عاوزين نجمع من بعض 250 الف جنيه بسرعه

[Simba]

شيرين تبكي : لم أتاجر بصور ابنتي .. نادمة على "ميدو مشاكل"

قالت إن سقوط طائرة إثيوبيا منعها عن "آخر من يعلم"

انتابت المطربة المصرية شيرين عبد الوهاب حالة بكاء شديدة في أثناء تكريمها من قبل جمعية العلماء المصريين الأمريكية عن مجمل أعمالها، وخصوصا أغنيتها "مشربتش من نيلها"؛ حيث فاجأت الحاضرين بدموعها وبدت في غاية الحزن والضيق بسبب ما نشر من أخبار تشير إلى حصولها على 250 ألف جنيه مصري، نظير نشر صورتها مع رضيعتها التي نشرتها على أغلفة إحدى المجلات.

في الوقت الذي أعربت فيه شيرين عن ندمها على مشاركتها في بطولة فيلم "ميدو مشاكل"، كاشفة عن تجهيزها لفيلم جديد رافضة الكشف عن تفاصيله.

ودخلت الفنانة المصرية في حالة بكاء شديدة بمجرد الحديث عن ابنتها "مريم"، مبدية أسفها وحزنها الشديد حيال ما كتب على صفحات الجرائد والإنترنت، من أنها حصلت على ربع مليون جنيه للظهور مع ابنتها على إحدى المجلات، وهو ما أزعجها بشدة لأنها لا تتاجر بابنتها، على حد قولها.

وأكدت شيرين -خلال المؤتمر أنها وافقت على ظهور ابنتها على الرغم من رفضها في البداية، وذلك بناء على نصيحة زوجها، الذي قال لها إن ملامحها ستتغير بعد فترة، فهي لا تزال في سنواتها الأولى، ولذلك فلن تتأثر كثيرا بعالم الشهرة.

وبعدها اختارت شيرين مجلة لا يوجد بينها أي خلافات وتربطها بالمسؤولين فيها صداقة جيدة، ولا يوجد بينهما أي مشاكل للظهور على صفحاتها بمناسبة عيد الأم، وهي مناسبة غالية على قلب كل الأمهات.

الخوف من الطائرة

وحول علاقتها بالمطرب المصري تامر حسني وظهورها معه مؤخرا في زيارة للمنتج نصر محروس، أوضحت شيرين أنها على علاقة جيدة بتامر ولا يوجد بينهما أي خلاف، ولكنها أخطأت عندما أبدت رأيها عن أحد أعماله بصراحة خلال أحد اللقاءات الصحفية، معترفة بأنها كان يجب أن تحتفظ برأيها لنفسها.

كما نفت أيضا أي خلاف بينها وبين المنتج نصر محروس، معتبرة أن الموضوع أخذ أكبر من حجمه.

وأوضحت شيرين أن السر وراء اعتذارها عن المشاركة في برنامج "آخر من يعلم" لتخوفها من ركوب الطائرة عقب سقوط طائرة أثيوبيا، ولكنها اتفقت مع المسؤولين عن البرنامج على أنها تنوي تصوير حلقة قريبا.

شيرين كشفت خلال المؤتمر عن عزمها عمل أغنية دويتو مع الفنانة سميرة سعيد، وديو آخر مع أنغام.

وكشفت المطربة المصرية عن تجهيزها للمشاركة في فيلم سينمائي جديد، ولكنها تتكتم تفاصيله، مبدية ندمها على تجربتها الأولى في فيلم "ميدو مشاكل"، الذي شاركت فيه من قبل مع الفنان أحمد حلمي؛ لأن دورها لم يكن بالشكل الذي أرضاها

http://www.egypty.com/art-details.aspx?art=5726

[Ambitious]

الخبر بصيغة أكثر وضوحا على المصرى اليوم ..

شيرين «باكية»: لم أتقاض أجراً لظهور ابنتى على غلاف مجلة

كتب محسن محمود ١٤/ ٣/ ٢٠١٠

[ شيرين تبكى أثناء المؤتمر]

شيرين تبكى أثناء المؤتمر

أثناء تكريمها من قبل جمعية «العلماء المصريين» فى الولايات المتحدة الأمريكية أمس الأول، تساقطت دموع شيرين عبدالوهاب رغم فرحتها بالتكريم، بسبب اتهامها بتقاضى ٢٥٠ ألف جنيه مقابل ظهور ابنتها على غلاف إحدى المجلات.

