اذهب إلى المحتوى
محاورات المصريين

مجرد ارقام عابرة

justme

بواسطة justme
في موضوعات جادة

 مشاركة

Recommended Posts

justme عضو جديد

justme

بتاريخ:
بتاريخ:

معلش يا جماعة طقت في نافوخي كده كام فكرة عن موضوع ارقام نقرأها

ماذا يمكن ان تعني لو نظرنا بطريقة مختلفة

هبدأ بالرقم ده اللي سمعته من ناس كتير

80 الف جنيه

الناس بتدفع 80 الف (ده اخر رقم سمعته من سنه) علشان تروح ايطاليا تخيلوا الرقم ده طب اللي بيدبروا مبلغ زي كده لو اتفق 1000 منهم هيكون معاهم 80 مليون جنيه ولو الف منهم دول مهن مختلفة وعملوا جمعية وبدأوا مشروع في مصر ممكن يعملوا ايه

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:
معلش يا جماعة طقت في نافوخي كده كام فكرة عن موضوع ارقام نقرأها

ماذا يمكن ان تعني لو نظرنا بطريقة مختلفة

هبدأ بالرقم ده اللي سمعته من ناس كتير

80 الف جنيه

الناس بتدفع 80 الف (ده اخر رقم سمعته من سنه) علشان تروح ايطاليا تخيلوا الرقم ده طب اللي بيدبروا مبلغ زي كده لو اتفق 1000 منهم هيكون معاهم 80 مليون جنيه ولو الف منهم دول مهن مختلفة وعملوا جمعية وبدأوا مشروع في مصر ممكن يعملوا ايه

يعني قفلت معاك الارقام كلها ملقتش غير التمانين باكو

و ربنا حرام اللي بيحصل ده

خلصت كل الارقام

هروح اولع ف نفسي شوية و ابقي ارجعلكم بعد ما اتعالج :rolleyes:

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
من بعيد عضو جديد

من بعيد

بتاريخ:
بتاريخ:

الراجل كلامه منطقى جدا وهوبيقول لو الف اجتمعوا مع بعض ممكن يعملوا مشروع ناجح بالمبلغ

انا بقول لو عشره من العينه دى حطوا فلوسهم على بعض هيعملوا حاجه برضه مش وحشه

وبغض النظر لو مش عايزين يقعدوا فى مصر

وراح ايطاليا هيعوض ال 80 الف جنيه دول فى اد ايه وقت ؟

من قال لا اعلم فقد افتى

رابط هذا التعليق
شارك
justme عضو جديد

justme

بتاريخ:
  • كاتب الموضوع
بتاريخ: (معدل)
الراجل كلامه منطقى جدا وهوبيقول لو الف اجتمعوا مع بعض ممكن يعملوا مشروع ناجح بالمبلغ

انا بقول لو عشره من العينه دى حطوا فلوسهم على بعض هيعملوا حاجه برضه مش وحشه

وبغض النظر لو مش عايزين يقعدوا فى مصر

وراح ايطاليا هيعوض ال 80 الف جنيه دول فى اد ايه وقت ؟

هو انا كنت هقول عدد اقل من كده بكتير

بس انا حبيت اخلي الناس تتصور كبر المبلغ ده وازاي ان الحل معانا

انتوا عارفين ان الناس ساعات بتدفع اكتر من كده وبتفشل وتحاول مرة تانية

ياريت الناس تشاركني بالارقام اللي بتعدي عليهم زي كده

انا هسيب الرقم ده شوية وبعدين اكتب ارقام تانية ياريت تشاركو برأيكم

وايه ممكن نعمله

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
myusername عضو جديد

myusername

بتاريخ:
بتاريخ: (معدل)
الراجل كلامه منطقى جدا وهوبيقول لو الف اجتمعوا مع بعض ممكن يعملوا مشروع ناجح بالمبلغ

انا بقول لو عشره من العينه دى حطوا فلوسهم على بعض هيعملوا حاجه برضه مش وحشه

وبغض النظر لو مش عايزين يقعدوا فى مصر

وراح ايطاليا هيعوض ال 80 الف جنيه دول فى اد ايه وقت ؟

بصراحة انا مش مقتنع ان فيه حد بيدفع المبلغ ده علشان يروح يترمى فى البحر.. و يا عالم يوصل او ميوصلش.. ولا حتى 50 الف.. و حتى 30 الف.

لسبب بسيط جدا.. لان اللى معاه 80 الف.. و راح يقدم على تأشيرة انجلترا ولا تأشيرة ايطاليا.. هياخدها على طول.. و ده يعنى من تجارب شباب اعرفهم.

