البورصة بتنزل ليه؟.. و انا نازل اتدلع املى القلل

[MOOOM]

ونصيحة ليست من خبير لكن أعتبروني اخ ... ألحق أخرج بأقل خساير لأن ما تعرفش الأيام الجايه يها إيه ... ولما هي عملية بسيطة وحصل كده .. أومال لو أتوفى والموت علينا حق .. إيه الأسعار هاتبقى أندر زيرو والناس يبقى عليها فلوس ولا إيه ؟

صباح الفل يا استاذي الفاضل .. سي السيد ..

ربنا يسمع منك يا راجل .. قصدي [ تف من بقك ] .. ربنا يديلو الصحة ويخليه للشعب لغاية لما نطلع من البورصة بأقل خسائر .. وبعديها يروح في أي حته هوه عايزها ..

بس صحيح .. هوه إيه إلي جد في صحة الريس .. مش قالو إنه عمل العملية وصحتو بقت كويسة .. لا فيه أخبار جديدة .. أنا من يومين مش متابع الأخبار .. ياريت لو فيه أخبار جديدة بشرنا بيها ..

ولك ألف تحية .. وربنا يعوض عليك وعلينا وعلى جميع الخاسرين قصدي المستثمرين في البورصة ..

آل مستثمر آل ..

[myusername]

ميرضيش ربنا الاسعار اللى جت امبارح دى.. انا متهيق لى و الله اعلم بسبب الاشاعة اللى طلعت.

بس اللى مستغرب له فعلا ان الاجانب بتشترى؟؟؟ و المؤسسات كمان!! معنى كده ان المصريين هما اللى بيبيعوا!

__________________________

اصبحنا و اصبح الملك لله... البورصة نازلة 58 نقطة بعد 6 دقايق من الافتتاح... بركاتك يا عم مبارك

تم تعديل 15 مارس 2010 بواسطة myusername

[MOOOM]

ممكن حضرتك تقول إيه هيا الإشاعة إلي طلعت ..

وجزاك الله خيراً

[myusername]

ممكن حضرتك تقول إيه هيا الإشاعة إلي طلعت ..

وجزاك الله خيراً

ان مبارك هيرجع لابس ابيض فى ابيض :lol: بس المشكلة فى غيابه نفسه.. ده لوحده مسبب قلق جامد.

البورصة بقت نازلة 118 نقطة.. بعد 10 دقائق فقط من الافتتاح

[MOOOM]

ممكن حضرتك تقول إيه هيا الإشاعة إلي طلعت ..

وجزاك الله خيراً

ان مبارك هيرجع لابس ابيض فى ابيض :lol: بس المشكلة فى غيابه نفسه.. ده لوحده مسبب قلق جامد.

البورصة بقت نازلة 118 نقطة.. بعد 10 دقائق فقط من الافتتاح

شكراً على الاستجابة السريعة ..

ولتحديث المؤشر .. البورصة نازلة 175نقطة الآن [ بعد 20 دقيقة ]

[myusername]

ممكن حضرتك تقول إيه هيا الإشاعة إلي طلعت ..

وجزاك الله خيراً

ان مبارك هيرجع لابس ابيض فى ابيض :lol: بس المشكلة فى غيابه نفسه.. ده لوحده مسبب قلق جامد.

البورصة بقت نازلة 118 نقطة.. بعد 10 دقائق فقط من الافتتاح

شكراً على الاستجابة السريعة ..

ولتحديث المؤشر .. البورصة نازلة 175نقطة الآن [ بعد 20 دقيقة ]

بقت نازلة 184 نقطة :sad: مع النزول لاسعار جديدة ماشفنهاش قبل كده :lol:

الاجانب بيبيعوا.. و المؤسسات بتشترى..

