مذكرات واحدة متغربة

[مسافر زاده الخيال]

الشكر للاخت فتفوتة تعقيبها .....واجيب انني منحاز فعلا للبنانيين (لكن ليس ضد اي جنسية) ....لانه كثيرا ما نسمع (من عدة جنسيات غير لبنانية)

وقد يقع اللوم على الاعلام اللبناني (الترفيهي) الذي رسخ (صورة معينة وعممها لطريقة عيش اللبنانيين) في الافلام و الفديو كليب وفنانات الفديو كليب والترويج السياحي ال....خ مما قد يعطى شيء من العذر (لمن لا يعرف اللبنانيين) وشخصيا اذكر الهزة الاعلامية العنيفة في بدايات التسعينات عبر الفضائيات اللبنانية وبرامج حصص الرياضة النسائية ال....خ

كل ما سبق اعرفه واكاد اكون شاهدا عليه....ولكن هل يعقل انه لا توجد مميزات حقيقية ارتقت باللبنانيين خاصة بالمهجر وقد ضربت مثال اميركا الجنوبية؟؟؟؟؟؟؟؟

كما انني اعتقد ان هناك تناغما بين المصريين واللبنانيين في الغالب ومحبة من نوع خاص ونادر(بشكل عام)......

وطبعا لاانفي (ولا يحق لي ) ان اشكك او اهون مما تعرفيه و يعرفه زوجك لانكم المطلعين على ذلك......

وعلينا (بمن فيهم انا) ان نتعلم الايجابيات من غيرنا سواء من العرب او الاوربيين او اي جنسية اخرى وهذه من مميزات العمل في بيئة متعددة الجنسيات........

==========

هناك تناغم بين المصري والبناني لانهم اكثر الدول العربية حرية ، اه والله شوف برامجنا ف مصر بنعض سلبياتنا كلها وافلام انا اعترض عليها لكن بتتعرض يعني انا مكنتش مصدق ان ده ف مصر زي برده مكنتش مصدق لما روحت الرياض اللي شوفته من مناطق قديمة سيدي بيوت مبنية بالطوب اللبن ورا شارع الخزان

انا معرفش اسمها ايه الحته ده بس زميلي كان بيفرجني يعني من باب انه يثير دهشتي

فاللبناني والمصري متعودين ع مناخ الحرية السياسية والاعلامية

عندنا سلبيات وفساد ماشي بس ظاهر وواضح وهناك من ينتقده وبشده وغيرنا انت تعلم يااخي لا يمتلك برنامج حواري واحد ع الهواء

انا احترم البنانيين واحتم اي عربي واي انسان محترم وكل جنسية ولها نظامها واذا افترضنا ان اللبناني اتوصم بشيئ مرتبط بتصرفات ننتقدها فهو انسان يعيش ع حريته لا يرتبط بالدولة اللي تيعيش فيها فالبناني حر طليق ولا احد ينكر عليه هذا

اما رياده الشوام للفن مع اختلافنا في مفهوم الفن فهذه الرياده لم توجد الا ع ارض مصر ولم تسعفني الذاكره لاسمع عن اسماء لامعه وانا لست ممن حضوا الرياده الفنيه بل اني من معاصرين الفن الهابط الذي بجد حقق اللبنانيين فيه الريادة

اما مايقال انهم نجحوا بنسائهم فاذا افترضنا ان هذا الكلام موجود ع اض الواقع فهو فقط ف دول الخليج اما لبنايين المهجر فهم نماذج تستحق كل النجاح

وكما قولت اللبناني تاجر ومدير شاطر

اما المصري فهو دكتور جامعه او مهندس او طبيب ناجح

واعذرني ع قلة معلوماتي فانا لا اعلم كم لبناني اخذ جائزة نوبل لكن اعلم ان اغنى رجل ف العالم من اصل لبناني

فكما قولت حلال ع البنانية المال والادارة الناجحه

حلال علينا احنا التعب والقراية وتمقيق العين

وف انتظار المزيد من النجاحات لكل العرب فنحن عرب نتمنى ان تتنوع مجالات تفوقنا

حقيقة ان التناغم الحضاري المصري الشامي(اللبناني خصوصا)افاد المنطقة العربية وكان مصدر اشعاع حضاري كبير (في الغالب)و قراءة بسيطة في التاريخ تعطينا لمحة عن ذلك...اما عن ريادة الشوام فنيا(او بالاصح دورهم في خلق فن مصري وعربي)فاكبر بكثير مما قد نتصوره...وليس في ذلك انتقاص او عيب فكثير من رواد الفن المصري ذو اصول شامية

