استفسارات حول الهجرة - 1

[abee]

وكله مكتوب على موقع الهجرة الكندي... بس مين اللي بيقرأ؟!!!!!!!!!!!!

لتقيم نقاطك اقرا في موقع الهجرة الكندي ( علشان تعرف اذا كنت مؤهل ولا لأ)

How to estimate your points

Factor 1: Education

Factor 2: Language ability

و ستجد كل شئ مجدول

http://www.cic.gc.ca/english/information/a...guides/EG74.asp

[mahmoh]

اول موضوع لى هو عبارة عن استفسارات

اولا ان بكالريوس نظم معلومات ادارية

ثانيا خلال قراءاتى فى المنتدى وبالاخص فى موضوع المعادلات لم اجد مايفيدنى لمعادلة شهادتى فهل من الممكن الافادة بمكان وتكاليف معادة الشهادات من مصر

ثانيا اللى انا فهمتة انة لازم يكون عندى حوالى مبلغ 20000 دولار كندى لو معنديش المبلغ دة ولكن عندة شغلانة متامن عليا فيها فى حالة اثبات جديتى انى هاشتغل اى حاجة لحاد ماشتغل الشغل اللى نفسى فية اية هايكون الموقف شاعتها علما بانى ان كان فية حل انا هاسافر ومعايا اللى يكفينى لحاد ما اشتغل بس طبعا مش 20000

الرجاء ضرورى الرد لانهمية هذا الموضوع لدى

[Bustami]

خلصت بكالوريس امتى ؟ عندك كم سنة خبرة ؟ حتقدم لوحدك او مع زوجتك واولادك ؟

المعادلة معرفش عنها حاجة

الفلوس لو انت وزوجتك وولد واحد يبقى 14000 دولار , لو لوحدك اظن 8000 او 9000 دولار

قدم ولا تتاخر

[Bustami]

خلصت بكالوريس امتى ؟ عندك كم سنة خبرة ؟ حتقدم لوحدك او مع زوجتك واولادك ؟

المعادلة معرفش عنها حاجة

الفلوس لو انت وزوجتك وولد واحد يبقى 14000 دولار , لو لوحدك اظن 8000 او 9000 دولار

قدم ولا تتاخر

[mahmoh]

اولا شكرا على المرور

ثانيا يااستاذى انا خريج السنة دى

والحمد لله انا لسة اعزب

ثالثا انا ممعيش المبالغ دى كلها ومااعتقدش انى هاعرف اجيبها دة رقم (1)

انا عايز اسال على ان كان فى حل غير تحويل الفلوس ؟؟؟ وان كان فى ... فاية هو

[Bustami]

قدم لوحدك علشان توفر فلوس المحامي , خد فلوس من اي حد وردها بعد ما تدخل كندا

بس انت محتاج على الاقل سنة خبرة وبعدين لازم تجيب 7 في اختبار الايلتس الانجليزي

وعلشان تقدم دلوقتي لازم تدفع لكندا 550 دولار

باختصار ال 67 نقطة ممكن توصلهم كالاتي

20 تعليمك عندك من دلوقتي

21 خبرة 4 سنين

16 الانجليزي من تجبهم من دلوقتي

5 الزوجة

10 العمر عندك من دلوقتي

[nona alawaal]

الأخوة الاعزاء اسمحولي اولا اني اقول ان مفيش حاجة اسمها وظائف مقبولة او غير مقبولة للهجرة ... كندا محتاجة كل الوظائف ... وكل الوظائف محترمة من المجتمع سواء كنت طبيب او فران المشكلة ان بعد تعديلات نظام الهجرة بقى فيه وظائف بتمشي اسرع من وظائف يعني زي الاطباء و المهندسين و التمريض مثلا ممكن تخلص اجراءتهم في ظرف سنة بالكتير اما البقية فبتاخدلها من 3 الى 4 سنين حسب المكتي اللي انت مقدم منه وعموما دراسة العمارة الداخلية او الديكور بتتحسب بكالوريوس لو كانت 4 سنين

ودلوقتي نتكلم في الــ NOC

لو دخلت موقع

و بصيت على العمود الشمال حتلاقي حاجة اسمها Matrix و ده تعمله داون لود حيظهر انه جدول عام بأرقام الوظائف و اسمائها اما التقسيم A B C D ده علشان يوضحلك ايه المؤهلات اللي لازم تكون معاك علشان تقدر تشتغل الوظيفة دي يعني مثلا العمود رقم 3 خاص بالصحة بيكون تحتيها 031 وده الميجور جروب و تحته 311 للأطباء و اطباء الاسنان و 313 للصيادلة وهكذا و بتلاقي ان اللي ببيشتغل الشغلة دي لازم يكون معاه تعليم جامعي اما المجموعة D فدي عادة بتكون محتاجة تدريب بس بدون شهادة و منها الكاشير وهكذا ... انت بس ما تشغلش بالك في المسائل دي قدم طلبك وحط الرقم بتاعك في النوك اساسا الموقع اللي بقلك عليه ده ممكن يفيدك في معرفة معدل الدخل السنوي و المنافسة في مهنتك و مستقبلها و ايه اللي لازم تدرسه لو عايز تشتغلها يعني احصائيات

