تفتكروا مين هيبقى شيخ الازهر الجديد ؟

[abaomar]

منصب شيخ الأزهر سيكون متاحاً لمن عنده القدرة على تقديم التنازلات أكثر وأكثر للحزب الحاكم

اللي ناس كثير ما تعرفوش إن طنطاوي كان منهجه سليم, وكانت فتاويه منضبطة قبل أن يعرف المناصب..

لكن بعد أن تولى الإفتاء ثم مشيخة الأزهر... رأينا منه الطامّات..

بداية من تحليل فوائد البنوك الربوية المجمع على تحريمها في جميع المؤتمرات الإسلامية الدولية المعاصرة... نهاية بمصافحته للسفاح اليهودي بيريز ، فضلا عن

إصداره فتوى لفرنسا أن من حقهم سن قانون بحظر الحجاب!! وقُبيْل موته أصدر فتوى بمنع المنقبات من دخول الجامعـات... أما اللاتي يلبسن الهشّك بشّك فلم يصدر في حقّهنّ شيئاً...

نسأل الله أن ينجّي الأزهر الشريف وأن يحفظه من كيد الكائدين..

السلام عليكم

يا اخى حمد الله على السلامه فينك ..طمنا عليك .

.

حبيبى و اخويا زهيرى

و لذلك انتقد منهم من انتقد طالما ارى في رأيه ما يستحق الإنتقاد مع مراعاة الإحترام بشكل عام

لكن الأخوه السلفيين عندهم لحوم العلماء مسمومه

و اول ما عالم ما يقول رأي مخالف عن رأي علماءهم ....فورا تتحول لحومه الى كنتاكي فرايد تشيكن

و يقوموا فورا قايلينلك ده خالف الإجماع و اراءه شاذه و يجيبوله من المنقي يا بلح

و ياريت بيراعوا الاحترام

و واحد منهم لا أرغب في كتابة اسمه شتم في القرضاوي و شتم في عمرو خالد و شتم في علي جمعه

.

العبره يا زهيرى يا اخويا بالمنهج ..القرأن و السنه ..و ليست بالعالم القائل

يعنى انا شخصيا لم اسمع من العلماء( العلماء يا زهيرى ) قديما او حديثا من يقول من دماغه دون مرجعيه

و يا ريت انت يا زهرورتى تركز فى هذه الجزئيه عندما تسمع القائل يستند اما الى

ايه قرأنيه و ..او ..حديث صحيح او قول صحابى .... حسب مصادر التشريع المعتبره

فليس عليك (إذا كنت معترضا ) الا ان تبحث عن دليل مثله موثق كم اسلفت بطريقه علميه لو تعلم أو بسؤال اهل الاختصاص ..

اما ان يكون الاعتراض ..عقلى مش قابلها ..كينونتى مش مستوعباها ..زورى مش بالعها (علشان الكنتاكى اللى جبته كان بايت )...

و ما فيش حاجه اسمها علمائهم و علمائنا .. هناك منهج يحكم الكل ..القرأن و السنه يا زهيرى . :D

.توقيع ..اخوك ابو عمر من ايام مطعم الحمد بتاع الفول اللى فى الجيزه جنب كليه الزراعه :P

[محمد افندى]

متابع معاكم

اعتقد والله اعلم بنسبة كبيرة د/ على جمعه هو الاجدر بين الموجودين

طبعا انا بحب كثير جدا من شيوخ السلفية فهم والله دعاه الى الخير

ما شاء الله نسبة الناس اللى بتصلى فى مصر ارتفعت خلال العشر سنوات الاخيرة

الكثير من البدع فى مصر الناس انتبهت لها وفى كثير عرف ان دى بدعه وبدأ يفهم والفضل فى ذلك بعد الله لعلماء السلفية فبصراحة هم بارعين جدا فى مجال الدعوة

ولكن بأكد بخصوص العلم والافتاء والفقة معلش بقى دى بتاعت الازهر الشريف وفى علماء اجلاء كثير جدا موجودين فى الازهر

تحياتى / محمد افندى po::

[MZohairy]

منصب شيخ الأزهر سيكون متاحاً لمن عنده القدرة على تقديم التنازلات أكثر وأكثر للحزب الحاكم

اللي ناس كثير ما تعرفوش إن طنطاوي كان منهجه سليم, وكانت فتاويه منضبطة قبل أن يعرف المناصب..

لكن بعد أن تولى الإفتاء ثم مشيخة الأزهر... رأينا منه الطامّات..