وهوليود اميركا والفن الاميركي المسيطر على سطح الكوكب لم يصبح كذلك الا بتناغم الروافد الخارجية عليه فهناك الرافد الفرنسي الذي ادخل صناعة السنما من استديوهات و تصوير ال...خ منذ اواخر القرن التاسع عشر ثم الرافد الايطالي المبكر الذي ادخل الحبكة الدرامية في السنما الاميركية والرافد البريطاني الذي كون رصيد النجومية بل وحتى الالماني والروسي في تقنيات الاخراج ال...خ(وشرح ذلك يطول)....جدا

وريادة اللبنانين في الفن الهابط(حاليا)فكلنا في الهم شرق فالفن المصري والشامي وحتى الخليجي (زادت به نسبة الهبوط بشكل فظيييع جدا)خاصة الاعمال الرمضانية السامة

..................

عودة لقصة انهم نجحوا (بنسائهم)في الخليج فقط!!!!فاتمنى(واعتقد ذلك)انها من الاشاعات المغرضة

ولا ننف ان معدومي الضمير(من كل ملة و جنس)قد يستخدمون هذا الاسلوب ...لكن الى متى واي حياة اسرية ممكن ان تستمر

وان كان اللبناني قد اشتهر بكونه تاجرا ومديرا (شاطرا)فكذلك هناك من المصريين من اشتهر بذلك(نموذج طلعت حرب و الفايد)و كما يوجد في مصر المهندس والدكتور الجامعي والطبيب...فكثير من اللبنانين لا يقلون عن زملائهم المصريين ففي الولايات المتحدة الاميركية على سبيل المثال الكثير من الاطباء اللامعين والمهندسين وعلى فكرة

(فيما يخص جائزة نوبل)

)

اذكر انني قد قرأت ان احد اللبنانين ذوي الجنسية الفرنسية او الاميركية قد حازها منذ الستينات في مجال الطب(للامانة نسيت الاسم

عموما الامثلة الناجحة لا تنتهي في عالمنا العربي فلو افردنا المساحة

للتميز والنجاح اليمني خاصة الحضرمي منذ اقدم العصور والنموذج العراقي ال...خ

لما استوعبت مئات المجلدات ذلك

والسلام

[لونا]

أولا : موضوعك لذيذ جدا يا فتفوتة

ثانيا :انت كتبت ..

للعلم هما من المنصورة انا بيتهيالى هما نقلوا المنصورة هنا

دي المرة التالتة أسمع فيها إن أهل المنصورة و الدقهلية عموما بيجيبوا تأشيرات لأقاربهم و أقارب أقاربهم..

يبقى الكلام اللي بيتقال إن المصريين مش بيحبوا الخير لبعض في الغربة ده مش صحيح ..مش كدة و لا إيه ؟؟

عارفة يا لونا بضايق جدا لما اسمع كلمة.......ده احنا وحشين مع بعض اوى فى الخارج

ومتاكدة ان المصريين حلوين مع بعض فى كل حاجة وده اشاعات بيطلعها علينا عاوزين يمشوا بمبدأ فرق تسود

انا جوزى من كام سنه كان شغال فى شركة هنا وبعدين غدروا بيه هو و تقريبا كام واحد تانى من جنسيات مختلفة ومشوهم وبدون سابق انذار جم قالولهم ادامكم شهر تدوروا على شغل تانى واحنا على استعداد ننقلكم كفالة

المهم كان فيه واحد معاهم الكل بيحلف انه راجل وحش وفى حاله ومش بيندمج مع حد والكل كان بيخاف منه

والله لقيناه بيكلم جوزى وبيقوله انا اخويا هنا فى الشركة الفلانية وروح اعمل انترفيو وربنا يوفقك وانا متاكد انهم هياخدوك عشان انا وصيت اخويا عليك

وفعلا راح عمل انترفيو واتقبل فيها.......والحمد لله

واما كان يحكى لحد يرد ويقوله........ايمن مش معقول ده راجل غبى ( باللفظ كده)

عاوزة اقولك ان احنا جوانا حاجة حلوة قوى قـــــــــوى انا بحبها وهى بتظهر بس فى الشدائد وهى اننا بنقف جمب بعض

سيبك من اللى بيمثله انهم بيحبوا بعض وماتضمنيش ولا تعلمى اللى جواهم ايه الواحد منهم يبيع اخوه عشان ياخد مكانه

واهو عندك هنا اقرب مثال فى المنتدى قولى مثلا انا مضايقة من حاجة وهتلاقى 1000000 واحد يساعدك ويقف جمبك ولو ماقدرش يعمل حاجة اهو بيبقى بالكلمة

وربنا مع المصريين فى كل مكان ان شاء الله

و الله أنا كمان يا فتفوتة مش بحب أسمع الموضوع ده أبدا

يعني أنا بقالي هنا كام سنة و الحمد لله لم يحدث أن أذانا أحد المصريين بقصد الأذية

يعني ممكن يحدث خلافات عادية بين زوجي و بين أحد زملاؤه المصريين في العمل..

