استفسارات حول الهجرة - 1

[hosiny]

اشكرك بشدة علي المعلومة الكنز دي

انا كنت فاكر اني لو نقلت للامارات او الكويت او اي بلد تاني غير السعودية و غيرت عنواني عندهم اني هاخد رقم ملف جديد و هبدأ اعد التلات سنين من جديد

شكرا جدا جدا علي المعلومة دي

من اين لك بهذه المعلومات الحساسة و الدقيقة؟؟؟؟؟؟؟؟؟؟؟؟؟؟؟

[Bassam El Sayed]

الاخ حسينى

انا من سنة 2005 بخلص فى اجراءات الهجرة ونقلت ملفى من القاهرة للندن وقعدت مطنش الايلتس بتاع خمسة اشهر المحامى قعد يبعتلى ايميلات علشان ادخل الامتحان.

بس فى الفترة الاخيرة حبيت الموضوع وبقيت ادور على اى موقع على النت بيتكلم عن الهجرة وخصوصا الحد الزمنى لها فى مكتب لندن

انت كمان ممكن لو حطيت الموضوع فى دماغك هتجيب معلومات كتير من اى موقع على النت ممكن افضل منى كمان الموضوع مش صعب

شكرا

[hosiny]

متشكر يا باشا

اصلك مش عارف المعلومة دي ريحتني قد ايه.....لاني كنت شايل هم الموضوع ده جدا لاني كنت ناوي انقل بلد خليجي تاني و كنت خايف جدا بسبب الموضوع ده

[drody]

السلام عليكم ورحمة الله وبركاته

اخواني واخواتي رغم علمي بان موضوع الهجرة ل :)كند ا واجراءتها قد قتل بحثا وقد قرأته من الالف الي الياء واستفدت منه كثيرا واخيرا بعد مناقشات 8سنوات استطعت ان اقنع زوجي بالتقديم للهجرة من خلال ردي علي كل اعتراضاته التي وجدت ردها في المواضيع المختلفة عن الهجرة واراء الاخوة والاخوات والهدف الاساسي هو توفير حياة بمستوي افضل للاولاد وسامحوني فلي بعض الاسئلة ارجو الرد عليها ويمكن ان يكون بعضها مكرر لكن سامحوني مرة اخري

اولا :ninja: نحن نعيش في السعودية فما فهمته ان نتقدم بخطاب تعريف الي مكتب لندن وهم سيرسلون لنا الاوراق والارشادات اللازمة اوكي لكن لو انا طبعت الابليكشن من موقع الحكومة اومن اللي انا حفظته من مشاركة احد الاخوة وهو المكون من ثلاث ورقات وارسلته لكمتب لندن هل هذا يغني عن خطاب التعريف والا ارسله فين بالظبط ؟ولما ارسله يكون معاه الاوراق المطلوبه وايصال الدفع والا ايه ؟ارجو تفسير هذا الجزء من الاجراءات بالتفصيل مرة اخري لاني بالفعل كنت كلمت المحامية في كندا وبناء علي ارشاداتكم قررت ان اقوم بالمعاملة بنفسي وبالفعل كلفت الاهل بالبدء في تجهيز الاوراق المطلوبة من مصر ولذلك ارجو ا تحديد الاوراق بالظبط التي ترسل في الاول :ninja: وسؤال مهم جدا بالنسبة لنا نريد رايكم]فيه فانا حاصلة علي بكالوريوس تجارة واجيدا الانجليزية القديمة بتاعتنا في مصر قبل التويفل والاليتس عندي حصيلة لغوية جيدة نوعا ما واتحدث نوعا ما معقول وبحب اللغة بشكل عام وبكتسب زيادة من مذاكرتي مع ابني في منهج السات الامريكي بس لسه في جريد2 المهم انزوجي بالرغم من انه مهندس ولكن اللغة عنده متدمرة وكمان ماعندوش وقت يدرس نهائي هو اخدت كورسات قبل كدة في المركز الثقافي البريطاني في السعودية والنتيجة تعتبر ضعيفة المهم اللي انا عايزه اقوله اني انا عندي تقريبا معظم النقاط اوكي وعندي استعداد للدراسة وانا افعل ذللك فعلا وعندي وقت لها بس المشكلة عندي هي الخبرة انا اشتغلت في مصر حوالي سنتين في شركة اميريكية في المبيعات بس ما اخذتش شهادة خبرة لاني سافرت بعدها الي الامارات مع اهلي واشتغلت هناك حوالي سنة ونص كسكرتارية تنفيذية وكل ده كان من سنة 96 ال 99 ومن ساعته ما اشتغلتش وتعييني في وزارة التربية والتعليم في مصر كمدرسة كمبيوتر ثانوي ما استلمتوش ومعاييش اي شهادة خبرة لكن هو عنده 3سنوات خبرة الجيش وسنة في شركة بترول لم ياخذ بها شهادة خبرة و6 سنوات في السعودية الكفيل لم يعطيه بها شهادة خبرة عند طبعا وحاليا في شركة كبيرة وعلي شهر 12 /2008 يبقي معاه 4 سنين خبرة وكمان السن بالنسبة له الان 43 سنة فبصراحة متحيرين نقدم باسم مين فينا هو بيقول انا احسن علشان السن واللغة وطبعا هو الخبرة ياريت تساعدونا وتقولوا لنا اي منا افضل في التقديم ؟

