عاوزين نجمع من بعض 250 الف جنيه بسرعه

[se_ Elsyed]

مش عشاني والله ما حدش يفهمني غلط

عامةً أنا هاضع هنا رقم حسابي في بنك مصر .. و عاوز اغمض عيني وأفتحها الاقي الفلوس نازله ترخ عليه

المبلغ بقى محضر لكم بيه مفاجأتون

وهو إننا هاندفعه عشان نشوف صورة بنت المطربة شيرين عبد الوهاب لاول مره على الحقيقة

واوووووووووووووووووووووووووووا ... يووووووووووووووووووووووووووه ... يععععععععععععععععععععععععع

إيه القرف اللي إحنا فيه ده ؟

لأ بجد ... فين السادة المسئولين ؟ وفين وزير الجبايه اللهي لا يرده

وبالفعل أندفع المبلغ لها ايها السادة من احد المجلات الفنية المصرية عشان تنشر صورة بنتها على الغلاف لأول مره .. وصرحت شيرين أنها ستضع المبلغ وديعه بإسم بنتها عشان تأمن مستقبلها

يا صلاة النبي

طب أقسم بالله اللي يدفع لي 150 ج ويقولي هاننشرها في صفحة الوفيات حتى هاوافق من غير تردد

انا أفهم واحد ياخد ملايين في فيلم ولا مسلسل بيتعب ويقعد يشقى شهور عشان ينجزه

لكن مجرد صورة عيله ما عندهاش سنة وبترضع لسه وتاخد 250 الف .... لييييييييييييييييييييييييييه ؟ هي مخلفه أبو تريكه جديد

[joo]

ممكن تخلينى انا اللى الم الفلوس من المحاوراتية

متخفش دول فى امااااااااااااااااااااااااااااااان

[ذهبية]

لالا الموضوع دة جد و لا هزار لا مش معقول انا مش مصدقة

يا نهار هو الهبل وصل للدرجة دى كمان

بجد حاجة تجرق الدم اية الى احنا وصلنا لة دة

هى كمان الام بتاجر بصور ولادها ......علشان تلم فلوس..... و تحطهم وديعة باسمها ....علشان لما تكبر

تلم ربع مليون جنيهة ...... علشان صورة من غير تعب و لا عرق و لا بهدلة

يعنى الموظف يشتغل عمرة كلة ومش هيعرف يلم ربع المبلغ دة....... وبنت لسة فى اللفة تلمة فى ثوانى

هو دة المثل اللى بنسيبة لولادنا .........من الكفاح و العرق و التعب

بالذمة لما بناتنا تشوف المناظر دى ..............تعمل اية

لما الشاب اللى مش عارف يفتح بيت يصون نفسة ........علشان مش عارف يلم تمن الشقة ولا العفش يقول اية

يعنى نتوقع ان شاء الله لما البت تكبر وتروح المدرسة هتاخد كام علشان تورينا صورتها بالمريلة

عن اذنكم هاقومك اخد دوا .... الضغط .....

[ابوهنا]

بنتى عندها عشرين يوم تاخد صورتها وتدينى خمسه جنيه

طيب انشر صورتها ومش عايز فلوس

وهاحط المجله فى البنك علشان اامن مستقبلها

[Morial]

حسبي الله ونعم الوكيل في شيرين وبنتها والمجلة واللي هيشتروها

تم تعديل 10 مارس 2010 بواسطة se_ Elsyed

[mama nona]

الهبل كتير

هيزيدوا واحدة يعنى مش هتفرق

انا قريت العنوان ..

اتفزعت

كدهوت

:lol: :lol:

وازبهليت

:lol:

وقلت ايه ؟؟؟

هو سى السيد ناوى يشطب شقته وياخد ا لMBA على حسابنا ولا ايه ؟؟؟؟؟؟

[سهران]

لو ما كنتش قريت الخبر بنفسي من شوية ما كنتش صدقت ....

فعلا .... ربع مليون جنيه .... رجعت بالذاكرة فلاش باك .... لما ربنا كرمني ببنتي من سنة و نص و كان اللي "بينقطني " في السبوع بمية جنيه كنت بابوس

راسه تقديرا و وفاء"و عرفانا بالجميل :closedeyes: .