زي ما بيختلف مع أي من زملائه من الجنسيات التانية

و لكنه بيكون خلاف عادي ..و لايتعدى حدود العمل ..و لا يؤثر على علاقتهم كزملاء..

زي ما بيحصل في أي مكان عمل.. و من أي جنسية

بالعكس بأه من أصحابنا المصريين ناس قمة في التعاون و بيحبوا يساعدوا بدون أي مقابل ..

يعني في أول سنة لينا هنا الناس دي وقفت جنبنا و هم ما يعرفوناش أصلا ..يا دوب يعرفوا قريب لي

و عملوا معانا حاجات يمكن أنا ما أعرفش أعملها لأختي..لو جت هنا في الغربة

يعني مش كل الناس وحشة مع بعض .. بالعكس

[fatfouta]

قلبى حاسس انك لبنانى او عندكم عنصر فى العائلة لبنانى ياللى فى بالى

ماعلينا..........

لونا.........صباح الخير

ياريت والله كلنا هنا مانمشيش ورا كلام الناس اللى دايما عايزين المصريين مايبقوش كويسين مع بعض

انا لما بدخل مثلا موضوع ذى الاخوة بتوع الكويت(مش فاكره اسمه والله) اللى بيتعرفوا على بعض فيه او بدخل باب كندا واشوف المصريين بيساعدوا بعضهم اذاى ولو حى بالمعلومة

بكون سعييييييييدة جداااااااااا ومتأكدة ان احنا فينا الخير وهيفضل دايما ان شاء الله

خدى دى

تم تعديل 15 مارس 2010 بواسطة fatfouta

[the consultant]

يا جماعة بلاش كلام كبير . الموضوع ببساطة بيتلخص في جملة زهقنا من كتر سماعها الا وهي " في كل جنسية في الحلو و في الوحش و في الزبالة" و في قول أخر " صوابعك مش زي بعضيها (بكسر الضاد اوي )"

انا عن نفسي بتعامل من هذا المنطلق بغض النظر عن الجنسية بتعامل مع الشخص مجرد عن تلك الصفات التي في الغالب ما تفرض عليه منذ ولادته و لا يمتلك بصددها حرية الاختيار (ده كلام كبير اوي ) الا طبعا لو كان اسرائيلي.

يعني خلينا نقول (مش كل المصريين جدعان وولاد بلد) و (مش كل الشراقوة كرمة) (و مش كل بنات المنصورة حلوين) ( و مش كل الهنود ريحتهم وحشة) (الحقيقة الوحيدة هي ان كل الاسكندرانية بيعرفوا يعومو ).

جايلك يا بحر

[fatfouta]

لما الشركة دى ابتدت تفتح باب التوظيف للسيدات

انا طبعا قولت اروح اشتغل بقى وفعلا جوزى اخد السى فى بتاعتى وقدمها فعلا وبعدها بكام يوم فى ناس فى الhr قالوله ريح نفسك مش هيعينوها ولما سأل ليه الراجل رد عليه وقالهالباشا مانع القرابة من الدرجة الاولى

مع العلم انه هو جايب اخوه معاه فى الشركة وبنات خالاته الاتنين اللى باباهم مصرى وامهم لبنانية ومعظم قرايبه وحبايبه من ايام شركة الطيران اللى كان بيشتغل فيها الاول

وجوزى مابينش ان هو زعلان بس هما اكيد حسوا.......وفى يوم عرضوا عليه انى اروح اعمل انترفيو فى شركة الطيران اللى هو كان فيها الاول وبالفعل روحت عملت الانترفيو والاخ ده طبعا كان موصيهم عليا

واتقبلت وجيت بقى عند الشغل........آن أأأأأأأأأأأأن جيت اسال اودى ولادى فين

امة لا إاله الا الله كلها حاربتنى........اللى تقوللى ده انتى فى الغربة وهتسيبى ولادك فين

اللى يقولى ولادك ضغيرين استنى لما يكبروا شوية.........اللى يقوللى مش حرام عليكى ولادك

