إنا لله وإنا إليه راجعون : وفاة شيخ الأزهر

[عبير يونس]

إنا لله و إنا إليه راجعون

اللهم ارحمه رحمة واسعة

و أرحمنا إذا ألنا مآله

[محمد افندى]

ربنا يرحمه ويغفر له

زي مابيقولوا مفتي السلطان ربنا يسامحه ويغفر له

الواحد لولا احترام حرمة الموت وجلالة الموقف كان اتكلم لان الواحد معبي بس نقول ايه ربنا يرحمه

يا عزيزى بلاش حكاية مفتى السلطان والنغمة دى الله يكرمك هو عالم جليل ومشكلة اغلب الناس انها بتربط بين ما يريدة السلطان وبين فتوى العلماء وعلى فكرة اغلب الانتقادات الموجهه الية فى موضوعات خلافية والعالم ان افتى فأخطأ فله اجر وان أصاب له اجران

وياريت الموت يبقى عارف سكته هنا ف البلد لان بجد الناس محتاجه تترحم من انس ضروا اخواتهم اشي بالمضلل للدين واشي اللي نهب البلد واشي اللي سرطن البلد

الموت قادم للمريض والصحيح وناس محترمة وناس حرامية يارب لاتنساهم واخذهم اخذ عزيز مقتدر لان ناس كتير قوي اتبهدلت احنا شعب غلبان ومانستحقش البهدله ده

فعلا احنا غلابة بس لو بصيت جنبك شوية كل الناس اللى بتبقى ضدة فى فتاوية هى برضة بتقول الاصل طاعه ولى الامر

وهو دة الاصل فعلا

وربنا يرحم اموات المسلمين كلهم

تم تعديل 10 مارس 2010 بواسطة محمد افندى

[Alshiekh]

﴿ "الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ" ﴾

ندعو الله المغفرة والرحمة الواسعة للفقيد

وخالص العزاء والمواساة للاسرة ، الهمهم الله الصبر والسلوان.

وأغفر لنا وارحمنا وارحم موتانا

آمين

[herohero]

بصراحة... على الرغم من انه الله يرحمه كبير فى السن, و احتمالات وفاته كانت بتزيد كل يوم.. الا إن الخبر جاء كالصاعقة.. ;) خصوصا ان الغالى التانى فى رحلة دلوقتى هو كمان و من نفس عمره.. و مفيش حاجة بعيدة على ربنا. :shutup:

انا مش عارف ايه اللي ممكن يحصل ده جمال مبارك غاب عن اجتماع لجنه السياسات لانه مع بابي الكل زوغ ف الاجتماع امال بابي لو غاب ايه اللي هيحصل

بجد حاسس انه زي قلته اللي ف مصر دلوقتي يحس انه ف سيرك كله حاطط ايده ف جيب زميله مولد وصحابه كلهم غايبين

وربنا يرحمه ويرحمنا وبجد يريحنا ويرتاح

[fatfouta]

سممعت فى الاخبار انه هيدفن فى البقيع بس تقريبا لم يدفن بعد

لانهم بيقولوا ان ولاده وبعض من اهله هيسافروا لحضور الدفن

بعيدا بقى عن انه هيدفن فى البقيع.......بس بيجيلى احساس كئيييب جداااااا لما اسمع ان فيه واحد مات غريب بعيد عن اهله

ومهما كان اللى جمبوا عددهم كبير مش عارفة ليه بحس ان عدم وجود حد قريب جدااااا ليه فى اللحطات الاخيرة.....ده فى حد ذاته جزاء من عند ربنا

ربنا يرحمه ويرحمنا جميعا

[Simba]

الله يرحمه ويغفر له

لكن العجب ان التوبيك ده يتفتح في باب المغتربين !!!!!

[الحر الأشقر]

﴿ "الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ" ﴾

[عماد حمدي]

يا ربــــــــــى

ده تامن توبيك يتفتح عن الموضوع ده

وده يعلمنا ايه بقى؟؟؟؟؟؟

اننا ندخل بابا الاجتماعيات

بصو هناااااااااا الله يخليكوا

http://www.egyptiantalks.org/invb/?showtop...=15#entry580041

يا اخ عماد ابقى زور باب الاجتماعيات الله يكرمك :lol:

عشرين واحد فتحوه تقريبا النهاردة من ضمنهم شخصون غزيزون على قلبى..... :lol:

