مش هدخل المسجد تاني

[engmido]

تمام يا ريمو

[Alrefaey]

بعد إذن صاحبة الموضوع ارجو من الادارة تغير عنوان الموضوع لما فى العنوان من مفهوم ضمنى على عدم فعل طاعة او فضيلة

فالاصل فى الموضوع مناقشة جهل بعد الدعاة بألاسلوب الصحيح للدعوة وليس الاصل هو العزم والأقرار بعدم دخول المساجد

[Princesse]

عزيزتي برنسيس .. اسمحي لي ( اقرأ ) معاكي موقفك بشكل مختلف شويه ..

يجوز الي حصل ده يكون خير.. عارفه ليه ؟ يمكن المحفظة معملتش كده لمجرد انها فظة وغليظة .. يمكن دي رسالة من ربنا بيوريكي فيها الوجه الآخر ( للتطرف ) وازاي بيكون شعور الانسان لما يكون ( آخر ) مرفوض من ( آخرين ) ..

اسمحي لي اقتبس جزء من كلامك قريته من يومين واسترجعته في ذهني وانا بقرأ موضوعك ده ..

نتي شايفه ان لو وحده فيهم برغم نقابها خرجت يبقى تنطرد او تنفصل او يتضيق عليها الخلاصة شايفه ان الي تخرج منهم يبقى هي الي اختارت ( تستاهل الي يجرى لها ) اهو شكلهم كده في الجامع عاملوك بنفس الطريقة .. خرجتي على مسؤوليتك يبقى تستاهلي المعاملة الي هتتلقيها ..

واخيرا انتي شايفه النقاب ( منظر ) غير حضاري ومقرف والي اختارته يبقى المفروض تقعد ( بقرفها ) بعيد ومش هتيجي تقرفنا بمنظرها ده ( حتى في كندا )

اهم برضه كنده بتاعتهم هي مسجدهم واستغربوا انكم قارفينهم بمنظركم برا وجايين تقرفوهم جوا كمان ..

يفترض انك عارفه موقفي الشخصي من النقاب لاننا سبق وتناقشنا في الموضوع ده وعارفه اني مش منقبة ولا اقر النقاب كفرض .. ولكني في نفس الوقت بحترم تماما رغبة صاحبته اذا قررت ارتدائه بالظبط زي مابحترم رغبة اي وحده مش محجبة قررت انها هتبقى كده هي حرة لا بصدر عليها احكام ولا بتخذ ضدها اجراءات .. جبت لك اقتباس من كلامك عن النقاب عشان اثبت لك ان الموضوع ( بسيط ) انتي من داخلك عارفه انك ( كويسه ) وان مشاعر الكراهية والنبذ تجاه المنقبات ده شيء طبيعي وهو ده المفروض يبقى بناء عليه اتمنى لو تطبقي نفس الامر على المحفظة وتعرفي انها من داخلها ( كويسه ) وتلتمسي لها بقى العذر لما تنبذك كده بناء على ( مظهرك الخارجي ) لانك انتي نفسك بتفكري بنفس الطريقة ..

على كل حال مش هلاقي افضل من رأي الفاضل سكوربيون .. لو عندك النية خالصة فعلا التزمي بالمسجد ده بالذات وعند المحفظة دي بالتحديد . وياريت لو تناقشيها بالي ناقشتينا فيه وتقولي لها ان تصرفها معاكي كان هيخليكي تكرهي المساجد كلها عشان تعرف قد ايه ان ( التطرف ) و ( رفض الآخرين ) لمجرد انهم اختاروا مظهر مختلف ممكن يوصل بالناس لفين ..

تحياتي لكي على موضوعك الجميل ده ..

العزيزة ضحي

كلام حضرتك خلاني ارجع نفسي تاني...معاكي حق...

كنت شاركت من كام يوم في موضوع المنتقية الي اطردت من درس الفرنساوي علشان بترتدي النقاب

انا كمان كنت تقريبا في مكانها امبارح

مش عيب ان الانسان يغلط و لكن العيب انه يستمر في الغلط

اكيد نظرتي هتتغير

و اكيد هتعلم من التجربة دي اني اتقبل الاخر حتى لو كانت افكاره مختلفة عني

الاستاذ عصام ابو الفتوح:

اي موقف بنتعرض له في حياتنا بيكون له اكثر من زاوية

انا كنت شايفة الموضوع من زاوية واحدة فقط ..ومشاركة حضرتك جعلتني اشوف الموضوع من زاوية تانية غابت عني

فشكرا لحضرتك

الاخت شيكو: جزاك ربنا كل خير ..انا تعبتك معايا

وبجد دي اكتر مشاركة ساعدتني :shutup: ;) :lol:

[Princesse]

