حد بيعرف يعمل الشكلمه كويس ؟

[HanaaOsama]

حد بيعرف يعمل شكلمه و تطلع حلوه و مفيهاش ريحه زفاره البيض

او اي حلويات بجوز الهند

عندي كيلو و نص جوز هند عايزه اتصرف فيهم قبل ما يبوظوا :blink:

[fatfouta]

اتفضلى يا هناء

4 كوب جوز هند

علبة لبن مركز من اللى هى بتبقى 400جم تقريبا

معلقة كبيرة فانيليا

رشة ملح بسيطة

اخلطى كل المقادير دى مع بعضها

وحضرر صينية كبيرة ادهنيها زبدة او سمنة

وكورى وحطى فى الصينية يا ختى علطول

بس خليها مبططة ذى الطعمية كده ولا مؤاخذة عشان تستوى

حطيها فى الفرن عشر دقايق بس

وممكن بعد خمس دقايق تطلعيها وتقلبيها وتدخليها تانى........اوعى تتحرق منك حكم انا عارفاكى......فاكرو البشاميل؟؟

هو فيه ناس فعلا بتعملها بالبيض عشن تمسك بس بتبقى زفرة بجد........لكن اللبن المركز بيخليها تمسك برضو ....ماتخافيش

على فكرة انا جببتها من عالنت وبقيت اعملها كده فعلا عشان ساعات بيبقى عندى جوز هند مركون.......بس عاوزة اقولك سر انا مش بحبها خاااااااالص العيال هما اللى بياكلوها هما وباباهم

انا بحب اللديد اكتر

واحنا تحت الامر

[HanaaOsama]

متشكرين يا فتفوته و الله مش عارفين نقولك ايه :blush2:

[HanaaOsama]

صح يا فتفوته مفيش دقيق؟

[fatfouta]

صح يا فتفوته مفيش دقيق؟

لا طبعا ولا فتفوتة دقيق

هفضل اعلمك لغايت امتى بقى يا هناء؟؟ :blink:

[HanaaOsama]

صح يا فتفوته مفيش دقيق؟

لا طبعا ولا فتفوتة دقيق

هفضل اعلمك لغايت امتى بقى يا هناء؟؟ :blink:

انا رحت اشتريت لبن مكثف دلوقتي عشان اعملها

عارفه لو طلعت وحشه ......... :sofa:

wst::