مذكرات واحدة متغربة

[fatfouta]

وبمناسبة العصبية بين الجنسيات

افتكرت موقف او كلمة عجبتنى جداااا من واحد سودانى

كنا ليلة الرؤية بتاعة رمضان يعنى كان صابح اول يوم رمضان وروحنا كارفور عشان نجيب الطلبات وللاسف كان زحمةةةةةةةةةةةة

لدرجة ان كل الناس اتخنقت ماحدش عارف يجيب والناس بتخبط فى بعضها وحاجة صعبة قوى

وجينا عند الكاشير طبعا من طابور الكاروتس الناس خاص مابقتش عارفة تعدى

واحنا واقفين فى الطابور الطويل ده على.......من على بعد وعلى كاشير تانى كان واقف واحد سودانى والدور جاى عليه خلاص........ وبدون اى اذن ولا زوق جه واحد سعودى معاه زوجته وبناته وقام داخل وزاقق الكاروت بتاعة السوانى وهيدخل

طبعا السودانى بص له وقاله ده دورى وده ولا كان وشغال يطلع من الحاجات بتاعته ويحطها على شير الكاشير

السودانى طلع برضه حاجته وحطها وقاله طالما مش بترد يبقى ده دورى بقى ومش هديهولك

السعودى مسك الراجل وحاول يضربه ومراته هى اللى لما صرخت وقفته وقالتله خلاص ننتظر مانريد مشاكل

ملحوظة السودانى طويل جدا وعريض .........السعودى قصير ورفيع جداا يعنى لو السودانى مسكه هيطحنه

لكن بمنتهى التحضر اللى جعل كل الناس احترمته فى الوقت ده اتصرف السودانى

لما السعودى قاله انا اولى منك انت عشان انا سعودى(والله العظيم باللفظ كده قالها)

السودانى رد وقاله لا لا اسف انت مش احسن منى ولا اولى........بالعمل والوظيفة.........بالعمل والوظيفة

وقعد يردد الكلمة دى ولا قرب ايده ولا ضرب وكان فى منتهى الاحترام والله بصراحة.......اخد دوره برضوا ومشى وخلاص

وفعلا بجد ماينفعش التعميم

[herohero]

لما السعودى قاله انا اولى منك انت عشان انا سعودى(والله العظيم باللفظ كده قالها)

السودانى رد وقاله لا لا اسف انت مش احسن منى ولا اولى........بالعمل والوظيفة.........بالعمل والوظيفة

وقعد يردد الكلمة دى ولا قرب ايده ولا ضرب وكان فى منتهى الاحترام والله بصراحة.......اخد دوره برضوا ومشى وخلاص

وفعلا بجد ماينفعش التعميم

فكرتيني بالكويت ع فكرة الكوايته صعب انهم يقفوا ف طوابير ومن زمان وهم كده وقولت بعد الغزو وهروبهم لا مؤاخذه زي ( النسوان) وانا اسف لان سيداتنا اشجع منهم وانا كنت موجود ف الغزو والله هروب لدرجه تضحك عارفين دول بعد الغزو كانوا حاطين ع كفرات العربيات الفور ويل الغطاء بتاعها المشمع مكتوب كلمة واحده ( كيفي كويتي) تخيلوا تبقى سايق وهو اامك اي تصرف غلط بيرد اتوماتيك وكاتب الرد ( كيفي كويتي) بس الحمد لله ف الغزو كانوا بيقفوا طوابير ف يالجمعيات التعاونية ف الطابور ويجي الدور عليه ويروح العراقي مرجعه من الاول تاني

سيدتي الاحترام والادمية نسبية سيدتي خلي السعودي يعمل كده مع امريكي ولا كندي

للاسف ارجع واقولك الجنسية لها دور

[Alrefaey]

ديما متألقة بموضوعاتك الجذابة فتفوته

العنصرية والشللية احسها متأصله فينا جميعا كجنس بشرى لم ارى حتى الان اناس ينتمون من اى دولة لم تطالهم هذه الافه ولكنها ظاهرة وواضحة فى شعب عن غيرة ومستترة عند البعض الاخر

اختلط بسعوديين وسوريين وفلسطنيين ومصريين ويمنيين وسودانيين وهنود واجانب وتكون هذه الصفة مستترة وتظهر عند التجمع او الشللية

