استفسارات حول الهجرة - 1

[mohamed omar]

السلام عليكم ورحمة الله وبركاته

قمت بالاطلاع على العديد من المواقع واود ان اطرح ماقد عثرت عليه بالنسبة لانواع الهجرة

طبقا لقانون الهجرة الكندي فأن الفئات التي يمكن لها الحصول على تأشيرة الهجرة هي :

أولا:الهجرة العائلية( class category family )

يسمح قانون الهجرة الكندي للكنديين والمقيمين الدائمين بكندا بكفالة أقاربهم الراغبين في الهجرة إلى كندا وقد حدد قانون الهجرة الأقارب المسموح لهم بالهجرة طبقا لهذه الفئة وهم :

1- الزوجة أو الزوج.

2- الأبناء (تحت 19سنه أو من هم فوق هذا السن ولكن مازالوا معتمدين بالكامل على الأباء بسبب أنهم مازالوا في مراحل التعليم المختلفة أو أسباب أخرى كالإعاقة ويشترط ألا يكون الأبناء في هذه الحال متزوجون.)

3- الأب ،الأم

4- الجد ،الجدة.

5- الأخ،الأخت،أبن الأخ أو أبن الأخت،بنت الأخ أو الأخت .

6- الأحفاد (تحت سن 19 سنة إذا كان يتيماً و غير متزوج)

وكذا يشترط القانون الكندي توافر حد أدنى من القدرة المالية في الكندي أو المقيم الدائم بكندا الذي يرغب فاستقدام أقاربه للهجرة تحت هذه الفئة

ثانياً: هجرة أصحاب المؤهلات العليا / الفنيين / و المهنيين (Independent category ):

و هذه الفئة هي أكبر نسبة في أعداد المهاجرين إلى كندا حيث يشجع القانون الكندي أصحاب المؤهلات العليا (البكالوريوس / الليسانس / الماجستير / الدكتوراه ) و كذا العمالة الفنية ذات الخبرة على الهجرة إلى كندا و ذلك لحاجة سوق العمل في كندا إلى خبراتهم و مؤهلاتهم و تخضع هذه الفئة إلى نظام اختيار يعتمد على عدد النقاط التي يحصل عليها المتقدم فيما يلي:

مستوى التعليم

الخبرة

اللغة الإنجليزية / الفرنسية

السن

مدى القدرة على التكييف مع الحياة في كندا .

مدى إمكانية توافر عرض عمل للمتقدم في كندا .

و يمكن للمتقدم للهجرة تحت هذا البند معرفة مدى إمكانية توافر الشروط الخاصة بالهجرة في طلبه عن طريق ملأ استمارة الطلب الخاصة بهجرة هذه الفئة Free assessment على هذا الموقع حيث يصلك الرد في خلال 24 ساعة في حالة قبول طلبك و مطابقة شروط الهجرة عليه

ثالثاً: فئة رجال الأعمال و المستثمرين Business category :

و تنقسم هذه الفئة إلى ثلاث أقسام :

‌أ. المستثمرين :

و هم الأشخاص الذي يمكنهم استثمار مبلغ 400,000 دولار كندي مع الحكومة الكندية (و يعاد إليه كامل المبلغ بدون فوائد بعد انتهاء مدة الاستثمار) و على أن يكون إجمالي ثروة هذا المستثمر لا تقل عن 800,000 دولار كندي .

‌ب. رجال الأعمال / المديرين التنفيذيين Entrepreneurs :

و يشترط في هذه الفئة توافر خبرة في إدارة الأعمال سواء الأعمال الحرة / أو خبرة في الإدارة مديرين تنفيذيين في قطاعات الأعمال المختلفة مع تأسيس أو شراء Business في كندا في خلال فترة محدودة من هجرته إلى كندا على أن يتولى إدارة هذا العمل و يمكن توفير وظيفة جديدة أو أكثر من خلال هذا العمل .

‌ج. الأعمال الحرة Self-employed :

و قد تم تقليص هذه الفئة طبقاً للقانون الجديد بدرجات متفاوتة .

