مش هدخل المسجد تاني

[Princesse]

الأخت الفاضلة

سأحاول التبرير لكلاكما، لحضرتك وللمحفظة حتى لا نترك الموقف –وقد يكون سوء تفاهم- يحرمك من تعلم القرآن

فأنت بكل طيابة وأمل فى التعلم ذهبت إلى المسجد بدون حجاب وفى مخيلتك أن هناك فتيات طيبات سوف يستقبلوكى بود، وتبدئى تعلم أمور الدين ويغفر لك عدم حجابك عند دخول المسجد نيتك الطيبة.

أما المحفظة فالموقف بالنسبة لها كان مفاجأة أن تجد فجأة أمامها فتاة غير محجبة فى المسجد وهذا الأمر ممكن تكون ماشافتهوش من أول ما بدأت تحفظ قرآن فتصرفت هذا التصرف.

تصرف المحفظة غير حكيم بالمرة وكان ينبغى أن تمتص المفاجأة وتعاملك بلطف أكثر

وممكن يكون هذا إختبار من الله عز وجل

ونصيحتى أن المواجهة الحكيمة مفيدة جداً فى مثل هذه المواقف وبعد هذه المواجهة إما ان تنشأ علاقة طيبة بينك وبين المحفظة وتزول من عندك أى أثار سلبية من اللقاء الأول أو يتأكد لك أن هذه المحفظة فظة الخلق وفى هذه الحالة لمصلحتك ألا تحفظى على يديها.

أقصد بالمواجهة الحكيمة أن تذهبى إلى المسجد مرة أخرى مرتدية الحجاب وتكلميها مباشرة فى الموقف لتعلمى وجهة نظرها فيه.

وربنا يوفقنا جميعاً لتعلم علوم الدين والدنيا

اريد فقط ان اوضح نقطة مهمة:

انا لم ادخل المسجد

اكيد طبعا اي مسجد لما ادخله لازم البس الحجاب بدون شك

انا دخلت قاعة مناسبات، و كان فيها كراسي كتيرة و مفيش فيها سجاد، وكانوا كل الموجودين يرتدون احذية

وعلشان كدة دخلت و وقفت على الباب

[msayed]

طبعا ذهاب الست الى المسجد ليست مستحبه وانا امنع زوجتى من الذهاب الى تلك الدروس

لانها يعطلها عن بيتها وزوجها

وتنافشنا واقنعتها انى لو رجعت ولاقيت البيت نضيف افضل انشاء الله من حضور الدروس

أنا مش معاك خالص فى السطرين دول

فصلاة المرأة فى بيتها أفضل من الصلاة فى المسجد

لكن فى تعلم علوم الدين ده شيء تانى

فالرسول الكريم صلى الله عليه وسلم قال: "لاتمنعوا إماء الله مساجد الله"

ومن مصلحتك ومصلحة اولادك ان تكون زوجتك تتعلم علوم الدين ومرتبطة بالمسجد ولديها صديقات فى المسجد فى حدود المعقول.

وذهابها إلى المسجد المفروض أنه لن يؤثر على بيتك

لأن فيه ستات بيروحوا الشغل كل يوم عشر ساعات وبتلاقى وقت تقوم بكل واجباتها

فمابالك بساعتين كل ثلاث أيام للتعلم.

تم تعديل 9 مارس 2010 بواسطة msayed

[msayed]

الأخت الفاضلة

سأحاول التبرير لكلاكما، لحضرتك وللمحفظة حتى لا نترك الموقف –وقد يكون سوء تفاهم- يحرمك من تعلم القرآن

فأنت بكل طيابة وأمل فى التعلم ذهبت إلى المسجد بدون حجاب وفى مخيلتك أن هناك فتيات طيبات سوف يستقبلوكى بود، وتبدئى تعلم أمور الدين ويغفر لك عدم حجابك عند دخول المسجد نيتك الطيبة.

أما المحفظة فالموقف بالنسبة لها كان مفاجأة أن تجد فجأة أمامها فتاة غير محجبة فى المسجد وهذا الأمر ممكن تكون ماشافتهوش من أول ما بدأت تحفظ قرآن فتصرفت هذا التصرف.

تصرف المحفظة غير حكيم بالمرة وكان ينبغى أن تمتص المفاجأة وتعاملك بلطف أكثر

وممكن يكون هذا إختبار من الله عز وجل

ونصيحتى أن المواجهة الحكيمة مفيدة جداً فى مثل هذه المواقف وبعد هذه المواجهة إما ان تنشأ علاقة طيبة بينك وبين المحفظة وتزول من عندك أى أثار سلبية من اللقاء الأول أو يتأكد لك أن هذه المحفظة فظة الخلق وفى هذه الحالة لمصلحتك ألا تحفظى على يديها.

أقصد بالمواجهة الحكيمة أن تذهبى إلى المسجد مرة أخرى مرتدية الحجاب وتكلميها مباشرة فى الموقف لتعلمى وجهة نظرها فيه.

وربنا يوفقنا جميعاً لتعلم علوم الدين والدنيا

اريد فقط ان اوضح نقطة مهمة:

انا لم ادخل المسجد

اكيد طبعا اي مسجد لما ادخله لازم البس الحجاب بدون شك

انا دخلت قاعة مناسبات، و كان فيها كراسي كتيرة و مفيش فيها سجاد، وكانوا كل الموجودين يرتدون احذية

وعلشان كدة دخلت و وقفت على الباب

أنا أنصحك ماتروحيش اى مكان وخلاص

لأن ممكن الواحد يروح مكان يكرهه فى نفسه ويروح مكان تانى يغير حياته تماما للأحسن.

