استفسارات حول الهجرة - 1

[Einstein]

و يا عينى على انش شكله حيبقى زى اخونا ده :sad:

الهجرة لكندا لها جانبها السئ فعلالالالالالالا

موضوع جميل اوي يا هبة :happy:

ورغم انك مسكتيني من ايدي اللي بتوجعني

وفكرتيني باللي ممكن يحصلي :sad: كضريبة للهجرة

بس اعمل ايه بس :sad: ؟؟؟

والله حاولت ارتبط قبل ما اسافر بس الشخصية اللي بدور عليها مش لاقيها للاسف

وانا ارفض الزواج لمجرد انه الوقت المناسب للزواج قد جاء ، يعني عاوز اكون مقتنع جدا بشريكة حياتي

وبعد محاولات كثيرة في البحث وعلي مدار اكثر من عشر شهور لم اجد ما ابحث عنه

و رغم اني كنت اتمني تكون من مولدة و اتربت هنا زي تمام

شكلها كده هتكون من الجالية العربية في كندا :blink:

بس بغض النظر عن حالتي الخاصة

الموضوع نفسه مهم جدا في نظري

وهو تخوف بعض الفتيات عندما اتكلم عن الهجرة

وكان الهجرة دي بعبع او ابو رجل مسلوخة

رغم انهم عارفين كويس حالة البلد المتردية و المستقبل المجهول المعالم

الا ان اغلبهم للاسف معندهمشي روح الاستقلال او الاعتماد علي النفس بعكس بنات اوربا و الدول المتقدمة

لازالت البنت في ثقافتنا الشرقية تري انه من الصعب ان تعيش بعد عن الاهل و الاصحاب و المكان الذي نشات فيه

ولو كان فيه واحدة عندها روح المعامرة تقول طب ما تخليها بلد في الخليج احسن :blink:

[badroora]

ويا ترى يا هوبا طلب الجواز دا فيدرالى ولا كيبيكي ولا صالونى ....... :happy:

معقولة يا هوبا 2008 ويتم البحث عن عروسة بهذه الطريقة ؟!!! :blink:

عموما يا ستى ربنا يكرم الجميع يا رب ويوعده بالعروسة اللى تناسبة بالطريقة الكويسة وعلى فكرة

الراجل ممكن يتجوز لحد سن 97 سنه اللهم مالا حسد :sad:

يلا سيتى عقبالك انتى كمان ان شاء الله وندلل عليكي بردوا زى ما بدللى علينا .........امال لازم نخدم ....... :blink:

[رمضان]

على فكرة موضوع الجواز ده مشكلة بالنسبة لكل المغتربين مش بتوع كندا بس

ضريبة الغربة بقى

في الاخر كلهم بيتجوزوا جواز حلمنتيشي والسلام

[Einstein]

الراجل ممكن يتجوز لحد سن 97 سنه اللهم مالا حسد :happy:

بسم الله ما شاء الله

الساعة واحدة و خمسة و عشرين دقيقة و خمس ثواني :blink:

الله يكرمك و يباركلك يا بدرية

رجعتيلي الامل والثقة :blink:

كده يبقي قدامي ستين سنة ادور واختار براحتي :sad:

تم تعديل 24 مايو 2008 بواسطة Einstein

[yassir]

الأخوه الأفاضل , السلام عليكم ,

جزاكم الله خير على الموضوع المهم ده , بس ليا أضافه بسيطه على أعتبار أنى مريت بالظروف دى و هاجرت و انا أعزب , عدد كبير من المساجد فى كندا و اخص طبعا المساجد فى تورنتو و منها مسجد صلاح الدين بكينيدى و مسجد طارق و مسجد أبو بكر الصديق بتجميع أسماء الراغبين و الراغبات فى الزواج بتسجيل أسمائهم و المسجد بينظم جلسات مشتركه للتعارف فى المسجد و عدد لابأس بيه من المسلمين و المسلمات وجدوا رفقاء و رفيقات الدرب عن طريق الخدمه المجاني دى اللى بيقوم عليها أخوه و أخوات بغيه خدمه الأسلام و المسلمين و ربنا يوفق الجميع فى العثور على ونيس الغربه ...

