لقد اتخذت قرار اريد منكم ان تعينونى عليه

[عنبو]

ايها الاخوه المواطنون تحيه طيبه وبعد

لقد اتخذت قرار اريد منكم ان تعينونى عليه

لقد قررت

ان اربى شنبى "" شوية دوشه كده وصوت ""

اسمعونى ارجوكم نعم اعرف ان شكلى سوف يتغير واعرف ان الموضوع فى بدايته سوف يكون مؤلم

ولكن من اجل التغير فكل شىء يهون

لقد تحدثت مع عدد لا بأس به من المواطنين وعامة الشعب

وهو اين يتم طرح هذا الخير

فيه منهم من قال موضوعات شخصيه على اعتبار انه حاجه خاصه بيا يعنى ولكن انا رفضت وبشده لان خبر مثل هذا سوف يوثر على الكل

فانا لا اعتبره شخصى

وفيه منهم من قال خليه فى باب المغتربين باعتبار انى فى الغربه يعنى والشنب اتولد فى الغربه ولكن نظراً لوجود علاقه بينى وبين سى سين

والراجل ممكن لو شاف موضوع زى ده ممكن يولع فى المنتدى فقولت بلاش بعدين لما نحب نقدم له على الجنسيه السعوديه نبقى

نفتح الموضوع فى باب المغتربين

وفيه منهم من قال خليه فى باب موضوعات جاده علشان الشنب ده هنخوف به الاعداء بس انا قولت ده موضوع سرى للغايه وخليه نعمله فجأه يعنى

طبعاً وبعد مناظرات ومحاورات دامة اكثر من شهر قررت ان اضعه فى باب دعوه للابستام

والسلام عليكم ورحمة الله وبركاته

[shiko]

طب اتصدق ...

ده قرار خطير يحق لك ...انه يبقى فى باب لوحده ...

ونسميه ...شنبوه ...فى مواجهة عنبوه

أو شنبه فى المصيدة ...بطولة مطلقة لعنبوه

وانا شخصيا ارتأى لى ان ارى ....شنبك ...معلق على باب المنتدى فى باب المعلقات السحرية لهارى بوتر ..

ولاطالما جاتلك الجرئة بإعلان الخبر على عامة الشعب ...

يبقى لازم ....تستاهل الضرب اللى هايوصلك قبل ماتربى شنب سعادتك ...

انت موش شايف اى حاجة تانية اولى بالتربية من شنبه ..؟؟

تربى قطة مثلا ؟؟

[ذهبية]

طيب و الله انا سعيدة جدا بهذا الاعلان

عل الاقل لاقيت حاجة تربيها فى الغربة

و اخيرا اصبح لك هدف فى الحياة لان الانسان بدون هدف حياتة ليس لها قي

عقبال كدة قريب باذن الله ان تربى ذقنك بالمرة و اهو يكون ثواب و الاتنين يطلعوا مع بعض هتبقى حاجة تفرح برضة ياراجل

و بصراحة بقى انا مش باحب الرجل الى من غير شنب لانة دة رمز الرجولة

وعليهم ذقن بقى يبقى كدة تمام

[Melhakim]

شوف يا عنبو يا اخويا

الموضوع مش سهل زى منتا فاكر وليه عواقب وردود افعال قوية جدا اتمنى انك تقدر عليها

هتلاقى ناس بتشجعك وبتقف جانبك وتساندك فى رحلتك التربويه لشنبك

وهتلاقى ناس تانيه بتهبطك وتقلل من اللى بتعمله وممكن يوصل الموضوع للسخريه

بس انا مش عايزك تلتفت لده كله وتواصل المشوار وهتلاقينى كتيير جنبك

واللى ربى خير من اللى اشترى

[اغابي]

