مذكرات واحدة متغربة

[مسافر زاده الخيال]

الشكر للاخت فتفوتة تعقيبها .....واجيب انني منحاز فعلا للبنانيين (لكن ليس ضد اي جنسية) ....لانه كثيرا ما نسمع (من عدة جنسيات غير لبنانية)انهم ما وصلوا لمناصبهم الا عن طريق (نسائهم) وهذا اختزال مريع غير انه قذف خطير قد يهلك قائله.....

وقد يقع اللوم على الاعلام اللبناني (الترفيهي) الذي رسخ (صورة معينة وعممها لطريقة عيش اللبنانيين) في الافلام و الفديو كليب وفنانات الفديو كليب والترويج السياحي ال....خ مما قد يعطى شيء من العذر (لمن لا يعرف اللبنانيين) وشخصيا اذكر الهزة الاعلامية العنيفة في بدايات التسعينات عبر الفضائيات اللبنانية وبرامج حصص الرياضة النسائية ال....خ

كل ما سبق اعرفه واكاد اكون شاهدا عليه....ولكن هل يعقل انه لا توجد مميزات حقيقية ارتقت باللبنانيين خاصة بالمهجر وقد ضربت مثال اميركا الجنوبية؟؟؟؟؟؟؟؟

كما انني اعتقد ان هناك تناغما بين المصريين واللبنانيين في الغالب ومحبة من نوع خاص ونادر(بشكل عام)......

وطبعا لاانفي (ولا يحق لي ) ان اشكك او اهون مما تعرفيه و يعرفه زوجك لانكم المطلعين على ذلك......

وعلينا (بمن فيهم انا) ان نتعلم الايجابيات من غيرنا سواء من العرب او الاوربيين او اي جنسية اخرى وهذه من مميزات العمل في بيئة متعددة الجنسيات........

==========

[fatfouta]

الشكر للاخت فتفوتة تعقيبها .....واجيب انني منحاز فعلا للبنانيين (لكن ليس ضد اي جنسية) ....لانه كثيرا ما نسمع (من عدة جنسيات غير لبنانية)انهم ما وصلوا لمناصبهم الا عن طريق (نسائهم) وهذا اختزال مريع غير انه قذف خطير قد يهلك قائله.....

العفو يا اخ مسافر

ولله الحمد انا لم اقم بقصف احد بهذه التهمة وان كنت اتكلم عن حالة ذى مااوضحت قبل كده احب اقولك انه منتهى الفساد اللى بسمع عنه فى الشركة موضع الحديث

وكمان احب اقول لحضرتك انك اكبر مثال على انه ماينفعش انى اعمم واقول ان كل السعوديين ذى حضرتك كده منبهرين باللبنانيين او العكس

هل تصدق انه يوجد بعض السعوديين فى هذه الشركة قد قاموا بابلاغ هيئة الامر بالمعروف عن تصرفات هؤلاء اللبنانيين وبالفعل اتخذت الهيئة اجراءات كثيرة لكن للاسف دون جدوى

وكانت البلاغات من مطوعين سعوديين لا يعجبهم تصرفات اللبنانيين بداخل الشركة

ومع انى دائما مع ان الانسان ايا ان كانت جنسيته فيجب انه يحاسب داخل شغله على اساس عمله واجتهاده وليس على اساس اخلاقه.......فهى له

لكنى كنت مع الاشخاص الذين قاموا بالتبليغ لانه الموضوع بصراحة كان زاد عن حده........وماينفعش انى اقول اكتر من كده

اانا اعطلى لك هذا المثال لاوضح انه يوجد من السعوديين من هم شديدى الكره للبنانيين لانهم لم يروا غير الامثلة السيئة على عكس حضرتك طبعا

اذن ولعاشر مرة ماينفعش اعممممممممم

تقبل تحياتى

تم تعديل 13 مارس 2010 بواسطة fatfouta

[herohero]

