بريدى الخاص تم تفريغه 3 مرات على الأقل من رسائلكم الجميلة و استفساراتكم...

ما شاء الله المنتدى ملىء بكثير من الخبرات و الانطباعات لكثير من الأفاضل كل حسب وجهة نظره...و لكنها كلها تجارب ثرية تستحق التأمل.... و من مجموعها تتكون الانطباعات و تستقر القناعات...

العبرة ليست فى كثرة الصفحات...و لم يكن هذا يوما من الأيام مدعاة للتنافس...فلربما سطور قليلة سطرت باخلاص تكون فيها الفائدة عن عشرات الصفحات...

أشكر لكم أولا هذه الثقة فى شخصى الضعيف..

ثانيا لا تنسونى بدعوة صالحة ..

وحشتونى

الشامى

[ELSHAMY]

ربع أرنب

الشامى رجع من كندا يا رجالة .....عمل

250000 قراءة

أخيرا الواحد بقى مليونير فى أى حاجة...

شكرا للجميع

[ELSHAMY]

ياه يا د.شامى فين ايام ماكنت صف اول فى كل حلقاتك :wub: من ساعة ما اعتزلت الفن :) وبقيت من ربات البيوت :happy: وتحول تفكيري للمطبخ وطريقة تدميس الفول B) وتخليل اللفت -_- وانا افتقدت حلقاتك ومتابعة رحلاتك المليئة بالخبرة والنصائح والبسمة .

نفسي اقعد اقرا موضوعك دا من الدلدة للدلدة :sad:

هتابع فى صمت md2:

صباح الخير -_-

يا بوووووووى

انتى لساك هنيه با بنت العم.... و الله ليكى شوجة يا كبيرة

للناس اللى محيعرفوش مين بدرورة...أجول لهم هدى زينة شباب مصر....

نوارة المحاورات جبل ما تشوف سكة الجواز .....صاحبة أعلى نسبة مشاركات بعد سين سين معلمى الكبير

حنجول لك باسم المحاورين كلاتهم فى الكفر و النجع و الجبل : ألف مبروك يا غالية...و الله أنه أمه داعياله (أعتقد يعنى :wub: ) اللى تكونى من نصيبه.....

بارك الله لكما وبارك عليكما وجمع بينكما فى خير wst::

[ELSHAMY]

مش عارفة حاجة كده مش مطمناني هما ليه كل اللي بيستقروا في كندا

مش بنشوفهم بيسردوا لنا أخبارهم زي قبل الاستقرار

حقيقي الموضوع ده مش مريح ومش مطمئن

فقد اختفت العزيزة دعاء وزوجها تماما

والاستاذ طارق جمعة ايضا و مدخالات حضرتك مقتضبة جدا

فهل لده سبب ؟ ......معذرة يادكتور rs:

لا تقلقى يا بركة

فيه ناس من البركة انك تعرفى أخبارهم...

وفيه ناس بركة انهم يسكتوا...

و فيه ناس أخدوا بركة المحاورات و اكتفوا بهذا القدر....

المهم بركة انك بخير...

اطمنى ...كل شىء تحت السيطرة و الدنيا ماشية هناك....زى ما كانت حتمشى فى أى حتة...

ربنا بيقوينا على الوضع اللى هو سبحانه اختاره لنا....و دى فايدة الاستخارة..

ادعى للمختفين انهم يكونوا بخير...و نلتمس لهم العذر أكيد دنيتهم شغلاهم... و المنتدى معدش له فايدة حاليا بالنسبة لهم...لكننا سعدنا بالتعرف عليهم...

ربنا يطرح فيك البركة...و نشوفك حتستمرى بعد ما توصلى و الا..........

[egyptian cardiologist]

السلام عليكم ورحمة الله

جزاكم الله خيرا على مساعدتك للناس ، انت انسان رائع ، جعلة الله في ميزان حسناتك.