اولا هو مش مواضيع شخصية ولا حاجة

لان يا عنبي - شنبك داه يهمنا كلنا

وقرار لازم الشعب كله يشاركك فيه

وانا فى انتظار رأى المهندس ياسر لان رايه فى الامور دي بيكون له وزنه وجوو برضوه وجميع الاعضاء الكرام الباقيين

لكن علشان نعرف نشاركك الراى على حق لازم الاول نشوف شكلك ايه يا عنبي

وهل الشنب حيمشى مع شكلك ولا لو دقن افضل ولا تكتفي بدوجلاس وسوالف ولا بلاش اى حاجة

واتمنى من الصحافة ما تكبرش الموضوع لان اعداء مصر كتير - فى الخارج

وشنبك مسؤولية البلد كلها - نفديه بدماء اولادنا واروحنا

[engmido]

ياراجل شوفلك كتكوتين ربيهم

هههههههههههههه

[عبير يونس]

أؤيد بشدة رأي أغابي

لازم نشوف شكلك الأول

تحيا مصر

[pocy]

بصراحه يا عنبي انا لا اؤيد هذا الامر تعرف ليه

أصل ساعات بشوف رجاله بشنب لازق فيه الرز وهم بياكلوه بيبقي شكلهم وحش قوى

هههههههههههههه

[اغابي]

بصراحه يا عنبي انا لا اؤيد هذا الامر تعرف ليه

أصل ساعات بشوف رجاله بشنب لازق فيه الرز وهم بياكلوه بيبقي شكلهم وحش قوى

هههههههههههههه

يــــــــــــــع يـــــــــــــع يـــــــــــــــــــع

[Morial]

والله يا عنبي الموضوع ده فيه كلام

وعلي حسب امكانيات شنبك

يعني لو شنب متين كدة من النوع اللي ممكن يتعلق عليه حتتين غسيل لو الحبل مليان يبقي ماشي اهو برضه ينفع ويفك زانقة :closedeyes:

انما لو شنب خرع كده علي ماتفرج ويتاخد دليل ضدك يبقي بلاش منه وخاصة انك في الغربة يا عنبو وشنبك ده هيبقي واجهه للمصريين كلهم

يعني مش هيتقال شنب محمد العنبي

لاء

ده هيتقال شنب مصر

فلازم تكون أد المسؤليه وتربيه علي الغالي ومتستخسرش فيه حاجة

تم تعديل 14 مارس 2010 بواسطة منال شوقي

[عنبو]

shiko مشاركة بتاريخ اليوم, 11:48 AM

طب اتصدق ...

ده قرار خطير يحق لك ...انه يبقى فى باب لوحده ...

ونسميه ...شنبوه ...فى مواجهة عنبوه

أو شنبه فى المصيدة ...بطولة مطلقة لعنبوه

وانا شخصيا ارتأى لى ان ارى ....شنبك ...معلق على باب المنتدى فى باب المعلقات السحرية لهارى بوتر ..

ولاطالما جاتلك الجرئة بإعلان الخبر على عامة الشعب ...

يبقى لازم ....تستاهل الضرب اللى هايوصلك قبل ماتربى شنب سعادتك ...

انت موش شايف اى حاجة تانية اولى بالتربية من شنبه ..؟؟

تربى قطة مثلا ؟؟

القطط دى خاصه بنون النسوه احنا اولاً اسوووود نربيها علشان نلعب بيها يعنى

ذهبية مشاركة بتاريخ اليوم, 12:07 PM

و بصراحة بقى انا مش باحب الرجل الى من غير شنب لانة دة رمز الرجولة

وعليهم ذقن بقى يبقى كدة تمام

يانصر دينك يا ستاذ ذهبييييييييييييييييييييييييييييييييييييييييه

surfthe مشاركة بتاريخ اليوم, 12:13 PM

شوف يا عنبو يا اخويا

الموضوع مش سهل زى منتا فاكر وليه عواقب وردود افعال قوية جدا اتمنى انك تقدر عليها

هتلاقى ناس بتشجعك وبتقف جانبك وتساندك فى رحلتك التربويه لشنبك

وهتلاقى ناس تانيه بتهبطك وتقلل من اللى بتعمله وممكن يوصل الموضوع للسخريه

بس انا مش عايزك تلتفت لده كله وتواصل المشوار وهتلاقينى كتيير جنبك

واللى ربى خير من اللى اشترى

فعلاً اللى ربى خير من اللى اشترى بس عاوزينك بقى تعمل لينا سبورت ماشى

[عنبو]

