Damo بتاريخ: 29 أكتوبر 2010 تقديم بلاغ مشاركة بتاريخ: 29 أكتوبر 2010 damo = مصاصة جميلة بطعم المانجو mf(......علل! يا لهوي عليا....انتي يا بنتي احنا مش لسه مذاكرين ده في صفحة..."قوم افتح الباب يا هيثم متتستغباش" مصاصة....يعني طفولة...و شقاوة....و حد بيرمي الدنيا وراه لو شافاها مع انها متساويش يعني غير ربع جنيه...(اوعي تكون غليت...ازعل...و خصوصا النوع ابو لبانة) و بطعم المانجة...لان تقريبا.....مافيش حد مبيحبش المانجة فيكي يا مصر....(ما عدا انا.....بتاخد مجهود الحقيقة في الاكل....و بتتخن و مبحبهاش و بس) يعني طفلة شقية...مصرية جدا انا عرفت دلوقتي جو ساب المنتدي ليه و طفش.....اكيد....حقه الراجل الصراحة....الا قولتيلي يا ديمو انتي بتذاكر ايه.....ايون....بس افتكرت...بتذاكري ابراص و سلاحف و كده ربنا يوفقك بس خلاص خلاص يا ستي حقك عليا مش هسأل تاني بعدين إيه ابراص وسلاحف دي :blink: النمرة غلط أنا جيناااات....يعني وراثة ...في المستقبل القريب إن شاء الله :rolleyes: و غاوية على خفيف evolution واحتمال أعمل حاجة فيه بس الاساس جينات إن شاء الله اقتباس " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
Simba بتاريخ: 30 أكتوبر 2010 تقديم بلاغ مشاركة بتاريخ: 30 أكتوبر 2010 الشخصية التي ساتحدث عنها واثرتني وبهرتني والله لو اني مؤرخ لوضعت اسمها مع الفلاسفة وحكماء العصور جنب بجنب هذه الشخصية الرائعة والكثيرين هنا يعلموا مقدارها هي مدام فولانة ان تحدثت تحدثت بسلاسة وثقافة وحكمة فتجد نفسك انك امام كاتب عظيم فخالص احترامي لها واتمني عودتها كما في السابق اقتباس كلام حسام follow me رابط هذا التعليق شارك المزيد من خيارات المشاركة
Simba بتاريخ: 30 أكتوبر 2010 تقديم بلاغ مشاركة بتاريخ: 30 أكتوبر 2010 مغتربة لا استطيع وصف رقي مشاركتها في بعض كلمات اخي غريب اعتقد انه مثال للطيبة والشخص الوديع مدام قلب ابيض مشاركتها مثل شخصيتها تماما لها اطلالة القمر واشراقة الشمس مدام بوسي الام المتأملة في اليوم والغد الاخت حمال الاسية شخصية طيبة عفوية تتحدث من القلب أغابي شخصية رائعة تعرف متي تكون سندريلا ومتي تكون فتاة النينجا aboamar هو المناظر الذي لا يكل ولا يمل ويفتح دائما ابواب لمواجهات جديدة وما زلت اتابع جولات wff بينه وبين اغابي ابو عمار شخصية محترمة وقورة تشرفت كثيرا بوجودها معنا الاستاذ سين سين يعلم الله الاحترام والتقدير الذي اكنه له نايت شاب جديد واعد في سماء المحاورات ومن كثافة مشاركاته ومن خبرة سنوات في المحاورات ارجح انه سيرحل عنا قريبا واتمني الا يفعل لولا لا يمكن ان تقرأ مشاركتها ثم لا تفتقدها سكوربيون محاور رائع ودائما ما يحاول تقريبا المسافات شيكو من الشخصيات المحترمة التي طالما تأتي مشاركتها مميزة هند علي شخصية خفيفة الدم ضحي احاول دايما ان لا يفوتني اي سطر في مشاركتها واري ان عندها من العلم الكثير المهندسة شخصية خفيفة الدم رونا واروي والسندباد ونيو نيم اين انتم موضوع المغتربين بالكويت يناديكم زوهير موديست زهرة الجبل أحمد فرحات فتفوتة النسر المصري والله وحشتونا اقتباس كلام حسام follow me رابط هذا التعليق شارك المزيد من خيارات المشاركة
عبير يونس بتاريخ: 30 أكتوبر 2010 تقديم بلاغ مشاركة بتاريخ: 30 أكتوبر 2010 مجيبتش سيرتي يا سمبا باشا تبقى زعلان:blink: حقك عليا يافندم انا فعلا مكنش ليا حق لما دخلت شمال في حضرتك و اعتبرتك تقصدني سماح يافندم وكل سنة وحضرتك طيب لقرب عيد الأضحى المبارك :flr1: :flr1: :flr1: اقتباس أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