لذا تخيرى مكان يكون الناس فى منطقتك بيشكروا فيه وفيه بنات أفاضل معروفين لك بيدرسوا فيه

تم تعديل 9 مارس 2010 بواسطة msayed

[Morial]

هقولك إيه بس والله يا بنتي أنتي محظوظة أومال لوحصل معاكي زي إللي حصلي

انا هحكيلك 3 مواقف حصلوا معايا في مراحل متفرقة من عمري

لما كنت لسه طالبة في أداب لغة عربية والقسم ده 90% من اللي بيدخلوه منقبات والعشرة في المية اللي باقيين محجبات علي وشك لبس النقاب وكنت أنا واتنين تلاته كمان في الدفعة كلها مش محجبات وكان عندنا محاضرة لأحد الأساتذه الكبار إللي ليهم مؤلفات رهيبة كما وكيفا وكانت المحاضرة بتتكلم عن سماحة الاسلام والرد علي المستشرقين في اتهامهم للاسلام بأنه انتشر بحد السيف وكان الدكتور ده بيقبل النقاش وبيرحب بيه وقاعد يرد ويتكلم مع بعض من دفعتي اللي طبعا أرائهم وشكلهم يرعبوا وبعض الطالبات اللي بالنقاب وكان بيعاملهم بمنتهي اللطف حتي وإن اختلفن في الرأي معه

قمت أنا بعد ما أستأذنت منه طبعا وقلت رأيي وإستدللت ببعض المواقف التاريخية المشابهة وكلامي كان منطقي والله يا برينسيس وليس عليه شائبه بل وإن جيتي للحق أنا كنت بقول درر بالنسبه للي البعض الاخر بيقوله مما ينم عن جهلهم ببعض الاحداث التاريخية

المهم الاقيلك الدكتور العلامة بيقولي إيه ؟

روحي غطي راسك الاول وبعدين تعالي اتكلمي في الدين : كما لو كانت اللي مش مغطية راسها مش من حقها تتكلم في الدين يعني ببساطة كفرني ومخبيش عليكي أنا كان نفسي أرد عليه وأفحمه لكن كبرت دماغي لأنه كان بيدرسلنا مادتين ومن الاخر كده لوكنت فتحت بقي كنت هشيلهم

تخيلي دكتور جامعي وراجل وصل لأعلي درجات العلم وبيتكلم بمنطق اعوج ، كبري دماغك يابنتي أنتي رايحة الجامع لربنا وهي تشيل وزر نفسها من معاملتها الفظة معاكي

وإبقي فكريني أحكيلك علي حكاية المترو

تم تعديل 11 مارس 2010 بواسطة Folana

[الباشمهندس ياسر]

سمو الاميرة

حاسس باحساسك و الله ... و افتكر اي تعرضت لاكتر من موقف من فظاظة و غلظة لبعض الاخوة

طبعا .. مش عشان انا ماشي بشعري اكيد :closedeyes:

ضحكتي... طب الحمد لله

زمان سمعت درس لأحد العلماء .. رحمه الله و حكي التالي

بيقول خطبت في صلاة الجمعه عن فضل صلاة الفجر و طلبت م الناس انهم يهتموا فعلا و ييجوا يصلوا الفجر

و بعدها بيومين لقيت واحد بيقولي .. يا عم الشيخ انا سمعت كلامك و جيت عشان اصلي الفجر و لما رجعت لقيت الحرامي سرق البيت

طب يا عم الشيخ هو انا عشان اصلي الفجر اتسرق..ده يبقي قلة الصلاة احسن

الشيخ رحمه الله قال باللفظ .. يا فلان .. ربا بيختبرك ... بيبتليك .. عشا تثبت انك عايز طريقه فعلا .. و مرجعتش بعد اول خطوة

فما كان من الشخص ده الا ان قال : و انا راجل و ادها و اودود و مش هسيب صلاة الفجر عمري

ربما من وجدتيها أكثر فظاظة ستكتشفي بها جانب طيب اختفي لوهلة

و الله انا رأيي انها تعمل طيب و بدل ما تروح تدي دروس تروح تطبخ لجوزها و عيالها و تنضف بيتها و تنفضه.... أهو على الأقل تبقى وجهت جهودها لحاجه ممكن تكون بتفهم فيها

انا موافق ع الكلام ده جدا

ليه المسائل الدينية بس اللي مبنهمتش فيها بالتخصص

أي حد فيا لما اسنانه بتتعبه بيروح لطبيب الاسنان .. مش لعالم ف القلب مثلا

ياريت بقي نطبق ده في كل حاجة

و ميسمحوش لغير المتخصصين باعتلاء المنابر..مش بقول علماء لكن ع الاقل .. إجازة

[myusername]

امال بقى لو دخلتى الحرم المكى.. و لقيتى اللى بيشيلك و يزقك كتف بقى... ساعتها هتعملى ايه؟ wst:: هتقولى مش رايحة المسجد الحرام و الكعبة تانى؟ wst::

ده موقف حصل معايه يعنى و انا فى الحرم.. و ما ادراكى ما غلاظة أهل مكة..

عموما احنا دايما بنقابل اختبارات صغيرة كده.. علشان ربنا يريد لنا ان نجدد النية.