بداية من تحليل فوائد البنوك الربوية المجمع على تحريمها في جميع المؤتمرات الإسلامية الدولية المعاصرة... نهاية بمصافحته للسفاح اليهودي بيريز ، فضلا عن

إصداره فتوى لفرنسا أن من حقهم سن قانون بحظر الحجاب!! وقُبيْل موته أصدر فتوى بمنع المنقبات من دخول الجامعـات... أما اللاتي يلبسن الهشّك بشّك فلم يصدر في حقّهنّ شيئاً...

نسأل الله أن ينجّي الأزهر الشريف وأن يحفظه من كيد الكائدين..

السلام عليكم

يا اخى حمد الله على السلامه فينك ..طمنا عليك .

.

حبيبى و اخويا زهيرى

و لذلك انتقد منهم من انتقد طالما ارى في رأيه ما يستحق الإنتقاد مع مراعاة الإحترام بشكل عام

لكن الأخوه السلفيين عندهم لحوم العلماء مسمومه

و اول ما عالم ما يقول رأي مخالف عن رأي علماءهم ....فورا تتحول لحومه الى كنتاكي فرايد تشيكن

و يقوموا فورا قايلينلك ده خالف الإجماع و اراءه شاذه و يجيبوله من المنقي يا بلح

و ياريت بيراعوا الاحترام

و واحد منهم لا أرغب في كتابة اسمه شتم في القرضاوي و شتم في عمرو خالد و شتم في علي جمعه

.

العبره يا زهيرى يا اخويا بالمنهج ..القرأن و السنه ..و ليست بالعالم القائل

يعنى انا شخصيا لم اسمع من العلماء( العلماء يا زهيرى ) قديما او حديثا من يقول من دماغه دون مرجعيه

و يا ريت انت يا زهرورتى تركز فى هذه الجزئيه عندما تسمع القائل يستند اما الى

ايه قرأنيه و ..او ..حديث صحيح او قول صحابى .... حسب مصادر التشريع المعتبره

فليس عليك (إذا كنت معترضا ) الا ان تبحث عن دليل مثله موثق كم اسلفت بطريقه علميه لو تعلم أو بسؤال اهل الاختصاص ..

اما ان يكون الاعتراض ..عقلى مش قابلها ..كينونتى مش مستوعباها ..زورى مش بالعها (علشان الكنتاكى اللى جبته كان بايت wst:: )...

و ما فيش حاجه اسمها علمائهم و علمائنا .. هناك منهج يحكم الكل ..القرأن و السنه يا زهيرى . wst::

.توقيع ..اخوك ابو عمر من ايام مطعم الحمد بتاع الفول اللى فى الجيزه جنب كليه الزراعه wst::

لا يا عم

انا من انصار مطعم صبري اللي قدام تجارة القاهره (مات على فكره الله يرحمه) :sad:

بص يا عمي

موضوع المنهج ده مش رد للأسف

لأن لو فيه منهج ثابت واضح صريح يغطي الصغيره و الكبيره مكانش حصل اختلاف بين العلماء

و طالما ارتضينا بهم علماء فلنحترم اراءهم حتى لو خالفت قناعتنا

ماهو مش انت او علماءك بس اللي عندك منهج يابو عمر يا خويا

كل العلماء اللي خالفوا علماءك ايضا لديهم منهج

و لذلك اكره ما أكره السلفي اللي يشتم او يسخر من عالم

رغم ان الأكاده هو اللي بيقولنا ان لحومهم مسمومه!!!!! شوفت الأكاده دي؟؟؟؟ po::

لذلك كثيرا ما تقولون ما لا تفعلون

و تفعلون عكس ما تقولون

للأسف

صباحك قرنفل منقوع في عصير ورد و بنفسج متعاص ريحان و ياسمين wst::

[abaomar]

بص يا عمي

موضوع المنهج ده مش رد للأسف

لأن لو فيه منهج ثابت واضح صريح يغطي الصغيره و الكبيره مكانش حصل اختلاف بين العلماء

و طالما ارتضينا بهم علماء فلنحترم اراءهم حتى لو خالفت قناعتنا

.

السلام عليكم

يا دى المصيبه يا زهيرى ....لا يوجد منهج ثابت واضح و صريح ..!؟؟؟؟؟!!!!! po::

...

...كبرت كلمه خرجت من فيك يا زهيرى .

.