الاخ الفاضل مو ت ديو

عند التعاقد لا تذكر بأن لك اصول عربية لأنه للاسفف هيقدم لك عرض اقل

اكيد كلنا فاكريين قصة الاستاذ الجامعى الامريكى ذا الاصول المصرية الذى تعاقد من جامعة بقطر وكان بيتقاضى راتب 60 الف وفيلا ولاندكروزر وبعد فترة من العمل اكتشفوا ان اصوله مصرية قامو بخفض عقدة الى 20 الف وخفضوا البدلات

ذهب الاستاذ الجامعى الى السفارة الامريكية واشتكى الجامعة واكيد كلكم عارفين بعدها ايه اللى تم

تم دفع تعويض مادى مناسب بالاضافة الى دفع كامل راتبة الى نهاية عقدة ورجع على امريكا مرة اخرى

[fatfouta]

ديما متألقة بموضوعاتك الجذابة فتفوته

العنصرية والشللية احسها متأصله فينا جميعا كجنس بشرى لم ارى حتى الان اناس ينتمون من اى دولة لم تطالهم هذه الافه ولكنها ظاهرة وواضحة فى شعب عن غيرة ومستترة عند البعض الاخر

اختلط بسعوديين وسوريين وفلسطنيين ومصريين ويمنيين وسودانيين وهنود واجانب وتكون هذه الصفة مستترة وتظهر عند التجمع او الشللية

الاخ الفاضل مو ت ديو

عند التعاقد لا تذكر بأن لك اصول عربية لأنه للاسفف هيقدم لك عرض اقل

اكيد كلنا فاكريين قصة الاستاذ الجامعى الامريكى ذا الاصول المصرية الذى تعاقد من جامعة بقطر وكان بيتقاضى راتب 60 الف وفيلا ولاندكروزر وبعد فترة من العمل اكتشفوا ان اصوله مصرية قامو بخفض عقدة الى 20 الف وخفضوا البدلات

ذهب الاستاذ الجامعى الى السفارة الامريكية واشتكى الجامعة واكيد كلكم عارفين بعدها ايه اللى تم

تم دفع تعويض مادى مناسب بالاضافة الى دفع كامل راتبة الى نهاية عقدة ورجع على امريكا مرة اخرى

عارف يا دكتور رفاعى دايما بدعى ان ربنا لا يحوجنا لسفارتنا فى الخارج وان الامور بيننا وبين اصحاب العمل ماتوصلش لغايت السفارة

الدكتور ده اكيد عشان معاه الجنسية الامريكية..فهو اخد حقه......

الاخ هيرو

يعنى ايه كيفى كويتى؟؟

[herohero]

ده كانت بتكتب ع اغطية الاستبن بتاع العربية الجيب يعني لو كانت لاندكروزر او باجيرو ومعنها انا حر محدش له حاجه عندي طبعا ده كانت فرعنتهم بعد هروبهم ف الغزو رجعوا متكبرين جدا جدا

ويوقلك البركه ف بابا بوش وماما تاتشر

[fatfouta]

اتعجب من بعض المصريين هنا

العمارة اللى احنا ساكنين فيها معانا ناس تشوفهم تقول سعوديين تمام

الراجل لابس ثوب وعقال وشماغ والست لابسة العباية اللى بيسموها عالراس.........معنى كده انهم سعوديين جداا

فى يوم قابلت بنتهم عالسلم(عندها 16 سنة) وسلمت عليها وبعدين لقيتها بتتكلم مصرى........طبعا انا ماعلقتش لانى ماحبش احرج حد واساله واقوله مانت بتتكلم مصرى كويس.......سكتت وخلاص

وبعدها بكام يوم لقيت الزوجة جاية بتخبط عليا........واحدة ست تعدت الخمسين او اكتر كمان

وبعد ماتعرفنا على بعض طبعا عرفت انهم مصريين......بصراحة اتكسفت اسالها امال ليه جوز حضرتك بيلبس سعودى........لغايت ماهى فى يوم قلتلى انه بيشتغل هنا من 28 سنه وعند ناس مناسبين امراء(مش عارفة بصراحة لغاينت دلوقتى يعنى ايه مناسبين امراء)