الشكر للاخت فتفوتة تعقيبها .....واجيب انني منحاز فعلا للبنانيين (لكن ليس ضد اي جنسية) ....لانه كثيرا ما نسمع (من عدة جنسيات غير لبنانية)

وقد يقع اللوم على الاعلام اللبناني (الترفيهي) الذي رسخ (صورة معينة وعممها لطريقة عيش اللبنانيين) في الافلام و الفديو كليب وفنانات الفديو كليب والترويج السياحي ال....خ مما قد يعطى شيء من العذر (لمن لا يعرف اللبنانيين) وشخصيا اذكر الهزة الاعلامية العنيفة في بدايات التسعينات عبر الفضائيات اللبنانية وبرامج حصص الرياضة النسائية ال....خ

كل ما سبق اعرفه واكاد اكون شاهدا عليه....ولكن هل يعقل انه لا توجد مميزات حقيقية ارتقت باللبنانيين خاصة بالمهجر وقد ضربت مثال اميركا الجنوبية؟؟؟؟؟؟؟؟

كما انني اعتقد ان هناك تناغما بين المصريين واللبنانيين في الغالب ومحبة من نوع خاص ونادر(بشكل عام)......

وطبعا لاانفي (ولا يحق لي ) ان اشكك او اهون مما تعرفيه و يعرفه زوجك لانكم المطلعين على ذلك......

وعلينا (بمن فيهم انا) ان نتعلم الايجابيات من غيرنا سواء من العرب او الاوربيين او اي جنسية اخرى وهذه من مميزات العمل في بيئة متعددة الجنسيات........

==========

هناك تناغم بين المصري والبناني لانهم اكثر الدول العربية حرية ، اه والله شوف برامجنا ف مصر بنعض سلبياتنا كلها وافلام انا اعترض عليها لكن بتتعرض يعني انا مكنتش مصدق ان ده ف مصر زي برده مكنتش مصدق لما روحت الرياض اللي شوفته من مناطق قديمة سيدي بيوت مبنية بالطوب اللبن ورا شارع الخزان

انا معرفش اسمها ايه الحته ده بس زميلي كان بيفرجني يعني من باب انه يثير دهشتي

فاللبناني والمصري متعودين ع مناخ الحرية السياسية والاعلامية

عندنا سلبيات وفساد ماشي بس ظاهر وواضح وهناك من ينتقده وبشده وغيرنا انت تعلم يااخي لا يمتلك برنامج حواري واحد ع الهواء

انا احترم البنانيين واحتم اي عربي واي انسان محترم وكل جنسية ولها نظامها واذا افترضنا ان اللبناني اتوصم بشيئ مرتبط بتصرفات ننتقدها فهو انسان يعيش ع حريته لا يرتبط بالدولة اللي تيعيش فيها فالبناني حر طليق ولا احد ينكر عليه هذا

اما رياده الشوام للفن مع اختلافنا في مفهوم الفن فهذه الرياده لم توجد الا ع ارض مصر ولم تسعفني الذاكره لاسمع عن اسماء لامعه وانا لست ممن حضوا الرياده الفنيه بل اني من معاصرين الفن الهابط الذي بجد حقق اللبنانيين فيه الريادة

اما مايقال انهم نجحوا بنسائهم فاذا افترضنا ان هذا الكلام موجود ع اض الواقع فهو فقط ف دول الخليج اما لبنايين المهجر فهم نماذج تستحق كل النجاح

وكما قولت اللبناني تاجر ومدير شاطر

اما المصري فهو دكتور جامعه او مهندس او طبيب ناجح

واعذرني ع قلة معلوماتي فانا لا اعلم كم لبناني اخذ جائزة نوبل لكن اعلم ان اغنى رجل ف العالم من اصل لبناني

فكما قولت حلال ع البنانية المال والادارة الناجحه

حلال علينا احنا التعب والقراية وتمقيق العين

وف انتظار المزيد من النجاحات لكل العرب فنحن عرب نتمنى ان تتنوع مجالات تفوقنا

[مسافر زاده الخيال]