وخصوصا ان مواعيد الشركة من 8 ونص : 5 تقريبا

جالى احباااااااااااط وقعدت مكتئبة بعدها بكام شهر

بس دلوقتى بصراحة بعد اللى سمعته بقول الحمد لله

ومن حوالى شهر جوزى قاللى انه فيه بوذيشن فى الشغل يناسب امكانيات اختى جدااا وانهم سألوه لو يعرف حد وكده........فـ جوزى جه وحكالى انه ممكن تيجى هنا وكده

وهو كان متشجع ومتحمس للفكرة لكن......انا بقى دلوقتى اللى مش متحمسه لها ابدا لان اختى مش مرنة وجد جدااااااااا وساعات كمان بتكون رخمة لما تشوف اى حاجة مش عاجباها

فما بالى بقى لما تكون فى شركة ذى دى..........يا لهوى والله ما عارفة هتعمل ايه مع اللى بيعملوه الاخوات هناك

ده الرجالة مش متحملة جو الشغل بالطريقة دى ......فما بالكوا بقى ببنت عمرها ماتعاملت مع ناس ذى كده

[عنبو]

يا جماعة بلاش كلام كبير . الموضوع ببساطة بيتلخص في جملة زهقنا من كتر سماعها الا وهي " في كل جنسية في الحلو و في الوحش و في الزبالة" و في قول أخر " صوابعك مش زي بعضيها (بكسر الضاد اوي )"

انا عن نفسي بتعامل من هذا المنطلق بغض النظر عن الجنسية بتعامل مع الشخص مجرد عن تلك الصفات التي في الغالب ما تفرض عليه منذ ولادته و لا يمتلك بصددها حرية الاختيار (ده كلام كبير اوي ) الا طبعا لو كان اسرائيلي.

يعني خلينا نقول (مش كل المصريين جدعان وولاد بلد) و (مش كل الشراقوة كرمة) (و مش كل بنات المنصورة حلوين) ( و مش كل الهنود ريحتهم وحشة) (الحقيقة الوحيدة هي ان كل الاسكندرانية بيعرفوا يعومو :lol: ).

جايلك يا بحر

انا اعرف واحد اسكندارانى مبيعرفش يعوم بس بيعرف يسبح

كلامك صح ولو الناس نفذته هتعيش مرتااااااااااااااااااااااااااااااااحه جداً ومش هيخسر كتير

الشعوب لا تُربى فى بيت واحد ده الحاجه الخاصه بالاخلاق

والعلم

طبعاًُ على حسب قدراتك وعلى حسب عزيمتك وانت عاوز تبقى ايه

بس الحق لازم يتقال مافيش واحد يعلق على المواقف بكوميديا زى المصرى دى حاله خاصه بالمصريين فقط لا غير

انا مشفتهاش فى اى جنسيه تانيه بجد خفة الدم دى مصريه بحته

حتى انا اول لما جيت الشركه كنت اول مصرى فيها يعنى ومكنتش اعرف حد خالص وطبعاً هم اخدين فكره عن المصرى لميض شويه

وضحك ونكت طبعاً لما تعاملوا كانوا مستغربين قووى عدى شهر والتانى

والتالت قالوا كده انت مصرى

[engmido]

لما الشركة دى ابتدت تفتح باب التوظيف للسيدات

انا طبعا قولت اروح اشتغل بقى وفعلا جوزى اخد السى فى بتاعتى وقدمها فعلا وبعدها بكام يوم فى ناس فى الhr قالوله ريح نفسك مش هيعينوها ولما سأل ليه الراجل رد عليه وقالهالباشا مانع القرابة من الدرجة الاولى

مع العلم انه هو جايب اخوه معاه فى الشركة وبنات خالاته الاتنين اللى باباهم مصرى وامهم لبنانية ومعظم قرايبه وحبايبه من ايام شركة الطيران اللى كان بيشتغل فيها الاول

وجوزى مابينش ان هو زعلان بس هما اكيد حسوا.......وفى يوم عرضوا عليه انى اروح اعمل انترفيو فى شركة الطيران اللى هو كان فيها الاول وبالفعل روحت عملت الانترفيو والاخ ده طبعا كان موصيهم عليا

واتقبلت وجيت بقى عند الشغل........آن أأأأأأأأأأأأن جيت اسال اودى ولادى فين

امة لا إاله الا الله كلها حاربتنى........اللى تقوللى ده انتى فى الغربة وهتسيبى ولادك فين

اللى يقولى ولادك ضغيرين استنى لما يكبروا شوية.........اللى يقوللى مش حرام عليكى ولادك