زمان و انا صغير.. كنت بحب اقول السلام عليكم لكل الناس.. اللى اعرفه و اللى معرفهوش.. ناس كتير كانت بتنفض و مبتردش.. wst:: بس ساعتها سألت نفسى, هو انا بقول السلام عليكم علشان إفشاء السلام و لا علشان الناس ترد؟ مش عارف ايه علاقة الموقف ده بالموضوع.. بس اهو جه فى بالى :P

هونى على نفسك.. ده موقف من مئات بل آلاف المواقف اللى بتحصل.. و على رأى الاخت شيكو... كلنا هذا الرجل فعلا... لاننا لا زلنا نعانى من انعدام وجود ثقافة المعاملة الحسنة.. و اللتى أتى بها الاسلام (سبحان الله)

و بمناسبة المعاملة الحسنة.. و الدعوة الى الاسلام و التعريف بالاسلام بالموعظة الحسنة.. كنت قاعد فى برشلونة فى شقة.. مكونة من 3 غرف, كل غرفة فيها 3 او 4 شباب او بنات مع بعض.. و كنا نلتقى فى صالة الشقة مع بعض.. و واحدة تفضلت و عزمت عليا بعصير فى علبة شكلها زى علبة جهينة بتاعتنا.. بس انا سألتها هل ده فيه خمر؟ قالت لى آه ده عصير فواكه بالخمر.. فتبسمت لها و اعتذرت.. و شرحت لها فى كلمات موجزة بأن الاسلام حرم الخمر.. فاجتمع بعض الشباب و البنات من الغرف الاخرى.. و سألونى بعض الاسئلة عن الاسلام و ما الى ذلك.. بغض النظر عن مردود ذلك فى نفوسهم, الا ان المعاملة الحسنة قد تفتح لنا الكثير من الابواب..

بس عندى ليكى طلب صغير.. لما تروحى تحفظى القرآن, ابقى البسى الحجاب :closedeyes:

بالتوفيق باذن الله.. و ربنا يفتح عليكى دايما..

تم تعديل 10 مارس 2010 بواسطة myusername

[doha]

عزيزتي برنسيس .. اسمحي لي ( اقرأ ) معاكي موقفك بشكل مختلف شويه ..

يجوز الي حصل ده يكون خير.. عارفه ليه ؟ يمكن المحفظة معملتش كده لمجرد انها فظة وغليظة .. يمكن دي رسالة من ربنا بيوريكي فيها الوجه الآخر ( للتطرف ) وازاي بيكون شعور الانسان لما يكون ( آخر ) مرفوض من ( آخرين ) ..

اسمحي لي اقتبس جزء من كلامك قريته من يومين واسترجعته في ذهني وانا بقرأ موضوعك ده ..

كتبت برنسيس:

طبعا في ناس هتقول النقاب حرية شخصية

خلاص، يبقي من حق المرأة ان ترتدي النقاب في الفصول الدراسية,,,,,,,,,,,ومن حق ادارة المعهد او الجامعة طردها

من حقها ان ترتدي النقاب في العمل,,,,,,,,,,,,,ومن حق صاحب العمل فصلها

من حقها ان ترتدي النقاب و هي تقود السيارة ................ومن حق الحكومة سحب رخصتها

من حقها ان ترتدي النقاب في الشارع...........ومن حق البوليس يفتشها تفتيش ذاتي حرصا على سلامة المواطنين

النقاب قنبلة موقوتة، يهدد سلامة و امن المجتمع

لاني لا اعرف مع من اتكلم....

الي عاوزة تتنقب تتفضل تروح على افغانستان، او تقعد في البيت اكرم ليها و ارحم بينا

النقاب رجعية شديدة، وعودة الي الوراء و عصر الحريم، و بعدين هي جميلة اوي كدة علشان خايفة الفتنة؟

لما بمشي في الشارع بستغرب على المنقبة الي هدومها بتجرجر منها على الارض، تراب و مياه و منظر غير حضاري بالمرة

مش معقول هننقل المظهر القبيح دا كمان لكندا بلد الجمال و النظافة

اهو انتي كغير محجبة بالنسبة للمنقبات بالظبط زي المنقبات بالنسبة لك ..

انتي شايفه انهم مفروض ميخرجوش من بيتهم وتلاقيهم برضه هم شايفينك كده ..

انتي شايفه ان لو وحده فيهم برغم نقابها خرجت يبقى تنطرد او تنفصل او يتضيق عليها الخلاصة شايفه ان الي تخرج منهم يبقى هي الي اختارت ( تستاهل الي يجرى لها ) اهو شكلهم كده في الجامع عاملوك بنفس الطريقة .. خرجتي على مسؤوليتك يبقى تستاهلي المعاملة الي هتتلقيها ..

واخيرا انتي شايفه النقاب ( منظر ) غير حضاري ومقرف والي اختارته يبقى المفروض تقعد ( بقرفها ) بعيد ومش هتيجي تقرفنا بمنظرها ده ( حتى في كندا )

اهم برضه كنده بتاعتهم هي مسجدهم واستغربوا انكم قارفينهم بمنظركم برا وجايين تقرفوهم جوا كمان ..

