للسميعة فقط

[ابو محمود]

دة بقى طرب مش طرب من بتاع الكفته هههههههههههههههههههههه حبيبى يا سينيور كامل

http://www.youtube.com/watch?v=kMy3byceOtM

والله ياحضره العمده مش هتنازل عن دكر بط وصنيه معكرونه

تم تعديل 27 فبراير 2012 بواسطة ابو محمود

[ابو محمود]

النهارده كفايه عليك كدة يا سنيور ههههههههههههههههههه اصلى مانمتش من امبارح

دى حته جاتوه معتبر شرقى هديتى ليك اسمعها وادعيلى

http://www.youtube.com/watch?v=1BOHJo8ZQxM&feature=related

تم تعديل 27 فبراير 2012 بواسطة ابو محمود

[Folana]

السلام عليكم ورحمة الله...

ان شالله اعدم حماتي يا مدام فولانة ما بعتله بط و لا وز و لا بشاروش حتي

دي بطة بلاستيك من اللي تدوسي علي جناحها تعمل كاك كاك ... باعتها لعيال وايت هارت علشان يعرفوا بس شكل البط ايه ... آه و النيعمة .

وأنا مايرضينيش إنك تعدم حماتك ياسكوب افندى....خلاص سماح النوبة..

وجبت لك معايا حتة كده على ماقُسم..

فايزة أحمد..

اصلح الأوتار قلبى عاد يهفو للغناء

جاءت الاشواق حلما زائراّ هذا المساء

http://www.youtube.com/watch?v=7OObD8mD2eY&feature=related

[أبو محمد]

مدام فولانة

سيبك من البط المضروب بتاع سكوربيون ده .. وسيبيله حماته وادعيله

أنا عارف انك بتحبى الرنجة .. اتفضلى من أوختشى "روح الفؤاد"

روح الفؤاد دنجا دنجا .mp3

معلش هو حرف واحد .. غيريه وبالهنا والشفا :FN:

[أبو محمد]

أبو محمووووووود

دانت أتاريك سميع إرارى ..

شكرا على التحف وبالذات على موسيقى "ذكرياتى" للقصبجى .. شوفت الجمال يا عم محمود ؟

خلينى أهديلك وأهدى لكل السميعة اللى فى التوبك ده غنوة من الصعب تلاقوها .. هى من غناء ابراهيم الحجار .. أيوه بالظبط .. أبو على .. ده بقى أستاذ معظم المطربين المعروفين

صوته فيه رقة وكمية شجن غير معقولة

عزيز على القلب.mp3

الغنوة كمان كلماتها من النوع السهل الممتنع .. بساطة ورقة وعذوبة

عزيز على القلب تمنيه ... وتوعده بقرب وصـالك

وبـعدها تـرجع تـجافيه ... يحتار فى قربك ودلالك

عزيز على القلب تمنبه

ياقلبى صدقت وعـوده ... وفضـلت عـايـش فى الأوهام

تستنى هيمان مواعيده ... لـو طـيفـه زارك فى الأحـلام

سـلمتلـه قـبل مـا اسـلم ... والـود كـان بـايـن فى عـيـنـيه

سـاب الـعوازل تـتكلم ... عن هجره ساعة وساعة عليه

عزيز على القلب تمنيه

لـكن ده حـالـه من حـالـك ... ولـيـه بتـبكى مـن هـجره

يمكن يكون اللى جـرالـك ... جراله بعد ما طال صبره

ونشــوة الـحـب الهـجران ... ده يجـدد الشـوق ويزيـده

وعذابه فى طول الحرمان ... بـالـوصل يحييه ويعيـده

عزيز على القلب تمنيه

الصبر والله يا قلبى دواك ... خليك على عهدك لو طال

مسـير حبيبك يبقى معاك ... وتعيش معاه مرتاح البـال

يـارب تجـمـع كل حبيـب ... وتـبـعـد الـعـزال عــنـهـم

ويوم صفاهم يبقى قريب ... بـالـفـرح دايـمـا تـسـعدهم

عزيز على القلب تمنيه

[ابو محمود]