علما بان محتوى الموضوع منقول من موقع آخر ولكن ما اعجبنى انه مركز وملخص الموضوع.

الاخوة الزملاء برجاء تصحيح اى معلومة خطأ حتى تصبح هذه المشاركة وافية

والسلام عليكم ورحمة الله وبركاته

محمد الشيخ

في بعض التعديلات اجريت حدثيا..و جدلاا واسعا في البرلمان الكندي علي بعض القوانين الخاصة بهجرة العمالة الماهرة و الهجرة العاءلية .برجاء متابعة التعديلات الجديدة في الموقع الرسمي للهجرة.

[gadolly]

ماهو المبلغ المطلوب تواجده لأسرة مكونة من سته افراد عند الدخول كمهاجر الي كندا و بالتحديد كيبيك.و جزاك الله خيرا.

6000-7000 dollars

[moheltohamy]

ممكن تتابعي ملف الهجرة بتاعك خطوة خطوة عن طريق الـ CAIPS ، وتعرفي هوه واقف فين ، وإيه الخطوة الجاي

http://caips.ca/

ودي شركة خاصة بتقدم الخدمة دي ، وفيه غيرها بيقدم نفس الخدمة برضه (أفتكر بتتكلف بتاع 20-30 دولار).

وممكن تقدميها مباشرة إلى وزارة الهجرة من داخل كندا (مصاريف 5 دولار بس) ، بس لازم حد يعملهالك من داخل كندا! يبقى إشتري دماغك ، وإرشين زيادة وتعمليها بنفسك ، وبيجيلك الرد بعدها بأسبوعين تأريباً ولاّ حاجة.

أي خدمة

[watzmann]

الحقيقه انا عندى سؤال محيرنى فى موضوع الهجرة لكندا ,

ليه الموضوع بياخد اربع سنين ؟

ليه مش سنه و احده و ل حتى سنتين , مش قادر افهم الوقت دا كله ليه , هل هما مثلا بيستنو لما ناس من هناك تموت علشان يجيبو بدلهم , سؤالى دا ممكن يبان ساذج بس فعلا انا عايز اعرف اجابته , مش مقتنع ابدا انهم محتاجين اربع سنين علشان يسألو عنك و يعرفوك , وبردو مش الوقت دا كله ابدا علشان الأجراءات

شكرا

تم تعديل 11 سبتمبر 2008 بواسطة watzmann

[تامر احمد]

له كذا سبب نقص موظفين الهجرة.. زيادة الطلبات... العدد وصل لمليون وبتكوم الملفات على بعض والكل بيقدم لانها بقت وكالة من غير بواب.. عشان كدا هيغيرو القوانين فى شهر 11 ومش هيخدو الا اللى عايزة السوق الكندى بحيث ان الموضوع يخلص فى سنة واحدة زى مابيحصل مع استراليا وزيلندا الجديدة الدول الاصدقاءالاعداء لكندا فى جذب المهرة.. كما ان منحة الهجرة بتاعة امريكا الجرين قارض بتخلص فى 8 شهور........... وبقيت الناس المقدمة لكندا اللى وظايفها مش مطلوبه هيرفعوهم!!!!!

[gadolly]

الحقيقه انا عندى سؤال محيرنى فى موضوع الهرجة لكندا ,

ليه الموضوع بياخد اربع سنين ؟

ليه مش سنه و احده و ل حتى سنتين , مش قادر افهم الوقت دا كله ليه , هل هما مثلا بيستنو لما ناس من هناك تموت علشان يجيبو بدلهم , سؤالى دا ممكن يبان ساذج بس فعلا انا عايز اعرف اجابته , مش مقتنع ابدا انهم محتاجين اربع سنين علشان يسألو عنك و يعرفوك , وبردو مش الوقت دا كله ابدا علشان الأجراءات

