سؤال مش ع البال للاخوة الرجال

[pocy]

جزاك الله خيرا اخ اسلام

وندعوا لك اخينا بان ييسر لك الله امورك جميعها بإذن الله

[engmido]

هأوووووووو

طب مانتم اهه برده

[pocy]

سيبك منهم يا ريمو

ولا تعبريهم

دول رجاله مهما كان ملهمش امان

وبياكلو وينكرو زى القطط

وهتلاقيى التخين فيهم ماشى عالعجين ميلخبطوش

ايه رايك بقى نغير السؤال

خلى كل واحد بجد ينقهر على جوازته وانه اخد مقلب عمره

مين هنا يا ستات بتشكر ربنا وتحمده على زوجها ؟؟؟؟

عاوزة جماهير وصياح وهتافات

:closedeyes:

اسؤالك جميل جدا يا ماما نونا

اولا احنا دائما نشكر الله سبحانه وتعالى على النعمه اللى احنا فيها

بادئ ذي بدء احب ان اقول ان زواجى من زوجى هو احد احلام حياتى

وجدت معه الدفء والحنان والامان

وجدت معه الحب والعاطفه والاحاسيس الجميله

وجدت معه نعمه لم اجدها من قبل زواجى منه نعمه الاطفال ونعمه طفلي عمر هو افضل نعمه فى الوجود

حبيبي إن لم اتزوجك فلن اتزوج ابدا

حبيبي احمد الله عليك كل يوم وكل ليله بل في كل لحظه

اللهم اكرمتنى بزوجى وكان نعم الكرم ورزقتنى واياه بطفلي وكان نعم الرزق فكيف ارد عليك نعمك يا إلهى وانت من تعطى

حمد وشكر ليك يارب الحمد لله الحمد لله الحمد لله

[ابو محمود]

صلو عالنبى وحصوة في عين الحسود :closedeyes:

بصراحة وبكل وضوح العبد الفقير الى الله عايش من ساعة ما اتجوز سي السيد بكل معنى الكلمة

وأكثر من كدة شوية وولادى دلوقت فى الجامعة وبرضو ذى منا من اول ما أقوم من النوم لغاية ما انام تانى ألله أكبر والحمد للة علشان الحسد واللى بالكم منة بس انتو حاولو ترضو ازواجكم وربنا هيفتحها عليكو وتعيشو سعداء بس محدش يبص للى فى أيد غيرة او للمناظر لأن المناظر خادعة وكل واحد وواحدة لو حمدو الله على ما رزقهم هيعيشو فى رضا وحب f((:

[عنبو]

ريمو

قولت في نفسي يا بت يا ريمو يمكن عشان عنبو لسا ما اتجوزش يقول كده و اللي ما يعرفش يقول عدس

انا كنت مشغول فى الشنب بتاعى وبعدين لقيت الناس بتقول

الحق الناس جايبه سيرتك وبتقول عنبو مش متزوج والناس بتقول هو فيه حد ياخد على كلام واحد مش تزوج وكده يعنى

قولت لا اجى اشوف بقى الموضوع ده بنفسى

اولاً احيكى ياريمو على الموضوع الجميل ده

ثانياً : كان ليا واحد صاحبى متزوج من زمان يمكن اوعى الاقيه متزوج مع انه زميلى معرفش ازاى

على العموم كان لما يقعد معايا يقعد يشتكى ليا ويقولى انه تسرع ومعرفش ايه وهو مكنش يعرف حاجه وتزوج وهو صغير قوى

على العموم كنت بصبره وقوله انت معاك ست محترمه وبتحبك ومش مخلياك عاوز حاجه انت عاوز ايه !!!

مكنش يقتنع بكلامى على العموم جت مراته تعبت تعب جامد قوى وعملت عمليه

والله شوفت صاحبى ده كان هيتجنن عليها بقول انا اول مره اعرف انى بحبها كده

وسبحان الله بعد لما ربنا شافها بقى ليها معامله خاااااااصه خالص وعرف بجد معزتها يعنى ايه وقربوا من بعض كتير قوى

طالما الست ست والراجل راجل يبقى كل حاجه هتمشى طبيعيه

كنت ايام شغلى الخاص يعنى فكان فيه ناس يجوا يتفقوا معايا الاقى كلامى مع الست

والحساب مع الست وكل حاجه مع الست

حتى العيال لما يتكلموا يقولوا ماما عملت ماما سوت وابوهم ده مش موجود اساساً

بجد كنت بتخنق قووى والمشكله الحق يقال ان البيت ماشى صح يعنى لا فيه عك ولا كلام فاضى