والله يا أبو محمد وما ليك عليا يمين محدش منور المحاورات الا اللي زيك انت والسنيور كامل وانا ياراجل يا عجوز هههههههههههههههه

سميع قديم وكنت باحضر حفلات الكنسرفتوار ومن عشاق الأوركسترا وكنت دائم الحضور بمسرح الجمهوريه وقاعه سيد درويش بالهرم ولو لم اكن مصمم مجوهرات لكنت مؤلف موسيقى بس الزمن ههههههههههههههههههههههههههههههههههه تحياتى يا سميعه

ايه رأيك فى الراجل دة تعرفه طبعآ

http://www.youtube.com/watch?v=6UwM2HBkK04

[أبو محمد]

والله يا أبو محمد وما ليك عليا يمين محدش منور المحاورات الا اللي زيك انت والسنيور كامل وانا ياراجل يا عجوز هههههههههههههههه

سميع قديم وكنت باحضر حفلات الكنسرفتوار ومن عشاق الأوركسترا وكنت دائم الحضور بمسرح الجمهوريه وقاعه سيد درويش بالهرم ولو لم اكن مصمم مجوهرات لكنت مؤلف موسيقى بس الزمن ههههههههههههههههههههههههههههههههههه تحياتى يا سميعه

ايه رأيك فى الراجل دة تعرفه طبعآ

http://www.youtube.com/watch?v=6UwM2HBkK04

ده حبيب قلبى .. ده كان من أواخر حفيظة السيد درويش هو ومحمد البحر الله يرحمهم ..

مع إن "قمر له ليالى" بتاعة داود افندى حسنى .. بس هو أكتر واحد - من اللى غنوا زورونى كل سنة مرة - بيقولها صح

إسمع كده

http://www.youtube.com/watch?v=mpwtMrtzTJQ

[أبو محمد]

أعتقد ان السميعة اللى هنا ما عندهمش مانع يسمعوا طرب قديم أصيل وفى نفس الوقت دمه خفيف جدا

عزيز عثمان .. طبعا عارفينه .. إبن ملك الدور محمد عثمان صاحب الأدوار الخالدة "كادنى الهوى وصبحت عليل" .. "ملا الكاسات وسقانى" ..

أيوه هو بلطافته وخفة دمه .. عزيز عثمان .. بتاع الأغانى الجميلة فى فيلم لعبة الست .. بطلوا دا واسمعوا دا .. ياخارجة من باب الحمام وكل خد عليه خوخة .. وتحت الشباك لمحتك يا ياجدع .. دى أغانى مش صعب الحصول عليها

خدوا بقى الأغنية دى مع شادية .. فلفلى يا مرات ابوه .. كلماتها بتقول

قـلـتى إيـه يـامـرات ابـوه

رأيـك ايـه يـا مـرات ابوه

يـافـلـفـل هـاتـوه يـقـفـل

ياشطة هاتيلها زغوطة

فـلفـلى يـامـرات ابـوه

وازعلى يامرات ابوه

فلفلى ولا ازعلى واتبهدلى

يامرات ابوه

قرن شطة واندغيه ...ههقا

رطل بن واطحنيه ... ههقا

صحن رز وفلفليه

للى زيك يطفحوه

الكيد والنه .. اشربى مالبحر

فلفلى يامرات ابوه

وازعلى يامرات ابوه

فلفلى ولا ازعلى واتبهدلى

يامرات ابوه

اللى يعشق مـين بيهمه

حـتى خـالـه ولا عـمـه

وانتى يللى حاملة همه

لا انتى أخته ولا أخوه

إهرى يا مهرى

وانا على مهلى

فـلفـلى يـامـرات ابـوه

وازعلى يامرات ابوه

فلفلى ولا ازعلى واتبهدلى

يامرات ابوه

فلفلى يامرات ابوه .wav

[عبير يونس]