Howayda Ismail بتاريخ: 30 أكتوبر 2010 تقديم بلاغ مشاركة بتاريخ: 30 أكتوبر 2010 السلام عليكم و رحمة الله و بركاته عارفة يا شيكوز....النهاردة الصبح بالليل...كنت لسه بفكر في التوبيك دوت....و بقول اييييييييه يا مين يدلني عليه...و انتي ماشية ابقي عدي علي كوهين المحاسب هتلاقي ظرف فاااااااااضي...ابقي حطيلي فيه بقي اللي تقدري عليه :P بصي بقي عشان معانا ناس جديدة و كده في المنتدي...فمن موقعي ده من امام شفشفق اللموناضة ااقدر اقول تانت هند علي.....شط اسكندرية....يعني شط الهوي....يعني عشقي اللي مبينتهيش....يعني كل يوم موجة....و في كل موجة حكاية....بس حكاية لازم تنكش حتة حلوة جوا اللي بيقراها استاذة مصراوية.....عينين بتقرا الناس....بتقرا اللي بعد الحروف....بيتهيالي كانت زمان جادة جدا في حياتها....بس دلوقتي اتغيرت....بتحاول تتغير....(ده انطباعي) أيات محمد.....مش انتي باباكي محمد.....يعني بنتي....ضنايا.....بجد بنوتة لازم افتح عينيا اوي و انا بقرا اي مداخلة بتقولها...و بعدها لازم اروح للمراية و اقول لنفسي....جتك خيبة...كل اللي فلحتي فيه في اعدادي....انك تعملي مسرحيات في المدرسة...شوفي الجيل الصاعد....بتاع اتعلم اتنور...ربنا يخليها قرة عين في الدنيا و الاخرة يانهار ابيض معقولة ياريهام انا وايوتة اول المعازيم قصدى اول الاعضاء ده كرم كبير منك اوى عقبال يارب مانفرح بك ونكون فعلا اول المعازيم وعلى فكرة ايات بتحبكم كلكم لكن فى اسماء معلمة معاها وكانت متبعاها من قبل دخولها المنتدى اولهم انت ونايت مير وسى السيد ودلوقت بعد الانضمام تعرفت على مصراوية وام زايد والمهندسةومغتربة ومصرية متغربة عن نفسى انا باحبكم كلكم وصراحة لما مش بالاقيكم موجودين انا اللى بحس بغربة فى المنتدى وللاسف مش حاعرف اصنف الاعضاء زيكم لكن كل اللى اقدر اقوله انى فعلا استفدت منكم كتير اوى اوى صباحك ورد مندى بحبات مطر خفيفة نازل دلوقت وانا باكتبلك معاك امبريلا اقتباس خواطر swan رابط هذا التعليق شارك المزيد من خيارات المشاركة
Simba بتاريخ: 30 أكتوبر 2010 تقديم بلاغ مشاركة بتاريخ: 30 أكتوبر 2010 مجيبتش سيرتي يا سمبا باشاتبقى زعلان حقك عليا يافندم انا فعلا مكنش ليا حق لما دخلت شمال في حضرتك و اعتبرتك تقصدني سماح يافندم وكل سنة وحضرتك طيب لقرب عيد الأضحى المبارك لا طبعا يا مصرية مش زعلان ابدا ولا حاجة من حضرتك ولو قريتي ردي عليكي هنا كنتي هتعرفي انا بشوفك ازاي في المحاورات وانا مقدرش اجيب سيرتك الا بكل خير وود لكن بجد صعب ان الواحد ما ينساش حد اقتباس كلام حسام follow me رابط هذا التعليق شارك المزيد من خيارات المشاركة
لماضة مصرية جدا بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 السلام عليكم و رحمة الله و بركاته فاكرين التوبيك دوت يا رجالة زمان مش زمان اوي يعني كنا بنحب نتجمع مع بعضينا كده و ندي بعض معلقة شهد حتي لو بالحروف يمكن دنيتنا بره مش كده و يمكن كل حد فينا بيخش المحاورات و عنده هدف...او معندوش بس كنا قادرين نشوف بعض و قادرين نتلم حوالين حاجة توصفنا بجد ملاحظة ان معانا اعضاء كتير دخلوا المحاورات و معاصروش الجو ده و رجليهم غرست في توبيكات...جادلني و جادلك...(دي اغنية سي سي سي ...مي مي...مي بس حرفتها) و ملاحظة كمان ان اكيد احنا نفسنا اتغيرنا تحبوا نرجع نشوف حاجات حلوة في بعض تاني تحبوا اكيد هتحبوا مستنياكم و هاجي كمان شوية مساكم.....لمة حوالين الدفاية في الشتا...بس في بيت العيلة اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 (معدل) انا جييييييييييييت...