ارجوا منكم الرد علي بسرعة وعندي اسئلة تانية بس سامحوني طولت عليكم وحكيت قصة حياتي بس دي اول مرة لي اكتب في منتدي يعني غريبة والغريب اعمي ولم اتجرء في الكتابة الا لاحساسي اني في وسط اهلي وان انتوا الوحيدين اللي ممكن تقولوا نصيحة بجد وتساعدوني ارجوكوا ما تتاخروش علي

[مسافرة]

العزيزة drody

انا اول مرة اشارك فى المنتديات مع انى متابعة من فترة طويلة , لكن لما قرات مداخلتك قررت اشارك لان حالتى تشبه حالتك تقريبا..

شرط لبخبرة اسااااااااااسى على الاقل سنة خلال اخر عشر سنين و لازم تكونى قادرة على اثبات ده و الا ممكن يعتبروكى بتحاولى تخدعيهم و فى الحالة دى انسى كندا خالص ( لو ثبت لهم ان اى معلومة غير صحيحة) عشان كده الواحد و هو بيملا الابليكيشن لازم يكون دقيق جدددددا و متاكد انه حيقدر يثبت كل كلمة كتبها , الا اللغة لان ممكن الواحد يقيم مستواه تقريبا او ايه المستوى اللى ممكن يحققه فى المستقبل القريب ان شاء الله و يتوكل على الله و يكتبه و يقدم الابليكيشن و بعد كده ينمى مستواه باسرع ما يمكن و يمتحن و يحاول يجيب السكور اللى يحقق المستوى اللى كتبه........

يعنى العقدة عندك فى شهادة الخبرة بس لو تقدرى تحصلى على شهادة بسنة واحدة .. اتوكلوا على الله و قدمى باسمك لانك اقدر من زوجك على تنمية الانجليزى و الفرنساوى بحكم انك وقتك اوسع شوية .. اما زوجك حتى لو كمل 4 سنين خبرة ف البوينتس مش حتزوده كتير زى البوينتس بتاعة اللغة.

و ربنا يوفق الجميع

[ELSHAMY]

العزيزة drody

أنا مش عاوز أجيب لك احباط ... لكن خلينا نحاول نرفع ال points عن طريق تحسين اللغة أولا لأن امتحان اللغة مش سهل . ارجو انك تحسبى score جيدا قبل البدء فى التقديم. و يمكنك الاسراع بأخذ كورسات مكثفة عن طريق British Council لتحسين مهارات الاستماع والحوار و الكتابة واكتساب مصطلحات جديدة.

بالنسبة للخبرات حذار من كتابة أى معلومة لا يمكن اثباتها.

و بالتوفيق

[deemuck]

الاعلى في النقاط سيكون هو صاحب الملف..

ارسال الاوراق لمكتب لندن - simplified - لا يحتاج لخطاب تعريف ، كفاية الثلاث ورقات ومعهم الايصال.

بالنسبة للخبرة اذا لم يكن هناك شهادة تؤكدها. يمكن ادراج العقد أو العقود التي تثبت فترة العمل مع توثيقها من سفارة البلد او من البلد الاصلي على حسب مكان العمل + صور الفيز اذا كان العمل خارجيا + اي اوراق تثبت العمل. بحجة ان العمل لم يعطني شهادة خبرة او الشهادة ضاعت لاي سبب

[drody]

اشكركم جميعا علي الرد وارجوا ان تتسع صدوركم لتساؤلاتي

الاخت مسافرة قلت ان كفاية سنة واحدة خبرة في 10 سنين طيب انا اخر يوم عمل لي كان 30/6/99

بس للاسف مش هاقدر اجيب اي شهادة خبرة من الشركة اللي كنت باشتغل فيها لانها تقريبا قفلت واهلي كمان نقلوا الي دبي وبعدين انا كنت في الامارات مع اهلي وعلي كفالتهم وبالتالي العمل لم يكن بعقد وكان مجرد تسليةيعني مش ممكن اوثق حاجة يا اخيdeemuck بس كده ممكن اسال لو قدرت اجيب اي شهادة من اي شركة تانية بنفس فترة العمل اوفترة تانية يعني ما اشتغلتش فيها او من مصر والله مش مقصود الكذب لاني فعلا اشتغلت اكتر من 3سنين ونصف واوثقها دي هتبقي مشكلة ؟ وهل هما يهمهم الشهادة والا بيدوروا ويتاكدوا منها؟ ودي ممكن تكون مجرد محاولة

اما بالنسبة للغة فانا مستواي من غير اي مذاكرة فوق المتوسط وانا عملت امتحانات كتير اون لاين لاليتس وكامبرديج الاليتس كانت 6 وكامبريدج كان 48من 68وكتير كلهم تقريبا نفس المستوي من غير اي مراجعة يعني اعتقد في امل.وانا جمعت كل المواقع عن الاليتس والكتب وهابدا ان شاء الله.

