الشامى رجع من كندا يا رجالة

[ELSHAMY]

كده قربنا يا بوب من مكان الشغل ؟

كده قريب برضه

مقدرش اقول فين بالضبط لحسن واحد هنا في المنتدى هددني يبعت لي واحد ايطالي يصفيني

وتوعدني في رساله خاصه بالويل و الثبور و عظائم الامور

وانا عندي عيال عايز اربيها

ملحوظه : مفيش الف همزه في الكيبورد الافتراضي

ما ليش دعوة....برضه صلح الكيبورد....على رأيك..

على فكرة الترام دى فى شارع دنداس...صح ؟

[ELSHAMY]

الأخ kinane

توصل بالسلامة ان شاء الله

SIN ببلاس

فتح حساب فى البنك ببلاش ....

وضع فلوس فى الحساب ....بفلوس

رخصة القيادة : 125 دولار (G1)

الانتقالات حسب بعدك عن مكان عمل هذه الأشياء...أكيد أخو زوجتك عنده فكرة عن أماكنها....خليه يوصلك...

سندوتش الشاورمة : 4 دولار....

بالتوفيق

بالتوفيق

[ELSHAMY]

فتح حساب فى البنك ببلاش ....

وضع فلوس فى الحساب ....بفلوس

رخصة القيادة : 125 دولار (G1)

غريييبة

غريبة ليه....أوعى تكون بتدفع فلوس فى الحاجات دى.... :huh:

[ELSHAMY]

شكراً يا دكترة

يعني أفهم من كلامك إن 1000$ حتكفيني لمدة شهر حسب المعطيات الي ذكرتها أنا في الأعلى ؟

أكيد فتح الحساب ببلاش بس كان قصدي هل أنت ملزم بوضع مبلغ إبتدائي معين

و إيه أخبار ال OUHIP ما يحتجش فلوس يعني ببلاش كمان

دة ربنا لوه حجات يا راجل

سبحانك يا رب

بالنسبة لى لم يكن هناك الزام بوضع مبلغ معين فى الحساب ...ممكن تودع 100 دولار مثلا

أنا أجلت موضوع OUHIP لحين ما أرجع تانى حسب نصيحة المحامى لأنه حيظهر انك لم تستخدمه خلال فترة غيابك..

الله معك...تمتع بوقتك و لا تقلق كل الأجراءات سهلة جدا...توكل على الله....نسمع عنك كل خير ان شاء الله

[احمد عبده]

يا سلام علي حلاوة اخر 3-4 صفحات الهدوء جميل

فعلا السلام هو الخيار الاستراتيجي

سؤالي لدكتورنا الغالي انه يكلمنا عن معادلة الطب و فرص الشغل هناك وبعدين نسأل عن اللي متجاوبش عليه لأن مفيش معلومات كافية علي المنتدي غير الرد بتاع ا/جيهان

لو سمحت تحكي عن تجربتك كمتخصص (دكتوراة ما شاء الله) وعن تجربة النائب الصغير

علما باني طالب بالفرقة الخامسة ( داخل سادسة) طب الاسكندرية

<object width="425" height="344"><param name="movie" value="http://www.youtube.com/v/9eu9nokuJzs&hl=en"></param><embed'>http://www.youtube.com/v/9eu9nokuJzs&hl=en"></param><embed src="http://www.youtube.com/v/9eu9nokuJzs&hl=en" type="application/x-shockwave-flash" width="425" height="344"></embed></object>

الفديو ده جامد جدا

ولك جزيل الشكر

[ELSHAMY]

الدكتور أحمد عبده (باعنبار ما سيكون ان شاء الله)

شد حيلك شوية يا أبو الشباب و خلص الكلية بتقدير عالى و ما تستعجلش...

عشان تاخد فكرة عن معادلة الشهادات بالنسبة للطب بدقة أنصحك تدخل على الموقع ده : www.pcrc.org ستجد اجابات عن كل شىء.....بس الأول فين الشهادات يا أبو حميد....