يفترض انك عارفه موقفي الشخصي من النقاب لاننا سبق وتناقشنا في الموضوع ده وعارفه اني مش منقبة ولا اقر النقاب كفرض .. ولكني في نفس الوقت بحترم تماما رغبة صاحبته اذا قررت ارتدائه بالظبط زي مابحترم رغبة اي وحده مش محجبة قررت انها هتبقى كده هي حرة لا بصدر عليها احكام ولا بتخذ ضدها اجراءات .. جبت لك اقتباس من كلامك عن النقاب عشان اثبت لك ان الموضوع ( بسيط ) انتي من داخلك عارفه انك ( كويسه ) وان مشاعر الكراهية والنبذ تجاه المنقبات ده شيء طبيعي وهو ده المفروض يبقى بناء عليه اتمنى لو تطبقي نفس الامر على المحفظة وتعرفي انها من داخلها ( كويسه ) وتلتمسي لها بقى العذر لما تنبذك كده بناء على ( مظهرك الخارجي ) لانك انتي نفسك بتفكري بنفس الطريقة ..

على كل حال مش هلاقي افضل من رأي الفاضل سكوربيون .. لو عندك النية خالصة فعلا التزمي بالمسجد ده بالذات وعند المحفظة دي بالتحديد . وياريت لو تناقشيها بالي ناقشتينا فيه وتقولي لها ان تصرفها معاكي كان هيخليكي تكرهي المساجد كلها عشان تعرف قد ايه ان ( التطرف ) و ( رفض الآخرين ) لمجرد انهم اختاروا مظهر مختلف ممكن يوصل بالناس لفين ..

تحياتي لكي على موضوعك الجميل ده ..

[myusername]

عزيزتي برنسيس .. اسمحي لي ( اقرأ ) معاكي موقفك بشكل مختلف شويه ..

يجوز الي حصل ده يكون خير.. عارفه ليه ؟ يمكن المحفظة معملتش كده لمجرد انها فظة وغليظة .. يمكن دي رسالة من ربنا بيوريكي فيها الوجه الآخر ( للتطرف ) وازاي بيكون شعور الانسان لما يكون ( آخر ) مرفوض من ( آخرين ) ..

اسمحي لي اقتبس جزء من كلامك قريته من يومين واسترجعته في ذهني وانا بقرأ موضوعك ده ..

كتبت برنسيس:

طبعا في ناس هتقول النقاب حرية شخصية

خلاص، يبقي من حق المرأة ان ترتدي النقاب في الفصول الدراسية,,,,,,,,,,,ومن حق ادارة المعهد او الجامعة طردها

من حقها ان ترتدي النقاب في العمل,,,,,,,,,,,,,ومن حق صاحب العمل فصلها

من حقها ان ترتدي النقاب و هي تقود السيارة ................ومن حق الحكومة سحب رخصتها

من حقها ان ترتدي النقاب في الشارع...........ومن حق البوليس يفتشها تفتيش ذاتي حرصا على سلامة المواطنين

النقاب قنبلة موقوتة، يهدد سلامة و امن المجتمع

لاني لا اعرف مع من اتكلم....

الي عاوزة تتنقب تتفضل تروح على افغانستان، او تقعد في البيت اكرم ليها و ارحم بينا

النقاب رجعية شديدة، وعودة الي الوراء و عصر الحريم، و بعدين هي جميلة اوي كدة علشان خايفة الفتنة؟

لما بمشي في الشارع بستغرب على المنقبة الي هدومها بتجرجر منها على الارض، تراب و مياه و منظر غير حضاري بالمرة

مش معقول هننقل المظهر القبيح دا كمان لكندا بلد الجمال و النظافة

اهو انتي كغير محجبة بالنسبة للمنقبات بالظبط زي المنقبات بالنسبة لك ..

انتي شايفه انهم مفروض ميخرجوش من بيتهم وتلاقيهم برضه هم شايفينك كده ..

انتي شايفه ان لو وحده فيهم برغم نقابها خرجت يبقى تنطرد او تنفصل او يتضيق عليها الخلاصة شايفه ان الي تخرج منهم يبقى هي الي اختارت ( تستاهل الي يجرى لها ) اهو شكلهم كده في الجامع عاملوك بنفس الطريقة .. خرجتي على مسؤوليتك يبقى تستاهلي المعاملة الي هتتلقيها ..

واخيرا انتي شايفه النقاب ( منظر ) غير حضاري ومقرف والي اختارته يبقى المفروض تقعد ( بقرفها ) بعيد ومش هتيجي تقرفنا بمنظرها ده ( حتى في كندا )

اهم برضه كنده بتاعتهم هي مسجدهم واستغربوا انكم قارفينهم بمنظركم برا وجايين تقرفوهم جوا كمان ..

يفترض انك عارفه موقفي الشخصي من النقاب لاننا سبق وتناقشنا في الموضوع ده وعارفه اني مش منقبة ولا اقر النقاب كفرض .. ولكني في نفس الوقت بحترم تماما رغبة صاحبته اذا قررت ارتدائه بالظبط زي مابحترم رغبة اي وحده مش محجبة قررت انها هتبقى كده هي حرة لا بصدر عليها احكام ولا بتخذ ضدها اجراءات .. جبت لك اقتباس من كلامك عن النقاب عشان اثبت لك ان الموضوع ( بسيط ) انتي من داخلك عارفه انك ( كويسه ) وان مشاعر الكراهية والنبذ تجاه المنقبات ده شيء طبيعي وهو ده المفروض يبقى بناء عليه اتمنى لو تطبقي نفس الامر على المحفظة وتعرفي انها من داخلها ( كويسه ) وتلتمسي لها بقى العذر لما تنبذك كده بناء على ( مظهرك الخارجي ) لانك انتي نفسك بتفكري بنفس الطريقة ..