بالنسبة لموضوع انه يعوضهم ولا لا.. للاسف مش هيعوضهم.. الا بعد سنتين على الاقل, لان الوضع فى ايطاليا يرثى له بصراحة. فيه ناس معاها اقامة فى ايطاليا رجعت علشان تقعد فى مصر كام شهر, لغاية اما الامور تتحسن.. بدل ما هما عمالين يصرفوا من غير شغل.

اما عن موضوع ان شباب تجمع الفلوس مع بعض.. زى اى شىء فى مصر... نحن نفتقد الى حسن الادارة. لو 10 جمعوا مع بعض نص مليون جنيه, ده مبلغ كويس جدا علشان يبدأوا بيه مصنع او ورشة صغيرة... بس فين الادارة؟

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
justme عضو جديد

justme

بتاريخ:
  • كاتب الموضوع
بتاريخ: (معدل)

علشان محدش يقول من دماغي

ال80 الف للي يروح بتأشيرة وساعات مضروبة

وعلى فكرة في واحد اعرفه في ايطاليا كان بياخد المبلغ ده مقابل زواجك من ايطاليه على الورق لتحصل على اقامة شرعية

اما اللي اقل بيبقى غير شرعي وده كان من فترة مش قليلة والزمن بيتغير

وأدي مقال

شباب قرى بالشرقية يغامرون بأرواحهم طمعا في الثراء السريع .. وشبكة العروس بالكيلو

2/21/2010 1:01:00 PM

مصراوى - خاص- تنتشر في محافظات مصر المختلفة العديد من القرى التي اشتهرت بسفر وهجرة أهلها الى أوربا ،خاصة الى دولة ايطاليا، سواء كانت الهجرة بأسلوب شرعي او هجرة غير شرعية بحثا عن المال وتحقيق الثراء السريع، ومن أمثلة هذه القرى دهمشا وابراش وميت سهيل بمحافظة الشرقية ( 60 كيلو متر عن القاهرة ) وتطون بمحافظة الفيوم ( 100 كيلو متر عن القاهرة ) وكفر الجمال بمحافظة القليوبية ( 50 كيلومتر عن القاهرة ) وغيرها .

موجات الهجرة في القرى انعكست بشكل كبير على العادات والتقاليد والقيم الريفية الأصيلة بما يشبه الاحتلال وان كان بدون جنود او سلاح فقد ابتعد فلاحوها عن حقولهم وأصبح المال هو صاحب السطوة الاولى بغض النظر عن المستوى التعليمي او العلمي لصاحبة حتى بيوت الريف المميزة اختفت لتقوم مكانها ابراجا وعمارات بها كافة وسائل الرفاهية وكذلك الملابس الاصيلة اختفت فلم يعد احدا يرتدي الجلباب وامتدت الامر ايضا الى الزواج حيث المغالاة في المهور والتفاخر باستخدام عملة اليورو في المعاملات التجارية .

يقول سامي عبدالغني – شاب من قرية ميت سهيل – اكثر من 80 % من شباب القرية خاضوا تجربة الهجرة الى ايطاليا وكثير منهم استقر هناك وقد بدت موجه الهجرة بالقرية منذ عام 1990 عندما ذهب عدد من شباب القرية كمشجعين للمنتخب الوطني المصري عندما كان يلعب في كأس العالم التي أقيمت بايطاليا وهناك فضلوا البقاء والبحث عن عمل وحققوا أهدافهم وبدأوا في دعوة الشباب اقاربهم وأصدقائهم وعندما عادوا بالأموال وظهرت عليهم وعلى اسرهم مظاهر الثراء حدثت عدوى الهجرة بين شباب القرية والقرى المجاورة واصبحوا ينفقون في سبيل ذلك كل غالي ونفيس خاصة مع صعوبة الحصول على تأشيرة السفر الرسمية فلجأوا الى سماسرة التسفير بشكل غير شرعي من خلال البحر المتوسط والذي يحصل على اكثر من 40 الف جنية من كل شاب يرغب في السفر.

وأضاف : اهالي القرية لم يعد يتمسكون بأرضهم الزراعية بل تخلوا عنها وبنوا عليها العقارات الفاخرة ومن يمتلك قطعة ارض يستأجر من يعمل بها من خارج القرية طبعا ، وأصبحت الأهالي يتنافسون في تشييد أفخم البيوت ويدخلون اليها المصاعد الكهربائية بل ان بعضها يضم حمامات للسباحة ، ولم يعد هناك احترام لأصحاب الحكمة في القرية او النفوذ العائلي بل لا صوت يعلو فوق صوت من يمتلك اموال اكثر ، والشباب ينقلون عادات ايطالية دون وعي سواء في طريقة الكلام او الملابس وغير ذلك.