اما بالنسبة للمركز البريطاني اخي EL SHAMY فهل يوجد فيه دورات للاليتس والا هو مجرد اختبار مستوي بناء علي مجهود شخصي ؟

وبالنسبة للابليكشن ممكن اكتب في اللغة ايه لحد ما اختبر؟

وايه الفرق بين الريجولر ابليكشن والسيمبلفيد وهل القانون الجديد ده معناه ان كله يملاء السيمبلفيلد ؟وايه الفرق بينه وبين السيلك وركر وايهما افضل؟

[مسافرة]

العزيزة drody

بالنسبة للغة هم بيعتبروا score بتاع ielt من اول 7 فما فوق ما يساوى high level يعنى كده ممكن تحصلى على 16 point فى اللغة بشوية مجهود كمان .. هو مش سهل على ما اعرف و انا لسة باستعد له.

اما بالنسبة للخبرة , انا سمعت انهم بيسالوا حتى فى التامينات عشان يتاكدوا من حقيقة الخبرة دى .. حاولى تانى فى اتجاه اثبات الخبرة دى باى ورقة.

و ربنا معاكى و معايا

[drody]

اشكرك كثيرا اختي مسافرة وربنا يوفقك لان اللغة موضوعها كبير وصعب ومحتاجة مجهود كتير ربنا معاكي ومعانا يسدد خطانا لما فيه الخير لنا ولأولادنا

كده انا فهمت منك انك لسه ما قدمتيش ؟ممكن لما تيجي تملي الابليكشن نبقي نملاه مع بعض لاني بصراحة خايفة اكتبه لوحدي

[deemuck]

علي كفالتهم وبالتالي العمل لم يكن بعقد وكان مجرد تسليةيعني مش ممكن اوثق حاجة يا اخيdeemuck بس كده ممكن اسال لو قدرت اجيب اي شهادة من اي شركة تانية بنفس فترة العمل اوفترة تانية يعني ما اشتغلتش فيها او من مصر والله مش مقصود الكذب لاني فعلا اشتغلت اكتر من 3سنين ونصف واوثقها دي هتبقي مشكلة ؟ وهل هما يهمهم الشهادة والا بيدوروا ويتاكدوا منها؟ ودي ممكن تكون مجرد محاولة

* اي خطاب من اي شركة موثق بفترة التعاقد.

وفي الغالب بيكون في مقابلة في السفارة ولازم يكون معاكي اصل الاوراق + شهادة الخبرة (اساسي بس لو اتفقشت انها مزورة ، هيكون عقابها الطرد والحرمان من الهجرة لفترة)

* السيمبلفيد ، هو القائم الان وهو مجرد تقييم مبدئي.

* skilled worker أو العمالة المهرة (نظام هجرة) ويعتمد بشكل رئيسي على الخبرة - اما السيمبلفيدفهي اوراق تقديم.

يمكن معرفة المزيد من هنا www.cic.gc.ca

* ممكن تكتبي في اللغة زي مانتي عايزه. المهم اثناء استكمال الاوراق وارسالها لابد من صحة تقييمك بناء على درجة الاختبار.

* المعهد البريطاني في السعودية بيقدم دورات للايلتس 3 ساعات ب 500 ريال

[drbakir]

السلام عليكم

أختي ليش ميصير اتقدمون انت وزوجك سوية واتصير ابليكيشن اثنين على الاقل اتزيدزن من فرصة قبولكم

ثانيا اكو موقع يحسب النقاط مال الهجرة , جربي انت وزوجك وشوفوا من الاعلى نقاط خلي يقدم

[drody]

اعتقد ان احنا الاثنين نقدم لمضاعفة فرص الفوز ده في dv الامريكي فقط

[مسافرة]

كده انا فهمت منك انك لسه ما قدمتيش ؟ممكن لما تيجي تملي الابليكشن نبقي نملاه مع بعض لاني بصراحة خايفة اكتبه لوحدي

الحقيقة احنا قدمنا فعلاapplication فى السفارة فى مصر عشان نكسب وقت .. لان كل المطلوب منك فى النظام الجديد ال SIMPLIFIED ال3 ورقات بتوع الAPPLICATION و ايصال البنك اللى دفعتى بيه المصاريف و صورة البسبور فقط .