على كل حال مش هلاقي افضل من رأي الفاضل سكوربيون .. لو عندك النية خالصة فعلا التزمي بالمسجد ده بالذات وعند المحفظة دي بالتحديد . وياريت لو تناقشيها بالي ناقشتينا فيه وتقولي لها ان تصرفها معاكي كان هيخليكي تكرهي المساجد كلها عشان تعرف قد ايه ان ( التطرف ) و ( رفض الآخرين ) لمجرد انهم اختاروا مظهر مختلف ممكن يوصل بالناس لفين ..

تحياتي لكي على موضوعك الجميل ده ..

الاخت الفاضلة ضحى...

اسمحيلى أحييكى على هذه المشاركة... من أجمل المشاركات اللتى قرأتها فى المحاورات.. :closedeyes:

[قلب ابيض]

برنسيس 00انا متابعاك باستمرار ويسعدنى ان يكون لك توبيك خاص واول ان شاء الله مش اخير

الموضوع ده زى ما الافاضل كتبوا اراء فيه اعتقد ان معظمنا مر بنفس او شبه التجربه بتاعتك دى 000خاصه فى المترو يا منال 000حدث ولا حرج 00من اول ماتطلعى المترو وتطلع لك واحده تتلو دعاء الركوب بصوت عالى وبعدين تدخل لك على عقوبه النامصه وهكذا

الغريب ان فعلا كل دول مش متبحرين ولا فقهاء اينعم الدعوه الى الله مش محتاجه شهاده والرسول الكريم قال " بلغوا عنى ولو ايه " بس مش معنى كده انى موافقه على اللى بيحصل اطلاقا

بنتى حكيت لى مواقف كتير حصلت معاها هى وصديقتها من هذا القبيل انا بنتى محجبه بس الحجاب العصرى واسفه فى التعبير انا عندى افضل من قلته ونص العمى ولا العمى كله " التعبير مش هو ؟؟ " يعنى كل اللى بنسمعه تقطيم فى المحجبات واللى مابيعطشوش الجيم فى التلاوه وما الى ذلك ما سمعناش حد بينتقد اللو ويست ولا البدى والاستر تش !!!!

باختصر " لانى فعلا حاسه انى مش مركزه "

حفت الجنه با لمخاطر وحفت النار بالشهوات "او ما معناه "

يعنى طالما انك وضعت هدف لازم تحققيه وزى ما خدنا كورسات لغات وجايز تعثرنا شويه نعتبرها عثره وربنا هايثيبنا عليها ان شاء الله 00

انت عارفه يا برنسيس كنت باخد دوره تجويد وكنت بلخبط فى "الغنه" شويه وكنت باتكسف اوى من اللى معايا قالت لى المحفظه ان لك اجران اجر القراءه واجر والتهته00( الذي يقرأ القران وهو ماهر به مع السفرة الكرام البررة, والذي يقرأ القران ويتتعتع فيه وهو عليه شاق له أجران)

ربنا يوفقك ويكرمك ان شاء الله

[خالد المسلم]

السلام عليكم ورحمه الله وبركاته

أختى الفاضله princess

الموقف اللى حصل لحضرتك ده ذكرنى بقصه سمعتها من الشيخ كشك رحمه الله ...

فى مره كانت محاضره الشيخ كشك عن الصلاه فى المسجد وفضل صلاه الجماعه وخصوصا صلاه الفجر ...طبعا تأثر الناس بكلام الشيخ ودمعت العيون وخشعت القلوب

فى اليوم التالى ...جاء جزار الى الشيخ كشك وقال بالحرف :أنت اللى كنت بتدعو الناس للصلاه أمبارح ..

رد عليه الشيخ :أيوه انا ,,,خير ؟

قاله:انا سمعت محاضرتك امبارح ورحت النهارده اصلى الفجر ..أول مره اروح أصلى الفجر ..رجعت من الصلاه لقيت بيتى اتسرق ...وبص الجزار للراجل بعين بتطق شرار..

فأبتسم الشيخ وسأل المعلم:قولى يا معلم انت لما بتروح تقدم على وظيفه بيشغلوك على طول ولا بيطلبوا منك مصوغات تعيين (الشهاده الجامعيه وشهاده الجيش ...الخ)

قاله :طبعا بيطلبوا منى مصوغات تعيين ...

رد عليه الشيخ :قاله طيب انت زعلان ليه ...ربنا (ولله المثل الاعلى )عمل معاك نفس الموضوع طلب منك مصوغات تعيين فى ساحه الرحمن جل جلاله ...

من الاخر يا اختى الفاضله الاذى اللى حصل ليكى ده دليل على صعود درجتك الايمانيه لان المرء بيبتلى على قدر دينه ..

فهل تكملى الطريق وتصبرى على الاذى ...او نخليها كومبيوتر وانجليزى وفرنساوى وخلاص؟

أنت اللى تقدرى تجاوبى على السؤال ده ..

[عبير يونس]

عزيزتي برينسس

الحقيقة مش حيكفي التوبيك إني أحكيلك على كم المواقف اللي مريت بيها في حياتي و مشابهة للي حصل لك

شوفي يا ستي

أنا مريت بكل المراحل في اللبس من آخر موضة لحد آخر حشمة

ثم اخترت الوسط

اللي آخر موضة وآخر حشمة مع بعض

عشان كده حاسة بمشاعر كل البنات و السيدات على مختلف مظاهرهم

المحفظة دي أكيد من الناس اللي لبست الحجاب على طول مع البلوغ و معرفتش حاجة غيره

عشان كده عمرها ما حتحس بيكي و لا حتلتمس لك أي عذر

أنا عندي واحدة صاحبتي جوزها و همة خارجين فاجئت الدورة الشهرية ابنتهما و هما على الباب

فأصر الأب ألا تخرج الابنة دون ارتداء النقاب

النقاب مش الحجاب

مع أنهم ناس متفتحين و كلاس و مستوى اجتماعي

بس دي عقيدتهم

و ده اللي همة مقتنعين بيه

تفتكري البنت دي ممكن تتقبل تشوف واحدة مش محجبة؟؟؟!!!