وأوضح احمد ايمن الباز – من قرية دهمشا - : حاولت السفر اكثر من 7 مرات بعد ان تركت التعليم وانا في المرحلة الثانوية ولكنني فشلت في السفر ففي كل مرة يتم القبض علينا ونحن على ظهر مركب التهجير في عرض البحر ويتم ترحيلنا الى مصر مرة اخرى ، وسوف احاول مرة اخرى فشباب القرية الذين يركبون السيارات الحديثة والملابس الفاخرة ويسكنون الابراج ليسوا افضل مني وانا اعمل الان في مقهى بالقرية لتدبير الاموال اللازمة للسفر .

واشار الى ان اي فتاة في القرية لا ترضي بالزواج الا من شاب مسافر الى ايطاليا حتى ولو كانت متعلمة تعليما عاليا والعريس امي ( لا يعرف القراءة او الكتابة ) فالمهم عندها وعند اهلها قيمة الشبكة التي لا تقل عن كيلو من الذهب الخالص ومهر يزيد عن 150 الف جنية وتجهيز منزل الزوجية على اعلى مستوى وإقامة حفل العرس في اغلي القاعات ، وهو ما يدفع اي شاب الى الهجرة بأي وسيلة حتى لو باع جزء من جسده .

وقال محمد عطوة من قرية تطون واحد العائدين حديثا من ايطاليا : لقد سافرت الى منذ اكثر من عشر سنوات وعملت هناك ( نقاش ) مثلما هو الحال لأغلب الشباب المصري المهاجر فهي المهنة الأساسية لهم بجانب العمل في شركات النظافة ومحلات البيتزا وهناك تزوجت من سيدة ايطاليا كبيرة في السن من اجل الحصول على الإقامة رغم انني متزوج من ابنة عمي بالقرية ولم تعترض على زواجي الثاني طالما الامر لصالحنا وتعامل زوجتي الايطالية أفضل معاملة عندما تحضر معي في زيارة الى مصر .

وأضاف احرص على الحاق ابنائي بمدارس اللغات رغم انني لم استكمل تعليمي من اجل الهجرة وأفكر حاليا في اصطحابهم معي لاستكمال تعليمهم في ايطاليا خاصة انهم يتحدثون الكثير من الكلمات الايطالية التي علمتها لهم .

واكد ان شباب القرية أصبحوا يتفاخرون الآن بالتحدث فيما بينهم باللغة الايطالية وارتداء الملابس التي يحضرونها معهم من أوربا واغلب الإباء والامهات في القرية يسافرون الى ايطاليا كنوع من الترفية بعدما يرسل اليهم أبنائهم دعوات سياحية .

وفي هذا الإطار اوضح الدكتورة جيهان الجوهري – أستاذ علم الاجتماع بجامعة القاهرة – ان قرى الهجرة تبدلت فيها العادات والتقاليد الأصيلة ليصبح المال هو صاحب السطوة الكبرى بها وغاب احترام أصحاب الحكمة ، كما ينتشر فيها الغيرة بين الاهالي والتضحية حتى بالروح من اجل جمع المال مثلما حدث مع قتل الشاب المصري في ميلانو الي نجا من مركب الموت اثناء هجرته بشكل غير شرعي ليلقى حتفه على يد عصابات ميلانو وذلك ليس اخر او اول قتيل ومع ذلك يستمر طوفان الهجرة .

http://www.masrawy.com/News/Egypt/Politics...1/marriage.aspx

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
Morial عضو جديد

Morial

بتاريخ:
بتاريخ:

خمسة جنية ونص تمن علبة البيروسول :lol:

تصوروا :lol:

يعني برش للدبان كالونيا يجي بتلاته جنية يوميا

والمشكلة اني بشوف دبانة بتعفرت وافضل اجري وراها زي الهبلة :lol:

وطبعا انتوا عارفين الدبان في مصر ثروة قومية وماشاء الله اكوام اكوام

40d2a7ecd8.gif

رابط هذا التعليق
شارك
myusername عضو جديد

myusername

بتاريخ:
بتاريخ: (معدل)
علشان محدش يقول من دماغي

ال80 الف للي يروح بتأشيرة وساعات مضروبة

اما اللي اقل بيبقى غير شرعي وده كان من فترة مش قليلة والزمن بيتغير

انا مبقولش انك بتألف اطلاقا.. بس كل دى مجرد مبالغات.. علشان السماسرة يستفيدوا.. فقط لا غير. زى اى مبالغات فى الايجارات و الاسعار اللى بتحصل فى مصر, علشان الناس تتقبل الوضع و تدفع غصب عنها.

بس والله زى ما بقول لك كده.. لو شاب راح يقدم على تأشيرة انجلترا و معاه كشف حساب فيه 80 الف جنيه.. بياخد التأشيرة على طول, و كمان مدتها 6 شهور.. و تمن التأشيرة 600 جنيه باين او حاجة كده.. يا بلاش :lol:

انا مش عايز اقول لك بقى انى اعرف شباب راحوا قدموا بكشف حساب متزور (مالوش اصل).. و اخدوا التأشيرة و عدت على السفارة!

