لماذا لم ينجح التمويل العقاري في مصر.....!!!!!؟؟؟

[مهندس تحكم]

اثناء رحلة بحثي عن شقة للسكن وليس للاستثمار....اكتشفت ان اغلب العقارات في مصر غير صالحة للتمويل العقاري ...ودة بسبب ثقافة شراء العقار في مصر...

عندما يٌقدم أحد علي شراء سيارة ...فانة يهتم جدااا بحالتها الفنية ...فالاغلب يأخذ معة فني متخصص لفحص السيارة...ثم يطلب اثبات صحة التراخيص وخلو السيارة من المخالفات او القضايا...والغالبية العظمي ايضا تنقل رخصة السيارة ويتم عملية التسجيل بالشهر العقاري...ضمانا لحقة

ولكن الوضع مختلف تماما مع العقارات والتي هي أهم عشرات المرات من السيارات ...

لا أحد يهتم بتراخيص الأرض او البناء ....فرأينا ما حدث في عزبة الهجانة ...عشرات الابراج و مئات الشقق وكلها بدون تراخيص بناء...ورأينا المآسي في ابراج الاسكندرية وكم القتلي والجرحي بعد انهيار ابراج غير مرخصة...

لا أحد يهتم بسلامة المبني وهل تم تنفيذة تحت إشراف مختصين ام تم بناؤة بلدي عن طريق مقاول لدية خبرة في البناية...ومجموعة من العمال.

لا أحد يهتم بتسجيل المبني ..او العقار...بحجة انها مصاريف زائدة وبدون داعي....علي الرغم من ثبات مصروفات التسجيل وهبوطها لارقام لا تمثل حتي 1% من ثمن اقل شقة في مصر...

وعندما آتي التمويل العقاري ...وهو مطبق من عشرات السنين في الخارج.....فشل فشل زريع في مصر لنفس الاسباب السابقة....لان البنوك الممولة تشترط الآتي:

صحة ملكية الارض المقام عليها العقار وأن تكون قابلة للبناء و مسجلة في الشهر العقاري وخالية من المخالفات وليس عليها ديون او قروض..

تطابق العقار مع التراخيص الصادرة ببناءة ....وتسجيل العقار بالشهر العقاري....

ودة مش موجود ولا حتي لـ 10% من العقارات المطروحة للبيع والاستثمار....

ياتري هل ممكن ثقافة المشتري في مصر تتغير ....ويحافظ علي نفسة ومن يحب بان يسكن في عقار آمن سليم ....وفي نفس الوقت يحافظ علي أموالة المستثمرة او المدخرة في ملكية العقار.......!!!؟

[عطر الجنة]

شوف حضرتك الازمة صنعتها الحكومة بالتغاضى عن اشياء كتير

الحكومة عبارة عن افراد الحى المسئولين عن التنظيم وهم يمرون يوميا فى الشوارع ليروا كل جديد

لكن ليس ليهدموه لكن ليحصلوا الاتاوة عليه

وده بيتم فى بعض الاوقات يعنى احيانا بيكون فى حملة و شدة على المخالفين فبيروحوا و بيكسروا بعض قطع من الاسقف معلومة مسبقا

و بكده بيعتبروا خلاص

فلقد رايت عمارة فى ميامى فى اسكندرية غير مرخصة و ذهبوا و عملوا ده 3 مرات و المقاول يصلح السقف تانى و اوكلها لشركة تسويق لبيعها

تانى شئ فى اسكندرية وصل سعر المتر لمعدلات عالية لان اصحاب الاراضى رفعوا التمن لانهم مؤمنيين بسياسة الابراج لكن لما حدد المحافظ الارتفاعات لم يهبط سعر المتر

و بالتالى ارتفع سعر متر الشقق اثناء الكساد

نيجى للقاهرة انا جن جنونى وانا ماشية بسيارتى على الدائرى بالتحديد من طلعة طريق مصر اسكندرية الزراعى متجهة ناحية طريق السويس

على جهة اليمين هناك ابراج منها اقيم و منها فى مرحلة البناء تخيلوا الشوارع فيها 4 متر فقط

و بعد كده تطلع بروزات البلكونات متر لكل عمارة

اى تكون المسافة 2 متر بين العمارة و التى فى الجهة المقابلة

رايت شوارع مظلمة

صراحة حزنت و حاولت اتصل ببرنامج 90 دقيقة ليعلن عن الكارثة و يحاول وئدها فى المهد مع انها تعدت مرحلة المهد