اذا كنت ناوى على الهجرة فنصيحتى انك ما تضيعش وقتك بعد سنة الأمتياز و اتوكل على الله على طول...و ابدأ نيابة البورد الكندى وبالتوفيق ان شاء الله

[ELSHAMY]

157

رقم مشاركة خالدة فى المحاورات فى هذا الموضوع الرائع

ليس فقط لانها قيلت ردا على سيد المبدعين س س .. ولكن لانها هانكون المرجع الاول للمزينين الراغبين فى الهجرة لكندا وهاتفتح الابواب المغلقة امام ملايين الحلاقيين المصريين :lol:

والله انا فكرت فى الموضوع بجد بسبب الموضوع ده يا د شامى .. واهو حلاق بالنفيجيتور احسن من مهندس سك كده كم غير اضافات..

وضحكت للثمالة انا واسرتى على ال 202 مشاركة الاولى وتوقفنا بعد 5 ساعات تقريبا من القراءة المتواصلة لكلماتك واسلوبك الرهيب

طبعا تفاصيل غاية فى الروعة وتفوق متعة فيلمين من اخراج استيفن سبيلبرج ( مش مسلسلات رمضان المريضة )

وهانكمل معاك باقى المشاركات ليس لاننا راغبين فى الهجرة لكندا ولكن لانك ابدعت ابداع حقيقى

وتجربتك ثرية بثراء اخلاقك العالية

تحياتى لك يا دكتور ودعواتى ودعوات اسرتى لك ولاسرتك -حسب وصيتك اول الموضوع- بكل توفيق وتقدم وبركة دنيا واخرة

أخى العزيز مهندس عصام

شكرا جزيلا على كلماتك الطيبة....

بس ايه الشياكة دى...!!! تحياتى لك و للأسرة

[ELSHAMY]

مسجد فى الطريق بين تورونتو و لندن أونتاريو

[ELSHAMY]

مسجد فى الطريق بين تورونتو و لندن أونتاريو

لأ معلش ... عندك يا باشا

ده مسجدنا ... نوارتنا و فخرنا أمام الكنديين

مسجد ISNA في مسيساجا على سن و رمح

مركز إسلامي متكامل و ليس مجرد مسجد

ربنا يكرم القائمين عليه و يجزيهم الخير

http://www.isnacanada.com/

على عينى و رأسى يا هندسة ....أنا شفته على الطريق ...و معرفش ان المسجد بتاعكو...

[ELSHAMY]

الاخ الكريم الاستاذ ايهاب وباقي الاخوة الاعضاء المحترمين:

بصصو بقى ياجماعة انا والله النهاردة اسوء من اي يوم تاني لدرجة انني بفكر جديا الغي فكرة الهجرة بعد ما قعدت سنتين وتلات شهور واخد فايل نمبر لما كنت قاعد وعايش في السعودية وانا دلوقتي في قطر فاكر ان الموضوع بتاع كندا بقى بقيلة اشهر بسيطة.

انا ليا قريب مهاجر كندا من تلاتين سنة واخد دكتوراة في التناسل من جامعة البرتا وكنت ابحث عن رقم تليفونة من سنتين ونص. وبالصدفة ومن خلال 411 كندا عرفت اجيب تليفونة وكلمتة النهاردة حوالى نص ساعة قالي كام جملة دمروني وهما كالتالي.

انت يا سامح صعب انك تلاقي شغل في كندا ك medical representative بالرغم انها من الnon regulated jobs ومش قبل 7-10 سنين عشان انت بتنافس واحد من جامعة ساسكاتشوان او البرتا وكمان اللغة والاكسنت بالرغم ان لغتي زي الفل وتعاملي هنا في قطر مع دكاترة اجانب بنسبة 90%. وموضوع معادلة الصيادلة والدكاترة بيسقطو فيها من 5 الى تمن مرات دة حسب الاحصائيات والراجل دة هو ال vice presedent for the Islamic comunity in Albertaوالله الراجل قالي انا مش بقوللك الكلام دة عشان تيجي او ماتجيش دة قرارك والشغل الايام دية متوفر جدا بس للمهن اللي انتو عالرفينها سواق بتاع بيتزا بتاع بنزينة الخ. وخلاني اضرب اخماس في اسداس ومش عارف اعمل اية.وبيقوللي ان كندا جميلة قوي للجيل التاني اللي هما اولادك لو عندك نفس تقعد تشتغل في مهن اي كلام من 7-10 سنين لحد ما ربنا يكرمك هتستفيد وولادك كمان.

