قائمة المتواجدون الآن

[fatfouta]

يا جماعة انا هتجنن..........حد يقوللى زوهيرى بيبحث عن ايه ده كله -_-

يمكن نقدر نخدم والله

انا هقولك يا فتفوتة هانم عمنا زوهيرى بيدور على مواضيع مش موجودة دلوقتى كمان يومين فى موضوع عن يوم القيامة فى نظر المسلمين وغيرهم وأكيد هتلاقى اول واحد حاضر علشان يثبت ان الكلام دة غلط وأن الكل عندة نظر ومركب عدسات ههههههههههههههه

تحياتى على موضوعك الا قوليلى بتعملى اية لو حد متخفى بتعرفية ازاى !!! شكلك كدة بتحضرى ارواح وملبس هههههههههههههههههههههههه

يا اساذ محمود لعلمك بقى انا بتتبع المتخفى برضو بس بقلبى بدون قائمة للاسف

ومعظم المشرفين بيبقوا متخفيين عشان مانشوفهمش ادامنا ويشرفوا علينا فى صمت

انما انا مش بحب ابدااا ادخل متخفية معرفش ليه.........عارف والله مرة دخلت منخفية وكنت بقرأ فى موضوع معين وبصيت تحت فى الصفحة لقيت مكتوب 1 المتخفيين

قولت يا ترى مين المتخفى اللى بيبص علينا........اتارينى انا المتخفى :wub: من ساعتها حرمت وعمرى مادخل متخفية ابدااااا

[Morial]

اسمعي يا فتفوته يُقال والعهدة علي الراوي ان في التخفي سبع فوائد

اولا تقدري تدخلي علي بروفيل اي حد من غير ما يعرف انك شرفتيه بالزيارة

ثانيا محدش يقدر يعرف اهتماماتك من خلال المواضيع اللي بتدخليها فيستنتج ميولك واتجاهاتك

بمعني انتي تخصص مطبخ وللا غاوية سياسة وللا روشه ومبلطة علي طول الخط في المواضيع التيك اواي

ثالثا عملية التمويه في حد ذاتها شيقه وفيها عنصر البوليسيه والمغامرة

رابعا مفيش حد بيعرف مواعيد دخولك وخروجك يعني لو واحدة لاجئة في المحاورات 18 ساعة يوميا زي حالاتي هيتقال عليها مدمنة محاورات

كفاية دول علشان الباقي اسرار المهنة ومينفعش تطلع بره

[fatfouta]

منال يا شوقى يا ختى احب اقولك انك حتى لو دخلتى متخفية فالكاميرا بتلقط وقت دخولك وخروجك واخر وقت كنتى فيه هنا امتى؟؟

اتفضلى شوفى كده

الأعضاء الذين تواجدوا لهذا اليوم هم :

AbkaReno, abo janna, adoma, ahmos1, محمد مأمون, محمد الششتاوي, محمد العنبى, alex fox, Alrefaey, alshora, Ambitious, مسافر زاده الخيال, من بعيد, منال شوقي, لكلوك, المسيو, الباشمهندس ياسر, الســـاري, ابو حودة, ايمن رووف, crossfield, DrGM, drTOTA, ذهبية, eaglsson, el faid, elrasy, ترانسيستور, fatfouta, Folana, francois, goda, hany eskander, hiema, HOSAM ABDELFATAH, جيمي, justme, kinan, mama nona, mamdowh, MARDUK, MaYousof, mmdd, moheltohamy, morph, msayed, mzohairy, nizza la bella, رضوي, omda2006, سهران, pmj, ramyfathalla, raouf, Scorpion, se_ Elsyed, sircumflex, SophiaAstrophy, timodax, علي صقر, عادل أبوزيد, عبدالمنعم الحسينى, yoga, وليد نور, ناوية ع الهجرة, نصر, نورسين, طبيبة مصرية

وحضرتك لو روحتى هنا ووقفتى بالماوس هيطلعلك التايم بتاع سيادتك يا فندم

يعنى مفقوسة مفقوسة -_- :wub:

[fatfouta]

حبيبتي فتفوتة ....... كدة بقي كل الاعضاء هيركزوا مع كل الأعضاء ......... ربنا يستر :wub:

ماهو ده الغرض من الموضوع يا رضوى يا اوختشى

عشان يبقى فيه مشاركة وجدانية -_-

[Morial]