أبو عمار

[somayasaleh]

و يا عينى على انش شكله حيبقى زى اخونا ده :sad:

الهجرة لكندا لها جانبها السئ فعلالالالالالالا

موضوع جميل اوي يا هبة :happy:

ورغم انك مسكتيني من ايدي اللي بتوجعني

وفكرتيني باللي ممكن يحصلي :blink: كضريبة للهجرة

بس اعمل ايه بس :wub: ؟؟؟

والله حاولت ارتبط قبل ما اسافر بس الشخصية اللي بدور عليها مش لاقيها للاسف

وانا ارفض الزواج لمجرد انه الوقت المناسب للزواج قد جاء ، يعني عاوز اكون مقتنع جدا بشريكة حياتي

وبعد محاولات كثيرة في البحث وعلي مدار اكثر من عشر شهور لم اجد ما ابحث عنه

و رغم اني كنت اتمني تكون من مولدة و اتربت هنا زي تمام

شكلها كده هتكون من الجالية العربية في كندا :blink:

بس بغض النظر عن حالتي الخاصة

الموضوع نفسه مهم جدا في نظري

وهو تخوف بعض الفتيات عندما اتكلم عن الهجرة

وكان الهجرة دي بعبع او ابو رجل مسلوخة

رغم انهم عارفين كويس حالة البلد المتردية و المستقبل المجهول المعالم

الا ان اغلبهم للاسف معندهمشي روح الاستقلال او الاعتماد علي النفس بعكس بنات اوربا و الدول المتقدمة

لازالت البنت في ثقافتنا الشرقية تري انه من الصعب ان تعيش بعد عن الاهل و الاصحاب و المكان الذي نشات فيه

ولو كان فيه واحدة عندها روح المعامرة تقول طب ما تخليها بلد في الخليج احسن :sad:

ايه ده يا عم انش

هو انت بتدور علي عروسة

مقلتش ليه؟

انا عندي عرايس عرايس اخر حلاوة واخر موديل وكل التخصصات

ومستعدات للهجرة لبلاد تركب الافيال مش كنكاه؟ علي راي واحد صاحبنا :wub:

علي العموم ياسيدي انت اكتب المواصفات المطلوبة واحنا تحت امرك

وكله لوجه الله طبعا

مع تحياتي بالعثور علي النص الاخر :sad:

[yassir]

و اضافه أخرى على السريع , بكره انشاء الله الورك شوب ديه للباحثين و الباحثات The Islamic Marriage Assistance Program (IMAP)

Type:

Major Events

Title:

Want To Get Married?: IMAP Workshops at ISNA Convention

Date:

5/25/2008

Time:

3:30PM SHARP (Space/Time is limited for this event so please arrive on time)

Registration:

FREE for registered ISNA convention participants

Suitability:

Men, Women, Youth, New Muslim

Contact Info:

www.imaponline.org

905-654-6303

Place:

International Centre: 6900 AIRPORT RD, MISSISSAUGA, ONTARIO

Comments:

Geared to those seeking marriage. SPACE IS LIMITED so arrive early. IMAP will be conducting interactive workshops for those seeking marriage.

[هشام الكندي ان شاء الله]

بسم الله الرحمن الرحيم

اولا احب احييكم كلكم علي الموضوع اللذيذ دا و احب اقولكم ان هشام الكندي ان شاء الله اتغير بحق و حقيق و اني سعيد جدا انكم لسه فاكريني

اولا: بطلت ادور علي عرايس لان خلاص مش لاقي و لا عارف الاقي, ماهو اطبخي يا جاريه كلف يا كندي

ثانيا: انا وصلت لمرحله اليأس, تخيلوا ان فيه مواطن كندي بييأس :happy: واحد صاحبي شغال مترجم في مكتب محامي متخصص في الفيز لامريكا و كندا و استراليا و انجلترا بشتي الطرق و الكباري دراسه, سياحه, جواز, هجرة,......... قالي بالفم المليان " ابقي تف في وشي ان هاجرت بنظام النقط من غير ما تتجوز"

و زي مانتوا شايفين مش عارف اتجوز

بس برضه هقدم علي الهجرة و ان شاء الله تيجي

بس هدفع التمن غالي اوي زي هبه ما قالت, بس هعمل ايه؟ ما باليد حيله. بعدين يا هبه انتي ذكرتي ضريبه النجاح, امال لو فشل يبقي يعمل ايه؟ :sad: :blink:

انا مؤمن بمبدأ مهم جدا في حياتي الا و هو ان الانسان مش بياخد كل حاجه.