هل الشركه (عذيب للاتصالات او تاليس ستيزا)؟؟؟؟؟؟؟؟؟؟

وللا وكالة من غير بواب

[fatfouta]

هل الشركه (عذيب للاتصالات او تاليس ستيزا)؟؟؟؟؟؟؟؟؟؟

وللا وكالة من غير بواب

لا هذى ولا تلك

تلميح مش عارفة ليه مش متقبلاه لما تقول عن شركة بيشتغل فيها زوجى انها وكالة من غير بواب

مش هسألك ماذا تقصد لانه لا يهمنى انى اعرف على الاطلاق.........لكن هقولها لخامس مرة تقريبا

هذه مذكراتى اناااااااااااااااا

شكراااا لمرورك اخى مسافر

تم تعديل 14 مارس 2010 بواسطة fatfouta

[fatfouta]

ابيات اعجبتنى

يا مصرى ليه دنياك تخابيط.........والغلب محيط

والعنكبوت عشش عالحيط.......وسرح عالغيط

يا مصرى قوم هش الوطاويط......كفاياك تبليط

صعبة الحياة والحل بسيط.........حبة تخطيط

[مسافر زاده الخيال]

هل الشركه (عذيب للاتصالات او تاليس ستيزا)؟؟؟؟؟؟؟؟؟؟

وللا وكالة من غير بواب

لا هذى ولا تلك

تلميح مش عارفة ليه مش متقبلاه لما تقول عن شركة بيشتغل فيها زوجى انها وكالة من غير بواب

مش هسألك ماذا تقصد لانه لا يهمنى انى اعرف على الاطلاق.........لكن هقولها لخامس مرة تقريبا

هذه مذكراتى اناااااااااااااااا

شكراااا لمرورك اخى مسافر

والله العظيم لا اقصد اي تلميح سيء.....وما ذكرت اسم الشركتين سالفتي الذكر الا لتعاملي البسيط معهما ولمعرفتي بكثرة وجود اللبنانيين فيهما......اما حكاية (وكالة من غير بواب)فجملة اسمعها دايما في المسلسلات المصرية ولا اعلم

(ان كان لها معني خاص يعتبر سيئا.....

...وفي جميع الاحوال

ايا كانت الشركة او الاشخاص فليس لي اي موقف مبداي تجاه تصرفات اي شخص.....فالله هو الذي يحاسب خلقه ولست صاحب سلطة ولا من محبي الهيئة

ربما هو (الفضول الزائد ليس الا)و

وفقك الله وزوجك اينما حللتم

والسلام

[عنبو]

herohero مشاركة بتاريخ اليوم, 03:25 AM

وكما قولت اللبناني تاجر ومدير شاطر

اما المصري فهو دكتور جامعه او مهندس او طبيب ناجح

كلام تمام

طبعاً الطبيب المصرى مافيش حد يقدر يقول فيه كلمه ومافيش مستشفى الا وتلاقى لا يقل عن 50 % من الاطباء مصريين ودى حقيقه

نيجى بقى للمجال الهندسى مكاتب الاستشارات الهندسيه مصريين واللى مصمم اكبر المشاريع فى السعوديه مهندسين مصريين

شركات المقاولات طبعاً الاغلبيه العظمى مهندسين مصريين

مديريين المشاريع الهندسيه الكبيره مهندسين مصريين برده

نيجى بقى للمجال المحاسبى

المحاسب المصرى له اسمه فى الخليج بجد ومعروف عنه انه راجل المهام الصعبه والمحاسبين يعرفوا الحته دى قووى

المجال الحرفى اكتر واحد يعمل انتاجيه فى الشغل الحرفى المصرى

على فكره انا لا اعيب فى باقى الجنسيات العربيه فانا كل اللى تعاملت معاهم من الجنسيات الاخرى كانوا حاجه مشرفه بجد سواء على المستوى العملى او المستوى الشخصى