بس العيال طالعين شخصيتهم ضعيفه لان فيه حاجه غلط

لو الستات عاوزين السعاده خلوا الرجاله تعيش رجاله وانتوا عيشو ستات

سر قوة المرأه فى ضعفها

بس خلاص

ايه رأيك ياريمو انفع اتزوج دلوقتى ولا لازم ليا قرص كمان ؟؟

[pink rose]

انا اهو باقول بعلو صوتي ومراتي مش قاعده جنبي والله ولا تعرف اصلا المنتدي ولا تعرف طريقه

الحمد لله علي ان انعم علي بزوجتي المصريه الملامح والمصرية الطباع واشكرها من كل قلبي علي ما تفعله معي ومع ابنائي فهي تصحوا مبكرا تصنع الافطار للاولاد ثم تذهب لعملها وتعود تعد الطعام ثم تهتم بشؤون المنزل وتذاكر للاولاد

وقتها كله لخدمتنا

ممكن تتعصب شويه لكن يجب ان نلتمس لها الاعذار من الضغوط اللي عليها ويجب ان نعبر لها دائما علي عطائها الغير محدود

واعتقد ان هذا حال غالبية الزوجات المصرييات اللاتي تربين علي ان يعطين ولا ينتظرن المقابل

الزوجين المتحابين يذوبان في بعضهما البعض حتي انك عندما تتكلم مع زوجتي تحس انك تتكلم معي

لا ينكر الفضل الا جاحد

اي خدمه يا ريمو

بطل اخر من ابطال محاورات المصريين

ربنا يديم عليك الحب يا استاذ اسلام

و يباركلك في بيتك و زوجتك و اولادك

:closedeyes: f((: الورد دا للمدام

و ربنا يخليكوا لبعض

[herohero]

صحيح انا سينجل بس اقدر اتكلم ع اختي المتجوزة ووالدتي وخالاتي وكل من اعرفهم المتزوجين

بصراحه بجد محدش يقدر ينكر ان المراة المصرية بجد والله حمالة اسيه

بجد كلمة حق الراجل المصري بيشخط وينطر وعايش ف دور سي السيد ولكن انا بعيب ع اختى وامي واي سيده مصرية انها بتنسى نفسها ف وسط الزحام ده

لما تبص كده ع المراة المصرية وهي بتجري ورا الاتوبيس ولا بتركب ميكروباص ولا بتنزل بعربيتها تودي عيالها المدرسة وتجيبهم من المدرسة وتوديهم النادي انا بتكلم ع المراة المصريه المرفهة

مش المراة المصرية اللي بتشيل مسئولية بيت لان الزوج توفى او الزوج تخلى عن مسئولياته او طلقها ساعتها بكل واقعيه الواحد بيكسف ويحس انه صغير قوي

الواحد بيشوف وجوه سيدات مصرية الشقاء والتعب اكل من ملامحها

هل من العدل اني اقول للمراة المصرية اللي بتتعب واللي تحملت مهام سي السيد اللي مات او طلقها او كبر دماغه هل هذه السيده اجي احاسبها واقول لها انت ليه نكدية

انت ليه مهملة رشاقتك ياجماعه لازم نبقى واقعيين مع نفسنا

المراة المصرية بصراحه تتحمل الكثير وطلبات الراجل المصري كتير بصراحه الراجل الشامي اريح مكبر دماغه مش بيدق زي الراجل المصري

لكن همسة عتاب لاختي المصرية لما تلاقي الظروف مواتيه وتسمح لك ماتنسيش نفسك وابعدي عن اي شيئ يعكر صفو حياتك وحياة زوجك

احنا نتفرج ع اللبنانية انما ماينفعش تتزوج مصري وانا ليا ابن خالتي متزوج لبنانية كانت زميلته ف الشغل وف ابوظبي وشغلهم اصلا دلع والله كل مشاكله معاها عاوزة تخرج بل مش عاوز اقولك ان قعادهم ف البيت ده النادر والشيئ اللي يشتاق له

حياة فارغه من اي محتوى والنتيجه كانت الانفصال

بجد المصرية هي اللي تنفعنا

[pink rose]

