استفسارات حول الهجرة - 1

[mesh2005]

ربنا يكرمكم كلكم وان شاء الله بالتوفيق لينا جميعا

والله يا جماعه انا مذهول زيكم بالظبط ولسه مش مصدق على الرغم من ان العقد فى ايدى والشركه خلاص عملت معايا الإنترفيو بالتليفون

دعواتكم بقى وان شاء الله حابلغكم اول بأول بالتطورات

كل سنه وانتو طيبين

[fxdesigner]

تهامي باشا ... كل سنة و إنت طيب... ربنا يعود الأيام عليك بخير يا رب ...

أشكرك على الرد المشبَّع بمرارة التجربة ... و لو شابَهُ البعضُ من السخريةِ ...

ربنا يوفقك و تكمل مشوارك بنجاح إن شاء الله ...

بس قولي ... هو صعب قوي ؟ و هو لا مؤاخذة إيه الدوزيم بلوس ده ؟ يعني نيفو كام لا مؤاخذة ؟ ... أصلي مش من فرنسا معلش ...

و قعدت تذاكر وقت قد إيه للإمتحان ...

هو فيه حاجة نذاكر منها ال TEF زي الآيلتس كده (إمتحانات تجريبية ، أي حاجة زي كده ؟)

شكراً يا تهامي ... معلش قرفتك معايا و قلبت عليك المواجع ...

[mizo]

الاخوه الاعزاء

هل تاشيره الدخول الي كندا من الصعب الحصول عليها

وفى حاله السماح بالدخول الي كندا هل فرصه العمل موجوده

وشكرا

[sherifhfm]

للرفع

[sherifhfm]

للرفع

[moheltohamy]

بص يا fxdesigner...

السخرية من الـ Egyptian Behaviour ، مش منّك انتا بصورة شخصية خالص!

والمستوي اللي بنتكلم عنه الـ Douzième plus (12+) Niveau ، وده - حسب علمي وحسب وقتي من 4 سنين - كان آخر مستوى في السنتر في المنيرة. ويا ريت لو قدرت تاخد كورسات في المحادثة والتعبير الأورال.

ومن حيث صعب ، هوه زبالة! خصوصاً لو مانتاش خرّيج المير دو ديو ، أو الصانت فاميي مثلاً!

ولما تسجّل معاهم ، چان ماري (لو كان هوه اللي لسه ماسك الامتحانات ؛ الأوضة اللي جمب الكافيتيريا) هيسلمك كتاب تذاكر منه ، وممكن تشتري كتب تانية من بره ، أو خد لك لفّة في المكتبة بتاعتهم الصبح ، فيها شويّت كتب روعة. وممكن تتسنكح على أي واحدة من المدامات اللي هناك ، وتدّيلك كتاب تصوّره وتذاكر منّه (ياما اتسنكحت على مدام فيفيان po:: )!

وبالنسبة لعمّك الحاج جولچي...

ده يا سيدي Golgi Apparatus مكوّن عضوي عندنا داخل الخلية ؛ في السيتوپلازم خارج النواة ، وده مسئول أساساً عن تعبئة البروتين اللي الخلية بتنتجه ، في أكياس تاخدها على برّه جدار الخلية ، وتفرزها.

كان أستاذ علم الأنسجة بتاعنا في سنة أولى كان بيشرحهولنا في المحاضرة ، وبيركّز أوي على إسمه ؛ وسمُّوه كده عشان اللي اكتشفه كان إسمه جولچي. ما اسمعش حد بيقول چولچي ولا جولجي!

أمه سمّته جولچي! po::

تم تعديل 1 سبتمبر 2008 بواسطة moheltohamy

[kaza]

اه فعلا يا تهامي لو ممكن بس تشرح لي موضوع التف يعني ازاي بيكون درجة صعوبته سهل صعب يعني لو انا level 4 ينفع امتحن ولا لا؟؟!

[moheltohamy]

نصيحة... مش قبل التامن.

ويمكن تجيب نقطتين أو تلاتة ، وهيتحسبولك نقطتين برضه!

عشان كده ، كل ما ترفع النيفوو بتاعك ، كل ما تضمن سكور أعلى!