اولا مش كل الناس بتركز مع الكاميرا يا فوتفوت و مش كل الناس ناصحة وواعية زيك -_-

طب خدي عندك دي كمان

واحد كتب تعليق علي مشاركة ليكي وعايزة تقعدي مع نفسك تمخمخيله في الرد مع كباية شاي كوشري وعقب سجارة راميه جوزك ولسه فيه الروح :)

يبقي تقوليله بقي انا اهه موجوده وشفت الرد و التعليق بتاعك وانسحبت ومردتش ؟

وللا الاحسن يفهم انك ولا هنا ولسه مشوفتيش حاجة ولما دخلتي ردك كان جاهز وطاخ طيخ طاخ ؟ :wub:

اتعلموها بقي :)

تم تعديل 14 مارس 2010 بواسطة منال شوقي

[fatfouta]

طولة البال ليكى انتى وزهيرى يا منال

لكن انا بعترف انى مش بعرف لا اجادل ولا ارد ولا عندى استعداد

لكن بصراحة بحسدكوا على صبركم -_-

تم تعديل 15 مارس 2010 بواسطة fatfouta

[fatfouta]

طب انا نفسى افهم لما اتكلم عن عضو معين او عضوة يعنى فى توبيك معين والاقيه جاى يجرى يرد عليا

طب مين بلغ حضرته بقى؟؟؟؟؟؟؟

[doha]

طب انا نفسى افهم لما اتكلم عن عضو معين او عضوة يعنى فى توبيك معين والاقيه جاى يجرى يرد عليا

طب مين بلغ حضرته بقى؟؟؟؟؟؟؟ :P

ممكن تكون صدفة انه متابع ولقي كلام موجه ليه فرد

وممكن تكون عن طريق البحث .. يعني بصي كده هتلاقي معانا عضو فاضل من دولة شقيقة مافي مرة موضوع يكون فيه اسم الدولة دي الا وتلاقيه من متصفحي الموضوع .. بالتاكيد هو مش جاي صدفة وانما هو بيكتب في خانة البحث ( كوالا لمبور ) فبيطلع له كل المواضيع الكوالمبورية حتى لو الاسم ذكر في الموضوع عرضا هتلاقيه هناك ..

بنفس المنطق برضه لو حد يعني نرجسي اوي فتوقعي انه يعمل سيرش على اسمه ويجي جري لو حد جاب سيرته ..

هذا والله اعلم ( وش الشيخ سيد ) . .

[fatfouta]

طب انا نفسى افهم لما اتكلم عن عضو معين او عضوة يعنى فى توبيك معين والاقيه جاى يجرى يرد عليا

طب مين بلغ حضرته بقى؟؟؟؟؟؟؟ :D

ممكن تكون صدفة انه متابع ولقي كلام موجه ليه فرد

وممكن تكون عن طريق البحث .. يعني بصي كده هتلاقي معانا عضو فاضل من دولة شقيقة مافي مرة موضوع يكون فيه اسم الدولة دي الا وتلاقيه من متصفحي الموضوع .. بالتاكيد هو مش جاي صدفة وانما هو بيكتب في خانة البحث ( كوالا لمبور ) فبيطلع له كل المواضيع الكوالمبورية حتى لو الاسم ذكر في الموضوع عرضا هتلاقيه هناك ..

بنفس المنطق برضه لو حد يعني نرجسي اوي فتوقعي انه يعمل سيرش على اسمه ويجي جري لو حد جاب سيرته ..

هذا والله اعلم ( وش الشيخ سيد ) . .

ده انتى طلعتى مش سهلة خالص يا ضحى.....وعارفة كل حاجة اهو

وكمان عارفة الاخ بتاع كوالا لمبور............اسكتى يا اختى ده مدوخنا مش مخلى موضوع عن كوالا لمبور الا وتلاقيه بيقرأ فيه

تصدقى تحليلك منطقى برضو.....ومنكم نستفيد :P

[عماد حمدي]

طب انا نفسى افهم لما اتكلم عن عضو معين او عضوة يعنى فى توبيك معين والاقيه جاى يجرى يرد عليا

طب مين بلغ حضرته بقى؟؟؟؟؟؟؟ :sad:

ممكن تكون صدفة انه متابع ولقي كلام موجه ليه فرد

وممكن تكون عن طريق البحث .. يعني بصي كده هتلاقي معانا عضو فاضل من دولة شقيقة مافي مرة موضوع يكون فيه اسم الدولة دي الا وتلاقيه من متصفحي الموضوع .. بالتاكيد هو مش جاي صدفة وانما هو بيكتب في خانة البحث ( كوالا لمبور ) فبيطلع له كل المواضيع الكوالمبورية po:: حتى لو الاسم ذكر في الموضوع عرضا هتلاقيه هناك ..

