حملة عمرة بس طيران

[pink rose]

سؤال على السريع يا اخوانا بس ضروري الله يخليكم

حد يعرف اسم مكتب بيطلع حملات عمرة بس تكون طيران مش باص

لو حد يعرف يقولي ضروري اسم المكتب و رقمه

[se_ Elsyed]

طب ما تطلعوا مع نفسكم إنتو يا ريمو

احجزوا تذاكر .. وخدوا تاكسي من مطار جده وأنزلوا قدام الحرم . هناك عشرات الفنادق اللي في غير موسم رمضان بتبقى بتنش وأسعارها محترمه قوي .... انا نزلت بعد الحج بأسبوعين تقريباً في فندق - نسيت إسمه - بيطُل على الحرم مباشرة كان غُرفة بها 4 سراير ... بـ 250 ريال في الليلة ...

وأستنيني لبكره - بس فكريني - هاجيبلك أسم شركة بتعمل حجز فنادق في مكه والمدينة تقريباً إسمها المواسم الأربعه ... وهانروح بعيد ليه ... وكالات سفر هنا كتير ممكن تعمل لك الحجز من هنا ..

فوق ده كله .. عندك كام مكتب عُمره وحج بس عاليين ومميزين ... في طريق الملك فهد قبل أن تتجهي جنوباً ناحية إدارة جوازات الرياض بس أسعارهم عاليه ... منهم الأسواف .. والراجحي للحج والعُمرة

وربنا يتقبل

[myusername]

ربنا يتقبل باذن الله..

يا ريت حضرتك تبعتى لسى السيد علشان يشيل المواضيع المكررة.. احسن حضرتك فتحتى حوالى 16 موضوع تقريبا.. :lol:

[pink rose]

اولا سوري عشان اللي حصل الموضوع اتكرر كذا مرة غصب عني

ثانيا اصل العمرة دي مش ليا انا يا س س دي لبابا و ماما و عاوزة احجزلهم في حملة من بابها كده عشان ما يتعبوش

يعني المواصلات و البيات و التنقل و اللذي منه بس اهم حاجه تكون طيران عشان بابا ما يستحملش المشوار بالباص

[pink rose]

ربنا يتقبل باذن الله..

يا ريت حضرتك تبعتى لسى السيد علشان يشيل المواضيع المكررة.. احسن حضرتك فتحتى حوالى 16 موضوع تقريبا.. :lol:

و الله ما كان قصدي

دا كل ما اكتب الموضوع كانت تطلعلي رسالة عجيبة تقولي المنتدى شغل خاصيه منع الضغط انتظر 15 ثانية و ابعت تاني

كل اللي كنت باعمله اني باعمل ريفرش بس

قوم طلع هاذوها العدد الهائل :lol:

[Alrefaey]

سؤال على السريع يا اخوانا بس ضروري الله يخليكم

حد يعرف اسم مكتب بيطلع حملات عمرة بس تكون طيران مش باص

لو حد يعرف يقولي ضروري اسم المكتب و رقمه

شوفى ياريمو انا ماطلعتش حملة بطيران تبع مكتب قبل كدة لكن كنت مع نفسى وهقولك كنت بعمل ايه وغالبا كان بيكون يوم خميس

كنت بحجز طيران الرياض جدة , رايح الساعة 11 او 12 مساء وراجع يوم الجمعة بعد الصلاة على 3 او 4

كنت بوصل جدة الساعة 2 مثلا وبأخذ ليموزين مباشرة للحرم ب100 ريال او ممكن يوصلك الى موقف مكة بجدة اسمة باب مكة على ما اعتقد ومنها على الحرم

كلاهما بيوصلنى لباب الحرم مباشرة على 3 او 3ونص فجرا

ابدأ فى اداء مناسك العمرة ويؤذن الفجر فكنت بصلى الفجر واكمل مناسك العمرة والسعى حتى الصباح الساعة 8 تقريبا

ممكن بعدها اتحلل واحجز فى فندق قريب اريح فيه الى صلاة الجمعة

او لو الوقت قريب من الصلاة امكث فى المسجد حتى صلاة الجمعة بيكون كلها ساعتين احضر الجمعة فى المسجد الحرام وبعدها ليموزين الى جدة فالمطار .