شكرا

لا طبعا مش بيستنوا حد يموت ولا حاجة

نب>أ من الاول في كل العالم الموضوع مش بيزيد علي سنتين الا الدول الاسلامية و الهند و ده بسبب ان الفيزات المسموح تطلع من الدول دي عددها بيكون اقل كتير من الناس اللي مقدمة, خد بالك الفيزات هي اللي قليلة مش الناس هي اللي كتيرة, و ده من ارف حكومة المحافظين و عنصريتها مع المسلمين و الهنود, يا رب تسقط و علي فكرة الانتخابات في نص اكتوبر خلاص. و الخوف دلوقتي هم يغيروا القوانين و يقللوا الفيز اكتر او يحددوها بالبلاد و احنا ساعتها اول ناس حنكون برة اللعبة

بالنسبة لكيبك الوقت تقريبا من 3 الي 9 شهور بالنسبة للعالم كله الا بعض المكاتب. طبعا انتم عارفين بارده ايه المكاتب اللي متعطلة, اكتر مكتبين مكتب سوريا و مكتب تونس. مكتب تونس العطلة جاية من انه كل سنة تقريبا بيطلع 9 الاف سي اس كيو و اكيد يعني مفهوش موظفين كتير عشان محدش بيحب يشتغل في الدول العربية و ده بيسبب تاخر الشغل, اما مكتب سوريا كان ماشي زي الفل لحد حرب العراق و المتب اتنقل لموريال و رجع تاني بعد كام شهر و ده سبب عطلة جامدة في الملفات و لخبطة شوية, بس دلوقتي هم لما حولوا الملفات علي موريال الموضوع ما شاء الله بدأ يضبط و انتم شايفين ان في ناس 5 2008 جالها الانترفيو, طبعا باستثناء القلة المندسة

[nona alawaal]

الحقيقه انا عندى سؤال محيرنى فى موضوع الهجرة لكندا ,

ليه الموضوع بياخد اربع سنين ؟

ليه مش سنه و احده و ل حتى سنتين , مش قادر افهم الوقت دا كله ليه , هل هما مثلا بيستنو لما ناس من هناك تموت علشان يجيبو بدلهم , سؤالى دا ممكن يبان ساذج بس فعلا انا عايز اعرف اجابته , مش مقتنع ابدا انهم محتاجين اربع سنين علشان يسألو عنك و يعرفوك , وبردو مش الوقت دا كله ابدا علشان الأجراءات

شكرا

له كذا سبب نقص موظفين الهجرة.. زيادة الطلبات... العدد وصل لمليون وبتكوم الملفات على بعض والكل بيقدم لانها بقت وكالة من غير بواب.. عشان كدا هيغيرو القوانين فى شهر 11 ومش هيخدو الا اللى عايزة السوق الكندى بحيث ان الموضوع يخلص فى سنة واحدة زى مابيحصل مع استراليا وزيلندا الجديدة الدول الاصدقاءالاعداء لكندا فى جذب المهرة.. كما ان منحة الهجرة بتاعة امريكا الجرين قارض بتخلص فى 8 شهور........... وبقيت الناس المقدمة لكندا اللى وظايفها مش مطلوبه هيرفعوهم!!!!!

هما عملين قانون 27 /2 / 2008 و ما يتبعه من تحديد الوظائف المطلوبة فى شهر 11 علشان كده .. امالهم انهم يقللوا سنوات البت فى الطلب

و لكن ............ اعتقد اتكوم عليهم طلبات جديدة بقوا قبل 27 فبراير و بعد 27 فبراير

هما الان مش بيبصوا خالص فى بتوع بعد 27 فبراير دول مركونيين مستنيين القرارات جديدة فى شهر 11

شوف بقى عقبال لما القرارات دى تيجى هيكون وصلوا الى اد ايه

ربنا يستر

[watzmann]

طيب خير و الله ,

كدا تبقا حاجه كويسه انهم يخلو الأولويه للوظائف المطلوبه, لأن بجد اربع سنين غلسه اوى

انا عن نفسى مش عارف وظيفتى مطلوبه و لا لأ

انا مهندس ميكانيكا شعبة ميكاترونيكس

[hosiny]

