استفسارات حول الهجرة - 1

[Bustami]

معلومات عن الايلتس

هنا http://www.egyptiantalks.org/invb/index.php?showtopic=62845

[yaser hanafy]

متشكر جدا على المساعده

[KANE]

السلام عليكم جميعاً

أنوي التقدم للهجرة من مكتب لندن

حيث انني اعمل بالسعودية

وفي اجازة الآن بمصر

ما هي الأوراق التي سأحناجها قبل ان اسافر حتى استطيع إنهائها وتقديمها عند طلبها وذلك دون الإنتظار لإجازة العام القادم

وشكراُ لكم جمبعاً

[AboAsem]

السلام عليكم

أتمنى لك إجازة سعيده و عودة سالمه لعملك إن شاء الله

للتقديم على الهجرة أنت لا تحتاج أيه أوراق أو مستندات ، فقط إملىء طلب الهجرة و إدفع تكاليف الطلب (حسب عدد أفراد الأسرة) و أرسلهم لمكتب لندن.

و بعدين ، ربنا يحيينا بعد كام سنه ، هيطلبوا منك كل الأوراق و منها

- عقد الزواج ، شهادات ميلاد الأولاد

- الشهادات العلميه

- شهادات الخبرة من الشركات التى عملت بها

- شهاده الجيش

- شهادات تطعيم الأولاد

أى ورقه مهمه تخطر على بالك جهزها معاك

كل ده طبعا مترجم للغه الإنجليزيه ، بالإضافه لصور جوازات السفر و خلافه

إن كنت نسيت شى ممكن حد من الإخوة فى المنتدى يساعدك

بالتوفيق

أبو عاصم

[fxdesigner]

أشكرك يا نونَّا ربنا يخليكي ... معلش تعبناكي بس أفدتينا كتير ... باشكرك تاني :Icecream:

[mesh2005]

انا حاص على بكالريوس هندسة كمبيوتر واعمل بهذا المجال منذ ثلاث سنوات على الأقل

استطعت الحصول على فرصة عمل فى كندا كمبرمج وانا فى انتظار وصول العقد الرسمى من الشركه

هل اقدم على فيزا عمل ام هجره؟ مع العلم ان مجموع نقاطى 76 وانى حاصل على IELTS بمجموع 7.5

ايهما اسرع؟

شكرا

[الأهلاوي الأصيل]

عمل طبعاً ... هي دي عايزة كلام

وامشي برضه في إجراءات الهجرة وكملها وانت هناك

[Bustami]

طب سؤال سريع ومهم

كيف حصلت على هذل العقد , معارف , مواقع توظيف , مراسلات , مكان عملك ,

العقد مؤقت ؟

[silvershadow]

السلام عليكم

انا بسمع كتير هنا فى المنتدى كندا والمواضيع دى والهجرة وكدة

انا محمد من مصر بدرس لغة فرنسية فى كلية اداب اختصاص يعنى وانا رايح سنة رابعة باذن الله..انا بكلم انجلش كويس وحتى مرة شوفت موضوع كدة --عضو كاتب انجلش بس مقلوب كدة وقال اللى يحلة يبقى تمام كدة والحمد الله قريتة..انا الحمدالله مستوايا فى الانجلش كويس يعنى مش قلقان منة كتير دة ممكن قلق من الفرنش.....فانا تقريبا معايا انجلش وفرنش ...هل ليا فرص اعمل فى كندا........كمان الهجرة انا مش عايز اهاجر وابعد عن بلدى صراحة ومش بحب الغربة بس ظروف هى اللى بتجبر لاسف...وكمان هاخد كورسات فى المركز ثقافى الفرنسى علشان اظبط لغة فرنسية اكتر اكيد...

ازاى بقى احصل على فرص شغل هناك؟

والشباب اللى بيهجروا مفروض بينزلوا مصر امتى؟؟يعنى فى مدة محددة لازم تقضيها علشان تنزل مصر مثلا

هو فى مصر مفيش يعنى خالص فرص عمل باللغة فى اماكن محترمة ومرتب محترم؟؟ولا اية؟؟؟

وشكرا

تم تعديل 27 أغسطس 2008 بواسطة silvershadow

[mahmoh]

فعلاتكيف حصلت على ذلك العقد؟؟؟؟

[gadolly]

اولا سؤالك غريب جدا, عشان انا متوقع بدال عرفت تجيب عقد عمل يبقي طبيعي انك متودك اوي و فرمت كندا بحث و اسألة و عارف كل حاجة عنها.