حد عندة رد. وينصحني اعمل اية. هل بعد 9 سنين في شركات ادوية عالمية في مصر والخليج وماجستير في الفسيولوجي عشان اعمل دكتوراة في كندا ابقى معرفش اشتغل في كندا حتى مندوب دعاية طبية !!!!!!!بالمناسبة انا عندي 31 سنة وطفلين ست سنوات وتلاتة.

أخى الحبيب

أنا طبعا متخيل انك استخرت الله قبل بدء موضوع الهجرة من أساسه

...مش يمكن مكالمة قريبك تكون من العلامات التى وضعها الله فى طريقك لكى تبتعد عن شىء ليس من نصيبك؟؟

....مش يمكن موضوع كندا كله شر لك أو لأحد من أسرتك (ربنا يحفظكم جميعا) ؟

أنظر للموضوع من هذه الزاوية و انت أكيد حترتاح...

كثيرا ما يعتقد الواحد منا ان هناك فرص فاتته من الحياة...و يظن ان حياته اتدمرت بفوات هذه الفرصة....ثم يكتشف بعد فترة ان ربنا حماه من مصايب اكتر ...وانه بالفعل كان خير له ( وعسى أن تحبوا شيئا و هو شر لكم)....

أنا لست هنا كى أزيد من احباطك...ولكن كى أساعدك أت تتوقع دائما الأسوأ...هكذا علمتنا الحياة و قوانينها....فاذا جاء الخير فهو فضل من الله....واذا لم يأتى....أيضا فضل من الله...و الحمد لله على كل شىء...

موقفك ده ذكرنى بذكرى أليمة مرت بى عندما فشلت فى امتحان الزمالة بعد مجهود و سفر و فلوس و وقت...و حسيت ساعتها ان الدنيا أظلمت....و أن الحياة ما عدش ليها لازمة....كنت فعلا أكاد أكلم نفسى.... و بعده بشهور قليلة يتجلى فضل الله عليا...و أنجح فى التسجيل للدكتوراة و أنجح فى الامتحان من أول مرة فى معجزة قلما يجود الزمان بمثلها...

خذ بالأسباب و منها ما فعلته من سؤال قريبك....ولكن كن مستعد دايما للرضا بقضاء الله مهما كان....

تحياتى

[ELSHAMY]

معلش رح أسئل مرة ثانية ، حأغلبكم بالرد بس محدش رد علي

الأخ الدكتور الشامي و المهندس إيهاب

معلش تحملوني بأسئلتي بس أنا حابب أروح على نور وما أتفاجأش بأي شيء لذلك أود السؤال عن أمرين فقط وأوعدكم لن أثقل عليكم

السؤال الأول : ما هي طبيعة المقابلة التي سيقوم بها الجماعة في المطار يعني مسؤلي الهجرة ، وهل ستأخذ وقت طويل (لأن هناك من ينتظرني خارج المطار)، وأعلم أنهم يسألون في نفس الأوراق التي ملئناها عند تقديمنا لطلب الهجرة ، فهل هناك أسئلة معينه تنصحني بالتأكد منها أم قد يكون الأمر عشوائي ؟

بالنسبة لى المقابلة كانت ودية جدا...أسئلة عادية دون التطرق لطلب الهجرة أصلا لأنه مش بيكون موجود.....كل معلومات الموظف عنك من ورق اللاندينج اللى حتستلمه مع الفيزا....مقابلة عادية معظمها فى كتابة بياناتك من قبل الموظف ....المقابلة مدتها حوالى 20 دقيقة...

السؤال التانى رد عليه أخونا أيهاب

بالتوفيق

[ELSHAMY]

الدكتور أيمن كامل

شكرا لك و ان شاء الله تتم الامور على خير ما تتمنى

الأخت "طير مهاجر"

شكرا لكلماتك الرقيقة...شرف لى ان تكون أول مداخلاتك لى...مرحبا بك...نحن جميعا هنا اخوانك و اخواتك...نتعاون بقدر ما نستطيع و لا نبتغى الا وجه الله...و دعوات الناس..