اى خدمة

بصراحة... على الرغم من انه الله يرحمه كبير فى السن, و احتمالات وفاته كانت بتزيد كل يوم.. الا إن الخبر جاء كالصاعقة.. :lol: خصوصا ان الغالى التانى فى رحلة دلوقتى هو كمان و من نفس عمره.. و مفيش حاجة بعيدة على ربنا. :lol:

خلاص يا fatfota حااااااااااااااضر

الأخ سمبا .. ولا غريب ولا حاجة يا باشا أهو إتفتح هنا و اللي حصل حصل متقطموش الواحد بقا :lol: سامحوني

بالنسبة بقا ان سنة قريب من سن واحد تاني نعرفة كويس بأمارة أنه شال المرارة قريب بلاش نكمل :lol: فا أنا قولت أن هوه دفعة 81 ونتمني قبول دفعة صاحبنا التاني 82 مش متخيل الموقف ساعتها الصبح خبر عاجل توفي فلان بن فلان إثر شلل تام في المخ وأزمة قلبية حادة وتوقف عضلات الجسم بشكل مفاجيء ونزيف حاد في الأمعاء وإنزلاق في الغضروف وشوية حاجات كدة ؟؟؟

تتوقعوا ردود أفعالكم هتبقي اية ؟؟؟

تم تعديل 10 مارس 2010 بواسطة omda2006

[msayed]

الله يرحمه ويغفر له

لكن العجب ان التوبيك ده يتفتح في باب المغتربين !!!!!

عادى

مش هو مات فى الغربة :lol:

[ابوهنا]

اللهم ارحمه رحمة واسعه واغفر له وارحمه

فقدنا عالم جليل من علماء المسلمين

اللهم ارحمه

والى الاخوة اللى مختلفين معاه

حد قرأ لهذا الرجل

اعتقد ان اى شخص قرأ كتب لهذا الشخص العالم الجليل فلن يقول الا اننا خسرنا عالما عظيما

اللهم ارحمه

[mama nona]

انا لله وانا اليه راجعون

اللهم ارحم جميع اموات المسلمين

[عماد حمدي]

الله يرحمه ويغفر له

لكن العجب ان التوبيك ده يتفتح في باب المغتربين !!!!!

عادى

مش هو مات فى الغربة

ع فكرة توفي في مطار الملك خالد بالرياض .. الأزمة جاتلة في المطار ونقل الي المستشفي وتوفاه الله

[se_ Elsyed]

شيء فوق إحتمال البشر

يمكن عاشر موضوع أقوم بدمجه مع الموضوع الأساسي ..

ده أكد لي إن في ناس لا بتقرأ ولا حتى بترمي السلام على الناس .. يعني هو داخل في دماغه هدف .. هايحققه ولو على جثث الأخرين . ولا مانع إنه يضع حذاءه في الدولاب أو الشرابات في الثلاجة ...

ما هو كله عند العرب صابون ..

إنتو عارفين لميت الموضوعات المتشابهه عن وفاة شيخ الازهر منين ؟

1- باب المغتربين .. زي ما قال عماد هو مش مات متغرب يا كبد أمه ؟ يبقى بما إن إكرام الميت دفنه .. يبقى لازم ندفنه في باب المغتربين . آه اومال إيه

2- سياسة داخلية ... على أساس إنه كان راجل سياسة

3- باب شئون إقتصادية ... هو مش نقل الجثة من الرياض للمدينة هايتكلف ؟ أيوه يبقى لازم نضع الخبر في باب شئون إقتصادية ومالية

من فضلكم .. قليلاً من التفكير والتنظيم لن يضر ... حرام أقعد يومين ما فيش حاجه عندي غير نقل تلك الموضوعات عن خبر واحد ...

ولا حول ولا قوة إلا بالله

[fatfouta]

شيء فوق إحتمال البشر

يمكن عاشر موضوع أقوم بدمجه مع الموضوع الأساسي ..

ده أكد لي إن في ناس لا بتقرأ ولا حتى بترمي السلام على الناس .. يعني هو داخل في دماغه هدف .. هايحققه ولو على جثث الأخرين . ولا مانع إنه يضع حذاءه في الدولاب أو الشرابات في الثلاجة ...

ما هو كله عند العرب صابون ..