ممكن تجيلي الهجرة, و اشتغل, و اقعد في شقه لوحدي, و اعمل فلوس كويسه, و ابدأ دراسه من جديد, بس زي ما قلت هدفع التمن من العمر اللي بيعدي من غير ما اكون اسرة.

يا ريت اقدر احقق الاتنين مع بعض, اني اتجوز و اهاجر, بس ما باليد حيله. بعدين اخاف اتجوز و يرفضوا طلب الهجرة و ابقي اتدبست تدبيسه ما يعلم بيها الا ربنا, كفايه اني هخلف ابن او بنت هيدفعوا تمن اغلي الا وهو الحياه في مصر, دا ان عرفوا يعيشوا اصلا!

بس انا شايف ان المهاجر سهل جدا انه يتجوز في كندا لان المسلمين بيقربوا جدا من بعض و البنات المتدينات بيبانوا اكتر هناك من خلال اسلوب اللبس و طريقه الكلام. علي العموم ربنا يوفق رؤوس اخواننا المسلمين الكنديين في الحلال و يقربنا ليهم و يفك كربنا جميعا.

هشام الكندي ان شاء الله

[badroora]

العزيزة هبة .......بعد مراجعة ردى عليكي فى الاول كنت اقصد به رد مع دعابة ولكن بدي لى بعد ذلك وكأنى مثل الصعيدي

اللى حب يهشك ابنه بقي حدفة فى السقف وقع منه ع الارض .........ومات يعنى كلامى كان تقيل شوية ..سورى يا قومر :blink:

بخصوص موضوع الزواج سواء المغتربين او المهاجرين فهى بالطبع مشكلة صعبة وصعوبتها فى ضيق الاختيار فى المحيط

الذي نتواجد ...بمعنى بالنسبة للنساء المغتربات يفضلن الارتباط من نفس جنسيتهم وقد يكون هذا صعب بعض

الشيء نظرا لعدم توفر المجتمع الذي يحتوى على نفس الجنسية فبالتالى التى تود ان ترتبط باي شخص فممكن تقبل من

اى جنسية والتى لا تفضل غير المصري تظل بلا زواج فى انتظاره........وممكن يترتب على هذا تأخر سن الزواج .

بخصوص الشباب ......الوضع اصعب شوية لانه اذا لم يعسر على ما يبحث عنه ممكن يقبل باى جنسية او ممكن يكلف

الاهل بالبحث عن عروسة وينزل فى خلال اجازته يتعرف ويرتبط كل هذا فى وقت قصير دون اتاحة فرصة للشخصين

لدراسة بعضهم البعض او معرفة بعضهم معرفة تامة فينتج عن ذلك فشل فى العلاقة الزوجية ويؤدى الى الطلاق .

لذلك فان الاختيار والدراسة للشخصين مهم جدا حتى يستطيعون استمرار الحياة الزوجية بينهم .

ولكن لابد ان نعلم جديا انا الزواج شيء قيم جد يستحق مننا البحث والدراسة والتأنى والا نجعل السن هو الدافع الاساسي

للقبول باى شخص او التنازل فى سبيل الزواج .........

الزواج يا هوبا من اسمي العلاقات الانسانية التى جعلها الله مودة ورحمه وليست مصلحة ومنفعه جوازه مقابل هجرة .

او عريس والسلام .......انا اعرف انك تمزحين عندك كتابتك تلك الكلمات ولذلك كان ردي عليكي بمزاح ايضا وبدي لى بعد

ذلك انه لازع بعض الشيء اعتذر عنه ......... :blink:

الخلاصة .......

من حقنا انتقاء واختيار من سنرتبط به دون الاعتبار لاى عوامل سواء سن او مادة اوى ظروف ........

البقاء بدون زواج لمدة طويلة افضل بكثير من زواج مبنى على المنفعه بلا اساس ويفشل فى اول تصادم .