المحفظة من وجهة نظرها ما عملتش حاجة غلط

و لا هي قاصدة تنفرك

هي ببساطة محفظة على عيننا و راسنا

و أكيد معاها إجازة

ولكنها ليست داعية

ممكن تاخدي منها العلم الشرعي

بس أكيد أسلوبها في الدعوة لن يناسبك بالمرة

و ما تنتظريش منها تبتسم في وجهك طالما مظهرك لا يتفق مع معتقداتها

بصي يا برينسيس

ما تستنيش تشجيع من حد

إنتي عايزة طريق ربنا بغض النظر عن السواق اللي حيوصلك

يعني لو كنتي بتاخدي كورس لغة أو كومبيوتر

و كان الانستركتور غلس

كنتي حتسيبي الكورس؟؟؟!!!

هي الصحبة مهمة أكيد

بس الونيس الحقيقي هو الله تعالى

اطلبي صحبته وارتجيها

صدقيني بالدنيا و ما فيها

ملحوظة

المساجد ما أكثرها في بلدنا الغالية

اذهبي للمكان المريح أكثر

و لكن تذكري انها كلها بيوت الله عز وجل

و لا يملك أيا من كان أن يصدك عن معية الله تبارك وتعالى

وفقك الله لكل ما يحب و يرضى

آمين

[jasmin hamed]

السلا م عليكم جميعا

باختصار كده فى مصر مع الاسف مع الالم فيه عنصريه ضد الغير محجبات و الحكايه ديه بقت منتشره بصوره غريبه ,

نظره المجتمع و المحجبات لغير المحجبات بقت نطره تعالى

والموضوع برده ينطبق على المنقبات فى حمله ضدهم و اتهام بالجهل و الراجعيه و الحملتين ذى بعض بالملى يعنى ما يجيش حد و يقولى انه لو خيروه كل الستات يفرضوا عليها تقلع الحجاب و لا كل الستات يفرضوا تلبس النقاب و يقولى النقاب احسن هقول لا الاتنين ذى بعض

راى الشخصى ان ذى ما لاذنب فى الاكراه كمان مافيش حسنه مع اكراه

كتير من البنات اتحجبت لمجرد انها تبقى مقبوله اجتماعيا يعنى نيتها مش خالصه لوجه الله و النتيجه بنات لابسين استريتش و باديهات ستومك و لابسا حجاب ........... يا فرحتى

الدين الاسلامى حريه ما بعدها حريه يعنى الصلاه مثلا المطلوب انى ادعو ابنى بالحسنه و بالضرب و هوه صغير عشان يتعود مجرد مابقى راجل يبقى هوه حر عايز يصلى خير هيثاب مش عايز ادعوا بالحسنه مره و اتنين و عشره بس ماجبروش لانى لو اجبرتوا ذى المطوع يبقى النيه مش صافيه لله انما صلاتوه خوف منى

مجتمعنا بقى عامل وصايه على الناس كلها. المنقبه عايز يقلعها و القالعه الحجاب يلابسها و العقليات ديه الى طالع منها رجال الدين دول بيقرو كتب السيره و القران و عنيهم على الى عايزين يثبتوا بيه وجهة نظرهم هما

طيب هو انا مدخلتى ديه جايه اقولك فيها ياريت ماتلبسيش الحجاب و ماتروحيش الجامع اكيد لا و مش هقولك اكتر من الاخوه الافاضل قالوه عن انك رايحه لربنا مش للمحفظه

المطلوب منك و منى ومن كل الاخوه الى فاهمين اننا نقف ضد حملات الاكراه بكل صورها و اشكلها لانها لا علاقه لها بالاسلام و بتنفر الناس منه سواء كانوا غير مسلمين نتمنلهم يسلموا او مسلمين هيبعدهم الى بيشفوا من التقرب الى الدين . الاكراه نتيجته الوحيده و الاكيده منه هى التظاهر بالدين و النفاق مع النفس ده

بجد وانا طفله زمان لما كنت اسمع الايه( لا إكراه في الدين) كنت بفهم انوا ماينفعش انى اكره غير المسلم على الاسلام بس بجد دلوقتى حاسها شعار للحريه الديانه الاسلاميه و منها يتحاسب المسيئ على اسائته الى عملها بكامل حرية و المثيب يتجازه على الحسنه الى فضلها على المعصيه

و الى يقرا التاريخ الاوربى هيشوف ان سبب ان الاغلبيه مابقتش مؤمنه لنفس الاسباب الى بنعيشها دلوقت ( الاسترزاق بالدين و الاحكام المتناقضه و توليه الجهله شئون الدين و استخدام الدين فى خدمه السياسه و التشدد و تسطيح الدين ) و استغفر الله احنا بنعانى من كل الاعراض ديه بجد الموضوع خطير جدا

وحضرتك تفضلتى و صارحتى على العلن انا مش داخله الجامع تانى و بعدين لما المرض يستفحل فى المجتمع كمان 20 و لا 30 سنه هتلاقى الى يقول الاسلام كله مضايقنى عشان الناس المتدينه مابيجيش من واراهم الا وجع القلب .