بس احقاقا للحق... شباب الاقاليم يتم النظر اليهم على انهم هاربين و خالعين.. غير شباب القاهرة. :lol:

بالنسبة للتأشيرات المضروبة... اى شاب بيسافر لاوروبا او امريكا.. بيتم ايقافه فى مطار القاهرة لمدة ربع ساعة على الاقل.. للتأكد من التأشيرة.. و ده حصل معايه و حصل مع كل اصحابى.. و الحوار ده لان فيه واحد من فترة قريبة ضرب تأشيرات فرنسا (شنجن) و شباب كتير سافرت بيها, علشان كده الاجرائات مشددة.

و اجدع سلام للشرقية.. و للشراقوة كلهم.. اجدع ناس و ربنا. :lol:

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
myusername عضو جديد

myusername

بتاريخ:
بتاريخ:
يا يوزر يا خويا هو فيه انصح ولا اوعي من شباب الاقاليم

دي نصاحة نصاحة يعني :lol:

على حسب.. لو شباب متعلمين, بيبقوا ناصحين... بزيادة يعنى, بس بيبقوا ناصحين فى توفير الفلوس.. و السؤال على المعلومة و كده يعنى.. لكن فى التصرفات نفسها بتبقى على حسب.

شباب القاهرة عبيط شوية فى حتة النصاحة دى.. بس انا قصدى يعنى على النظرة بتاعت السفارات (نظرا للتقارير و الارقام اللى عندهم).. لان الاقاليم بتبقى ليهم معاملة تانية.. لان الوضع الاقتصادى ما يعلم بيه الا ربنا..

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
justme عضو جديد

justme

بتاريخ:
  • كاتب الموضوع
بتاريخ:

طيب خلينا نقول رقم جديد

مرتب الخريج الجديد كام

كان ايامي 150 جنيه ده في الحكومة يعني في السنة قولوا مع مكافءات واللذي منه 3000

ودلوقتي بعد 8 سنين بقى زملائي بياخدو 400 جنيه يعني الزيادة 4 اضعاف في 8 سنين لكن السبب كان الكادر الجديد المهم ما علينا

طيب لو افترضنا للجدل انه بدأ بال 400 من 8 سنين وحوشهم كلهم

وقعد كمان سنتين يبقى معاه 48000 جنيه

سؤال بقى بعد عشر سنين شغل من غير أكل وشرب وسكن ولبس ومواصلات بقى معاه يادوب يشتري 2 متر أرض فضاء على اول الشارع

طبعا اذا كان بني آدم وبياكل ويشرب ويركب مواصلات ويلبس وكمان يتفسح اعتقد انه هيبقى الرقم بالسالب

ايه رأيكم انا كنت مبحبحها على الأخر

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
justme عضو جديد

justme

بتاريخ:
  • كاتب الموضوع
بتاريخ:
يا يوزر يا خويا هو فيه انصح ولا اوعي من شباب الاقاليم

دي نصاحة نصاحة يعني :lol:

على حسب.. لو شباب متعلمين, بيبقوا ناصحين... بزيادة يعنى, بس بيبقوا ناصحين فى توفير الفلوس.. و السؤال على المعلومة و كده يعنى.. لكن فى التصرفات نفسها بتبقى على حسب.

شباب القاهرة عبيط شوية فى حتة النصاحة دى.. بس انا قصدى يعنى على النظرة بتاعت السفارات (نظرا للتقارير و الارقام اللى عندهم).. لان الاقاليم بتبقى ليهم معاملة تانية.. لان الوضع الاقتصادى ما يعلم بيه الا ربنا..

معلش انا كنت بعدل المداخلة وانت بتقتبس

رقم ال 80 الف ده علشان ياخد اقامة عن طريق زواج صوري

كمان موضوع فيزا بالطريقة بتاعتك دي بيبقا ليها نظام ومش شرط يوافقوا عليها

ده غير جهل ناس كتير بقوانين السفر

كمان يوم بعد يوم النظم بتطور والقوانين بتتعقد

وعايز اقولك انا من الشرقية بس مش من ميت سهيل لكن في بلد الوالد لقيت اشياء مشابهة في موضوع البنا وأراضي تم تبويرها وخلال 3 ايام بيطلع بالأساس والدور الأول

وامين الشرطة كان بياخد من الراس الواحدةو 20 الف جنيه علشان يطرمخ على الموضوع ده

قولي بقى من في امكانه يدفع كده؟؟

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
myusername عضو جديد

myusername

بتاريخ:
بتاريخ: (معدل)
طيب خلينا نقول رقم جديد

مرتب الخريج الجديد كام

كان ايامي 150 جنيه ده في الحكومة يعني في السنة قولوا مع مكافءات واللذي منه 3000

ودلوقتي بعد 8 سنين بقى زملائي بياخدو 400 جنيه يعني الزيادة 4 اضعاف في 8 سنين لكن السبب كان الكادر الجديد المهم ما علينا