و الممتاز في الموضوع ان مهنة مصمم الديكور مش محتاجة معادلة شهادات زي الطبيب او الصيدلي او المهندس و كل المطلوب انك تنتسب لحاجة زي نقابة المصممين و عادة لازم تعمل دورة او اتنين في كلية او حتى بالمراسلة تتعرف و تنتسب مباشرة بعد ما تخلص و عادة مصممي الديكور بيشتغلوا في محلات فرش المنازل كمبيعات و خبراء يساعدوا الناس و منهم من يعمل ضمن شركة تصميم ديكور او بيفتح بيزنس خاص فيه و اكترهم بيعمل بيزنس خاص

دي المعلومات اللي عندي و يارب تكون مظبوطه ولو فيها حاجة غلط اتمنى انكم تصححوني

اضافة مفيدة ........... شكرا جزيلا و بارك الله فيك

ممكن بقى تفيدنا كمان ...... البكالوريوس............. 16 سنة دراسة من الابتدائى الى التخرج تتحسب بكام درجة ( 20 و له 22 )؟؟؟؟؟؟؟؟؟؟؟

[qenawy]

20

البكالوريوس 20 حتي لوكان 18 سنة زي الطب برضه 20

وشكرا

[moheltohamy]

بعد إذنك يا سيد بسطامي... الراجل مش متجوز أصلاً ، منين هيجيب الـ 5 نقاط بتاعة الزوجة؟ دانتا جوّزته واحدة معاها ماجستير كمان!!!

وبيقول لك لسه متخرّج! تقوم تدّيله 21 نقطة في الخبرة؟!! :lol:

هوه صحيح المفروض نشجع الشباب ، ونرفع روحهم المعدنية ، بس مش نعيّشهم ف الوهم!

بص يا أستاذ ماهموه... نحسب لك النقاط مع بعض (بس ع الأقل سنة خبرة):

المؤهل 20

السن 10

الخبرة 15

------------

الإجمالي 45

يبقى لسّالك يا حلو 22 نؤطة تجيبهم في اللغة (من 24) ، يعني تنسى! إلا إذا كنت إبن الحاجة إليزابيث ملكة إنجلترا (صباح الفل يا د. قناوي :sad: ) ، ومتجوز بنت ميتران! :wub:

ومن منطلق إن القانون الجديد - المفروض - رد السفارة من 6 شهور لسنة... يبقى نصيحتي ليك ...

تبدأ تحسّن مستواك في اللغتين ، وممكن تدخل اختبار تحديد المستوى ف البريتيش كاونسل ، وتبدأ كورسات الفرنساوي ف المركز الثقافي الفرنسي في المنيرة.

وممكن تحسب لنفسك نقطتين فرنساوي (بفرض إنك هتوصل للمستوى السادس أو السابع في السنتر) ، ومش هيخسّر لو دخلت امتحنت الآيلتس ، آهو تبقى عرفت انتا واقف فين بالظبط.

وبناءً على نتيجتك في اللغة ، هتستنى تجمّع سنوات الخبرة.

وبالنسبة للـ Proof of Funds ...

لازم تجيب إثبات بمبلغ 10,600 دولار (دولار ينطح دولار).

تجيبهم منين بأه؟ ده مش شغلهم. ممكن تستلفهم من أي حد ، وتحطهم في البنك ساعتين وتطلّع بيهم Bank Statement ، وتسحبهم تاني.

ولما تيجي تسافر (ربنا يحيينا ويحييك) ، هيطلبوا منك تحولهم على هناك. وساعتها يا سيدي هتتحل ؛ ما تقلقش.

ممكن تستلفهم برضه ، وتحولهم أو تاخدهم معاك على كندا ، وتحولهم تاني من هناك لمصر! وتتصرّف إنتا مع نفسك بأه هناك!

أما الكلام بأه... أنا كويس ، وهاشتغل ، وهالحس التراب ، ومش هاشتكي... السفارة مالهاش دعوة بالكلام ده. فيه رولز همه ماشيين عليها.

إنسى الأسلوب المصري بتاعنا ده خالص!

وبالتوفيق يا ريس...

[alaashabana]

دكتور تهامى

انا عارف انك زهقت منى بس اعمل اية بحب اسلوبك فى الكلام والله ..