بس انا بقول ان المصريين اخدين حقهم فى الخليج برده وليهم وجود كبير

واعرف ناس بياخدوا مرتبات خيااااااااااااليه ومصريين ومش معاهم جنسيه تانيه يعنى مصرى وبس

شكراً

[fatfouta]

فكرتنى بموقف يا محمد اول ماجيت هنا

كنا واقفين فى مستشفى وبعدين دخل واحد سعودى معاه اتنين ولاده وقال لابنه.........روح اسال الطبيب ايش جنسيته

لما الولد رجع قال لابوه.......سورى والمصرى ييجى بكرة

رد الراجل على ابنه وقاله.........يبقى نيجى بكرة

واخد ولاده ومشيوا علطول

مع احترامى يعنى اكيد فيه دكاترة سوريين كويسين انا الدكتور الباطنة بتاعى سورى وممتاز بجد وعليه زحمةةةةةةةة

[Diab]

إن الله يحب إذا عمل أحدكم عمل أن يتقنه

بصراحة يا جماعة مش المفروض مباديء الإنسان تتغير مع موج الريح

يعني يروح لبنان يبقي أهم حاجة عنده الشو

ولو راح مصر يبقي مهمل

لازم يبقي عنده ترمومتر يقيس بيه هو صح ولا لا مهما اختلفت الظروف

ولا مانع من انه يبقي زي النحلة وياخد من كل زهرة رحيقها عشان يعمل عسل

يعني ياخد من اللبناني شياكته

ومن الياباني التزامه

ومن المصري حبه لأهله ولبلده

ومن الأمريكي شطارته في التجارة

ومن الالماني استمتاعة بأجازته

لا تعارض بينهم جميعا

حاجة تانية عيش علي قدك وسيب لنفسك هامش تتحرك فيه

مثلا يوم مايكون معايك اتعشي في فرايديز او ستيك هاوس او الفيروز

ومن نص الشهر روح البيك

اشتري من الهرم ومن سيتي بلازا ونكست وجيوردانو

ايه المانع

المهم

التوازن

خذ من غناك لفقرك

تحياتي

[fatfouta]

إن الله يحب إذا عمل أحدكم عمل أن يتقنه

بصراحة يا جماعة مش المفروض مباديء الإنسان تتغير مع موج الريح

يعني يروح لبنان يبقي أهم حاجة عنده الشو

ولو راح مصر يبقي مهمل

لازم يبقي عنده ترمومتر يقيس بيه هو صح ولا لا مهما اختلفت الظروف

ولا مانع من انه يبقي زي النحلة وياخد من كل زهرة رحيقها عشان يعمل عسل

يعني ياخد من اللبناني شياكته

ومن الياباني التزامه

ومن المصري حبه لأهله ولبلده

ومن الأمريكي شطارته في التجارة

ومن الالماني استمتاعة بأجازته

لا تعارض بينهم جميعا

حاجة تانية عيش علي قدك وسيب لنفسك هامش تتحرك فيه

مثلا يوم مايكون معايك اتعشي في فرايديز او ستيك هاوس او الفيروز

ومن نص الشهر روح البيك

اشتري من الهرم ومن سيتي بلازا ونكست وجيوردانو

ايه المانع

المهم

التوازن

خذ من غناك لفقرك

تحياتي

شكرا يا اخ دياب على النصائح

واحنا والله بنعمل كده........انا عندى احساس ان كل اللى قرأ كلامى فى الموضوع ده اخد ايحاء عننا انا وجوزى اننا ناس بخيلة وجلدة وم.........خلاص بلاش دى

لا والله احنا الحمد لله عايشين كويس بس من غير تبزير وانا فعلا فى الفترة الاخيرة دى بحاول اقلد اللبنانيين بالذات فى موضوع انهم يعيشوا حياتهم