طيب لو افترضنا للجدل انه بدأ بال 400 من 8 سنين وحوشهم كلهم

وقعد كمان سنتين يبقى معاه 48000 جنيه

سؤال بقى بعد عشر سنين شغل من غير أكل وشرب وسكن ولبس ومواصلات بقى معاه يادوب يشتري 2 متر أرض فضاء على اول الشارع

طبعا اذا كان بني آدم وبياكل ويشرب ويركب مواصلات ويلبس وكمان يتفسح اعتقد انه هيبقى الرقم بالسالب

ايه رأيكم انا كنت مبحبحها على الأخر

ههههههههههه لا انتا مبحبحها بزيادة قوى يعنى... يا راجل يا مؤمن انا بروح اشرب كوباية الشاى عالقهوة.. بلاقى نفسى دافع 20 جنيه :lol: بس بكون مع اصحابى يعنى. احنا كده بقى لا اتكلمنا عن الشباب اللى بيروح سيلانترو ولا اى حاجة من الاماكن المتوسطة دى..

عموما المرتبات دلوقتى فى القطاع الخاص مختلفة تماما.. و شهدت ثورة فى السنتين اللى فاتوا. شغل الحكومة ده ايدك منه و القبر.

انا كنت شغال مع مستورد السنة اللى فاتت.. كنت كل اللى بعمله بروح اقعد عالكمبيوتر 4 ساعات فقط يوميا (باستثناء الاحد اجازة)... و اترجم له اى ايميل رايح او جى.. و كنت باخد 700 جنيه. (بندم انى سبتها و الله)

اللى واقف فى محل سرجة.. بس شغال 12 ساعة.. بياخد بحد ادنى 700 جنيه.

اللى شغال فى محل كبير.. بياخد له 1000 جنيه... لغاية 1500 جنيه.

السواق بياخد له من 1200 جنيه ل 2500 جنيه.. ده السواق الخصوصى.

الشباب فى كارفور.. و اوليمبك اليكتريك.. و شركات الشحن و الاستيراد.. و تجار العتبة.. و كل الكلام ده.. انا بتكلم عن التخصص بتاع المبيعات ايا ما كان.. بياخدوا من اول 1000 جنيه لو مبتدىء.. لغاية 2500 جنيه.. و احيانا 3000 جنيه.

طبعا انا مش بتكلم عن الشغلانات اللى بتحتاج حرفية... زى الصنايعى, الدكتور, و المهندس.. لان دول ناس بتاخد ارقام.. ربنا يبارك لهم فيها.

بالنسبة بقى للجواز.. اللى بيحصل كالاتى للشباب المكافح فى مصر.. و اللى معندهوش الفرصة - او الرغبة - انه يروح الخليج..

اولا الشاب بيبدأ يدور على واسطة علشان يشتغل فى القطاع الخاص.. و غالبا بتكون عن طريق الاصحاب و الحبايب..

بيبدأ شغلانة من اول 1000 جنيه كبداية (نادرا ما المرتب بيكون اقل من كده لخريج الجامعة)... و احيانا المرتب بيكون 1300 جنيه.. المهم انه بيبدأ يكون عنده شغلانة يعتمد عليها.. بعد كده بيشوف بنت الحلال اللى ناوى يتجوزها, و يروح يخطبها.. و يطلب مهلة 3 سنين عقبال ما يجيب شقة..

بعد كده.. بيبدأ يعمل جمعية... و فيه شباب بيعملوا جمعية و ياخدوا قرض فى نفس الوقت... او يستلف من والده و والدته... و يبدأ طريق الكفاح المرير..

بعد سنة تقريبا... بيكون الشاب عمل مبلغ معقول.. مع كام سلفية او قرض و جمعية.. المبلغ ده بيستخدمه انه يدفع مقدم شقة فى العبور او الشيخ زايد او اى حاجة رخيصة و السلام... لإما بيروح يدفع المبلغ كله فى شقة ايجار قديم فى منطقة شعبية..

المشكلة بقى ان القطاع الخاص محفوف بالمخاطر.. يعنى الشباب بصراحة الله يكون فى عونهم.. لانه بيكون خايف انه يمشى فى اى وقت, و هو عليه ديون و التزامات.. و لسه بيقول بسم الله الرحمن الرحيم... و ساعات صاحب العمل بيستغل الموضوع ده و بيضغط عالشاب.. الا لو كان صاحب العمل ده محترم او معرفة قديمة.. او لإما بقى شغال فى شركة..

الشباب فى مصر يقدروا يتجوزوا عادى.. و على فكرة الكلام ده من واقع اصحابى اللى عايشينه.. لكن بيبقى طريق صعب و متعب.. و الواحد بيبقى تعبان من كتر الديون.