انا دورت عليك لاقيتك فقولت انتهز الفرصة واسألك شوية اسألة وتقولىعلى النصيح وبالمرة تشوف انا اجيب قط قد اية ..

بص يا سيدى

انا بكالوريوس تجارة

عندى 24 سنة

مش متجوز بس ناوى ان شاء الله بالكتير كمان سنة ونص اكون اتجوزت

الانجليزى بتاعى كويس بس معرفش اقدر اجيب كام

عندى سنتين خبرة منهم سنة فى الامارات واقدر اطلع منها شهادة خبرة والسنة التانية فى مصر بس مش هعرف اطلع شهادة خبرة الا لو ضربت واحدة.

مراتى ان شاء الله جامعية

الفرنساوى حماار .. بس متهيألى صعب اتعلمة لان فية دراسات تانية تبع المحاسبة هبدأ فيها .

انا ممكن اعمل شهادة خبرة بارت تايم بسنتين .. بس هتبقى ايام الدراسة .. هل ممكن يشكوا فيها ؟؟ وهل هما بيتصلو ا بالشركة علشان يتأكدوا من الشهادة ..؟؟

الضمان المادى ممكن اتصرف فية . بس انا كنت عاوز اسأل هل لازم يكون فلوس فى البنك .؟ يعنى انا عندى شقق ممكن اخلى والدى يكتبها بأسمى هل دة كويس ولا مش هينفع معاهم؟

ثانيا هل لازم الضمان المادى يكون فىالبنك فترة طويلة ؟ يعنى هيطلبوا كشف حساب لمدة سنة مثلا فاتت..؟؟

انا عارف يا تهامى انى بتقل عليك بس بصراحة عاوز دلوقتى افتح ملف علشان احس انى مستنى حاجة وكمان بدل ما قوانين تطلع جديدة .. بس كل المشكلة اللى عندى هى الخبرة

انا ممكن اعمل شهادات خبرة واوثقها وهتكون بمعرفة مدير الشركة " يعنى هيكون على علم بها" يعنى انا ممكن اعمل سنتين خبرة فول تايم واعمل 4 سنين خبرة بارت تايم " يعنى بسنتين " لكن انا خايف يتصلوا او يستفسروا عن الشهادات دى ويشكوا انها اى كلام ..

ياريت تفدنى بجد وجزاك الله خير ..

ملحوظة :: ان اعارف ان انتم اتكلمتوا كتير فى المواضيع دى بس انا مشتت ومش عارف اعمل اية

ملحوظة تانية :: بالله عليك ترد علية براحة وبلاش تتنرفز ولا تتعصب علية

[qenawy]

الاخ الفاضل علاء شبانة

اياك ان تتلاعب في شهادات الخبرة

مما قرات انهم قد يرسلوا من يسال عنك في مكان عملك بسيارة السفارة يعني بياخدوا المواضيع جد جدا والكذب في اي ورقة يعني الرفض المطلق

فامشي عدل يحتار عدوك فيك

الناس دي اصحاب بلد من G8 يعني دولة عظيمة ومش سهل انهم ينخدعوا

تحياتي

[moheltohamy]

دكتور تهامى

انا عارف انك زهقت منى بس اعمل اية بحب اسلوبك فى الكلام والله ..

انا دورت عليك لاقيتك فقولت انتهز الفرصة واسألك شوية اسألة وتقولىعلى النصيح وبالمرة تشوف انا اجيب قط قد اية ..

بص يا سيدى

انا بكالوريوس تجارة

عندى 24 سنة

مش متجوز بس ناوى ان شاء الله بالكتير كمان سنة ونص اكون اتجوزت

الانجليزى بتاعى كويس بس معرفش اقدر اجيب كام

عندى سنتين خبرة منهم سنة فى الامارات واقدر اطلع منها شهادة خبرة والسنة التانية فى مصر بس مش هعرف اطلع شهادة خبرة الا لو ضربت واحدة.

مراتى ان شاء الله جامعية

الفرنساوى حماار .. بس متهيألى صعب اتعلمة لان فية دراسات تانية تبع المحاسبة هبدأ فيها .

انا ممكن اعمل شهادة خبرة بارت تايم بسنتين .. بس هتبقى ايام الدراسة .. هل ممكن يشكوا فيها ؟؟ وهل هما بيتصلو ا بالشركة علشان يتأكدوا من الشهادة ..؟؟

الضمان المادى ممكن اتصرف فية . بس انا كنت عاوز اسأل هل لازم يكون فلوس فى البنك .؟ يعنى انا عندى شقق ممكن اخلى والدى يكتبها بأسمى هل دة كويس ولا مش هينفع معاهم؟

ثانيا هل لازم الضمان المادى يكون فىالبنك فترة طويلة ؟ يعنى هيطلبوا كشف حساب لمدة سنة مثلا فاتت..؟؟

انا عارف يا تهامى انى بتقل عليك بس بصراحة عاوز دلوقتى افتح ملف علشان احس انى مستنى حاجة وكمان بدل ما قوانين تطلع جديدة .. بس كل المشكلة اللى عندى هى الخبرة

انا ممكن اعمل شهادات خبرة واوثقها وهتكون بمعرفة مدير الشركة " يعنى هيكون على علم بها" يعنى انا ممكن اعمل سنتين خبرة فول تايم واعمل 4 سنين خبرة بارت تايم " يعنى بسنتين " لكن انا خايف يتصلوا او يستفسروا عن الشهادات دى ويشكوا انها اى كلام ..