الم تقرأ يا زهيرى

( الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلامَ دِينًا ) 3 المائده

( (وَنَزَّلْنَا عَلَيْكَ الْكِتَابَ تِبْيَانًا لِكُلِّ شَيْءٍ) النحل 89 و الكثير فى السنه ايضا

.

هل تعلم يا زهيرى ان محمدا صلى الله عليه و سلم علمنا كل شئ حتى كيفيه الاستنجاء

فما بالك ما اكبر من ذلك .....حتى تصل الى ذروه سنام الاسلام الا و هو الجهاد ..

.

الاكيد و الحمد لله ان المنهج واضح و محدد و صريح و كون ..

حصل اختلاف بين العلماء

مع الاختلاف الشديد حول كلمه اختلاف التى تدعيها

فذلك راجع بطبيعه الحال الى تفاوت هؤلاء العلماء فى افهامهم هم كل حسب عقله

و بيئته و زمانه و لكن الاكيد ان التشريع ثابت وواضح و تلك لعمرى يا زهيرى هى اكبر مزيه جاء بها

الاسلام لاتباعه ..

فبعد ان كانت الاديان قبله مجموعه خطوط عريضه من التشريعات

جاء الاسلام بتفاصيل التفاصيل وُوجِدَ لاول مره فى التاريخ البشرى مثلا علم الفقه

بكافه فروعه و شروحه لتغطى جميع مناحى حياه المسلم منذ مولده و حتى موته

وجدت احكام الاحوال الشخصيه الدقيقه لتناسب كل الحالات و احكام الجهاد

و المعاملات و ما ادراك ما اوجه المعاملات و تنوعها بين البشر فى كافه حالاتهم ...

.

أخيرا يا زهيرى ارتضاء العالم كما تقول يكون لعلمه و مرجعيته الدينيه المبنيه على الاصول

المعتبره كما بينا و هى ثابته و قديمه بقدم نزول القرأن و بيان السنه على لسان

و فعل المصطفى صلى الله عليه وسلم و من جاء بعده من الخلفاء و إجماع ..(إجماع يا زهيرى ) الامه .

أما ان تضع من مثل عمرو خالد مثلا و هو رجل غير متخصص كما هو معلوم فى مرتبه العلماء

و تفرض علينا اتباع اراءه فهذا قياس غير منضبط ..

.

سؤال جانبى ..من هو هذا السلفى الذى يشتم و يسب القرضاوى و عمرو خالد وعلى جمعه.

.أخيرا

لذلك كثيرا ما تقولون ما لا تفعلون

و تفعلون عكس ما تقولون

إتهام لا طاقه لك به و لا دليل عندك عليه و أسأل الله ان يسامحك عليه

تم تعديل 15 مارس 2010 بواسطة abaomar

[justme]

مواضع الخلاف ليست في أساسيات الدين لأن الأحكام الشرعية جاءت واضحة صريحة

الخلاف فقط في الفرعيات الأقل

وبصراحة من صنع الخلاف هو بحث الكثيرين عن رخصه لفعل شيء ما وتكون رخصة خاصة ولا تصلح للجميع لكن غيره يستغلها في امور أخرى

كالمذنب الذي يبحث عن محام ليستغل ثغرات القانون ويقولك اهوه عادي

والمسلم المفروض ان يتقي الشبهات لذلك فالمنهج واضح اللبس فقط عند من يريد تطويعه لمصلحة ما

يعني تلاقي واحد راح لفقه الشافعية يطلع فتوى معينة ولما يلاقي ان الفقه تعارض مع فكره ومصلحته وقناعته يروح على الحنابلة مثلا

وفيه كمان موضوع المداهنة من العلماء والمدارة واللي بيتفهم غلط

ودلوقتي الاسلام في قفص اتهام الغرب لذلك

ناس كتير بقت بتفرط خوفا من بعبع التشدد

وناس تانية علشان المنصب

ويضيع صوت الحق في المنتصف

وده اللي بيضيع البسطاء

تم تعديل 15 مارس 2010 بواسطة justme

[MZohairy]

بص يا عمي

موضوع المنهج ده مش رد للأسف

لأن لو فيه منهج ثابت واضح صريح يغطي الصغيره و الكبيره مكانش حصل اختلاف بين العلماء

و طالما ارتضينا بهم علماء فلنحترم اراءهم حتى لو خالفت قناعتنا

.

السلام عليكم

يا دى المصيبه يا زهيرى ....لا يوجد منهج ثابت واضح و صريح ..!؟؟؟؟؟!!!!! :angry:

...

