استفسارات حول الهجرة - 1

[التغيير]

شكرا أخ mzohairy على ردك السريع . بس إسمحلي أسألك هل ده رأيك الشخصي ولا من واقع خبرة حصلت معاك أو مع حد تعرفه.

[MZohairy]

والله ده حصل مع اصدقاء كتير كان عندهم نفس حالتك

ده غير كلام المحاميه بتاعتي

ده غير اني وريت الانترفيور اللي عمل معايا الانترفيو شهاده من احدى الشركات تفيد بأني مساهم فيها بمبلغ من المال كاستثمار

يعني مش لازم كاش

تحياتي

[التغيير]

شكرا ليك بجد أخ mzohairy لأن الموضوع ده كان قلقني. ليا سؤال تاني لو عند حضرتك فكرة بالنسبة لنفس الموضوع, هل عقد الشقة (مترجم مثلا) في حد ذاته كفايه ولا فيه توثيقات معينه محتاجينها.

[arora]

حضرتك قدمت فى شهر كام 2005 وقدمت فيدرال ولا كيبك وقدمت من مصر ولا منين

لانى قدمت فى مارس 2005 فيدرال

[المر]

عقد الشقة اذا كان مترجم من مكتب ترجمة معتمد من السفارة الكندية بالدولة اللى انت فيها يكفى.

بالتوفيق انشاء الله :blink:

[voodoo]

انا يا جماعة مسافر الي كندا بس كان عندي سؤال

بعد اذنكم ردكم لو تكرمتم

ان شاء الله انا هسافر الي كيبيك هل ممكن اقوم بتقديم الورق الي سفارة كندا بالقاهرة خصوصا اني من القاهرة وعايش فيها

انا عارف ان تقدية الورق بخصوص كيبيك بيكون في سوريا لكن سوالي لو انا قدمت في سوريا ما هي الاجرءات واقدم ازاي؟؟؟

معلش سؤال كمان المقابلة الشخصية هتكون فين؟ مصر ولا سوريا؟

واستكمال بقية الورق والاجراءات هتم ازاي؟

اهم سؤال المقابلة الشخصية هتكون فين؟ مصر ولا سوريا؟

[voodoo]

الي السادة المشرفين الكرام والاعضاء المحترمين

انا لو قدمت ورقي بسوريا يكون الرد عليا امتي ؟

والاهم الامتحان او المقابلة الشخصية ولاكشف الطبي هيكون فين؟؟؟؟؟؟؟؟؟؟؟؟؟؟؟؟؟؟

برجاء الرد عليا الموضوع اكتر من مهم

[voodoo]

الثقديم ل كيبيك بيكون في سوريا صح؟!!!! لكن المقابلة الشخصية بتكون فين؟ في مصر ولا في سوريا

انا مصري وعاوز اسافر علي برنامج الكيبيك

انا كمان مدرس فرنساوي علشان كدة انا محتاج رد بسرعة يا جماعة

يعني لو في سوريا السفر يكون ازاي؟

لو تكرمتم ردكم معناه كتييييييييييييييييير ليا وهيفيدني كتير

[se_ Elsyed]

يا أخي الكريم

سيادتك لسه مسجل جديد في المنتدى

ومع ذلك لك 3 مداخلات .. كل مداخلة بسؤال عن نفس الموضوع .. واختتمتها بطلب أرجو الرد كل موضوع بيفصل بينه وبين الأخر دقائق معدودة !!!!!!!!!!!!!

فلو سمحت راعي العملية التنظيمية بالمنتدى وياريت كل أسئلتك تكون في موضوع واحد وياريت برضوا تقرأ في موضوعات كندا السابقة يمكن تلاقي بها رد على إستفسارات عندك

ونرجو ايضاً مراعاة إن السادة الزملاء في كندا مش قاعدين أون لاين بيجاوبوا على كل الأسئلة في التو واللحظة ..

سيتم تجميع مواضيعك في موضوع واحد

وشكراً لتفهمك

[hosiny]

سؤال اخر

في حالة امتلاكي شقة و سعرها السوقي الان غير المكتوب في العقد لكنه يتجاوز مبلغ الاثبات المطلوب من السفارة . كيف يمكنني توضيح ذلك

[ange]

السلام عليكم ورحمه الله وبركاته

اولا انا بشكركم جدااا علي الموقع الجميل جدا وربنا يجزيكم خير

وسعدت بتسجيلي معاكم هنا في المنتدي

واتمني من الله ان تفيدوني في موضوعي

انا عاوز اقدم علي هجره لكندا

وانا حاصل علي بكالوريوس تربيه رياضيه وعمري 23 عام ومعايا اعفاء نهائي من الجيش نظر لوفاه الوالد والوالده واعمل في مجال الكمبيوتر منذ فتره ولدي خبره كبيره في مجال الكمبيوتر وايضا تصميم المواقع