بنفس المنطق برضه لو حد يعني نرجسي اوي فتوقعي انه يعمل سيرش على اسمه ويجي جري لو حد جاب سيرته ..

هذا والله اعلم ( وش الشيخ سيد ) . .

ده انتى طلعتى مش سهلة خالص يا ضحى.....وعارفة كل حاجة اهو

وكمان عارفة الاخ بتاع كوالا لمبور............اسكتى يا اختى ده مدوخنا مش مخلى موضوع عن كوالا لمبور الا وتلاقيه بيقرأ فيه

تصدقى تحليلك منطقى برضو.....ومنكم نستفيد wst::

wst:: wst:: شكرااااااا

[fatfouta]

أحب اضيف حاجة

فولانة ظهرت اخيرا فى القائمة po::

Folana............تستعرض الموضوع:لماذا يراهن المال السياسى على الشارع وفقط

وسنوافيكم دائما بأخر الأخبار

wst:: wst::

تابعونــــــــــــــا wst:: :sad:

تم تعديل 15 مارس 2010 بواسطة fatfouta

[Folana]

أحب اضيف حاجة

فولانة ظهرت اخيرا فى القائمة po::

Folana............تستعرض الموضوع:لماذا يراهن المال السياسى على الشارع وفقط

تابعونــــــــــــــا :sad: wst::

السلام عليكم ورحمة الله...

إيه ده؟!!!

هو الرادار صورنى ولا إيه؟ wst::

أنا كنت ماشية على 40 بس...وحكاية المال السياسى دى ..انا قلت يمكن بيوزعوا منحة بمناسبة عيد الأم.....يعنى مال و سياسى كمان...دى تبقى فُرجَت .....بس كده يافندم...

wst:: wst::

[fatfouta]

أحب اضيف حاجة

فولانة ظهرت اخيرا فى القائمة po::

Folana............تستعرض الموضوع:لماذا يراهن المال السياسى على الشارع وفقط

تابعونــــــــــــــا :110: :110:

السلام عليكم ورحمة الله...

إيه ده؟!!!

هو الرادار صورنى ولا إيه؟ :sad:

أنا كنت ماشية على 40 بس...وحكاية المال السياسى دى ..انا قلت يمكن بيوزعوا منحة بمناسبة عيد الأم.....يعنى مال و سياسى كمان...دى تبقى فُرجَت .....بس كده يافندم...

wst:: wst::

فولانة هانم........اى خدمة

عشان تعرفى بس ان وراكى رجالة

اى حد مضايقك بلغينا واحنا نجيبلك خط سيره علطول :D

انا لسه بقولهم المشرفين بيدخلوا متخفيين عشان يضبطونا من غير مانحس........فجأة ببص لقيت اسمك

قولت مابدهاش بقى نصورها واهى حبيبتنا برضو

اتفضلى wst:: wst::

[محمد الششتاوي]

والله الوحد خد خبرة كبيرة قوي من الموضوع ده وعرف حاجات كتير

بس في نفس الوقت الواحد طول ماهو في المنتدى هايمشي يبص حوليه زي الحرامي wst::

حد شايفني po::

تم تعديل 15 مارس 2010 بواسطة محمد الششتاوي

[fatfouta]

والله الوحد خد خبرة كبيرة قوي من الموضوع ده وعرف حاجات كتير

بس في نفس الوقت الواحد طول ماهو في المنتدى هايمشي يبص حوليه زي الحرامي

حد شايفني :blink:

بسسسس بس

استاذ محمد.....ايوه حضرتك ياريت تقفل الشباك كويس

احنا شايفينك........حتى شوف

محمد الششتاوى...............يستعرض الموضوع : كيف تهاجر بدون محامى (فيدرال) نسخة 2009