عاوزة اشكر كل واحد هنا تعب نفسه و اخد من وقته علشان يكتب لي كلمة تسعادني

جزاكم ربنا كل خير

امبارح انا كتبت الموضوع بعد ما رجعت من المسجد على طول...كنت منفعلة و حزينة...بصراحة انا كنت بعيط

كنت فعلا وقتها قررت اني مش هدخل اي مسجد تاني و لا حتى هحاول اخد اي دروس في الدين

وعلشان كدة اخترت عنوان الموضوع :مش هدخل المسجد تاني

يمكن خالفني التوفيق في اختيار العنوان لاني كنت منفعلة..اعذروني

وكلام حضرتكم و ان دي اول عقبة في طريق الالتزام..و اني رايحة علشان ربنا و اتعلم مش علشان حد تاني كان دافع ليا اني احاول تاني

بجد جزاكم الله كل خير ...لانكم الصحبة الصالحة الي شجعتني و ساعدتني ان اشوف الموقف من زاوية تانية

صدقوني، انا مش زعلانة من المحفظة و لا ناقمة عليها..يمكن هي كمان مضغوطة و انا فعلا معرفش ظروفها ايه

ويكفي ان باقي السيدات في المسجد كانوا مرحبين بيا و ادوني المواعيد

فقط اتوجه لكلمة للاعضاء الكرام الي قالوا ان الموضوع كله عبارة عن غيبة أو انه كذبة اخترعتها

اشكركم ..

ولكن الكذب ضعف ...وانا مش ضعيفة

وعلى اي حال لا تنزعجوا من موضوعي ...

وبطلب من الادارة انها تغلقه و تمسحه

لاني اخدت هدفي منه، والاخوة الافاضل نصحوني و شاركوني و شجعوني

و الاخت شيكو (ربنا يجزيها كل خير) قالت لي على مواعيد الدروس

وانا مش عاوزة حاجة اكتر من كدة

[myusername]

فقط اتوجه لكلمة للاعضاء الكرام الي قالوا ان الموضوع كله عبارة عن غيبة أو انه كذبة اخترعتها

اشكركم ..

ولكن الكذب ضعف ...وانا مش ضعيفة

الاخت برنسيس.. محدش اتهمك بالكذب, ولا حد قال انك كذابة.. و يا ريت تورينا فين المداخلة اللى بتتهمك بالكذب؟؟!!!!!!!!!!!!!!!!!!!!!!!!

يبدو انك قرأتى الكلام سريعا, فمأخدتيش بالك.

بالنسبة للغيبة.. ده كان كلام موجه للاستاذ زوهيرى لانه تمادى قليلا فى وصف المحفظة بأمور هو ليس على دراية كافية بها.

الموضوع كله بس.. اننا سمعنا من طرف واحد.

وفقكى الله, و سددك خطاكى.

تم تعديل 10 مارس 2010 بواسطة myusername

[justme]

طيب خليني اقولكم هي ليه عملت كده

واصبروا معايا واقرأوا الكلام

فيه حديث بتاع من رآى منكم منكرا عارفينه

اخره فان لم يستطع فبلسانه- فبقلبه

الست انكرت تصرف برنسيس فعلشان كده اتصرفت كده

لو حد فيكم عايز يعمل خير وفي مصر يروح ياخد برنسيس من ايدها ويروح معاها الجامع ويصفي النفوس

بدل ما الناس بتقول الكلام وخلاص

وبعدين في نقطة تانية

غلطة المحفظة في رأيي هي مش بسيطة بس من منا لا يخطئ

العالم ان اجنهد فأصاب له اجران

وان أخطأ فله اجر

ده العالم اللي بيفتي في الأمة يعني ممكن ناس تتبعه

وفيه فرق بين المخطيء والخاطئ

والست هنا اخطئات ماشي

بس ياريت الناس اللي بتهاجمها تاخد دور ايجابي وتحاول تنشر الاسلام بشكل سليم بدلا من النقض وضرب النار وخلاص

الناس شغاله بطريقة الهجوم خير وسيلة للدفاع

عموما يا برنسيس متزعليش من الست دي خالص

ولو عايزة تكسبي فيها ثواب كلميها وفهميها غلطها بالراحة

واكسبي فيها ثواب وان شاء الله تكوني سبب انها تكون احسن في التعامل مع من بعدك يمكن الموقف يتكرر مع غيرك وميلاقيش حد ينصحه

[shiko]

هى ...دى النقطة الايجابية ...لازم نكون ايجابيين ...

ياريت لو الاخت المحفظة ...دى زعلت حد من دخول المكان ده ....

كونى انتى سبب يابرنسيس ان ناس اكتر يروحو....كونى انتى سبب اكبر لتشجيع غيرك على الطريق الصح

واخيرا ...انا شايفة فى الموقف نقاط ايجابية اكبر ...