اغابي مشاركة بتاريخ اليوم, 12:50 PM

اولا هو مش مواضيع شخصية ولا حاجة

لان يا عنبي - شنبك داه يهمنا كلنا

وقرار لازم الشعب كله يشاركك فيه

وانا فى انتظار رأى المهندس ياسر لان رايه فى الامور دي بيكون له وزنه وجوو برضوه وجميع الاعضاء الكرام الباقيين

لكن علشان نعرف نشاركك الراى على حق لازم الاول نشوف شكلك ايه يا عنبي

وهل الشنب حيمشى مع شكلك ولا لو دقن افضل ولا تكتفي بدوجلاس وسوالف ولا بلاش اى حاجة

واتمنى من الصحافة ما تكبرش الموضوع لان اعداء مصر كتير - فى الخارج

وشنبك مسؤولية البلد كلها - نفديه بدماء اولادنا واروحنا

هو بينى وبينك لا الشنب ماشى ولا الدقن ولا الدوجلاس

بس موضوع الشنب ده مهمه قوميه يعنى الواحد مينفعش انه يبص للحاجات البسيطه دى

وياريت اسمع اغنيه رجاله ولادك يا بلادنا رجاله ورجاله

engmido مشاركة بتاريخ اليوم, 01:01 PM

ياراجل شوفلك كتكوتين ربيهم

هههههههههههههه

اتفضلوا ادى نوع من الشباب المستهتر اللى مش عارف قيمة شنب عنبوو طيب ياهندسه بكره تقول يارتنى ربيت شنبى زى عنبو

مصرية متغربة مشاركة بتاريخ اليوم, 01:35 PM

أؤيد بشدة رأي أغابي

لازم نشوف شكلك الأول

تحيا مصر

مهو علشان خاطر مصر كله يهون وتحيا يامصر

pocy مشاركة بتاريخ اليوم, 01:54 PM

بصراحه يا عنبي انا لا اؤيد هذا الامر تعرف ليه

أصل ساعات بشوف رجاله بشنب لازق فيه الرز وهم بياكلوه بيبقي شكلهم وحش قوى

هههههههههههههه

عارف ان ده رأيك من الاول بس لما يبقى علشان خاطر البلد يبقى كله يهون

ده مهمه قوميه ياجماعه

منال شوقي مشاركة بتاريخ اليوم, 04:33 PM

والله يا عنبي الموضوع ده فيه كلام

وعلي حسب امكانيات شنبك

يعني لو شنب متين كدة من النوع اللي ممكن يتعلق عليه حتتين غسيل لو الحبل مليان يبقي ماشي اهو برضه ينفع ويفك زانقة

انما لو شنب خرع كده علي ماتفرج ويتاخد دليل ضدك يبقي بلاش منه وخاصة انك في الغربة يا عنبو وشنبك ده هيبقي واجهه للمصريين كلهم

يعني مش هيتقال شنب محمد العنبي

لاء

ده هيتقال شنب مصر

فلازم تكون أد المسؤليه وتربيه علي الغالي ومتستخسرش فيه حاجة

هو طبعاً انا عندى الحس الوطنى ده فعلشان كده بوعدكم بحاجه مشرفه لمصر كلها

طبعاً فيه ناس بتقول ايه اللى دخل شنب عنبو فى الوطن ومعرفش ايه

ده هنكلملوا بعدين

سلام دلوقتى

[joo]