اصل احنا قاعدين هنا ومانعرفش هنرجع امتى يبقى لازم نعيش بقى

مش هيفضل حلم العودة هو الحاجة اللى تخلينا نزنق نفسنا ونعيش محرومين ويا عالم هنتمتع بالفلوس دى ولا لأ

انا سعيدة انك اشتركت معانا يا دياب عشان انا بحترم جدااااا الناس بتوع النوبة بصراحة عشان اصالتهم وطيبتهم

[fatfouta]

نرجع بقى تانى لحكاوينا

ونيجى بقى للاخوات السعوديات اللى مش طايقين الاخوات اللبنانيات

السعوديات عندهم فى الشغل دايما واقفين للبنانيات الند بالند ومزهقينهم فى حياتهم بس برضو الاخوات اللبنانيات مش بيذهقوا وليهم طرقهم الخاصة

خصوصا بمساعدة الhr حبيب الملايين اللبنانيين

قوووووووم ايه بقى تروح لبنانية واحدة تشتكيله من واحدة سعودية يقوم ناقل السعودية فى الكول سنتر عشان ماتبقاش عينيها مفتحة عليهم

البنت السعودية دى بقى قالت مبدهاش والله لا اقلبها عليهم قامت معرفش بصراحة عشان مابقاش كذابة صلطت عليهم الهيئة وقالت انه حاطط لسكرتيرته مكتب برا مكتبه وكل شوية داخله خارجة

وده قبل ماينقلوا البنات كلهم فى دور لوحدهم

قامت الهيئة وصلت وجم طالعين اتنين مطوعين من الهيئة طبعا الامن بدوره بلغهم فوق ان المطوعين طالعين

مالقوش مكان يخبوا فيه البنات غير ورا الكراتين فوق السطوح(اقسم بالله العظيم ده حصل) واللى حكيتهولى واحدة استكتلندية مع جوزى فى الشغل.......هحكى لكم عليها دى بعدين

وجوزى طبعا قال ذى ماهى قالت بالضبط

ان البنات طلعوا فوق لغايت مابتوع الهيئة مشيوا واستخبوا ورا الكراتين :sofa:

وقعدوا رجاله مكانهم عالمكاتب وخلاص wst::

وطبعل عدى الموضوع تمام وخلاص

طلعت بقى سكرتيرة حبيب الملايين من ورا الكرتونة تصرخ وعندها انهيار عصبى يعنى اذاى انا تخبونى بالشكل ده قعدت تزعق واخدت بعضها من تانى يوم ومارجعتش تانى

ده فرح مين طبعا السعوديات mfb: mc: لان دى بالذات كانت منغصة عليهم حياتهم لانها بت كده نغشة وكل يوم بتسريحة شكل كده وايه بقى

شوفتوا الثقة بتمشى من الشغل وهى واثقه انها هتلاقى بداله علطول ومش عاوزة اقولكوا كانت محددين لها مرتب كام :blink:

لو كان صبر القاتل عالمقتول

[herohero]

تحياتي

لا والله احنا الحمد لله عايشين كويس بس من غير تبزير وانا فعلا فى الفترة الاخيرة دى بحاول اقلد اللبنانيين بالذات فى موضوع انهم يعيشوا حياتهم

اصل احنا قاعدين هنا ومانعرفش هنرجع امتى يبقى لازم نعيش بقى

مش هيفضل حلم العودة هو الحاجة اللى تخلينا نزنق نفسنا ونعيش محرومين ويا عالم هنتمتع بالفلوس دى ولا لأ

انا سعيدة انك اشتركت معانا يا دياب عشان انا بحترم جدااااا الناس بتوع النوبة بصراحة عشان اصالتهم وطيبتهم

اولا احب اضيف اعجابي باهل النوبه انا اشتغلت معاهم اجدع ناس بلا منافس

اما حكاية نعيش يومنا الحكاية مش حكاية فلوس اللي اقصده نعيش يومنا يعني مانشيلش هم عيالنا هيتجوزوا امتي واوزاي والواد هيتخرج هيشتغل ازاي