(وش حد واخد الطرقة زحلقة) Dreamwithme......حلم من قلب اخضر عاشق للكون بحاله طنط هند علي.....البحر...هدوءه...شقاوته...غموضه...جماله...موجة عالية تاخدك لغاية السما Om Zayd......عين موضوعية....الصمت من وراء عين قارئة تحليلية نور العين.....مش لون اخضر....دي...احساس النبتة الخضرا اللي بتتغرس في ارض و بتعافر فيها...و صدقيني راح تنبت..باحلي مما تتخيلي مغتربة.....حضور استثنائي...لا يمزقه الغياب باشمهندس عصام ابو الفتح.....هما ليه كل المهندسين شبه بعض عقلانين اوي.....(اخويا الخالق الناطق...يااما هو حضرتك اخويا فعلا بس توهنا من بعض في المولد) أ. محمد عبد العزيز....حرارة.....يعني الروح اللي لسه فيها نار طالعة بريحة الفرن أ. أيمن.......الحياة....بشكل تاني لازم ينكش دماغك تفكر أ. محمود البصيلي...رجل نادر....في زمن الضباب أ. زوهيري.....مايسترو...في الفن....في الاستفزاز...احيانا يعني....و في دبلوماسية الحوار باشمهندس تميور المراغي.....نفديكم...(ثورة ثورة....زنجا....زنجا:) دكتور تو....mohamed eltohamy.....قريني في الافكار اللوذعية....هو علي رجالي و انا علي رجالي برضه :P أ. طائر الليل اللي مش حزين ان شاء الله.....كوكتيل فخفخينا...روقان...مزاج...رومانسية....سياسة و دايرة فنان في رسمها حول نفسه جدا أ. ابراهيم عبد العزيز.....بستني مداخلتم عشان بتفكرني بالدومينو لما بتقفل...(وش حد قاعد ع القهوة...كده و كده يعني) أ. عادل ابو عمر......احنا اتقابلنا فين قبل كده.....احساس القرب اللي بتديهولك كلماته بتحسسك انه يعرف كل حد فينا من زمان و زمان اوي كمان. أ. الباز افندي......من انت؟؟؟ Rock.....احساس راقي....و قدرة علي اختزاله في مجرد كلمة همسات مصرية.....حضور محبب....بس هامس اوي....علي صوتك بالغنا....(وش منير و هو ماسك الدف) روشة......فاكهة.....البانر الساري.......ماي بارتنتر..فور ايفر بطعم....ما تيجو نشوف الدكتور ياسر....قد نختلف....لكنه يظل راقيا...بحيث لا تختلف عليه و نقول الو و كملوا انتو بقي تم تعديل 26 ديسمبر 2011 بواسطة لماضة مصرية جدا اقتباس رابط هذا التعليق شارك المزيد من خيارات المشاركة
التونسى بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 السلام عليكم و رحمة الله و بركاته فاكرين التوبيك دوت يا رجالة زمان مش زمان اوي يعني كنا بنحب نتجمع مع بعضينا كده و ندي بعض معلقة شهد حتي لو بالحروف يمكن دنيتنا بره مش كده و يمكن كل حد فينا بيخش المحاورات و عنده هدف...او معندوش بس كنا قادرين نشوف بعض و قادرين نتلم حوالين حاجة توصفنا بجد ملاحظة ان معانا اعضاء كتير دخلوا المحاورات و معاصروش الجو ده و رجليهم غرست في توبيكات...جادلني و جادلك...(دي اغنية سي سي سي ...مي مي...مي بس حرفتها) و ملاحظة كمان ان اكيد احنا نفسنا اتغيرنا تحبوا نرجع نشوف حاجات حلوة في بعض تاني تحبوا اكيد هتحبوا مستنياكم و هاجي كمان شوية مساكم.....لمة حوالين الدفاية في الشتا...بس في بيت العيلة .. انا قبل ما اقرا مداخلتك .. كنت حقول تقريبا نفس كلامك يا لماضه ... تعليقا على المدخلات التى تفوح بعطر الود والدفء والحميميه .. ما كل هذا الحب الذى ذبلت وروده الان ؟ .. وليه بعد الثورة تفرقنا الى احزاب وفرق ... وبقينا فى ذلك الصراح الحاد والمقيت .. ولا أبرئ نفسى .. فقد انزلقت انا الاخر الى حيث المطحنة والمعجنة والمعمعه .