يعنى لو هيبأ كدة انا معنديش مانع وممكن تلفة على وسطك بدل الحزام

[رضوي]

السلام عليكم ورحمة الله وبركاته

قرار عنبو ..... دة مهمة قومية خطيرة جداً :unsure:

فعلاً ياعنبو قرار مش سهل أبداً ............... قرار يحدد مصير أمة ........ومستقبل بلد بحالها :lol:

وانت واقف علي المنصة بتلقي خطابك امام الجماهير الغفيرة ......... حسينا بجد ياجماعة ان الراجل دة بيخاف علي البلد دي ...... وسالت دموعنا رغماً عنا وقلنا في قرارة أنفسنا ( حلوة قرارة دي ) احنا معاك ياريس wst:: :lol:

ايون ...... ايون

قرارك دة أثر في الامة وفي عزيمة شبابها :blush2:

لازم ياجماعة تشجعوا عنبو ............. لابد للرجال كلهم ان يعينوه علي قراره :lol:

وأنا عن نفسي ......... هساعدك ......... ممكن امسك حملة الدعاية بتاعتك ؟؟؟؟؟؟؟ :lol: :lol:

[الباشمهندس ياسر]

فيه عدة اراء ف الشنب يا صاحبي

تقول احداهن ... هي مهمة اوي كده عشان تحط تحتها خط

و تقول الاخري... الشنب علامة مهمة جدا للرجولة

و تقول الثالثة ... ما الشارب الا اداة للتعذيب

و تقول الرابعة...

يا عم اشتري دماغك

اللي يجي علي دماغك اعمله

و بلاش صداع

[لماضة مصرية جدا]

السلام عليكم و رحمة الله و بركاته

تصدق يا محمد...انا من امبارح اخش الموضوع بتاع خطاب التنحية....قصدي التربية ده...اضحك و اطلع

كل شوية اقول لنفسي استهدي بالله كده و اكتبي كلمتين....تؤازري بيهم الجودع كده و هو بياخد القرار المصيري

انا من كل خطاب التنحية بتاعك ده فيه جملة مش قادرة اطلعها من نفوخي

"عشان هنخوف بيه الاعداء"

أتصدق يا عنبو....

تخيلتك و انت واقف في وش العدو كده ما هو احنا هنضحي بيك بقي يا عنبو والاس... .....

و اذا فجأتن....بتبرم شنباتك....علي اعتبار ما سيكون يعني....(وش بقي الريس حنتيرة شجيع السيما في الليلة الكبيرة....)

و بعدين بعد ما العدو ابتدت ترتعد فرائصه...(و متسالنيش يعني ايه كنت بقراها كده في رجل المستحيل ... )

قوم ايه......

تروح تقرب منهم كده و تقول

"اضرب برجلك الشمال عشان ترهب العدوووووووو.......وش عرفة الشواف في وجهة نظر"

من موقعي هذا احب الفت نظر معاليكم لحاجة مهمة.....

الشنب مهم جدا....

مش عشان احساس المقشة المتنامي المتزايد فوق الشفة....

و لا عشان و انت قاعد في القطر كده مش لاقي تعمل حاجة ممكن تقعد تقرطف فيه...

يا تري الكمسري هيقفشني المرة دي و لا لا

يا توري هتجوز...مش هتجوز....

كده يعني

الشنب مهم ليه بقي....

مهم و خلاص...بس

بس برضه لاننا من الرعية بتاعت سموك....و سحنتك الكريمة دي واجهة بوتيك "اتفرج يا سلام"..خلي بالك لو ربيته و بعدين حلقته هيبقي شكلك نوكتة اوي اوي

انا هقول المشهد اللي جاي ده للعظة.....عشان اخوانا الاولاد اللي بتوع مسمط سالم...و اللي متكعبلين فيهم في كل حوتة يتنوروا

اخويا في فترة كان عنده شنب حكاية.....مع دقن خفيفة....و شعر كثيف مع حواجب كثيفة....جبااااااااار

المهم مزاجه في الحياة عالي جودن جدون....

