أدوية مرض السكر وتأثيرها على المريض

[Alrefaey]

الاقلام ماهى الا وسيلة فقط لأخذ الانسولين ولكنها اخف الما عن السرنجة غير ذلك انها سهلة ظبط الجرعة واكثر خصوصية

هناك نوعان من الاقلام نوع بيتم تغير العبوة ويبقى القلم ثابت عندك

والنوع الاخر بيتم التخلص من القلم بإنتهاء العبوة

الانسولين الذى بداخل القلم لايفرق عن الانسولين العادى من نفس النوع

فعلا القلم وسيلة سريعة ومريحة ولكن مكلف ماديا لمستوى طبقات كثيرة بمصر

فيتامين ب

وبالذات فيتامين ب1 وب6 وب12 والذى يطلق عليه فيتامين ب كومبلكس او المركب

مبدأيا مريض السكر اكثر من غيره تعرضا لألام والتهاب الاعصاب نتيجة لزيادة مستودى السكر ولعمليات اخرى متعلقة بمستوى السكر والانسولين بالدم بالاضافة الى ان مريض السكر ديما يعانى من نقص فى تلك الفيتامينات

فيتامين ب مهم جدا لحماية الاعصاب من الالتهاب ودى احد ادوارة الاساسية بالجسم

نقص فيتامين ب عند مريض السكر مع ما يسببة السكر اصلا من التهاب اعصاب يجعل ديما مريض السكر فى امس الحاجة لهذا الفيتامينات

نرجع لنقطة تانية محتاجه تركيز وهى مريض السكر ديما عرضة للحموضة ولمشاكل الجهاز الهضمى ودة بسبب الادوية ولاسباب فسيولوجية اخرى

وفيتامين ب مصدرة للانسان من الاكل اللحوم والاسماك والبيض واخرى اذا هضم سىء يؤدى الى خلل فى امتصاص فيتامين ب من الاكل يصبح المريض عندة نقص فيتامين

ماهو الحل

اعطاء الجسم هذه الفيتامينات من مصادر اخرى بالاضافة الى الطعام

افضل وسيلة للفيتامين هى الحقن فى العضل (كامل التركيز بيوصل الجسم بس مشكلته انه بيؤلم ) ولازم اللى يعطى الحقنة يكون فاهم ...

الاقراص بيتواجه نفس مصير الطعام ولكن وجود كميات كبيرة من تلك الفيتامينات بيوصل جزء لابأس منه .

[fatfouta]

بصراحة حقنه الفيتامين دى صعبة ومؤلمة جدااااا

انا عارفاها بتبقى حمراء كده ومنظرها يخوف

لا يبقى خلينا فى الاقراص احسن بس المشكلة ان الواحد بينساها دايما :blush2:

[fatfouta]

تصدق يا دكتور رفاعى انك لفتت نظرى لحاجة مهمه جدااا وهى ان فعلا مريض السكر دايما بيعانى من الحموضة

ومن كلامك فهمت انه فعلا فيه ادوية كتير بتعمل كده

طيب نيجى للسؤال التالى بقى

ادوية الشرب

اختى الكبيرة عندها السكر وفى يوم جالها اللهم احفظنا جميعا التهاب رئوى حاد وميكروب غريب فى الرئة

وبعدين الدكتور قالها انه من ضمن العلاج ليها ان فى دواء شراب لكن للاسف مش هيقدر يديه ليها عشان نسبة السكر فيه عالية

ايه رايك فى الموضوع ده؟

هل كل الادوية الشراب خطر على مريض السكر؟؟

[justme]

طب مدام وصلنا بقى للفيتامينات ايه موضوع ب12 وان اللي عنده نقص لازم ياخد بالحقن ومينفعش بالاقراص

كمان موضوع الحديد نفس البق ده

سؤال بقى للسكر وموضوع تأثيره على الشبكية هل فيه ادوية بتحد من التأثير السلبي ده؟؟

تم تعديل 13 مارس 2010 بواسطة justme

[justme]