بالتوفيق فى حياتك.

الشامى

[ELSHAMY]

أخى العزيز alaashabana

الحقيقة انى فعلا مشغول جدا بتحركات استراتيجية فى العائلة ... منها شحن محتويات الشقة الى كندا و البحث عن سكن جديد..... و التفكير فى البعد عن الاولاد... و خمستلاف حاجة تانية لو عرفتهم حتستغرب انى لقيت وقت أكتب لك الكلمتين دول.

عذرا لك و لكل أخوانى...بس انتظروا الشامى لما يفوق حيحكيلكم كل الحكايات و الخبرات اللى عمال اتلطش بيها عشان ما حدش يقع فيها....

ادعولى ربنا يسترها للأخر

خالص حبى و تقديرى

[ELSHAMY]

اخي الشامي رمضان علي الابواب للهم بلغنا شهر رمضان وارجواان تكون السهره :) امام موضوع( الشامى رجع من كندا يا رجالة) وكل عام و الاخوه بالف خير سال صغير هل ستشحن اغراض البيت لكنده كيف? وربي يعينك

الأخت أم ريهام

موضوع الشحن طلع موضوع كبييييييييييييييييييييييييير جدا و ان شاء الله حأكتب لكم عنه بالتفصيل لما أفوق شوية و تتم العملية للأخر...

.دعواتكم جميعا.

اللهم بلغنا رمضان و ارزقنا فيه توبة

[ELSHAMY]

ربنا يقويك يا شامي بس ابقى طمنا عليك

جزاك الله خيرا أخى المهاجر

[ELSHAMY]

الأخ باسم

أنا أرسلت لك ايميل...المحامى بتاعى مركزه الرئيسى فى الشارقة و له فرع فى جدة ....أعتقد انك لو موجود فى مصر حيكون مش مناسب لك..

تحياتى و بالتوفيق

الشامى

[ELSHAMY]

الأخوة ضياء...الزملكاوى

الأخت بنت بطوطة

شكرا لكلماتكم....ان شاء الله تكونوا استفدتم من الموضوع

لا تنسونا من صالح الدعاء

الشامى

[ELSHAMY]

قفشتنى يا حسينى...؟

أن شاء الله قريبا يا حسينى....الموضوع لسه لم ينتهى...أنا فى نصف القصة دلوقتى و مستنى أشوف أخرتها...

ادعولى ربنا يتمها على خير....الموضوع كبيييير يا حسينى يا أخويا...أكبر من تخيلاتك و توقعاتى...

بس لو أعرف مين اللى زقنى ؟

[ELSHAMY]

بناء على طلب الحسينى باشا حأقولكم على الخطوط العريضة للموضوع:

1) تشحن أم لا تشحن...that is the question

2) احجام الكونتينرز و أنواعها

3) شركات الشحن و الاوراق المطلوبة - التغليف و التعليب - التأمين على الكونتينر.

4) الجمارك فى كندا

5) متابعة تحركات الكونتينر داخل و خارج البلد حتى موعد اقلاع سفينة الشحن

6) وصول الكونتينر الى الميناء فى كندا - الجمارك الكندية

7) شركات التخليص الجمركى داخل الميناء

8) شركات نقل الكونتينر داخل كندا

9) تنزيل الكونتينر فى مدينة الوصول

............... شفت بقى يا عم حسينى...

ما تخفش انت بتتعامل مع أقوى جهاز مخابرات فى بلجيكا الشرقية

.الموضوع كبير...و أعتقد انه حيكون مسلسل جامد جدا...

عاوز اقتراحتكم نسميه ايه...؟

[ELSHAMY]

سلام عليكوم بروفيسور شامي انا عارف انك مشغول الايام دي-يا ريت لو جيت مكه اتشرف بمعرفتك// ربنا يكرمك

و عليكم السلام

شكرا أخى العزيز

أراك فى مكة قريبا....رمضان أو حج ان شاء الله.....مطلوب منك بصفة عاجلة دعوتين حلوين فى الحرم

تحياتى