...كبرت كلمه خرجت من فيك يا زهيرى .

.

الم تقرأ يا زهيرى

( الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلامَ دِينًا ) 3 المائده

( (وَنَزَّلْنَا عَلَيْكَ الْكِتَابَ تِبْيَانًا لِكُلِّ شَيْءٍ) النحل 89 و الكثير فى السنه ايضا

.

هل تعلم يا زهيرى ان محمدا صلى الله عليه و سلم علمنا كل شئ حتى كيفيه الاستنجاء

فما بالك ما اكبر من ذلك .....حتى تصل الى ذروه سنام الاسلام الا و هو الجهاد ..

.

الاكيد و الحمد لله ان المنهج واضح و محدد و صريح و كون ..

حصل اختلاف بين العلماء

مع الاختلاف الشديد حول كلمه اختلاف التى تدعيها

فذلك راجع بطبيعه الحال الى تفاوت هؤلاء العلماء فى افهامهم هم كل حسب عقله

و بيئته و زمانه و لكن الاكيد ان التشريع ثابت وواضح و تلك لعمرى يا زهيرى هى اكبر مزيه جاء بها

الاسلام لاتباعه ..

فبعد ان كانت الاديان قبله مجموعه خطوط عريضه من التشريعات

جاء الاسلام بتفاصيل التفاصيل وُوجِدَ لاول مره فى التاريخ البشرى مثلا علم الفقه

بكافه فروعه و شروحه لتغطى جميع مناحى حياه المسلم منذ مولده و حتى موته

وجدت احكام الاحوال الشخصيه الدقيقه لتناسب كل الحالات و احكام الجهاد

و المعاملات و ما ادراك ما اوجه المعاملات و تنوعها بين البشر فى كافه حالاتهم ...

.

أخيرا يا زهيرى ارتضاء العالم كما تقول يكون لعلمه و مرجعيته الدينيه المبنيه على الاصول

المعتبره كما بينا و هى ثابته و قديمه بقدم نزول القرأن و بيان السنه على لسان

و فعل المصطفى صلى الله عليه وسلم و من جاء بعده من الخلفاء و إجماع ..(إجماع يا زهيرى ) الامه .

أما ان تضع من مثل عمرو خالد مثلا و هو رجل غير متخصص كما هو معلوم فى مرتبه العلماء

و تفرض علينا اتباع اراءه فهذا قياس غير منضبط ..

.

سؤال جانبى ..من هو هذا السلفى الذى يشتم و يسب القرضاوى و عمرو خالد وعلى جمعه.

.أخيرا

لذلك كثيرا ما تقولون ما لا تفعلون

و تفعلون عكس ما تقولون

إتهام لا طاقه لك به و لا دليل عندك عليه و أسأل الله ان يسامحك عليه

يابو عمر ابوس ايدك اتكلم مع كل واحد على قد مخه

وانت عارف اني مخي على قدي

دلوقتي مفيش عيل صغير مش عارف ان فيه قرآن واحد و أحاديث موثقه و مبوبه

لكن اجتهادات العلماء في التفسير هي المختلفه

و بالتالي واحد يجتهد و يقول ان فوائد البنوك حلال و آخرون يقولوا حرام (كلهم علماء و آراءهم مبنيه على علم و خبره لسنين طويله)

واحد تاني يقول تغطية الوجه للمرأه واجبه و التاني يقول لأ مش واجبه

واحد يقول اطلاق اللحيه واجبه و التاني يقول لأ

واحد يرفض سفر المرأه بدون محرم و التاني يقول لأ

واحد يحرم الموسيقى و الغناء و التاني يقول لا مشاحه لو كان الكلام جيد

و مجموعه تحرم قيادة السياره للمرأه و الباقي ما يحرمش

و مئات الأمثله الأخرى

مما يدل على ان رغم وحدانية المنهج الا ان الاجتهادات التي فسرت المنهج اختلفت في امور كثيره (حتى و لو كانت غير اساسيه) الا ان الاختلاف حدث كثيرا جدا

و بالتالي عدم قبولك لإختلاف الآخر معك متعللا و متحججا بأنك مع رأي الجماعه و الإجماع هو الصواب قد يكون مقبولا لأنه رأيك و انت حر فيه

انما كونك تجبرني انا او غيري بعدم الإقتناع بآراء علماء معتبرين بحجة انهم خالفوا الإجماع فده كلام نص كم