اولا انا كانت عايز اسال علي شويه اساله وياريت تجوبوني عليه

1- هل الهجره لكندا تحتاج اموال كثيره ؟ومامقدار المبلغ التي تحتاجه؟

2-اجاده اللغه الانجليزيه اجاده تامه ام عندما اصل الي كندا ساتعلم عن طريقهم؟

3-هل بعد تقديم الورق سيتم عمل انترفيو مباشره ام بعده فتره وماهي الفتره بين التقديم والانتر فيو؟

4-هل عند مغادرتي مصر سااخد الجنسيه ؟ وماهي الفتره التي سوف ااخد فيها الجنسيه؟

5- هل يمكنني العوده الي مصر مره اخري يعني مثلا في اجازه الصيف او بعد سنه مثلا ولا من شروط الهجره ان استمر حتي ااخذ الجنسيه؟

6-هل عند اخذي الجنسيه سيتم الاستغناء عن الجنسيه المصريه ؟ وهل يمكن للفرد ان يتمتع باكثر من جنسيه؟

7-لو اردت ان ااخد كورس انجليزي ااخد في الجامعه الاميريكيه ام القنصليه البريطانيه؟

8-ماهي المدن التي يمكن ان اذهب اليها والتي يلجاء لها اغلب المهاجرين ؟

9-رايت بعض الطلبات وهما 9 ملفات هل هذه هي الملفات التي اقدم بها فقط املها وارسلها للسفارة الكنديه بمصر؟ام في جديد لاني لاحظت ان اغلب المواضيع قديمه فهل يوجد جديد ام لا ؟

ولي طلب كمان بعد اذنكم لو حد عن خلفيه عن الهجره لامريكا ايضا ياريت يفدني

وجزاكم الله خيرا

واهديكم الدعاء الجميل ده

يارب

إذا أعطيتني مَالاً فلا تأخذ سَعادتي

وإذا أعَطيتني قوّة فلا تأخذ عّقليْ

وإذا أعَطيتني نجَاحاً فلا تأخذ تَواضعْي

وإذا أعطيتني تواضعاً فلا تأخذ اعتزازي بِكرامتي

يارب

عَلمّنْي أنْ أحبّ النَاسْ كَما أحبّ نَفسْي

وَعَلّمني أنْ أحَاسِبْ نَفسْي كَما أحَاسِبْ النَاسْ

وَعَلّمنْي أنْ التسَامح هَو أكْبَر مَراتب القوّة

وَأنّ حبّ الانتقام هَو أولْ مَظاهِر الضعْفَ.

يارب

لا تدعني أصَاب بِالغرور إذا نَجَحْت وَلا باليأس إذا فْشلت

بَل ذكّرني دائِـماً أن الفَشَل هَو التجَارب التي تسْـبِق النّجَاح.

يارب

إذا جَرَّدتني مِن المال فاتركْ لي الأمل

وَإذا جَرّدتني مِنَ النجَّاح فاترك لي قوّة العِنَاد حَتّى أتغلب عَلى الفَشل

وَإذا جَرّدتني مَن نعْمة الصَّحة فاترك لي نعمة الإيمان

يارب

إذا أسَأت إلى الناس فَاعْطِني شجَاعَة الاعتذار

وإذا أسَاء لي النَّاس فاعْطِنْي شجَاعَة العَفْوَ

وإذا نَسيْتك يَارَبّ أرجو أن لا تنسَـاني مَنْ عَفوِك وَحْلمك

فأنت العَظيْم القَـهّار القَادِرْ عَـلى كُـلّ شيء..

[se_ Elsyed]

يا أخي الكريم

خد لك يومين وإقرأ الموضوعات التالية

وإذا وجدت عندك تساؤلات ... فلا تترد في طرحها على ألا تكون مُكرره في موضوعات سابقة

كل شيء عن كندا

[ange]

السلام عليكم ورحمه الله وبركاته

اولا شكرا اخي الكريم علي مرورك

ولكن انا قريت فعلا الموضوع ده بس في بعض الاشياء مكنتش عارفها فحبيت اعمل موضوع يلم كل التفاصيل وببساطه

وعلي العموم شكرا مره اخري علي مرورك:$

[capitshino]

ارجع للموضوعات المكتوبة سابقا هتفيدك كتير

وعالعموم هاقولك على بعض النقاط

محتاج يكون فى رصيد 10.000 دولار كندى

محتاج تتعلم برتش انجلش.. انجليزى بريطانى يعنى فى المعهد البريطانى

موضوع المكان هناك ممكن تورونتو او زى ما تحب انت لو ليك اصحاب او معارف فى مكان تانى

الجنسية بعد 3 سنوات من الاقامة فى كندا ممكن تقدم عليها

ممكن تاخد اجازة طبعا

فى واحد اسمه يوسف وهيب اوعى تروح له - انا عارف انك ماسئلتش عليه اصلا

انت ممكن تبداء من دلوقتى وتملئ الابلكشن وشيك ب 550 دولار كندى ولسه بدرى اوى على المقابلة والاوراق لما يطلبوها