:unsure:

[elmadysm]

اشكر الاخ محيى التهامى

و لكن هل هم مضمونين ؟

هل تعاملت معهم؟

ممكن تشرحلى كيف اتعامل معهم

سادخل الموقع و احاول الوصول للنتائج و لكن لو ممكن تدلنى خبرتك

بارك الله فيك

[nona alawaal]

يبقى مافيش مشاكل انشالله

الموضوع عايز صبر وانتوا خلصتوا 95% من اقصى مدة

مدام معاكم فيل نمبر يبقى اطمنوا

الفايل نمبر مش كارت بلانش لدخول كندا .. فى شهر 11 الجاى نازل ترتيب جديد للوظايف

المطلوبة والموضوع دا عملينو عشان يطهرو المليون ملف اللى مركونين فى اليدراج وهيخدو بس اللى سوق العمل الكندى عايزه مش فرقة انت مقدم 12 2008 او من 7 سنين :wub:

ثق انهم مش هيدخلو كندا الا هينزل فى جدول الوظايف المطلوبة على فكرة الخبر دة سمعو من راديو كندا فى شهر 5 اللى فات بعد 3 شهور من اعلان وزارة الهجرة المتطرفة عن المشروع الجديد

____

القانون الجديد و الوظائف الجديدة دى هتطبق على المقدمين بعد 27 فبراير 2008

لكن اللى قبل كده كل ملفاتهم هتندرس

يا ترى انت مقدم عن طريق محامى و لا من نفسك؟؟

[elmadysm]

انا قدمت الملف لوحدى و خايف تكون دى مشكلة

كيف ادفع باستخدام الباى بال

[pink]

هل ضروري للعمل في كندا ان يكون مجال عملي نفس تخصص دراستي؟

[nona alawaal]

لا

تم تعديل 13 سبتمبر 2008 بواسطة nona alawaal

[pink]

طب هل ضروري الخبرة؟

[nona alawaal]

أكيد طبعا .. و علشان تشتغل فى كندا يجب الخبرة الكندية

[mohamed omar]

الخبرة لجمع نقاط..يعني خارج كندا علشان نقط الهجرة فقط لا غير.داخل كندا عايزين الخبرة الكندية..طبعا مش في كل الأعمال بس معظمها.. :lol:

[pink]

ازاي الخبرة الكندية و انا لسا بقدم علي الهجرة و لم يسبق لي السفر لكندا؟

[mohamed omar]

ازاي الخبرة الكندية و انا لسا بقدم علي الهجرة و لم يسبق لي السفر لكندا؟

لما توصل كندا حتلاقي الكلمة دي بطاردك ...حتلاقيها في احلامك..ممكن تفتح التلاجة تلاقيهاآعدة جنب برطمان المربة..ممكن تلاقيها جوة بنطلونك..هو ده النظام...وهو ده السبب ايلي مخلينى قلقان للهجرة للعزيزة كندا.

[تامر احمد]

ازاي الخبرة الكندية و انا لسا بقدم علي الهجرة و لم يسبق لي السفر لكندا؟

لما توصل كندا حتلاقي الكلمة دي بطاردك ...حتلاقيها في احلامك..ممكن تفتح التلاجة تلاقيهاآعدة جنب برطمان المربة..ممكن تلاقيها جوة بنطلونك..هو ده النظام...وهو ده السبب ايلي مخلينى قلقان للهجرة للعزيزة كندا.

الخبرة الكندية بتتاخد بطريقة واحدة وهى العمل التطوعى ابو بلاش يعنى العمل بدون اجر سنة او اتنين او تلاتة فى جمال شغلك طبعا غير كدا يامعلم عمرك ماهيبقا عندك خبرة لانهم مبيعترفوش لا بتعليمنا ولا بشغلنا ولا بشغل الامريكان اللى هما متقدمين عنهم بسنة ضوئية

مبيعترفوش غير بالكنديين وبس

والخبرة دى غالبا مطلوبة فى الوظائف الخاصة بالصحة العامة