وخصوصا ان مواعيد الشركة من 8 ونص : 5 تقريبا

جالى احباااااااااااط وقعدت مكتئبة بعدها بكام شهر

بس دلوقتى بصراحة بعد اللى سمعته بقول الحمد لله

ومن حوالى شهر جوزى قاللى انه فيه بوذيشن فى الشغل يناسب امكانيات اختى جدااا وانهم سألوه لو يعرف حد وكده........فـ جوزى جه وحكالى انه ممكن تيجى هنا وكده

وهو كان متشجع ومتحمس للفكرة لكن......انا بقى دلوقتى اللى مش متحمسه لها ابدا لان اختى مش مرنة وجد جدااااااااا وساعات كمان بتكون رخمة لما تشوف اى حاجة مش عاجباها

فما بالى بقى لما تكون فى شركة ذى دى..........يا لهوى والله ما عارفة هتعمل ايه مع اللى بيعملوه الاخوات هناك

ده الرجالة مش متحملة جو الشغل بالطريقة دى ......فما بالكوا بقى ببنت عمرها ماتعاملت مع ناس ذى كده

اذا لم تعتبريه تدخلا فى شؤونك الخاصة

موضوع الشغل ده كان غلط

خاصة فى الغربة والاولاد لسه صغيرين

والحمد لله انها جت على قد كده

[fatfouta]

لا يا باشمهندس ميدو مش تدخل ولا حاجة

انا ساعتها عرضت الموضوع ده هنا فى منتدى وفكرتى اتحاربت من ناس كتير وان كانوا كلهم قالولى لا ماتشتغليش عشان الاولاد

وكانوا رجالة وستات افاضل طبعااااا

بس انا كمان عن جو الشغل اللى مش ممكن واحدة ذيى تتحمله بصراحة

[fatfouta]

حصل موقف لواحد مصرى بصراحة خلانى تعبت نفسيا جدا

والله ماقادرة اوصف مشاعرى من ساعة ماسمعته

فيه شاب مصرى لسه متعين فى الشغل عندجوزى شغله انه بيقف فى نقاط البيع بتاعة الشركة

وهو بيشتغل دايما بيجيله عملاء من جنيع الجنسيات اللى موجودة هنا

جه واحد من جنسية تانية.........مش هقول جنسيته ايه

وطبعا دخل عالشاب ده وهو متنرفز اوى بسبب خطأ ما فى حاجة اشتراها من الشركة بس مش من نقطة البيع دى بالذات

ولما حاول الشاب المصرى ده يهديه..........الراجل التانى مسك اللاب توب اللى بيشتغل عليه الشاب ده وهبده فى الارض

وراح كمان رفع عليه قضية واتبلى عليه انه بيتحرش بمراته.............ماحدش شاف افترا كده؟؟

طبعا لما رجع للشركة..........الشركة هى كمان طلبت عويض فى الحاجات اللى هو كسرها وقالت انها واضعة كاميرات وممكن تجيب الفيديو ونشوف ادام المحكمة مين اللى غلطان ومين اللى اتخرش بالتانى

تخيلوا القاضى يحكم بايه؟؟؟

القاضى قال انه مش بيعترف بالكاميرات ومارضيش يصدق ان الشاب ده لم يتحرش بزوجة الراجل التانى

حسبى الله ونعم الوكيل

تم تعديل 19 مارس 2010 بواسطة fatfouta

[doha]

استاذة فتفوته ..

متستغربيش للي حصل للشاب واللابتوب والكاميرات .. الحكايه بتبدوا غريبة ليكي ولينا مش لغرابتها في حد ذاتها وانما لانك قصيتي ( مشهد ) من حياة شخص آخر الي هو الشاب او الشخص المتبلي عليه وحطيتيه في حياتك انتي الي هي فيلم تاني لوحده خالص ملوش علاقه بما حدث او سيحدث للشاب والراجل الي اتبلى عليه ..

لو ان الراجل ظلم الشاب ده فكوني على ثقة ان ربنا هيقتص بشكل او بآخر وان الموقف الي ( نكد ) عليكي ده ـ وعلينا بالتبعية ـ مجرد ( مشهد ) في قصة حياه ناس تانية صعب اوي اننا نفهم ايه الي وراه ولا ايه الي هيحصل نتيجه ليه .

الخلاصة ..

ارحمي نفسك شويه الدنيا مش سوده اوي بالدرجه .. صحيح فيها سواد .. وسواد كتير كمان . بس مش دائما الي بنشوفه ( عوج ) بيبقى كده ومش دائما الانتصار ( المؤقت ) للشر معناته انها خلاص دي النهاية ..