ياريت تفدنى بجد وجزاك الله خير ..

ملحوظة :: ان اعارف ان انتم اتكلمتوا كتير فى المواضيع دى بس انا مشتت ومش عارف اعمل اية

ملحوظة تانية :: بالله عليك ترد علية براحة وبلاش تتنرفز ولا تتعصب علية :fool:

حاضر يا علاء... نحسب مع بعض النقاط بتاعتك... ولا هاتنرفز عليك ولا حاجة... وانتا أصلاً جايلي وانا بنُص عين وبدأت أفصل ، وطالبة نوم معايا الصراحة. المهم...

المؤهل : 20 نقطة

السن : 10 نقاط

الخبرة : 15 نقطة (سنة واحدة)

-------------------------------

المجموع: 45 سنة (زي ماهموه صاحب التوبيك)

وهاحاول أجاوب على الأسئلة من كلامك انتا...

مش متجوز بس ناوى ان شاء الله بالكتير كمان سنة ونص اكون اتجوزت

مراتى ان شاء الله جامعية

ربنا يكتبهالك يا سيدي ، بس هوه فيه حد بيتجوّز بالاستوب ووتش؟! عموماً ، لو معاها بكالوريوس هتاخد 4 نقاط إضافيين ف الأدابتابيليتي.

الانجليزى بتاعى كويس بس معرفش اقدر اجيب كام

ومستني إيه بس يا علاء؟ ما تدخل الآيلتس. هوه هيعضّك؟

الفرنساوى حماار .. بس متهيألى صعب اتعلمة لان فية دراسات تانية تبع المحاسبة هبدأ فيها .

حلو جداً ... آدي صفر المونديال. أصدي صفر في الفرنساوي!

انا ممكن اعمل شهادة خبرة بارت تايم بسنتين .. بس هتبقى ايام الدراسة .. هل ممكن يشكوا فيها ؟؟ وهل هما بيتصلو ا بالشركة علشان يتأكدوا من الشهادة ..؟؟

بس كل المشكلة اللى عندى هى الخبرة

انا ممكن اعمل شهادات خبرة واوثقها وهتكون بمعرفة مدير الشركة " يعنى هيكون على علم بها" يعنى انا ممكن اعمل سنتين خبرة فول تايم واعمل 4 سنين خبرة بارت تايم " يعنى بسنتين " لكن انا خايف يتصلوا او يستفسروا عن الشهادات دى ويشكوا انها اى كلام ..

آهو ده بداية الغلط بأه... وزي ما قال لك د. قناوي ؛ إمشي عدل يحتار عدوّك فيك.

آه يا علاء بيتصلوا بشئون العاملين ويطلبوا تواريخ محددة لالتحاقك بالعمل (وعشان كده بيطلبوا ورقة شهادة الخبرة يكون فيها الكونتاكت ديتيلز بتاعة شغلك ، أكيد مش عشان يدّوهم مسد!) ، وبيسألوا عن شوية بيانات عنك ، عشان يتأكدوا إن مفيش لعب.

وشهادات البارت تايم دي لمؤاخذة تلفها ... وترميها ف الزبالة! :ninja:

همه عاوزين شهادات خبرة ، يعني شغل بجد (Full time job).

وبعلم صاحب العمل ولاّ من وراه... مش دي القصة... لما يتصلوا ويطلبوا يتكلموا مع الـ HR ، عشان يسألوه عن بيانات سعادتك. المفروض الكلام اللي يسمعوه يكون مطابق للورق اللي في إيديهم. أما بخصوص عربية السفارة والكلام بتاع د. قناوي ده ، ما عنديش فكرة عنه الصراحة!

وخلّي بالك... موظف السفارة من حقك يرفض الملف بتاعك في أي وقت... وبدون إبداء أسباب.

خدها نصيحة مني ، وما تهرّجش مع العالم دول يا علاء.

الضمان المادى ممكن اتصرف فية . بس انا كنت عاوز اسأل هل لازم يكون فلوس فى البنك .؟ يعنى انا عندى شقق ممكن اخلى والدى يكتبها بأسمى هل دة كويس ولا مش هينفع معاهم؟

ثانيا هل لازم الضمان المادى يكون فىالبنك فترة طويلة ؟ يعنى هيطلبوا كشف حساب لمدة سنة مثلا فاتت..؟؟

مش هينفع معاهم... الكلام واضح وصريح... 10,600 دولار في البنك.