واحد من اللي بيعلقوا على الخبر كاتب ( أستغاثة ) و عاوز حد ياخد صورته و يديله نص كيلو خيار wst::

تم تعديل 9 مارس 2010 بواسطة سهران

[doha]

سبحان الله لسه شايفه الصورة امبارح بالصدفة . .

و الصورة اهيه ياجماعه عشان متقولوش خليت نفسكم في حاجة ..

على كل حال وان ك نت شاكه في المبلغ ( لان على حسب ما قريت فالمجلة مملوكه للصديق ـ الانتيم ـ لشيرين يعني الموضوع كله على بعضه كده " كادوه" وشغل مجاملات ) الا اني ( وفي ذات نفس الوقت ) بقول ان مش خساره ابدا المبلغ ده واكتر منه في صورة بنتها ..

وقبل ماحد يسورق او يطبق في زمارة رقبتي اقولكم ببساطه ليه ..

اظن كلنا عارفين الصور المنتشرة في النت واليوتيوب عن الممثلات ( قبل وبعد ) ..

فابسط منطق لو انا شخص مشهور احافظ على عيالي ( متداريين ) لغايه مايكبروا ( واغير لهم اللازم ) بعدين اقدمهم للجمهور ..

الاب اوالام الفدائيين الي هيعرضوا عيالهم النهرده ( كماانزل ) هيندعى عليهم من العيال بكرا لما العيل من دول يتلمع ويظهر للعلن ثم يأتي من يبحث في( الدفاتر القديمه ) ..

مستغربتش ابدا الحصار الاعلامي الي الفنانيين عاملينه على عيالهم بل استغربت الفدائية الي قامت بيها شيرين لما طلعت صورة بنتها في العلن .. يجوز الي جمد قلبها ( ضربها شعر البت اصفر ) ..

كله ممكن ..

[Simba]

البت بيضا بيضا

وامها سمرا

تم تعديل 10 مارس 2010 بواسطة سمبا

[myusername]

ايــــــــــــــــه دنيا... ياخدونيش انا ذات نفسيتى ثخصيا و يدونى خمسة و تلاتين قرش.. او ممكن أبدل بأى حاجة, مفيش مشاكل :closedeyes:

صحيح.. رزق اللى اسمهم ايه.. على معرفش ايه

تم تعديل 10 مارس 2010 بواسطة myusername

[fatfouta]

البت بيضا بيضا

وامها سمرا

ماهى عشان خلفتها بعد عمليات التجميل يا سمبا انت مش واخد بالك :closedeyes: wst::

طب تاخدوش صور ولادى انا وتدونى اى حاجة والله ماعندى اى مانع

بس خدوهم لوحدهم بلاش انا معاهم

تم تعديل 10 مارس 2010 بواسطة fatfouta

[Morial]

ذنبها إيه الطفلة البريئه دي إني أأر عليها وأبٌصلها بصه كلها غل وحقد وأكتئاب ونفسنه وغيره وحسد وكره وغيظ

ياللا خليها تشبع بالربع أرنب يا دوب يكفوها كام دبدوب من أمريكاعلي كام باكو شيكولاته من فرنسا علي كام باكيت بامبرز من لوندون

وأهو الباقي تركب بيه مراجيح في حواري البساتين لما تروح تزور تيتا أم شيرين

[president]

فى حاجه مش قادر أفهمهما .

فين الفساد اللى فى الموضوع . وفين الغلط اللى عملته شريين . بجد حد يفهمنى مش قادر أفهم فين المشكله ؟

هى المجله دى بورنو ولا مؤخذاه ؟ . مجلة عرضت على شريين 250 الف مقابل صورة بنتها ايه المشكله ؟ المجله شايفها انها الكسبانه .

المجله تدفع 250 الف.. تدفع مليون هى حره . وكل واحد حر يشترى المجله ولا لأ ...

وبره الموضوع ده منتشر جدا .مافى ممثلين بياخدوا 5 و 10 مليون فى الفيلم ايه بقى المشكله عند شريين ..

