" نعيب زماننا والعيب فينا 00وما للزمن عيب سوانا""

[قلب ابيض]

صباحكم زى الفل ان شاء الله

فى موضوع شغلنى جدا النقاش فيه مع الناس وبينى وبين نفسى 00هو خاص بتعليم الاطفال والمراهقين بالذات ويمكن اللى جدده فى دماغى هو موضوع تحرش البنات اللى كتبه الاخ جو من كام يوم

قعدت افكر مع نفسى وقلت افكر معاكم احسن بدل ما اقعد اكلم نفسى كده000ياترى العيب فى مين ؟ فى المدرسه ولا البيت ولا الزمن ؟ " نعيب زماننا والعيب فينا 00وما للزمن عيب سوانا""

فرجعت لورا شويتين كده ايام ماكنا فى المدرسه من التمانينات كده طبعا اقصد مرحله الثانوى 00كان اقصى شىء ممكن يحصل انى انزل اوصه " قصه شعرى يعنى " وده كان قمه التغيير --طب ده من البيت طيب والمدرسه ؟؟؟

كان عندنا حصص هوايات وحصه العاب لكل المدرسه يعنى الهوايات اختيارى بس الالعاب اجبارى وكان فى مسابقات وحفلات موسيقيه وانشطه للتدبير المنزلى وفى يوم مفتوح لعمل وبيع الوجبات والحلويات واشغال الابره والاعمال الفنيه كل ده ومدرسه حكوميه 000

والبنين كمان دورات رياضيه ومعسكرات كشافه وزراعه بالاضافه لجماعات الشعر والمسرح والخطابه -- اللى اقصده كان فى اهتمام بجوانب المهارات للسن ده اللى هو سن محتاج مكان ونشاط لتفريغ طاقته وتعبير عن الذات اللى غالبا بتكون متمرده على وضعها فى المرحله دى

ياترى ده ممكن يحصل ازاى فى بلد شايله من المجموع النهائى للدرجات درجات الانشطه لاء وياريت الدرجات بس لاء ده اصبحت مدارسنا خاليه من التربيه الفنيه والتربيه الرياضيه وللاسف كمان اصبحت التربيه الدينيه مش مضافه للمجموع 0000

يعنى سمو باروح والذوق العام اتلغى تنشئه جسم رياضى سليم انتهى -- تنميه قيم ومبادىء دينيه-- انسى

زمان كان عندنا تربيه قوميه كمان 00تعالى دلوقتى اسأل شباب الجامعه عن عدد محافظات مصر مش هايعرف --دول عرفوا الوان العلم من ماتشات الكوره بس :lol:

طيب بالذمه العيال دى مش معذوره ؟؟

يعنى اهل منشغلين بجمع لقمه العيش

مدرسه مكدسه تلقين معلومات فقط

ازمه ماليه لاينفع فيها نوادى ولا حتى مراكز شباب

فرااااغ من اول المدرسه لحد العطلات الدراسيه

مافيش جواز

مافيش مساحه حره للحوار لان مافيش وقت من الكبار للصغيرين

مافيش دور للمسجد ولا الكنيسه زى ما اتربينا احنا

طب العيال تعمل ايه ؟؟

ماهى كده لازم تهيييييس000ولا ايه رايكم ؟

[قلب ابيض]

اد كده الموضوع شايفين انه مش مهم؟؟

اكتر من 60 قارىء له ولا تعقيب واحد؟؟؟

سبحان الله

[joo]

عزيزتى قلب ابيض كلامك جة على الجرح فعلا

اوقات الفراغ والعنوسة هى السبب 00 انا عن نفسى كل ما امشى فى الشارع واشوف كمية الطلبة والطالبات فى الشوارع اقول 00 هم بيعملو اية فى وقت فراغهم 00 طيب العدد دة كلة عاوز يتجوز وعاوز فلوس وعاوز شقة

طيب العيب فى مين00 بس دة بردو مش سبب انحراف الشباب واللاطفال اكيد التربية عليها عامل

مرات اخو المدام كانت بتشتغل مدرسة فى مدرسة اعدادى00 وبعدين ضربت طفلة كانت فى اولى اعداى 00 والبنت اغمى عليها