تم تعديل 15 مارس 2010 بواسطة myusername

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد

هذا ماكنت أحذر منه قد حدث - قلت لكم منذ ما يقرب من سنة أن الأسعار تضخمت و أنه لابد أن يحدث إنفجار في الفقاعة وسيكون المستثمر الصغير هو الضحية في الآخر و الآن أسئل نفسي و أسألكم أين الآن ما يطلقون على أنفسهم المحللين الماليين و الفنييين ؟

أين نقاط الدعم التي كانوا يحاولون أن يخدعوننا بها لنشتري أسهمهم ؟

و الله أني لا أظلمهم عندما أقول عنهم أنهم مجموعة من المرتزقة تكسب من دم الغلابة لحساب الكبار الذين يعملون لصالحهم !!! حسبي الله ونعم الوكيل 0

أين الآن من كان يقول منذ ما يقرب من ثلاثة أشهر أن الأسعار مغرية و هي فرصة ذهبية للإستثمار ؟

و للأسف الشديد نفس السيناريو بيتكرر مرة أخرى في الإستثمار العقاري و نحن لا ننتبه لهذا !!!

ربنا يصلح حالنا جميعاً

مهندس / أشرف محمد

[doha]

بقت نازلة 181 نقطة whistling.gif مع النزول لاسعار جديدة ماشفنهاش قبل كده blink.gif

ممكن توضيح يعني ايه دلالة الرقم 181 ؟

في العادة المفروض تكون نازلة في حدود كام او زايده في حدود قد ايه عشان يبقى الرقم ده خطير بالشكل الي باين من كلامكم ده ؟

[myusername]

بقت نازلة 181 نقطة whistling.gif مع النزول لاسعار جديدة ماشفنهاش قبل كده blink.gif

ممكن توضيح يعني ايه دلالة الرقم 181 ؟

في العادة المفروض تكون نازلة في حدود كام او زايده في حدود قد ايه عشان يبقى الرقم ده خطير بالشكل الي باين من كلامكم ده ؟

فيه معيار اسمه المؤشر... و المؤشر هو اللى بيقيس صعود او هبوط البورصة, بناءا على اسعار الاسهم اللتى لها ثقل نسبى فى البورصة.. مثل سهمى اوراسكوم تيليكوم.. و للانشاء, و البنك التجارى.. المصرية للاتصالات.. و مجموعة هيرميس.

حاليا المؤشر نازل 196 نقطة... بنسبة 3% تقريبا.

الطبيعى ان البورصة تنزل فى حدود 1% فقط... ده فى حالة انه يكون فيه عمليات بيع.. بسبب تحقيق الربح.. لان البورصة لما بتطلع, لازم يجى وقت و الناس تبيع علشان تحقق الربح - جنى الارباح-.. و هو الهدف من شراء الاسهم.

المشكلة ان البورصة امبارح نزلت 2% تقريبا... و كمان النهاردة 3%... يعنى كده مش هنقول انهيار, و لكن خلينا نقول هبوط قوى.. و رهيب.

لما البورصة تفضل تنزل بأرقام كبيرة.. لكذا يوم ورا بعض.. ده يعتبر انهيار.. يعنى ربنا يستر بكرة و ماتنزلش كمان 200 نقطة ولا حاجة

و طبعا نزول المؤشر هو انعكاس لنزول اسعار الاسهم.. و وصولها لارقام ما يعلم بيها الا ربنا.

تم تعديل 15 مارس 2010 بواسطة myusername

[سهران]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد

هذا ماكنت أحذر منه قد حدث - قلت لكم منذ ما يقرب من سنة أن الأسعار تضخمت و أنه لابد أن يحدث إنفجار في الفقاعة وسيكون المستثمر الصغير هو الضحية في الآخر و الآن أسئل نفسي و أسألكم أين الآن ما يطلقون على أنفسهم المحللين الماليين و الفنييين ؟

أين نقاط الدعم التي كانوا يحاولون أن يخدعوننا بها لنشتري أسهمهم ؟

و الله أني لا أظلمهم عندما أقول عنهم أنهم مجموعة من المرتزقة تكسب من دم الغلابة لحساب الكبار الذين يعملون لصالحهم !!! حسبي الله ونعم الوكيل 0

أين الآن من كان يقول منذ ما يقرب من ثلاثة أشهر أن الأسعار مغرية و هي فرصة ذهبية للإستثمار ؟

و للأسف الشديد نفس السيناريو بيتكرر مرة أخرى في الإستثمار العقاري و نحن لا ننتبه لهذا !!!

