اذهب إلى المحتوى
محاورات المصريين

أرجوك .. أعطنى هذا الدواء

se_ Elsyed

بواسطة se_ Elsyed
في استشارات طبية و نفسية

 مشاركة

Recommended Posts

قلب ابيض عضو جديد

قلب ابيض

بتاريخ:
بتاريخ:

الف سلامه لعبد الرحمن يا ابوعمر

لن ازيد على الاخوه الافاضل الا شىء واحد كنت استعمله فى مثل حاله عبده باشا نجلكم الموقر 000وهى الحقنه بس مش عضل ولا وريد

الطريقه : سرنجه جديده فاضيه واملاها بالدواء اللى مفروض ياخدوه 000وعلى حين غره " على رأى لماضه -لمس اكتاف " وافرغها فى الحلق واكتتتتتتتتتتتم خالص---" وطلع من نخاشيشك بقى "

والله كانت مره تصيب ومره تخيب 0000وربنا الشافى المعافى

يااااااااااااه فكرتنى بأيام مز000000000000000000هره ياساااااتيييير

294043709.gif
رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

حبيت أشكر جميع أصدقائي وأحبائي الذين شاركوني في هذا الموضوع جزاكم الله خير

واخص بالذكر الدكتور الحاوي رفاعي

بالنسبة للمضاد الحيوى مفيش غير الحقن ,الدكتور يكتب له على حقنتين سيفوترايكسون او اى مضاد مناسب , الحقنة مرة واحدة باليوم او كل 12 ساعة

أستاذ يا معلم

إنت دكتور يا دكتور رفاعي ؟ :lol:

فعلاً الدكتور كتب له النهاردة على 3 حقن ستكروفايسين ده :blush2: واحده في اليوم

أمبارح بقى عملت للحج عبود اراجوز عشان ياخد الدوا ... لكن باءت محاولاتي بالفشل ورجعت بخفي حنان ...

ومش بس كده .. ده الولد في حوالي 3 أسابيه خس 4 كيلو .. من الترجيع اللي بيصاحب عملية أخذ الدوا .. فقلت بناقص مش هايبقى من كله يعني

وبالتالي هانمشيها تحاميل ونقط للأنف وحُقن لحد ما ربنا يجيب الشفا

لكن الدكتور نفسه بصراحه منزعج من موضوع الحقن ده اللي كل شويه بصراحه والحمد لله بالصدفه زوجتي عرفت غن في ممرضة هنديه ساكنه في الدور الثاني في العماره وهي الوحيدة اللي مش من الجنسية العربية تخيلوا ؟

فهاتوفر عليه المشوار

------------

بالمناسبة ...

أبو عمر ... أبو زهيري ... هاعوركو لو أتخانقتوا في موضوعي انا مش ناقص تعب أعصاب .... مش هاتبقوا أنتو وعبد الرحمن ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:
أستاذ يا معلم

إنت دكتور يا دكتور رفاعي ؟ laugh.gif

فعلاً الدكتور كتب له النهاردة على 3 حقن ستكروفايسين ده laugh.gif واحده في اليوم

اخجلتم تواضعنا يافندم :lol:

اهم شىء سلامة عبوده , بقولك طالما موضوع صدرة دة بيتكرر عليه لما يكبر شوية ممكن تعطيه سينجيولير اكياس (بعض استشارة طبيبه ) عشان تقوى جهازه التنفسى المناعى وتخفف من دورية التعب ده كل شوية .سينجيولير ده علاج وقائى بيحسن من وظائف الجهاز التنفسى وبيقوى المناعة

بس خليها لما يكبر شوية ويعرف يشربها فى عصير

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

و الله انا رأيي ان اللجوء للأدويه و الأطباء ده كلام فارغ

انا شايف انك لازم ترقيه -_-

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
shiko عضو جديد

shiko

بتاريخ:
بتاريخ:
و الله انا رأيي ان اللجوء للأدويه و الأطباء ده كلام فارغ

انا شايف انك لازم ترقيه -_-

1b43976db777979e034b7305d9e0658c.gif

18344710.jpg

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:
و الله انا رأيي ان اللجوء للأدويه و الأطباء ده كلام فارغ

انا شايف انك لازم ترقيه :wub:

بركاتك ياعم الشيخ -_-

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
crossfield عضو جديد

crossfield

بتاريخ:
بتاريخ: (معدل)
عندي مشكلة يا جدعان مطيرة النوم من عيني والله

الولا عبد الرحمن أبني عنده دلوقت سنة و 8 شهور ... ومورينا النجوم في عز الضهر .. عنده عُقده غريبة من اي ادوية .. ومجرد بس ما نقرب ناحيته دواء الشرب يعيط ويرجع كل اللي في بطنه ..