وجاء الدكتور واكتشف ان البنت دى حامل00 ولما الدكتور عرف 00 كان رد فعل البنت غريب اوى لانها قالت لة00 واية يعنى طيب ما كل البنات بتعمل كدة

واكتشفو ان حوالى 11 بنت حامل ايضا 00 والغريبة ان اولياء الامور لما جم المدرسة جابو العيب على المدرسة

ولم يوجهو كلمة تعنيف واحدة للبنت

وعجبى000 تعرفى تحليها دى بأ

[fatfouta]

تصدقى بقى؟؟.......هتصدقى ان شاء الله

مش انتى بتقولى 60 قارئ؟ احب اقولك انى ممكن اكون انا 55 منهم

والله قريته كتيييير وعندى كلام كتير عاوزة اقوله بس استنى عشان عندى حالة غريبة كده

رجعاااااااالك

[mama nona]

والله يا قلب ابيض

انا مش عارفة ارد واقولك ايه ؟

فعلا انتى جيتى عالجرح

هو ده حالنا فى مصر

وهى دى مصر

ومتتوقعيش انه ممكن الامر يتحسن فيوم من الايام

بالعكس كل يوم هيبقى اسوء من ال قبله

مفيش ادامنا غير الدعاء ثم الدعاء ثم الدعاء

[قلب ابيض]

عزيزتى قلب ابيض كلامك جة على الجرح فعلا

اوقات الفراغ والعنوسة هى السبب 00 انا عن نفسى كل ما امشى فى الشارع واشوف كمية الطلبة والطالبات فى الشوارع اقول 00 هم بيعملو اية فى وقت فراغهم 00 طيب العدد دة كلة عاوز يتجوز وعاوز فلوس وعاوز شقة

طيب العيب فى مين00 بس دة بردو مش سبب انحراف الشباب واللاطفال اكيد التربية عليها عامل

مرات اخو المدام كانت بتشتغل مدرسة فى مدرسة اعدادى00 وبعدين ضربت طفلة كانت فى اولى اعداى 00 والبنت اغمى عليها

وجاء الدكتور واكتشف ان البنت دى حامل00 ولما الدكتور عرف 00 كان رد فعل البنت غريب اوى لانها قالت لة00 واية يعنى طيب ما كل البنات بتعمل كدة

واكتشفو ان حوالى 11 بنت حامل ايضا 00 والغريبة ان اولياء الامور لما جم المدرسة جابو العيب على المدرسة

ولم يوجهو كلمة تعنيف واحدة للبنت

وعجبى000 تعرفى تحليها دى بأ

لاحول ولا قوة الا بالله 000بص يا جو وانا فى الساحل الشمالى السنه دى كنت قاعده على البلاج وجنبى مجموعه بنات اعرف اسرهم كلهم البنات دول يتراوح اعمارهم مابين ال13 سنه والعشرين وقعدت مصيف بقى وحكايات صوتهم عالى مش همس يعنى 00المهم سمعت حوار عن صاحبتهم اللى فى المدرسه " كلها مدارس من بتوع الفايف ستارز 00بدون ذكر اسماء المدارس " ان ازاى الاداره عارفه البنات اللى متجوزين عرفى 00والبنات اللى لهم علاقات ببعض خااااصه جدا000

طيب الاب اللى بيدفع الاف لبنته عشان تتعلم احسن تعليم على قدر فهمه او بمعنى اوضح مدرسه اسمها يكمل برستيج بنته يعنى مشتركه فى النادى الفلانى وفى مدرسه كذا ليه ما يكلفش نفسه يربيها هو فى البيت الاول 00اذا كان هو من الاساس كفء للتربيه 0

اصبحت كلمه عاااادى فى لسان كل العيال 00عادى بنت تدخن 00عادى بنت تمشى نص جسمها باين 00عادى امشى فى شارع بعد نص الليل 00عادى صوتى يبقى عااالى على ابويا وامى

طيب وده ليه ؟

لان العادى بردو ان ولادنا يقعدوا على النت ساعات وغالبا مش قدام عنينا مصيبه اسمها السيبر 00لا رقابه ولا حازم 00 يعنى لما البنت تشوف كليب لبنت فى سنها بتدلل وتتراقص او اكتر من كده 00الومها ليه بقى لما تحب تقلدها ؟؟؟؟ وطبعا مش هاتقلدها قدام اهلها لاء هاتقلدها فى الخفاء