طبعا انا مش قد السميعة الكبار اللي هنا

و مش حأعرف أنافس غير بأم كلثوم و عبد الوهاب و ابراهيم حمودة

الغنوة دي بحبها اوي لكوكب الشرق

و كنت بأدندن بيها في طفولتي

:wub:

عطف حبيبي وهناني يا فرحتي لمّا صفالي

عطف حبيبي

أنا كنت حيرانة في حبه ما أعرفش إيه اللي ف قلبه

لمّا وافاني وطاب قربه

شرح غرامه وباح بوجده وبعد ما قلبي كان لوحده

عطف حبيبي

أقضي طول الليل أناجيه وأنام وعقلي يفكّر فيه

ياما بعت الشوق يناديه

سمع نداي خلاني أشوفه وفرحت لمّا شهدت طيفه

عطف حبيبي

قال لي الوجود يحلا معاك والقلب يسعد بلقاك

والفكر دايماً معاك

ولمّا شفته فرح بقربي فهمت حبّه وقال لي قلبه

عطف حبيبي

http://www.youtube.com/watch?v=G3AIr_NG9-Q

[عبير يونس]

فضلت أخبي عنه هوايا

ابراهيم حمودة و أم كلثوم

http://www.youtube.com/watch?v=xpbt92j1jrM

[MZohairy]

أسمر ملك روحي

سعدت جدا لرؤية اسمك يا وايت هارت

حمد الله على السلامه

رجعتلنا ذكريات قديمه

[أبو محمد]

عزيز عثمان .. كلاكيت تانى مرة

الراجل ابو دم خفيف ده واحد من سلاطين الطرب .. حتى لما بيغنى بشكل كوميدى

شوفوا الكلمات دى الأول وبعدين واسمعوا الأغنية

عيون حبيبى خضر وخضرضر

وخـدود حبيبى حمـر وحمـرمـر

وشـعور حبيبى صفر وصفرفـر

فرفر ياخويا فرفر

فرفر ياخويا

ياخويا فرفر

سـاعـة مـاشـوفـه فـايت عـلـيا

أقول ياريتنى قبقاب فى رجله

ولما إيده تلمس إيديا

سـكينة حـامية تدبحـلى عـجله

نهار ما شوفته تعبان قرصنى

رقدنى جمعة

ولـما بـوسـته ميـِّل وعـاصنى

من بقه دمعة

محتار فى بختى

الاسـود يا أختى

بس أعمل ايـه

لهاليب سبرتو

والقلب مورتو

أحـيه عليـه

ياختى عليه

عزيز عثمان - عيون حبيبى.mp3

[Scorpion]

ايه ده ... زهيري رجع تاني ...

الف حمد لله عالسلامة يا مايسترو .. ليك وحشة بجد ...

و احتفالا بعودتك .. أهديك الحتة دي للرائعة دايمآ ليلي مراد

ياما أرق النسيم

:friends:

[ابو محمود]

ايه ده ... زهيري رجع تاني ...

الف حمد لله عالسلامة يا مايسترو .. ليك وحشة بجد ...

و احتفالا بعودتك .. أهديك الحتة دي للرائعة دايمآ ليلي مراد

ياما أرق النسيم

:friends:

ياعمنا انت هتاكل الجايزة الى انا كسبتها والله تلاته بالله مانا متنازل عن دكر بط والوان كمان ويكون بلدى من بتوع عكاشه ابعت وعلينا المكرونه

[ابو محمود]

رغم احساسى ان ايامى بالمحاورات بقت معدودة اهديكم هذة الاغنيه لمحرم فؤاد كنت احبها جدآ من ايام المراهقه

http://www.youtube.com/watch?v=--JbyfvW2-A&feature=related

[Scorpion]

طيب قبل ما تمشي .. اتفضل يا سيدي البطة احسن تقول انها فنجرة بق ...