بس ما علينا احنا حنجواب باللي ربنا ييسره

بص يا باشا, طبعا عقد العمل اسرع 100 مرة من اي هجرة و اضمن, انت اول ما توصل الولاية بتقدم علي بروفينشيال نومينه, و دي اسرع طريقة هجرة الي كندا, دي معناها انك بتقدم اولا للولاية اللي انت بتشتغل فيها و دي غالبا بتبقي مجانا ما عدا في كيبك, و بتاخد هجرة الولاية في فترة اقصاها 4 شهور, و بعد كدة بتقدم للفيدرال بس مش بتستني الطابور و لا الامتحانات و لا النقط, يعني الفيدرال بيعمل شك عليك انيا و طبيا بس و ده بياخد 9 شهور بحد اقصي. يعني الموضوع كله بياخد اقل من سنة من غير نقط و لا انترفيو.

و بارده انا مع الاخ اللي طلب منك تقول ازاي جبت العقد ده ممكن الناس التانية بارده تستفيد

لو دخلت علي ال cic و بعدين علي برنامج الولايات و تدور علي الولاية اللي انت رايح لها و دي غالبا حسب اعتقادي حتطلع اونتاريو او بريتش كولومبيا او البرتا, حتلاقي كل المعلومات و تنزل الابليكيشن و تملاه و تحط معاه الورق المطلوب و اول ما توصل كندا ابعته او شوف لو محتاجين حاجة من الشركة اللي حتروح لها, و بعد كدة تسني لما يجيلك الرد و تقدم فيدرال علي بافالو في امريكا

[silvershadow]

اين الرد يا شباب

[nona alawaal]

للاسف انت فاهم الموضوع غلط

اللغة مش علشان تشتغل بيها لانهم هما كمان كلهم عندهم اللغتان دول هناك

اللغة علشان تسافر بيها

ازاى هيخدوا ناس مش بيتكلموا لغة البلد

و لله انت حر تنزل وقت ما تنزل بس لازم حضرتك فى الخمس سنوات تكون متواجد 3 سنوات هناك علشان تاخذ الجنسية

[silvershadow]

للاسف انت فاهم الموضوع غلط

اللغة مش علشان تشتغل بيها لانهم هما كمان كلهم عندهم اللغتان دول هناك

اللغة علشان تسافر بيها

ازاى هيخدوا ناس مش بيتكلموا لغة البلد

و لله انت حر تنزل وقت ما تنزل بس لازم حضرتك فى الخمس سنوات تكون متواجد 3 سنوات هناك علشان تاخذ الجنسية

شكرا جزيلا على التوضيح

[simpleDeveloper]

تصحيحا لمعلومة الاخ gadolly برنامج http://www.cic.gc.ca/english/immigrate/pro...l/apply-who.asp PNP له شروطه و التى تختلف من ولايه الى ولاية اخرى حسب الاحتياجات. مثلا بالنسبة لولاية اونتاريو تحدد مجموعة من الوظائف التى يقبل فيها ترشيح الولاية و حديثا تم اضافة الطلاب بشرط حصولهم على عرض عمل من شركة على اسس محدده تتعلق بدخل الشركة. بالنسبة لمجال عملك فهو ليس من ضمن الوظائف المدرجة لترشيح ولاية اونتاريو. راجع برنامج PNP للولاية اللتى ستعمل فيها.

بالاضافة الى ان ترشيح الولاية (PNP Certificate) يأخذ من شهر الى شهرين و ليس 4 شهور و من بعد التقديم على ال الفيدرالى من بافلو يأخذ ممكن من 5 شهور الى 9 شهور.

بالنظر لمجموع نقاطك فانت اكيد اشرت انك تملك وظيفة مرتبة للعمل فى كندا(وذلك لتصل الى مجموع 76) و انصحك بالبدء فى اجراءات Skilled Worker و ان ترفق صورة من عرض العمل الذى حصلت عليه. و حاول انك تبدأ الاجراءات من تاريخ و صولك لكندا. لو ارسلت الى بافلو ممكن تخلص فى وقت بالتأكيد اقل من وقت مصر و ممكن تراجع موقع الحكومة الكندية لمعرفة الوقت الذى ممكن ان تأخذه.