منها لله السياسه اللى من يوم ما سيطرت على المحاورات .. وهى يا اما بتطفش الناس .. يا اما بتزرع بينهم العداوة والبغضاء .. لكن لسه فيه امل ترجع بينا الروح دى تانى .. كل واحد يبدأ بنفسه .. لو عنده الاراده فعلا .. انا عن نفسى من امبارح بالليل قررت مجادلش اى حد مهما كنت شايف نفسى على حق .. وهو على باطل .. سأحاول أن اقول خيرا .. او اصمت .. ما رأيكم فى الدعوة الى هدنه .. او على الاقل يوم فى المحاورات بدون مواضيع سياسيه تماما .. او التحدث فيها من قريب او بعيد .. ما رايكم فى يوم خالى من الجدال والنقاش والنقار والشجار ؟ من معى فى دعوتى تلك .. ولو ليوم واحد؟ اقتباس اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
لماضة مصرية جدا بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 ما رأيكم فى الدعوة الى هدنه .. او على الاقل يوم فى المحاورات بدون مواضيع سياسيه تماما .. او التحدث فيها من قريب او بعيد .. ما رايكم فى يوم خالى من الجدال والنقاش والنقار والشجار ؟ من معى فى دعوتى تلك .. ولو ليوم واحد؟ طب و مصر نسيبها لمين.....(وش محمود ياسين و هوشايل الرصاصة في جيبه قبل ما يتخرم ) الحقيقة يا استاذي صعب ان الناس متتكلمشي في السياسة في الوقت الحالي بس اللي انا شايفاه مش صعب يعني ان احنا نتكلم في حاجات تانية مع السياسة و خصوصا لما الحوار بيبقي من نوعية بسميها...تعالوا نلبس في الحيط حياتنا شئنا ام ابينا...بتستمر...و بايدينا نخليها تمشي و تخطي فوق كل عتبة انا نفسي يرجع توازن في التوبيكات.....و خصوصا الشخصية منها....لانها كانت بتلمس الوتر الانساني جوه كل حد فينا و ده اللي محتاج ثورة بجد كل الاحترام استاذي و كل الود اقتباس رابط هذا التعليق شارك المزيد من خيارات المشاركة
اثار بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 همسات مصرية.....حضور محبب....بس هامس اوي....علي صوتك بالغنا....(وش منير و هو ماسك الدف) مش عارفه اقولك ايه يا ريهام كفايه عليا بجد انك افتكرتيني بس انا ليه فترة قليلة في المحاورات شهرين بس وبعتبر نفسي لسه بستكشف المكان ما رأيكم فى الدعوة الى هدنه .. او على الاقل يوم فى المحاورات بدون مواضيع سياسيه تماما .. او التحدث فيها من قريب او بعيد .. ما رايكم فى يوم خالى من الجدال والنقاش والنقار والشجار ؟ من معى فى دعوتى تلك .. ولو ليوم واحد؟ واذا كان ده صعب دلوقت يا ريت يكون في موضوع مؤتمر صلح بعد ما كل عضو ( يسلخ) أقصد يناقش زميله في المحاورات يروح مؤتمر الصلح ويكتب كلمه حلوه في حقه ويفترض دايما حسن النية مع اختلاف وجهات النظر اقتباس رابط هذا التعليق شارك المزيد من خيارات المشاركة
Howayda Ismail بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 السلام عليكم و رحمة الله و بركاته فاكرين التوبيك دوت يا رجالة زمان مش زمان اوي يعني كنا بنحب نتجمع مع بعضينا كده و ندي بعض معلقة شهد حتي لو بالحروف يمكن دنيتنا بره مش كده و يمكن كل حد فينا بيخش المحاورات و عنده هدف...او معندوش بس كنا قادرين نشوف بعض و قادرين نتلم حوالين حاجة توصفنا بجد ملاحظة ان معانا اعضاء كتير دخلوا المحاورات و معاصروش الجو ده و رجليهم غرست في توبيكات...جادلني و جادلك...(دي اغنية سي سي سي ...مي مي...مي بس حرفتها) و ملاحظة كمان ان اكيد احنا نفسنا اتغيرنا تحبوا نرجع نشوف حاجات حلوة في بعض تاني تحبوا اكيد هتحبوا مستنياكم و هاجي كمان شوية مساكم.....لمة حوالين الدفاية في الشتا...