من ايد الشيف قصدي الشيخ امام ... اليكم البطة الرائعة

حطة يا بطة

و فيها كل اللي تحبه ... بط .. ظباط ........... كفار ... كله موجود

معلش يا مدام فولانة ... التقفيصة الجاية حتبقي ليكي ...

[عبير يونس]

افرح يا قلبي

ام كلثوم

كلمات: احمد رامي

الحان: رياض السنباطي

افرح يا قلبي لك نصيب تبلغ مناك ويا الحبيب

افرح يا قلبي

يا فرحة القلب الحزين لو صادق الخل الامين

بعد التمني والحنين يبلغ مناه ويا الحبيب

افرح يا قلبي

الفكر كان تايه شريد والقلب كان هايم وحيد

واللي انكتب له يكون سعيد يبلغ مناه ويا الحبيب

افرح يا قلبي

غنّي له الحان الغرام واحكي له اسباب الهيام

وافرح يا قلبي بالمرام وابلغ مناك ويا الحبيب

افرح يا قلبي ]

اقطف معاه زهر الحياة مدام هواك وافق هواه

إخلص اليه واطلب رضاه وابلغ مناك ويا الحبيب

افرح يا قلبي

[أبو محمد]

أخواتى وإخوانى السميعة

أنا قلت أتحفكم قبل ما أنام بالتانجو ده لكارم محمود من تلحين محمود الشريف

ما اسمك بين الأسامى

شعر: صالح جودت

ألحان: محمود الشريف

غناء: كارم محمود

*******

ما اسمكِ بين الأسامي .. يـا فـِتنتي يـا غـرامي

إن قُـلتِ أو لـم تـقولي . . فاسمُكِ أحلى الأسامي

*******

إنـي أسـمّـيـكِ لـيـلـى .. لـتـبـعـثي في خـيالي

ذكـرى شـهـيد غـرامٍ .. كـم عـذبـتـه الـلـيالي

جـنونـه مـن جـنوني .. ضـلالـه مـن ضـلالي

ما أهون العقل إن لم .. يذهـب لوجه الـجمـال

قولي هل إسمُكِ ليلى .. أم ذاك وحي غرامي

إن قلتِ أو لم تقولي .. فاسمُكِ أحلى الأسامي

*******

هـوايَ أدعوكِ نجوى .. لـكي أنـاجـيـكِ دهــري

أم هل أسمّيكِ سلوى .. إذ أنتِ كأسي و خمري؟

أم هل أسمّيكِ رضوى .. إذا رضيتِ بشِعري؟

أم هـل أسـمّـيـكِ فدوى .. لأفـتـديـكِ بـعـمري؟

أم هـل أنـاديـكِ نــورا .. لكي تنيري ظلامي؟

إن قلتِ أو لم تقولي .. فاسمُكِ أحلى الأسامي

*******

إن الأسـامي جـمـيـعـا .. جمالها لا يفيكِ

فليس في الكون حسنٌ .. إلا تجـمّع فـيـكِ

فـمـا اهـتمـامي باسم .. مـن اخـتـيـار أبـيـكِ؟

تـخيّري في الأسامي .. و بـيـن جـنبيّ نـامي

قولي هل إسمُكِ ليلى .. أم ذاك وحي غرامي؟

إن قـلتِ أو لم تقولي .. فاسمُكِ أحلى الأسامي

*******

الملف كبير شوية .. بس الكواليتى تليق بالشعر واللحن والغناء

تصبحوا على خير يا سميعة

masmoki-bayna-elasami.mp3

[ابو محمود]

يا عمنا لما تصحى من النوم امانه عليك تسمع حبيبه قلبى ليلى

http://www.youtube.com/watch?v=g4L7JzN56fw&feature=related

[ابو محمود]

عايزك تسمع دى ساعه العصارى العصارى يا ابو محمد ليها وضع تانى


http://www.youtube.com/watch?v=4TuASwHp284