و تزيد الطين بله بقى لو استغليت اختلافهم مع رأي الإجماع بإنك تشتمهم او تسخر منهم او تدعي عليهم فدي بقى المصيبه الكبرى

لأنك رحت ولا جيت مجرد متبع لآراء علماءك يعني لا قدرة لك على التفكير في معرفة اسباب فتاويهم و على ماذا بنوها و لماذا قالوها

قد اقبل ان ينتقد عالم من الإجماع دول عالم آخر خالف رأيهم (بشرط الإحترام في النقد)

أما ان يأتي متبع عادي و ينتقد فده من حقه و لكن يجب ان يعلم انه يعبر عن رأيه فقط و ليس رأي الدين

و اذا وصلها لمستوى الشتيمه و السخريه فدي اسخف و اضل سبيلا

اورفوار مونامي

[abaomar]

السلام عليكم

الاخوه الكرام جزاكم الله خيرا

.

اخى و حبيبى زهيرى

تسلم إيدك على دى

دلوقتي مفيش عيل صغير مش عارف ان فيه قرآن واحد و أحاديث موثقه و مبوبه

لان فيه عيال صغيره كتير بيشككوا فى القرأن او الاحاديث و السنه ..

.

انما كونك تجبرني انا او غيري بعدم الإقتناع بآراء علماء معتبرين بحجة انهم خالفوا الإجماع فده كلام نص كم

اتهام مرسل لا دليل عندك عليه يا زهيرى

الاسلام دين الحريه و الاختيار

إذا كان لا يجبر الكافر على الدخول فيه ها يجبر اتباعه على اتباع هذا او ذاك ..

.

و بالتالي واحد يجتهد و يقول ان فوائد البنوك حلال و آخرون يقولوا حرام (كلهم علماء و آراءهم مبنيه على علم و خبره لسنين طويله)

.

تصدق يا زهيرى ان موضوع البنوك ده تحديدا عليه إجماع غريب فى جميع المجامع الفقهيه على مستوى العالم

بدايه بمصر و ازهرها و جبهه علماء الازهر و حتى الشيخ طنطاوى رحمه الله و الذى هو بالطبع اشهر من نار على علم فى

هذا الموضوع لانه مفجره فى الثمانينات الماضيه ..كان موقفه معاكس قبل ان يتولى منصب المفتى

و لكن سبحان مقلب القلوب ...

لذلك ما ينفعش فى حاله زى كده تقول هناك اجتهاد مختلف عليه و بناء على خبره و علم سنيييييييييين .

إذا كان الرجل قبل المنصب رأيه متماشى مع الاجماع و بعد المنصب تغير ...بقى سنيييين طويله ...عجايب

.

يا زهيرى ..ما ينفعش تعلقها فى رقبه عالم ..و تخرج منها سالم ... لك نصيبك من المسئوليه خصوصا مع وجود إجماع مقابل

.

. اتحداك ان تأتى بمثال واحد لاسماء من العلماء او الدعاه المعروفين فى الساحه الان على سبيل المثال

و نحتسب عند الله انهم من اهل السنه و الجماعه او السلفيه كما تحب ان يُقال مثل محمد حسان او يعقوب

او الحوينى او وجدى غنيم ..يشتم او يسب مخالفيه او يسخر خروجا عن المنهج المنضبط فى التعامل مع المخالفين .

لم نسمع منهم من يدعو على المحجبه او حليق اللحيه او مستمع الغناء .....

لم نسمع منهم من يسبهم او يلعنهم كما تدعى

و لله الحمد منهج هؤلاء معروف و محاضراتهم و دروسهم منتشره بفضل الله على النت و الفضائيات و هم الان ملء السمع

و البصر و حتنى فى السعوديه منبع التطرف و الوهابيه كما يحلو للبعض ان يتشدق الحكم الشرعى يُقال بادلته

و للكل الحق فى الاتباع او المخالفه ما كان الامر لا يتعدى الى الاخرين او خروجا على النظام.

.

لأنك رحت ولا جيت مجرد متبع لآراء علماءك

إصرار غريب على المراوغه و التجاهل

انا لا اتبع اراء العالم ..انا اتبع الدليل الذى جاء به العالم يا زهيرى ...القرأن و السنه .

.

[msayed]

يا جماعة ما فيش داعى للإختلاف

يحق طبعاً الخروج عن الإجماع ولكن بدليل أقوى من الدليل الذى حدث عليه الإجماع

وكثيراً ما يقول العلماء فى قضية ما، "وهذا الرأى هو الأقوى برغم مخالفته للإجماع" وذلك بمناقشة الأدلة.