المهم قلتلى هو بيشتغل سائق ليهم من 28 سنه وبيوصل سيداتهم وبناتهم وماينفعش غير انه يلبس كده عشان لما يكون معاهم يبان انه هو منهم

وفعلا هما معتبرينه منهم

الست كل كلامها سعودى وبنتها برضوا........والعيلة كلها تحولت خلاص

اللى مضايقنى وبيضايقنى دايما اننا ليه مانحافظش على ملامحنا؟؟؟ انا ارفض رفض تام ان وجودى فى بلد ان كانت ده يخلينى افقد هويتى كواحدة مصرية......بصراحة ده رايى

[herohero]

اتعجب من بعض المصريين هنا

اللى مضايقنى وبيضايقنى دايما اننا ليه مانحافظش على ملامحنا؟؟؟ انا ارفض رفض تام ان وجودى فى بلد ان كانت ده يخلينى افقد هويتى كواحدة مصرية......بصراحة ده رايى

قله اصل اتا بصراحه اتولدت وعيشت عمي كله حتى ف الجامعه كنت بروح ووالدي عاش هناك 33 سنة ووالدتي وكنا من ابتدائي هناك والحمد لله ولا كلمه من عندهم

مع ان اللكنه الكويتيه احلى من السعودية " مررررررررررررررررررررررررة" يعني انا مقتنع ان المصريين خصوصا لو راحوا اتكلموا ف اسرائيل هيتفهموا لكنتنا جميلة ومفهومة

ياريت نبقى زي الدول اللي لها بصمة ف اي مكان تروحه هويتها واضحه زي الهندي السيخ ف اي بلد بيلبس العمامة بتاعته

والهندي والباكستاني عموما مش سهل يتخلى عن هويته

[لكلوك]

أرجع برضك واقول رغم اني عارف اني ردي ده حيستفز ناس كتير وممكن يطلعوني غلطان في الاخر لكن صدقوني ما سأقوله هو الحقيقة او فلنقل الاقرب الي الحقيقة:-

اولا العصبية بين الجنسيات دي موجودةى عند كل العرب ممكن تروح شركة كلها مصريين وما يرضوش بأي واحد مش مصري بينهم رغم ان صاحب الشركة ممكن يكون سعودي مثلا لكن الامور في الشركة كلها تلاقيها في ايد مصري فيرغب للمصريين اكتر من غيرهم يعني الموضوع في العصبية دي مش حكر علي جنسية عربية معينة.

ثانيا بالنسبة لحكاية اللبنانيين في الخليج صدقوني الموضوع مرتبط بانك لبناني من اي نوع؟بمعني انت من شلة مين سعد الحريري واللي معاه والا حزب الله واللي معاه،ان كنت من الفريق الاول تفتح لك كل الابواب لا سيما ان كنت من سنة سعد الحريري او مسيحي من اتباع القوات اللبنانية الموالية لسمير جعجع ،ان كنت شيعي ومن الجنوب خصوصا تبقي وقعتك سودة مشجرة بكحلي ممكن يمنع من دخول السعودية او الخليج اساسا وحصلت عمليات طرد في الامارات زي ما احنا عارفين ،كان لي صديق شيعي لبناني داخ السبع دوخات وهو بيدور علي شغل في الامارات رغم كفائته وقدراته ما شاء الله ويقبلوه بمجرد ما يعرفوا انه شيعي يرجعوا في كلامهم لحد ما زهق وعمل هجرة علي كندا واستقر هناك ربنا يوفقه والله كان من افضل الناس اللي اتعاملت معاهم في الامارات

ثالثا بالنسبة لموضوع مرتبات المصريين مقارنة بمرتبات اللبنانيين والاردنيين ،الموضوع مرتبط بفرق العملة في بلدهم اللبنانيين اغلب تعاملهم في بلدهم بالدولار والدولار يساوي 5.5 مصري وبالنسبة للاردني عملتهم الدينار بحوالي 8 مصري ،هنا نفهم ان الناس دي لا يمكن تاخذ مرتب زي المصري مش علشان هي افضل علشان فرق العملة في بلدها.