انا مش فاهمه يعنى ايه مش بيعبوها فى مصر؟؟

هى الخرطوشة اللى فى مصر دى بتبقى كام وحدة؟؟

انا قصدي اللي بتتركب في القلم ام 200 ريال

مش بعد ما بتخلصيها بترميها

الانسولين اللي جواها نفس اللي بيتحط في السرنجة

بس ده بكام وده بكام والغريب محدش في مصر بيحاول في الموضوع ده

[Alrefaey]

بصراحة حقنه الفيتامين دى صعبة ومؤلمة جدااااا

بالفعل هى مؤلمة لكن بعض الشركات بتضع عليها مخدر موضعى زى شركة امون فى مصر عملة نيوروتون حقن وما بتحسى بالالم مثل الباقيين هنا فى السعودية مفيش غير نيوربيون شركة مارك ونيوروربيون بتاع ميفا وكلاهما ليس عليهم مخدر موضعى فالبتالى نار ياحبيبى نار .....

ان فى دواء شراب لكن للاسف مش هيقدر يديه ليها عشان نسبة السكر فيه عالية

ايه رايك فى الموضوع ده؟ هل كل الادوية الشراب خطر على مريض السكر؟؟

كتير من الادوية الشراب المادة الفعالة فيها مذابه فى السكر(لاكتوز - نشا-فركتوز ) فمعظم ادوية الكحة بها سكر ماعدا القليل زى رزيل ,بروسبان ,توسيبان واخرى

لكن فى اعتقادى ان تأثيرهم على المريض مش هيكون خطر اوى ومن الممكن ظبط جرعة الانسولين مع تلك الادوية

كذلك هناك كثير من الاقراص مغلفة بالنشا لكن تأثيرهم محدود فى رفع مستوى السكر

طب مدام وصلنا بقى للفيتامينات ايه موضوع ب12 وان اللي عنده نقص لازم ياخد بالحقن ومينفعش بالاقراص

كمان موضوع الحديد نفس البق ده

حقن الحديد اكيد افضل من الاقراص لان الاقراص بتسبب امساك بالاضافة الى تأثير كثير من الاطعمة على امتصاص الحديد زى الشاى وبعض المواد الاخرى

بينما هناك بعض الاطعمة بتزيد من امتصاص الحديد زى فيتامين سى مثلا

لكن خد بالك عندما تأخذ حقن حديد لازم تتاخد عمودية وتنتهى من تفريغ السرنجه تماما ولا تضغط عليها اثناء خروجها من العضل لماذا ؟

لان لو نقطة واحدة خرجت من السرنجة تحت الجلد هتصبغة بلون بنى ومش هيروح اللون وبكدة نبوظ المظهر العام وتبقى مشكله ههه

سؤال بقى للسكر وموضوع تأثيره على الشبكية هل فيه ادوية بتحد من التأثير السلبي ده؟؟

شوف غياب العلاج للسكر وعدم ضبطة بيسبب الاتى

retinopathy التهاب عصب العين ومن ثم المياة البيضاء والزرقاء الجلكوما والكتاراكت

. التهاب الكلوى nephropathy

neuoropathy التهاب الاعصاب

هذا كله ياجماعة للناس اللى سايبة نفسها بدون علاج او لا تبالى بارتفاع نسبة السكر وبيكون ذلك على المستوى البعيد

كيف احمى العين

1- ضبط مستوى السكر

2- اخذ فيتامين A و B مع اكل الخضروات كطبق اساسى يومى

3- الكشف الدورى ولو حتى سنويا على العين للأطمأنان والمتابعة

تم تعديل 13 مارس 2010 بواسطة Alrefaey

[fatfouta]

طيب يا دكتور ممكن ندخل على ادوية التخسيس وعلاقتها بمرضى السكر؟؟

[Alrefaey]

طيب يا دكتور ممكن ندخل على ادوية التخسيس وعلاقتها بمرضى السكر؟؟

انتى تأمرى يافندم

اولا الادوية المثبتة للشهية (رداكتيل -سيبوتريم -ميريديا - سليماكس ) وقد تم سحب هذه الادوية من السعودية واوربا لكن مازالت موجودة بمصر وتم سحبها لتأثيرها على مرضى القلب لأنها ممكن تدخلهم فى ازمة او نوبة قلبية وعلى فكرة هذه الادوية كانت بترفع السكر فى بداية الاستخدام نظرا لمحاربتها للأنسولين