وما فيش حاجة إسمها إجتهاد كده وخلاص بالدراع ويقوم رافع النقاب من على وش البنت ويقول إنها عادة وليست من الدين والهتيفة يهتفوا والعلمانيين يزأططوا، طبعاً ده ليس منهج علمى فى الإفتاء ولا أى شيء ولكن إستغلال للسلطة والمنصب ولكن كان ينبغى أن يدلل على رأيه الجديد بالأدلة الشرعية ويرد على كل أدلة المخالفين دليلاً دليلاً فهو رجل علم وليس رجل بوليس. -رحمه الله-

وبصراحة إللى عاوز يتعلم إزاى يكون الاجتهاد ومحاورة الآراء يصبر نفسه ويقرأ كتيب "حجاب المرأة المسلمة" للشيخ الألبانى رحمه والذى تبنى فيه أن النقاب فضيلة وليس فرض ثم رد على كل أدلة التى تقول بأن النقاب فرض دليل دليل وسرد الأدلة التى تؤيد قوله ثم فى نهاية الكتاب رد على من يقول أن النقاب حرام أساساً. ناقش تفاصيل كثيرة جداً حتى أنه ناقش التسلسل الزمنى للأحاديث. وفى نفس الوقت قال أن زوجته وبناته منتقبات.

الموضوع هنا ليس لمناقشة النقاب ولكن محاولة معرفة كيف يتم مناقشة الأدلة الشرعية بالعلم وليس بقوة المنصب.

أيضاً فتوى تحليل ربا البنوك من باب "إحنا بتوع الحلال والحرام" زى ما قال الشيخ طنطاوى رحمه الله لرولا خرساء، فتوى كده وخلاص بلا إستشهاد بأى دليل أو مناقشة أدلة المحرمين وهم كثير جداً.

وطبعاً مافيش حاجة اسمها إني آخذ كلام أى عالم والسلام طالما عندى ولو قدرة بسيطة على المقارنة ولست جاهلاً، يعنى ما يصحش يبقى الناس كلها على رأى وبعدين ييجى واحد يخالفهم كلهم بدون أى سند وبعدين لمجرد إن الفتوى جت على هوايا أطمئن وأقول الكلمة الخايبة "علقها فى رقبة عالم وإطلع سالم"

وكلنا عارفين حديث الرسول صلى الله عليه وسلم مع عدى بن حاتم الطائى قبل إسلامه:

عن عدي بن حاتم قال : أتيت النبي صلى الله عليه وسلم و في عنقي صليب من ذهب فقال : ( يا عدي اطرح هذا الوثن من عنقك ) فطرحته فانتهيت اليه و هو يقرأ سورة براءة فقرأ هذه الآية { اتخذوا أحبارهم و رهبانهم أربابا من دون الله } حتى فرغ منها فقلت انا لسنا نعبدهم فقال : ( أليس يحرمون ما أحل الله فتحرمونه و يحلون ما حرم الله فتستحلونه ؟ ) قلت بلى قال : ( فتلك عبادتهم )

[se_ Elsyed]

نرجو من السادة الزملاء عدم تغيير مجرى الموضوع والإلتزام بفكرته الأساسية .

وشكراً

[Diab]

اعتقد ان زقزوقة من المرشحين لانه كووووووووووووول اخر حاجة

تم تعديل 16 مارس 2010 بواسطة Diab

[MZohairy]

الفكره الأساسيه هي توقع من سيخلف شيخ الأزهر الشيخ طنطاوي رحمه الله

و بالتالي أي اساءة للشيخ طنطاوي هي قمة الخروج عن الموضوع

بالمناسبه

الدكتور علي جمعه افتى بعدم حرمانية فوائد البنوك سواء المقبوضه أو المدفوعه

و انا كراجل مالي مقتنع برأيه 100% مثلا

اذا انا مقتنع بفكرة ما و جاء عالم جليل أكد عليها

وقتها اتباع رأي الشيخ الفاضل حتى لو خالف الجماعه هو قمة مرونة و سماحة الاسلام

و اجباري على العكس هو قمة التطفيش من الإسلام

و السخريه من رأيه هو قمة عدم الإسلام

اورفوار

[se_ Elsyed]