ومش شرط لو شايف نفسك كويس فرنساوي هتكون كويّس. ما تنساش إن دي لغة جاية من المتحف (بالنسبالنا احنا اللي آخر علاقة لينا بيها كانت أيام الثانوي)!

ما تستعجلش في دخول الامتحان!

أنا كنت مستعجل ، وخلاص كل ورقي جاهز ، ومتعطّل على الـ TEF بس ، وكان نفسي آخده بعد الخامس ، ونصحني چان ماري بإني أستنى شوية (إستانّا شووايّا) po:: صايع عربي موت الراجل ده!

روح له وقول له أنا عاوز أجيب كذا من كذا (سكور الامتحان ، مش نقاط السفارة) ، واسأله ينصحك تدخل بعد المستوى الكام ، وهوه هيدلّك.

كنت مرة باتكلم أنا و واحد صاحبي عليه في الكافيتيريا ، وباقول له ده صايع في العربي ، ألاقيه كان معدّي ورايا ساعتها ؛ وييجي يوطّي عليا ويقوللي (آيوا آنا باتكالليم آرابي كوواييس) po::

صايع صايع بجد po::

[supersuper]

لو جبت في المجموع 67 فما فوق تعدي بغض النظر عن درجتك في كل حاجة على حدة، أقل من كده الملف يترفض.

وبالتوفيق للجميع إن شاء الله

معلش مفهمتش هاي النقطة

شو المقصود بكل حاجة على حدة؟

[fxdesigner]

بصراحة يا تهامي طمَّنتني جداً ... po::

أنا خلاص مش هاقدم طلب الهجرة ... po::

[mohamed omar]

الاخوه الاعزاء

هل تاشيره الدخول الي كندا من الصعب الحصول عليها

وفى حاله السماح بالدخول الي كندا هل فرصه العمل موجوده

وشكرا

صعبة..و لو توفر الحصول عليها مش حيبقي عندك اي امتيازات..و لو توفرت فرصة للعمل طبعا بطريقة غير شرعية حيكون دخلها تقريبا ولا حاجة

[hosiny]

بلا محامي بلا وجع دماغ

مش هيعملك حاجه جديده ولا هيميزك عن غيرك

وفر فلوسك و ادرس الموضوع بنفسك و قدم بنفسك .....الموضوع سهل جدا

[fxdesigner]

هو هنا أحط المبلغ المطلوب بتاع التلات شهور اللي بيبقوا في الأول محتاجهم ساعة ما أوصل ؟؟؟

[qenawy]

لا يا سيدي

المقصود ما تملكه من ثروة او مال سائل الان ويجب ان يتوازي مع عدد الافراد في الطلي بعني الفرد 10 الاف دولا ركندي

5 افراد حوالي 20 الف دولار كندي

اكتب ما هو يتناسب مع عدد افراد اسرتك مثل ما هو موجود في الموقع الرسمي وعند قرب السفر هتفرج ان شاء الله

انما لا تكتب مبالغ اقل مما هو مطلوب

[fxdesigner]

شكراً يا جناوي ربنا يعود عليك الأيام بخير يا رب ... كل سنة و إنت طيب

[qenawy]

وانت بالصحة والسلامة ورمضان كريم

[تامر احمد]

الاخوه الاعزاء

هل تاشيره الدخول الي كندا من الصعب الحصول عليها

وفى حاله السماح بالدخول الي كندا هل فرصه العمل موجوده

وشكرا

بخلاف الهجرة فيه دخول تحت بند العماله المؤقته ودبيشترطو عقد بينك وبين واح كندى

وفيه دخول تحت بند السياحة ولازم تكون متريش وبيشترطو حساب فى البنك مر عليه ع الاقل 6شهور

وفيه دخول لزيارة صديق او قريب بس طبعا يكون هو اللى باعتلك وبيشترطويكون له وظيفة بتجبله دخل عالى.. بس للاسف حتى لو الشروط متوافرة لمجرد انك عايش فى مصر (مش مجرد انك مصرى) السفارة هنا بترفض حتى لو ليك قريب هناك ومجرد باعتلك زيارة بيعملولك اختبارات ولا اللى هيشتغل كوماندو