يعني ده اللي اقصده نعيش حياتنا ونستمتع بالحلال نستمتع ده ممكن بكلمة حلوة والله المهم نعيش اليوم ده المهم

وده اكتر حاجه مضايقاني من التكيبة المصرية واللي بحاول جاهدا اغير جيناتها وهي ان الواحد يعيش حياته وهو مرتاح بكره لرب بكره والنهاده هنشغل بالنا ليه

[engmido]

برافوووو

وكملى يا فتفوتة..على بركة الله ...سيرى يا نورماندى

الاخ دياب اول مرة اعرف انك من النوبة مع انك كنت حاطط صور الاول..ياريت ترجعها

وفعلا اسوان والنوبة اجدع ناس

[MoeTdot]

ديما متألقة بموضوعاتك الجذابة فتفوته

العنصرية والشللية احسها متأصله فينا جميعا كجنس بشرى لم ارى حتى الان اناس ينتمون من اى دولة لم تطالهم هذه الافه ولكنها ظاهرة وواضحة فى شعب عن غيرة ومستترة عند البعض الاخر

اختلط بسعوديين وسوريين وفلسطنيين ومصريين ويمنيين وسودانيين وهنود واجانب وتكون هذه الصفة مستترة وتظهر عند التجمع او الشللية

الاخ الفاضل مو ت ديو

عند التعاقد لا تذكر بأن لك اصول عربية لأنه للاسفف هيقدم لك عرض اقل

اكيد كلنا فاكريين قصة الاستاذ الجامعى الامريكى ذا الاصول المصرية الذى تعاقد من جامعة بقطر وكان بيتقاضى راتب 60 الف وفيلا ولاندكروزر وبعد فترة من العمل اكتشفوا ان اصوله مصرية قامو بخفض عقدة الى 20 الف وخفضوا البدلات

ذهب الاستاذ الجامعى الى السفارة الامريكية واشتكى الجامعة واكيد كلكم عارفين بعدها ايه اللى تم

تم دفع تعويض مادى مناسب بالاضافة الى دفع كامل راتبة الى نهاية عقدة ورجع على امريكا مرة اخرى

]شكرا د.Alrefaey علي النصيحة ..ربنا ييسرك امورك ان شاء الله ..تحياتي :closedeyes:

شكرا مدام فتفوتة و تسجيل متابعة f((: f((:

[fatfouta]

نيجى بقى لموضوع انا عارفة ان معظمكم هيعارضنى فيه

انا لما حكيت عن جارتى قولت انها فوق الخمسين سنه ومتطبعين بالسعوديين بشكل غريب فى طريق اللبس والكلام وحتى اسلوبهم فى الشراء.......

عندهم تلات بنات وولد

البنت الاولى جوزها هنا وهى جياله قريب

البنت التانية هنا هى وجوزها

الولد هنا هو مراته وعايش معاهم فى نفس الشقة

البنت الصغير هنا وبتدرس فى اولى ثانوى

عمهم هنا وبرضو بيشتغل سائق

قرايبهم هنا ومعظمهم بيشتغلوا بفيز جارنا ده هو اللى جايبها

ولسه كنت عندها من يومين لقيتها بتقولى ادعيلنا والنبى يا محمد قولتلها........خير يا حاجة؟؟

قلتلى اصل اخويا دكتور فى جامعه الازهر وبندوله على فيزا مع انه مرتبه كويس فى مصر جدااا (أخوها عنده 58 ) ده على كلامها وعنده اسرة وولاد

وكمان قالت اصل كمان عاوزين نجيب ابن اخو الحاج محمد(جوزها يعنى).........قلتلها ربنا يوفقكم

للعلم هما من المنصورة انا بيتهيالى هما نقلوا المنصورة هنا

اللى مخلينى فعلا بتامل فيهم وبقول هو انا هل هوصل للسن ده وهبقى لسه برضو قاعدة فى الغربة