قالت شيرين لـ «المصرى اليوم»: «بصراحة شديدة (ندمانة) على ظهور ابنتى على غلاف إحدى المجلات، لأنها جوهرة لا يصح أن يشاهدها أحد، كما أننى لم أتقاض أى مليم مقابل ذلك، وأنا صاحبة الاقتراح بظهورها معى بعد أن تلقيت اتصالا ًمن المجلة، أبلغونى خلاله برغبتهم فى تصويرى بمناسبة عيد الأم واحتفالى بعيد ميلاد ابنتى الثانى بالإضافة إلى أننى فى الشهور الأخيرة من الحمل».

وأضافت شيرين: (دعيت) على الصحفية التى نشرت خبر الربع مليون جنيه من شدة غضبى بعد أن قرأت التعليقات المنشورة بأن مريم ابنتى ليست ملكة جمال حتى تحصل على هذا المبلغ».

وعن التكريم قالت: «التكريم بالنسبة لى أكبر بكثير من حصولى على جائزة عالمية مثل الـ(ميوزك أوورد) التى رفضتها بسبب الشبهات المحاطة بها».

http://www.almasry-alyoum.com/article2.asp...mp;IssueID=1709

ملحوظة على جنب : شعرت بالغثيان من تعليق صدر أكثر من مرة من أكثر من عضو إن البنت وحشة وازاى يدفعوا ربع مليون فى دى ..والله اللى يعرف فيكم شكل ابنه او بنته هيبقى ازاى او كان ممكن يبقى ازاى يحق ليه يتريق على خلق الله براحته

تم تعديل 14 مارس 2010 بواسطة Ambitious

[Morial]

طالما شيرين وافقت علي ظهور بنتها علي غلاف مجلة يبقي من حق اي حد يقول رأيه

وسواء هي خدت فلوس أو ماخدتش اللي بيحط صورته علي غلاف مجله مش حاططها علشان نغمض عينينا

لاء ده حطها علشان الناس تشوفها

وشيرين نفسها مش جميلة ودي حاجة واضحة جدا

بل علي العكس لم يكن لها علاقة بالجمال من بعيد او قريب لكن البركة في العمليات والعيشه الدلع

وان كنا متقبلين شيرين لجمال صوتها وهو اللي شافعلها

فأيه اللي هيشفع لبنتها ؟

هي عملاها نجمة وحطاها علي غلاف مجلة وأنا بقول بنتها مش حلوة ودي حقيقة

واعرف اطفال اجمل منها مليووووون مرة وصورهم مبتنزلش علي اغلفة المجلات

طالما عايزة بنتها نجمة ومشهورة يبقي تتحمل النقد

وبعدين ايه اللي يخلينا نقارن ولادنا ببنت شيرين ؟

هما ولادنا صورهم بتنزل في المجلات ؟

دول اطفال غلابة ذي اهاليهم

وو اضح ان حسك مرهف اوي لشعورك بالغثيان لما البعض علق علي صورة البنت وقال انها يا حرام مش حلوة

اومال بتحس بأيه لما بتشوف صور الاطفال اللي شعرهم وقع من الكيماوي في اعلانات التليفزيون

غثيان برضه وللا حاجة تانية

تم تعديل 14 مارس 2010 بواسطة منال شوقي

[Simba]

يا منال هو اكيد ما يقصدش كده ولا يقصد انه هيحس بالغثيان لما يشوف صور اطفال شعرهم وقع من الكيمياوي في غالب الامر هيتعاطف جدا معاهم

ممكن زي ما حضرتك تكوني بتقولي البنت مش جميلة لكن فيه فرق بين النقد والأهانة

مع اني مش شبه توم كروز بس اكيد هتضايق لما حد يقولي شكلك وحش

ناس كتير مثلا حاطين صور اولادها علي الفيس بوك لو حد علق عليهم وقال ابنك او بنتك شكله وحش اكيد التعليق هيوجع

وبرضه في نفس الوقت الشعور بالغثيان من تعليق لانسانة ماليش اي علاقة بيها والمفروض انها نجمة احساس اوفر شوية

[Morial]

كلام منطقي يا سمبا لكن لما يحصل استفذاذ ويتقال ربع مليون جنية في صورة يبقي من حق اي حد يقول اللي يقولة