وكل اللي عملته إني حطيت المبلغ ده (كان مطلوب 9,600 دولار على وأتي أنا آخر 2004) لمدة 3 تيام وبس.

سمعت بعد كده (سمعت) إنهم بيطلبوا شهادة بحسابك البنكي في آخر 6 شهور. هذا والله أعلم. بس ما عنديش المعلومات دي بصورة أكيدة.

لكن رأيي - برضه زي ما قال لك د. قناوي - ريحتنا فاحت ، وحركات الصياعة اللي بنعملها هنا (قبل التقديم للهجرة) ، أو هناك (قبل التقدم للجنسية) اتهرشت... العالم دول مش بقر يا علاء... حاول تمشيها صح.

بص يا علاء...

الهجرة هتقدم عليها ، وانتا بإذن الله في المستقبل القريب... مواطن كندي...

إمشي مع التيار ، وخليك معاه ع الهادي... وما تستعجلش أمورك... كلّه هييجي في وأته.

رأيي... أصبر ع التقديم سنتين كمان (أو تلاتة)...

وفي خلال الوقت ده ترفع من مستواك في الإنجليزي ، ويا ريت لو تدخل الآيلتس ، آهو تعرف إنتا فين ، ومستواك يجيب كام نؤطة... مفيش حاجة اسمها أنا كويّس في الإنجليزي. مين اللي قال لمعاليك إنك كويّس؟!

هل انتا خرّيج مدارس لغات؟ لأ... يبئى تتركن على جمب! وهتحس بكلامي ده وانتا هناك في كندا ، ومش عارف تطلب كباية كابوتشينو من تيم هورتونز! هتتأكد ساعتها إننا ميييييييح!

ولو تبدأ تدرس فرنساوي (لو معاك لغتين فرص شغلك في خدمة العملاء والاستقبال بتزيد هناك) ، يكون كويّس.

وحاول دايماً أي شغل تفكر تسيبه ، أو قبل ما تسيبه بشوية تطلب شهادة خبرة قبل ما تمشي.

وآهو تكون حوّشتلك شوية فلوس ، أكتر م الـ 10 تلاف دولار دول ، اللي ما يعملوش حاجة هناك!

دا الطلعة الأولى هناك ممكن تاكل 6-7 تلاف دولار...

وهتبقى على أعصابك ، كل يوم يعدّي ما يجيلكش فيه شغل!

ومش هتلاقى حد يسندك هناك ، وهتفضل دايماً خايف... على إيه؟ ما تبدأ تحوّش من دلوقتي.

سنتين تلاتة كمان مش كارسة... الكارسة إنك تروح هناك وتتبهدل ، وساعتها هتكره كندا! وآسف إني اقولها!

وهتفضل نادمان ع العز اللي سبته ف الخليج.

إحسبها صح يا علاء ، وما تلهوجش نفسك ، عشان ما يجيش يوم وتندم.

كل حاجة وليها وقتها. وكندا مرحلة من مراحل حياتك ؛ زيها زي مصر والإمارات ، وممكن ما تكونش الأخيرة. يبقى تمشي في حياتك عادي جداً... حضر نفسك لتقديم الفايل ، بروقان وهدوء. وبعد ما يتفتح الفايل ، إنساه خالص ، وامشي في حياتك زي ماهي ماشية.

ولما السفارة تتصل بيك ، يبقى ساعتها نعيد تخطيط وجدولة حياتنا.

وده رأيي ، ليس إلاّ...

وأتمنى أكون قدرت أفيد...

[qenawy]

مش عارف تطلب كباية كابوتشينو من تيم هورتونز!

ازاي يعني ما نعرفش

هناك طريقتان لطلب الكابتشينو

الاولي

سقفتين واخد كابتشينو يا خواجة

الثانية كابتشينو مع استعمال الايدي والجسم في حركات تمثيلية بصب البودرة والتقليب في الهواء واكيد هيجيبلك سحلب

(افتكرت عادل امام لما طلب يروج عند الحاج احسن الصبي في ايطاليا)

[mahmoh]

ياجماعة انا متشكر اوى على التوضيح دة

بس بالنسبة لمعادلة الشهادة هل ينفع اعادلها من مصر ؟؟؟

وان كان ينفع فمنين واكون شاكر لو اية هى خطوات المعادلة؟؟؟

[samady]

