استفسارات حول الهجرة - 1

[dentist]

سلام عليكم يادكتور تهامي,,,,,,في البدايه انا احب اعتذر لو انا زعلت حضرتك في اي حاجة,,,,,,انا فعلا عرفت من كلامك اني لازم ابقي ايجابي واتحرك بدل الكلام,,,,,انا والله ياجماعة ماعنديش مشكلة اشتغل جزرار او جزماتي في الاول مادام ده هيوصلني للي انا عاوزه,,,,علي فكرة انا كنت سالت د\ابو الخير اذا كنت ممكن اشتغل مساعد طبيب في الاول ولا لا,,,وده دليل علي اني مستعد للوضع ده في الاول مافيش مشاكل,,,,,,,,,,,,انا عارف ان الوضع صعب في الاول,,,,ولازم انحت في الصخر ,,,,انا يهمني اني اروح كندا اعيش في نظام مش زي الهرجلة اللي في مصر والسعودية..وبعدين يادكتور ولا يهم حضرتك حضرتك عامل زي اخويا الكبير .سلام عليكم والف سلامة عليك وياريتني اتعلم منك اكتر_زعق فيا ولا يهمك_

[Bustami]

صباح الخير يا جماعة ,,,,

انا مقدم على الهجر من شهر 8 2007 في مكتب هجرة في الكويت واستلمت الفايل نمبر في 13/9/2007 ,,, انا عندي ماجستير وزوجتي عندها ماجستير وعندي 10 سنين خبرة وطفلين ,,, فكان مطلوب مني اختبار الايلتس 5 , 5 , 5 , 5 في كل قسم منه واليوم استلمت النتيجة والحمد لله جبت 5 , 6 , 6.5 , 6.5 ,,, الحقيقة ( writing + speaking ) من السهل انك توصل ل 7 لكن القراءة والاستماع صعب توصل 7 ,,,,,,,

على العموم انا عندي سؤال ,,,,,,,, ماهي المبالغ التي يمكن الحصول عليها من الحكومة كمساعدة ومتى ممكن الحصول عليها ولكم سنة

شكرا

[Bustami]

من الخليج 2 سنه ,, من مصر 4 سنة ,,,,,,,,,,,,,, متزوج اسرع من اعزب ,,,,,,,,,, ماجستير اسرع من بكالوريس او دبلوم ,,,,,,,,,,و خبرة 4 سنوات اسرع من 1 سنة خبرة

اذن احنا محتاجين نذكر المثال الاتي في مداخلتنا علشان نقدر نستنتج

ماجستير ,, 10 سنين خبرة ,, متزوج مع طفبين ,, مقدم من الكويت ,, فيديرال ,,, الفايل نمبر وصل في 9 /2007 ,,, لا ازال انتظر

هذا المثال طبيعي ولا يدعوا للقلق ,, بعد مرور سنتين ممكن الواحد يقلق

تم تعديل 7 أغسطس 2008 بواسطة albostamy

[Bustami]

بالنسبة لاختبار الايلتس // النقط كالتالي/ 7 يعني 4 نقط ..../ اقل من 7 وحتى 5 يعني 2 نقط .... / 3 واقل من 5 يعني 1 نقطة

اذا كان معك خبرة 4 سنوات يكون الوضع كالتالي

انت ماجستير وزوجتك ماجستير اذن انت محتاج 5 5 5 5 يعني 8 نقط

انت بكالوريس و زوجتك بكالوريس اذن محتاج 7 7 5 5 يعني 12 نقطة في اللغة

انت ماجستير وزوجتك بكالوريس اذن انت محتاج 7 5 5 5 يعني 10 نقطة

انت بكالوريس وزوجتك اقل من بكالوريس اذن انت محتاج 7 7 7 7 يعني 16 نقطة

شكرا

[الأهلاوي الأصيل]

اسمح لي أختلف معاك في بعض المعلومات اللي انت ذكرتها:

1- فترة الانتظار بتختلف فقط حسب بلد التقديم يعني لندن حوالي 3 سنوات ومصر 4 سنين ، أما الوضع الاجتماعي والكلام ده ما بتفرقش لإنهم بياخدوا الملفات بالدور، طبعاً الكلام ده هيتغير كلياً بعد القانون الجديد للهجرة اللي صدر من فترة قصيرة جدا واللي بيعتمد على وضع أولوية للتخصصات اللي محتاجينها.