بس في بيت العيلة يااااااااااااااااااه ياريهام جيعتى على الوجيعة ودستى جامد فزاد الالم مش عارفة المحاورات هى اللى اتغيرت ولا الناس اللى فيها ولايمكن انا اللى اتغيرت كل اللى انا حساه انى مفتقدة المحاورات بالناس اللى اعرفهم فيها رغم انهم موجودين وده يمكن لانى مفتقدة نفسى اوى اوى عشان كده مشاركاتى قلت مش جوايا حماس زمان انى اشارك لكن احيانا بتابع من بعيد لبعيد ورغم كده موضوعك اثار حفيظتى ان ارد واخرج عن حالة الجمود والبيات الشتوى اللى انحبست فيه ايه اللى حصل عشان نتغير بالشكل ده ومبقناش زى زمان لمة حلوة وبيت عيلة تحسى فيه الدفا عن بردالايام اللى بتمر بينا ....يمكن كتر الجدال والصراعات اللى دارت فى الفترة الاخيرة بين الاعضاء جعلتنا نهرب من جو عمرنا ماألفناه هنا فى المحاورات ويمكن هروب من نفسنا طبعا بتمنى من كل قلبى نرجع نتلم تانى بنفسس روحنا القديمة وانطبعاتنا برضه القديمة عن بعضنا يمكن تكون امنية ممكن تكوت احلام مش عارفة دايما منورة بشقاوتك ونكشاتك اللى بتحفز وتجبر اى شخص يكسر حد صمته عشان يشكرك مساكى حب ودفا فى جو بارد شديد على الصعيدين الطقسى والنفسى اقتباس خواطر swan رابط هذا التعليق شارك المزيد من خيارات المشاركة
عبير يونس بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 مش حاخبي عليكم اني دموعي نزلت وانا بأقرأ المداخلات دي وأكيد حزينة جدا على اللي مش موجودين دلوقت بس أحب أضيف احساسي هنا بناس مكنتش عرفتهم في مداخلتي الاولانية هنا و طبعا آرائي القديمة لم تتغير اؤمن دوما ان الانطباعات الاولى تدوم حابتدي بالهوانم برضه حبيبة قلبي دريم... روح طيبة تنشر الأمل و السعادة أينما تحل ربنا يسعدك يارب من كل قلبي نور العين واضحة هادئة و آراءها قوية لا تخشى من ابداءها هند علي اسكندرانية اوي ... باشوفها افتكر البحر و باحس انها متقلبة زيه مرات بتشارك بحماس و مرات تنعزل وتختفي رفيقتي في مواضيع أغاني و ذكريات و من روائع الشعر و الشعراء بأحس دايما ان ذوقنا واحد أم سلمى... همسات مصرية... الزهراء بأحس انهم يشبهوا بعض كتير و همة الثلاثة فيهم طيبة و هدوء و أدب عالى جدا مؤمنة... فاكراها قبل ما تيجي السعودية و هي بتسألنا تعمل ايه وتشتري حاجتها منين ههههههههههه و مبسوطة بمشاركاتها الجريئة ونفسي تخرج شوية برة السياسة زهرة الجبل... شاعرة مرهفة الحس و آراءها السياسية سديدة باحس انها حقانية اوي و ما تقبلش بالحال المايل الأساتذة طائر الليل الحزين ... شخصية متميزة و تحس انه عالم قائم بذاته ... فخامة الكلمات ينتقيها بعناية و يعرف تماما كيف يوظفها و أين يضعها ... بحب أعاكسه دايما هههههههههههههه ....بيدخل في مواضيع السياسة بحرفنة تبعده عن الجدال و الاشتباك مع أحد رغم اني مكنتش بحب اسمه عشان الحزن... بس ما اتصورش ان في اسم تاني يليق عليه ...ربنا يجعل لك حظ عكس اسمك ويبارك لك في ابنك يارب محمود البصيلي لما أشوف اسمه أعرف إني حأقرأ حاجة دسمة ... شعر زجل أو أي نقاش... منبع أفكار مفيش مناقشة اتناقش فيها معاه الا و اطلع بأفكار جديدة... ربنا هداه و ابتدى يسحب نفسه بعيد عن السياسة هههههههههههه... دايما متخيلاه مبتسم ولابس كوفية :blink: تيمور المراغي شخصية متميزة جدا رغم اننا اختلفنا و قطعنا بعض قبل كده هههههههههههه... بس مقدرتش حتى و انا مختلفة معاه انكر اعجابي بمثابرته و ثباته على توصيل رأيه مهما لاقى من هجوم وصد... عمدة 2006 شاب متحمس لأعلى درجة لآرائه ورغم انه بيرد بحدة كتير الا انه لا يتكبر على الاعتذار لو حس انه غلط باحسه أخويا الصغير بجد ... آه بس لو يبطل الاندفاع... مش حارتاح الا لما ادبسه في بنت الحلال ان شاء الله ... اوعى يا عماد تسمع كلام طائر الليل مشكلته ان خطبيته مفيش دبل جات على مقاسها :P عشان كده انت تعمل زي أمير سندريلا تشتري الدبلة و تقيسها على كل بنات الحي و اللي تيجي على مقاسها تبقى هي دي bv:- د.