وانا دلوقتى بجمع الورق و دايخة زيك . لكن لسة امامنا وقت هم بيقولوا مش حيبعتوا لحد قبل 4 سنين !!!!!!

فى الفترة دى نكون جمعنا الورق و ترجمناه و ظبطنا الانجليزى اللى نسيناه من قلة الاستعمال و حسننا الفرنساوى و يمكن قبل الاربع سنين نكون زهقنا و رجعنا فى كلامنا.. وساعتها ممكن نقدم طلب استرداد الفلوس.

لكن نصيحتى لكى الاول انك تحسبى الpoints بتاعتك و بتاعة جوزك كل واحد على انه principal applicant و التانى spouse وشوفوا مين اعلى مع وضع فى الاعتبار امكانية اثبات الخبرة و الامكانيات اللغوية بعد مجهود سنة و اثنين ان شاء الله مش ضرورى الامكانيات اللغوية دلوقتى

[هشام الكندي ان شاء الله]

يا جماعه عندي استفسار,

اول تقديم للمهاجر يتضمن الثلاث اوراق اللي في الموقع+ ايصال دفع الرسوم و هي 500 دولار+ صورة الباسبور فقط لا غير و لا فيه اوراق تانيه بتتقدم في اول تقديم للسمبليفايد؟

[مسافرة]

الاخ هشام

فى نظام الsimplified مش مطلوب حاجة غير الapplication + ايصال البنك(city bank) و صورتين منه + صورة البسبور فقط و ده حتلاقيه بالتفصيل على موقع السفارة الكندية فى مصر

[هشام الكندي ان شاء الله]

شكرا جدا ليكي يا اخت مسافرة و بالتوفيق ان شاء الله

[medopharm]

الاخ بسام تحيه طيبه ليك ولكل المشاركين

والله انا بس كنت بسأل عن معلومة ان السفاره فى لندن بتخلص فى طلبات اكتوبر 2005

دى الطلبات المتقدمه عن طريق مكتب لندن ولا كل المقدمين لكل السفارات الكنديه

عشان انا مقدم من شهر سبتمبر 2005 من القاهره وطبعا اخدت رقم الملف و لكن ادونى مده 48 شهر يعنى ميعادى فى شهر سبتمبر 2009 ان شاء الله

وطبعا لسه حتى الان ما قدمتش الايلت وتايه فيه مش عارف اعمل ايه

ياريت تطمنى وتقلنا ازاى وصلت للمعلومه دى

وشكرا

[المر]

الاستاذ medopharm

الملفات اللى بدأو فيها فى شهر اكتوبر 2005 هى التى اصحابها قدموها من منطقة الخليج فقط. حيث كنت مقدمة من السعودية و بدأو يطلبوا منى تجهيز الاوراق حيث ان الاوراق فى المرحلة الاخيرة قبل الميدكال. وبدليل انهم اعطوك 48 شهر يعنى 2009 .

بالتوفيق انشاء الله

[Mithras]

نيحياتى للجميع،

أحببت أن أعرف رأى من فى المنتدى فى حالتى و ايه من الممكن انكم ترشحوه بحكم خبرتكم.

أنا صيدلى و عمرى 26سنه و أريد أن أهاجر الى كندا. و لكنى حتى الآن لا أستطيع أن أفتح ملف هجره و السبب بسيط و هو انى لم أصل ل67 نقطه المطلوبه. فبالرغم من أنى جامعى و لغتى الانجليزيه قويه جدا و حاصل على شهاده الIELTS لكنى مازلت فى عجز فى النقاط و السبب أنى لم أتم 4 سنيين خبره فى مجال عملى و مازلت غير متزوج. فكرت فى أن أتم معادله الصيدله حتى يتسنى لى العمل فى كندا و الحصول على Job offer أستطيع أن أدعم بيه ملف الهجره و بالفعل أنتهيت من المعادله و لكن للأسف لم أستطيع أن أجد صاحب عمل يريد أن يقوم ب sponsorship ليه حتى أستطيع الحصول على فيزا عمل و عن طريقها تقديم هجره. القوانيين فى ontario غايه فى التعقيد و سوف أطالب بالتدريب لمده قد تصل لسنه فيها حتى أستطيع الحصول على رخصه مزاوله المهنه، هذا بالضافه انى لا أستطيع أصلا أن أبدأ تدريبى و أنا بدون اقامه مستديمه الا اذا حصلت على فيزا عمل.

أنا لا أريد أن أنتظر لمده عام آخر حتى أتم 4 سنوات خبره و أقدم على الهجره، و حلنى على ما الملف يقوموا ببحثه و يبعتولى.

فما الحل؟؟ أنا فى انتظار رددودكم