ربنا يصلح حالنا جميعاً

مهندس / أشرف محمد

أختلف مع حضرتك يا باشمهندس لأول مرة ... صباح الخير أولا و فرصة أكرر شكري و أمتناني لمجهودات حضرتك .

لم تتضخم أسعار الأسهم بل أغلبها أقل من قيمتها الحقيقية و المالية بكثير ..... لكن ما يحدث في رأي عملية نصب ممنهجة

لسرقة ما في يد الأفراد المساكين عن طريق أشاعة مناخ من الزعر يؤدي لرمي الأفراد ما بأيديهم من أسهم لشركات جيدة ماليا و تحقق أرباح و لديها ميزانيات و مراكز مالية تعكس قيم أضعاف الأسعار السوقية لتلك الأسهم .... للأسف جزء كبير من الأفراد لا يعرفون قيمة ما بأيديهم و دخلوا البورصة فاكرينها ترابيزة قمار .

مين يقول أن سهم الصعيد تمنة 130 قرش ؟؟؟؟

وللا طلعت مصطفى تحت القيمة الأسمية بأربعة جنيه .

مين يقول أوراسكوم تليكوم بخمسة جنيه و قيمته الحقيقية لا تقل عن 30

راجعوا تقييمات المؤسسات المالية الكبرى لأسهمنا و شوفوا ميزانيتهم و هاتعرفوا أننا بنتسرق قدام الشاشة

كل دقيقة و بمزاجنا للأسف

تم تعديل 15 مارس 2010 بواسطة سهران

[MOOOM]

رغم إن المؤشر مرزوع رزعة جامدة .. بس متهيألي إنه مش انهيار حتى الآن ... لأن البائع بيقوم يشتري مرة ثانية بسعر أقل وكمية أكبر .. وهذا واضح من كمية البيع والشراء للمصريين والعرب والأجانب ..

والله تعالى أعلم ..

يمكن يكون كلامي صحيح .. ويمكن اكون بصبر نفسي على المصيبة .

[MOOOM]

والمصيبة أنه لما تلاقي سهم طالع مرة واحدة بدون مقدمات .. تلاقي إدارة البورصة [ الموقرة ] توقف التداول عليها لحين التأكد من أي خبر أو إشاعة .. ولا تعاود التداول عليها إلي إذا ورد رد من الشركة نفسها .. بس على العكس تماماً .. لما تلاقي سهم مهبوووود الأرض .. محدش يقوم ولا يقعد .. ويعملوا فيها واقعين على ودانهم .. ولا تلاقي حد يأكد أو ينفي أي خبر .. وأبسط كلمة يقولوا تصحيح أو لما تزيد شوية .. يقولوا انهيار ..

ربنا يخلي إدارة البورصة على الشفافية

[وطني حر]

الوقت هذا وقت الشراء . مهما كانت الشائعات ومهما ساد التشاؤم

لو ما اشترينا الان هنشتري امتي ..؟؟

[ahmos1]

الوقت هذا وقت الشراء . مهما كانت الشائعات ومهما ساد التشاؤم

لو ما اشترينا الان هنشتري امتي ..؟؟

'طيب استنى لغاية دعم6100 الصبر حلو و ماتغلطش غلطتنااااااااااااااااااااااااااااااااا

تم تعديل 15 مارس 2010 بواسطة ahmos1

[أبو العز]