2- بخصوص النقط مش بالظبط بالشكل اللي حضرتك كتبته

توزيع النقاط كالتالي:

25 تعليم (17 سنة تعليم + دكتوراه أو ماجستير تاخدهم كلهم)

21 خبرة (4 سنوات خبرة وما فوق تاخدهم كاملين)

10 السن (بين 21 سنة و 49 تاخد نقاطها كاملة)

10 التكيف (ودي 5 حسب لو متزوج وزوجتك ماجستير أو دكتوراه وتقل حسب مؤهل الزوجة - و الخمس نقط التانيين تاخدهم لو انت ليك قرايب في كندا أو سبق لك الدراسة أو العمل هناك)

10 لو عندك عرض عمل في كندا تاخدها كاملة وتتعفي من شرط إثبات وضعك المادي

يتبقى 24 نقطة لللغة موزعة كالتالي 16 للغة الأولى 8 للغة الثانية

وكل اللي انت ذكرته على الأيلتس صحيح ما عدا إنك بتاخد نقطة واحدة لو جبت في مهارة من مهارات اللغة بين 4 و 5 وليس بين 3 -5 زي ما حضرتك قلت ، أي مهارة تجيب فيها أقل من 4 تاخد عليها صفر من النقاط.

لو جبت في المجموع 67 فما فوق تعدي بغض النظر عن درجتك في كل حاجة على حدة، أقل من كده الملف يترفض.

وبالتوفيق للجميع إن شاء الله

[Bustami]

ممكن حد يقولنا ازاي نعمل معادلة بكالوريس محاسبة

[الأهلاوي الأصيل]

بخصوص معادلة المحاسبة معنديش فكرة عنها والله

لكن كنت عايز أسألك سؤال..انت بتقول إن الفايل نمبر جالك 9/2007 طيب انت كنت بعت الأبليكشن امتى؟

لإن بعتها في شهر 5/2008 ولغاية دلوقتي مجاليش أي حاجة

[Bustami]

اديت ورقي للمكتب في اول شهر 8 2007 يعني خلال شهر بس انا في الكويت

[الأهلاوي الأصيل]

أنا في الكويت برضه

بس دلوقتي عدى 3 شهور على يوم ما بعت الأبليكشن ولسه مجاليش رقم الملف ، بصراحة خايف يكون ضاع في البريد

[MZohairy]

من الخليج 2 سنه ,, من مصر 4 سنة ,,,,,,,,,,,,,, متزوج اسرع من اعزب ,,,,,,,,,, ماجستير اسرع من بكالوريس او دبلوم ,,,,,,,,,,و خبرة 4 سنوات اسرع من 1 سنة خبرة

اذن احنا محتاجين نذكر المثال الاتي في مداخلتنا علشان نقدر نستنتج

ماجستير ,, 10 سنين خبرة ,, متزوج مع طفبين ,, مقدم من الكويت ,, فيديرال ,,, الفايل نمبر وصل في 9 /2007 ,,, لا ازال انتظر

هذا المثال طبيعي ولا يدعوا للقلق ,, بعد مرور سنتين ممكن الواحد يقلق

اعتقد الكلام ده مش دقيق

انا معايا ماجستير و مراتي بكالوريوس و عندنا 3 اطفال و معايا وقت التقديم حوالي 12 سنه خبره و قدمنا سنة 2001 من السعوديه و فيديرال و لسه عامل الميديكال في 2008 !!!!!