القصة الي حصلت امام زوجك دي ( غير ذات معنى ) اذا حاولتي تستخلصي منها حكم او تعرفي منها ( الدنيا ماشيه ازاي ) ببساطة لانك متعرفيش هي ( بدات ازاي ) او ( هتخلص على ايه ) ..

تحياتي ( ومن غير ضرب الله يكرمك .... :blush2: )

[fatfouta]

عندك حق يا ضحى فى كل اللى قلتيه

بس الواحد بيضايق لما يشوف اد ايه حقوقنا بتتهدر كده

وانا هضربك ليه يا ستى بس.........ما كلامك صح والله

شكرا ليكى يا حبيبتى

[مسافر زاده الخيال]

قلبى حاسس انك لبنانى او عندكم عنصر فى العائلة لبنانى ياللى فى بالى

ماعلينا..........

:lol: wst:: :ninja:

[kitkat]

أختي العزيزة انا باتفق مع عمدة كلامه سليم

if you can't beat them , join them

ولكن طبعا بحدود يعني انا مش باوزه انه يعاكس اللبنانيات احسن تزعلي مني وتدعي عليا

هو لازم مايعلمش الاخ الجديد كل اسرار شغله ولا اهمها ويجبرهم يرجعوله دايما

بالتوفيق وادعيله دايما ربنا يسترها معاه بدعوتك

[من بعيد]

أو يحاول يجيب أوفر يفاوض بيه على زياده فى المرتب

سوسو يا حبيبتشى يا اختشى الموضوع ده بالذات ماينفعش مع نظام الكفيل لان الكفيل بيبقى متعنف جداااااااا لو جابله سيرة انه جايله عرض تانى احسن

اول ماجه هنا من حوالى عشر سنين كان كفيله بيديله مرتب صغير ولما قاله انا جايلى شغل بمرتب احسن يا تدينى مرتب اكبر يا تسمحلى بنقل كفالة

تعرفى قاله ايه؟؟؟؟؟؟

قاله لو مش هتبقى عندى يبقى مش هخليك عند غيرى

وفعلا اتربصله لغايت ما حمايا مات وجه ينزل عمل كل الاجراءات وفوجأ بيه عمله تأشيرة خروج نهائى وقاله مع السلامة

اسكتى يا بنتى انتى ماتعرفيش حاجة......ده احنا ياااااما شوفنا

ايه يا جماعه موضوع الكفيل ده دى حاجه بصراحه فوق طاقه البشر انا النهارده فى الجزيره نت واحد مغترب ومقيم فى احدى دول الخليج كاتب التعليق ده

محمد باجبير

مقارنة بين الشرق والغرب

ياسلام ! مظاهرة في أمريكا لإصلاح نظام الهجرة بينما أنا وعائلتي والكثير الكثير غيري نعيش في دولة خليجية نعاني الإستعباد والإضطهاد وتهدر حقوقنا بإسم الكفالة حتى مجرد شجار مع أحد المواطنين ولو كان دفاعاً عن النفس يوضع الخطأ علينا ونعاقب بالترحيل وكل ذلك بسبب أنظمة الدولة من جهة والأدهى والأمر مانعانيه من نفس الشعب من كراهية وحقد وحسد ، قبيل فترة كنت في دائرة حكومية لإتمام معاملة تخصني وكان جميع الموجودين من غير المواطنين ومنذ أن دخلت إلى أن غادرت لم يتوقف حارس الأمن عن شتم الموجودين كونهم أجانب .

انا فعلا مش مصدق

[M Mido]

انا نفسي اعرف ليه جوزك حارق دمه و تاعب اعصابه، متولع الشركة باللي فيها، هو اللي عليه انه يعمل شغله بما يرضي الله و خلاص.

يعني هما عاملين عيد ميلاد ايه المشكلة انه يروح او لو بيكلوا لينة و بتاع ده ايه المشكلة انه ياكل برضه او لو الواد الجديد ده عايز بريك و مش عايز يتعلم مايديله بريك و يريح هو نفسه.

لان في النهاية هو مش صاحب الشركة و ولو مثلا لا قدر الله الشركة وقغت ممكن يشوف شغل في شركة تانية.