انا ميهمنيش شريين او غيرها .. بس مش كل واحد يجيلوا قرشين نحقد عليه بالطريقه دى ..

تحياتى

[se_ Elsyed]

فى حاجه مش قادر أفهمهما .

فين الفساد اللى فى الموضوع . وفين الغلط اللى عملته شريين . بجد حد يفهمنى مش قادر أفهم فين المشكله ؟

هى المجله دى بورنو ولا مؤخذاه ؟ . مجلة عرضت على شريين 250 الف مقابل صورة بنتها ايه المشكله ؟ المجله شايفها انها الكسبانه .

المجله تدفع 250 الف.. تدفع مليون هى حره . وكل واحد حر يشترى المجله ولا لأ ...

وبره الموضوع ده منتشر جدا .مافى ممثلين بياخدوا 5 و 10 مليون فى الفيلم ايه بقى المشكله عند شريين ..

انا ميهمنيش شريين او غيرها .. بس مش كل واحد يجيلوا قرشين نحقد عليه بالطريقه دى ..

تحياتى

إنت جبت الخلاصة وسألت عن الفساد

الفساد يأتي من مجلة زي دي شايفه ظروف الناس تقوم تدفع مبلغ هلامي زي ده في حته صورة عيله ..

أينعم من حكم في ماله فما ظلم .. لكن برضوا لازم يبقى في ولي أمر يحاسب ويقول لهم طب أدفعوا ضرايبكم بامليم وبعد كده إن شالله تبعتروا الفلوس في الشارع

لكن الفساد في الموضوع لما تلاقي الفقير اللي معاه ربع جنيه بصين له في أهله وعاوزين يلهفوه منه بأي شكل ... وأديك شوفت يوسف بطرس غالي والضرايب اللي قاطم بها وسطنا وسايب أصحاب الملايين دول يبرطعوا

الفساد في الموضوع يا مستر بريذدنت إنك عندك بلد أمرها عجيب .. بتطبق الضريبة من دول على أبو قرش وأبو مليون بالتساوي ... فهل ده يُعقل ؟

هل يُعقل على سبيل المثال أن أملك شقة قميتها الان مليون جنيه وساكن فيها ولا تُدر على أي عائد ... يقوموا يقلبوني في مبلغ كل سنة على الريق ...

وواحد تاني عنده 150 شقة قيمة كل منها 300 الف ومع ذلك يطلع لي لسانه وما يدفعش ولا مليم

وهل يعقل أن تُطيق ضريبة الدخل على موظف طالع عين اللي خلفوه وعنده كوم لحم مش لاقي يأكلهم وفي حياته ما كسرش الف جنيه يقدر يشيلهم في الدولاب عشان الكفن حتى ... وناس تانتيه تاخد ربع مليون جنيه في صورة عيله بتدفع نفس النسبة بعد التهرب والتملص؟

أنا مش شيوعي ولا حاقد ولا أنادي بإعادة توزيع الثروة ..

لكن الرحمة حلوه .... وربنا إسمه العدل

[ذهبية]

و الله يا برسيدنت انت قولت اية الغلط مفيش اى غلط خالص

بس لمااقول لابنى روح ذاكر علشان مستقبلك يرد عليا يقولى هاعمل اية بالمذاكرة لا اطلع لعيب كورة و اخلي عيلتنا و اللى خلفونا اغنية عرفتى يا ماما ان اللعب احسن من المذاكرة

و لما اقول لبنتى روحى صلى وذاكرى علشان ربنا يفتحها فى وشك و يرزقك ترد عليا و اتعب نفسى لية ما اطلع مطربة

احسلى دة صورة ولادى بربع مليون

امال انا بقى هالم كام و معايا قد اية من بس مجرد غنى

لما اقول لابنى شد حيلك علشان تطلع دكتور فى الجامعة يضحك عليا و يقولى ضحكتينى يا ماما يعنى هاقبض كام

شوفى جدو بياخد كام ......