والله يعدلها لنا جميعا

للولاد بالزوجة الصالحة التى تحفظك وتسعدك ........ :sad:

للبنات .........يوعدنا بالزوج اللى يستحقنا ويستهلنا ........ :wub:

سماح يا هوبا............. :sad:

هشام ......... :sad: ازيك حمدالله ع السلامة ......ايه اليأس المصري اللى شيفاه فى كلامك دا انت اخذت باسبور مصري

ولا ايه ....... :happy: لا اجمد نحن نستمد القوة والعزم من الاشقاء الكنديين مثلك ........ :wub:

حمدالله ع سلامة وزى ماقولتلك وبقولك اعمل اللى عليك وسيب الباقي على ربنا .........العبد فى التفكير والرب فى التدبير

تم تعديل 25 مايو 2008 بواسطة Badria Mekkawy

[~Heba~]

موضوع جميل اوي يا هبة :happy:

ورغم انك مسكتيني من ايدي اللي بتوجعني

وفكرتيني باللي ممكن يحصلي :sad: كضريبة للهجرة

بس اعمل ايه بس :sad: ؟؟؟

والله حاولت ارتبط قبل ما اسافر بس الشخصية اللي بدور عليها مش لاقيها للاسف

ايه يا انش اجمد امال انا مش كاتبة الموضوع عشان احبطك

كاتباه بس عشان ننتبه للمشكلة و نشوف لها حل معقول

و آدى حل من الاخ ياسر و هو المراكز الاسلامية اللى هناك هيساعدوك ان شاء الله

و لو انى افضل انى اللى حيهاجر يجوز من هنا قبل ما يسافر لانه فرصة الاختيار حتبقى اوسع بالنسبة له و ممكن يجوز واحدة بيحبها فعلا و اختياره هو بعيدا عن جواز الصالونات

ربنا يوفقك يا انش و متنساش الدعاء له دخل كبير فى التوفيق فى الحياة

لازالت البنت في ثقافتنا الشرقية تري انه من الصعب ان تعيش بعد عن الاهل و الاصحاب و المكان الذي نشات فيه

ولو كان فيه واحدة عندها روح المعامرة تقول طب ما تخليها بلد في الخليج احسن :blink:

ايه دا انت بتتكلم عليا........لا بجد انا فعلا كدا

بيجينى اكتئاب لو بعدت عن اهلى

بس طبعا عندى استقلالية و اعتماد على النفس انما البعد عن الاهل حاجة عاطفية بحته و البنت عاطفية اكتر من الولد و طبيعى ارتباطها باهلها بيكون اكبر

انا عن نفسى الهجرة مفهاش مشكلة بالنسبة لى........بس خليها دولة خليجية احسن :blink:

والله انا عايزة اسافر السعودية و محتاجة محرم.......يعنى انا و هشام فى الهوا سوا

انتظرونى يمكن انزلكم موضوع عريس بمواصفات خاصة :wub:

يلا سيتى عقبالك انتى كمان ان شاء الله وندلل عليكي بردوا زى ما بدللى علينا .........امال لازم نخدم .......

و ماله يا بدرية ياختى دللى زى ما انتى عاوزة و نخدمك فى الافراح ان شاء الله

بقولك ايه معندكيش عريس ينفع محررررررم :sad:

[~Heba~]

الأخوه الأفاضل , السلام عليكم ,

جزاكم الله خير على الموضوع المهم ده , بس ليا أضافه بسيطه على أعتبار أنى مريت بالظروف دى و هاجرت و انا أعزب , عدد كبير من المساجد فى كندا و اخص طبعا المساجد فى تورنتو و منها مسجد صلاح الدين بكينيدى و مسجد طارق و مسجد أبو بكر الصديق بتجميع أسماء الراغبين و الراغبات فى الزواج بتسجيل أسمائهم و المسجد بينظم جلسات مشتركه للتعارف فى المسجد و عدد لابأس بيه من المسلمين و المسلمات وجدوا رفقاء و رفيقات الدرب عن طريق الخدمه المجاني دى اللى بيقوم عليها أخوه و أخوات بغيه خدمه الأسلام و المسلمين و ربنا يوفق الجميع فى العثور على ونيس الغربه ...