و أن ان....آآآآآآآآآآآآآآآآآىن تش

جاله الجيش....(مالكم يا ولاد...وشكم اصفر ليه؟؟؟)

عاااااااااااااادي جدا....مش كلكم (الحمد لله مش احنا.... ) فداء للبوتيك

المهم....قبل ما يلبس (مش بتقولوها كده)

لاقيناه غاااااااااااب بقي ف الحمام....قولنا عااااااادي جدا...الراجل بيودعه و كده

و فجأة لاقيناه....جايب شعر راسه زيرو

و شوية تاني

راح ابتدي بقي يلعب بالشنب.....

مرة يعمله طوله 1 سم...عارف منظر المطرب في الفرقة الشعبية...حاجة كده... :lol:

مرة يروح يعمله قناة ري في النص بتوصل بين المناخير و البوء

و مرة يشيل فردة و يخلي فردة

طبعا كل ده...و احنا متعذبين بره الحمام

لغاية ما جابه ع الزيرو برضه

و استلم بقي يا عم حتة نضيفة....راس و شنب

مش عايزة اقولك بقي

ده من كتر الاضواء مشينا بنضارات شمس في البيت

هو كان فاكر ال يعني كده بينتقم م الجيش...و الحمد لله لبس سنة......و دمتم

بس خلاص

كان معكم مراسل البيدق الشنباتي

لماضة ابو شبت.....

[عنبو]

يعنى لو هيبأ كدة انا معنديش مانع وممكن تلفة على وسطك بدل الحزام

انا هخلى الصوره هى اللى ترد عليك وبعدين انت عاوز تكرهنى فى الشنب

رضوي مشاركة بتاريخ أمس, 11:14 PM

السلام عليكم ورحمة الله وبركاته

قرار عنبو ..... دة مهمة قومية خطيرة جداً

فعلاً ياعنبو قرار مش سهل أبداً ............... قرار يحدد مصير أمة ........ومستقبل بلد بحالها

وانت واقف علي المنصة بتلقي خطابك امام الجماهير الغفيرة ......... حسينا بجد ياجماعة ان الراجل دة بيخاف علي البلد دي ...... وسالت دموعنا رغماً عنا وقلنا في قرارة أنفسنا ( حلوة قرارة دي ) احنا معاك ياريس

ايون ...... ايون

قرارك دة أثر في الامة وفي عزيمة شبابها

لازم ياجماعة تشجعوا عنبو ............. لابد للرجال كلهم ان يعينوه علي قراره

وأنا عن نفسي ......... هساعدك ......... ممكن امسك حملة الدعاية بتاعتك ؟؟؟؟؟؟؟

هتبقى شيخ غفر وكمان مدير حملة الدعايه ماشى ياعم

بس عاوزين بقى شوية هتافات كده من الاخر يعنى

الباشمهندس ياسر مشاركة بتاريخ اليوم, 02:58 AM

فيه عدة اراء ف الشنب يا صاحبي

تقول احداهن ... هي مهمة اوي كده عشان تحط تحتها خط

و تقول الاخري... الشنب علامة مهمة جدا للرجولة

و تقول الثالثة ... ما الشارب الا اداة للتعذيب

و تقول الرابعة...