زمان كنا نستخبى وندخل اوضه ماما ونحط روج من بتاعها ونقعد نضحككككك بصوت يكاد يكون همس وايدينا على بقنا لحسن ماما تسمعنا او تشوفنا

بالقياس دلوقتى البنت ممكن تخرج من بيتها مخمره مش محجبه بس وكلها دقيقتين وتتحول لحاجه تانيه

استغفر الله العظيم والله دمى اتحرق000كفايه كده

الله المستعان

[قلب ابيض]

الموضوع اخطر من كده يا جماعه بكتير

ياريت نتناوله بشكل حلول 00وحلول عمليه على الاقل يبقى حاولنا

[fatfouta]

افتكرت حاجة دلوقتى يا قلبى الابيض يا ختى ممكن تبقى بسيطة وهبلة بس تعبر عن الواقع المرير برضو....اى والله

عارفة انا كنت فى ابتدائى واعدادى فى مدارس راهبات......يعنى الانضباط يا امى ماقولكيش

السير تبقى واقفالنا على باب الفصل وكلنا بنتكلم بزوق وادب وبصوت واطى ولو واحدة فينا تعدت الحدود يبقى تعاقب فورا

الحاجة اللى انا عاوزا اقولك عليها هى انى افتكرت زمان لو فى يوم عجبتنى توكة وحطيتها فى شعرى وروحت المدرسة بيها.........يا وييييييلى لو التوكة مش لونها ابيض

كان لازم التوكة يبقى لونها ابيض......لو الطالبة داخلة من الباب وشافتها المشرفة فى شعرها لون مختلف من سكات كده وهى ماشية بتلاقى ايد على شعرها..........بتسحب التوكة

الشراب لونه كحلى شفاف ولازم يبقى كولون والاظافر مرتين اسبوعيا يبصوا عليها ولو طويلة 5 مل تاخدك على العيادة تقصهالك

الشعر ممنوع يبقى سايب.....ولو اتسيب تلاقى برضو اللى جاية من وراكى وحطتلك توكة فى شعرك اوبنسة تلم بيها شعرك

وفيه كمان تسريحات ماكانوش بيسمحولنا بيها

الكلام بأدب وبذوق

الاكل بدون صوت......وحتى ساعة الاكل........البريك يعنى كان فيه مشرفين

انضبــــــــــاط

تعالى بقى دلوقتى ورينى فين الانضباط ده..........ده انا بشوف بنات المدارس بحزن اللى بشعرهم كل واحدة عاملة تسريحة شكل وممكن تكون عاملاه عند الكوافير كمان والتوك اشكال والوان

والمحجبات كل واحدة بايشارب لون واللى لابسة جيبة جينز بدل جيبة المدرسة.......اصلها مغسولة النهاردة

واللى حاطة روج وتقولك دى زبدة كاكاو......واللى حاطة مكياج كامل

والله بقعد اسال هو مافيش مشرفين؟؟؟؟.........طب مافيش مدرسين؟؟؟؟

طب فين ابلة الناظرة بتاعه زمان؟؟؟

ده انا روحت ثانوى فى مدرسة عادية والله العظيم لو كنا نتاخر خمس دقايق كنا ناخد طول النهار برا الفصل (حكم ذاتى يعنى)

وكنا نلبس كرافتات ولو الكرافتة مش مربوطة تتهذقى والقميص لغايت اخر زرار مقفول(تعالى شوفى دلوققتى يا اختى)

وكنا نلبس بنطلونات عشان مش كل واحدة تلبس جيبة الطول اللى هى عاوزاه

دلوقتى مافيش الكلام ده

انا تعبت........اصلى لو قعدت اكتب على سلبيات اللى فى اخلاقيات البنات والصبيان فى المدراس مش هنخلص بصراحة

الله يرحم ايام زمان :closedeyes:

تم تعديل 10 مارس 2010 بواسطة fatfouta

[قلب ابيض]

طيب

والحل ايه؟؟

ياريت نفكر بشكل ايجابى وبصوت عالى

تم تعديل 10 مارس 2010 بواسطة قلب ابيض

[قلب ابيض]

نهيب زماننا والعيب فينا وما للزمن عيب سوانا

[جسار]