ثانيا الادوية التى تحد من امتصاص الدهون بداخل القناة الهضمية (زينيكال )

ليس لها مخاطر كبيرة لمريض السكر الا انها بتحد من امتصاص بعض الفيتامينات التى تذوب فى الدهون زى فيتامين ا و ب و هـ و K

وبما انه مريض السكر اصلا المفروض عليه الا يأكل دسم ودهون فبتالى اولى به ان لا يأكل او يحد من الدهون

ثالثا مادة الشيتوزان زى (شيتوكال - فاتاشى )

لم يثبت فعاليتهم بشكل قوى بعض اطباء مصر بيكتبوها لمرضى الكبد كى تحد من دهون الكبد يعنى كعلاج مساعد

رابعا نيواوبنتيا هو دواء تصنعة شركة تبوك السعودية لصالح شركة فرنسية تقريبا وهو عبارة عن مستخلص من الصبار

تأثيرها ليس بالكبير ايضا ولم الاحظ على من استخدموها نزول وزن بشكل فعال

الكروم و إل كارنتين بالفعل له دور فى تحسين اداء الانسولين وينفع كعلاج مساعد مع ادوية السمنه موجود فى مصر بأسم هاى كروم وفيه ال كارنتين من شركة موباكو على ما اتذكر

ابل فيت خلاصة خل التفاح ونتائجها ليس بالمشجع ايضا

جلوكوفاج (ميتفورمين ) هو بالفعل علاج للسكر عن طريق تأثيرة على الكبد بأن يقلل من قدرة الكبد على ضخ جلوكوز للدم كما يزيد قدرة الكبد على تخزين الجلكوز كما انه بيزيد من قدرة الخلايا الطرفية على حرق الجلوكوز

وهل اكثر علاج يفيد مريض السكر السمين

[fatfouta]

طيب فيه دواء اسمه فتاشى فورت

الدكتورة كتبته لاختى وقلتلها ده هسيد نفسك عن الاكل

هل هو مافيهوش خطورة على مريضة سكر؟؟

عاوزة رد قاطع بقى الله يكرمك على موضوع الاورليستات

مفيدة ولا مش مفيدة وهل هى مدة فعلا مش بتعمل اى حاجة غير انها بتقلل من الدهون اللى فى الوجبة؟؟

يعنى مالهاش دعوة بحرق الجسم للدهون ؟؟؟

[Alrefaey]

طيب فيه دواء اسمه فتاشى فورت

الدكتورة كتبته لاختى وقلتلها ده هسيد نفسك عن الاكل

هل هو مافيهوش خطورة على مريضة سكر؟؟

اه منا كاتبة فوق فى اخر مداخلة لى بس هو فى الحقيقة مابيسد الشهية هو بينفش كدة فى المعدة فيعطى شعور بالامتلاء وبيتحد مع الدهون ويمنع امتصاصها وانا كتبت فوق ان مرضى الكبدالدهنى بيستخدموه لتقليل الدهون لكن بحكم تجربتى مع الناس فى مصر تأثيرة كان ضعيف ,على فكرة يافتفوته هوه نفس الشيتوكال

عاوزة رد قاطع بقى الله يكرمك على موضوع الاورليستات

مفيدة ولا مش مفيدة وهل هى مدة فعلا مش بتعمل اى حاجة غير انها بتقلل من الدهون اللى فى الوجبة؟؟

يعنى مالهاش دعوة بحرق الجسم للدهون ؟؟؟

الاورليستات هو الزينيكال اللى انا كاتبه فوق وهو كل دورة فى السمنة انه بيتحد مع 30 % فقط من دهون الوجبة ويمنع امتصاصها وليس له اى دور فى عملية الحرق

شوفى يافتفوته سيبك من ادوية التخسيس معظمها فعاليته لاتزيد عن 10-20 % اهم شىء تظبيط الاكل زى ماشرحت قبل كدة فى موضوع سحب الرداكتيل من السوق

http://www.egyptiantalks.org/invb/?showtop...610#entry573871

تم تعديل 13 مارس 2010 بواسطة Alrefaey

[fatfouta]

اوكى :yahoo:

تيجى بقى نتكلم عن الكورتيزون

بمعنى ايه تاثيره على مريض السكر

المرضى اللى عندهم حساسية صدر او جيوب انفية وخلافه وبياخده الكورتيزون.......ايه الضرر بقى؟؟

[Alrefaey]

اوكى :yahoo:

تيجى بقى نتكلم عن الكورتيزون

بمعنى ايه تاثيره على مريض السكر

المرضى اللى عندهم حساسية صدر او جيوب انفية وخلافه وبياخده الكورتيزون.......ايه الضرر بقى؟؟

الكورتيزون الحقن او الحبوب بيرفع السكر فى السما بل انه من مسببات مرض السكر يعنى لو شخص محتمل انه يجيلة سكر بعد عشر سنوات لو اخد حقن كورتيزون ممكن يجيلة السكر فى شهور وده لأن الكورتيزون هو هرمون يفرز من الغدة الكظرية adrenal gland واللى اشرت اليها فى اول الموضوع ان الهرمون بيحارب الانسولين وبيرفع السكر بشكل ملحوظ

بالنسبة لبخاخات الربو زى سيريتيد وسيمبيكورت و فلكسوتيد دى كلها فيها كورتيزون موضوعى وبيؤكد العلماء ان الكورتيزون الموضعى تأثيرة او اثارة الجانبية محدودة جدا وليست كمثيلتها الحقن او الاقراص

كذلك بخاخات الانف زى نازونكس - فليكسونيز تأثيرها ايضا على السكر محدود جدا لان الجرعة التى تصل الجسم منها ضعيفة

كذلك المراهم والكريمات كيناكومب -دريموفيت -بتنوفيت -بيتادرم - الكون كلها ايضا تأثيرها على مستوى السكر ضعيف

اذا يمنع تناول حقن الكورتيزون او الاقراص لمريض السكر مطلقا الا اذا كان فى الضرورة القصوى

باقى المستحضرات topical لامانع فى حدود المعقول

واشفوكم بكرة على خير

[fatfouta]

تصبح على خير دلوقتى عشان الدوام

وبكرة بقى تكلمنا عن الMesotherapy وتاثيره

احلام سعيدة :yahoo:

[Alrefaey]

السلام عليكم

وبكرة بقى تكلمنا عن الMesotherapy وتاثيره

معلوماتى عن الميزوثيرابى محدودة ولم ادرسة وكلها معتمدة على خبرات الناس والقرأءة

عموما وجدت لكى مقالة منشورة لأحد المتخصصين ولو عندك اى استفسار بعدها ممكن نتناوله

المقال

لميزوثيرابي ( Mesotherapy ) هو تقنية طبية قديمة تم اكتشافها في العام 1952على يد طبيب فرنسي اسمه مايكل بستور ، وهي عبارة عن حقن صغيرة و دقيقة جدا غير مؤلمة الى حد ما ، تعطى تحت سطح الجلد و تحتوي على مواد و تراكيب مختلفة قد تكون مستخلصات نباتية او

مكملات غذائية او فيتامينات او إنزيمات او احماض أمينية او مواد مغذية او مواد معدنية او أدوية.

و تقوم فكرة استخدامها على نظرية أن هذا المزيج من المواد أو الادوية يؤدي الى إذابة الشحم المتواجد تحت الجلد و انكماش الخلايا الدهنية .

جدير بالذكر أن هذه التقنية واسعة الاستخدام في اوروبا و امريكا الجنوبية و لكنها محدودة الاستخدام في الولايات المتحدة الامريكية و ذلك نظراً لأن إدارة الغذاء و الدواء ( FDA ) الأمريكية لم توافق على أي نوع من العقارات و المواد المستخدمة في الميزوثيرابي .

و تعتبر من أحدث الصيحات في عالم تجميل الجلد و الجسم و ذلك من أجل الحصول على النتائج العلاجية المرغوبة كتخفيف الوزن في أماكن معينة ، و تجديد خلايا الجلد لاستعادة نضارته و شبابه ، وعلاج السليوليت و تحسين المظهر الخارجي للجسم .

هذا وقد تم استخدام هذه الطريقة في البداية لعلاج بعض الحالات الخاصة مثل أمراض الاوعية الدموية و إصابات الرياضة و الامراض المعدية و أمراض الروماتيزم و تحسين الدورة الدموية ، وسرعان ما بدأ الاطباء بعد ذلك في استخدام الميزوثيرابي في النواحي التجميلية المختلفة ، ومع ازدياد نشاط الشركات المنتجة للمواد المستخدمة في الميزوثيرابي و ادعاءاتها المتكررة بفاعلية هذه التقنية ، اتسعت قائمة الاستخدامات و تعددت دواعي استعمال الميزوثيرابي لتشمل الآتي :

التقليل من دهون الجسم بصفة عامة او في أماكن محددة منه ، وعلاج السليوليت ، و علاج سقوط الشعر و الصلع ، وعلاج الندبات ، وتحسين مظهر و نوعية الجلد وتقليل التجاعيد و إعادة نضارة الوجه .

و رغم استخدام الميزوثيرابي لعد سنوات في أوروبا فإنه لم يتم حتى الآن تقييمه بطريقة علمية معتمدة و محايدة ، فالدليل العلمي لدعم هذه التقنية يكاد يكون معدوماً أو في أفضل الاحوال ضئيلاً جداً ، فليس هناك دراست علمية قصيرة أو بعيدة الأمد على مدى فعاليته و الآثار المترتبة عليه ، كما يبدو بأنه لا يوجد هناك أي معايير تحدد استخدام مواد الحقن المعينة و كمياتها و عدد جلسات الحقن وفترات تكررها ، كما لا يوجد برتوكول او برنامج علاجي محدد للاستعمالات المخلتفة يسمح بالتنبؤ بنتيجة العلاج و درجة التحسن المتوقعة و توقيتها .

و يلقى الميزوثيرابي حالياً رواجاً متزايداً في مختلف أنحاء العالم و خصوصاً أوروبا حيث يستخدم في علاج حالات متنوعة من إصابات الملاعب الى الألم المزمن ، أما في الولايات المتحدة الامريكية و كندا فرغم تزايد استخدامه مؤخراً فإنه يستعمل بصورة رئيسية لتقليل الدهون فيما يعرف بإسم إذابة الدهون ( Lipodissolve ) ، ويعتقد أن ذلك يتم عن طريق أكسدة الدهون و تسريع عملية الأيض داخل الخلايا لزيادة التفاعلات الكيميائية المصاحبة وصولاً الى التغيرات الظاهرية المطلوبة في الجلد ، وهنا يجب أن نذكر أن الجمعية الامريكية للجراحة التجميلية قد أكدت على أن الميزوثيرابي البديل الآمن للعملية المعروفة بشفط الدهون ( Liposuction ) ، و التي تعتبر الطريقة الوحيدة التي أثبتت كفاءتها للتخلص من الدهون .

• كيفية استخدام الميزوثيرابي :

من الممكن إجراء الميزوثيرابي بطريقتين ، و هذا بالطبع يعتمد على الطبيب المعالج و مدى خبرته و مستوى تمكنه من أي من هاتين الطريقتين :

الأولى : تتم بالحقن يدوياً بواسطة إبر دقيقة جداً ، و عادة ما يتم إجراء حقن متعددة في المكان المحدد على عمق يصل الى الطبقة المتوسطة من الجلد .

و تتميز هذه الطريقة بإعطاء المعالج السيطرة الكاملة على توصيل المادة المحقونة ، كما إنها لا تستدعي تكلفة مالية عالية لشراء أجهزة الحقن المختلفة .

الثانية : تتم بمساعدة أجهزة الحقن الخاصة ، وهي أجهزة خاصة تشبه المسدس يتم تثبيت الإبرة الدقيقة عليها ، و من الممكن معايرة هذه الأجهزة لإعطاء الحقن في الجلد إما بصورة منفردة كطلقة واحدة أو بصورة طلقات متكررة و بسرعات عالية ، و تتميز هذه التقنية بفوائد ملموسة في جعل العلاج أقل إيلاماً للمريض ، و أكثر سهولة و سرعة للطبيب المعالج ، مع إضافة عنصري الدقة و الثبات في توصيل الحقن المتتالية .

• ما المواد المستخدمة في الميزوثيرابي ؟

أما فيما يتعلق بالمواد المستخدمة في الحقن ، فهي تشمل تشكيلة كبيرة من مواد و أدوية على شكل مستحضرات سائلة قابلة للحقن في طبقات الجلد بواسطة الإبر الدقيقة ، و من الممكن ذكر بعض المجموعات الكيميائية التي تنتمي إليها هذه المواد مثل : موسعات الاوعية الدموية ، مضادات الالتهاب غير الستيرويدية مخففات التوتر العضلي ، الانزيمات الحالة للبروتين ، المواد البيولوجية ( و تشمل الفيتامينات والمعادن و خلاصة النباتات ) ، و اللقاحات ، الهرمونات ، المواد التخديرية ، مضادات الهرمونات ، كما يمكن إضافة مادة الفوسفاتيديلكولين ، وهي عامل مضاد للأكسدة مشتق من مادة اللستين ( مادة دهنية في انسجة النبات ) و مادة الأيزوبروتيرينول و اللتان تستخدمان بصفة خاصة في معالجة السليوليت و تقليل دهون الجسم .

و يعتمد اختيار هذه المواد البديلة على نوعية و هدف المعالجة ، سواء كان ذلك لعلاج حالات طبية معينة أو لتجميل الجلد ، و من ثم يقع عبء تحديد نوعية المواد المستخدمة على الطبيب المعالج ، وهنا تكمن أهمية ونوعية التدريب الذي تلقاه و خبرته العملية والشخصية ، كما تعتمد ايضاً على الموقع الجغرافي لمكان المعالجة فمثلاً في أمريكا الجنوبية و الشمالية يميل المعالجون الى استخدام أدوية ذات فعالية أقوى و بكميات أكبر من المعتاد مقارنة مع زملائهم في أوروبا الذين يبدون كثيراً من التحفظ على مثل هذا الأسلوب في المعالجة .

• من يستخدم الميزوثيرابي ؟

من الممكن للأشخاص البالغين ممن يتجاوز عمرهم 18سنة ولا يتعدى 75 سنة ، و يتمتعون بصحة عامة جيدة الخضوع للمعالجة بواسطة الميزوثيرابي .

• متى يجب الامتناع عن استخدام الميزوثيرابي؟

يجب تجنب العلاج التجميلي بالميزوثيرابي في الحالات التالية :

1. المرأة الحامل و الأم المرضعة .

2. الأشخاص المصابون بداء السكري المرتبط بالأنسولين .

3. الأشخاص الذين لديهم تاريخ شخصي بالإصابة بالسرطان .

4. الأشخاص الذين لديهم تاريخ مرضي بالإصابة بالجلطات الدموية أو الأمراض المرتبطة بالدم .

5. الأشخاص الذين يتناولون أدوية مسيلة للدم .

6. الأشخاص الذين يتناولون مجموعة من أدوية القلب .

7. الأشخاص الذين لديهم تاريخ مرضي بأمراض القلب .

8. الأشخاص الذين يعانون من السكتة الدماغية .

• مضاعفات و محاذير المعالجة بالميزوثيرابي :

هناك العديد من الآثار الجانبية المصاحبة او المترتبة على المعالجة بالميزثيرابي التي يجب التنويه عنها و التحذير من احتمال حدوثها :

- الاحساس بالألم : و هذا أمر متوقع تماما ًبالرغم من استخدام إبر صغيرة و دقيقة مع زيادة سرعة و معدل الحقن في محاولة لتخفيف هذا الألم ، حيث إن عملية الاحساس بالألم عند الأشخاص تعتمد على عدة عوامل منها حدود الألم الشخصية و درجة حساسية المنطقة المعالجة و مواصفات الإبر و المواد المستخدمة .

- التورم و الانتفاخ : قد يحدث هذا في مواضع دخول الإبر في الجلد و حولها ، وقد يستمر يوماً او يومين على الأكثر ، وقد يكون مصحوباً بحكة خفيفة .

- الكدمات : و هذه عادة ما تتبع عملية الحقن بالإبر نتيجة جرح بعض الأوعية الدموية في المنطقة المعالجة ، و تظهر على شكل احمرار أو ازرقاق في الجلد ، و عندما تكون الاوعية المصابة كبيرة نسبياً قد يؤدي ذلك الى تكوين تجمع دموي تحت الجلد .

- التفاعلات التحسسية : و هذه قد تكون عاجلة و فورية أو تحدث في مرحلة متأخرة ، و عادة ما تنتج كردة فعل تحسسي لبعض المواد او الادوية المستخدمة في العلاج ، وقد تظهر على شكل طفح جلدي جزئي او عام .

- العدوى و الالتهابات الميكروبية : و هذه من أكثر المضاعفات المترتبة على العلاج ، وقد تعزى في كثير من الأحيان الى سوء إجراءات التعقيم المتبعه .

- الضمور : قد يتبع إلتئام التقرحات الناتجة في مواضع الحقن .

- تضرر الكبد : و هذا احتمال نادر الحدوث إلا في حالات استثنائية يتم فيها استخدام مواد ضارة جداً .

ختاماً لا يزال الجدل قائماً حول الميزوثيرابي و استخدامه سواء علاجياً و تجميلياً برغم الاهتمام العلمي و الاعلامي في الاوساط الطبية و بين عامة الجمهور ، ولا شك أن هناك المزيد من الدراسات و التجارب العلمية المطلوبة لإزالة الغموض الذي يكتنف جوانب مختلفة للميزوثيرابي أهمها إثبات فعاليته و كفاءته و تحديد احتمالات ارتباطه بأي مخاطر صحية و ذلك بصورة غير قابلة للشك .

د. حجاب سعود العجمي

رئيس قسم الامراض الجلدية والتناسلية بمستشفى الأميري – الكويت

مجلة كلينك

[justme]

طب معلش ممكن نتكلم عن علاقة نشاط الغدة الدرقية بحرق السكر او الدهون في الجسم

لأني مش عارف حاسس بعلاقة ولو من بعيد وليه محدش بيهتم بأثر الغدة دي على مستويات السكر مع انها بتأثر في التمثيل الغذائي على حد معلومات

كمان ايه هي الحاجات اللي بتنشط حرق الدهون والنشويات واللي ممكن تساعدنا على الحرق اكتر واسرع

سواء من فيتامينات او غيره

[Alrefaey]

طب معلش ممكن نتكلم عن علاقة نشاط الغدة الدرقية بحرق السكر او الدهون في الجسم

مساء الخير وعفوا على التأخير

الكلام التالى مهم جدا ومن خلاله هنعرف الدورة ماشية اذاى .

جزر لانجرهانس اللى فى البنكرياس فيها نوعين من الخلايا بيتا و الفا كل نوع بيفرز نوع معين من الهرمون , بيتا بيفرز الانسولين , الفا بيفرز الجلوكاجون .

عند الصيام لفترة طويلة او مع الرياضة العنيفه

مستوى الجلوكوز اللى فى الدم بينخفض ده بيحث خلايا الفا الموجودة فى البنكرياس انها تفرز هرمون جلوكاجون كى يقوم هذا الهرمون بأيجاد طرق بديلة للجلوكوز والا السكر ينخفض بشدة ويموت الانسان , جلوكاجون بيعمل الاتى بيحفز الكبد بأن يقوم بتحويل الجليكوجين (عبارة عن اجزاء جلوكوز مركبة ومخزنة ) الى جلوكوز يذهب الى الدم ومنه الى الخليا والاعضاء والانسجة . ايضا بيحول الدهون والاحماض الامنية الى مخزنة بالجسم الى جلوكوز , النتيجة النهائية رفع جلوكوز الدم ويزاول الانسان نشاطة