و على فكره اعرف اكثر من حاله مشابهه لحالتي

[حسام يوسف]

والله يا جماعة ، أنا لا باتنرفز على الراجل من فراغ ولا حاجة قرصتني ؛ فجيت أتظرظر عليه!

أنا أساساً جايلي ستيفنيس في رقبتي ، يمكن لأول مرة في حياتي! وقاعد زي الروبوت ، ولا عارف انام ولا عارف اتحرك! ولو نمت وجيت اتقلّب ، أصحى من الألم!

ومديها النهارده بس 6 كبسولات ميولجين (ماصل ريلاكسانت) و3 بونيدون 75 كبسول (يعني بتاع ضعف الجرعة المسموحة من الإندوميثاسين - أغبى مسكن ع المعدة) ، بس اعمل إيه؟! إحساس صعب إنك مش عارف ترتاح في أي وضع!

وف نفس الوقت ؛ لو كنت شديت شوية على أخونا دينتيست ، فيمكن من تعاملي معاه كأخ أكبر ، ومحاولة دفعه إنه يتحرك ويستفيد بالوقت! وما يكونش سلبي.

وعموماً حقك عليا يا دكتور دنتيست ، ولو تحب إني ألغي التعامل بالعشم ده ، يبقى حاضر ، بس مش هاحس ساعتها إني مهتم بموضوعك بجد ، وحريص عليه.

ويمكن أنا ما فهمتش إعتراضات أخونا كابتشينو ماشية في أنهو اتجاه بصراحة!

وتعرف يا دينتيست... أنا أكتر حاجة عجبتني في د. قناوي (اللي ماسك مدير مستشفي في بلده) ، إنه مش بيكابر يروح يشتغل أي حاجة هناك! تخيل؟ النقطة دي بصراحة احترمتها فيه جداً جداً. عقلية بالمنظر ده تستحق كل تبجيل وتقدير.

أنا نفسي ما عنديش مشكلة إني أبدأ حياتس حارس أمن أو سواق تاكسي أو مسعف أو ممرض في بريمة... دانتا لو اشتغلت زبال هناك برضه هتكون إنسان محترم. محدش قال إن البداية سهلة في أي مكان.

واحد صاحبي في مصر (دكتور نسا) ، لما قلتله إني لو اتزنقت وما عرفتش أخلّص معادلة الميديك ، ممكن أشتغل سيكيوريتي جارد على بنك أو في عمارة ، شغلانة مريحة ، وهتديلك وقت فاضي تذاكر فيه ، ودخل كويس تصرف على نفسك ، وممكن تحوش منه كمان! وف الوقت ده ممكن تدبر أمور المعادلة. البيه سخن عليّا ، وانتا ازاي تقبل ، وبعد ما كنت دكتور محترم في بلدك ؛ تروح تتبهدل ف الغربة! إلى آخر العقلية المصرية إياها! ندمت إني كلمته أصلاً عن البلان بتاعتي!

ولا وانا باكلمه من كندا ، وباحكيله عن إنطباعاتي ، وفرحتي بالحياة هناك ، البيه يرد عليا إن كل دي أوهام ، وإن أكيد أنا شايف الصورة من بره ، ودي فكرة سطحية عن المجتمع ، والناس بتتظاهر ، والحقيقة مش كده!

ساعتها قلتله : هيتظاهروا بإيه؟ إنهم بيبتسموا في وشي؟ ولا إنهم بيساعدوني؟ ولا إنهم بيتطوعوا بإسداء النصيحة ليّا من غير ما اطلبها؟ ولا بتعاملهم باحترام معايا في أي مصلحة أحتاجها؟ ولا إنهم طيبين؟ ولا إن الحياة ماشية بهدوء ومفيش تنشنة ولا شد أعصاب وحرقة دم؟ ولا إني مبسوط باللايف استايل اللي حاسس بيه هنا؟! وف الآخر قلتله : خلاص يا سيدي ؛ كندا بلد بنت ستين كلب ، ولا يعلى على مصر أم الدنيا! اللي ما شفتش البهدلة ولا الفقر غير لما خرجت برّاها! إرتحت يا سيدي؟!

