هل اقبل عريس لبنتي مطلق وله بنت وولد

[disappointed]

نشكر جميع الاخوة على ردودهم وانا فعلا انهيت الموضوع ليس علشان خاطر ابنتي ولكن علشان خاطر الاولاد الصغيرين الي ملهمشي ذنب والحمد الله ابنتي لم يفتها القطار ولسه صغيرة وسوف تخلص جامعة قريب وعلى درجة كبيرة من الجمال لان نصفها الماني ونصفها مصري صعيدي وفيه عرسان كتير متقدمين لها ولكنهم في دور التكوين لانهم لسه شباب ولكني افضل انهم يبنوا مستقبلهم بنفسهم ،  مع بعض المساعدة البسيطة مني حسب الاصول والشرع وان يكون العريس مأتمن عليها تماما وملتزم دينيا

:lol: :P

[zamalkawy]

استاذ محمد بالرغم من اني صعقت انك كبير في السن و عندك بنت على وش زواج مش عارف ليه طول عمري فاكر شاب في العشيرنات :lol:

بس نصيحة مني انا اه لسه صغير او يعني في نسة متوسطة 28 ستة يعني لا صغيراوي و لا كبير اوي و اقدر افيدك في تفكير 99% من الشباب حديثي التخرج اولا موضوغ الجواز بالشكل اللي انت بتقول عليه مش كويس لعدد اسباب 99% من الجواز بالطريقة دي حتى لو الشاب محنرم و ميسور الحال بيكون الغرض منها الحصول غلى جنسية غير مصرية و اهي فرصة يهاجر و يعيش برة و دي مشكلة كبيرة لكل المغتربين

النقطة التانية زي ما فهمت بنت حضرتك لسة صغيرة يعني هنقول خترج يعني من 20 سنة لحد 22 سنة يبقى الحل انها بعد ممتخرج تيجي تعيش معاك في مصر و تعمل بشهادتها و سنة او اتنين و اعتقد ممكن يجالها العريس المناسب

حاجة اخيرة لو الموضوع لسة شغلك اعمل استخارة افضل من ارائنا كلنا

وربنا يوفقك :P

[Mohammad Abouzied]

طبعا الموضوع انتهى وبنتي هتكون معي ومش هاتسافر بره تاني وهناخد الجنسية المصرية لها وفيه قضية حاليا مرفوعه بشأنها وانشاء الله ها نكسبها وحكاية العريس دي قصمة ونصيب

[achnaton]

نشكر جميع الاخوة على ردودهم وانا فعلا انهيت الموضوع ليس علشان خاطر ابنتي ولكن علشان خاطر الاولاد الصغيرين الي ملهمشي ذنب والحمد الله ابنتي لم يفتها القطار ولسه صغيرة وسوف تخلص جامعة قريب وعلى درجة كبيرة من الجمال لان نصفها الماني ونصفها مصري صعيدي وفيه عرسان كتير متقدمين لها ولكنهم في دور التكوين لانهم لسه شباب ولكني افضل انهم يبنوا مستقبلهم بنفسهم ،  مع بعض المساعدة البسيطة مني حسب الاصول والشرع وان يكون العريس مأتمن عليها تماما وملتزم دينيا

عين العقل يا ولد العم ..

إبنتنا هذه أمها مصرية وابوها ألمانى .. والأب الألمانى بصفة عامة يختلف عن الأب المصرى فهو لا يتجل فى شئون اولاده وخاصة بعد سن السادسة عشر وقرارات المستقبل للولد أو البنت بيتخذوها هم أنفسهم .. ورأى الأب استشارى ويقل كثيرا عن رأى الأم .. ويمكن هذا يرجع الى أن الأم هى المسئولة عن تربية الأولاد وأوثق ارتباطا بالأولاد ..