ريمو

قولت في نفسي يا بت يا ريمو يمكن عشان عنبو لسا ما اتجوزش يقول كده و اللي ما يعرفش يقول عدس

انا كنت مشغول فى الشنب بتاعى وبعدين لقيت الناس بتقول

الحق الناس جايبه سيرتك وبتقول عنبو مش متزوج والناس بتقول هو فيه حد ياخد على كلام واحد مش تزوج وكده يعنى

قولت لا اجى اشوف بقى الموضوع ده بنفسى

اولاً احيكى ياريمو على الموضوع الجميل ده

ثانياً : كان ليا واحد صاحبى متزوج من زمان يمكن اوعى الاقيه متزوج مع انه زميلى معرفش ازاى

على العموم كان لما يقعد معايا يقعد يشتكى ليا ويقولى انه تسرع ومعرفش ايه وهو مكنش يعرف حاجه وتزوج وهو صغير قوى

على العموم كنت بصبره وقوله انت معاك ست محترمه وبتحبك ومش مخلياك عاوز حاجه انت عاوز ايه !!!

مكنش يقتنع بكلامى على العموم جت مراته تعبت تعب جامد قوى وعملت عمليه

والله شوفت صاحبى ده كان هيتجنن عليها بقول انا اول مره اعرف انى بحبها كده

وسبحان الله بعد لما ربنا شافها بقى ليها معامله خاااااااصه خالص وعرف بجد معزتها يعنى ايه وقربوا من بعض كتير قوى

طالما الست ست والراجل راجل يبقى كل حاجه هتمشى طبيعيه

كنت ايام شغلى الخاص يعنى فكان فيه ناس يجوا يتفقوا معايا الاقى كلامى مع الست

والحساب مع الست وكل حاجه مع الست

حتى العيال لما يتكلموا يقولوا ماما عملت ماما سوت وابوهم ده مش موجود اساساً

بجد كنت بتخنق قووى والمشكله الحق يقال ان البيت ماشى صح يعنى لا فيه عك ولا كلام فاضى

بس العيال طالعين شخصيتهم ضعيفه لان فيه حاجه غلط

لو الستات عاوزين السعاده خلوا الرجاله تعيش رجاله وانتوا عيشو ستات

سر قوة المرأه فى ضعفها

بس خلاص

ايه رأيك ياريمو انفع اتزوج دلوقتى ولا لازم ليا قرص كمان ؟؟

عنبو يا عنبو

بص يا سيدي

كلامك عن صاحبك الاول دا خلاني اقول فعلا البني آدم ما بيقدرش النعمة اللي هو فيها الا لو راحت منه

بس الحمدلله صاحبك ربنا كرمه قبل فوات الاوان

عارف العيب فين يا محمد ان الرجالة دايما شايفه نفسها صح و دي مصيبة يا ابني

ما فش حد في الدنيا صح دايما و ما فيش حد في الدنيا غلط دايما

الراجل عاوز بس رايه هو اللي يمشي سواء صح او غلط ليه يا ولاد قال ايه يا خويا عشان هو الراجل

فا من هنا بتيجي المشاكل

انه بيعتبر مراته بس للبيت و المسح و الكنس و الطبخ و الغسيل و تربية العيال كده تبقى الست ست و الراجل راجل هو اللي ياخد القرارات كلها سواء بقى صح و لا غلط مش دي المشكلة المشكلة عنده ان كلمته تمشي عشان يبقى الراجل راجل و الست ست

انما في الحقيقة لو الراجل عامل زوجته على اساس انها شريكه له في حياته و قراراته و بيته هاتلاقي الدنيا بقت فلة شمعة منورة

انا ابدا ما اقدرش انكر ان في ستات عاوزين الحرق فعلا و اعرف ناس كده انا باقعد اقول الله يكون في عونه انه مستحمل الكائن الحي العجيب دا

بس الرجالة و الستات عموما كل طرف فيه كده و فيه كده

ما فيش حد كامل

نصيحة مني يا عنبو خد اللي قدامك باكيدج بحسانته و مميزاته و عيوبه و اتقبله عشان انت كمان مش ملاك نازل من السما بترفرف و عشان اللي معاك برضو هي كمان تتقبلك كلك على بعضك

لو كل راجل راجع نفسه و قعد يكتب مميزات المدام و عيوبها و قارن هايلاقي ان فيها حاجات حلوة كتير خليته من الاول يتعلق بيها لو كل واحد عمل كده و قعد يفتكر للطرف الاخر مميزاته الدنيا هاتبقى حلوة