وهو ..انتى حسيتى اننا كلنا قد ايه بنحبك ومهتمين بيكى

الست دى اديتك دفعة انك تصممى على حاجة بشكل اكبر

يمكن تكون السبب فى حاجات كتير هاتتغير فى حياتنا كلنا...

[ابوهنا]

خمسة صفحات من الكتابه ولم نصل الى حل ولن نصل الى اتفاق

يبقى ايه لزومه الكلام

انا خلاص مش هاتكلم

[abaomar]

عاوزة اشكر كل واحد هنا تعب نفسه و اخد من وقته علشان يكتب لي كلمة تسعادني

جزاكم ربنا كل خير

امبارح انا كتبت الموضوع بعد ما رجعت من المسجد على طول...كنت منفعلة و حزينة...بصراحة انا كنت بعيط

كنت فعلا وقتها قررت اني مش هدخل اي مسجد تاني و لا حتى هحاول اخد اي دروس في الدين

وعلشان كدة اخترت عنوان الموضوع :مش هدخل المسجد تاني

يمكن خالفني التوفيق في اختيار العنوان لاني كنت منفعلة..اعذروني

وكلام حضرتكم و ان دي اول عقبة في طريق الالتزام..و اني رايحة علشان ربنا و اتعلم مش علشان حد تاني كان دافع ليا اني احاول تاني

بجد جزاكم الله كل خير ...لانكم الصحبة الصالحة الي شجعتني و ساعدتني ان اشوف الموقف من زاوية تانية

صدقوني، انا مش زعلانة من المحفظة و لا ناقمة عليها..يمكن هي كمان مضغوطة و انا فعلا معرفش ظروفها ايه

ويكفي ان باقي السيدات في المسجد كانوا مرحبين بيا و ادوني المواعيد

فقط اتوجه لكلمة للاعضاء الكرام الي قالوا ان الموضوع كله عبارة عن غيبة أو انه كذبة اخترعتها

اشكركم ..

ولكن الكذب ضعف ...وانا مش ضعيفة

وعلى اي حال لا تنزعجوا من موضوعي ...

وبطلب من الادارة انها تغلقه و تمسحه

لاني اخدت هدفي منه، والاخوة الافاضل نصحوني و شاركوني و شجعوني

و الاخت شيكو (ربنا يجزيها كل خير) قالت لي على مواعيد الدروس

وانا مش عاوزة حاجة اكتر من كدة

السلام عليكم

الاخت الفاضله ....مبروك

الف مبروك على وقوفك على اول الطريق المنتهى الى الجنه بإذن الله .

إنتى زعلانه ان المحفظه عاملتك وحش ..

طيب إيه رأيك إن زوجتى فى بدايه مجيئنا الى السعوديه منذ حوالى 14 عام

سُرِقَت بل خُطِفَتْ شنطه يدها و هى جالسه فى المسجد فى إنتظار صلاه العشاء و كانت فى مسجد النساء

و شنطنها كان بها بالاضافه للفلوس جواز السفر حيث كانت فى بدايه وجودها فى السعوديه

و معتاده على حمله معها ..المهم ان الصدمه كانت كبيره

و كان لابليس اللعين دور كبير كما فعل معك فى جعلك تنقمين على تلك المرأه فى بدايه الامر

و كان ممكن ان تتوجهى لله عز و جل باللوم (كما يحدث للبعض ) ..مش كفايه انى جايه احفظ

قرأن كمان هايكشروا فى وشى و يعاملونى وحش ......و الحمد لله ان نجاكى من هذا و تغلبتى

على نوازع النفس و شياطين الانس الذين سيجدون الفرصه سانحه ليثنوكى عن طريق الهدايه

تاره باثاره نوازع الكراهيه تجاه تلك المرأه او متجهمى الوجوه من الدعاه ...الوحشين .

احب ان ابشرك ان زوجتى اتمت حفظ القرأن كله مع التجويد فى اقل من اربع سنوات

و هى ام لثلاث اطفال يسيرون بفضل الله ثم توفيقه على خطى امهم الصيدلانيه المتفوقه فى دراستها الجامعيه ..

تذكرى اختى ان قدوتنا فى القرأن

( أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ ) 214 البقره .

عندمى تتحجبى سيقولون ذلك و اكثر و الكارثه ( بالنسبه لهم طبعا )عندما ستنتقبين

لكنكى ستجدين مكافأه ذلك كله لو تخيلتى انك بذلك ستدخلين الجنه ......الجنننننننننننننننننه.

تذكرى ان الطريق طوييييييييل

تذكرى ايضا ان سلعه الله غاليه

الا إن سلعه الله الجنه .