بالمناسبة... انا اول مرة اعرف ان الشرقية قريبة قوى من القاهرة؟ قرية دهمشا على بعد 60 كيلو من القاهرة؟؟؟ يعنى دى بعد بنها على طول؟ لان بنها على بعد 40 كيلو من القاهرة على حد علمى.

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
justme عضو جديد

justme

بتاريخ:
  • كاتب الموضوع
بتاريخ: (معدل)

بص يا عمنا

انا كنت تقريبا هشتغل في نيو هورايزن ب 600 جنيه من 8 سنين وده كان اول كلام

بس اللي سعادتك بتحكيه في القاهرة وبعض المحافظات

لكن تعالى بقى الشرقية مثلا جمعية رجال الاعمال كان المحاسب بياخد 400 او 500 تقريبا الكلام ده قريب

بلاش

الدكاترة

مبياخدوش فلوس تنفع الا في الآتي

معيد

او حد يزقه في مستشفى جامده

او يروح حتة متطرفة في القرى او سيناء

او بعد الماجستير وما ادراك ما الماجستير في طب

واحد صاحبي كان خريج جديد دكتور كان بيالخد 200 جنيه بالبدلات ومكانوش مكفيينه طبعا

المهم اضطر يسافر الخليج مع ان ابوه دكتور في الجامعة

الاقاليم غير القاهرة والوظائف ليست متوفرة كما تظن

ده غير انك بس حليت الشقة لسه الشبكة والفرح والعفش وووووووو

اما عن الذهاب للخليج فدي قصة ليست هروبا امال الهجرة تبقى ايه بالقياس

لكن الفكرة انك تروح الخليج تتمرمط علشان 2000 ريال يبقى ملهاش لزمة الا اذا عدمتها في مصر

كمان متنساش ان الخليج مش كله زي بعضه

والحوجة مرة بجد وانا شفت امثلة كتير

ولعلمك انا كمان قبل ما اسافر وقبل ما اتخرج كانت الشقة موجودة في بيتنا وتمليك

بس انا ظروفي مختلفة

يعني مجالي بتعامل مع اجهزة في مصر بيحلموا يشوفوها

كمان اسأل اي حد بيقدم هجرة وضعه بيختلف لما بيقدمها من الخليج ولا لأ؟

وانت هتعرف الفرق

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
myusername عضو جديد

myusername

بتاريخ:
بتاريخ:
اما عن الذهاب للخليج فدي قصة ليست هروبا امال الهجرة تبقى ايه بالقياس

لكن الفكرة انك تروح الخليج تتمرمط علشان 2000 ريال يبقى ملهاش لزمة الا اذا عدمتها في مصر

كمان متنساش ان الخليج مش كله زي بعضه

والحوجة مرة بجد وانا شفت امثلة كتير

ولعلمك انا كمان قبل ما اسافر وقبل ما اتخرج كانت الشقة موجودة في بيتنا وتمليك

بس انا ظروفي مختلفة

يعني مجالي بتعامل مع اجهزة في مصر بيحلموا يشوفوها

كمان اسأل اي حد بيقدم هجرة وضعه بيختلف لما بيقدمها من الخليج ولا لأ؟

وانت هتعرف الفرق

على فكرة انتا فهمت كلامى عن الخليج غلط خالص... انا قلت اللى معندهوش الفرصة او الرغبة انه يروح الخليج!!

لكن ان الواحد يروح الخليج ده مش هروب اطلاقا... اما عن الهجرة, بصراحة انا اشجع اى شاب انه يهاجر من مصر و فورا! :happy: و انا شخصيا مهاجر باذن الله :blush2: لكن اهم حاجة ان الهجرة تكون بشكل شرعى.. مش اروح اكسر تأشيرة ولا اروح بالبحر.

اللى مقدمين عالهجرة من الخليج.. اعرف و الله اعلم ان ورقهم بيخلص بسرعة, و فرصتهم افضل انهم ينهوا الاجرائات سريعا.

المشكلة بس ان شباب كتير معندهاش الفرصة انها تروح الخليج.. و انا شخصيا كنت فاكر ان مفيش شغل فى الخليج :blink:

بس بينى و بينك.. معظم الشباب اللى لسه متخرج.. بيقعد فى مصر و مبيفكرش فى موضوع الخليج. لكن ممكن بعد كذا سنة انه يبدأ يفكر..