ومن أسبوعين جاله دور برد عادي مع احتقان وصديد على اللوز .. الدكتور كتب لنا طبعاً مضاد حيوي ومخفض للحرارة وحاجات عشان توسيع الشُعب

أقسم بالله ما داق الدوا من أساسه .. كل ما نقرب معلقة الدوا منه يادوب بس لو داقها بلسانه ... وعاديك على اللي بيحصل

لدرجة إنه نزل 4كيلو في الأسبوعين دول

الأفظع من كده الدكتور أضطر أنه يحجزه 4 أيام بالمستشفى عشان بس يديله الدوا في المحاليل

نفس الشي لو جاتله نزله شُعبية وأتكتب له على جلسات بخار ... يفرج علينا أمة لا إله إلا الله في المستشفى وبدون فائدة .. لدرجة الدكتور قالي أنا هاعمل محاولة وأكتب لشركة التأمين تصرف لكم جهاز بخار . وده مش من ضمن تغطيات التأمين الصحي .. لكن الشركة طلعوا جدعان معايا وصرفوا لي جهاز وأتعلمت أعمل الخلطة بتاعت الفانتولين إزاي .. لكن أنسى يا عمرو الجهاز مرمي رمية البوبيهات في البيت .. ومجرد ما يشوف الماسك يقرب لوشه هاتك يا عياط وبحلصه في الأرض

أضف إلى ذلك .. لو عيط عشان حاجه معينه ... مرتين تلاته عياط يصحبها حالة ترجيع فظيعه

أنا لسه راجع من البيت دلوقت .. والدكتور قالي النهاردة بدل ما نحجزه تاني أنا هاصرف له مضاد حيوي طعمه فراولة ...

مش عايز حد يقول لي طب ما تحط له الدوا في العصير ... هأ هأ هأ

عملت كده

جبت نص كوباية عصير فراولة .. وصبيت عصير أخواته عشان يشجعوه .. وهو حطيت له الدوا في قلب العصير والدوا طعمه وشكله فراولة أساساً .. ويادوب داقه بطرف لسانه والله ويروح مرجع ومبهدل الدنيا .. وياريتني ما أديتهوله لأنه بيرجع الحليب الصناعي اللي عايش عليه ..

وطبعاً جربنا له الدوا في الرضعه ... وفقسه أبن الذين وما بقاش يشرب الحليب

الدكتور برضوا صرف لنا تحاميل عشان الترجيع وهانجربها معاه النهاردة

وإلا هايضطر يحجزه تاني لان عنده زكام ورشح وأرتفاع في درجة الحرارة وتحاميل المخفضات مش مُجديه لان سببها الرشح والزكام اللي مش بيروح لأنه ما بياخدش العلاج ..

حد من دكاترتنا الكبار عنده حلول جوهرية ؟

ألف سلامة على عبد الرحمن يا أبو السيد معلش هى العيال بتربى أهالبها

بص يا سيدى بما ان عمرو لسه خارج من نفس الدور بتاع عبد الرحمن (الله يحرق الربيع و اللى جالنا من وراه) وبما انه على وصفك شقيق لدود فى اللؤم و فقس حركات التمويه لأخد الدوا خد عندك بعض النصائح.

العينة دى متجيش الا بالسك إزاى

تحط المضاد اللى الدكتور كتبله عليه فى سرنجة و تفتح بقة من الجنب يعنى من زاوية الفم الجانبية و تفضى السرنجة على مرتين بس اوعى بعد ما تفضى تسيب بقه فجأة و الا هتلاقى الدوا فى وشك يا معلم كل ده و هو نايم على ضهره و متكتف و يا ريت ميكنش شارب حاجة قبلها بساعة و انجز فى السريع (العنف و السرعة مطلوبين) . طبعاً فى هذه الأثناء هيكون بيعيط و غصب عنه هيبلع الدوا. المهم تجمد قلبك وماتستسلمش لحركات التهديد بالترجيع .