وساعتها أحمد الديب قاللي : إنتا غلطان ، عامل كل واحد على حسب عقليته ، وبيقوللي إن المفروض أقدر العقلية المصرية في التفكير ، ونظام الشغلانة الميري!

وأفتكر برضه موقف تاني (شكلنا مش هنكتب حاجة في موضوعي النهارده!!!)...

كان معايا ف البريمة بتاعتي السابقة (في الصحرا الغربية) مهندس ميكانيكا قوى... كان شغال سنيور ميكانيك.

الراجل ده كلمني على الفرق بينه وبين واحد صاحبه اختار الكلاسيك باثواي (الحكومة)... هوه شغال ف البريمة ، ودي بيشتغل بإيده ، وشحم وبهدلة ، زي الصنايعي بالظبط ، و12 ساعة شغل و 12 ساعة راحة ، و14 يوم شغل و14 يوم أجازة. وصاحبه ودفعته شغال في شركة حكومية أو تبع الحكومة ، مدير مشروعات ، وبتجيله كل يوم عربية الشغل بالسواق بتاعها تحت البيت كل يوم ، وقاعد في مكتبه ، ومدير وكده!

لكن بعد كام سنة ، لما ييجي يجوّز بنته ؛ هوه مرتبه بتاع 3 تلاف دولار ، وصاحبه مرتبه مش هيجيب ألف جنيه ، يبقى يخلّي العربية أم سواق والمكتب والمنظرة يساعدوه في تجهيز البنت! آهو بيتبهدل صحيح ؛ لكن آهو مرمي ف الشغل ، ومحدش حاسس بيه ، ولما بينزل أجازة ، قاعد باله مرتاح ، ولا شايل هم المصاريف وأول الشهر!

أنا عن نفسي مش باكابر خالص في موضوع المهنة ده. وممكن أشتغل أي حاجة ف الدنيا ، ولا عندي مشاكل نفسية! ممكن أترحم شوية ع الشغل ف البترول والمخمخة والمرتب والعز ف السعودية ، بس أنا بطبعي ما باندمش! وشايف إن الشغل ده وسيلة لكسب دخل عشان أعيش الحياة اللي أتمناها. مش عشان سمو المهنة ، والروحانيات وأزيل عناء البشر اللي بيعانوا إلى آخر البطيخ ده! أنا درست واتبهدلت عشان أعيش حياة كريمة ف الآخر. وبس!

وعندي استعداد إني أبدأ أي بداية - لو ما مشيش المخطط اللي في دماغي - إلى أن أعرف إزاي أوصل للي في بالي. وله ما حصلش برضه مش هيكون عندي مشاكل نفسية!

وأحب أقول لك إن فيه ناس اتحكالي عنهم قعدوا عاطلين (بيصرفوا من المدخرات لمدة 3 أو 5 سنين) لغاية ما عمل المعادلة وأخد اللايسنس! بس كده إنتا بتقامر على حاجة في علم الغيب! عموماً دي اختلافات فردية من واحد للتاني.

أما بخصوص تبات ف الشارع دي ... أول مرة أسمع حد شاغل نفسه بالكلام ده. السكن متاح ، والأكل والمواصلات وكل حاجة. وأي شغلانة هتشتغلها - أياً كانت - هتغطيلك كل دول.

