استفسارات حول الهجرة - 1

[مسافرة]

السلام عليكم

د/تهامى .. كل سنة و انت طيب و رمضان كريم..

على فكرة انا كمان اتعقدت خلاااااااص من الفرنساوى ده .. و بقيت انام أحلم بالكورسات و الTEF

[mizo]

لا انا حامل جواز سفر يسمح لي بدخول كندا بدون تاشيره مسبقه فهل ذلك له اي مميزات ام لا الرجاء الافاده وشكرا

[flying tiger]

السلام عليكم ورحمة الله وبركاته

انا اخوك احمد صيدلى مقيم بالسعوديه الان

والحمد لله عند نزولى لاجازتى السنويه من 3 شهور قدمت على الهجره من مصر وذلك لظروفى الشخصيه لان الشركه اللى انا شغال فيها بتكره حاجه اسمها كندا وهجره ومعادلات وبالتالى فلو طلب منى فيما بعد اوراق من السعوديه لابد من موافقة الكفيل وطبعا الكفيل مش هيوافق فاضطررت للكذب فى الابليكيشن وسجلت انى مقيم بمصر وربنا يسترها معايا لانه عارف الظروف اللى انا فيها

المهم انى لا انصحك بهذا ولكنى انصحك بانك تقدم عن طريق مكتب لندن وسجل معلوماتك كلها بالضبط وان شاء الله هتاخد رقم للملف لان فترة التقديم الاولى لا تعتبر المعلومات الموجوده بداخلها انها نهائيه فبالتالى عند المقابله الشخصيه هيطلب منك تحديث بيانات وسجل اللى انت عاوزه يا سيدى

وايضا احب ان اوضح لك ان المعادله خط والهجره خط اخر منفصل تماما.. فانت ابدا بالمذاكره ولو كفيلك هيسمحلك بالذهاب للامتحان قدم ورقك سواء من السعوديه او من مصر ولومش هيسمحلك وانت طبعا عارف طباع المكان اللى انت شغال فيه ..فمتتكلمش فى الموضوع ده معاهم وجمعلك مبلغ محترم معاك لان الموضوع مكلف .. ولما تبقى تروح هناك ابقى اعمل كل الامتحانات وده هيكون فى حوالى 8 شهور لوانت مستعد كويس

ووفقك الله

اخوك احمد

[تامر احمد]

لا انا حامل جواز سفر يسمح لي بدخول كندا بدون تاشيره مسبقه فهل ذلك له اي مميزات ام لا الرجاء الافاده وشكرا

على فكرة كلامك متناقض انت بتقول فى اول الموضوع هل تاشيره الدخول الي كندا من الصعب الحصول عليها .. ودلوقتى بتقول انا حامل جواز سفر يسمح لي بدخول كندا بدون تاشيره

ويعنى ايه حامل جواز سفر يسمح لك بدخول كندا بدون تاشيره .. جواز السفر المسموح له بدخول كندا

بدون تاشيرة هى بعض دول الاتحاد الاوربى وكوريا الجنوبيه واليابان وجنوب افريقيا واستراليا.. هوانت عندك جواز سفرلدولة من داول ؟؟؟؟؟؟؟؟؟؟؟؟؟؟؟؟

[moheltohamy]

:lol:

والله يا جماعة أنا مش باعقدكم ولا حاجة...

كل ما هنالك إني باقول لكم ؛ ما تبنوش أحلامكو ع الفرنساوي لأنه خاين ؛ خصوصاً بالنسبالنا! ولو تقدروا تجمّعوا النقاط من حاجة تانية ؛ يبقى امشوا في سكة الحاجة التانية أولى ليكو!

أنا كان ممكن أقدم شهادة اجتياز المستوى الخامس ، وتحتسب بنقطتين (المستوى الأساسي) على ما كنت باسمع... لكن في موضوع كندا ده بالذات ؛ ماكنتش عاوز أحط صباعي تحت ضرس حد!

بنتيجة الـ TEF ، النقطتين بتوعي هيدّيهوملي موظف السفارة ، بالجزمة... مش بمزاجه ، ولا فيها تقديرات شخصية! وبالتالي النقط أكيدة.

كل فكرتي ؛ إن الموضوع خدوه بجد زيادة شوية ، واستحملوا كورسات على قد ما تقدروا! وما تستعجلوش ع الامتحان نوهائي!

ويمكن أنا - زي ما كان الحسيني بيحكي - يوم الامتحان ، في الاكسبريسيو أورال ف الـ TEF ...

كان الموضوع الرئيسي إني داخل على شركة سياحة ، وعاوز أستفسر عن قضاء أسبوع من أجازة الصيف في فرنسا ، وباسألهم عن الأسعار وبروجرام الرحلة ، وكده يعني... واتفضلأ افتح حوار يا معلمين!