ان شاء الله الحرارة هتنزل بعد 3 أيام من بداية المضاد

و بالنسبة للأكل و الخسسان الولد حلقه ملتهب و مش عارف يبلع و طبيعى مالوش نفس للأكل فالحل الوحيد هو الببرونة

أينعم الببرونة يضرب الأكل فى الخلاط أياً كان و واحدة واحدة يا مللاوانىو هو بيتفرج على اعلانات أو حلقات صديقى المفتش كرومبو (غالباً بيتبجوا قدام الحاجات دى)

و ان شاء الله تطمن عليه .. هانت كلها يومين كمان والحرارة تختفى

سؤال: هو ابنك لما بتيجوا تحطوا له كمادات المايه أو حتى كمادات الجل بيشيلها حتى لونايم؟؟؟؟؟

لواجابته بآه يبقى تبعتلى الواد ابنك فى طرد و انا أعلمهولك الأدب مع أخوه فى الصياعة عمرو -_-

أختك

أ.د.كروساية

رئيس قسم الصدر بكلية الطب جامعة السنبلاوين

تم تعديل بواسطة crossfield

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
طب ممكن نطمن؟؟؟

ايه الاخبار؟؟؟

ده أنتي قديمة قوي يا لماضه ومش آب تو ولا ديت .. يعني نايمه طول الفيلم وأول ما الناس أبتدت تمشي من السيما صاحيه وفي إيدك كيس الفشار تقولي البطل أتجوز البطلة ولا لسه ؟

روحي نامي يا ريهام وهانحكي لك الجزء التاني

----------

يا دكتور كورواسونايه ..

وكتاب الله جربنا معاه السرنجه .. بأقول لك بيرجع من ريحة الدوا ..

وعلى فكرة الموضوع مش متعلق بالصدر خالص .. ده التهاب حلق عادي زي اللي بيحصل للاطفال في فصول تغيير المناخ - حلوه المناخ دي -

بس فكرة المفتش كرنبو دي بأعملها ساعات .. بس بيلزق لي زي العمل الردي ..

عارفين الأعلانات بتاعت " كلمني شكراً " شوفتوا الأعلان بيبقى 20 ثانية .. لكن صاحبنا بيتكيف منه قوي .. روحت منزل له كل الإعلانات دي من عالنت وباشغلها له لما أحب أدي له الدوا أو أأكله .. لكن ظهرت لي مشكلة ... بأبقى عاوز أذاكر او أشتغل .. وصاحبنا أقسم بالله لو عاد وزاد في الإعلان 100 مره ما بيزهقش وبالتالي بيبوظ لي البروجرام .. لأ ولازم هو اللي يشغل بنفسه ويقعد يبوظ في الكيبورد ويلعب في الفلنكات

طب اعمل إيه ؟

حد ياخد الواد ده ويديني قصاده مروحة سقف ؟

وإلا هابعته لكروسايه تربيه مع عمرو .. واللي ما ربهوش اهله .. تربيه كروساية

بس يا خوفي لهي اللي تدور على عقد عمل في الخليج عشان سيب له البلد وتهج

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
crossfield عضو جديد

crossfield

بتاريخ:
بتاريخ:
طب ممكن نطمن؟؟؟

؟

عارفين الأعلانات بتاعت " كلمني شكراً " شوفتوا الأعلان بيبقى 20 ثانية .. لكن صاحبنا بيتكيف منه قوي .. روحت منزل له كل الإعلانات دي من عالنت وباشغلها له لما أحب أدي له الدوا أو أأكله .. لكن ظهرت لي مشكلة ... بأبقى عاوز أذاكر او أشتغل .. وصاحبنا أقسم بالله لو عاد وزاد في الإعلان 100 مره ما بيزهقش وبالتالي بيبوظ لي البروجرام .. لأ ولازم هو اللي يشغل بنفسه ويقعد يبوظ في الكيبورد ويلعب في الفلنكات

طب اعمل إيه ؟

اشترى دى فى دى و نزله عليه الاعلانات:roseop: كده كإنه بيتفرج عالتليفزيون و مش هييجى ناحية الفلنكات

مش باقولك نفس العينة :P

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
sarmar عضو جديد

sarmar

بتاريخ:
بتاريخ:

الف مليون سلامة وربنا يتمم شفاؤة على خير وربنا يخليك انت ومامتة لية وعقبال ماولادة يبعزقوكم زى ماعبد الرحمن بعزقكم

رايحين تخلفوا عيال معقدة من مية الطرشى ؟؟؟؟؟؟

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...