وإن كنت خابف ع الـ 6 سنين ؛ فأنا ود. قناوي مثلاً مضيعين 7 سنين ونص ، والتكليف ، والجيش ، وهوه دبلومة الجلدية ، وانا كنت خلّصت الفيرست بتاع ماجستير العظام من عين شمس ، وكانت الرسالة وبروتوكولها جاهزين للمناقشة ، وكبّرت وقلت طز! الماجستير ده ، لا أنا محتاجه في شغلي ف البترول ، ولا له أي لازمة في كندا! مش ناقصة أرف المشرفين! :happy:

وأعتقد د. الشامي مضحي بأكتر من كده كمان. تعتقد كل ده بلا مقابل؟!

وزي ما دايماً باقول ، كندا مش فلوس ولا منصب... كندا مجتمع وناس ولايف ستايل.

أو ع الأقل ده اللي انا شايفه!

حدد يا دكتورنا إنتا عاوز إيه من كندا بالظبط ، وساعتها هنقدر نقول لك تستاهل تضحي بالـ 6 سنين ولا تخليك في مصرنا الغالية أحسن لك!

السلام عليكم

معلهش لو كنت هطلع عن موضوع زميلنا دكتور الاسنان

انت تعبان يا دكتور تهامى؟

الف الف سلامة عليك

بجد انا زعلت

دة انت اللى بتضفى ع المنتدى لمسة المرح

هوة فية حاجة عايز اقولها بعد اذنك

لو شفت كلامى صح

بالنسبة لموضوع المسل سبازم اللى فى رقبتك

جربت التيزانيدين

المعروف فى مصر بالسيردالود

الحقيقة انة اقوى من البرفرال مسل ريلاكسانت بمراحللأنة سنترال

جربة لو شفت ان كلامى منطقى

قرص 4 مجم صباحا

وزية بالليل

ومعلهش هوة بينيم شوية

بس باذن الله

هتبقى بعدة زى الفل

لو كلامى غلط

ياريت تفيدنى

احب اتعلم من خبراتك

تحياتى والف الف سلامة

[moheltohamy]

ربنا يخليك يا حسام. فعلاً ، م الواضح إنك متابع روشتات الدكاترة بتوع أسوان التعليمي كويس ;)

وفعلاً ، واحد صاحبي مدرس مخ وأعصاب بيزن على السيردالود ده.

وعموماً الحمد لله ، الموضوع أرحم من الأول بكتير. كلها كام يوم ، والدنيا ترجع باك تو نورمال تاني.

شكراً على اهتمامك :happy:

[Bustami]

من 2001 الى 2008 ,,, كتير ,, اكيد في حاجة ,,,, اطول مدة سمعت وقرأت عنها كانت 5 سنين ,,,, انت مقدم على مكتب ولا لوحدك ,في بريد كان بيضيع ؟ ياريت تقولنا على التواريخ كلها , يعني التقديم والاتصال بك علشان الميديكال وهل كان بينهم اي اتصال

في مكتب بالكويت سمعته كويسه انا مقدم معاه وتعرفت على 2 من المقدمين معاه في اول 2006 وبدأو يعملو الايلتس والميديكال من شهر 6 2008 يعني كله على بعض سنتين ونص ,,,,,, المكتب اسمه المنصور في عمارة الاسماك في منطقة شرق في الكويت

[Bustami]

من 2001 الى 2008 ,,, كتير ,, اكيد في حاجة ,,,, اطول مدة سمعت وقرأت عنها كانت 5 سنين ,,,, انت مقدم على مكتب ولا لوحدك ,في بريد كان بيضيع ؟ ياريت تقولنا على التواريخ كلها , يعني التقديم والاتصال بك علشان الميديكال وهل كان بينهم اي اتصال

في مكتب بالكويت سمعته كويسه انا مقدم معاه وتعرفت على 2 من المقدمين معاه في اول 2006 وبدأو يعملو الايلتس والميديكال من شهر 6 2008 يعني كله على بعض سنتين ونص ,,,,,, المكتب اسمه المنصور في عمارة الاسماك في منطقة شرق في الكويت

[MZohairy]