لي سؤال مهم أرجو من حضرتك أن تجيبني عليه:

حضرتك كنت مقدم فيدرال حسب ما فهمت ، هل وجدت صعوبه في اللاندنج أول مره عن طريق مطار مونتريال، أنا أسمع انه ما ينفعش إلا اذا كان لديك دليل قوي انك لن ستستقر في كيبك.

انا حجزت على مونتريال وماكنتش أعرف ، مش عارف أعمل ايه.

[egyptian cardiologist]

السلام عليكم ورحمة الله

جزاكم الله خيرا على مساعدتك للناس ، انت انسان رائع ، جعلة الله في ميزان حسناتك.

لي سؤال مهم أرجو من حضرتك أن تجيبني عليه:

حضرتك كنت مقدم فيدرال حسب ما فهمت ، هل وجدت صعوبه في اللاندنج أول مره عن طريق مطار مونتريال، أنا أسمع انه ما ينفعش إلا اذا كان لديك دليل قوي انك لن ستستقر في كيبك.

انا حجزت على مونتريال وماكنتش أعرف ، مش عارف أعمل ايه.

[ELSHAMY]

السلام عليكم ورحمة الله

جزاكم الله خيرا على مساعدتك للناس ، انت انسان رائع ، جعلة الله في ميزان حسناتك.

لي سؤال مهم أرجو من حضرتك أن تجيبني عليه:

حضرتك كنت مقدم فيدرال حسب ما فهمت ، هل وجدت صعوبه في اللاندنج أول مره عن طريق مطار مونتريال، أنا أسمع انه ما ينفعش إلا اذا كان لديك دليل قوي انك لن ستستقر في كيبك.

انا حجزت على مونتريال وماكنتش أعرف ، مش عارف أعمل ايه.

أخى الفاضل

لا توجد أدنى مشكلة يمكنك النزول فى أى مطار بصرف النظر عن اختيارك لمكان الاستقرار....

أنا لم يسألنى أحد عن وجهة استقرارى و أعطيتهم فى المطار عنوان فى أوتاوا...... و أخيرا أستقريت فى مدينة لندن....

بالتوفيق....

[ramyfathalla]

عزيزى د/ الشامى أولا مبروك على رجوعك للكتابة فى أحلى توبيك فى المحاورات أو فى الجبل

و مبروك على الافتتاح الجديد للتوبيك القيم و الغالى جدا جدا عندى شخصيا

و أتمنى من الله لك كل التوفيق

[ELSHAMY]

عزيزى د/ الشامى أولا مبروك على رجوعك للكتابة فى أحلى توبيك فى المحاورات أو فى الجبل

و مبروك على الافتتاح الجديد للتوبيك القيم و الغالى جدا جدا عندى شخصيا

و أتمنى من الله لك كل التوفيق

أخى رامى

شكرا لك....

هذا المنتدى له فضل علينا جميعا ...و الفضل لله أولا و اخيرا

تقبل تحياتى

تم تعديل 28 مارس 2010 بواسطة ELSHAMY

[egyptian cardiologist]

السلام عليكم ورحمة الله

جزاكم الله خيرا على مساعدتك للناس ، انت انسان رائع ، جعلة الله في ميزان حسناتك.

لي سؤال مهم أرجو من حضرتك أن تجيبني عليه:

حضرتك كنت مقدم فيدرال حسب ما فهمت ، هل وجدت صعوبه في اللاندنج أول مره عن طريق مطار مونتريال، أنا أسمع انه ما ينفعش إلا اذا كان لديك دليل قوي انك لن ستستقر في كيبك.

انا حجزت على مونتريال وماكنتش أعرف ، مش عارف أعمل ايه.

أخى الفاضل

لا توجد أدنى مشكلة يمكنك النزول فى أى مطار بصرف النظر عن اختيارك لمكان الاستقرار....

أنا لم يسألنى أحد عن وجهة استقرارى و أعطيتهم فى المطار عنوان فى أوتاوا...... و أخيرا أستقريت فى مدينة لندن....

بالتوفيق....

جزاكم الله خيرا ، مش عارف أشكر حضرتك ازاى، ربنا يجعله في ميزان حسناتك.