إنتو عارفين لميت الموضوعات المتشابهه عن وفاة شيخ الازهر منين ؟

1- باب المغتربين .. زي ما قال عماد هو مش مات متغرب يا كبد أمه ؟ يبقى بما إن إكرام الميت دفنه .. يبقى لازم ندفنه في باب المغتربين . آه اومال إيه

2- سياسة داخلية ... على أساس إنه كان راجل سياسة

3- باب شئون إقتصادية ... هو مش نقل الجثة من الرياض للمدينة هايتكلف ؟ أيوه يبقى لازم نضع الخبر في باب شئون إقتصادية ومالية

من فضلكم .. قليلاً من التفكير والتنظيم لن يضر ... حرام أقعد يومين ما فيش حاجه عندي غير نقل تلك الموضوعات عن خبر واحد ...

ولا حول ولا قوة إلا بالله

سى السيد

انا قولت كده برضوا والله

من غير ضرب بس :sad:

يا ربــــــــــى

ده تامن توبيك يتفتح عن الموضوع ده

وده يعلمنا ايه بقى؟؟؟؟؟؟

اننا ندخل بابا الاجتماعيات

بصو هناااااااااا الله يخليكوا

http://www.egyptiantalks.org/invb/?showtop...=15#entry580041

يا اخ عماد ابقى زور باب الاجتماعيات الله يكرمك :rolleyes:

عشرين واحد فتحوه تقريبا النهاردة من ضمنهم شخصون غزيزون على قلبى..... :welcome:

اى خدمة

[msayed]

أصبر يا أبو الأسياد

أومال ها تعمل إيه لما يجيلك خبر كبير الرحيمية

لازم تعمل إعلان بتوظيف صبيان خبرة فى دمج مواضيع من دلوقت

لأنى لن أتنازل أن يكون لى توبيك خاص فى هذه الحالة

وكل ما تدمجه

ها أعمل واحد جديد

بس برضه ... ما تفرحوش بإللى رايح قبل ما تشوفوا إللى جاى .

تم تعديل 11 مارس 2010 بواسطة msayed

[fatfouta]

الصلاة على الشيخ سيد طنطاوى فى المسجد النبوى

..

..

..

..

مصدر الخبر

جريدة الرياض

http://www.alriyadh.com/2010/03/11/article505560.html

بصراحة صور مؤثرة جدا........ربنا يرحمه

تم تعديل 11 مارس 2010 بواسطة fatfouta

[doha]

سبحان انا مكنتش بحب شيخ الازهر اوي في حياته .. بس لما بقعد افكر في مفارقات موته والخاتمه الي انختم له بيها ..

يعني هو وصل الرياض يوم الثلاثاء .. طلع على المطار ثاني يوم على طول الاربعاء . . وهو في المطار جات لحظته ..

سبحان الله .. لو تاخر يوم واحد بس كان مات في مصر عادي ..

كان ممكن يموت في اي بلد اجنبي مثلا الدنمارك في مؤتمر حوار الاديان ولا حتى اي بلد عربي .. بل ان مهام وظيفته كان ممكن تحتم عليه يروح حتى الفاتيكان .. تخيلوا لو انه مات هناك.. سبحان الله سافر السعوديه م ضمن عشرات البلدان الي كان ممكن يسافر لها صدفة .. عشان يكون موته فيها ..

سبحان الله لو ان وفاته تاخرت ساعه وحده بس .. كان توفي في الطيارة وبرضه اندفن في مصر ..

يعني كأنه سافر مخصوص عشان يموت ويندفن في البقيع ..

وماشاء الله الجمع الغفير الي صلى عليه وفي الحرم النبوي .. لاه بجد انا حاسه ان ربنا سبحانه بيقول لنا ـ احنا الي كنا مبنحبوش ـ او شاكين في نواياه .. ان ياجماعه خلوا ظنكم حسن .. لعله على خير .. وماادراكم ده من داخله كان ايه ..

لما بقعد افكر في مواقفه دلوقت واخرها موضوع العمره الي مطلعهاش مع ابو العينين .. كنت بقول سبحان الله لو علم الغيب كان طلع واهو كان مات في العمره .. بعدين رجعت فكرت .. مايمكن رفض يطلعها عشان مش من فلوسه .. مايمكن خاف يطلع مع ابو العينين ويقبل مجاملته في دي فيبقى عليه واجب لازم يقضيه له في المقابل .. الله اعلم ..

قعدت استعيد مواقف الشيخ وافكر لقيت ان كل موقف من الي كنت باخذه عليه ممكن يكون له تفسير تاني خالص غير ماهو ظاهر ويمكن الراجل ده فعلا كان بيتصرف صح ..