المراهقة هى المراهقة فى أى زمان وأى مكان

لما ظهرت موضة السبعينات القبيحة والغريبة ، فالشباب

أرتدوا البنطلونات الشارلستون الضيقة جدا فى الاعلى وواسعة

جدا من بعد الركبة ، والقمصان ذات الياقة الفانهاوزن العريضة

وضيقة عند الوسط والاحذية ذات الكعب البوليتان بارتفاع 14 سم

واطالة الشعر الناعم وتكويش الشعر الخشن واطالة السوالف حتى

تصل الى الذقن والاحزمة العريضة بزراير معدن كبيرة

والبنات كن يرتدين المينى والميكروجيب وطول الوقت يشدوا فى الجيبة

علشان يداروا ماأنكشف وظهر من الركب واللى تحط ايديها واللى تطلع

منديل قماش وازدهار عصر الباروكة والماسكرة والرموش الصناعى

والآى لاينر الاخضر الخبيزى والازرق المنيل والعقود والسلاسل الطويلة

طيب اهالينا والناس بصفة عامة كانوا بيقولوا علينا أيه وأحنا

ماشيين نتعايق بأناقتنا وجمالنا ، أنا سمعتها مرة من واحد عجوز

قاعد قدام دكانه : بص شوف العيال الخو..اجات دول جيل آخر زمن

كان هذا هو رأى الاهل والجيران والمجتمع لشباب تلك الأيام

واحد اصدقائى كان يعشق اغانى عبد الحليم بينما والده يعبد تراب

عبد الوهاب وكان يعايره دائما بأن الطرب الحقيقى هو عند سى عبده

أما سى بتاع ده مابيعرفش يغنى ولاطرب ولاغيره ، ولما تشجع صديقى فى

احدى المرات وسأله أيه رأى جده فى عبد الوهاب رد عليه والده ضاحكا

جدك ماكانش بيسمع الا عبده الحامولى والشيخ سلامة حجازى وأبو العلا محمد

وهزانى لما عرف أنى باسمع عبد الوهاب !

نعيب على أولادنا قلة القراءة ولكنهم يتعاملون مع النت وهو مصدر هام

من مصادر المعرفة الحديثة والمعلومات اللى عندهم اكبر مما نتخيل

بل ان رؤيتهم للحياة اعمق واجرا بكثير من خبراتنا المحدودة

وسنظل دائما ننظر الى ابناؤنا انهم قاصرى الفهم والمعرفة ولا يعلمون

شيئا عن دنياهم ولكننا سنكتشف حتما فى يوم ما أنهم يسبقوننا بكثير ...

[Howayda Ismail]

المراهقة هى المراهقة فى أى زمان وأى مكان

لما ظهرت موضة السبعينات القبيحة والغريبة ، فالشباب

أرتدوا البنطلونات الشارلستون الضيقة جدا فى الاعلى وواسعة

جدا من بعد الركبة ، والقمصان ذات الياقة الفانهاوزن العريضة

وضيقة عند الوسط والاحذية ذات الكعب البوليتان بارتفاع 14 سم

واطالة الشعر الناعم وتكويش الشعر الخشن واطالة السوالف حتى

تصل الى الذقن والاحزمة العريضة بزراير معدن كبيرة

والبنات كن يرتدين المينى والميكروجيب وطول الوقت يشدوا فى الجيبة

علشان يداروا ماأنكشف وظهر من الركب واللى تحط ايديها واللى تطلع

منديل قماش وازدهار عصر الباروكة والماسكرة والرموش الصناعى

والآى لاينر الاخضر الخبيزى والازرق المنيل والعقود والسلاسل الطويلة

طيب اهالينا والناس بصفة عامة كانوا بيقولوا علينا أيه وأحنا

ماشيين نتعايق بأناقتنا وجمالنا ، أنا سمعتها مرة من واحد عجوز

قاعد قدام دكانه : بص شوف العيال الخو..اجات دول جيل آخر زمن

كان هذا هو رأى الاهل والجيران والمجتمع لشباب تلك الأيام

واحد اصدقائى كان يعشق اغانى عبد الحليم بينما والده يعبد تراب

عبد الوهاب وكان يعايره دائما بأن الطرب الحقيقى هو عند سى عبده

أما سى بتاع ده مابيعرفش يغنى ولاطرب ولاغيره ، ولما تشجع صديقى فى

احدى المرات وسأله أيه رأى جده فى عبد الوهاب رد عليه والده ضاحكا

جدك ماكانش بيسمع الا عبده الحامولى والشيخ سلامة حجازى وأبو العلا محمد

وهزانى لما عرف أنى باسمع عبد الوهاب !