اعتقد الصورة وضحت

الاخ لكلوك اهلا بيك كأخ فلسطينى عزيز بيننا

حب اقولك ان فى شيعة بيشتغلوا مع جوزى على فكروة وفيه شيعة فى السعودية عادى

وكمان البحرين معظمها شيعة على ما اعتقد

معلش التفسير اللى بيقول ان فرق العملة بتدخل فى تحديد المرتب ده كده يبقى ظلم........بما ان المصرى عايش هنا ذيه ذى اللبنانى او اى جنسية تانية

يبقى المنطقى بقى انى اخد مرتبى على اساس شغلى وخبراتى مش على اساس عملة بلدى ايه

اهلا بيك

لا حول ولا قوة الا بالله كوني مهتم بالشأن الفلسطيني اصبح فلسطيني يا اختي انا مصري وفي ناس هنا استفزتني فبالغت في الاهتمام بالشأن الفلسطيني ،عند يعني

ثانيا انتي بتتكلمي عن مواطنين شيعة في السعودية والبحرين موجودين في البلد ،اسمحي لي دول مش موجودين في البلد دول اصحاب البلد اغلب سكان المنطقة الشرقية في السعودية شيعة واغلب سكان البحرين شيعة والاتنين محكومين من اسر حاكمة سنية وحقوقهم غير كاملة ،مثلا رغم ضخامة نسبة الشيعة في السعودية عمرك سمعتي عن وزير شيعي او حسينية للشيعة في الرياض،اما البحرين يكفي انك تعرفي ان قطاع الشرطة والمخابرات فيها من سوريا والاردن وفلسطين واهل البلد الشيعة مش واخدين حقوقهم كاملة رغم انهم اغلب السكان هناك ،لاحظي انا قلت كل ده بس علشان اقولك دول شيعة ومواطنين من اصحاب البلد وبيتعاملوا كده فما بالك بالشيعة اللي بييجوا من بره البلد وافدين يعني وخصوصا من لبنان نظرا لموقف دول الخليج من حزب الله وايران طبعا مش حيقدروا يمنعوا الكل لكن جزء كبير بيتم التغليس عليهم ومنعهم من دخول الخليج او مراقبتهم في حال دخلوا دولة خليجية

اليك هذا الخبر حتي اوضح وجهة نظري اكثر

عمليات طرد جديدة لفلسطينيين ولبنانيين من الإمارات

الخميس 16 ذو الحجة 1430 هـ الموافق 3 كانون الأول (ديسمبر) 2009

أبوظبي - إمارات نيوز: زعم موقع إخباري على شبكة الإنترنت أن الإمارات بدأت مجددًا حملة ترحيل وإلغاء الإقامات بحق فلسطينيين ولبنانيين مقيمين على أراضيها منذ حوالي الأسبوعين.

ونقل موقع "أخبارنا" عن مصادر خاصة قولها إن المبعدين بدأ إبلاغهم منذ نحو أسبوعين، وتم منحهم مهلاً تتراوح بين الأسبوع الواحد والشهر لمغادرة البلاد دون إبداء أسباب.

وبحسب الموقع، شملت قرارات الإبعاد الجديدة عددًا من أكبر وأشهر رجال الأعمال الفلسطينيين واللبنانيين، وجميعهم يقيمون في إمارة الشارقة، ومن بينهم مالك أضخم مخبز لبناني في الشارقة، ومالك أشهر محل حلويات عربية هناك، ولبناني ثالث يمتلك سلسلة مطاعم شهيرة في إمارتي الشارقة ودبي.

وأضاف الموقع أنه صدرت قرارات إبعاد جديدة ضد رجال أعمال فلسطينيين من بينهم رجل أعمال فلسطيني بارز في الثمانين من العمر، أمضى أكثر من 40 عامًا مقيمًا في إمارة الشارقة، وأنجب كافة أبنائه هناك الذين يعيشون أيضًا في الشارقة، ويحمل هو وكافة أفراد عائلته وثائق فلسطينية صادرة عن مصر لا يستطيعون بها دخول أي من الدول العربية.