ياسر انسان بأحترمه جدا رغم اختلاف تياراتنا إلا أن أخلاقه العالية تجبرك على احترامه تامر حسن محمد لا يتخير عن د. ياسر من نفس التهذيب والأخلاق باحس انهم اخوات :) Rock شخصية هادئة و يعبر عن احساسه بطريقة مميزة زعلانة انه مقل في مشاركاته و خصوصا في الفرنش ميوزك bsh:) عادل أبو عمر شخصية معتدلة و أعجبني جدا أنه لا يخجل من اظهار مشاعرالأبوة و افتقاده لأبنائه اللهم اجمعه بهم آمين و سلامنا لخالد بتاع التكييف ;) عبد الله غريب أول نقاش معه كان في موضوع " قوة الاعتقاد" و الحقيقة كنت حادة معه و كان يرد بمنتهى التهذيب و لازال على نفس القدرمن التهذيب مع الجميع ... عاشق ساندرا :) حسام أخويا الصغير اللي بيسعدني جدا أشوف اسمه على أي موضوع ... ربنا يتمم له على خير يارب و يملا لنا المحاورات عيال ههههههههههه أيمن .... كلامه قليل بس لما يتكلم بيجيب المفيد أحمد رضوان (رادوس سابقا) مكانك في المنتدى الأدبي سيدي الفاضل ابتعد عن المواضيع السياسية أشعر أنها تمزقك من الداخل الباز افندي تركيبة فريدة من انه بيقول اللي نفسه فيه و في نفس الوقت بيحترم قواعد المشاركة رغم انه ضايق ناس كتير بكلامه ويمكن كلامه جامد حبتين تلاتة الا انه من نوعية اقولها في وشك و لا أغشك احلى حاجة انه مبيهموش الهجوم بالمرة هههههههههههههه اسلام المصري اسكندراني جدع و ابن بلد ومحترم بيفهم في الذوق متمسك بآرائه و يدافع عن معتقداته أعيب عليه انه بيسهل استفزازه و ممكن ينزلق للجدال لكنه اجمالا طيب و لايتكبر على الاعتذار الساري طبعا معزته زادت أكتر بكتير من زمان لاندماجه الرهيب معانا و فعلا من الناس المحترمين جدا هنا... يجمع بين أخلاق وثقافة و مرح بأفتقدك يا سارينا ماتطولش الغيبة و ربنا يتم لك على خير يارب وتملا المحاورات عيال يتخانقوا مع ولاد حسام هههههههههههه كفاية ولوافتكرت حآجي تاني خدي بايدي يا ريهام يا بنتي عشان مش قادرة اطلع السلم (كح كح كح) :old: اقتباس أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
se_ Elsyed بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 أي حد هايجيب سيرتي او إسمي هاعوره .. وهابقى ضامن إنهم هايفرجوا عني من السجن الحربي انا باعترف إن سين سين تحول إلى إنسان انوي يعيش في غابات السافانا الممطرة ويتغذا على الحشرات الضارة وبقيت سيكوباتي متحول وأميل إلى الدموية لكن غصب عني والله .. الواحد بيصبح على سياسة وينام على سياسة .. فلازم أتحول .. وحاولت أبقى جبله وجتتي منحسه .. ما عرفتش والله بس أوعدكم على منتصف السنة الجاية لما الشفيق أحمد فريق يبقى رئيس للجمهورية الأولى بعد الثورة .. هابقى كويس وهاتحجب وأقعد في البيت ومش هاتكلم في السياسة تاني وهاكتب بقى في أي حاجه هلس والسلام اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
عبير يونس بتاريخ: 26 ديسمبر 2011 تقديم بلاغ مشاركة بتاريخ: 26 ديسمبر 2011 أي حد هايجيب سيرتي او إسمي هاعوره .. وهابقى ضامن إنهم هايفرجوا عني من السجن الحربي انا باعترف إن سين سين تحول إلى إنسان انوي يعيش في غابات السافانا الممطرة ويتغذا على الحشرات الضارة وبقيت سيكوباتي متحول وأميل إلى الدموية لكن غصب عني والله .. الواحد بيصبح على سياسة وينام على سياسة .. فلازم أتحول .. وحاولت أبقى جبله وجتتي منحسه .. ما عرفتش والله بس أوعدكم على منتصف السنة الجاية لما الشفيق أحمد فريق يبقى رئيس للجمهورية الأولى بعد الثورة .. هابقى كويس وهاتحجب وأقعد في البيت ومش هاتكلم في السياسة تاني وهاكتب