تم تعديل 10 مارس 2010 بواسطة abaomar

[prince]

انسة برينسس بعد التحية

اولا ارجو تصحيح كتابة الاية الكريمة ( فَبمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِك )

ثانيا ما الهدف من كتابة موضوع بهذا العنوان ؟ و هل هناك رابط بين مداخلتك عن النقاب والتى قلبتى فيها الحقائق عن مفهوم الحرية الشخصية وبين ماحدث لك بدار تحفيظ القرأن ؟ و هل لم تتوقعى رد فعل المحفظة من البداية وانا اتكلم من واقع روايتك فقط دون سماع الطرف الاخر .

ثالثا اذا كان لا يمكن لاحد ان يذهب الى عمله بالبيجامة او يذهب الى حفل زفاف بالترينج او انترفيو بتشيرت او غيرها على اعتبار انها حرية شخصية فاذا كان الهدف نبيل وانا لا اشكك فى ذلك فلماذا لا نستعد له بما يليق به

الى م زهيرى مداخلاتك مليئة بالتناقضات فى هذا الموضوع ترى ان المشكلة فى فى محفظة القران فقط وانها ضمن من تعتبرهم اخطر الناس على الاسلام وتتبنى موقف برينسس باعتبار انها حرية شخصية اذا لماذا تنكر على المنتقبة حضورها للدراسة بالنقاب وحقها فى تحقيق طموحها وتطالب بجلوسها فى المنزل ؟؟؟؟؟ الا يمثل ذلك تناقضا من وجهة نظرك

الى منال شوقى السخرية من استاذك ووصفه بالعلامة فى موضع سخرية لا يليق بمن تعرف نفسها بدارسة الفقه والشريعة يفترض انها تعرف فضل اهل العلم

ثانيا اقترحت من وجهة نظرك وقناعاتك الشخصية ارسال المنتقبة الى افغانستان وانا اقترح ايضا ارسالك معها هناك

[الغريب]

الموضوع لا يزيد عن كونه موقف معين تعرض له شخص وكتب الموضوع في لحظة إنفعال ..

بس للأسف تحس أن في ناس عندها تاار بايت ومجهزة مكتبة ردود جاهزة ..

أكرر كلمة قلتها من قبل في المحاورات أن مصطلح "مضر بالإسلام" مصطلح مش سهل ويجب عند إطلاقه تحرير الفعل المضر بالإسلام وتوضيحه جليا ثم ذكر دليل مخالفتها للشريعة حتى نكون جميعا على يقين بأنه فعلا "مضر بالإسلام" ..

وأشكر هذه المداخلة التي أتت بالحقيقة في الواقع الاجتماعي

اذا كان لا يمكن لاحد ان يذهب الى عمله بالبيجامة او يذهب الى حفل زفاف بالترينج او انترفيو بتشيرت او غيرها على اعتبار انها حرية شخصية فاذا كان الهدف نبيل وانا لا اشكك فى ذلك فلماذا لا نستعد له بما يليق به

وأنا لو روحت أنترفيو بالتيشرت والجينز ممكن السكرتيرة تقولي أكتفينا وهطلع أعمل موضوع زي ده وأقول مش داخل شركة .... تاني ، مع أن أنا اللي غلطان وكل الناس هتقوولي وهو في حد ممكن يعمل عملتك المهببة دي ومش ممكن حد هيقولي دي حرية شخصية وأنت معاك حق ، ليه لأني بختلف مع العرف الاجتماعي .. أنما لو عملت ده في مكان مقدس له حرمته (حتى ولو كان دار مناسبات ملحقة بمسجد فهي قاعة لمدارسة القرآن والعلم الشرعي) وتلقيت بعض الخشونة في الرد، للأسف الكل هيدافع عني ومحدش هيغلطني وكله هيقولي هما اللي ولاد ... وأنت ملكيش ذنب ودي حرية شخصية كان لازم يحترموها ولا أحد سيلفت نظري أني خالفت الهدي الديني

[MZohairy]

و الله العظيم أخشى عليك يابو عمر من طريقة تفكيرك يوم ان تلاقي الله سبحانه

و اقولها بكل صدق من اخ اكبر سنا و اصغر مقاما

حرد على كلامك بين سطورك

إنتى زعلانه ان المحفظه عاملتك وحش ..