[fatfouta]

حسبى الله ونعم الوكيل

أسألكم الدعاء

[engmido]

من غير ما اعرف فيه ايه

ربنا يتولاكم برحمته انه ولى ذلك والقادر عليه

ولكن

قال الامام على

اعلم ان ما اخطأك لم يكن ليصيبك ........وما اصابك لم يكن ليخطئك

[fatfouta]

أول ماجيت السعوية كنا لسه مرتبنا ضعيف جوزى كان بيشتغل فيها قبل مانتجوز لكن لما اتجوزنا كان غير اول كفيل ليه والكفيل التانى ده كان محترم قوى

ومع ان المرتب كان ضعيف وكان عندنا ديون من حق الفيزا وحاجات تانية انما برضو جوزى صمم اننا نقعد فى مكان كويس فاخدلنا شقة فى كومباوند فى الملز كان ساعتها غالى شوية علينا انما هو صمم

وقعدنا فى الكومباوند ده حوالى سنة ونص لغايت ماقعدوا كل 6 شهر يعلو الايجار حوالى الفين ريال وبعدين خلاص بصراحة مابقيناش عارفين ندفع الايجار فقررنا اننا ناخد شقة بأقل شوية عشان نعرف نعيش

وكان لينا جار هندى محترم ولما عرضنا الشقة قال اخويا ياخدها منكم وبالفعل جه اخوه اتفرج عالشقة وعشان احنا كنا هنروح شقة اصغر فاضطرينا اننا نستغنى عن حاجات كتير فيها فهو قال هاخدها بعفشها.....من ضمن العفش كان فيه ريسيفر قديم لما شافه قال هاخده ده كمان ودفه فيه ساعتها انا فاكرة 150 ريال

وبعد مامشينا من الشقة وهو خلاص استلمها باسبوع بالضبط لقيناه بيتصل بيقول لجوزى تعالى خد الريسفير ده وهات فلوسه ده مراتى جات تشغله فقامت مركبة الكارت غلط وباظ.........يعنى معترف بنفسه انه هو مراته اللى بوظته

طبعا جوزى قالله لا انتوا اللى بوظتوه وعاوزيننى ادفع حقه.؟؟؟؟؟؟ رد عليه وقاله ايوه تدفع حقه وطبعا قاله كلمة بالانجليزى معناها يعنى هتيجى تاخده غصب عنك وتجيب الفلوس

وبعد مشاده كلامية بينهم الهندى قال لجوزى انا هوريلك......طبعا ماحطيناش فى دماغنا وعدى يومين وبعدين جوزى كان فى الشغل لقى واحد بيتصل بيه بيقوله انا من مكتب مش عارف مين فى الداخلية ومالك ومال عمران الهندى وعامل معاه مشاكل ليه

وبعدين لما جوزى حكاله قاله انا برضو بقولك ذيه تيجى تديله الفلوس وانت ساكت......تخيلوا الظلللللللللللللللم؟؟؟؟؟؟؟

فاجوزى اخده الكبر بقى والكرامة وقاله اعملوا اللى انتوا عاوزينه وانا مابوظتش حاجة فراح الراجل ده سب جوزى بشتيمة مش محترمة وقفل السكة فى وشه

تانى يوم علطول الكفيا بتاع جوزى ندهه وقاله يا فولان انا اسف انا همشيك من عندى.....ولما سأله وقاله هو انا عملت حاجة وحشة لا سمح الله قاله لأ والله بس انا جايلى أمر وانا اسف انت راجل محترم جدااا وشغلك كويس جدا معايا بس انا مش هقدر اقعدك عندى اكتر من كده بس هديك شهر تدور فيه على شغل تانى وهنقلك كفالة عشان انت كنت معانا ونعم الناس

وطبعا خلى الادارة تسلمه الخطاب اللى مش عارفة بيسموه ايه بتاع الاستغناء ده......وهو راجع البيت كسر إشارة واخدوه عالحبس......كان يوم بالنسبة له فظيع

ماكانش معايا موبايل ولا اى وسيلة اتصال ولما إتاخر قوى نزلت وكلمته من كابينة لقيته بيقوللى انا هاجى الصبح عشان حصل انى كسرت اشارة واتحبست وماقليش انه كمان مشوه من الشغل

المهم برضو الهندى اتصل بيه تانى يوم وقاله هتقابلنى امتى عشان اخد الفلوس...راح قابله واداله الفلوس اللى استحلها على نفسه مع انه هندى مسلم

الموقف ده مش بيروح من بالى ابداااااااا لان الظلم اللى احنا اتعرضناله ساعتها واحساسنا اننا مش فى بلدنا وبصراحة اتذلينا من ناس ظلمة

اللى بيحصل فينا اليومين دول والله حاجة ذى كده تقريبا وهبقى احكيلكم عليها بعدين ان شاء الله

وبرضو مش هقول حسبى الله ونعم الوكيل....ودعواتكم معانا

[engmido]

و الله المستعان على ما تصفون

[ahmos1]