و طبعا نفس المطلب دا موجه للستات

الجواز ابدا لا يخلو من المشاكل لان هي دي الدنيا

اقولك على حاجه

لو حصلت مشكلة بيني و بين جوزي و ابقى هاطق من جنابي الاقي عقلي الباطن قاعد يرجع كل الحاجات الي بتضايقني منه و يضخمها في راسي في ساعاتها بافوق نفسي و افنكرله الحاجات الحلوة عشان اوازن بين الاتنين و افضل احبه

الرجالة بتوعنا بقى المصريين الحلوين عاوز واحدة تعمل كل حاجه له و هو ما يعملش حاجه ليها غير انه يتمطع اوي و يقولها انا باصرف على البيت دا

اديكم مثال

الراجل عاوز يروح شغله و يرجع يلاقي بيته زي الفل و اكله جاهز هدومه مكوية و تمام العيال مستحمين و نايمين و مراته تبقى على سنجة 100 مش 10 تمام

هو بقى يدخل من برة يقعدلك بالهدوم الداخلية

و يقولك دا بيتي اقعد فيه براحتي

يا عم روووووح

ليه بقى الراجل مش بيفكر ان مراته هي كمان محتاجة انها تشوفه متأنتك و حاطط برفان و على سنجة 10 ليها؟؟؟؟؟؟؟؟؟؟

و لا الهندمة تبقى و هو خارج بس

صح ولا انا غلطانة يا جماعة الخير

اخر حاجه عشان ايدي وجعتني من الكتابة

كلامك اللي ملوناه انا دا يا عنبو غير صحيح

على الاقل بالنسبالي

اظن قوة المرأة مش في ضعفها قوة المرأة في حنيتها

[pink rose]

سؤال حد ع السريع

عمر حد سمع عن زوجة تبيع دهبها عشان تفك ازمة لجوزها غير الست المصرية؟؟؟؟؟؟؟؟؟؟؟؟؟؟؟؟

[joo]

ربنا يديلك زوجة يا عنبى تسعدك وتسعد ايامك

وفعلا سر قوة المراة فى ضعفها00 بمعنى ان تواضع المراة فى علاقتها بزوجها سر نجاحها فى بيتها

ولكن فى المقابل تقدير الرجل لزوجتة

التنازل بين الاثنين من اسباب السعادة الزوجية

ونشكر اللة على زوجتى فهى من اكثر النعم اللى اعطهالى ربنا

[joo]

سؤال حد ع السريع

عمر حد سمع عن زوجة تبيع دهبها عشان تفك ازمة لجوزها غير الست المصرية؟؟؟؟؟؟؟؟؟؟؟؟؟؟؟؟

الست الاصيلة يا قطة متسيحش لجوزها ( حاحا)

[pink rose]

سؤال حد ع السريع

عمر حد سمع عن زوجة تبيع دهبها عشان تفك ازمة لجوزها غير الست المصرية؟؟؟؟؟؟؟؟؟؟؟؟؟؟؟؟

الست الاصيلة يا قطة متسيحش لجوزها ( حاحا)

انا ما باتكلمش عن نفسي يا جو

انا باتكلم عن نماذج شوفتها

و ربنا يديم عليك المحبة يا عم انت و المودام

تم تعديل 14 مارس 2010 بواسطة remo

[Simba]

الحمد لله انا من غير مراتي كنت اكيد هاغرق

لكن من غيرها

كنت هاكون علي البر انا مالي ومال البحر اساسا

[مغتربة]

برااااااااااااااافو يا ريمو

التوبيك بتاعك بدء يؤتى ثماره

اهم بدءوا يفوكوا شويه بشويه

و كلمه الحق بدءت تطلع شويه شويه

لازم نسجلهم كل الاعترافات الهايله دى

علشان ده الى هيشجع الباقين انهم يحذوا حذوهم

يالله همتكم معانا عايزين ابو الهول و اخوانه ينطقوا

استمرى استمرى

[سهل جدا]

طبعاً الحمد لله على زوجتي المصرية الأصيلة.. ربنا يخلليهالي

أنا قبل الزواج ما كنتش عمري بفكر في التعدّد..