بالنسبة لقصة فرق العملة معاكي حق بس الخلايحة لهم نظرة غيرنا وهو ان كل الوافدين دول حيرجعوا بلادهم في يوم من الايام ولازم نتعامل معاهم من منطلق المستوي الاقتصادي لبلدهم وفرق العملة في الدولة المقيم فيها الوافد وبلده الاصلية

شكرا لك لردك ولتحملي

[fatfouta]

طب كام واحد مننا فكر انه يعمل مشروع........طبعا قليل جداااا

لاعتبارات كتيرة جدااا واولها الالفلوس هجيبها منين؟؟ هل هنجح ولا هفشل وفلوسى هتروح عليا؟؟ وحجات تانية كتير؟؟

اكتشفت ان احنا بس المصريين اللى عندنا خوف وجبن فى حين ان ناس تانية بتدوس بقلب جامد ولا بيهمها وكمان مش بيبقى عندهم حتى راس المال

الاخوة اللى جوزى قابلهم فى شغله مش هقول معظمهم لا ده كلهم تقريبا يقولوا.......الشركة دى بالنسبة لى مرحلة....انا ايه اللى يخلينى افضل موظف عند حد

لا انا اقعد فى الشغل كام سنة وبعدها اعملى مشروع

حتى لو ماعملتوش مع نفسى طب ماشارك واحد سعودى وهو بالمال وانا بمجهودى......قصدى بحركاتى يعنى :lol:

عشان كده الراجل بيقول لجوزى انت واخدها على قلبك ليه ماعادى ونخلص ده ونشوف غيره

ناس واثقة من نفسها جداااا وواثقين ان اى مشروع هيعملوه هينجح......اومال احنا خوافين ليه طيب؟؟

[engmido]

الاخت فتفوتة

انا مبسوووووووط جدا من الموضوع اللى انت فاتحاه ده

وارجو المزيد وبالتوفيق لكى ولزوجك

[fatfouta]

الاخت فتفوتة

انا مبسوووووووط جدا من الموضوع اللى انت فاتحاه ده

وارجو المزيد وبالتوفيق لكى ولزوجك

الباشمهندس ميدو

شكرا على الاطراء الجميل والدعاء الاجمل

اللى جاى من شخص عزيز وكريم

ربنا يكرمك

[herohero]

ناس واثقة من نفسها جداااا وواثقين ان اى مشروع هيعملوه هينجح......اومال احنا خوافين ليه طيب؟؟

التجارة والبيزنس مش فدمنا وده عيبنا عايشين اننا نبقى موظفين

[fatfouta]

السعوديات قصة تانى بقى فى الشغل

كانوا بيعملوا انترفيوز لبنات سعوديات عشان يشتغلوا فى الكول سنتر بتاعة الشركة

ونقلا عن لسان زوجى طبعا.........بيقول انه تيجى السعودية عشان نعمل معاها الانترفيو.....وتحس ان هى اللى بتسأل مش احنا اللى المفروض تسالنا

واول حاجة تسأل عليها المرتب وهاخد كام؟..... وهل فيه ترانسبوتيشن ولا لأ؟؟......طب وهتقعدونى فين ومع مين؟؟

بيسالوا على حاجات غريبة اومال انا لما كنت بروح اعمل انترفيو كنت بتهرى اسئلة وانا مش بسأل ولا سؤال ليه

يعرضو عليهم مرتب واحد مهندس ويقولى تمشى وماترضاش تيجى ولما يتصلوا بيها تقولهم لا عندى التزامات والمرتب ما يكفينى

مع العلم ان السائق موصلها بعربية تويوتا لاند كروزر

لا واحدة ذى دى الراتب اللى ممكن ياخده مهندس مصرى ويقول الحمد لله قوى كده.........هى مش مكفى التزامتها

انا افتكر زمان كنت بشتغل فى مصنع ملابس واخد توكيل مازر كير

كنت شغالة محاسبة وسكرتيرة ومسئولة شحن ومسئولة عن الكومينيكاشن مع البارتنر بتاعنا برا وكنت باخد 500ج فى الاول وبعد سنتين من الشغل وصلت 1500 بالعافية والخناق

بس انا كان عندى التزامات فعلا والله :yahoo:

[مسافر زاده الخيال]

الموضوع الذي اثارته الاخت فتفوته من المواضيع المثيرة والتي لا يمكن تجاوزها دون التعليق عليها............

وفي البدء اقول هل الشركة التي تعنينها هي ((عذيب للاتصالات)) ام ((ستيزا تاليس)) ان لم يكن سؤالي تدخل في امور شخصية.......