بقى في أي حاجه هلس والسلام سين سين... المعلم الكبير... بلدياتي... و دفعتي في الكلية... دماغ عالية... أخلاق عالية مع و لاد الناس... و العين الحمرا مع ال.... أحيانا بيرد بحدة ... بس قلبه أبيض بيعالج حاجات كتير بانه يخللي الواحد يفطس من الضحك و بس خلاص أحمد ده كان رأيي فيك بتاريخ 20 March 2010 - 06:49 PM و بجد ما اتغيرش نهائي و بعد عشرة في الاشراف انت كده فعلا فقط أشفق عليك من أخد الأمور على أعصابك وقلت لك كذا مرة مصر مش حتتصلح لما انت بعد الشر يجرالك حاجة خد دي و روق يا معلم اقتباس أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
باهى الطائر الحزين بتاريخ: 27 ديسمبر 2011 تقديم بلاغ مشاركة بتاريخ: 27 ديسمبر 2011 طائر الليل الحزين ولا حاجه من اللى قالته : لماضه او عبير لكن بيحبكم كلكم عارفين ليه ؟؟ علشان مابيعرفش يكره ... غير نفسه !! ومع احترامى للكل مش هذكر غير ... عين جميله شافتنى وايد رقيقه اتمدت وساعدتنى وقت دخلت المتاهه ؛ كل الوفاء واكثر ... « أغابى » اقتباس وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
الســـاري بتاريخ: 27 ديسمبر 2011 تقديم بلاغ مشاركة بتاريخ: 27 ديسمبر 2011 الساري... بيعرف يرد بذكاء ... بس كلامه أحيانا بيبقى حاد بس لا يخرج عن إطار التهذيب بقى هو دا رأيك فيا يامدام عبير في سنة 2010 ..؟؟ انا شخصية حادة .. ؟ انا ؟ حد يناولني الخزرانة المتعلقة هناك .. واقفل الباب يا طلبة ولا بلاش الخزرانة .. انا عايز قعدة عرب .. وعايز عمنا الحاج سي السيد يحكم لنا بالليلة دي بس عشان خاطر اليوم يوم ميلادي .. وعشان خاطر الكبسات اللي راضيتيني فيها .. هاسامح غصب عني طبعا مدام عبير اول شخصية تشرفت اني اخاطبها بالمنتدى هنا .. وعشان كدا كانت هي الوحيدة اللي تعرفني من ايام كان المنتدى ابيض واسود .. لما كنت محاوراتي صغنن مدام عبير .. الروح الطموحة لابعد الحدود وفوق الخيال .. عاشقة التغيير للافضل دائما .. الكلمة الموزونة .. والاحساس العالي سي السيد .. كبير المنتدى .. مش عارف امتى نزع صورة الطفل البريء اللي فضل لابسها عشر سنين وغيرها وبقى شبه ابو الهول تيمور لنك المنغولي .. اقصد تيمور المراغي .. كبير المهندسين .. الراجل اللي قاعد تحت التكييف في جدة وعمال ينفخ بالبلد .. :P .. واحشني جدا يا ابو يوسف .. الا قصته ايه المكيف دا اللي انت تحته على طول حتى في عز الشتا ؟؟ كل ما يهاجمك حد بيقول انت قاعد تحت التكييف بجدة ومش حاسس بالبلد .. ما تقوم من تحت المكيف ياااخي لماضة مصرية جدا .. ماي بارتنر .. افتكرها من ايام كانت حاطة صورة عبد الفتاح القصري ... الشقاوة و خفة الدم المصرية .. صاحبة النظرية اللولبية في صنع المهلبية .. اللي تضحكك دايما حتى تكاد تستلقي على قفاك .. صباحك رغيف مغموس بالزيت الحار مدام هند علي .. البحر و شتاء الاسكندرية .. وحشتينا جدا تامر مصطفى .. الراجل دا ياما بهدلته واستقويت عليه بدنيتي .. ربنا يسامحنا بقى ... بس صدقني يا تامر انا كنت اعمل كدا عشان مصلحتك .. والا كنت زمانك دلوقتي بقيت شبه زبايدر بالضبط smk: سمبا ... يعني الشاي بنكهة النعناع مع سجائر كيلو باترا بقهوة المباركية ... يعني الراجل اللي يكتب قصايد لما تقراهاتبقى عندك مشاعر اي واحد لسه قاري كتالوج غسالة توشيبا ياباني فول اتوماتيك دريم وزززز مي ... البنت اللي تحسسك بالفرح والاحلام والروح العالية اوي .. القطة المغمضة .. حسام عبد الفتاح .. ابن المنصورة الصميم .. عاشق الفسيخ .. اللي خلاني اتهور واتجوز نكاية فيه .. انت فين يا عريس .. ما بتجيش ليه ؟؟ مش تبقى تيجي .. ؟؟ مغتربة .. لغة الارقام والحياد والانصاف بازهى صوره .. لما يستشكل عليك موضوع شوف رد مغتربة بتقول ايه .. واعمل اللي هيه بتقوله .. كلامها دائما في الصميم .. ومقنع درجة اولى .. تخليك تقول .. عليا النعمة الست دي بتتكلم كلام زي الفل شيكووو .. موسيقى قوس قزح .. والوان السيمفونية التاسعة لبيتهوفن ... احساس جميل و اداء راقي مدام قلب ابيض ... ام الجميع ... اللي تقف معي دائما وتشجعني .. وتخليك تفتكر دايماانها قريبة منك ومن الجميع طائر الليل الحزين .. الراجل دا كتلة من المفردات والكلمات المعبرة الرومانسية ... بيخليك تحس انه نافورة من القصايد الجميلة لدرجة انك ما تقدرش تتخيل هو بيتكلم ازاي على الطبيعة .. يعني لما يعوز يشتري ساندوتش طعمية مثلا تلاقيه يقول للبياع : هب لي شاطرا ومشطورا وبينها لباب الفول وزينه بخلاصة المخلل .. فرب مخلل فاق في طعمه عسل النحل .. ودونك والشطة والا مزقتك كما تمزق الذئاب الشاة القاصية .. وبسرعة وحياة والدك !! اغابي ... الحاضرة الغائبة دائما .. كريمة النفس .. تحياتنا لك يا ام محمود فين ما كنتي عادل ابو عمر ... صديقي القديم والانتيم ... لك وحشة كبيرة يا وحش .. ان شاء الله تكون بكل خيروعافية يا رب دامو .. البنوتة الكنداوية .. اللي اكتشفت ان الانسان اصله وابور غاز .. عاملة ايه بالبرد يا دامو ..؟؟ طبعا الافاضل والفاضلات اللي ما قلتش اسمهم موجودين وحاضرين دياما وابدا بقلوبنا وتحياتي لكم اقتباس ،، مع اجمــل تحيـــاتي الســــاري رابط هذا التعليق شارك المزيد من خيارات المشاركة
م تيمور المراغي بتاريخ: 27 ديسمبر 2011 تقديم بلاغ مشاركة بتاريخ: 27 ديسمبر 2011 تيمور لنك المنغولي .. اقصد تيمور المراغي .. كبير المهندسين .. الراجل اللي قاعد تحت التكييف في جدة وعمال ينفخ بالبلد .. :P .. واحشني جدا يا ابو يوسف .. الا قصته ايه المكيف دا اللي انت تحته على طول حتى في عز الشتا ؟؟ كل ما يهاجمك حد بيقول انت قاعد تحت التكييف بجدة ومش حاسس بالبلد .. ما تقوم من تحت المكيف ياااخي وتحياتي لكم هههههه :happy: وحياتك من 3 اكتوبر اللي فات داخل على 3 شهور وانا هنا في القاهره ,, اصل التكيف باظ بعيد عنك قولت ارجع جده اعمل ايه !! وحسام وعنبي زمانهم جابوا ترابيزة بينج بونج في الشقه بتاعتي ونازلين لعب ! اقتباس المجد لولادك المخلصين ... رابط هذا التعليق شارك المزيد من خيارات المشاركة
Om Zayd بتاريخ: 27 ديسمبر 2011 تقديم بلاغ مشاركة بتاريخ: 27 ديسمبر 2011 بس أوعدكم على منتصف السنة الجاية لما الشفيق أحمد فريق يبقى رئيس للجمهورية الأولى بعد الثورة .. هابقى كويس وهاتحجب وأقعد في البيت ومش هاتكلم في السياسة تاني وهاكتب بقى في أي حاجه هلس والسلام يعني لما زيد يتخض دلوقت و هوا بيسمعني بصوّت من "البشارة" دي .. أسكته ازاي ؟؟؟؟ :protest: :protest: :protest: :protest: اقتباس رابط هذا التعليق شارك المزيد من خيارات المشاركة
احمد رضوان بتاريخ: 27 ديسمبر 2011 تقديم بلاغ مشاركة بتاريخ: 27 ديسمبر 2011 أحمد رضوان (رادوس سابقا) مكانك في المنتدى الأدبي سيدي الفاضل ابتعد عن المواضيع السياسية أشعر أنها تمزقك من الداخل أ/ عبير أشكر لك تذكري في هذا الموضوع الدافئ رداً على كلماتك العذبة وما الحيلة في القلب الذي تنسم الأمل في الحرية والكرامة والعدل ، والدنيا ترمينا من كل جانب حتى اصبح طعم الكلمات لاذعاً وأضحت متعة الأمل ... ألماً اقتباس لك الله يا مصر مدونتى : حكايات عابر سبيل radws.blogspot.com رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.