انا مكنتش بحبه وسبحان الله بعد ماشفت الي حصل ده كله مبقيتش غير بدعي له بالرحمه ومن كل قلبي ..

بجد حاسه ان ربنا بيحبه ..

معدتش احكم على حد بالظاهر ابدا ..

[fatfouta]

استهانة واضحة ومقصودة من الاعلام المصرى بالخبر

انا دلوقتى اتاكدت انهم خايفين لا يبقى فال وحش على الاخ الكبير

تقريبا ماحدش قاله الخبر عشان مايتشائمش

ولا حتى حد من كبار رجال الدولة عشان يحضر دفنه؟؟؟ ده ايه ده فى ايه؟؟ طب شوية تمثيل حتى

ياخوفى من اللى جاى عليكى يا مصر........يارب ارحمنا برحمتك

[أبو محمد]

ربنا يرحمه ويغفر له

زي مابيقولوا مفتي السلطان ربنا يسامحه ويغفر له

الواحد لولا احترام حرمة الموت وجلالة الموقف كان اتكلم لان الواحد معبي بس نقول ايه ربنا يرحمه

وياريت الموت يبقى عارف سكته هنا ف البلد لان بجد الناس محتاجه تترحم من انس ضروا اخواتهم اشي بالمضلل للدين واشي اللي نهب البلد واشي اللي سرطن البلد

يارب لاتنساهم واخذهم اخذ عزيز مقتدر لان ناس كتير قوي اتبهدلت احنا شعب غلبان ومانستحقش البهدله ده

وربنا يرحم اموات المسلمين كلهم

وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ ۖ وَكَانَ الْإِنْسَانُ عَجُولًا (الإسراء : 11)

إنا لله وإنا إليه راجعون .. تغمده الله بواسع رحمته ..

الآراء فى الشيخ الجليل عليه رحمة الله مكتوبة فى أرجاء الشبكة العنكبوتية .. ومعظمها من أناس يحترمون العلماء إلى درجة التقديس !!!!!!

ومـا مــِن كـاتبٍ إلا سيبلى ....... ويُبقي الدهر مــا كتبت يـداهُ

فلا تكتُب بخطِك غير شيءٍ ....... يسُــرك في القيـامةٍ أن تـراهُ

أتمنى أن أرى اليوم الذى نصحح فيه خطأ النظام الناصرى الذى جعل منصب "الإمام الأكبر" بالتعيين .. وكان قبل ذلك بالانتخاب مثل تعيين بابا الإسكندرية .. وما كان لرئيس الجمهورية سوى التصديق على الاختيار

يعرف من عاصر أئمة مثل الشيخ محمود شلتوت ، ومن يقرأ عن سابقيه من أمثال الشيخ مرتضى المراغى وغيره من تلاميذ الشيخ الإمام محمد عبده معنى استقلال الإمام عن رجال السياسة ..

عندما يصير شيخ الأزهر بدرجة رئيس وزراء فعلينا أن نتوقع منه التصرف كرجل سياسة .. والسياسة ليست أنظف مهنة عرفها الإنسان لتليق بجلال خلطها بالدين .. ففيها مداهنة ، وفيها تدليس ، وفيها كذب ، وفيها نفاق ، وفيها ما فيها ..

إنه - بهذه الطريقة - منصب شائك بلا أدنى ريبة .. الجالس على كرسيه كالجالس على الشوك

يذكرنى الانقلاب - الناجح - على تقاليد الأزهر بمحاولة الانقلاب - الفاشلة - على استقلال القضاء عام 1969 .. حيث حاول النظام آنذاك إجبار القضاة على عضوية الاتحاد الاشتراكى العربى .. فوقف قضاة مصر فى وجه المحاولة ، ورفضوا أن ينضم القضاة إلى أى حزب سياسى حتى ولو كان الحزب الأوحد المسموح به ، مما نتج عنه ما عُرف بمذبحة القضاء .. ودفع الشرفاء ثمن الدفاع عن استقلالهم .. عُزل منهم من عُزل .. وأحيل منهم إلى المعاش من أحيل .. ونُقل منهم إلى المناطق النائية من نُقل

ليت رجال الأزهر وقفوا وقفة رجال القضاء :wub:

[jgeorge]

إنا لله وإنا إليه راجعون .. تغمده الله بواسع رحمته ..