أبو عمار

استاذ ياسر شكرا على اضافتك القيمة بخصوص هذا الموضوع..اعدت الامل لشباب المهاجرين

حقيقى شكرا لك :sad:

ايه ده يا عم انش

هو انت بتدور علي عروسة

مقلتش ليه؟

انا عندي عرايس عرايس اخر حلاوة واخر موديل وكل التخصصات

ومستعدات للهجرة لبلاد تركب الافيال مش كنكاه؟ علي راي واحد صاحبنا :blink:

يا باشمهندسة سمية اللى يحفظك قايمة بالواجب مع انش

لو بتتكلمى جد ممكن تساعديه فعلا فى البحث عن شريكة الحياة و الهجرة كمان

صدقونى و الله اللى بيهاجر و هو متجوز بتخف عنه احمال "نفسية كتير" طبعا دا لو زوجة صالحة بتخفف عن زوجها و تكون عون له على المصائب مش العكس :happy:

ربنا يوفق الجميع يارب :blink:

[Toronto]

thank you

[Dr.mmfriend]

يلا سيتى عقبالك انتى كمان ان شاء الله وندلل عليكي بردوا زى ما بدللى علينا .........امال لازم نخدم .......

و ماله يا بدرية ياختى دللى زى ما انتى عاوزة و نخدمك فى الافراح ان شاء الله

بقولك ايه معندكيش عريس ينفع محررررررم

طيب شوفيلي معاكى عروسه

انا كمان مسافر السعوديه وبدور على محرم

قصدي عروسه

وبعدين مش كل شويه تفتحوا مواضيع الجواز دى الواحد اتعقد خلاص بقالى ييجي 3 شهور بدور ومش لاقي

وخلاص مسافر لوحدى يعيني

اهىء اهىء

[Einstein]

ايه ده يا عم انش

هو انت بتدور علي عروسة

مقلتش ليه؟

انا عندي عرايس عرايس اخر حلاوة واخر موديل وكل التخصصات

ومستعدات للهجرة لبلاد تركب الافيال مش كنكاه؟ علي راي واحد صاحبنا :happy:

علي العموم ياسيدي انت اكتب المواصفات المطلوبة واحنا تحت امرك

وكله لوجه الله طبعا

مع تحياتي بالعثور علي النص الاخر

باشمهندسة سومية :wub:

والله مش عارف اقول ايه بس ، وازي اعرف اشكرك

انا في الاحوال دي بضرب لخمة ، لما الاقيني صعبان علي حد :closedeyes: و يكون عاوز يساعدني :happy:

يعني كفاية بس الكلمتين دول ، بعتبرهم جميل شايله فوق راسي ، جزاكم الله كل خير

انا مواصفاتي سهلة و بسيطة خالص ، حاجتين بس

1- التوافق الفكري و الثقافي والعلمي

2- القبول الشكلي العام

شوفتي همه دول اللي مدوخني

مش لاقي اول صفة دي خالص :unsure:

وتخيلي لما لاقيتها مرة واحدة ، مكنش فيه قبول شكلي :happy:

المشكلة بقة اني مش عاوز اتجوز لاي سبب او منفعة

يعني ارفض اني اتجوز لان المفروض اني اتجوز في السن ده فقط

وارفض اني اتجوز علشان الحق اخلف ولاد افرح بيهم او يسندوني لما اكبر ( وللاسف ناس كتير بتفكر كده )

وارفض اني اتجوز فتاه علشان الفائدة المعنوية او المادية ( منصب او سلطة او مال )

وارفض اتجوز فتاة علشان تجيبلي فيزا لبلد او حتي تضيفلي نقاط في ملف الهجرة

انا عاوز اتجوز علشان مراتي تشاركني حياتي كلها

اتمني و بحلم انها تكون صديقة و خليلة قبل ما تكون زوجة وحبيبة و اخت و ام و ...........

