جولة سياحية فى دول مجلس التعاون الخليجى

[المخنوق دائما]

حد عمل كدة أو بيفكر يعمل كده؟؟

بما إننا فى السعودية ومن السهل ان الواحد يدخل دول مجلس التعاون الخليى

هل حد عمل جولة سياحية كده يعنى يومين فى البحرين ويومين فى الكويت والإمارات وقطر ؟؟

واللى عمل كده إية رأية وهيكررها وللا لأ؟؟

وأحلى الأماكن اللى تستحق الزيارة هناك إية؟؟

أنا شخصيا بفكر أعمل التجربة دى لما الواحد يستقر شوية

لأن بصراحة الفرصة دى عمرها ماهتكون متاحة لو الواحد فى مصر

والحياة فُرَص..

[se_ Elsyed]

أنا عملت كده ... أحلاهم دُبي والبحرين بلا منازع .. غير كده يبقى تروح البطحا أحسن لأنك مش هاتحس بفرق

[MZohairy]

أنا عملت كده ... أحلاهم دُبي والبحرين بلا منازع .. غير كده يبقى تروح البطحا أحسن لأنك مش هاتحس بفرق

نسيت سلطنة عمان يا حاج

يا عم دبي مافيهاش غير شارع الشيخ زايد و ناطحات السحاب و بس

و الله العظيم اونطه دبي دي

العين مثلا اجمل منها كتير في رأيي

أما البحرين فهي اصغر شويه من حي المهندسين في القاهره و فيها كام برج و مولين اكبرهم السيف و كل سنه و انت طيب و تلفها بالعربيه في 35 ثانيه

انما فعلا هم اجمل من قطر

لكن قد يكون اجمل دوله خليجيه تستحق الزياره هي سلطنة عمان و خصوصا مدينة صلاله (1000 كيلو متر جنوب مسقط)

[justme]

بص انا رحت الكل ما عدا الكويت

من الأخر الكل واحد

نفس الثقافة بمعنى تتفسح في المولات

لكن بصراحة عمان هي اللي بتحسسني اني في بلد مش في الخليج

يعني خضرة وزراعة واسواق مختلفة واماكن سياحية طبيعية بجد

صلالة طبعا مسندم الجبل الاخضر وعندك مسقط من اجمل المدن وانظفها في رأيي

دبي بلد متحسش فيها بهوية عربية خاصة هي في نظري مول كبير

ابو ظبي احسن شوية بس برده يعني

قطر بصراحة يمكن ليها مستقبل بس تخلص المشاريع الكتير اللي شغالين فيها دي كمان كام سنة

[doha]

عاوز رايي ؟

حوش كل مليم معاك مخصصه للفسح ولما تنزل مصر باذن الله اجازه اطلع على شرم والاقصر واسوان والغردقة وعيش حياتك

انزل في افخم فنادق واتعشى احسن عشوات واعزم صحابك على احلى عزومات

مفيش مانع ابدا لو عاوز تنبسط اكتر انك تنزل القاهرة نفسها في فندق فايف ستار ولا حتى 4 نجوم وعيش حياتك بقى ..

ان شاله يوم

المهم تجرب تشوف مصر ( من فوق ) ..

هتحبها .. على ضمانتي ..

[herohero]

هتحبها .. على ضمانتي ..

احنا عندنا مشكلة ف مصر نفتقد لفن الضيافه والسياحه والجواب بيبان من عنوانه من اول ماتركب خطوط طيران الناقل الرسمي لك

بتدفع فلوش ف شرم اكتر من لو روحت ماليزيا

وفعلا صلالة ف سلطنة عمان شيئ ممتع

[عماد حمدي]

عاوز رايي ؟

حوش كل مليم معاك مخصصه للفسح ولما تنزل مصر باذن الله اجازه اطلع على شرم والاقصر واسوان والغردقة وعيش حياتك

انزل في افخم فنادق واتعشى احسن عشوات واعزم صحابك على احلى عزومات

مفيش مانع ابدا لو عاوز تنبسط اكتر انك تنزل القاهرة نفسها في فندق فايف ستار ولا حتى 4 نجوم وعيش حياتك بقى ..

ان شاله يوم

المهم تجرب تشوف مصر ( من فوق ) ..

هتحبها .. على ضمانتي ..