لكن بعد ما شوفت السعادة معاها... قولت في نفسي.. طالما الجواز حلو كده.. ليه ما أعملهاش وأتجوز تاني وتالت ورابع طلباً للمزيد من السعادة ;)

[لونا]

قبل أي حاجة لازم نقول للأخ سهل جدا حمد لله على السلامة

و طبعا مش حاعلق على كلامك الذي قتل بحثا أيام ماكنت منور المحاورات

وفعلا سر قوة المراة فى ضعفها00 بمعنى ان تواضع المراة فى علاقتها بزوجها سر نجاحها فى بيتها

ولكن فى المقابل تقدير الرجل لزوجتة

التنازل بين الاثنين من اسباب السعادة الزوجية

الكلام اللي فوق ده للفاضل جو

فعلا التنازل بين الزوجين من أهم أسباب السعادة .. و الحقيقة إن الزوجة بتتنازل أكتر..

و لكن مش منطق إنها الأضعف .. متهيألي إن ده دليل قوة لأنها بتتنازل عشان تدير دفة بيتها ..عشان حياتها و ولادها و زوجها..

ده مش ضعف أبدا يعني أنا لو إتنازلت في موقف ما .. و عديت الليلة على خير من غير خناق مثلا..

مش ده حيعود عليه أنا .. و ولادي ..و زوجي..؟ مش حنقضي الليلة دي مبسوطين بدل ما كنا قضيناها في غم؟

و ممكن بعد كدة لما إحنا الإتنين نهدى نتعاتب ..و آخد حقي تالت و متلت بأه !!!

[pink rose]

برااااااااااااااافو يا ريمو

التوبيك بتاعك بدء يؤتى ثماره

اهم بدءوا يفوكوا شويه بشويه

و كلمه الحق بدءت تطلع شويه شويه

لازم نسجلهم كل الاعترافات الهايله دى

علشان ده الى هيشجع الباقين انهم يحذوا حذوهم

يالله همتكم معانا عايزين ابو الهول و اخوانه ينطقوا

استمرى استمرى

احنا بنعمل اللي علينا يا مغتربة ;)

و التوفيق من عند الله

:blush2:

[pink rose]

طبعاً الحمد لله على زوجتي المصرية الأصيلة.. ربنا يخلليهالي

أنا قبل الزواج ما كنتش عمري بفكر في التعدّد..

لكن بعد ما شوفت السعادة معاها... قولت في نفسي.. طالما الجواز حلو كده.. ليه ما أعملهاش وأتجوز تاني وتالت ورابع طلباً للمزيد من السعادة :blush2:

كده يبقى حضرتك رجعت بحق و حقيقي

اولا حمدالله على السلامة

ثانيا قابل بقى على الكلمتين اللي زي الفل اللي قولتهم دول ;)

[pink rose]

قبل أي حاجة لازم نقول للأخ سهل جدا حمد لله على السلامة

و طبعا مش حاعلق على كلامك الذي قتل بحثا أيام ماكنت منور المحاورات

وفعلا سر قوة المراة فى ضعفها00 بمعنى ان تواضع المراة فى علاقتها بزوجها سر نجاحها فى بيتها

ولكن فى المقابل تقدير الرجل لزوجتة

التنازل بين الاثنين من اسباب السعادة الزوجية

الكلام اللي فوق ده للفاضل جو

فعلا التنازل بين الزوجين من أهم أسباب السعادة .. و الحقيقة إن الزوجة بتتنازل أكتر..

و لكن مش منطق إنها الأضعف .. متهيألي إن ده دليل قوة لأنها بتتنازل عشان تدير دفة بيتها ..عشان حياتها و ولادها و زوجها..

ده مش ضعف أبدا يعني أنا لو إتنازلت في موقف ما .. و عديت الليلة على خير من غير خناق مثلا..

مش ده حيعود عليه أنا .. و ولادي ..و زوجي..؟ مش حنقضي الليلة دي مبسوطين بدل ما كنا قضيناها في غم؟

و ممكن بعد كدة لما إحنا الإتنين نهدى نتعاتب ..و آخد حقي تالت و متلت بأه !!!

كلام زي الفل يا لونا

الله ينور عليكي

بس مين يفهم و مين يقدر ;)

[justme]

و ممكن بعد كدة لما إحنا الإتنين نهدى نتعاتب ..و آخد حقي تالت و متلت بأه !!!

وهو ده الدليل مشكلة الندية التي تميز الست المصرية والتي ليس لها حل

تم تعديل 14 مارس 2010 بواسطة justme