وابنتنا هذه لزقت فى أمها المصرية وشربت كثيرا من طباعها .. وهذا الزوج الذى تقدم لها يتمتع بخاصة غريبة هى الأنانية .. ولا يعرف المعنى العميق للأخلاص والإنتماء .. وكما ترك الزوجة الأولى .. نتيجه لعدم إقتناعها بوجهة نظره فى الهجرة .. سيترك الثانية إذا فشل فى المهجر واراد العودة .. وأستاذ الجامعة الذى يفترض أن لديه القدرة على إقناع تلاميذه بوجهة نظرة فى النظريات العلمية التى تخصص فى تدريسها ..لا يستطيع أن يقنع شريكة حياته بما أقتنع به .. هو أستاذ فاشل خيبان مع إحترامى له ..

وقرارك سليم الف فى المائة .. وما دامت ابنتنا مازالت تدرس .. يعنى لسه صغيره .. فأتركوها لصاحب القرار الكبير .. ولعقلها .. وصاحب هذا القرار هو الكريم العلى الخلاق .. وهو فعال لما يريد .. وارحموها يرحمكم الله ودعوها تحدد هى مستقبلها وبكرة وعندما تتخرج سيأتى اليها نصيبها فى الحياه .. التى أدعو الخالق لها ولأمثالها أن تكون هذه الحياة سعيدة ..

مع تحياتى للمدام ومعذرة للإشتراك متأخرا فلم أكن اطلع على كل المحاورات ..

اخناتون المنيا

[se_ Elsyed]

عين العقل يا ولد العم ..

إبنتنا هذه أمها مصرية وابوها ألمانى ..

يا عم اخناتون العكس هو اللي صحيح ..

محمد أبو زيد هو اللي صعيدي والأم هي اللي ألمانية ... إنتوا هاتلخبطونا ليه ؟

وحكاية العريس دي قصمة ونصيب

أهي قصمة دي يا حاج محمد فيها ستة أشهر ... يادي الفضايح .. إسمها قسمة .. أما قصمة فهي الحاجة اللي بتقصم الضهر بعيد عنك وعن السامعين ..

زمالكاوي كتب

استاذ محمد بالرغم من اني صعقت انك كبير في السن و عندك بنت على وش زواج مش عارف ليه طول عمري فاكر شاب في العشيرنات

أقول إيه ما أنت زملكاوي ... مافيش كلام يتقال أكتر من كده ....

إتنين زملكاوية بيجاملوا بعض على حسابنا ..

وطالما يا عم محمد الجواز قصمة قصدي قسمة ونصيب ماتبص بصه كده على السي في بتاعت أخونا حشيش يمكن ينفع ...

حشيش إبعت السي في يا مان يمكن تشبك المرة دي والأمور تمشي خلينا نخلص منك :unsure:

[achnaton]

عين العقل يا ولد العم ..

إبنتنا هذه أمها مصرية وابوها ألمانى ..

يا عم اخناتون العكس هو اللي صحيح ..

محمد أبو زيد هو اللي صعيدي والأم هي اللي ألمانية ... إنتوا هاتلخبطونا ليه ؟

وحكاية العريس دي قصمة ونصيب

أهي قصمة دي يا حاج محمد فيها ستة أشهر ... يادي الفضايح .. إسمها قسمة .. أما قصمة فهي الحاجة اللي بتقصم الضهر بعيد عنك وعن السامعين ..

يعنى ياسى س.س. إنت بتعرف " صعيدى " اجدع منى .. دى لغة أجدادى .. والحاج محمد رجل طيب .. ولما يتبنى مشكلة زى دى بتاعة واحده بيعتبرها زى بنته .. فمش مش معنى كده أنه كان متزوج ..او متزوج المانية .. دى رنبة عشان المدام تقرأ المداخلة وتعمل له مجلس رياضى .. هو أنت اتعلمت الزنب من حشيش .. !! ولا أكمنه كثير الأخطاء فى بعض الكلمات العربية وبيكتبها بالصعيدى .. !! وحأقولك حاجة لو بنتنا دى أمها ألمانية ما كانت تركتها بسهولة

ما تتكلم يا ابن العم

مع تحياتى

اخناتون المنيا

[Mohammad Abouzied]

الصحيح فعلا انها بنتي انا وامها المانية ، وامها حاليا ليس لها اي سلطة عليها ومتعلقة بسيدة اكثر من امها الحقيقية وعموما سيدة بتحبها فعلا

فما مفيش مشكلة ابدا من طرف الحكومة