السلام عليكم ياجماعة أنا عندي سؤال صغير لو حد يقدر يساعدني فيه

أنا كان المفرود أكمل الأبليكاشن وأقدمه للسفارة الأسبوع اللي فات :ninja: بس أنا واقف عند نقطة محيراني ، انتو عارفين ان الشاب مننا في مصر وخصوصا أول مبيتخرج بشتغل في مكانين وخصوصا الصيادلة لأن احنا عندنا يأما ندخل الجيش يأما بنقضي سنة في مستشفى حكومة (اللي هي سنة التكليف) وطبعا في خلال السنة دى الواحد بيكون الصبح في الحكومة وبليل في أي صيدلية ياكل منها عيش

طيب فين المشكلة

المشكلة إن أنا عندي 7 سنين خبرة بس وانا بملي الأبليكاشن لقيت ان أول 4 سنين التواريخ دخلة في بعضها (وده طبعا وفقا لشهادات الخبرة اللي معايا) يعني في أوقات أنا بشتغل في مكانين وفي أوقات بسيب واحد منهم وأشتغل في مكان تاني فيبقى في واحد مشترك مع شغلانتين وكده يعني

طب أنا أعمل إيه باه في الوضع ده أكتب التواريخ زي ماهي ولا أغير فيها شوية طب ولو كتبتها زي ماهي في السفارة هيعتبرو الشغل ده بارت تايم ولا فل تايم (مع العلم إني كنت بشتغل فل تايم في الأتنين والله يعني 16 ساعة في اليوم) طب ماشي لو اعتبروها بارت تايم يبقى أنا كدة عندي كام سنة خبرة

أفيدوني افادكم الله

[moheltohamy]

يا صمدي سلّك أمورك...

هوه احنا اللي هنقولولك (وش واحد اسكندراني) تظبّط شهاداتك وتواريخها ازاي برضه؟!

يا سيدي اتصرّف ، واختصر شهاداتك في المفيد بس. ثانياً ، هيه مش فارقة 4 سنين من 7 سنين. المهم ما يكونش فيه تعارض ف التواريخ.

وما تدخّلش نفسك في قصة شغلتين مع بعض (مفيش حاجة اسمها شغلانتين فُل تايم مع بعض - الفُل تايم يعني بتاع 8 ساعات يومياً).

هتقوللي باشتغل 16 ساعة ف اليوم ، وبتنام الـ 8 ساعات الباقيين. وعلى كده كنت بتختفي من واحد تطلع في التاني زي الأشكيف مثلاً؟ ولا فيه وقت للمواصلات ولا الأكل ولا الدُش حتى؟! :aslam:

ما تلخبطلهمش دماغهم يا عم صمدي في السفارة. همه مش ناقصين لخبطة أصلاً!

أنا عملت ضم لسنة الامتياز على سنوات الخبرة ، واللي كانت متقاطعة مع الجيش ، بس وزارة الصحة كانت بتحتسبلي سنوات الجيش من ضمن سنوات الخبرة.

م الآخر... إديهم شوية شهادات تواريخهم ورا بعض ؛ يجمّعوا الـ 4 سنين...

وشكراً

[moheltohamy]

الناس دي اصحاب بلد من G8 يعني دولة عظيمة ومش سهل انهم ينخدعوا

تحياتي

على ذكر الـ G8 يا د. قناوي...

اللي لفت نظري بأه ، إن الدول دي عبارة عن البارتيتة اياها بتاعت الحرب العالمية التانية (المحور والحلفاء) ، وكندا داخلة في وسطهم ... آهو غلاسة كدة (وش عادل إمام في مدرسة المشاغبين :aslam: )

(إنجلترا - فرنسا - أمريكا - روسيا) + (إيطاليا - ألمانيا - اليابان) + كندا !

حتة جد بأه : الكلمتين دول من على الـ CBC News عن الـ G8 :

The G8, whose member countries account for 60 per cent of the world's gross domestic product, says its members are united by common values of democracy, human rights and the free-market economy.

ولا تعليق :aslam:

الاولي

سقفتين واخد كابتشينو يا خواجة

نسيت الدَخلة...

أنا آوِز إسرابتو واخد كابوتشينو يا خبيبي :bro:

تم تعديل 24 أغسطس 2008 بواسطة moheltohamy

[alaashabana]

دكتور تهامى

اولا انا بشكرك بجد على كلامك الجميل والنصيحة بتاعتك وبشكر كل واحد قدم نصيحة او معلومة مفيدة فى حياتنا .

وطبعا بشكر استاذنا الكبير قناوى على نصيحتة وكلامة الجميل ..

انا فعلا كنت بفكر انى استنى سنة كمان واقدم على الهجرة ساعتها يبقى معايا 3 سنين خبرة وكنت هعمل حكاية سنتين بارت تايم ..