وهما ليه مايراعوش شعورنا علشان نراعي احنا شعورهم هما وولادهم واللي خلفوهم

وبعدين انا عن نفسي لا اصدق الست شيرين ولا دموعها

هي مش قبل كده راحت تطلع بطاقة الرقم القومي وكانت متجوزة ومتطلقة وكتبت في الاستمارات انها انسة ؟

ولما الموظفين اكتشفوا الحقيقة من الكمبيوتر اتدخل نصر محروس ولم الموضوع بحجة انها نوغه ومش عارفة ان دي جريمة تزوير وقال ايه بتحافظ علي صورتها امام المعجبين

مش دي اللي ممكن اتعاطف معاها

اتعاطف مع حد يستاهل والعاهات اللي تستاهل التعاطف كتير اوي في بلدنا

وبكررها تاني بنت شيرين وحشه وبضب كمان ;)

تم تعديل 14 مارس 2010 بواسطة منال شوقي

[Ambitious]

أشعر بالغثيان مش لأن الصورة بشعة ولا لأن شرين كانت من بقية عيلتى ولكن أشعر بالغثيان من ثقافة مريضة فى مجتمعنا تعطينا الحق فى مهاجمة اللى ميعجبناش شكله .. يععع دى شكلها وحش يدفع فيها ربع مليون دى .. لا إله إلا الله .. ربنا ارتضالها الشكل ده هنعترض احنا عليه لا وكمان نتريق ونسخر منه .. بأى حق ؟؟

لو افترضنا صحة الواقعة اللى تم تكذيبها اساسا وان شرين دى انسانة كدابة وبتمثل على خلق الله .. البنت ذنبها ايه فى ان حد يتكلم عليها بالطريقة دى ؟

[Morial]

هدية صغيورة لمحبي شيرين بتاعة الربع ارنب

http://www.youtube.com/watch?v=bl3YAOXTndM

يظهر فيه دور غثيان ماشي في البلد اليومين دول ولكل ضحايا الغثيان اقول

عليكم وع اللمون ده حتي مفيش ارخص منه :blink:

تم تعديل 15 مارس 2010 بواسطة منال شوقي

[الباشمهندس ياسر]

وهل نسينا مقولة الصحابي الجليل " عبد الله بن مسعود " لما قال .. أوشك أن أأمر الفقراء فيخرجوا بسيوفهم ليأخذوا حقهم من الأغنياء .

من الاغنيا اللي بيستهبلوا فيها وماحدش شاف منهم ربع جنيه حتى ...

تصحيح بسيط

الصحابي هو " ابي ذر الغفاري"

[Scorpion]

الفاضلة منال شوقي ...

هذه المرة لم استطع ان اتفق مع رأي حضرتك... بل اسمحيلي ان اعبر عن أسفي الشديد لما قرأته في سطورك حول تقييمك لجمال طفلة .. فمهما اختلفنا حول شخصية والدتها .. تصرفاتها .. و مدي صحة خبر تلقيها اموال انكرت هي تلقيها لها ( و انا اميل الي تصديقها و الا كانت المجلة كذبتها بعد ذلك) ... مهما اختلفنا حول كل ذلك .. فتقييمنا لجمال طفل او قبحه اسمحي لي يجب ان ندعه لأنفسنا فقط ... فلسنا لجنة تحكيم في مسابقة جمال للأطفال ...

بالأضافة انه لا يوجد اطفال قبيحة ...فجمال ارواحهم تطغي علي قباحة نفوس البشر .

تحياتي

[jasmin hamed]

انفراد بصوره بنت شرين = مبيعات خرافيه للمجله اعلانات بالالفات

و لان اكيد محدش عايز ينشر صور ولاده للرايح و الجاى لازم المجله تغرى الفنان انه ينشرها

الغلط على الى بيشترى المجله و بيتفرج على الموقع عشان يعرف مين خلف و مين طلق

يعنى الغلط علينا احنا الى عملنا لاخبار الفنانين سعر

الشعب الى مهموم بلقمه العيش و انبوبة البوتجاز هوه الى بيحوش 15 جنيه كل شهر عشان يشترى مجله نميميه

يبقى بتعتبوا على المجله و شرين ليه؟؟

تم تعديل 16 مارس 2010 بواسطة jasmin hamed

[se_ Elsyed]

سيتم غلق الموضوع نظراً لقيام صاحبته بنفي الخبر ...

وشكراً