يا عم اشتري دماغك

اللي يجي علي دماغك اعمله

و بلاش صداع

انت عارف يا ياسر انا طول عمرى بكره الشنب واى حد مربى شنبه مكنتش اسيبه تريقه وهبل يعنى لو حاجه ضاعت اقوم ادور فى شنبه نظام هبل يعنى

لما اخدت القرار قعدت او اسبوع مبصش فى المرايه خالص وفى مره من ذات المرات صحيت الصبح وبصيت فى المرايه

لقيتنى بقول لنفسى ابصى لروحى فجأه لقيتنى لقيتنى كبرت فجأه كبرت تعبت من المفاجأه ....الخ

لماضة مصرية جدا مشاركة بتاريخ اليوم, 08:38 AM

السلام عليكم و رحمة الله و بركاته

تصدق يا محمد...انا من امبارح اخش الموضوع بتاع خطاب التنحية....قصدي التربية ده...اضحك و اطلع

كل شوية اقول لنفسي استهدي بالله كده و اكتبي كلمتين....تؤازري بيهم الجودع كده و هو بياخد القرار المصيري

انا من كل خطاب التنحية بتاعك ده فيه جملة مش قادرة اطلعها من نفوخي

"عشان هنخوف بيه الاعداء"

أتصدق يا عنبو....

تخيلتك و انت واقف في وش العدو كده ما هو احنا هنضحي بيك بقي يا عنبو والاس... .....

و اذا فجأتن....بتبرم شنباتك....علي اعتبار ما سيكون يعني....(وش بقي الريس حنتيرة شجيع السيما في الليلة الكبيرة....)

و بعدين بعد ما العدو ابتدت ترتعد فرائصه...(و متسالنيش يعني ايه كنت بقراها كده في رجل المستحيل ... )

قوم ايه......

تروح تقرب منهم كده و تقول

"اضرب برجلك الشمال عشان ترهب العدوووووووو.......وش عرفة الشواف في وجهة نظر"

من موقعي هذا احب الفت نظر معاليكم لحاجة مهمة.....

الشنب مهم جدا....

مش عشان احساس المقشة المتنامي المتزايد فوق الشفة....

و لا عشان و انت قاعد في القطر كده مش لاقي تعمل حاجة ممكن تقعد تقرطف فيه...

يا تري الكمسري هيقفشني المرة دي و لا لا

يا توري هتجوز...مش هتجوز....

كده يعني

الشنب مهم ليه بقي....

مهم و خلاص...بس

بس برضه لاننا من الرعية بتاعت سموك....و سحنتك الكريمة دي واجهة بوتيك "اتفرج يا سلام"..خلي بالك لو ربيته و بعدين حلقته هيبقي شكلك نوكتة اوي اوي

انا هقول المشهد اللي جاي ده للعظة.....عشان اخوانا الاولاد اللي بتوع مسمط سالم...و اللي متكعبلين فيهم في كل حوتة يتنوروا

اخويا في فترة كان عنده شنب حكاية.....مع دقن خفيفة....و شعر كثيف مع حواجب كثيفة....جبااااااااار

المهم مزاجه في الحياة عالي جودن جدون....

و أن ان....آآآآآآآآآآآآآآآآآىن تش

جاله الجيش....(مالكم يا ولاد...وشكم اصفر ليه؟؟؟)

عاااااااااااااادي جدا....مش كلكم (الحمد لله مش احنا.... ) فداء للبوتيك

المهم....قبل ما يلبس (مش بتقولوها كده)

لاقيناه غاااااااااااب بقي ف الحمام....قولنا عااااااادي جدا...الراجل بيودعه و كده

و فجأة لاقيناه....جايب شعر راسه زيرو

و شوية تاني

راح ابتدي بقي يلعب بالشنب.....

مرة يعمله طوله 1 سم...عارف منظر المطرب في الفرقة الشعبية...حاجة كده...

مرة يروح يعمله قناة ري في النص بتوصل بين المناخير و البوء

و مرة يشيل فردة و يخلي فردة

طبعا كل ده...و احنا متعذبين بره الحمام

لغاية ما جابه ع الزيرو برضه

و استلم بقي يا عم حتة نضيفة....راس و شنب

مش عايزة اقولك بقي

ده من كتر الاضواء مشينا بنضارات شمس في البيت

هو كان فاكر ال يعني كده بينتقم م الجيش...و الحمد لله لبس سنة......و دمتم

بس خلاص

كان معكم مراسل البيدق الشنباتي

لماضة ابو شبت.....