وعلشان تكون صديقة لازم اركز علي التوافق الفكري الثقافي

واللي للاسف نادر جدا

عني انا حاسس اني زي اللي بيدور علي ابرة في وسط كوم قش

فعلا انا حاسس اني بدور علي فتاة واحدة من بين مية الف فتاة

يا تري ممكن الاقيها في يوم من الايام

يا رب

[~Heba~]

توضيح مهم جداااااااااا

قد يفهم البعض من موضوعى انى ادعو لطريقة الزواج التى يريدها هشام (زواج بدون تكاليف لتبادل المنفعه بالهجرة)

احب اوضح هنا انى مقصدش كده خالص

موضوعى باختصار عن الشباب اللى بيهاجروا عزاب و فى الغربى بيجدوا صعوبة فى العثور على شريك الحياة المناسب بسبب تقلص فرصة الاختيار و خصوصا اذا كان عايز بنت بلد و لا يرغب فى الاجنبية او اللى واخدة جنسية و مقيمة من فترة طويلة و متأثرة بحياة الغربة

[Dr.mmfriend]

مفهوم مفهوم طبعا

الزواج يجب يكون من اجل الزواج فقط وبدون اى مصالح

[~Heba~]

معلش يا Dr.mmfriend

اصل انا اخدت بالى ان هشام الكندى رجع فتح السيرة الهباب دى تانى

اولا: بطلت ادور علي عرايس لان خلاص مش لاقي و لا عارف الاقي, ماهو اطبخي يا جاريه كلف يا كندي

اتمنى بس انه يكون عقل و عايز يتجوز عدل زى الناس يعنى جواز فى نيته انه يكون مستمر و ينشى اسرة مش مرتبط بالهجرة فقط

ويا سيدى ربنا يبعتلك المحرم اللى انت عاوزها...انا اسمع انه لو الواحد متجوز بدل السكن و بقية البدلات بتبقى اكبر :blush2:

برضو مصلحة....هتروحوا منها فين

[ايهاب سالم]

انا مواصفاتي سهلة و بسيطة خالص

1- التوافق الفكري و الثقافي والعلمي

وعلشان تكون صديقة لازم اركز علي التوافق الفكري الثقافي

واللي للاسف نادر جدا

عني انا حاسس اني زي اللي بيدور علي ابرة في وسط كوم قش

فعلا انا حاسس اني بدور علي فتاة واحدة من بين مية الف فتاة

يا تري ممكن الاقيها في يوم من الايام

يا رب

عزيزي أينشتين

محتبكهاش قوي في حكاية التوافق الفكري و الثقافي والعلمي

أصلك زي واحد صاحبي في الكويت حاليا و جاي كندا نهائي بعد كام شهر

ولم يتزوج حتى الأن لنفس السبب و شاف عرايس بعدد شعر راسه

ودايما يقول دي دماغها مش عارف ايه و دي تافهه و دي سطحيه ودي متعلمه لكن مش مثقفه ودي مش مؤهله دينيا لأنها مش عارفه إن أجزاء القرأن تتكون من أحزاب و ما تستاهلش تربي أولادي

هو وصل 38 سنه حاليا و لسه بينقي

المشكله إنه بمرور الوقت بيصعب الموضوع لأنه بيصعب عليه يقبل بفتاه مواصفاتها أقل من واحده شافها مسبقا

ويقول ده أنا رفضت فلانه من سنتين و كانت أحسن من علانه اللي جايبينهالي دي

طبعا بتكون فلانه دي إتجوزت و شبعت جواز لما بيفكر يسأل عليها تاني

التوافق الشكلي أنا معاك فيه لأن دي مراتك اللي هتصبح بوشها كل يوم (بس حاول تخيلها بدون ماكياج و هي صاحيه م النوم )

لكن بسطها شويه في حكاية التوافق الفكري و الثقافي والعلمي

مش هتلاقي اينشتينايه

وبعدين أحلى حاجه في الست إنها تكون مرووشه عشان تعمل تعادل في البيت

إنت مش هتتجوز راجل زيك تعمل معاه مناظرات علميه ثقافيه في جو علمي معملي جاد

كده البيت يبقي كئيب خالص

بسطها يا اينشتين

و ربنا يوفقك و أشوفك في كندا متجوز

تم تعديل 26 مايو 2008 بواسطة ايهاب سالم

[Diab]

بسم الله الرحمن الرحيم

اولا احب احييكم كلكم علي الموضوع اللذيذ دا و احب اقولكم ان هشام الكندي ان شاء الله اتغير بحق و حقيق و اني سعيد جدا انكم لسه فاكريني