مع العلم انهم بنوا عمارة 6 ادورا لكل واحد فى ولادها دور والعمارة طبعا مقفوله وماحدش ساكن فيها

طب يا جماعة انا جوزت الواد وجوزت البنات وكله ليه شغله وانا عملت قرش وبنيت البيت.........مش ارجع اقعد فى بيتى اللى بنيته احسن

انا نفسى مش ضامنة انا لما اوصل للسن ده وانا لسه قاعدة هنا.....ساعتها ممكن ماتفرقش معايا وافضل برضو قاعدة هنا ولا لأ

بس بصراجة ماخبيش عليكوا........انا من دلوقتى خايفة لا ارجع فى صندوق

طب هما ورغم سنهم الكبير ماجاش فى دماغهم موضوع الصندوق ده خالص؟

تم تعديل 14 مارس 2010 بواسطة fatfouta

[doha]

اللى مخلينى فعلا بتامل فيهم وبقول هو انا هل هوصل للسن ده وهبقى لسه برضو قاعدة فى الغربة

مهو الي انتي مش واخده بالك منه ان مصر بالنسبة لهم دلوقت هي الغربة والسعوديه هي الي بلدهم .. عاشوا فيها و ناويين بعد عمر طويل يموتوا فيها برضه ..

[محمد افندى]

نيجى بقى لموضوع انا عارفة ان معظمكم هيعارضنى فيه

انا لما حكيت عن جارتى قولت انها فوق الخمسين سنه ومتطبعين بالسعوديين بشكل غريب فى طريق اللبس والكلام وحتى اسلوبهم فى الشراء.......

عندهم تلات بنات وولد

البنت الاولى جوزها هنا وهى جياله قريب

البنت التانية هنا هى وجوزها

الولد هنا هو مراته وعايش معاهم فى نفس الشقة

البنت الصغير هنا وبتدرس فى اولى ثانوى

عمهم هنا وبرضو بيشتغل سائق

قرايبهم هنا ومعظمهم بيشتغلوا بفيز جارنا ده هو اللى جايبها

ولسه كنت عندها من يومين لقيتها بتقولى ادعيلنا والنبى يا محمد قولتلها........خير يا حاجة؟؟

قلتلى اصل اخويا دكتور فى جامعه الازهر وبندوله على فيزا مع انه مرتبه كويس فى مصر جدااا (أخوها عنده 58 ) ده على كلامها وعنده اسرة وولاد

وكمان قالت اصل كمان عاوزين نجيب ابن اخو الحاج محمد(جوزها يعنى).........قلتلها ربنا يوفقكم

للعلم هما من المنصورة انا بيتهيالى هما نقلوا المنصورة هنا

اللى مخلينى فعلا بتامل فيهم وبقول هو انا هل هوصل للسن ده وهبقى لسه برضو قاعدة فى الغربة

مع العلم انهم بنوا عمارة 6 ادورا لكل واحد فى ولادها دور والعمارة طبعا مقفوله وماحدش ساكن فيها

طب يا جماعة انا جوزت الواد وجوزت البنات وكله ليه شغله وانا عملت قرش وبنيت البيت.........مش ارجع اقعد فى بيتى اللى بنيته احسن

انا نفسى مش ضامنة انا لما اوصل للسن ده وانا لسه قاعدة هنا.....ساعتها ممكن ماتفرقش معايا وافضل برضو قاعدة هنا ولا لأ