.. انا عشت فى الكويت فترة هناك الموضوع بمجرد ان الكفيل يروح معاك مركز الشرطه ويخلص لك ورق الفيش بتكون مشكلة سفرك انحلت بس طبعا لازم تكون متفق معاه على صفقه.. كان معايا واحد هندى فى الشغل دفع 1000 دينار لكويتى عشان يسفره وبعد ما سافر طفش

[savaryxxx]

السلام عليكم ورحمه الله وبركاته

مبدئيا كل سنه وكل المصرريين فكل مكان فى الارض بخير وصحه وسلامه

ثانيا الواحد بجد سعيد انه اكتشف منتدى لحوارت المصريين بهذا الكم من الرقى و التحضر ,, وان شاء الله الخير دايما موجود فمصر ودايما موجود فى المصريين

طولت عليكم ,, معلش

انا عندى كام استفسار صغير كده عن موضوع كندا ,

و خايف تكون الاسئله مكرره بس انا دورت فى المواضيع ومقدرتش اوصل لاجابه واضحه ,,

انا صيدلى مصرى متخرج من سنتين ,, يعنى انا دفعه 2006

كان فى واحد زميلى فى الكليه ماشى فى موضوع الهجره والمعادلات وربنا يكرمه ان شاء الله ,, هو رايح استراليا لان امتحانات المعادله بتاعتها اسهل شويه من كندا ودا طبعا بالنسبه للصيادله

المهم انا بعد ما خلصت كليه على طول , حطيت هدف فى دماغى ان ان شاء الله ربنا يكرمنى وطالما فى فرصه ليا كصيدلى فكندا يبقى لازم احاول فيها

وعشان الهجره بتصرف ,, والمعادلات بتصرف اكتر ,, انا سافرت السعوديه للعمل باحدى شركات الادويه

لانى عرفت ان الموضوع بياخد وقت اقل من الخليج عنه من مصر

دلوقتى سؤالى المحدد ,, لما دخلت على السى اى سى وحسبت النقط بتاعتى لقيتها دلوقتى 67 بالظبط

بس فى حاجه ,,

انا دلوقتى عندى سنتين خبره كصيدلى فقط ,, انا خاطب ولسه متجوزتش ,, وخطيبتى معيده وبتخلص تمهيدى الماجستير

ان شاء الله فخلال سنتين هتزيد خبرتى وهكون اتجوزت وهتكون مراتى معاها ماجستير

اقدر دلوقتى اعمل الابليكيشن بتاعتى باعتبار ما سيكون ؟؟؟ ولا لازم الحاجات الفعليه حتى تاريخ ارساله ؟؟

طيب لو مش هقدر اكتب غير السنتين خبره بس ,, وانى مش متجوز

فهل معنى دا انى بعد ما ابعت الابليكيشن مش هقدر اغير حاجه ؟؟؟ خصوصا ان كل دى نقط هتسهل الموضوع عليا

اخر حاجه ,,

هل فى ارتباط بين المعادله والهجره ؟؟

يعنى اقدر اقدم على الهجره وان شاء الله يبقى عندى اكتر من 67 نقطه ,, حتى لو موضوع المعادله وامتحاناتها مش ماشى تمام ( لا قدر الله )

شكرا لسعه الصدر

وارجو من اى اخ له نفس ظروف العمل ,, التواصل سواء عبر الخاص او الايميل

[savaryxxx]

ايه دا

معقوله لسه مفيش ردود

الموضوع مهم اوى بالنسبالى يا جماعه

عموما

انا لسه ع الويتنج

سلااااااااااام

[الأهلاوي الأصيل]

1- تملا الأبليكشن بناء على وضعك الحالي، ووقت ما يطلبوا منك الأوراق إبقى حدث وضعك حسب وضعك ساعتها

خلي بالك أسوأ حاجة عند الناس دي الكذب ومفيش حاجة اسمها باعتبار ما سوف يكون أو كلام من ده ، لو كتبت الأبليكشن بتاريخ دلوقتي ولما تيجي تقدم الإثباتات هتبقى بتواريخ لاحقة هيعتبروك كنت بتكدب وقت تقديم الأبليكشن ويترفض ملفك ويتحط عليك إكس

2- مفيش علاقة بين ملف الهجرة والمعادلة، دي سكة ودي سكة مختلفة خالص

امشي في الاتنين بالتوازي وربنا يوفقك فيهم بإذن الله