بلاش نشخصن الموضوع و خليه بوجه عام ...من حق اي شخص يزعل و يتضايق في مثل هذا الموقف

طيب إيه رأيك إن زوجتى فى بدايه مجيئنا الى السعوديه منذ حوالى 14 عام

سُرِقَت بل خُطِفَتْ شنطه يدها و هى جالسه فى المسجد فى إنتظار صلاه العشاء و كانت فى مسجد النساء

و شنطنها كان بها بالاضافه للفلوس جواز السفر حيث كانت فى بدايه وجودها فى السعوديه

و معتاده على حمله معها ..المهم ان الصدمه كانت كبيره

و ايه علاقة المثال ده بموضوعنا؟؟؟ عايز تقارن بين الحرامي و المحفظه؟ rs:

شيئ طبيعي ان الحرامي يسرق

انما مش طبيعي ان المحفظه تعمل كده

و كان لابليس اللعين دور كبير كما فعل معك فى جعلك تنقمين على تلك المرأه فى بدايه الامر

ده مش دور ابليس

ده دور المحفظه اللي انت بتستميت في الدفاع عنها رغم خطأها المبتزل

فعلا حبيبك يبلعلك الزلط

بس ماكنتش اعرف ان المثل ده منطبق عند السلفيين لما يشهدوا شهادة حق

و الحمد لله ان نجاكى من هذا و تغلبتى

على نوازع النفس و شياطين الانس الذين سيجدون الفرصه سانحه ليثنوكى عن طريق الهدايه

طبعا شياطين الانس اللي هم كل المخالف لرأيك يا ملاك الإنس

نفوتها

تاره باثاره نوازع الكراهيه تجاه تلك المرأه او متجهمى الوجوه من الدعاه ...الوحشين .

حبيبك يبلعلك الزلط و يخليك ما تقولش الحق

طيب فكر مره كده بحياديه و قوللي

طب كاتبة الموضوع ربنا نجاها

طب و غيرها من اللي حيصادفوا نفس الموقف ؟ يعملوا ايه؟

مش من باب اولى بدل مانت عمال تحمد ربنا على نجاة اختنا من شياطين الانس ...انك تنصح الحاجه اللي قاعده تحفظ بإنها تكف عن هذا الهطل الدعوي؟

بس حنقول ايه غير حبيبك يبلعلك الاسمنت المسلح

عندمى تتحجبى سيقولون ذلك و اكثر و الكارثه ( بالنسبه لهم طبعا )عندما ستنتقبين

بلاش الاسلوب العتيق ده يا أخي rs: و بطلوا تعيشوا في وهم الجماعه اللي الكل أعدائهم

و بلاش تغنوا و تردوا على روحكم

انتي حتتحجبي تالالملم

هم حيزعلوا تلالملم

انتي حتتنقبي تالالملم

هم حيتفرسوا تالالملم :D

ما تتحجب ولا تنتقب مين فينا حيدفع من جيبه تمن النقاب؟؟؟

لكنكى ستجدين مكافأه ذلك كله لو تخيلتى انك بذلك ستدخلين الجنه ......الجنننننننننننننننننه.

تذكرى ان الطريق طوييييييييل

تذكرى ايضا ان سلعه الله غاليه

الا إن سلعه الله الجنه .

مكافأة النقاب الجنه؟؟؟ rs:

كده خلاص؟

و بس؟

طب قول لها ده احد العوامل

او من ضمن الاسباب

انما خلاص ؟ لخصت الجنه في النقاب؟

كلام بيسطح الدين بشكل مريع يابو عمر و انا آسف لذلك و حاول تغير الطريقه دي لمصلحة الدين و الله

و ربنا يهديك و ايانا

[shiko]

و الله العظيم أخشى عليك يابو عمر من طريقة تفكيرك يوم ان تلاقي الله سبحانه

و اقولها بكل صدق من اخ اكبر سنا و اصغر مقاما

حرد على كلامك بين سطورك

والله يا استاذ زوهيرى ...

خشيتى من الله وحده ...ان يحبط اعملنا ...

معلهش ...انا بقى اختك الصغيرة ...مقاما ...ومقالا ...وسنا ....

ارجوك ...بالله عليك ....لعل كل من علقت عليه فى مداخلتك ...هنا ...افضل بكثير منا عند الله ...

وذكر فإن الذكرى تنفع المؤمنين .....

أن الله تعالى قال: من ذا الذي يتألى علي أن لا أغفر لفلان فإني قد غفرت لفلان وأحبطت عملك.

وعن أبي هريرة قال سمعت رسول الله صلى الله عليه وسلم يقول: « كان رجلان في بني إسرائيل متواخيين أحدهما يذنب والآخر مجتهد في العبادة، فكان لا يزال المجتهد يرى الآخر على الذنب فيقول: أقصر، فوجده يوما على الذنب فقال: له أقصر فقال: خلني وربي، أبعثت علي رقيبا؟ فقال: والله لا يغفر الله لك أو لا يدخلك الله الجنة، فقبض أرواحهما فاجتمعا عند رب العالمين فقال لهذا المجتهد: كنت بي عالما أو كنت على ما في يدي قادرا، وقال للمذنب: اذهب فادخل الجنة برحمتي، وقال للآخر: اذهبوا به إلى النار » قال أبو هريرة والذي نفسي بيده لتكلم بكلمة أو بقت دنياه وآخرته) [صحيح الجامع

ارجووووووووك رجاء اخت...."ان قبلت انت بهذا " ويكون لى عظيم الشرف ....