أول ماجيت السعوية كنا لسه مرتبنا ضعيف جوزى كان بيشتغل فيها قبل مانتجوز لكن لما اتجوزنا كان غير اول كفيل ليه والكفيل التانى ده كان محترم قوى

ومع ان المرتب كان ضعيف وكان عندنا ديون من حق الفيزا وحاجات تانية انما برضو جوزى صمم اننا نقعد فى مكان كويس فاخدلنا شقة فى كومباوند فى الملز كان ساعتها غالى شوية علينا انما هو صمم

وقعدنا فى الكومباوند ده حوالى سنة ونص لغايت ماقعدوا كل 6 شهر يعلو الايجار حوالى الفين ريال وبعدين خلاص بصراحة مابقيناش عارفين ندفع الايجار فقررنا اننا ناخد شقة بأقل شوية عشان نعرف نعيش

وكان لينا جار هندى محترم ولما عرضنا الشقة قال اخويا ياخدها منكم وبالفعل جه اخوه اتفرج عالشقة وعشان احنا كنا هنروح شقة اصغر فاضطرينا اننا نستغنى عن حاجات كتير فيها فهو قال هاخدها بعفشها.....من ضمن العفش كان فيه ريسيفر قديم لما شافه قال هاخده ده كمان ودفه فيه ساعتها انا فاكرة 150 ريال

وبعد مامشينا من الشقة وهو خلاص استلمها باسبوع بالضبط لقيناه بيتصل بيقول لجوزى تعالى خد الريسفير ده وهات فلوسه ده مراتى جات تشغله فقامت مركبة الكارت غلط وباظ.........يعنى معترف بنفسه انه هو مراته اللى بوظته

طبعا جوزى قالله لا انتوا اللى بوظتوه وعاوزيننى ادفع حقه.؟؟؟؟؟؟ رد عليه وقاله ايوه تدفع حقه وطبعا قاله كلمة بالانجليزى معناها يعنى هتيجى تاخده غصب عنك وتجيب الفلوس

وبعد مشاده كلامية بينهم الهندى قال لجوزى انا هوريلك......طبعا ماحطيناش فى دماغنا وعدى يومين وبعدين جوزى كان فى الشغل لقى واحد بيتصل بيه بيقوله انا من مكتب مش عارف مين فى الداخلية ومالك ومال عمران الهندى وعامل معاه مشاكل ليه

وبعدين لما جوزى حكاله قاله انا برضو بقولك ذيه تيجى تديله الفلوس وانت ساكت......تخيلوا الظلللللللللللللللم؟؟؟؟؟؟؟

فاجوزى اخده الكبر بقى والكرامة وقاله اعملوا اللى انتوا عاوزينه وانا مابوظتش حاجة فراح الراجل ده سب جوزى بشتيمة مش محترمة وقفل السكة فى وشه

تانى يوم علطول الكفيا بتاع جوزى ندهه وقاله يا فولان انا اسف انا همشيك من عندى.....ولما سأله وقاله هو انا عملت حاجة وحشة لا سمح الله قاله لأ والله بس انا جايلى أمر وانا اسف انت راجل محترم جدااا وشغلك كويس جدا معايا بس انا مش هقدر اقعدك عندى اكتر من كده بس هديك شهر تدور فيه على شغل تانى وهنقلك كفالة عشان انت كنت معانا ونعم الناس

وطبعا خلى الادارة تسلمه الخطاب اللى مش عارفة بيسموه ايه بتاع الاستغناء ده......وهو راجع البيت كسر إشارة واخدوه عالحبس......كان يوم بالنسبة له فظيع

ماكانش معايا موبايل ولا اى وسيلة اتصال ولما إتاخر قوى نزلت وكلمته من كابينة لقيته بيقوللى انا هاجى الصبح عشان حصل انى كسرت اشارة واتحبست وماقليش انه كمان مشوه من الشغل

المهم برضو الهندى اتصل بيه تانى يوم وقاله هتقابلنى امتى عشان اخد الفلوس...راح قابله واداله الفلوس اللى استحلها على نفسه مع انه هندى مسلم

الموقف ده مش بيروح من بالى ابداااااااا لان الظلم اللى احنا اتعرضناله ساعتها واحساسنا اننا مش فى بلدنا وبصراحة اتذلينا من ناس ظلمة

اللى بيحصل فينا اليومين دول والله حاجة ذى كده تقريبا وهبقى احكيلكم عليها بعدين ان شاء الله

وبرضو مش هقول حسبى الله ونعم الوكيل....ودعواتكم معانا

قلبى معاكم الظلم ظلمات يم القيامة و ربنا كبير ( قولوا حسبنا الله نعم الوكيل)