هههههههههههههههههههههههههههههههههههه

مسااااااااء الفل والصباح الباكر "" هى كده ""

لمااااااااضه روحى الله يخرب بيت اللى يفكر يزعلك

ياااااااااااااااه لو نكتب انا وانتى مذكرات ونسميها مذكرات عيال هبله

واللى يقرأها يقعد يلتفت حوالين نفسه والله نعمل لاسعان للناس

[عاشق الترحال]

شنبوو يا شنبوو عنبي هيربي شنبوو

بالروح بالدم نفدي شنب عنبو

عائلات الدهاشنه والنجعاويه تؤيد وتبايع شنب عنبو

من الصباح الباكر ومنذ إعلان الفاضل ( شنبو ) قصدي ( عنبو )عن قرار تربية المحروس شنبو وإنهالت برقيات التهنئه ووفود المهنئين والمبايعين والمؤيدين من جميع أرجاء المعموره وشتى محافظات المحاورات في سيل لا ينقطع من الجماهير الغفيره ليظهرون مدى حبهم وتفانيهم في تربية شنب الفاضل عنبو .

وهاهو عنبو يطل علينا من بعيد بالـ نيولوك بعد أن إتخذ قرارا صعبا لا يقدر عليه الكثير ولا يقدم عليه إلا ذوي الوطنيه والشجاعه ونراه يمسك مرآة في يديه وملقاط ليهذب بعض الشعيرات التي إنجرفت عن مسارها الطبيعي وحتى لا تشوه صورة شنب الخديوي عنبو ولا يخفى علينا أن بصيلات الشعر المكونه لشنب الخديوي عنبو ليس عاديه كما هو الحال مع الكثيرين وإنما تتكون من مركبات صعبه لا يمكن أن تراها كثيرا عند معظم الرجال وخصوصا غير المصريين .

والسؤال الذي يتبادر إلى الأذهان هو

هل ياترى سيكون شنب عنبو من النوع الذي يقف عليه الصقر ؟ ( الباشواتي يعني )

أم من النوع الأصفر ؟ ( الخوجاتي يعني )

أم من النوع البلدي ؟ ( بلدياتي يعني )

أم من النوع النازي ؟ ( هتلر ياتي يعني )

أم من أي نوع سيكون ؟ والجدير بالذكر أن مجلس الأمه في محاورات المصريين سيجتمع للتصويت على إختيار نوع الشنب الذي سيكون عليه شنب عنبو .

سؤال يحتاج لبحث وتمحيص وتفحيص ومشاورات وإجتماعات سيطول فيها الشد والجذب مابين مؤيد ومعارض !!

إلا أن الأيام القليله القادمه ستزيل الستار عن هذه المجادلات بعد أن ينبت شنب الفاضل عنبو ويأخذ شكله الطبيعي .

كان معكم من أمام شنب الخديوي عنبو مراسل محاورات المصريين

( عاشق الترحال )

[عنبو]

شنبوو يا شنبوو عنبي هيربي شنبوو

بالروح بالدم نفدي شنب عنبو

عائلات الدهاشنه والنجعاويه تؤيد وتبايع شنب عنبو

من الصباح الباكر ومنذ إعلان الفاضل ( شنبو ) قصدي ( عنبو )عن قرار تربية المحروس شنبو :unsure: وإنهالت برقيات التهنئه ووفود المهنئين والمبايعين والمؤيدين من جميع أرجاء المعموره وشتى محافظات المحاورات في سيل لا ينقطع من الجماهير الغفيره ليظهرون مدى حبهم وتفانيهم في تربية شنب الفاضل عنبو .