ثانيا رغم ان ما يقال (او يشاع) عن اللبنانيين خاصة في موضوع (النسوان) منتشر جدا ويكاد (يشكل) بديهية من بديهيات الواقع

الا انني ضد الفكرة التي تريد ان ترسخ بان (اللبناني) غير كفؤ في العمل او انه اقل امكانات من غيره (من الجنسيات العربية) وان المكانة التي اخذتها خاصة في الخليج لا يستحقها (ان لم يكن بجهل او غباء صاحب العمل الخليجي الذي يغرق امام الجمال -والشيء لزوم الشيء)

فالحقيقة ان الشعب اللبناني (رغم فلسفتة التي تعشق الحياة وملذاتها حتى النخاع) الا انه شعب ذو ارادة صلبة ان اراد النجاح....وهو شعب مثقف ثقافة حقيقية و يعرف لغة المال والاقتصاد بشكل جدي مهما ساءت الظروف....و قطعا ان الذي وصل اليه هذا الشعب جدير بالتأمل والدراسة (منذ عصر الفينيقيين حتى الان)....ولم يكن النجاح اللبناني على ارض الخليج فقط بل عرفت الامريكتين و اميركا الجنوبية على وجه الخصوص اروع صور النجاح الا قتصادي والسياسي بل والفني...فهاهو قبل يومين فقط يعلن اسم كارلوس الحلو المكسيكي اللبناني عملاق الاتصالات كأغني رجل على سطح الارض....ولا ننسى كارلوس غصن عملاق الادارة والذي ساهم في انقاذ بعض شركات صناعة الساعات والسيارات من الانهيار....ونجاح الحاليات اللبنانية في اخذ زمام التجارة في غرب افريقيا رغم الصعوبات والاهوال بل حتى الفليبين في صناعة المقاولات العمرانية.....

وهل نسينا ان جل صناعة الاعلام والدعايات بل والانتاج السنمائي(في بداياته) في مصر والمشرق كان للشوام (اللبنانيين تحديدا) مساحة لا يستهان بها؟؟؟؟؟؟؟؟؟؟

اذن رغم (السلبيات) التي يمكن ان تكون من تصرفات بعضهم حتى يضمنوا مراكزهم (عدا ما يشاع عن استخدام ال femme) الا انه (من وجة نظري) علينا ان نرفع لهم القبعة او الغترة والعقال لاهتماماتهم التي قد نستهين بها كمهارات الاناقة والحديث واللباقة والتعليم النوعي

وكل ما سبق لا يمكن ان يلغي مكانة ووضع (المصريين) المتميز بشكل عام فالاحتياج المتبادل (هو سيد الموقف) ومن المستحيل ان يأتي وقت لا يكون (للمصري) مكان (في الخليج او اي مكان في العالم)

والسلام

[herohero]

اذن رغم (السلبيات) التي يمكن ان تكون من تصرفات بعضهم حتى يضمنوا مراكزهم (عدا ما يشاع عن استخدام ال femme) الا انه (من وجة نظري) علينا ان نرفع لهم القبعة او الغترة والعقال لاهتماماتهم التي قد نستهين بها كمهارات الاناقة والحديث واللباقة والتعليم النوعي

وكل ما سبق لا يمكن ان يلغي مكانة ووضع (المصريين) المتميز بشكل عام فالاحتياج المتبادل (هو سيد الموقف) ومن المستحيل ان يأتي وقت لا يكون (للمصري) مكان (في الخليج او اي مكان في العالم)

والسلام

انا اؤيد كلامك بشده ومازلت اقول انهم ممتازين ف الادارة ومجالات التسويق والماركيتينج عموما ما اقوله هو انهم ليسو متفوقين ف الوظائف التقليدية كمدرس او مهندس تقليدي او طبيب لانهم ليسوا من محبين الروتين

وطبعا نجاحاتهم ف البيزنس لاحصر لها بل سيدي ادارة موبينيل التنفيذية لبنانيين ومن قبلهم ما اسس شركة موبينيل كان عثمان سلطان وهو حاليا اللي ماسك شركة (du

[fatfouta]

ايوه طبعا هما ناجحين جدااا فى الميديا بشكل عام

والماركتينج ذى ما قال الاخ هيرو

بس لنجح منهم فى الماركتينج هما الانجليز

وفيه قصة هحكيها بمناسبة الماركتينج فى الشركة دى

[fatfouta]

الموضوع الذي اثارته الاخت فتفوته من المواضيع المثيرة والتي لا يمكن تجاوزها دون التعليق عليها............