اسفه على الاطاله بس الموضوع مستفز الى اقصى درجه و هيكون ليا مداخله تانيه احكيلك فيها قصصى مع المدقق الشرعى لالشركه الى بشتغل فيها

[Amr Radwan]

اثبتي .. دي اول عقبة علي طريق الالتزام مع الله و اختبار حقيقي .. انا واثق انك تقدري تنجحي فيه

[MZohairy]

هي دي أم المشاكل

ان المنقبه تعاير المحجبه و تتعالى عليها

و المحجبه تعاير الغير محجبه و تتعالى عليها

لو كل واحد يخليه في حاله كانت الدنيا بقت افضل كتير

[shiko]

برنسيس دى مواعيد الدروس اللى اعرفها ...مؤقتا

الاستاذ /مصطفى حسنى

كل يوم أربعاء في مسجد يوسف الصحابي بميدان الحجاز - مصر الجديدة - بعد صلاة العشاء

جلسة ...تحفيظ ..للنساء فقط

كل يوم احد وثلاثاء-عقب صلاة المغرب _ مسجد المرزوق_النزهة الجديدة –شارع المدينة المنورة .

تقبلى تحياتى... :sad:

[عصام أبوالفتح]

هو لا شك ((( سوء تفاهم ))) يؤسف له

وهو شائع وظاهر ليس فى مصر ولا يختص به المجتمع المصرى ولكن فى كل بقاع الدنيا

تجربة دخول مكان لأول مرة بمظهر يتناقض مع ماهو مألوف فى هذا المكان

( دخول ملتحى لصالة ديسكو .. وقوف منقبه لتبلل اقدامها المغطاه فى مياه احدى شواطئ الغردقة .. دخول طالب لصالة محاضرات بالكلية بالشورت ومضرب التنس مثلا مع توقعه ان يقطع المحاضر محاضراته للانتباه الى ما يطلب الاستفسار عنه ) ارجو ملاحظة ان الافتراض المبدئى لمن يدخل صالة محاضرات فى كلية هو طالب وبالتالى فلو ان ذلك حدث من عابر سبيل يسأل عن مكان ما بالجامعة او مواعيد المحاضرة لكان طبيعيا ان يستنكر دخوله من المحاضر و الاغلبيه .. وان يتفهم دوافعه بعض الحاضرين فقط

الشائع فى جلسات الدرس والمحاضرات بغض النظر عن مكانها هو الدخول للاستماع وليس الدخول للاستفسار عن المواعيد

وقد يبدو سلوك المحفظة خشناً إلا اننى لم التقط الصورة كاملة لأحكم عليها .. صورة دخولك ناقصة توضيحات كثيرة ورد فعل المحفظة ( هو فيه أيه ؟) لا يأتى من فراغ

اعتقد ان جملة كهذه لا تقال الا بعد فترة صمت طويله نسبياً .. فهل أولا القيت السلام .. هل دخلت وظللت واقفة ( اسلوب ضغط ) أم اقتربت منهم وجلستى معهم ؟

بصرف النظر عن مظهرك المناقض للمكان .. فهناك بروتوكول لدخول اى مكان .. والواضح انك لم تكونى تعلمينه

لا أدرى ما الذى كنتى تفكرين فيه ولا هى مشاعرك .. لكن لا تنتظرى منهن الوقوف مهللين برغبتك فى حضور الدروس فى المسجد وكأنك مسيحية تعلن الدخول فى الاسلام لتوها ..

سؤالى الذى اختم به ... هل هى اول مرة تعلنى انك لن تدخلى مكاناً مرة اخرى ؟ .. مع ملاحظة انك لم تدخلى المسجد أصلاً !!!

[Melhakim]

هذه اول مرة افتح موضوع منذ ان اشتركت في منتدى محاورات مصرية

ايوة مش هدخل مسجد تاني...محدش يستغرب

دفعني لذلك موقف تعرضت له اليوم.

الموقف جعلني في شدة الحزن، و سألت نفسي لو كان الرسول صلى الله عليه وسلم بينا اليوم هل كان سيفعل نفس الشئ؟

اخوتي الكرام فقط اريد ان اعرف رأيكم هل اخطاءت ام لا

من مدة طويلة و انا افكر في الانتظام لحضور درس ديني في اي مسجد، انا طول عمري بذاكر فرنساوي على الانجليزي على كمبيوتر

اشمعنى الديني هو الي مقصرة فيه؟

نفسي اتعرف على صحبة صالحة ، نروح مع بعض المسجد و نشجع بعض، و نعمل الخير مع بعض

قررت اليوم اني اروح لاقرب مسجد من بيتنا.