بس بصراجة ماخبيش عليكوا........انا من دلوقتى خايفة لا ارجع فى صندوق

طب هما ورغم سنهم الكبير ماجاش فى دماغهم موضوع الصندوق ده خالص؟

متابع معكم بسعادة بالغة على الموضوع الرائع

بجد بجد موضوع اكثر من رائع يا مدام فتفوتة

نيجى لموضوع الصندوق

من الحاجات الجميلة اللى افتكرها عن الموضوع دة كنت شغال قبل كدة فى شركة اغلبها مصريين وكان فيها مدير مصرى محترم جدا كان بقاله فى الشركة 30 سنة والله تقريبا اكثر بس هو الحقيقة كان لسة موصلش الستين وكان فية بردة واحد مصرى كان بقالة 33 سنة وكان عمرة عدى الستين مرتاح اللى يضحك ان ابو 33 ستة كان دايما يذكر اسم الراجل ويقول انا بستغرب ان فلان الفلانى لية مش راضى يروح نهائى بقى هو مستنى اما يتشحن فى صندوق

طيب ما تبص لنفسك يا أخى

طبعا الاعمار بيد المولى سبحانه بس افتكر حديث النبى صلى الله علية وسلم

من قضى نهمتة من غربتة فليعجل بالرجوع لاهلة

[لونا]

أولا : موضوعك لذيذ جدا يا فتفوتة :lol:

ثانيا :انت كتبت ..

للعلم هما من المنصورة انا بيتهيالى هما نقلوا المنصورة هنا

دي المرة التالتة أسمع فيها إن أهل المنصورة و الدقهلية عموما بيجيبوا تأشيرات لأقاربهم و أقارب أقاربهم..

يبقى الكلام اللي بيتقال إن المصريين مش بيحبوا الخير لبعض في الغربة ده مش صحيح ..مش كدة و لا إيه ؟؟

[fatfouta]

أولا : موضوعك لذيذ جدا يا فتفوتة :lol:

ثانيا :انت كتبت ..

للعلم هما من المنصورة انا بيتهيالى هما نقلوا المنصورة هنا

دي المرة التالتة أسمع فيها إن أهل المنصورة و الدقهلية عموما بيجيبوا تأشيرات لأقاربهم و أقارب أقاربهم..

يبقى الكلام اللي بيتقال إن المصريين مش بيحبوا الخير لبعض في الغربة ده مش صحيح ..مش كدة و لا إيه ؟؟

عارفة يا لونا بضايق جدا لما اسمع كلمة.......ده احنا وحشين مع بعض اوى فى الخارج

ومتاكدة ان المصريين حلوين مع بعض فى كل حاجة وده اشاعات بيطلعها علينا عاوزين يمشوا بمبدأ فرق تسود

انا جوزى من كام سنه كان شغال فى شركة هنا وبعدين غدروا بيه هو و تقريبا كام واحد تانى من جنسيات مختلفة ومشوهم وبدون سابق انذار جم قالولهم ادامكم شهر تدوروا على شغل تانى واحنا على استعداد ننقلكم كفالة

المهم كان فيه واحد معاهم الكل بيحلف انه راجل وحش وفى حاله ومش بيندمج مع حد والكل كان بيخاف منه

والله لقيناه بيكلم جوزى وبيقوله انا اخويا هنا فى الشركة الفلانية وروح اعمل انترفيو وربنا يوفقك وانا متاكد انهم هياخدوك عشان انا وصيت اخويا عليك

وفعلا راح عمل انترفيو واتقبل فيها.......والحمد لله

واما كان يحكى لحد يرد ويقوله........ايمن مش معقول ده راجل غبى ( باللفظ كده)

عاوزة اقولك ان احنا جوانا حاجة حلوة قوى قـــــــــوى انا بحبها وهى بتظهر بس فى الشدائد وهى اننا بنقف جمب بعض

سيبك من اللى بيمثله انهم بيحبوا بعض وماتضمنيش ولا تعلمى اللى جواهم ايه الواحد منهم يبيع اخوه عشان ياخد مكانه

واهو عندك هنا اقرب مثال فى المنتدى قولى مثلا انا مضايقة من حاجة وهتلاقى 1000000 واحد يساعدك ويقف جمبك ولو ماقدرش يعمل حاجة اهو بيبقى بالكلمة

وربنا مع المصريين فى كل مكان ان شاء الله

تم تعديل 14 مارس 2010 بواسطة fatfouta