نعيب على أولادنا قلة القراءة ولكنهم يتعاملون مع النت وهو مصدر هام

من مصادر المعرفة الحديثة والمعلومات اللى عندهم اكبر مما نتخيل

بل ان رؤيتهم للحياة اعمق واجرا بكثير من خبراتنا المحدودة

وسنظل دائما ننظر الى ابناؤنا انهم قاصرى الفهم والمعرفة ولا يعلمون

شيئا عن دنياهم ولكننا سنكتشف حتما فى يوم ما أنهم يسبقوننا بكثير ...

رغم كل اللى حضرتك ذكرته من مظاهر ماكنتش بتعجب كثير من الناس الا ان كان فى ادب

واحترام عن دلوقت يعنى البنت دلوقت محجبة وتلاقى شاب قليل الادب يشدها من طرحتها

او ملابسها وده كتير عند المدارس ومنتشر اكتر فى الاعياد والمناسبات

والاقل ادبا يعترض طريقها(يحلق عليها) لمنعها من المرور

الاخلاق اتغيرت كتير عن زمان والعيب طبعا فينا مش فى الزمن

لنن ننكر انهم اصبحوا اكتر جرأة وربما الجيل كله نابغ فى النت والاتصالات لكن معظمه

ثقافته سطحية و فكره فقير و قليل المعلومات حتى بيغلط فى الكتابة

لكن هناك فئة من الشباب استطاعت الانفلات من ذلك وصنعت لها وجود وكيان وثقافة كشباب

حركة 6 ابريل وبعض شباب الجامعات المثقف الواعى بقضايا البلد وهم الامل باذن الله

[مهندس ابو يوسف]

اخواني الاعزاء

احيي الاخت ذات القلب الابيض على طرح هذا الموضوع الهام وجميع الاخوه الذين قاموا بالتعليق على هذا الموضوع الهام

في البدايه اروي لكم قصه حدثت بالفعل لاحد الاشخاص :

هذا الشخص اكتشف انه ابنه في المرحله الاعداديه انه متزوجا زواجا عرفيا من فتاه موجوده معه في المدرسه

اكتشف من بواب - حارس العقار - عندما توجه هذا الطفل لسؤاله وطلبه من حارس العقار بالسعي له باخذ بيت قانون جديد للاقامه به هو والفتاه التى تزوجها عرفيا من وراء اهلها

هياخذ لها شقه قانون جديد بثمن الدروس الخصوصيه التي يتحملها الاهل شهريا ليعاونه على مذاكرته - المسكين -

لو لاحظنا القصه السابقة نجد ان بها عديد من السلبيات اولا اين قنوات الاتصال بين الاب والام والمدرسه ؟؟؟؟؟

اين المتابعه المستمره من جانب الاب والام ؟؟؟؟

الكل ملهي عن اولاده بتجميع الفلوس والدروس - الله يكون في عونهم - ومنشغلين عنهم وتناسوا واجبهم التربوي

زمان كان الاب والام اهم حاجه قاعده السفره والغداء او العشاء وكان هناك تواصل ولمه كل يحكي حتى الاب والام ممكن يلاحظوا اي تغير في سلوك اولادهم فينتبهوا اليهم

ثانيا : فلوس الدروس الخصوصيه يعتقد بعض الاباء والامهات ان اهم حاجه ان الولد او البنت هو اخذ الدروس من وجهه نظرهم

مما يقتل فيهم روح التفكير والمحاوله للفهم والمثابره على الفهم

زمان كان الواحد يحاول مره واثنين وثلاته حتى يحاول ان يفهم المعلومه ومن ثم لو مافهمهاش يبدا ياخد بها دروس

ايضا غياب القدوه والوازع الديني

هو لو فكر في يوم من الايام انها ممكن ان تكون اخته في نفس الموقف لفكر الف مره قبل الاقدام على هذا العمل