فيزا العمل تأخذ حوالى 28 يوم او اقل فى 87% من المعاملات لو قدمت من القاهرة (http://www.cic.gc.ca/english/information/times/international/15-temp-workers.asp) و عليك البدء بالارسال لـ HRSDC للحصول على تقرير سوق العمل الكندى او ممكن ان تبدأ فى معاملة فيزا العمل و انت تنتظر الرد من HRSDC للمزيد من التفاصيل (http://www.cic.gc.ca/english/work/apply-how.asp).

[gadolly]

تصحيحا لمعلومة الاخ gadolly برنامج http://www.cic.gc.ca/english/immigrate/pro...l/apply-who.asp PNP له شروطه و التى تختلف من ولايه الى ولاية اخرى حسب الاحتياجات. مثلا بالنسبة لولاية اونتاريو تحدد مجموعة من الوظائف التى يقبل فيها ترشيح الولاية و حديثا تم اضافة الطلاب بشرط حصولهم على عرض عمل من شركة على اسس محدده تتعلق بدخل الشركة. بالنسبة لمجال عملك فهو ليس من ضمن الوظائف المدرجة لترشيح ولاية اونتاريو. راجع برنامج PNP للولاية اللتى ستعمل فيها.

بالاضافة الى ان ترشيح الولاية (PNP Certificate) يأخذ من شهر الى شهرين و ليس 4 شهور و من بعد التقديم على ال الفيدرالى من بافلو يأخذ ممكن من 5 شهور الى 9 شهور.

بالنظر لمجموع نقاطك فانت اكيد اشرت انك تملك وظيفة مرتبة للعمل فى كندا(وذلك لتصل الى مجموع 76) و انصحك بالبدء فى اجراءات Skilled Worker و ان ترفق صورة من عرض العمل الذى حصلت عليه. و حاول انك تبدأ الاجراءات من تاريخ و صولك لكندا. لو ارسلت الى بافلو ممكن تخلص فى وقت بالتأكيد اقل من وقت مصر و ممكن تراجع موقع الحكومة الكندية لمعرفة الوقت الذى ممكن ان تأخذه.

فيزا العمل تأخذ حوالى 28 يوم او اقل فى 87% من المعاملات لو قدمت من القاهرة (http://www.cic.gc.ca/english/information/times/international/15-temp-workers.asp) و عليك البدء بالارسال لـ HRSDC للحصول على تقرير سوق العمل الكندى او ممكن ان تبدأ فى معاملة فيزا العمل و انت تنتظر الرد من HRSDC للمزيد من التفاصيل (http://www.cic.gc.ca/english/work/apply-how.asp).

شكرا علي تصحيح المعلومات

بس هو لو قد فيدرال علي طول من بافالو ممكن تكون وظيفته مش من الوظائف المطلوبة اوي حسب القانون الجديد و يتعطل جامد, و خد بالك غالبا الدليي الموجود علي الموقع مش مضبوط اوي و اعرف كتير جدا معايا في كندا بيكملوا سنتين عشان تجيلهم الهجرة من بافالو بالذات العرب.

انا قلت له 4 شهور بحساب اقصي وقت لبرنامج البوريفينز نومينيه عشان انا مش عارف هو مقدم في انه ولاية, و بالنسبة ان اللي بيقدموا لازم يكونوا وظائف معينة انا اول مرة اسمع الكلام ده, اللي اعرفه ان المهم تكون بتشتغل و معاك وورك برميت عشان تقدر تقدم في البرنامج او في ولايت بتقبل الطلبة اللي يكونوا خلصوا منها, بس ممكن القوانين تكون اتغيرت و غالبا لك حق في اللي قلته بالنسبة لاونتايو عشان هي لسة داخلة البرنامج ده من فترة قليلة جدا و ممكن تكون حطة شروط معينة لوظائف معينة

[الباشدكتور]