اولا: بطلت ادور علي عرايس لان خلاص مش لاقي و لا عارف الاقي, ماهو اطبخي يا جاريه كلف يا كندي

ثانيا: انا وصلت لمرحله اليأس, تخيلوا ان فيه مواطن كندي بييأس :blush2: واحد صاحبي شغال مترجم في مكتب محامي متخصص في الفيز لامريكا و كندا و استراليا و انجلترا بشتي الطرق و الكباري دراسه, سياحه, جواز, هجرة,......... قالي بالفم المليان " ابقي تف في وشي ان هاجرت بنظام النقط من غير ما تتجوز"

و زي مانتوا شايفين مش عارف اتجوز

بس برضه هقدم علي الهجرة و ان شاء الله تيجي

بس هدفع التمن غالي اوي زي هبه ما قالت, بس هعمل ايه؟ ما باليد حيله. بعدين يا هبه انتي ذكرتي ضريبه النجاح, امال لو فشل يبقي يعمل ايه؟ :sad: :lol:

انا مؤمن بمبدأ مهم جدا في حياتي الا و هو ان الانسان مش بياخد كل حاجه.

ممكن تجيلي الهجرة, و اشتغل, و اقعد في شقه لوحدي, و اعمل فلوس كويسه, و ابدأ دراسه من جديد, بس زي ما قلت هدفع التمن من العمر اللي بيعدي من غير ما اكون اسرة.

يا ريت اقدر احقق الاتنين مع بعض, اني اتجوز و اهاجر, بس ما باليد حيله. بعدين اخاف اتجوز و يرفضوا طلب الهجرة و ابقي اتدبست تدبيسه ما يعلم بيها الا ربنا, كفايه اني هخلف ابن او بنت هيدفعوا تمن اغلي الا وهو الحياه في مصر, دا ان عرفوا يعيشوا اصلا!

بس انا شايف ان المهاجر سهل جدا انه يتجوز في كندا لان المسلمين بيقربوا جدا من بعض و البنات المتدينات بيبانوا اكتر هناك من خلال اسلوب اللبس و طريقه الكلام. علي العموم ربنا يوفق رؤوس اخواننا المسلمين الكنديين في الحلال و يقربنا ليهم و يفك كربنا جميعا.

هشام الكندي ان شاء الله

مش عارف ليه حاسس يا هشام إنك واخد مقلب في كندا دي

يا بني مش كدة

علي رسلك يا فتي

بيتهيألي أنك كندي أكثر من رئيس الوزراء الكندي نفسه

[Einstein]

اخي الغالي ايهاب

قربت كتير اوي من مشكلتي

للاسف حالة صاحبك ده قريبة اوي من حالتي في حاجات كتير

واكثر ما اخشاه ان اصل الي مثل ما وصل اليه

فالف شكر علي النصيحة و التحذير

وبعدين أحلى حاجه في الست إنها تكون مرووشه عشان تعمل تعادل في البيت

إنت مش هتتجوز راجل زيك تعمل معاه مناظرات علميه ثقافيه في جو علمي معملي جاد

كده البيت يبقي كئيب خالص

المشكلة بقي يا ايهاب انك اخدت الانطباع ده عني او عن الفتاة اللي ابحث عنها

بس احب اوضح حاجة بسيطة

انا من النوع اللي احب اعمل بقوة و العب بقوة ( ده مبدا عندي من زمان )

وعلشان كده برضة بدور علي نفس النوع ده

يعني تكون انسانة لها طموح علمي او عملي و تسعي اليه بكل قوة

وفي نفس الوقت تعرف جيدا كيف نستمتع بكل ثانية من عمرنا سويا

لاني زي ما بحب العلم و الثقافة بموووووووت في الروشنة و التهييييييس ( بس كله في وقته )

المهم اني لما يئست من ان الاقي شريكة حياتي هنا

قولت لنفسي اخر فرصة قدامي لما اوصل كندا

ممكن الاقيها هناك

وان لا قدر الله لم اجدها

يبقي همسح معالم الصورة اللي في دماغي

وفي اول اجازة لمصر ( بعد سنة )

هابتدي اختار من بين الموجود

يعني هانت

وربنا ييسر لنا الخير جميعا