بس الحمد لله انكم وضحتولى الكلام السليم وان شاء الله هعمل بكلامكم واستنى اكون فعلا اخدت شهادات فى المحاسبة " شهادة كندية " اقدر ساعتها لما اسافر ان شاء الله اعرف اشتغل بها هناك .. وكمان فعلا اكون كونت نفسى كويس وبدل ما يبقى معايا 10 الاف دولار لأ انا اخليهم 30 الف على مش اتزنق هناك ..

ربنا يكتبهالك يا سيدي ، بس هوه فيه حد بيتجوّز بالاستوب ووتش؟! عموماً ، لو معاها بكالوريوس هتاخد 4 نقاط إضافيين ف الأدابتابيليتي.

لا طبعا ايا دكتور تهامى مش جواز بالاستوبوتش ولا حاجة .. بس انا خاطب جلوقتى وان شاء الله ناوى اتجوز بعد سنة ونص او سنتين بالكتير ..

لكن فعلا كلامكم كله صح .. لكن يمكن يكون الواحد مستعجل شوية .. وبصراحة خايف عقبال ما اتم 4 سنين خبرة مش الاقيكم تانى ومش الاقى نصائحكم المفيدة..

بس خلاص ان شاء الله هسيتنى لغاية فعلا ما تيجى لوحدها .. وكمان مش لازم تكون اساسية فى حياتى علشان لو ربنا مش ارد انها تتم حياتى تفضل زى ما هى ..

بجد انا مش عارف اعبر عن مدى حبى لكم واحترامى الكبير اوى اوى لكل الناس اللى بتقدم معلومة مفيدة . ويارب يارب يكون من حسانتكم وطريقكم للجنة باذن الله ..

لكن انا عندى سؤال اخير بقى ومعلش لو كنت تقيلت عليكم

دلوقتى انتم بتقولوا ان ممكن السفارة تتصل بالشركة وبالHR علشان تسأل انا فعلا اشتغلت بالشركة دى ولا لأ؟

لكن انا مثلا حاليا فى شركة مفيهاش اصلا HR ..هى شركة مقاولا كهربائية وصحية بالشارقة .. وان شاء الله هاخد منهم شهادة خبرة وهوثقها .. لكن نفترض دلوقتى الشركة دى قفلت لاى سبب .. او مثلا اتصلت بعد 4 او 5 سنين وقت المقابلة مثلا ان شاء الله ولاقيت مديرين تانين والموظفين اتغيروا .. ةسألت المدير الجديد او السكرتيرة وهى قالتلهم متعرفش . هيكون اية الحل..

يعنىه ل هما بيروحو الجوزاات ويعرفوا فعلا لو كنت على اقامتهم ولا لأ؟؟

طيب سؤال تانى

انا مثلا اشتغلت فى شركة وخلاص طلعت منها وعملت شهادة خبرة ووثقتها .. وانتم عارفين ان شركات مصر نعظمها بتشتغل من غير ولا عقد ولا يحزنون .. يعنى نظام عاوز تشت غل تعال هات اوراقك واشتغل..

دلوقتى السفارة هتتأكد ازاى انى فعلا اشتغلت فى الشركة دى ..بافتراض ان المديرين اتغيروا مثلا ومحدش فاكر انا اشتغلت عنهدم ولا لأ

طبعا يا جماعة الكلام دة كلة مجرد اسألةجات فى بالى .. لن انا خلاص مش هقدم ان شاء الله اى ورقة غير لما تكون صحيحة 100% وموثقة من كذا جهة .. حتى على الاقل ميبقاش حرام علينا لما نكذب ونزور فى الاوراق

متشكر يا جماعة على سعة صدوركم وعلى مساعدتكم لينا..

[moheltohamy]

يا علاء... مش عارف أقول لك إيه الصراحة!

بس سدّأني... الدنيا ما بتدّيش محتاج!

ارميها بالجزمة ؛ هتلاقي كل حاجة جايّالك تحت جزمتك!

لما كنت في شركتي القديمة في مصر ؛ حصلتلي مشاكل ؛ وكنت دايماً على أعصابي ، وكنت معرض أطلع منها!

دلوقتي أنا المفروض أمشي م الشركة بتاعتي حالياً ، واستقر في كندا... تلاقي المرتبات زادت بالعبيط! وأوفر تايم من كل ناحية! وشهادات ، وكورسات ، والدنيا بتترمي أدامي!

سبحان الله... يعني عشان أنا مش عاوزها أصلاً ، وباتلكك ع الوقت اللي أمشي فيه ؛ تلاقي الدنيا عمّالة تشد فيّا؟!

وكنت مرتاح ومستقر وزي الفل في مصر ؛ لدرجة إني كنت باستغرب ، لو جه رد السفارة ؛ إيه اللي يلخبطلي حياتي بعد ما استقرّت؟!

وهيه شوية والاقي السفارة بتتصل... عاوزينكو يللا تعالوا!