لا تلتقط السكين اثناء سقوطها حتى لاتجرحك

لا تطمع وتشترى الان بزعم ان الاسعار مغرية ، يجب الاستقرار السعرى عند نقاط معينة ولمدة ثلاث جلسات على الاقل بعدها يمكن اتخاذ قرار بالشراء او البيع

[أحمد سيف]

بما إن عندي بعض الدراية بمجال الاستثمار فهناك كام نقطة عايز أوضحهم:

1- ما يطلق عليه (تحليل فني) المعتمد على تتبع حركة الأسعار صعودا وهبوطا ونقاط الدعم والمقاومة هو مجرد نصب واحتيال وليس له أي أساس علمي ... تقييم الأسهم يجب أن يكون وفقا لما يطلق عليه (التحليل الاساسي) الذي يبنى على توقعات الأرباح للشركة ومستوى المخاطرة بها.

2- الاستثمار في الأسهم هو استثمار متوسط الى طويل الأمد يعني من 3 سنوات وأنت طالع ... نظام المضاربات بتاع أشتري النهارده وبيع بكره ده قمار ولعب بالفلوس وليس له أسم آخر.

3- القاعدة الذهبية في الاستثمار هي التنويع المدروس ... أو زي ما بيقولوا لا تضع بيضك كله في سلة واحدة ... اعتمادا على سنك ووضعك المالي وتقبلك للمخاطرة واحتياجاتك المستقبلية يجب أن توزع استثماراتك على عدة فئات (ودائع بنكية - شهادات استثمار - عقارات - أسهم في البورصة - مشروعات صغيرة ... الخ) ... الخيار الأمثل لصغار المستثمرين هي ما يطلق عليها الصناديق الاستثمارية التي تدار بواسطة محترفين.

[myusername]

مش مستحب اطلاقا ان الواحد يشترى النهاردة.. و خصوصا يا عالم ايه اللى هيحصل بكرة؟؟ نشوف بس القاع (الدعم) الجديد بتاع الاسعار ايه.. و بناءا عليه نحدد هنشترى على سعر كام.. و كمية قد ايه.

بالنسبة لسهم طلعت مصطفى.. اصلا السهم ده اتعمل عليه طحينة.. و مسروق فى قيمته.. يعنى ال10 ولا 11 جنيه دى مش قيمته اصلا!! هو اقل من كده.

بالنسبة لسهم اوراسكوم تيليكوم.. احب اوضح انه اتقسم من فترة.. يعنى نقدر نقول ان قيمته حوالى 15 جنيه مثلا يبقى كويس, و الله اعلم.

فيه سهم قوى زى المصرية للاتصالات مثلا.. محقق ارباح رهيبة.. و كمان ارباح السنة دى زيادة 250 مليون جنيه يعنى سهم قوى جدا, و ارشح اى حد انه يشترى فيه.. بس طبعا عند الدعم الجديد :lol:

فيه خبر اذ ربما ان يكون ليه تأثير برضه بجانب عدم وجود اخبار عن مبارك.. الا و هو ان بنك مورجان ستانلى عامل تقديرات جديدة لاسعار الاسهم المصرية.. و بيقول انها لازم تنزل شوية.. و ربما ان هو ده السبب. لكن طبعا لا اعتقد ان المقصود هو الاسعار الحالية.. لان الاسعار دى اقل بكتير فعليا من اسعار الاسهم المستهدفة..

عموما متهيق لى ان معظم الناس عاصرت الانهيار اللى حصل ساعة رمضان.. الازمة العالمية.. و بالتالى مهما كان خوفنا, مش هيبقى زى خوفنا ساعتها.. و اهو الاسعار بعديها رجعت و تضاعفت.. و هكذا هى البورصة.. صعود و هبوط.