ابدا والله

خدت رقم الملف في 2001

عملت مره ابديت سنة 2004

و مره تانيه سنة 2006 لإضافة ابني الجديد

و عملنا الانترفيو في اخر 2005

و طلبوا مننا الميديكال في 2008

و مفيش بريد ضاع ولا حاجه

و عندي محامي ماسك الموضوع في كندا

و حاليا مستنيين يطلبوا الباسبورات عشان يدونا الفيزا

بس

[dentist]

دكتور تهامي انا قمت بزيارة المواقع بتاعة المعادلة هناك وعرفت التكاليف والنظام,,,,,كنت حضرتك قولت في رسالة قبل كده انه ممكن معادلة الاطباءالكندية تتاخد من السعودية وان اصحابك قالوا عليها سهلة,,,,ممكن بس توضحلي النظام في النقطة دي لانها مش موجودة في الويب سايت بتاعهم,,,,وهل ينفع اساس انها تتاخد من مصر ,,,زي الزمالة البريطاني

[حسام يوسف]

ربنا يخليك يا حسام. فعلاً ، م الواضح إنك متابع روشتات الدكاترة بتوع أسوان التعليمي كويس :lol:

وفعلاً ، واحد صاحبي مدرس مخ وأعصاب بيزن على السيردالود ده.

وعموماً الحمد لله ، الموضوع أرحم من الأول بكتير. كلها كام يوم ، والدنيا ترجع باك تو نورمال تاني.

شكراً على اهتمامك angl::

السلام عليكم يا دكتور تهامى

انامش متابع دكاترة اسوان التعليمى ولاحاجة

انا كنت ميديكال ريب على السيردالود من زمان

وعارف مشاكل المسل سبازم الرخمة

بالاضافة لأنى دايمابسافر مسافات طويلة والموضوع دة بيحصلى كتير

وفعلا السيردالود هوة الحل

تحياتى

والف سلامة عليك

[Bustami]

سلام للجميع

سمعت عن واحد كان مقدم من الكويت عن طريق مكتب , بعد مرور سنتين قدم اختبار الايلتس عن طريق المعهد البريطاني ولم يحصل على المطلوب ولعدد 3 مرات , محتاج 7 7 5 5 , وانتهت صلاحية الفايل نمبر بتاعه , الان قدم من جديد وبالقانون الجديد , هو مهندس وممكن يخلص خلال سنة ونص ويعمل لانديج , حسب القانون الجديد الي بياخد الكفاءات الجيدة بسرعة,

المهم حيقدم اختبار الايلتس مع معهد اسمه IDP , انا قدمت الايلتس عن طريق المعهد ده , اسهل من المعهد البرطاني في التصليح وهذا مؤكد لانه في واحد جاب 7 6 6 6 مع البريطاني وجاب 7 7 7 7 مع ال IDP ,,,, ابسط حاجة انه بيكون في سماعة خاصة لكل واحد يعني مش حيفوت منك كلمة في lestining ,,,,, والي بيعملك ال speaking لغته سهلة ومفهومة

ليهم ويب سايت وموجدين في كل العالم

[Bustami]

سلام

اختبارات الايلتس في السيت ده

http://www.ielts-exam.net/index.php?option...ge&Itemid=1

[ابوقصي]

السلام عليكم ورحمة اللة وبركاتة

عندي اسباب خاصة تجبرني على طلب اللجوء في كندا ... سؤال من الاخوه الذينا لهم معرفة بموضوع اللجوء ... انا قدمت لجوء في بريطانيا واخذت بصماتي فيها واعلم ان بصماتي موجوده في جميع دول الاتحاد الاوربي بسبب اتفاقية دبلن بينهم ... لاكن هل كندا مربوطة معهم في تبادل البصمات ومعرفة كندا اني سبق لي تقديم اللجوء في بريطانيا ... هذا هو سؤالي ... اتمني من الاخوه مساعدتي في ذلك