رحت و يا رتني ما رحت

الموقف هحكيه بكل امانة

الموقف:

سألت سيدة تجلس امام المسجد هل هناك دروس دينية في هذا المسجد؟

قالت لي ان هناك مجموعة من السيدات في قاعة المناسبات و انهم في درس دلوقتي، و قالت لي ادخلي اساليهم

دخلت

طبعا اول ما دخلت نظرات الاستنكار من كل جانب

و السيدة الفاضلة المحفظة نظرت لي بكل غضب و بصوت عالي قالت: هو فيه ايه؟؟؟؟؟؟؟؟؟؟؟؟؟؟

انا بصراحة خفت و رجعت لورا: وشرحت ليها ان جاية اسأل على دروس الدين مواعيدها امتى

المحفظة: ما احنا في الدرس اهو

انا: انا بس عاوزة اعرف بتبدوا امتى ؟ و ايه الايام التانية المتاحة علشان انا بشتغل

المحفظة: دورت وشها عني و قالت: نكمل الدرس و بعدين نقولك على المواعيد

انا كنت محرجة جدا و حسيت اني بشحت

كنت خلاص خارجة

بس السيدات الي كانوا في الدرس قالوا لي : استني، احنا بنبدأ بعد العصر ، اقعدي معانا..هو انتي طالبة؟

المحفظة: لأ مش يمكن تكون مشغولة ..تعالي يوم تاني ...

بقية السيدات اتكلموا كلهم في نفس واحد و كل واحدة فيهم بدأت تقول لي على المواعيد

المحفظة كان باين عليها اضيقت و اضطرت تقولي على المواعيد: يوم الجمعة قبل الصلاه

اتكسفت اسألها الساعة كام يوم الجمعة

لاني حسيت اني غير مرغوب فيا

و انا خارجة من القاعة تذكرت سورة عبس

سألت وقتها نفسي: لو واحدة غير مسلمة وعاوزة تعرف الاسلام و حصل معاها الموقف دا، هل هتفكر تدخل مسجد تاني؟

وليه احنا نفسنا بندي صورة وحشة عن الدين؟

ربنا سبحانه و تعالى بيقول للرسول : "ولو كنت فظا غليظ القلب لنفضوا من حولك"

هل لاني غير محجبة فليس لي الحق ان اسأل عن دروس دين؟ انا لم ادخل المسجد نفسه ولكني دخلت قاعة المناسبات خارج المسجد، و اكيد لما كنت هحضر الدرس كنت هلبس حاجة على راسي

هل لاني غير محجبة اصبحت منبوذة ؟

وهل هذه هي الطريق علشان نحبب الناس في الإسلام و في الألتزام؟

بجد محتارة

بعيدا عن انى مش مقتنع بالكلام اللى حضرتك بتقوليه بسبب الكلام اللى بالاحمر اللى مكتوب فيه واللى انا معرفتش منه بالظبط هل هما كانوا فى درس لما حضرتك دخلتى عليهم ولا الدرس هيبدا بعد العصر ولا اصلا مفيش درس والدرس يوم الجمعه .

احنا لو اخدنا قرار الذهاب لمكان من عدمه بانطباعتنا عن الناس اللى فيه يبقى محدش هيروح فى اى مكان وهنقعد كلنا فى البيت

مع الفارق طبعا فى التشبيه لو الراجل اللى يقطع التذاكر فى المترو او السينما بصلنا بصه وحشه او كلمنا بطريقة مش كويسه يبقى نقول مش هنركب المترو تانى او مش هندخل السينما تانى وقيسى على كده فى كل حاجه

ده غير انك رايحه المسجد بيت ربنا يعنى رايحه لربنا مش رايحه لحد يعاملك كويس او يضحك فى وشك

ادعيلهم بالهدايه وفى الاول والاخر الدين المعامله لما تعامليها كويس اكيد ان شاء الله هتجبريها على انها تتعامل بطريقه افضل من كده وتكونى سبب فى تغيير طريقتها فى التعامل

[MZohairy]

ارجوا من أي زميل يحاول ان يجد مبررا للست المحفظه بأي شكل ان يتوقف عن هذا

ايا كان منظر الأخت اللي داخله الجامع

فعلى من تجلس في الجامع (صاحبة العلم الديني و كيفية الدعوه الذكيه لدين الله) ان تحتويها و تنصحها و تهديها و تقومها

لا ان تنهرها و تقرف منها

لذلك انا نصحت الست المحفظه بإنها تدور على اي شغلانه تانيه مفيده بدل ما تضر في خلق الله و خصوصا اللي ناويين و عايزين يهتدوا و يعرفوا ربنا اكتر

اللهم خلص الإسلام من اشباه المسلمين

[se_ Elsyed]

يا خوانا هو أحنا ليه بنلوي عنق الحقائق المكتوبة أمامنا

ما كانش جامع .. ما كانش جامع ...

على حسب ما كتبت أختنا الكريمة كانت دار مناسبات ملحقة بالمسجد .. حاجه زي مدرسة .. والناس كانوا قاعدين على كراسي ولابسين الأحذية كمان ...

[myusername]

ارجوا من أي زميل يحاول ان يجد مبررا للست المحفظه بأي شكل ان يتوقف عن هذا

ايا كان منظر الأخت اللي داخله الجامع

فعلى من تجلس في الجامع (صاحبة العلم الديني و كيفية الدعوه الذكيه لدين الله) ان تحتويها و تنصحها و تهديها و تقومها

لا ان تنهرها و تقرف منها

لذلك انا نصحت الست المحفظه بإنها تدور على اي شغلانه تانيه مفيده بدل ما تضر في خلق الله و خصوصا اللي ناويين و عايزين يهتدوا و يعرفوا ربنا اكتر

اللهم خلص الإسلام من اشباه المسلمين

الاستاذ الفاضل زوهيرى... لو مشينا على مبدأ حضرتك.. يبقى بالصلاتو عالنبى المسلمين كلهم اشباه مسلمين :unsure:

لو كل واحد فينا عمل غلطة او ذنب.. و نظرنا له انه من اشباه المسلمين.. فهل ده منطقى؟ ولا شىء طبيعى؟