الفكره الأساسيه هي توقع من سيخلف شيخ الأزهر الشيخ طنطاوي رحمه الله

و بالتالي أي اساءة للشيخ طنطاوي هي قمة الخروج عن الموضوع

بالمناسبه

الدكتور علي جمعه افتى بعدم حرمانية فوائد البنوك سواء المقبوضه أو المدفوعه

و انا كراجل مالي مقتنع برأيه 100% مثلا

اذا انا مقتنع بفكرة ما و جاء عالم جليل أكد عليها

وقتها اتباع رأي الشيخ الفاضل حتى لو خالف الجماعه هو قمة مرونة و سماحة الاسلام

و اجباري على العكس هو قمة التطفيش من الإسلام

و السخريه من رأيه هو قمة عدم الإسلام

اورفوار

يعني اخدت الفتوى التفصيل اللي على هواك فقط يا زهيري وتركت الباقي .. !!!!!!!!!!!!!!!

فما قولك في فتوى نفس المرحوم طنطاوي في إن منفذي العمليات الأستشهادية ضد العدو الصهيوني هم " منتحرون " .وغيرها من عينة تلك الأقوال - مش هاسميها فتاوى بصراحة - التي لا تستند على نص قرآني او حديث ...

ولا حتى سمعناها في طبق اليوم ؟

ياريت الرد في جُمله واحده .. وخلينا في موضوع مين هايبقى خليفة شيخ الازهر

[myusername]

الفكره الأساسيه هي توقع من سيخلف شيخ الأزهر الشيخ طنطاوي رحمه الله

و بالتالي أي اساءة للشيخ طنطاوي هي قمة الخروج عن الموضوع

بالمناسبه

الدكتور علي جمعه افتى بعدم حرمانية فوائد البنوك سواء المقبوضه أو المدفوعه

و انا كراجل مالي مقتنع برأيه 100% مثلا

اذا انا مقتنع بفكرة ما و جاء عالم جليل أكد عليها

وقتها اتباع رأي الشيخ الفاضل حتى لو خالف الجماعه هو قمة مرونة و سماحة الاسلام

و اجباري على العكس هو قمة التطفيش من الإسلام

و السخريه من رأيه هو قمة عدم الإسلام

اورفوار

يعني اخدت الفتوى التفصيل اللي على هواك فقط يا زهيري وتركت الباقي .. !!!!!!!!!!!!!!!

فما قولك في فتوى نفس المرحوم طنطاوي في إن منفذي العمليات الأستشهادية ضد العدو الصهيوني هم " منتحرون " .وغيرها من عينة تلك الأقوال - مش هاسميها فتاوى بصراحة - التي لا تستند على نص قرآني او حديث ...

ولا حتى سمعناها في طبق اليوم ؟

ياريت الرد في جُمله واحده .. وخلينا في موضوع مين هايبقى خليفة شيخ الازهر

بالمناسبة.. ممكن اعرف رأيه تفصيليا فى موضوع حظر الحجاب فى فرنسا؟ :blink: لانى سمعت انه قال ان من حق فرنسا ان تحظر ارتداء الحجاب... اصل طالما من حقهم انهم يمنعوا الحجاب, يبقى كمان اكيد من حقهم يقفلوا المساجد.. لان الحجاب فرض و الصلاة فرض.

الله يمسيه بالخير الدكتور على جمعة... قال فى موضوع مشابه.. ان المسلمين قد خاضوا حروبا على مدى قرونا طويلة, من اجل الحفاظ على حقوق المسلمين فى هذه البلاد.. و تم دفع دماء المسلمين كثمن من اجل المعاهدات اللى اتعملت..

يعنى اللى المسلمين عملوه فى قرون.. عم الشيخ عايز يضيعه بكلمة.

تم تعديل 16 مارس 2010 بواسطة myusername

[MZohairy]

يعني انت تجيبلي فتوى معرفش قالها امتى و ليه و ازاي و ايه الظروف اللي قالها فيها و عايزني ارد بكلمه واحده؟

طيب ربنا ما يرضاش بالظلم

[msayed]

خلاص أنا مش ها أرد على كلام زوهيرى لأنه خروج على الموضوع

أنا ما أقدرش أتوقع مين إللى جاي شيخ للأزهر

لكن أتمنى وأدعو الله أن إللى ييجى شيخ للأزهر تبقى إسرائيل متغاظة من مواقفه الرجولية ولما يتوفاه الله بعد عمر طويل إسرائيل تفرح لموته.

زى ما هى متغاظة من أبو تريكة كده لمجرد موقف بسيط عمله فى ماتش ومانعاه إنه ياخذ تأشيرة مع إن الراجل أصلاً ما طلبش تأشيرتهم.