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

80 الف جنيه

الناس بتدفع 80 الف (ده اخر رقم سمعته من سنه) علشان تروح ايطاليا تخيلوا الرقم ده طب اللي بيدبروا مبلغ زي كده لو اتفق 1000 منهم هيكون معاهم 80 مليون جنيه ولو الف منهم دول مهن مختلفة وعملوا جمعية وبدأوا مشروع في مصر ممكن يعملوا ايه

جصل وعلى يدي

المصيبة السودا إن هؤلاء المنومون أو - مش عاوز أشتم - بينظروا للنتائج بدون مُقدمات .. أو للمحصول وهو ثمار جاهزة للقطف بدون النظر إلى التعب والدم والعرق اللي بُذل في الزراعة

بمعنى

من شهرين كنت عند واحد قريبي من طنطا ... وكان عنده واحد قريبة ما أعرفوش فبيكلمه عن فلان وعلان وترتان اللي في البلد .. واللي حبوا يعملوا زي فلان بيه اللي في إيطاليا

فلان بيه ده بقى له ييجي 20 سنة هناك وأكثر وعنده بيزنس خاص .. فأصبح قدوة ونبراس والشباب بينظروا له على إنه مثل أعلى .. وكل واحد نفسه ومُنى عينه يروح إيطاليا عشان يبقى زيه ويبني فيلا زي بتاعته ويجيب عربيه زي بتاعته .. إلخ

بغض النظر بقى عن إتحاد أوروبي ... أزمة إقتصادية عالمية .... الأفظع والمرعب في الموضوع إن 90 % منهم لا بيعرفوا أنجليزي ولا اي لغة أخرى حيه .. يمكن كمان ما بيعرفوش عربي ..

أما الزملاء اللي بيقولوا إن ممكن يدفعوا المبلغ في السفارة ويحصلوا على التأشيرة بسهولة ...

إزاي يا بيه ؟

إذا كان معظمهم خريجين حديثين ... وتلاقي المهن بتاعتهم في الجواز حاصل على دبلوم أو حتى حاصل على بالكوريوس ... والسفارة مش عبيطه ..

فبيضطر يدفع المبلغ لسماسرة الموت . وأهله عارفين ويروح يركب فلوكه كبيرها قوي تمشي اتنين كيلو وتغرق .. وده ولا في دماغه ويقول لك إيه اللي رماك على المر .... وهو لا يعلم الفرق بين المر والموت المحقق

المهم في أثناء حديثة قال له : تعرف فلان

قال له أيوه ..

قال له لسه دافع 50 الف وسافر ... قعد 3 شهور ورجع قفاه يقمر عيش ... لا لقى شغل ولا يحزنون وأتبهدل أخر بهدله

طب يا متخلف يا عديم التفكير ... أنا قلت له كده بأشتم التاني يعني .. قلت لحبيبنا ده .. بص أنا هاكلمك بالمنطق .. أنا روحت بلدكم ... وهي بلد بين طنطا وبين كفر الشيخ ... مشهورة بزراعة البصل والثوم .. فقلت له أنا قاعد أهو أنا ومش فلاح وهافنطها لك ..

قلت له أخينا طبعاً ما سافرش لوحده .. قال أيوه طبعاً .. سافر هو وكذا واحد ورجعوا كلهم لأن الدنيا واقفه في إيطاليا

فقلت له بالله عليك ... لو 4 بس اتجمعوا واشتروا عربية نص نقل أو ربع نقل حتى إن شالله تكون مستعمله .. وأشتغلوا ف تجارة البصل .. تفتكر يكسبوا كام يومياً ؟

أنا اقول لك ..

على إيدي والكلام ده حدث من 3 سنوات ... شاب قريبي حديث التخرج بدل ما يستنى الوظيفة راح أشترى عربية هوندا نقل صغيرة بـ 25 الف ولسه بيقول يا هادي .. لقى جماعة في منطقته تجار بصل جايين يقولوا له .. بالنص كده يا جماعه : عاوزينك معانا بالعربية حوالي 8 ساعات يومياً تسوق بس وأحنا ننادي على البصل اللي معانا ..

مقابل كام ؟

والله يا جماعه

100 ج ...

شيل مصاريف جاز العربية وصيانتها ... اظن مبلغ محترم سيتبقى يكفي قسط العربية وزيادتين تلاته أربعه .. لأنه كان دافع نص العربية كاش والنص على تقسيط كمان .. تفتكروا هما أساساً صافي ربحهم كام لما يدفعوا 100 أنتقالات بس ؟؟؟؟؟

نفس العربية لو جابها واحد لوحده وجاب عمال معاه واختار له منطقة صناعية أو منطقة سكانية وجاب له قدره فول وأشتغل 6 ساعات بس من الفجر لحد الصبح .. أنا أضمن له 100 ج صافي ربح ..

فكرة أخيرة ... قلت له يا أخي دول فلاحين .. صح ؟

طيب ليه ما شغلوش دماغهم ويفكروا يتاجروا في الخضروات أو الألبان ؟..