وفي البدء اقول هل الشركة التي تعنينها هي ((عذيب للاتصالات)) ام ((ستيزا تاليس)) ان لم يكن سؤالي تدخل في امور شخصية.......

ثانيا رغم ان ما يقال (او يشاع) عن اللبنانيين خاصة في موضوع (النسوان) منتشر جدا ويكاد (يشكل) بديهية من بديهيات الواقع

الا انني ضد الفكرة التي تريد ان ترسخ بان (اللبناني) غير كفؤ في العمل او انه اقل امكانات من غيره (من الجنسيات العربية) وان المكانة التي اخذتها خاصة في الخليج لا يستحقها (ان لم يكن بجهل او غباء صاحب العمل الخليجي الذي يغرق امام الجمال -والشيء لزوم الشيء)

فالحقيقة ان الشعب اللبناني (رغم فلسفتة التي تعشق الحياة وملذاتها حتى النخاع) الا انه شعب ذو ارادة صلبة ان اراد النجاح....وهو شعب مثقف ثقافة حقيقية و يعرف لغة المال والاقتصاد بشكل جدي مهما ساءت الظروف....و قطعا ان الذي وصل اليه هذا الشعب جدير بالتأمل والدراسة (منذ عصر الفينيقيين حتى الان)....ولم يكن النجاح اللبناني على ارض الخليج فقط بل عرفت الامريكتين و اميركا الجنوبية على وجه الخصوص اروع صور النجاح الا قتصادي والسياسي بل والفني...فهاهو قبل يومين فقط يعلن اسم كارلوس الحلو المكسيكي اللبناني عملاق الاتصالات كأغني رجل على سطح الارض....ولا ننسى كارلوس غصن عملاق الادارة والذي ساهم في انقاذ بعض شركات صناعة الساعات والسيارات من الانهيار....ونجاح الحاليات اللبنانية في اخذ زمام التجارة في غرب افريقيا رغم الصعوبات والاهوال بل حتى الفليبين في صناعة المقاولات العمرانية.....

وهل نسينا ان جل صناعة الاعلام والدعايات بل والانتاج السنمائي(في بداياته) في مصر والمشرق كان للشوام (اللبنانيين تحديدا) مساحة لا يستهان بها؟؟؟؟؟؟؟؟؟؟

اذن رغم (السلبيات) التي يمكن ان تكون من تصرفات بعضهم حتى يضمنوا مراكزهم (عدا ما يشاع عن استخدام ال femme) الا انه (من وجة نظري) علينا ان نرفع لهم القبعة او الغترة والعقال لاهتماماتهم التي قد نستهين بها كمهارات الاناقة والحديث واللباقة والتعليم النوعي

وكل ما سبق لا يمكن ان يلغي مكانة ووضع (المصريين) المتميز بشكل عام فالاحتياج المتبادل (هو سيد الموقف) ومن المستحيل ان يأتي وقت لا يكون (للمصري) مكان (في الخليج او اي مكان في العالم)

والسلام

اهلا بيك يا اخ مسافر كواجهة مشرفة للسعوديين بصراحة وبدون اى مجاملة

مش عارفة ليه حسيت انك متحيز شويتين للاخوة اللبنانيين.......وده حقك مافيش كلام

ايوه طبعا ماحدش يقدر ينكر نجاحهم فى مجالات كتيرة ومنها الميديا والماركتينج وجراحات التجميل وغيره

وانا لم اقل انهم مش مجتهدين فى شغلهم لكن انت لم تفهمنى لانى انا بتكلم عن حالة معينة

ولو قريت كلامى كويس هتلاقينى كاتبة انى ارفض التعميم.......بمعنى ان لو فيه واحد مصرى يعطى صورة غير حضارية فـ مش كل المصريين كده وكذلك اللبنانيين

بس هما كمان ناجحين انهم يعرفوا ياخدوا حقوقهم كويس مش فى الخليج بس لا فى كل العالم