نحن لا نحب من اخطأ....ولكننا نبغضه فى الله ....

[MZohairy]

والله يا استاذ زوهيرى ...

خشيتى من الله وحده ...ان يحبط اعملنا ...

معلهش ...انا بقى اختك الصغيرة ...مقاما ...ومقالا ...وسنا ....

ارجوك ...بالله عليك ....لعل كل من علقت عليه فى مداخلتك ...هنا ...افضل بكثير منا عند الله ...

وذكر فإن الذكرى تنفع المؤمنين .....

أن الله تعالى قال: من ذا الذي يتألى علي أن لا أغفر لفلان فإني قد غفرت لفلان وأحبطت عملك.

وعن أبي هريرة قال سمعت رسول الله صلى الله عليه وسلم يقول: « كان رجلان في بني إسرائيل متواخيين أحدهما يذنب والآخر مجتهد في العبادة، فكان لا يزال المجتهد يرى الآخر على الذنب فيقول: أقصر، فوجده يوما على الذنب فقال: له أقصر فقال: خلني وربي، أبعثت علي رقيبا؟ فقال: والله لا يغفر الله لك أو لا يدخلك الله الجنة، فقبض أرواحهما فاجتمعا عند رب العالمين فقال لهذا المجتهد: كنت بي عالما أو كنت على ما في يدي قادرا، وقال للمذنب: اذهب فادخل الجنة برحمتي، وقال للآخر: اذهبوا به إلى النار » قال أبو هريرة والذي نفسي بيده لتكلم بكلمة أو بقت دنياه وآخرته) [صحيح الجامع

ارجووووووووك رجاء اخت...."ان قبلت انت بهذا " ويكون لى عظيم الشرف ....

نحن لا نحب من اخطأ....ولكننا نبغضه فى الله ....

يا شيكو حاولي تفهميني

انا بشكرك قبل كل شيئ على اخلاقك العاليه

لكن لا داعي لخلط حكمنا على تصرفات البشر بحكم الله عليهم

انا معرفش مين في الجنه و مين في النار

دي حاجه بتاعة ربنا وحده

لكن احنا كبشر من حقنا ننتقد كل من نراه مضرا و مسيئا و مبتذلا في الحياة الدنيا

و هذا النقد من باب التحذير و التوعيه و عدم دفن الرءوس في الرمال

كل واحد حسابه عند الله

لكن من رأى منكم منكرا فليغيره مش نسيب المخطئ و نقول لعله افضل منا عند الله !

و تذكري ان عدو عاقل خير الف مره من صديق جاهل

اشكرك مره أخرى

تم تعديل 11 مارس 2010 بواسطة Folana

[tantrum]

السلام عليكم

دعونا نراجع ما حدث مرة أخرى و بدون شخصنة و بصرف النظر عن أى شخصية حقيقية.

فتاة كبيرة ناضجة ذهبت لدرس دينى و لن نقول لمسجد و كل من يذهب لتلك الدروس يلتزم رداء معينا وذلك شىء بديهى و لكنها ذهبت برداء لا يتوافق مع المكان و لا المقال الذى ذهبت إليه بإرادتها:

ترى لماذا فعلت ذلك....؟؟

ثم قطعت درسا أو محاضرة لتسأل عن شىء ما وهو أمر فى حد ذاته مستنكر.!!

ثم كان رد فعل المسئولة عن تلك المحاضرة كما جاء فى رأس الموضوع لا يوجد به أى شىء خارج عن اللياقة.

لنقارن ذلك بطالبة ذهبت متأخرة لسكشن عملى فى إحدى الكليات معروف أن الذخول لزاما بالبالطو الأبيض و دخلت بدون البالطو على الدكتورة المحاضرة فى السكشن أثناء المحاضرة فكيف سيكون رد فعل تلك الدكتورة..؟؟؟

ثم يكون موضوع تلك التجربة عنوانه (مش هدخل المسجد تانى) عنوانا يجرى على شريط المحاورات لأيام

ثم نجد من يؤيدها و يدافع عنها مغتابا فى إمرأة أخرى !!!!!!!!!!!!!!!!!!!!!!!

ما أريد أن أقوله

بعض الغير محجبات يعتقدن أنهن عندما يذهبن لدرس دينى فهن يمنن على المحجبات و ينتظرن تقدير خاص و مقابلة خاصة و إستثناء و معاملة خاصة.

و البعض يؤيد ذلك على أساس ألا ننفرهن فى الدين

و الدين واضح و مصادره الصحيحة متاحة للمحجبة و للغير محجبة, و الغير محجبة ليست من كوكب أخر و لا تعدم العقل الذى تميز به حتى تنفر من دين لمجرد موقف عابر.