لما يكون المبدا الىل فى المجتمع هو مبدا تدينى كام هو الى ماشى و كل حاجة ليها تمن

هو دة الىل فى المجتمع تفتكر حضرتك هو دة اللى حضرتك عايز تربى ولادك فى مجتمع زى دة

يبقى مبدا من جد وجد

اتمسح من زمان وبقى موضة قديمة ومايصح يتقال بعد كدةةةة

[nizza la bella]

طب أقسم بالله اللي يدفع لي 150 ج ويقولي هاننشرها في صفحة الوفيات حتى هاوافق من غير تردد

لية كدة يا سى السيد باشا حرام طفلة ملهاش اى ذنب

[se_ Elsyed]

طب أقسم بالله اللي يدفع لي 150 ج ويقولي هاننشرها في صفحة الوفيات حتى هاوافق من غير تردد

لية كدة يا سى السيد باشا حرام طفلة ملهاش اى ذنب

يا عم نيزا إنت هاتلبسني تُهمه

أنا باتكلم عن صورتي وتحتها كلمتين " طوبى للفقراء " :sad:

[nizza la bella]

حسبي الله ونعم الوكيل في شيرين وبنتها والمجلة واللي هيشتروها

الطفلة ملهاااااش اى ذنب

[Morial]

والله يا استاذ بريذيدنت موقف حضرتك غريب جدا

عارف حضرتك ان خبر ذي ده لما يتنشر ايه اللي ممكن يحصل ؟

كل الناس التعبانه الشقيانه هتحس بسخط لأنعدام مبدأ تكافأ الفرص يعني هي شيرين وللا بنتها عملوا ايه علشان يستحقوا الفلوس دي

أنا هحكي لحضرتك قصة حصلت وأنا شاهدة عليها

كان فيه فيزيائي خريج جديد وأنا احب ادعوه بلقب عالم لأن هوكده فعلا

الراجل ده كان نابغه من يومه وكان توصل لنظريات مبتكره لا يتسع المجال لذكرها وحاول كتير أنه يجد تمويل لمعاونته علي أبحاثه ولكن لا حياة لمن تنادي

المهم الشاب ده اصحابه كانوا زعلانين عليه واقترحوا عليه انه يهاجر بره مصر أو يسافر بغرض الدراسه ومن هناك هما هيقدروه وهيسهلوله الهجرة والدراسه لكن صاحبنا رد عليهم وقال منين يا حسرة وانا عايز علي الاقل عشرين تلاتين الف علشان اقدم علي دراسة في الخارج

واخد بالك حضرتك عشرين تلاتين الف

اصحابه ودول عمله نادره جمعوله المبلغ من بعض وهو سافر ونجح بره جدا ومش ناوي يرجع مصر برضه جدا

تخيل ان فيه واحد تاني زي الشاب ده وقراء هذا الخبر ومتستبعدش أنه ممكن يولع في نفسه

وتخيل كام بنت شايفه صوتها حلو وتتمني تعمل اي حاجة علشان توصل وتبقي ذي شيرين وتبيع صورة بنتها بربع مليون جنيه

عارف لو كانت شيرين قالت هتبرع بيهم لمستشفي سرطان الاطفال كنت هدعي لشيرين ولبنتها وللمجله لكن هي وعلي الرغم من انها مش محتاجة ومليونيرة وداقت طعم الفقر هتأمن لعيلة بيهم مستقبلها

وأقولك حاجة كمان

أنا أول ما شفت الصورة قلت في نفسي أستغفر الله العظيم امال لو كانت البت حلوة كانوا دفعوا كام ؟

تم تعديل 10 مارس 2010 بواسطة منال شوقي

[nizza la bella]

طب أقسم بالله اللي يدفع لي 150 ج ويقولي هاننشرها في صفحة الوفيات حتى هاوافق من غير تردد

لية كدة يا سى السيد باشا حرام طفلة ملهاش اى ذنب

يا عم نيزا إنت هاتلبسني تُهمه

أنا باتكلم عن صورتي وتحتها كلمتين " طوبى للفقراء " :lol:

طب لية كدة يا باشا بعد الشر عليك ان شاءاللة انا

واخد 100 جنية :sad: