سؤال من فضلكم .. عن فصل ابنتي عن جواز سفري

[زهرة الجبل]

بسم الله الرحمن الرحيم

الأخوه الأفاضل و الأخوات الفضليات

السلام عليكم و رحمة الله و بركاته

الموضوع بإختصار أني مقيمه بالكويت مع عائلتي .. و لظروف عائليه بمصر سأضطر للنزول أجازه قريباً ..

المشكله إن بنتي الكبيره لسه في عندها دراسه حتى نهايه شهر اربعه أو أول أسبوع من شهر خمسه و أنا محتاجه انزل مصر ببداية شهر اربعه

سأضطر لتركها مع والدها و أنزل وحدي مع اخويها و هم بعد الدراسه هيحصلونا

المشكله الآن أن أولادي الثلاثه مضافين على جواز سفري و إقاماتهم مسجله طبعا على نفس الجواز

فهل هينفع اسافر أنا بهذا الجواز عادي بدونها ؟

و السؤال الأهم .. هل هينفع ابعت لهم جواز سفري بعد كده للبنت علشان تسافر بيه تجيني مصر ؟

يعني هل هذا التصور سليم ام ان هناك إجراء آخر يجب إتخاذه كإصدار جواز منفصل لها مثلا ؟

و هل جواز منفصل لها يبقى من هنا ام من مصر ؟

و هذا الجواز الجديد كيف ستسافر به ان لم تكن الإقامه مثبته عليه ؟

أعتذر للإطاله و شكراً مقدماً لكل من يساعدني

تقبلوا تحياتي و دمتم في حفظ الرحمن

أم كريم

[عماد حمدي]

ممكن تراسلي الجوزات عندكم وهما يفيدوكي ..

وان شاء الله الأخوه هنا يفيدوكي

تقبلي مروري ,,

عمدة

[pocy]

اولا اهلا بيكى اختى فى الله زهره

بصي يا قمر موضوع فصل البنت من الجواز سهل جدا ومش محتاج اى حاجه انا عملت الجواز الجديد وفصلت ابنى منه ومش اخد منى الا تقريبا ساعه الاربع واخدت الجوازين بعد تلات ايام

ولما جيت الكويت كان معاى الجواز القديم والجديد وتم ختم الجواز القديم بختم نقلالبيانات من القديم للجديد فى خلال شهر والا هنتعرض للمسأله وفعلا رحنا الهجره واتنقلت الاقامه على الجواز الجديد بدون اى مشاكل بس مش عارفه لحد الان ليه خلونى اتنازل عن يوم من اقامه عمر بس طبعا مش فارقه يوم لان كده كده كان فاضل على الاقامه شهر واجددها

والحمد لله الموضوع مفهوش مشاكل فى مصر كانت التكلفه بسيطه يعنى تمن الجواز الى هو 110 للفرد سواء كبير او صغير

بس هنا اعتقد والله اعلم انه اكتر شويه انك تعمليه فى السفاره بس بمأنك مضطره فانتى هتروحى السفاره وهم هيعملولك الباسبور الجديد واتمنى حد من الاخوه اللى فى الكويت يفيدك لو عمل الموضوع ده من هنا

وربنا ييسر امورك يارب اللهم امين

[mama nona]

ينفع من السفارة فالبلد ال حضرتك فيها

وبيحتاج حضرتك وزوجك والاولاد تروحو السفارة

الفكرة انه هيتكلف شوية عن فصلهم من مصر

كمان مش هينفع تسافرى من غيرهم

طالما هما لسه على جوازك

[الغريب]

ينفع من السفارة فالبلد ال حضرتك فيها

وبيحتاج حضرتك وزوجك والاولاد تروحو السفارة

الفكرة انه هيتكلف شوية عن فصلهم من مصر

كمان مش هينفع تسافرى من غيرهم

طالما هما لسه على جوازك

أنت لازم تروحي السفارة علشان حاجة مهمة أنك لوعملتي جواز جديد أتومتك كل أولادك هينفصلو في جوازات ليهم حتى لو لسه مولودين ، وطبعا مينفعش تنزلي مصر من غير ماتروحي السفارة علشان يحلولك الإشكالية دي

بس خدي بالك من حاجتين :

1- تكاليف الجواز من السفارة هنا أغلى من مصر.

2-أنك لما تفصلي أولادك عنك هتتحملي مصاريف متجددة زي طبع إقامات ليهم وهكذا، وكمان كل حاجة هتعمليها في الكويت هتضطري أنهم يعملوها هما منفصلين عنك زي مثلا طابع الاقامة أبو خمسة دينار كل واحد منهم هيكون ليه طابع وإقامة منفصلة ، يعني الخطوة دي هتجر وراها للأسف بعض المصاريف فيما بعد

أنا عندي بنتي 8 شهور ليها جواز سفر وللأسف كل حاجة بتغرمني فيها المفعوصة الصغنونة دي بسبب جواز سفرها المنفصل عن أمها

حاجة كمان لو روحتي القنصلية المصرية اللي في الروضة أبقى جهزي نفسك للزحمة المصرية .... والله آخر مرة رحتها من يومين لاقيتهم مسرحين شوية فراخ في الجنينة بتاعت السفارة :sad: :rolleyes:

[زهرة الجبل]

الأخ الفاضل عمده

الأخت الكريمه بوسي

الأخت الفاضله ماما نونا

الأخ الكريم الغريب

شكراً جزيلاً .. جزاكم الله خيراً

إن شاء الله أنا و أبو كريم هنروح السفاره علشان نبتدي إجراءات إستصدار جوازات منفصله لي و للاولاد

مره أخرى أشكركم جميعاً على الإهتمام و الرد

تحياتي للجميع و دمتم في حفظ الله

أم كريم

[عماد حمدي]

بالتوفيق وأسال الله أن ييسر لكي كل امورك