تم تعديل 15 مارس 2010 بواسطة myusername

[ahmos1]

الريس لو ظهر النهااااااااااااااااردة الامور حتتحسن كتيررررررررررررر و لو ماظهرش يبقى بكرة ضلمة الا اذااااااااااااااااااا السوق اتسند

[justme]

مش عارف بحس البورصة دي مفيهاش اي نوع من الاستثمار الحقيقي بالمرة

ومن ساعة ما اتفتحت واحنا كل شوية بحال

نفسي يكون عندنا استثمار بجد في مجال الصناعة مش في الخدمات

هي فعلا نوع من المقامرة طالما ليس لها قواعد علمية سليمة وبالذات في مصر

[وطني حر]

بما إن عندي بعض الدراية بمجال الاستثمار فهناك كام نقطة عايز أوضحهم:

1- ما يطلق عليه (تحليل فني) المعتمد على تتبع حركة الأسعار صعودا وهبوطا ونقاط الدعم والمقاومة هو مجرد نصب واحتيال وليس له أي أساس علمي ... تقييم الأسهم يجب أن يكون وفقا لما يطلق عليه (التحليل الاساسي) الذي يبنى على توقعات الأرباح للشركة ومستوى المخاطرة بها.

2- الاستثمار في الأسهم هو استثمار متوسط الى طويل الأمد يعني من 3 سنوات وأنت طالع ... نظام المضاربات بتاع أشتري النهارده وبيع بكره ده قمار ولعب بالفلوس وليس له أسم آخر.

3- القاعدة الذهبية في الاستثمار هي التنويع المدروس ... أو زي ما بيقولوا لا تضع بيضك كله في سلة واحدة ... اعتمادا على سنك ووضعك المالي وتقبلك للمخاطرة واحتياجاتك المستقبلية يجب أن توزع استثماراتك على عدة فئات (ودائع بنكية - شهادات استثمار - عقارات - أسهم في البورصة - مشروعات صغيرة ... الخ) ... الخيار الأمثل لصغار المستثمرين هي ما يطلق عليها الصناديق الاستثمارية التي تدار بواسطة محترفين.

اهلا بيك استاذ احمد سيف المحترم

انا معاك في النقطه الاولي وهي عدم الاعتماد على ما يسمي التحايل الفني . فهو مجرد قراءه لما يحصل في الماضي ومصير السهم يطلع زي ما نزل والعكس . .

الفقره الثالثه وهي الصناديق الاستثماريه . فالسوق عامتن ماشي مع بعضه يطلع ويزل كله مع بعضه . حتي الاسهم الكبيره لما السوق بينزل بيجرها معاه . الغاز والامنيوم والمطاحن كلها نازله .

لكن في الصناديق عشان فلوسك مش معاك وتشوفها قدامك تحترق تستني وقت ومع الوقت كل حاجه بتتحسن .

لكن افضل استثمار هو اقتناص الفرص للشراء وفي اسهم معينه بتعطي عائد سنوي مثل غاز مصر . الالمنيوم مصر او عربيه او القاهره للدواجن . باكين . سيدي كرير وفي غيرها كثير . دي اسهم تعطي عائد سنوي تقريبا 10% واحيانا تعمل جيمات كبيره . لو انت حاذق وشاطر تقدر تبيع لما السعر يطلع فوق . بشرط واقول بشــرط . متشتريش تاني الا لما السهم يبقي اقل من ثمن البيع الي انت بعته . لان هو دا المكسب الحقيقي ليك . مش المكسب ثمن البيع لالا .

مثال

اشتريت كرير بــ 10 جنيه وبعتهم بـــ 12 جنيه . مكسبك مش 2 جنيه . مكسبك الحقيقي لما ترجع تاني تشتريهم .. ولنفرض السهم طلع وعدي لحد 13 جنيه . لو اشتريت بالسعر دا تكون خسران جنيه واحد .؟؟

يجب عليك الانتظار مثلا لحد ما ينزل الي 11 او 10 وبكدا يكون المكسب 1 او 2 جنيه فضلا عن عائد السهم من الارباح لو ربنا كرمك في الكوبون