وزى ما قلت لك اول خطوة انك تحاول تراجع مداخلات الاعضاء ولك تحياتى

[ange]

شكرا لك اخي الكريم وربنا يجزيك خيرا يارب

بس عندي تعليق علي حاجه بالنسبه للابليكشن انا نزلته من احد المواضيع القديمه اللي هو 9 صفحات pdf ااقدم الابلكيشن ده ولا في واحد جديد؟؟؟ وبالنسبه ل550 دولار دول بدفعهم مع تقديم الابلكيشن؟؟؟

تم تعديل 6 مايو 2008 بواسطة ange

[capitshino]

اعتقد انك عاوز تقدم تبع العمالة الماهرة Skill Worker

يبقى تملى بتاع العمالة الماهرة اللى هو 3 ورقات - بالنسبة لل550 دولار كندى بيتعمل معاهم شيك مع الابلكشن من بنك سيتى بنك

انا عاوزك تتاكد برده لانى مش مقدم من مصر وهافضل اقول لك راجع مداخلات الاعضاء هتلاقى كل حاجة

[somayasaleh]

شكرا لك اخي الكريم وربنا يجزيك خيرا يارب

بس عندي تعليق علي حاجه بالنسبه للابليكشن انا نزلته من احد المواضيع القديمه اللي هو 9 صفحات pdf ااقدم الابلكيشن ده ولا في واحد جديد؟؟؟ وبالنسبه ل550 دولار دول بدفعهم مع تقديم الابلكيشن؟؟؟

الاخ الكريم

يجب ان تنزل الابلكشن من هذا الموقع

http://www.cic.gc.ca/english/information/a...enu-outside.asp

واقرا الموقع كويس هو فيه كل شئ

تمنياتي لك بالتوفيق

[somayasaleh]

اعتقد انك عاوز تقدم تبع العمالة الماهرة Skill Worker

يبقى تملى بتاع العمالة الماهرة اللى هو 3 ورقات - بالنسبة لل550 دولار كندى بيتعمل معاهم شيك مع الابلكشن من بنك سيتى بنك

انا عاوزك تتاكد برده لانى مش مقدم من مصر وهافضل اقول لك راجع مداخلات الاعضاء هتلاقى كل حاجة

كلام الاخ كابيتشينو صحيح

بس ممكن تاخد معاك فلوس كندي اسهل من سيتي بنك

وده سهل من اي مكتب صرافة تقول لهم عايز 550 دولار كندي وهم يقولوا لك كام مصري

وده الموقع اللي فيه الابلكشن

simplified application

http://www.cic.gc.ca/english/information/a...lled-simple.asp

وبالتوفيق ان شاء الله

[ange]

السلام عليكم ورحمه الله وبركاته

شكرا ليكم وربنا يجزيكم خيرا يارب

وانا بالفعل بقراء مشاركات الاعضاء

لكن لي سوال هل انا لو قدمت من مصر وسافرت الي اي دوله اخري ممكن اقدم من خلالها مره اخري علي اساس انها سوف تكون اسرع وافضل من مصر ؟

[ange]

ايه ياجماعه محدش رد عليا ليه معلشي انا يمكن اسئلتي كتير بس لكني معنديش خبرة في الموضوع ده فقولت استعين بااهل الخبرة

وعلي فكره الناس اللي كاتبه اقري المواضيع السابقه والله العظيم انا بقراء فيها بس المواضيع من سنه 2005 يعني محتاجه وقت كتير لانها تعليقات كتير واحنا دلوقتي في 2008 وانا دلوقتي وصلت لحد 2006 :lol: يعني فاضل سنتين ليا واظن إن مش من سنه الفين وخمسه زي دلوقتي

ثم الاخ capitshino قالي قدم في العماله المهارة

وانا قريت في بعض المواضيع القديمه انه بعض الناس قدمت علي العامله المهارة واترفضوا لانها مش مجال دراستهم وبجد انا محتار:S وانا معايا بكالوريوس تربيه رياضيه بتقدير جيد ولكن لم اعمل بمجالي وانا عندي 23 عام

وحاجه تانيه قريت في بعض المواضيع ان لازم يكون معايا حساب ب 10.000دولار كندي؟واللي اكد عليها الاخ capitshino

وبالنسبه لموضوع اللغه قريت في احد المواضيع السابقه ان ممكن يحضر معايا مترجم يعني مش لازم ابقي برفكت اوي في الانجليزي لاني برده قريت في احد المواضيع ان بتعلم هناك اللغه مجانا:D

حاجه تانيه الاخ الكريمsomayasaleh

بعت ليا لينك الابلكيشن بتاع العماله المهارة فهل ااقدم فيه ولا في ايه بالظبط؟

و الي موجود في الموقع

اما رجال اعمال او اعمال مهارة او العائله او اللاجئين :S

وانا اسف جدا لو كنت طولت عليكم في الاسئله

وجزاكم الله خيرا