كيلو اللبن بتشتريه من الفلاح بحوالي 2 ج ويتباع بخمسة .. بلاش اللبن عشان الريسك فيه عالي

الخضروات معروف إن مشكلة الفلاح فيها هي في الجمع والنقل ... وبالتالي بتقف في الغيط برخص التراب وهو بيرضى بأي مبلغ كاش ...

طيب ليه ما يتفقوش مع الفلاحين على شراء محاصيل الخضروات ويبيعوها هما جُمله أو قطاعي ؟

أعلم أن الامور ليست بتلك السهولة التي أشرحها لأن كل مجال له متاعبه ومشاكله

لكن أبدأ يا أخي بدل ما تقعد زي الولايه وتنعي حظك أو ترمي نفسك في التهلكه وتموت وتروح فطيس

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
اغابي عضو جديد

اغابي

بتاريخ:
بتاريخ:

فعلا بيروحو ايطاليا ب 80 الف ج

فعلا موضوع 80 الف ج - لان الموضوع جه فى برنامج 90 دقيقة

لما اتقتل ولد فى خناقة فى اتوبيس نقل عام فى ايطاليا من حوالى شهر وكان عمره 19سنة وراح ايطليا هربا وعمره 16 سنة وابوه قاله ان فى واحد سمسار عندهم فى الشرقيه والبحيرة بياخد 80 الف ج ويهرب الاولاد فى مركب لايطاليا بطريقة دخول غير شرعية بالمرة

واحيانا الشباب بيتسجنوا دا اذا وصلت المركب من اساسه لانها فى الغالب بتغرق وحاليا فى سجون ايطاليا حوالى شاب مصري بتهمة الدخول بطريقة غير شرعية .

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك
justme عضو جديد

justme

بتاريخ:
  • كاتب الموضوع
بتاريخ:

منور يا سي السيد باشا

انا قلت ابدأ بموضوع الرقم ده بتاع الهجرة لأني مستعجب

منين بيقدروا يدفعوا الارقام ديه

وهما مبيبقاش حيلتهم حاجة

واللي باستعجبله اكتر لما بييجوا وهما لسه مسافرين من سنة ولا اتنين ويروح خابطله بيت مش متكلف اقل من مليون

مع العلم انه بيغسل صحون او بيشتغل مهنة متدنية

طيب هو الناس دي لو غسلت صحون في مصر مش هتكسب حاجة خالص علشان يبقى مستعد يضحي ويغامر ويخاطر علشان ايطاليا

بلاش دي

لو الاصرار الرهيب على السفر بره ده اتوجه لعمل داخل مصر مش كان الوضع اتغير

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
myusername عضو جديد

myusername

بتاريخ:
بتاريخ:
فعلا بيروحو ايطاليا ب 80 الف ج

فعلا موضوع 80 الف ج - لان الموضوع جه فى برنامج 90 دقيقة

لما اتقتل ولد فى خناقة فى اتوبيس نقل عام فى ايطاليا من حوالى شهر وكان عمره 19سنة وراح ايطليا هربا وعمره 16 سنة وابوه قاله ان فى واحد سمسار عندهم فى الشرقيه والبحيرة بياخد 80 الف ج ويهرب الاولاد فى مركب لايطاليا بطريقة دخول غير شرعية بالمرة

واحيانا الشباب بيتسجنوا دا اذا وصلت المركب من اساسه لانها فى الغالب بتغرق وحاليا فى سجون ايطاليا حوالى شاب مصري بتهمة الدخول بطريقة غير شرعية .

على فكرة.. حضرتك بتتكلمى عن الشاب اللى مات فى ميلانو؟ الشاب ده صديق مقرب لاحد اصدقائى المقيمين فى ايطاليا.. و بيقول عليه اخلاق جدا, و الحقيقة انا عرفت خبر وفاته من صاحبى, و بعدين فوجئت ان الاعلام بيتكلم عنه.

اللى عرفته من صاحبى.. ان الشاب ده اتقتل على ايد عصابات من امريكا الجنوبية.. و هما بيعملوا مشاكل كتير.. لكن المصريين نادرا ما بيعملوا مشاكل هناك, و نادرا ما بيتم ترحيل حد مصرى من هناك (اللى بيعملوا مشاكل بس).

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
justme عضو جديد

justme

بتاريخ:
  • كاتب الموضوع
بتاريخ: (معدل)

طيب نتكلم عن المشكلة الفلسطينية

عدد سكان الوطن العربي تقريبا 500 مليون

وعدد سكان اسرائيل 7 مليون

يعني قدام كل واحد منهم 70 من عندنا

واذا اخدناها من منظور اسلامي

المسلمين عددهم مليار و 300 مليون

يعني تقريبا

كل واحد يهودي قدامه 170 مسلم :roseop:

ومتنسوش ان هما داخل في حسبتهم عرب 48 ودول فوق المليون

طب ليه المعادلة مختلة

حد يفسر الارقام دي لحسان :yahoo:

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...