والحدق يفهم بقى علشان ما نخرجش عن الموضوع.

[أحمد سيف]

شيخ الأزهر منصب سياسي وإداري بقدر ما هو منصب ديني ... لذلك أتمنى أن يتولى مشيخة الأزهر شخص يتمتع بكاريزما سياسية وكفاءة إدارية ... شخص يستطيع أن يرتقي بمنصب شيخ الأزهر عن أن يكون أداة في يد السلطة العسكرية وفي نفس الوقت يحافظ على مكانة الأزهر كمنارة للفكر الإسلامي الوسطي دون أن يحاول لعب دور السلطة الدينية الموازية للسلطة المدنية. شخص يعرف متى يتحدث ومتى يصمت ومتى يتدخل ومتى يبتعد وما هو في صميم مسؤوليته وواجباته وما هو ليس من اختصاصه ويتركه لأهله.

أما فيما يتعلق بالجانب الديني والعلمي فأنا لست مؤهلا لتقييم المرشحين من هذه الناحية ولكن ما أتمناه أن يأتي شيخ الأزهر من مدرسة وسطية منفتحة على المدارس الإسلامية الأخرى لا منعزلة عنها ولا مكفّرة لها.

أعتقد أن واحد مثل الدكتور محمد سليم العوا قد يكون مناسبا ليقود الأزهر في هذه المرحلة لعدة أسباب

[pink rose]

أعتقد أن واحد مثل الدكتور محمد سليم العوا قد يكون مناسبا ليقود الأزهر في هذه المرحلة

يسمع من بؤك ربنا يا باشمهندس

بس للاسف هما لازم يجيبوا واحد زي عرايس الماريونت كده عشان يمشي معاهم على نفس خط اللي مات

تم تعديل 16 مارس 2010 بواسطة remo

[miramikhail]

الله يرحم الشيخ طنطاوى الحقيقة أنا كنت بحبة من قبل ما يبقى شيخ الأزهر و كنت بسمع له الخمس دقائق اللى قبل ؟أخبار الساعة تسعة لأنة كان بيركز على المعاملات و كنت تحس فى كلامة الوسطية و الأعتدال اللى كنت متعوده علية فى كل أصحابى المسلمين اللى أعرفهم لما كنا بناقش الدين مع بعض و على فكرة كان منهم بابها أستاذ فى جامعة الأزهر.

فكل اللى أتمناه أن اليجى شيخ للأزهر يكون معتدل و مش متشدد أو سلفى زى ما بتسموهم لأننا مش عايزين نبقى صومال ولا أفغانستان ولا أيران حتى

وكلمة بيتهيألى مأظنش أن الدكتور الطيب حيجى شيخ الأزهر لأنه بيتهيألى ذو أتجاه صوفى (و ده حتلاقى ناس كتير و بذات السلفيين بيعترض عليهم طبعا ) وده رغم أنهم بيتسموا بالأعتدال و خاصة فى تعاملهم مع الأخر (حلوة الأخر دية _اللى هو أنا يعنى)

[عنبو]

لكن بعد أن تولى الإفتاء ثم مشيخة الأزهر... رأينا منه الطامّات..

بداية من تحليل فوائد البنوك الربوية المجمع على تحريمها في جميع المؤتمرات الإسلامية الدولية المعاصرة... نهاية بمصافحته للسفاح اليهودي بيريز ، فضلا عن

إصداره فتوى لفرنسا أن من حقهم سن قانون بحظر الحجاب!! وقُبيْل موته أصدر فتوى بمنع المنقبات من دخول الجامعـات... أما اللاتي يلبسن الهشّك بشّك فلم يصدر في حقّهنّ شيئاً...

نسأل الله أن ينجّي الأزهر الشريف وأن يحفظه من كيد الكائدين..

ابتدينا -_-

حمد الله على سلامتك يا سهل

ده راجل عالم كبير يا سهل و متوفي

و لحوم العلماء مسمومه زي مانت عارف و الأموات لا يذكر لهم الا محاسنهم

يعني لا انت في علمه عشان تقيم فتاويه و لا يحل لك ذكر مساوءه (اذا كان هناك مساوئ) لأنه بين يدي الله

تحياتي

http://www.jabhaonline.org/index.php?optio...0&Itemid=65

[MZohairy]

هي دي يا عنبي طريقة تفكير المتطرفين بالمللي

و تلاقيهم موجودين كتير في موقع اسمه سحاب ايضا

شكرا