اى خدمة wst:: :lol:

تم تعديل 15 مارس 2010 بواسطة fatfouta

[محمد الششتاوي]

بسسسس بس

استاذ محمد.....ايوه حضرتك ياريت تقفل الشباك كويس

احنا شايفينك........حتى شوف

محمد الششتاوى...............يستعرض الموضوغ : كيف تهاجر بدون محامى (فيدرال) نسخة 2009

اى خدمة :lol: :lol:

:lol: :lol:

يا خبر ابيييييييييييييييييض

مش عارف الواحد يروح منكم فين بس

:blink:

بس على فكرة بقى انا كنت مقعد واحد في الموضوع نفس شكلي للتمويه :ph34r:

وانا كنت في مكان تاني خالص wst::

بعد كده محدش يصدق لما يشوفني في أي مكان , ده بيكون الدوبلير بتاعي :lol:

تم تعديل 15 مارس 2010 بواسطة محمد الششتاوي

[justme]

معلش بقى نصيحة لمن يريد التخفي

ممكن تفتح كل اللي نفسك فيه وافتح صفة المنتدى الرئيسية وكل ما تفتح موضوع اعمل اعادة تحميل لصفحة المنتدى الرئيسية

وبكده هتطلع دائما في الصفحة الرئيسية

[ابو محمود]

يا جماعة انا هتجنن..........حد يقوللى زوهيرى بيبحث عن ايه ده كله :lol:

يمكن نقدر نخدم والله

انا هقولك يا فتفوتة هانم عمنا زوهيرى بيدور على مواضيع مش موجودة دلوقتى كمان يومين فى موضوع عن يوم القيامة فى نظر المسلمين وغيرهم وأكيد هتلاقى اول واحد حاضر علشان يثبت ان الكلام دة غلط وأن الكل عندة نظر ومركب عدسات ههههههههههههههه

تحياتى على موضوعك الا قوليلى بتعملى اية لو حد متخفى بتعرفية ازاى !!! شكلك كدة بتحضرى ارواح وملبس هههههههههههههههههههههههه

يا اساذ محمود لعلمك بقى انا بتتبع المتخفى برضو بس بقلبى بدون قائمة للاسف

ومعظم المشرفين بيبقوا متخفيين عشان مانشوفهمش ادامنا ويشرفوا علينا فى صمت

انما انا مش بحب ابدااا ادخل متخفية معرفش ليه.........عارف والله مرة دخلت منخفية وكنت بقرأ فى موضوع معين وبصيت تحت فى الصفحة لقيت مكتوب 1 المتخفيين

قولت يا ترى مين المتخفى اللى بيبص علينا........اتارينى انا المتخفى :lol: من ساعتها حرمت وعمرى مادخل متخفية ابدااااا

ياقلبك الكبير يا فتفوتة :lol:

اما بقى دى حكاية يا ولاد فتفوتة بتقول انها مابتحبش تدخل علينا مختفية طب آزاى وانتى فتفوتة يعنى حتة سكر صغننة نشوفها ازاى بقى يا جماعة :lol:

انا اعرف الفتافيت بتبقى رهيفة خالص ومتقدرش تختفى علشان هي صغننة خالص :ninja: :sad:

[اغابي]

انا عمرى ما اهتميت اشوف مين موجود ومين مش موجود - ما بيلفتش انتباهي الموضوع داه

انا كل صبااااح مبااااح ادخل على السريع للمحاورات - اشوف الاراء كل الاراء فى اى موضوع شدني

واذا لزم ارد ما لزمش مش حارد وبمزاجى وكل حاجة بمزاجـــى ياريس .

وبعد ما اخلص الواجب اليومي بتاعي - افضى شوية لشغلى اللى بيبقي اكوام اكوام اكوام فوق مكتبي منتظر احن عليه واخلصه اروح اسيبني من النت

لما اخلص كل شغلى - اذا فيه وقت ارجع تاني للمحاورات واحيانا باسيب صفحة المحاورات مفتوحة اثناء الشغل علشان بسرعة ارجعلها .

[محمد الششتاوي]

اللي بيظهروا على انهم بيعملوا بحث بيبقوا على الرابط ده

http://www.egyptiantalks.org/invb/index.ph...&lastdate=0

بيشوفوا اخرالمشاراكات