خلاصة الموضوع عشان ما ادخلش في موضوع تاني...

إمشي انتا في حياتك صح ، وحضّر ورقك واحدة واحدة ، وما تخافش من السفارة...

كل اللي بتقول عليه ده وارد جداً ، وممكن أي شركة في العالم تقفل ، أو تغير نشاطها ، أو تغيّر تليفوناتها ، أو تتحرق دوسيهاتها (أحسن من مجلس الشورى مثلاً؟)

لكن ما يتّصلوش بالـ HR ، ويقول لهم لأ معلوماتكو غلط... الإسم ده مش موجود في ملفّاتنا ، وعمره ما اشتغل عندنا!

وممكن جداً لا يتصل ولا يستفسر وراك. خصوصاً لو شهادة خبرتك طالعة من الحكومة مثلاً!

والموضوع لا فيه جوازات ولا تحرّيات ، الموضوع أبسط من كده بكتير. كل الموضوع إن الموظف عاوز يطمئن إن كلامك سليم.

كلمة أخيرة يا علاء... اللي في إيدك اعمله... واللي مش في إيدك ، يبقى مش بتاعك ، وما تشغلش نفسك بيه!

ده بتاع ربنا ، واللي كاتبهولك هيجيلك لغايت عندك.

وتفاءل خير...

[alaashabana]

عارف يا دكتو ر تهامى انا بحب اسألك لية اسألة كتيرة وبغلبك معايا اوى

مش علشان اعرف الرد وبس لأ صدقنى .. بس انت غصب عنك وانت بتجاوب بتقول كلام يعلق فى دماغ الواحد وبيستفاد منه فى حياته كلها مش مجرد فى موضوع الهجرة وبس ..

يعنى عارف زى ما يكون مثلا طال مجتهد وما صدق لاقى قدتمه عالم كبير بيبقى عاوز يسألة كل حاجةف ى الدنياعلشان يستفيد من تجاربة ومشوارة الطويل وكمان علشان يستفيد ويستمتع بجد من اسلوبة فى الكلام .. هو دة اللى بيخصل معايا بالظبط لما بسألك اى سؤال ببقى كل دقيقتين ادخل المنتدى اشوف انت رديت ولا لسة..

يا اخى انا مش لاقى كلام اشكرك بية غير بجد يارب تكون مبسوط دائما فى حياتك وجزاك الله خير على كل اللى عملتة ..

نرجع لموضوعونا صدقنى الموضوع مش حكاية هجرة اى اعلم اى اوراق والسلام .. لا يا تهامى .. صدقنى موضوع الهجرة دة زى حاجة كدة بتخليك تجتهد جدا فى حياتك علشان تقدر توصلها.. طبعا كل حاجة بايد ربنا سبحانه وتعالى ..

لكن الواحد غصب عنة طموح شوية ومستعجل .. دة كل الموضوع .. وانا عارف ان الموضوع دة بالذات عاوز تأنى وصبر كبير جداا..

لكن انا عارف انى مش هقدر اقدم اوراقى دلوقتى .. والحمد لله اقتنعت بكلامك فعلا مش هقدم اى ورقة مشكوك فيها ..

لكن اسألتى دى علشان فى حياتى ان شاء الله وطل الكام سنة دول بأذن الله كل ورقة تقع تحت ايدى اقدر اثبتها واوثقها علشان لما يتم الاربع سنين الاقى الاوراق كلها موثقة ومثبوتة بدل ما افضل بقى الف تانى على الشركات علشان اخد امضاء من هنا ولا ختم من هنا ..

يعنى مثلا اقول اخد شهادة خبرة من الشركة اللى ان افيها .. اروح على طول اوثقها من الخارجية او العمل والعمال وبعدين السفارة . واترجمها واوثقها .. بكدة يبقى انا خلصت من سنة .. ولما تيجى السنة التانية ان شاء الله اعمل كدة بردو .. بكدة الاقى فى الاخر الاوراق كلها معايا وكل حاجة تمام التمام .. يبقى مش ناقص غير الاراق اللى فى الاخر بقى .. يحينا ويحيك ربنا بأذن الله ..

علشان كدة سألتك وكنت عاوز استفسر منعا للغبطة بعد كدة .. وكمان بصراحة تحسبآ لاختفاءك تحت اى ظرف ..او انشغالك عن المنتدى فى اى وقت ..

على العموم خلاص مش هسأل ولا اوجع دماغك تانى .. بس والله والله والله انا يمكن لكا بدخل المنتدى ببقى عاوز اشوف كلامك انت والشامى .. ولما مش بلاقيك بتكتب جديد بفضل اقرا مواضيعك من الاول تانى ..

ربنا يصلح حالك يا دكتور ...

هو انت دكتور اية ؟؟ تخصصلك اية؟؟