الكنادوة مثقفين اوي

حتي الزبال عندهم بيتكلم انجليزي

بس ممكن تعكس

يعني تشتغل مدرس عربي او مترجم لعربي

او في مدارس اسلامي ودي الحمد لله كتير

تم تعديل 28 أغسطس 2008 بواسطة الباشدكتور

[أبوفارس]

السلام عليكم ورحمة الله وبركاته ....بداية احب اهنيكم على المنتدى الجميل والرائع ....وبصراحة عجبني جدا الموضوع عن كندا...وأنا من المتابعين للهجرة الى كندا وكل ما يختص بها منذ فترة ....وانا بحاجة الى استشارة ..ولم اجد اقرب من اخواني في مصر...علشان استشيرهم....

انا حاديلكم مختصر عن الوضع :

أنا مهندس مدني اعمل في جهة حكومية في دولة قطر عمري 30 سنة ولدي خبرة 7 سنوات , متزوج من جامعية (مبرمجة كومبيوتر ) ولدي طفل عمره بضعة اسابيع...وقد قدمت للهجرة في مارس 2006 حسب الطريقة القديمة (تقديم جميع الاوراق مرة واحدة ), وقد استلمت خطاب بضرورة تحديث بياناتي : المشكلة انني قد قدمت الكثير من الاثباتات لإجادتي للغة الانجليزية (كبديل عن نتائج الايلتس ) مثل شهادات من الجامعة وكتب من جميع الجهات التي عملت بها وقد اخبرني صديق بان ذلك سيكون كافياً ...وقد تم قبولها في ذلك الوقت لاستكمال الملف...ولكنني ما زلت قلق من ان تلك الاثباتات قد لا يعتد بها و تبوظ علي الموضوع....على كل حال انا امتحنت التوفل قبل شهر كمتطلب للماجستير وقد حصلت على درجة 98 ( 27 القراءة - 28 الاستماع – 21 الكتابة - 22 المحادثة ) ...حد يقدر يفيدني اذا كان التوفل كفاية ولا لا؟؟في حد مر عليه الوضع قبل كدا؟؟

وجزاكم الله كل خير

[orangrie]

أولاً : سلام لـــكـــم

ثانياً : طبعاً لازم أعترف بالجميل اللى عمله هذا المنتدى العظيم فى وضوح الصورة للعديد من الامور المبهمة لهجرة كنــدا .. بالنسبة لى و لكل الأعضاء الكرام ..

بس أنا ليا إستفسار بسيط يا جماعة ..

هو لو الواحد مثلاً عنده خبرة أربع سنين .. سنتين فى مكانين مختلفين .. و ممكن أجيب شهادتين خبرة من المكانين ..

بس المشكلة :

1- لو الوظيفتين مش موجودين فى الـ NOC .. ممكن أكتب كلمة Others و أشرح طبيعة عملى عادى .. ولا لازم يكون فى رقم للـ NOC

و لا رأيكم أنتظر إلى شهر 11 .. لما تنزل نشرة الوظايف الجديدة بتاعه القانون الجديد ..

2- قريت فى المنتدى إن الإخوة المصريين فقط دون عن العرب و الخليجيين .. مضطرين يجيبوا ورق تأمينات لإثبات عملهم فى هذة الأماكن ..

طيب أنا كنت شغال فى شركة خاصة .. فهل يمكن الإكتفاء بشهادة الخبرة فقط ولا لازم التأمينات .. (و طبعاً شهادة الخبرة موثقة و مختومة بالفعل) ..

و طبعاً الأسئلة دى لإتباع مبدأ الشفافية مع السفارة من أولها .. عشان مايجييش يوم يقولولى هات ورق تأميناتك و يكون فى شهادات خبرة بس ..

و يقف الموضوع بعد سنين على ورقة ....

أنا منتظر أرائكم و إقتراحاتهم ..

و بجد يا جماعة الواحد مش عارف يشكركم إزاى .. مقدماً ..

صدق أحد الإخوة فى قوله .. المنتدى ده أفضل من ألف محامى هجرة ...

[qenawy]

سوف يطلبون الاليتس مؤكد

هذا مما قرات في حالات مشابهه لحضرتك في منتديات اجنبية اخري

لا غني عن الاليتس لذلك تقدم لها وان شاء الله موفق