وكمان - عشان تطيّن أكتر - أحاول استرجع شويّت فوكابيولير عشان أسلّك بيهم أموري... دماغي فاصلة ... ممسووووحة!

بعكس يوم امتحان الآيلتس تماماً ؛ كانت دماغي فايقة و... بتطق شرار كمان!

نصيحة تانية... يوم الامتحان - سواء ده أو ده - لازم تكون نايم كويّس جداً ، وتضربلك قهوة على قد ما تقدر ، نشّط المخ على قد ما تقدر.

وبالتوفيق لينا جميعاً... mfb:

[حسام يوسف]

وحشتنا يا عم تهامى

وألف شكر على نصايحك الغالية

وكل سنة وانت طيب

[fxdesigner]

شكراً يا تهامي على إهتمامك الجميل ده ... :closedeyes:

[fxdesigner]

طيب .. تهامي !!! باقولك ...

هو الصفحة التالته دي بتاعت الأبليكاشن Family members باكتب فيها زوجة و أطفال فقط ؟ ولا اللي أنا فهمته من الموقع صح إن المفروض أكتب أي حد ممكن أفكر في يوم من الأيام إني أعمله سبونسور .. والدي ، إخواتي و ذويهم ... ؟؟

أنا لسه عازب ...

معلش تقلت عليك ... جزاك الله خير إن شاء الله.

[Bustami]

انت جبت 67 ازاي وانت ماعندكش غير 2 سنة خبرة , قيمت نفسك ازاي في الانجليزي ؟ جرب نقاط الانجليزي تكون 8 مش 16

قدم من الان ولكن من الافضل ان الطلب يكون باسم مراتك وانت مرافق ليها علشان هي كماجستير حتاخد نقاط اكتر (في الدراسة) كمقدم للطلب وده حيخفف عنك النقاط المطلوبة( في الانجليزي) , حتى لو معاها سنة خبرة

[drbeso]

اول حاجه لازم تتاكد ان مهنتك مطلوبه حسب التعديل الجديد اللي هيظهر ان شاءلله في نوقمبر

بعد كده ان شاءلله لو طلعت مهنتك منهم ....وبعد متفتح صفحه تقيمك في موقع كندا وتشوف انت جايب كم من 67؟؟لو الوضع جميل ............................. ابدا على الفور بترتيب ورقك وترجمه مايلي:

1-شهاده تخرجك....2-بيانات درجاتك بالانجليزي ....3-شهاده كرتون ...4-ورق اثباتك في وزاره اللي انتا تابع لها وانك مسجل فيها

5-شهاده الخبره بالانجليزي طبعا وتكن ممضيه من صاحب الشغل وبصيغه رسميه جدا وعليها ختم وارقام تلفونات الجهه اللي بتشتغل بها

....ممكن تعمل ابلكشن تنزلها هيا عباره عن 3 ورقات من المنتدى المهم هتقوم بملئها و تدفه 550 دولار كندي بالبنك الاهلي وترفق ايصال الدفع بالابلكشين وتقدم يا سيدي الابلكشن والدفع اول حاجه ثم تجهيز ورقك خليه بعدين لعايه لما يقوللك ابديت ابعتلناورقك ماشي؟؟؟ المفروض ان شاءالله ان الانترفيو بيحدد بعد التقديم ب سنه او سنه ونص وكله على اللهان شاءالله

اتمنى ليك التوفيق

[شاب مصري]

ياريت تتقبل كلامي بصدر رحب

الهجرة موضوع كبير

يعني عاوز مجهود

اعمل بحث هنا بالمنتدى

ابحث في مواقع تانية

روح جوجل وادخل منه موقع الهجرة الرسمي

اتصل بالسفارة

روح السفارة بنفسك

لكن ازاي تتوقع تنجح في موضوع الهجرة (وتنجح في الحصول على عمل هناك وانت بتنافس ناس من اكتر من 40 جنسية ومنهم اوروبيين) وانت مش عاوز تعمل خطوة ايجابية ومنتظر مساعدة الاعضاء

انا اسف ولكن شايف انك سلبي شوية

بعتذر مرة تانية

كل سنة وانت طيب

تم تعديل 3 سبتمبر 2008 بواسطة شاب مصري

[nona alawaal]

يا جماعه قريتها لكن ما فهمتش حاجه يعني ايه الشروط بجد

مش مطلوب من حضرتك اى شىء غير انك تعمل دون لود للابليكشن من موقع cic

و تملىء الابليكشن و تدفع الرسوم حسب عدد افراد الاسرة و تقدمها فى سفارة كندا و تأخذ الفايل نمبر