فعلاً والله عن نفسي بحب شرم الشيخ جدا وبلد بصراحة تحفة .. خدلك كام يوم كدا في أي فندق ونظم ليك برنامج كويس مثلاً عشاء بدوي رجلة بحرية لجزيرة تيران تتمشي في خليج نعمة ... الخ وهتحس بفرق رهيب ومتعة جميلة جدا وياعيني بقا لو رحت حتة إسمها الفنار بالليل والحفلات اللي بتقام هناك ع البحر روعة بجد

تم تعديل 10 مارس 2010 بواسطة omda2006

[الحر الأشقر]

أنا في الخليج مابروحشي سوا لمدينتين

مكة

المدينة

[الغريب]

لكن قد يكون اجمل دوله خليجيه تستحق الزياره هي سلطنة عمان و خصوصا مدينة صلاله (1000 كيلو متر جنوب مسقط)

لكن بصراحة عمان هي اللي بتحسسني اني في بلد مش في الخليج

يعني خضرة وزراعة واسواق مختلفة واماكن سياحية طبيعية بجد

صلالة طبعا مسندم الجبل الاخضر وعندك مسقط من اجمل المدن وانظفها في رأيي

وأنا بضم صوتي لصوتكم بصراحة "صلالة" تختلف كليا عن دول الخليج يعني غير

[Falcon Crest]

هتحبها .. على ضمانتي ..

احنا عندنا مشكلة ف مصر نفتقد لفن الضيافه والسياحه والجواب بيبان من عنوانه من اول ماتركب خطوط طيران الناقل الرسمي لك

بتدفع فلوش ف شرم اكتر من لو روحت ماليزيا

وفعلا صلالة ف سلطنة عمان شيئ ممتع

مش محتاجه فيزا و دي ميزه مهمه

تم تعديل 10 مارس 2010 بواسطة Falcon Crest

[mekkawy]

فكرة ممتازة جداً و كمان ان شاء الله متكونش مكلفة جداً

هأقولك على البلاد اللي زرتها

البحرين جميلة جداً و هادية اخر حاجة بس صغنتوتة أوي أوي بس الشوبنج فيها جميل وة التخفيضات فيها حقيقية جداً ... و الصراحة مالقتش فيها مزارات أوي يعني

عمان بأة دي برنسيسة الهدوء و الروعة و الجمال ... هتلاقي كل يوم مزار و هتلاقي كل يوم جمال جديد غير اللي قبله ... بجد تحــــــــــــــــــــــــفة ... جبال ايه و خضرة ايه و مية ايه .,.. روعة و هتتصور فيها أحلى صور و مناظر طبيعية خطيرة ... بأكلمك عن مسقط بس لسة بأة عندك صلالة و مزارات سياحية كتير أوي.

يلا بالتوفيق و يمكن أنضم ليك لما أجي ان شاء الله كلها اسبوع كدة

دعواتك

مكاوي

[المخنوق دائما]

ده انا كدة ماطلعتش لوحدى فى الفكرة دى ؟؟؟ الناس كلها راحت وأنا لسة بفكر

عموما شكرا لكل من شارك

وأفهم من كدة ان البحرين ودبى هما اللى كويسين

والباقى كلة زى (البطحاء والمنفوحة)

على رأى واحد صاحبنا كان بيقولى قطر دى إشارتين ويوتيرن(U Turn)

يلا بالتوفيق و يمكن أنضم ليك لما أجي ان شاء الله كلها اسبوع كدة

توصل بالسلامة

[المخنوق دائما]

عاوز رايي ؟

حوش كل مليم معاك مخصصه للفسح ولما تنزل مصر باذن الله اجازه اطلع على شرم والاقصر واسوان والغردقة وعيش حياتك

انزل في افخم فنادق واتعشى احسن عشوات واعزم صحابك على احلى عزومات

مفيش مانع ابدا لو عاوز تنبسط اكتر انك تنزل القاهرة نفسها في فندق فايف ستار ولا حتى 4 نجوم وعيش حياتك بقى ..

ان شاله يوم

المهم تجرب تشوف مصر ( من فوق ) ..

هتحبها .. على ضمانتي ..

أكيد مصر أحلى بس شرم الشيخ دى متاحة فى اى وقت

لكن أنا قصدى الواحد ينتهز فرصة انة فى السعودية