قلت فى نفسى معقولة لم يمر مسئول و اخد باله من ده

كارثة بكل المقاييس

نرجع للتمويل انا ذهبت لشركة تمويل لشراء شقة و كانت خاضعة لمواصفاتهم ولكنى للاسف وجدت نسبة عالية من الفائدة

و شروط فى قيمة الدخل و عموما هناك بنوك كتير ابتدت تمول و بشروط ايسر من التمويل العقارى

وعلى فكرة انا بشجع التمويل عن طريق البنوك الان

لماذا لان سعر الفائدة اصبح معقول لانه عبارة عن فائدة البنك المركزى على الودائع + 2 %

اى اصبحت الفائدة حوالى 10 % او 11 % تقريبا

و اصبحت الشروط يسيرة ليس مثل قبل

تحياتى

[مهندس تحكم]

هو حل المشكلة بسيط جدااا ....ولكنة مستحيل التنفيذ عندنا هنا بالذات...

وهو ايقاف التعامل مع المباني الغير مرخصة والغير مسجلة....ودة من غير قوانين او حتي حد يمر علي المخالفين ويهدلهم ايلي بنوة....انما يكون عن طريق توعية المشتري بانة ما يتعاملش علي شيء غير آمن وغير مرخص ..وغير قابل للتسجيل...بس مين ايلي هايعمل كدة.....

الناس هنا بتشوف الناس بتعمل اية وتعمل زيها....واهو كلة ماشي وسط الزحام...سلو البلد...ولا سرو البلد..قانون السوق ...وعرف السوق...وكل الكلام ايلي بيتداولة المستفيدين فقط من المقاولين و اصحاب المصلحة..

[بحراوية]

انا عندى استفسار عن التنويل العقارى بما انكم فاهمين فيه

انا قدامى عرض تمويل عقارى لشقة فى اسكان مبارك اللى عامله القطاع الخاص فى الشيخ زايد وبصراحة هو ده العرض الوحيد المناسب لأمكانياتى لان الشقة سعرها 110 كاش وانا مش هاقدر ادفع المبلغ ده كاش

انا اللى قلقنى فكرة ان فيه ناس بتقول ان التعامل ده حرام بس انا لما دورت شوية لقيت انه مادام شركة التمويل العقارى هاتشترى من المالك وتبيعلى بعد كدة مع احتساب فايدة والتقسيط على سنين كتير فده تعامل مافيهوش حاجة حرام اكنها شركة بتقسط عادى

مش عارفة خايفة اكون انا بحاول اقنع نفسى بكدة علشان ده اللى مناسب ظروفى عموما انا لسة بسأل فى الموضوع وياريت لو حد عنده تجربة مع الموضوع يقولى عليها

[عطر الجنة]

انا عندى استفسار عن التنويل العقارى بما انكم فاهمين فيه

انا قدامى عرض تمويل عقارى لشقة فى اسكان مبارك اللى عامله القطاع الخاص فى الشيخ زايد وبصراحة هو ده العرض الوحيد المناسب لأمكانياتى لان الشقة سعرها 110 كاش وانا مش هاقدر ادفع المبلغ ده كاش

انا اللى قلقنى فكرة ان فيه ناس بتقول ان التعامل ده حرام بس انا لما دورت شوية لقيت انه مادام شركة التمويل العقارى هاتشترى من المالك وتبيعلى بعد كدة مع احتساب فايدة والتقسيط على سنين كتير فده تعامل مافيهوش حاجة حرام اكنها شركة بتقسط عادى

مش عارفة خايفة اكون انا بحاول اقنع نفسى بكدة علشان ده اللى مناسب ظروفى عموما انا لسة بسأل فى الموضوع وياريت لو حد عنده تجربة مع الموضوع يقولى عليها

صراحة انا لا اشجع على مشروع مبارك

و احسبيها معاية

الشقة مساحة 63 متر =110 الف

تمن المتر = 100000 / 63 = 1587.3 جنيه

ممكن تاخدى شقة اوسع شوية و بنفس سعر المتر تمويل عقارى او على بنك الاسكان و التعمير

و ممكن كمان تجدى سعر اقل من كده فى السوق للمتر

تحياتى