و تستنى بعد فترة نتمنى ان لا تطول انهم يطلبوا منك ابديت او اوراقك و الانترفيو و هكذا

فقط الان املى الابليكشن و ادفع و قدم و اقف فى الطبور

الله الموفق

[nona alawaal]

يا جماعه قريتها لكن ما فهمتش حاجه يعني ايه الشروط بجد

مش مطلوب من حضرتك اى شىء غير انك تعمل دون لود للابليكشن من موقع cic

و تملىء الابليكشن و تدفع الرسوم حسب عدد افراد الاسرة و تقدمها فى سفارة كندا و تأخذ الفايل نمبر

و تستنى بعد فترة نتمنى ان لا تطول انهم يطلبوا منك ابديت او اوراقك و الانترفيو و هكذا

فقط الان املى الابليكشن و ادفع و قدم و اقف فى الطبور

الله الموفق

و ادى الابليكشن

و طريقة ملىء الابليكشن

و علشان احنا فى رمضان .. و انت عارف رمضان كريم

علشان تقدم لازم تجيب على الاقل 67 من 100 .............. و طبعا كل واحد و ظروفه متجوز و لا لأ .. مؤهلك و الحجات دى

روح هنا و جمع درجاتك

http://www.passportcanada.com/skilled/index.php

imm0008e_SW.pdf

ESap.pdf

تم تعديل 3 سبتمبر 2008 بواسطة nona alawaal

[sherifhfm]

السلام عليكم اخوانى

اعرف ازاى ان الملف بتاعى اتقبل ولا اترفض ، يعنى بعد لما مكتب لندن مثلا يبعت الفايلنمبر فيه طريقة اعرف بيها ان حالتى تم قبلوها ولا لأ

ولا لابد ان انتظر اتصال من السفارة ولا ايه حد يفهمنى

شكرا

[kaza]

شباب سؤالي هو انا اعمل في الكويت بوظيفتين واحدة رسمية اعمل فيها لمدة سنتين و الثانية دوام عصر من اربع سنوات وشوي !! ماهي الاوراق المطلوبة من قبل مكتب الهجرة بخصوص العمل مع العلم مكان الاقامة الكويت! يعني هل ورقة من الشركة التي اعمل بها كفاية + ورقة من الوزارة التي اعمل بها لمدة سنتين ولا هناك اشياء زيادة؟! ارجو ذكر التفاصيل

السؤال الثاني ما هي نسبة قبول موظف تحت مسمى supervisor و public relator هل ممكن مع القانون الجديد انه يتركن ؟

[savaryxxx]

الاهلاوى الاصيل

الف شكر ,, ربنا يجازيك خير

انا بس خايف استعجل وابعت دلوقتى ,, ملفى يترفض

وخايف اتأخر

القوانين تتغير ,, وانا سبت مصر وجيت السعوديه مش عشان حاجه غير الهجره

عموما ربنا يخليك ,, ويحفظلكم تريكه وبركات وفلافيو وكل العفاريت وتلبوا الزمالك الماتش الجاى :r

olleyes:

الاخ flying tiger

ربنا يجازيك خير

انت لفت انتباهى لنقطه محسبتهاش خااااااااالص

وهتخلينى اعيد كل حساباتى

انا محطتش فبقالى خالص ان هنا ممكن يغلسوا عليا فى شهاده الخبره

ودا وارد جدا ,, انا بشتغل فمجموعه صيدليات بتتفنن فى مص دم الصيدلى المصرى

دلوقتى هتعب حضرتك معلش

ايه مميزات الارسال من مكتب لندن ؟؟

لو مرضوش فعلا يدونى شهاده خبره يبقى ايه العمل

لو عملت زى حضرتك كده وقولت انى مسافرتش السعوديه خالص ,, واجيب شهادات خبره من مصر

اولا ,, مش هقدر ابعت غير لما انزل مصر فى اجازتى الجايه كمان 8 شهور ولا حاجه

وانا مش عاوز اتأخر اكتر من كده ,, كل شويه فى كلام جديد عن قوانين الهجره ومش عارف بالظبط موقف الصيادله ايه

ثانيا ودا الاهم ,, جواز سفرى مثبوت فيه انى قعدت فى المملكه الفتره دى !!