======================================================

ملاحظة هامة:

لماذا تم التأكيد أن المكان المقصود لم يكن مسجدا و بالرغم من ذلك العنوان هو (مش هادخل مسجد تانى) ؟؟؟؟

[الغريب]

يا شيكو حاولي تفهميني

انا بشكرك قبل كل شيئ على اخلاقك العاليه

لكن لا داعي لخلط حكمنا على تصرفات البشر بحكم الله عليهم

انا معرفش مين في الجنه و مين في النار

دي حاجه بتاعة ربنا وحده

لكن احنا كبشر من حقنا ننتقد كل من نراه مضرا و مسيئا و مبتذلا في الحياة الدنيا

و هذا النقد من باب التحذير و التوعيه و عدم دفن الرءوس في الرمال

كل واحد حسابه عند الله

لكن من رأى منكم منكرا فليغيره مش نسيب المخطئ و نقول لعله افضل منا عند الله !

و تصرف الست دي في رأيي هو من المنكرات اللي يجب التحذير منها على الأقل و هذا اضعف الإيمان

و تذكري ان عدو عاقل خير الف مره من صديق جاهل

اشكرك مره أخرى

مرة أخرى.. الفاضل زهيري

أنا أشكر لك تفهمك في الرد

ولكن لي سؤال لماذا الرد وإنكار المنكر في الرد على أسلوب الأخت المحفظة في المسجد كما بينت

لكن من رأى منكم منكرا فليغيره

وأنها بهذا السلوك تكون "مضرة بالاسلام"على حد تعبيرك بسبب أسلوبها

ولم تذكر أي إنكار لزي الأخت برنسيسة أثناء دخولها لهذا المكان ، كما أنتظر منك الرد على مداخلتي السابقة التي أستخدمت فيها نفس المنطق الذي تستخدمه

[Diab]

بِسْمِ اللَّهِ الرَّحْمَنِ الرَّحِيمِ

هَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ (٢١)

إِذْ دَخَلُوا عَلَى دَاوُودَ فَفَزِعَ مِنْهُمْ قَالُوا لَا تَخَفْ خَصْمَانِ بَغَى بَعْضُنَا عَلَى بَعْضٍ فَاحْكُمْ بَيْنَنَا بِالْحَقِّ وَلَا تُشْطِطْ وَاهْدِنَا إِلَى سَوَاءِ الصِّرَاطِ (٢٢)

إِنَّ هَذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ (٢٣)

قَالَ لَقَدْ ظَلَمَكَ بِسُؤَالِ نَعْجَتِكَ إِلَى نِعَاجِهِ وَإِنَّ كَثِيرًا مِنَ الْخُلَطَاءِ لَيَبْغِي بَعْضُهُمْ عَلَى بَعْضٍ إِلَّا الَّذِينَ آَمَنُوا وَعَمِلُوا الصَّالِحَاتِ وَقَلِيلٌ مَا هُمْ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ (٢٤)

فَغَفَرْنَا لَهُ ذَلِكَ وَإِنَّ لَهُ عِنْدَنَا لَزُلْفَى وَحُسْنَ مَآَبٍ (٢٥)

يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ (٢٦

سورة ص

[MZohairy]

الموقف هحكيه بكل امانة

الموقف:

سألت سيدة تجلس امام المسجد هل هناك دروس دينية في هذا المسجد؟

قالت لي ان هناك مجموعة من السيدات في قاعة المناسبات و انهم في درس دلوقتي، و قالت لي ادخلي اساليهم

دخلت

طبعا اول ما دخلت نظرات الاستنكار من كل جانب

و السيدة الفاضلة المحفظة نظرت لي بكل غضب و بصوت عالي قالت: هو فيه ايه؟؟؟؟؟؟؟؟؟؟؟؟؟؟

انا بصراحة خفت و رجعت لورا: وشرحت ليها ان جاية اسأل على دروس الدين مواعيدها امتى

المحفظة: ما احنا في الدرس اهو

انا: انا بس عاوزة اعرف بتبدوا امتى ؟ و ايه الايام التانية المتاحة علشان انا بشتغل

المحفظة: دورت وشها عني و قالت: نكمل الدرس و بعدين نقولك على المواعيد

انا كنت محرجة جدا و حسيت اني بشحت

كنت خلاص خارجة

بس السيدات الي كانوا في الدرس قالوا لي : استني، احنا بنبدأ بعد العصر ، اقعدي معانا..هو انتي طالبة؟

المحفظة: لأ مش يمكن تكون مشغولة ..تعالي يوم تاني ...