بعد الاكل وامتصاص الجلوكوز من الامعاء

مستوى الجلوكوز بيحث خلايا بيتا فى البنكرياس لأفراز هرمون الانسولين الذى بدورة بيقوم بعدة عمليات , تحفيز الكبد لتحويل الجلوكوز الى جليكوجين مخزن , تحفيز الخلايا لاستقبال وحرق الجلوكوز ,بيقلل تحويل البروتين والدهون الى جلوكوز (زيادة بالوزن ) كما يساعد على تحويل الجلوكوز الى دهون وبروتين

الثيروكسين (هرمون الغدة الدرقية )

بيعمل مثل جلوكاجون اللى فى الاول . بيحفز على امتصاص الجلوكوز من الامعاء - بيحفز تحويل الكبد للجليكوجين الى جلوكوز بالتالى يرتفع السكر وهذه هى العلاقة

هناك هرمونات تسمى سترس هرمون ودى كلها بترفع السكر مثل ثيروكسين , هرمون النمو, الكورتيزون , الادرنالين والهرمونات الانثوية .

والى لقاء غدا ان شاء الله

[justme]

انا سألت لأني فاكر ان اختلا في نشاط الغدة الدرقية بيسبب الكسل والسمنة او النحافة المفرطة بسبب تأثيره على عملية الأيض

من ايام الثانوي الكلام ده

بس فقلت يمكن فيه علاقة

وايه بالنسبة لمعدلات الحرق بينظمها وبيرفعها من الأدوية

معلش متقلين عليك والله

ربنا يفيدنا ويفيد غيرنا منك كمان وكمان

ويعوضك علم زيادة ويسهلك يارب

اذا مش متجوز تتجوز واذا متجوز ومعندكش عيال تخلف ان شاء الله واذا مخلف تفرح بيهم

قادر يا كريم

[fatfouta]

انا سألت لأني فاكر ان اختلا في نشاط الغدة الدرقية بيسبب الكسل والسمنة او النحافة المفرطة بسبب تأثيره على عملية الأيض

من ايام الثانوي الكلام ده

بس فقلت يمكن فيه علاقة

وايه بالنسبة لمعدلات الحرق بينظمها وبيرفعها من الأدوية

معلش متقلين عليك والله

ربنا يفيدنا ويفيد غيرنا منك كمان وكمان

ويعوضك علم زيادة ويسهلك يارب

اذا مش متجوز تتجوز واذا متجوز ومعندكش عيال تخلف ان شاء الله واذا مخلف تفرح بيهم

قادر يا كريم

طب ومافيش حاجة ليا انا؟.....مش انا اللى فاتحالك التوبيك ده؟؟

لا حول ولا قوة إلا بالله.........دايما كده منسية يا ربى

طب دعوتين عالماشى طيب -_- :wub:

[fatfouta]

دكتور رفاعى لما ترد على جست هيم ابقى رد عليا ولو هتنام دلوقتى ابقى رد علينا بقى بكرة احنا الاتنين.......اوك

يا ريت تكلمنا عن اامن ادوية لعلاج الحموضة عند مرضى السكر لاننا ان شاء الله هنفتح توبيك عن الحموضة والتوعية ليها بشكل عام

بس هنا بنتكلم عن مرضى السكر بالتحديد

كان فيه زمان كده دوا اسمه جليكودال استحلاب ده كان والدى بياخده وانا مرة جربته كان كويس

بس للاسف فيه سكر برضوا

عاوزة اسمع رأيك -_-

[justme]

طب ومافيش حاجة ليا انا؟.....مش انا اللى فاتحالك التوبيك ده؟؟

لا حول ولا قوة إلا بالله.........دايما كده منسية يا ربى

طب دعوتين عالماشى طيب :) :)

ربنا يا رب يكرمك ويخفف عنك ويبعد عنك الوحش ويسعدك ويفرحك بعيالك وبجوزك

يلا يا ستي دعوتين اهم -_-

متجيبي العيال بالمرة ادعيلهم

:wub:

بجد خالص دعائي