ايه العمل

ولا تنصحنى حضرتك اشوف محامى هنا وخلاص ,, وياريت لو تعرف حد تدلنى عليه

طولت عليك ,, انا اسف

الف شكر ليك وربنا يوفقك

[savaryxxx]

انت جبت 67 ازاي وانت ماعندكش غير 2 سنة خبرة , قيمت نفسك ازاي في الانجليزي ؟ جرب نقاط الانجليزي تكون 8 مش 16 انا قيمت نفسى 12 انجلش و 6 فرنش

انا قبل ما اجى كنت وصلت للمستوى الرابع فى الفرنساوى

ومستواى فى الانجلش كان جيد الى حد ما ,, كان المفروض اخد تويفل قبل ما اجى السعوديه

بس اتزنقت فى الوقت وورق السفر ومدخلتهوش

انا عارف انى محتاج وقت ,, بس انا بطلت خالص مذاكره للمعادله ومركز دلوقتى فى اللغات ,, كورسات وسى ديهات وكدا

ربنا يكرم

بالنسبه للتقديم بورق خطيبتى عشان معاها ماجستير فالمشكله كلها اننا لسه هنكتب الصيف اللى جاى ان شاء الله !!!

hkkh rdlj

[الأهلاوي الأصيل]

انت جبت 67 ازاي وانت ماعندكش غير 2 سنة خبرة , قيمت نفسك ازاي في الانجليزي ؟ جرب نقاط الانجليزي تكون 8 مش 16 انا قيمت نفسى 12 انجلش و 6 فرنش

انا قبل ما اجى كنت وصلت للمستوى الرابع فى الفرنساوى

ومستواى فى الانجلش كان جيد الى حد ما ,, كان المفروض اخد تويفل قبل ما اجى السعوديه

بس اتزنقت فى الوقت وورق السفر ومدخلتهوش

انا عارف انى محتاج وقت ,, بس انا بطلت خالص مذاكره للمعادله ومركز دلوقتى فى اللغات ,, كورسات وسى ديهات وكدا

ربنا يكرم

بالنسبه للتقديم بورق خطيبتى عشان معاها ماجستير فالمشكله كلها اننا لسه هنكتب الصيف اللى جاى ان شاء الله !!!

hkkh rdlj

12/16 انجليزي ، 6/8 فرنساوي

أعتقد صعبة أنك تجيب الاسكور اللي يديك النقط دي، خلي بالك هما هيطلبوا منك شهادة الأيلتس وشهادة ال TEF

عموما لو بعت الآبليكش مش هتترفض ألا لو مقدرتش تثبت الكلام اللي مكتوب فيها ، يعني مفيش قرار بيتاخد إلا لما تبعت ال documents ويتعملها processing

[الأهلاوي الأصيل]

ورقة الوزارة اللي تتحسب

للأسف خبرة الشركة مش هتتحسب لإنها part time وهما مش بيعترفوا إلا بخبرة full time job

إجابة سؤالك التاني مش عارفها الحقيقة

أسألك أنا بقى

انت بعت الأبليكش إمتى وجالك رقم الملف بعدها بقد إيه؟

[mizo]

معلهش على التضارب ايوه انا معي جواز سفر من احدي هذه الدول علي فكره جواز سفر جنوب افريقيا يحتاج فيزا مسبقا ولكن اجابه على سؤالى هل ذلك يساعد على الاستقرار فى كندا

Visitor Visa Exemptions

Many people do not require a visa to visit Canada. These include:

citizens of Andorra, Antigua and Barbuda, Australia, Austria, Bahamas, Barbados, Belgium, Botswana, Brunei, Czech Republic, Cyprus, Denmark, Estonia, Finland, France, Germany, Greece, Hungary, Iceland, Ireland, Israel (National Passport holders only), Italy, Japan, Korea (Republic of), Latvia (Republic of), Lithuania, Liechtenstein, Luxembourg, Malta, Mexico, Monaco, Namibia, Netherlands, New Zealand, Norway, Papua New Guinea, Poland, Portugal, St. Kitts and Nevis, St. Lucia, St. Vincent, San Marino, Singapore, Slovakia, Solomon Islands, Spain, Swaziland, Sweden, Slovenia, Switzerland, United States, and Western Samoa;

persons lawfully admitted to the United States for permanent residence who are in possession of their alien registration card (Green card) or can provide other evidence of permanent residence;

British citizens and British Overseas Citizens who are re-admissible to the United Kingdom;

citizens of British dependent territories who derive their citizenship through birth, descent, registration or naturalization in one of the British dependent territories of Anguilla, Bermuda, British Virgin Islands, Cayman Islands, Falkland Islands, Gibraltar, Montserrat, Pitcairn, St. Helena or the Turks and Caicos Islands;

persons holding a British National (Overseas) Passport issued by the Government of the United Kingdom to persons born, naturalized or registered in Hong Kong;

persons holding a valid and subsisting Special Administrative Region passport issued by the Government of the Hong Kong Special Administrative Region of the People’s Republic of China;

persons holding passports or travel documents issued by the Holy See.