بقية السيدات اتكلموا كلهم في نفس واحد و كل واحدة فيهم بدأت تقول لي على المواعيد

المحفظة كان باين عليها اضيقت و اضطرت تقولي على المواعيد: يوم الجمعة قبل الصلاه

اتكسفت اسألها الساعة كام يوم الجمعة

لاني حسيت اني غير مرغوب فيا

مرة أخرى.. الفاضل زهيري

أنا أشكر لك تفهمك في الرد

ولكن لي سؤال لماذا الرد وإنكار المنكر في الرد على أسلوب الأخت المحفظة في المسجد كما بينت

لكن من رأى منكم منكرا فليغيره

وأنها بهذا السلوك تكون "مضرة بالاسلام"على حد تعبيرك بسبب أسلوبها

ولم تذكر أي إنكار لزي الأخت برنسيسة أثناء دخولها لهذا المكان ، كما أنتظر منك الرد على مداخلتي السابقة التي أستخدمت فيها نفس المنطق الذي تستخدمه

اذا كنت يا أخي الغريب شايف ان الكلام اللي بالكبير ده يليق ان يخرج من نموذج اسلامي محترم و مبيضرش الإسلام بسبب هذه الطريقه المنفره يبقى انا غلطان

تحياتي

[MZohairy]

بِسْمِ اللَّهِ الرَّحْمَنِ الرَّحِيمِ

هَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ (٢١)

إِذْ دَخَلُوا عَلَى دَاوُودَ فَفَزِعَ مِنْهُمْ قَالُوا لَا تَخَفْ خَصْمَانِ بَغَى بَعْضُنَا عَلَى بَعْضٍ فَاحْكُمْ بَيْنَنَا بِالْحَقِّ وَلَا تُشْطِطْ وَاهْدِنَا إِلَى سَوَاءِ الصِّرَاطِ (٢٢)

إِنَّ هَذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ (٢٣)

قَالَ لَقَدْ ظَلَمَكَ بِسُؤَالِ نَعْجَتِكَ إِلَى نِعَاجِهِ وَإِنَّ كَثِيرًا مِنَ الْخُلَطَاءِ لَيَبْغِي بَعْضُهُمْ عَلَى بَعْضٍ إِلَّا الَّذِينَ آَمَنُوا وَعَمِلُوا الصَّالِحَاتِ وَقَلِيلٌ مَا هُمْ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ (٢٤)

فَغَفَرْنَا لَهُ ذَلِكَ وَإِنَّ لَهُ عِنْدَنَا لَزُلْفَى وَحُسْنَ مَآَبٍ (٢٥)

يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ (٢٦

سورة ص

يا دياب يا حبيب قلبي

كل كلامي مبني على تصديق قصة صاحبة الموضوع

فإن صدقت ينطبق على الست المحفظه كلامي

أما اذا لم تصدق فيبقى كلامي غير قابل للتطبيق

شكرا

[jasmin hamed]

توهتونى بصراحه يعنى انتوا بتناقشوا موضوع برنسيس و موقفها بالذات

ولا حضرتكم بناقشوا الخطاب الدينى الغير واعى و تاثيره على المجتمع

ولا بتدافعوا عن الخطاب الدينى المسيئ للاسلام

ولا بتعملوا تحقيق فى موقف ماكنش حد واقف فيه عشان تعرفوا من القاتل؟

ولا بتعملوا فرز عشان تعرفوا مين داخل الجنه و مين مش داخل ؟

ولا تصفيه حسابات فى موضوعات تانيه ؟

بجد حد يفهمنى عشان كل ماادخل موضوع الاقيها هيه هيه نفس الخناقه

و بعدين برنسيس من يجى صفحتين خلصت الكلام و قالت الموضوع منتهى كانت متنرفزه و يمكن فيه سوء تفاهم ما بنها و بين المحفظه

الداعى الجاهل المتعصب مش بس بينفر الناس من الدين لكن بيدفعوهم للالحاد و ده فى كل الديانات مش الاسلام بس لانهم ببساطه نموذج المتدين بيبقى نموذج ماحدش عايز يبقى ذيه

يعنى الى تدينه نص نص بيشوف النموذج المتدين المكشر الكاره دنيتوا و الناس الى حواليه صوته عالى و بيتعالى على الناس و حاسس انه احسن منهم و يقول لو التدين كده يا عم الله الغنى

انا مش بدعى ان المحفظه جاهله ومتعصبه ا اتصور ان الموقف بقى محلول بالنسبه لبرنسيس انا بتكلم عامه

بجد يا شيكو من اجمل المشاركات فى الموضوع و خصوصا المشاركه الاخيره منتهى الاحترام و الاخلاق الله يباركلك يا بنتى يمكن يتعلم ناس كتيرهنا الاحترام فى الردود حتى لو مختلفه فى الراى