ياريت احنا كمصريين نعرف نعمل ذيهم

[herohero]

ياريت احنا كمصريين نعرف نعمل ذيهم

لانهم بيكلموا ومش بيسكتوا اقوى حية تعبير ف لبنان ومحدش يقدر ينكر كده والحكومة عامله خاطر للمغتربين يكفي انها عاملة لهم وزارة واحنا بصراحه مضيعين حقوقنا بره وجوا

وما ضاع حق واءه مطالب سكوتنا او خجلنا او مبدا ياسيدي مش فارقة مع كامل احترامي وتقديري الاخوة غير المصريين بيفهموه ضعف او خيبة مننا

ياريت بجد نعرف نتفق صح ونعرف نتحكم صح ونبقى متاكدين ان الحكاية عرض وطلب ، ومعلومة صغيره لبنان برده فيها بطاله مش احنا بس وللاسف اتفهم من قبل الاخوة الخليجيين اننا مش لاقيين شغل ف مصر مش عاوز اتكلم ف اماكن ف مصر كتير مرتبات اللي فيها مايعرفوش ياخدوها برا مصر لكن للاسف احنا عيبنا كمصريين مع احترامي لما بنيجي نتكلم بنتكلم عن سلبيات بلدنا ادام الغرب

عكس بقية الشعوب التانيه عمرهم مايكلموا ادام غرب

ياريت بجد يبقى بينا وبين بعض هنا اللي مخلي الواحد يتكلم هو انه محاورات للمصريين كل واحد مضايقاه حاجه بيقولها ع راي اللبنانين " فشة خلق "

[fatfouta]

هيــــــــــرو

مش انا فتفوتة اختك؟

يبقى الكلمة دى ليك انت :blush2:

لكن للاسف احنا عيبنا كمصريين مع احترامي لما بنيجي نتكلم بنتكلم عن سلبيات بلدنا ادام الغرب

كنت لسه عاوزةاقولك فيه ناس كتير معانا هنا وانت فاهم مستنية بسسسس اننا نقول احنا فينا وفينا ويقوموا داخلين فينا شمال ولما نيجى نتكلم يقولوا هو مش ده كلامكم زعلانين ليه

[herohero]

هيــــــــــرو

مش انا فتفوتة اختك؟

يبقى الكلمة دى ليك انت :blush2:

لكن للاسف احنا عيبنا كمصريين مع احترامي لما بنيجي نتكلم بنتكلم عن سلبيات بلدنا ادام الغرب

كنت لسه عاوزةاقولك فيه ناس كتير معانا هنا وانت فاهم مستنية بسسسس اننا نقول احنا فينا وفينا ويقوموا داخلين فينا شمال ولما نيجى نتكلم يقولوا هو مش ده كلامكم زعلانين ليه

لا انا انتقد بلدي وسلبياتها لاني بحبها وعاوزها افضل من كده بكتير وده اسمه محاورات المصريين ما اظنش ان حد غير مصي يهمه حالنا وشاننا الداخلي

انا ع فكرة عمي ما تكلمت ادام ناس مش مصية بل بالعكس لا اقبل اي كلمة ع مص بينا كممصريين انتقد لاني بحب ودايما اللي بيحب هو اللي بينتقد عشان عاوز الاحسن اما اللي مش فارقه معاه هو حر

وانا عاوز حد مش مصري يتكلم لان والحمد لله عندي الردود اللي تسكته خالص من الاخر اللي ع راسه بطحا مش البطحاء اللي ف الرياض لا اللي ع راسه واوا

لان بجد فضايح العالم العربي مش محتاجه حظهم ف الخليج ان موقع عرب تايمز مقفول ع النت ف الخليج

انا بجد لااقبل اناقش قضايا بلدي وسلبياتها ادام الغرب وبصراحه غير المصري دخوله هنا شايف انه تطفل غير مرغوب فيه او لو هيتكلم يبقى جاهز لان اللي بيته من ازاز مايحدفش الناس بالطوب

ومازلت فاكر المناقشه بينا كمجموعه شباب وشباب سعودي محترم اول مااتكلمنا وفحوا سكتهم بس بتناقضهم ف حاجه واحده بسيطة المشغل اللي بقدة قادر يبقى كوافير

سكتوا ع طول