زمان كان في حاجه اسمها نخوه كرامه خوف على البنت وكانها اختى وهذه عائده على التربيه

وهناك كثير من السلبيات لكن اكتفي بهذا القدر

واسف للاطاله

تقبلوا تحياتي

المهندس ابو يوسف

[قلب ابيض]

اخواني الاعزاء

احيي الاخت ذات القلب الابيض على طرح هذا الموضوع الهام وجميع الاخوه الذين قاموا بالتعليق على هذا الموضوع الهام

في البدايه اروي لكم قصه حدثت بالفعل لاحد الاشخاص :

هذا الشخص اكتشف انه ابنه في المرحله الاعداديه انه متزوجا زواجا عرفيا من فتاه موجوده معه في المدرسه

اكتشف من بواب - حارس العقار - عندما توجه هذا الطفل لسؤاله وطلبه من حارس العقار بالسعي له باخذ بيت قانون جديد للاقامه به هو والفتاه التى تزوجها عرفيا من وراء اهلها

هياخذ لها شقه قانون جديد بثمن الدروس الخصوصيه التي يتحملها الاهل شهريا ليعاونه على مذاكرته - المسكين -

لو لاحظنا القصه السابقة نجد ان بها عديد من السلبيات اولا اين قنوات الاتصال بين الاب والام والمدرسه ؟؟؟؟؟

اين المتابعه المستمره من جانب الاب والام ؟؟؟؟

الكل ملهي عن اولاده بتجميع الفلوس والدروس - الله يكون في عونهم - ومنشغلين عنهم وتناسوا واجبهم التربوي

زمان كان الاب والام اهم حاجه قاعده السفره والغداء او العشاء وكان هناك تواصل ولمه كل يحكي حتى الاب والام ممكن يلاحظوا اي تغير في سلوك اولادهم فينتبهوا اليهم

ثانيا : فلوس الدروس الخصوصيه يعتقد بعض الاباء والامهات ان اهم حاجه ان الولد او البنت هو اخذ الدروس من وجهه نظرهم

مما يقتل فيهم روح التفكير والمحاوله للفهم والمثابره على الفهم

زمان كان الواحد يحاول مره واثنين وثلاته حتى يحاول ان يفهم المعلومه ومن ثم لو مافهمهاش يبدا ياخد بها دروس

ايضا غياب القدوه والوازع الديني

هو لو فكر في يوم من الايام انها ممكن ان تكون اخته في نفس الموقف لفكر الف مره قبل الاقدام على هذا العمل

زمان كان في حاجه اسمها نخوه كرامه خوف على البنت وكانها اختى وهذه عائده على التربيه

وهناك كثير من السلبيات لكن اكتفي بهذا القدر

واسف للاطاله

تقبلوا تحياتي

المهندس ابو يوسف

ابويوسف ...

اعتذر اولا عن عدم انتباهى لمشاركه حضرتك سوى الان

الموضوع خطير فعلا وكما ذكرت حضرتك افتقدت الاسره لمتها عالغدا او العشا

افتقدت الاسره الدفء المحسوس بين افرادها

بين تواصل الاخوه مع بعضها او الاباء مع ابناءهم

حتى دور المدرسه لم يعد كسابقه

بكل اسف واعتذر مرارا وتكرارا لكم ولنفسى عما ساقول

لم تعد مشكله مدارس المراهقين الان الزواج العرفى ..بل الاكثر من ذلك

ظهرت حالات الحب او الممارسات الغير طبيعيه والعياذ بالله بين ابناء الجنس الواحد وللاسف على علم ومرأى من المدرسات او المدرسين

وللاسف ايضا اصبحوا واصبحن قوه ضد كل من يعارضهم

اتشروا فى المولات والنوادى وكل التجمعات حتى صرنا لانفرق احيانا بين الصبى والصبيه من حيث الملبس والشعر والمشيه نفسها

لدى الكثير اعرفه ولكنى بكل حياء استحى ان اذكره

كما قلت الموضوع اكبر من ان نتجاهله

ارجوكم نتشارك لوضع او عرض حلول منطقيه وليست مثاليه وصعبه التنفيذ فى زمننا هذا

والله المستعان

[عادل أبوزيد]

موضوع مهم و يمكن اعتباره. موضوع الساعة