اما الحملات بالباص جربتها زمان مرة عمرة ومرة حج وكانت الباصات صعبة جدا.

[pink rose]

يا كسوفي منك يا س س

شكرا لكل اللي رد عليا في سؤالي جزاكم الله خير

دكتور رفاعي و الاستاذ خالد توفيق جزاكم الله خير

فعلا اتصلت باغلب مكاتب الحملات و كله طيران ما في

خلاص هاهحجزلهم طيران و حاليا بادور على اسماء فنادق تكون قريبة من الحرم

سؤالي الجديد

حد يعرف اسم فندق يكون قريب من الحرم و سعره معقول

يعني مش من بتاع الليلة ب 1000 و انتوا طالعين لا يعني الرحمة حلوة

تقلت عليكم

بس هاخليهم يدعولكم هناك و في الملتزم كمان و انتوا عارفين دعوة الاهل مستجابة ان شاء الله

[se_ Elsyed]

يا كسوفي منك يا س س

إحمدي ربنا إنك مستخبيه ورا الكيبورد .. عشان لو حد من بتوع الخيال العلمي اخترع لنا طريقة نخنق بيها اللي قدامنا عن بُعد

كنت خنقققققققققققققققققققققققققققققتك يا ريمو

أقسم بالله الجهاز هنج من كتر حذفي لطوفان الموضوعات المتكررة اللي عملتيها

انا عاوز أعور حد ... هاتولي أي إتنين مداخلاتهم أقل من 1500 عشان اعورهم

[pink rose]

س س خاليك جدع بقى و قولي اسامي فنادق قريبة من الحرم

اوعى تضرب :lol:

[se_ Elsyed]

س س خاليك جدع بقى و قولي اسامي فنادق قريبة من الحرم

اوعى تضرب :lol:

حاضر

بس على شرط

خلي اونكل أبو ريمو

وطنط ام ريمو يدعوا لي ويقولوا " يارب تنجح يا تتح ... يارب تنجح يا تتح "

[se_ Elsyed]

طب والله حاجه زي الفل اهي

فنادق المملكة العربية السعودية » فنادق مكة المكرمة

Manazel Al Ain Mercure

250.00 SA

Mercure Grand Umm Al Qura

260.00 SA

Mercure Hibatullah

370.00 SA

وأدي الموقع بتاع الحجز

فناددق بمكه

عندي حاجه بحري وشرحه وبرحه هاتعجبكو قوي وبـ 160 ريال .. يا بلاش والله

تابع حجز فنادق مكه ومش عاوزين غير دعوتين حلوين

[لماضة مصرية جدا]

السلام عليكم و رحمة الله و بركاته

ايه هو ده

يعني اخش باب المغتربين احس اني كل الشعب متغرب في السعودية....ايه الافترا ده؟؟؟

طب انا عايزة اسال عن حملة طيران...بس غريب اوي اسم حملة ده...ما علينا

بس من الامارات.....و هل ممكن يكون فيه حملات نسائية فقط؟؟ السعودية هتتكرم مشكورة باستقبالنا؟

يا ريت حد يفيدني

سعرها كام و كام يوم و الاجراءات

و جزاكم الله كل خير

[خالد شحاته]

السلام عليكم و رحمة الله و بركاته

ايه هو ده

يعني اخش باب المغتربين احس اني كل الشعب متغرب في السعودية....ايه الافترا ده؟؟؟

طب انا عايزة اسال عن حملة طيران...بس غريب اوي اسم حملة ده...ما علينا

بس من الامارات.....و هل ممكن يكون فيه حملات نسائية فقط؟؟ السعودية هتتكرم مشكورة باستقبالنا؟

يا ريت حد يفيدني

سعرها كام و كام يوم و الاجراءات

و جزاكم الله كل خير

السلام عليكم ورحمة الله وبركاته

جمله نسائيه فقط مش هتحصلي ابداااااااااااااااا انما تحصلي حمله بدون اختلاط فقط