وهاهو عنبو يطل علينا من بعيد بالـ نيولوك بعد أن إتخذ قرارا صعبا لا يقدر عليه الكثير ولا يقدم عليه إلا ذوي الوطنيه والشجاعه ونراه يمسك مرآة في يديه وملقاط ليهذب بعض الشعيرات التي إنجرفت عن مسارها الطبيعي وحتى لا تشوه صورة شنب الخديوي عنبو ولا يخفى علينا أن بصيلات الشعر المكونه لشنب الخديوي عنبو ليس عاديه كما هو الحال مع الكثيرين وإنما تتكون من مركبات صعبه لا يمكن أن تراها كثيرا عند معظم الرجال وخصوصا غير المصريين .

والسؤال الذي يتبادر إلى الأذهان هو

هل ياترى سيكون شنب عنبو من النوع الذي يقف عليه الصقر ؟ ( الباشواتي يعني )

أم من النوع الأصفر ؟ ( الخوجاتي يعني )

أم من النوع البلدي ؟ ( بلدياتي يعني )

أم من النوع النازي ؟ ( هتلر ياتي يعني )

أم من أي نوع سيكون ؟ والجدير بالذكر أن مجلس الأمه في محاورات المصريين سيجتمع للتصويت على إختيار نوع الشنب الذي سيكون عليه شنب عنبو .

سؤال يحتاج لبحث وتمحيص وتفحيص ومشاورات وإجتماعات سيطول فيها الشد والجذب مابين مؤيد ومعارض !!

إلا أن الأيام القليله القادمه ستزيل الستار عن هذه المجادلات بعد أن ينبت شنب الفاضل عنبو ويأخذ شكله الطبيعي .

كان معكم من أمام شنب الخديوي عنبو مراسل محاورات المصريين

( عاشق الترحال )

انا عاوزك يا عاشق تبلغ الجماهير الغفيره وتقولهم

ان شنب عنبو بخير وخصوصاً قد تبادرت اشاعات بتقول ان عنبو خلاص زهق من الشنب وناوى يحلقه

وانها كانت فرحه بس كده وخلاص

ولكن انا من هنا ومن مكانى اعلنها اننى فى سوف امضى فى قرارى ولن اتنازل عن الشعب

وانا على يقين ان الاعداء يمنوا ان يأتى اليوم لكى يروا عنبو بلا شنب

ولكن هيهات هيهات

هذا قرر تم دراسته الاول وتم اتخاذ القرار بعد تفيكر وتمحص وتدقيق فى كل شىء

ومن اجل الوطن كله يهون

طبعاً لا يزال العامه من الناس يتسألون ما هو الرابط بين شنب عنبو والوطنيه هذا ما سوف نعرفه فى الحلقات القادمه

ويلا بقى علشان عاوز اشتغل شويه

[shiko]

انا عاوزك يا عاشق تبلغ الجماهير الغفيره وتقولهم

ان شنب عنبو بخير وخصوصاً قد تبادرت اشاعات بتقول ان عنبو خلاص زهق من الشنب وناوى يحلقه

وانها كانت فرحه بس كده وخلاص

ولكن انا من هنا ومن مكانى اعلنها اننى فى سوف امضى فى قرارى ولن اتنازل عن الشعب

وانا على يقين ان الاعداء يمنوا ان يأتى اليوم لكى يروا عنبو بلا شنب

ولكن هيهات هيهات

هذا قرر تم دراسته الاول وتم اتخاذ القرار بعد تفيكر وتمحص وتدقيق فى كل شىء

ومن اجل الوطن كله يهون

طبعاً لا يزال العامه من الناس يتسألون ما هو الرابط بين شنب عنبو والوطنيه هذا ما سوف نعرفه فى الحلقات القادمه

ويلا بقى علشان عاوز اشتغل شويه

هيهات ...هات ايه موش فاهمة ....؟؟احنا هانشحت على شنبك من اولها

فى راجل بشنب ...لسة وليد اللحظة ...يقول هيهات ...لا ماكنتش متوقعة كده منك ابداً