محمود سعد....... شجاعة ام نفاق؟؟

[fatfouta]

محمود سعد يبعث للرئيس رسالة عاجلة

بصراحة انا مابقتش عارفة احكم على الاشخاص خلاص

ومش قادرة اعرف هل اللى محمود سعد بيقوله ده شجاعة شديدة ام نفاق ام........

كلامه فعلا يستحق القراءة........الراجل ده مش خايف ولا ايه؟؟

نص الرسالة كالاتى :

من القلب أتمني له كل الصحة والعافية.

من القلب أتمني له الشفاء وطول العمر.

من القلب أتمني له العودة إلي أرض الوطن.

صحيحاً معافي.. فهو الأب الكبير والرجل الذي شارك في انتصار أكتوبر المجيد، وتلك فعلة تاريخية لا تنسي له أبداً.. فهو المواطن الشجاع والمقاتل الباسل والرجل صاحب القلب الطيب.

وتلك ليست سطور نفاق.. أو هي سطور لتنقذني مما سوف أكتبه إليه.

وأيضاً لا أكتب ـ والله يشهد ـ مزايدة ولا منظرة ولا لاستعراض العضلات.. والله العظيم سطوري السابقة من قلبي وسطوري القادمة من قلبي حباً وكرامة.. لا كراهية فيها.. وإنما هو الحب للوطن وللرجل.

>>

عندي خطاب عاجل إليه.

أحب أن أنقل لسيادتك ما يمكن أن أفعله لو كنت في مثل ظروفك.. أو بالتحديد لو كنت مكانك لفكرت بطريقة أخري.. وليس معني ذلك أن فكرتي ربما تكون أفضل من فكرتك.. وإنما هو تفكيري وحسب.

اسمح لي سيادتك أن أقول لك: لقد آن الأوان.. نعم.. وتلك ربما فرصة لا تتكرر.. يمكنك الآن.. وربما الآن فقط.. أن تدخل التاريخ من أوسع أبوابه.. وتصبح أهم بل أعظم رئيس جمهورية في تاريخ مصر وربما في تاريخ الحكام العرب.

فليس كل رئيس يدخل التاريخ الجميل والمبجل.. فالتاريخ نوعان. رئيس يدخل في زمرة الرجال أو الحكام الذين استراح منهم الناس وتخلصوا من شرورهم.. والنوع الثاني حاكم يظل محبوباً ورائعاً وله الفضل علي أمته لمئات السنين. ولنا في الحكام علي مدي التاريخ عبرة.. هناك الحكيم وهناك القاتل وهناك المفتري وهناك الظالم وهناك العادل وهناك المحبوب وهناك المكروه.

وفي خطابي إليك.. أكمل وأقول:

أظن أنك لا تحب أنت وأولادك وأسرتك.. لا تحبون إلا أن تكون.. الحكيم والعادل والمحبوب.. ولأن الدنيا مهما طالت.. مهما طالت زائلة.. ولا يبقي للرجال بعد زوال الدنيا إلا الأعمال.. وقارئ التاريخ يفهم ذلك جيداً.. وأعلم أن سيادتك تنظر للتاريخ وتدرك معني سطوري هذه.

الآن.. وليس غداً.

الآن تفتح لسيادتك كتب التاريخ أبوابها.. كأعظم حاكم.. فقط عليك أن تفعلها مثلما فعلتها في فبراير 2005 وأفسدها ترزية القوانين.. طلبت تعديل المادة 76.. وقام الإخوة الأفاضل ترزية القوانين بوضع شروط معقدة لا تسمح إلا لشخص واحد بتولي منصب رئيس الجمهورية.. وفات الأمر علي الناس وصفق أعضاء مجلس الشعب.. ومضي التعديل بلا تعديل.

الآن.. وليس غداً.

مصر في عهدك تشهد التعديل الدستوري الأهم والأشهر علي مدي التاريخ.. المادة 76 يتم تعديل الشروط الخاصة بترشيح رئيس الجمهورية بما يسمح أو يسهل عملية الترشيح.

ثم تقوم سيادتك بالتعديل التاريخي في المادة 77.. وهو عدم السماح لرئيس الجمهورية بترشيح نفسه أكثر من دورتين وتكون الدورة أربعة أعوام فقط.

هذا هو العدل.

هذا هو الحق.

هذا هو الإنصاف.

هذا هو المطلوب لمصر الآن بعد رحلتك الطويلة معها.. يجب لمصر أن تنهض وتتغير وتلحق بالأمم الكبري.. مصر بلدك وبلدي.. وبلد الناس الطيبة.. ولا أنا ولا الناس نقدر علي ذلك.. الذي يقدر هو سيادتك.. كلمة واحدة منكم تنقل مصر إلي دنيا أخري.. دنيا أرحب وأجمل وأعظم.

>>

والناس تسعد بعودتكم سالماً.. وترسل لك التهنئة علي العودة بالصحة والعافية.. فهل ترد لهم الجميل وتفعلها.

هل تحب أن تدخل التاريخ؟!

أظنك تحب.

هل تحب أن تلحق مصر بركب الأمم المتقدمة؟!

أظنك تحب.

فلماذا لا تفعلها؟!

توكل علي الله.

افعلها وتوكل علي الله.

المصدر : جريدة الدستور

http://dostor.org/authors/11/58/10/march/13/9356

[myusername]

بصراحة انا استغربت لما سمعت الموضوع ده... اصل محمود سعد بحس انه شخص سطحى جدا.. و ساذج جدا.. و الكلام ده كلام كبيـــــــــــــــــــــــــــــــــــــر -_-

يكونش أخد حبة جرائة.. ولا حبة شجاعة؟ :wub: عموما يا خبر النهاردة ببلاش بكرة يبقى فلوس, و لو مطلعش تانى.. يبقى اكيد انه قال الكلام ده بجد.. و كل شىء هينكشف و يبان.

[fatfouta]

اذ ربما يا يوزر انا حاسة كده كانه بيقوله......إعمل حاجة لأخرتك

حتى لو هو ماقرهاش اكيد الكلام هيوصلوا وربنا يستر عليك يا محمود يا سعد

[الغريب]

أنا بقى شايف حاجة غريبة اليومين دوول أن الناس دي زي محمود سعد وعمرو أديب ماتفتحش بؤهم بالمواضيع دي ليه

أعتقد أنه جزء من مسلسل كبير؟

ومحدش يظلمني ويقول أنته ليه بتفترض سوء النوايا

بس هو السؤال فعلا .. لماذا الآن ظهرت الشجاعة ؟

والله أنا مصدقتش الخبر فعلا، لدرجة أني فتحت الرابط مش تكذيب ولكن للتأكيد من أنه محمود سعد وليس تشابه أسماء

سبحان الله مغير الأحوال ، سبحان من يغير ولا يتغير ، سبحان من له الدواام ، وحدووووووووووووووووووووووووووه

[fatfouta]

أنا بقى شايف حاجة غريبة اليومين دوول أن الناس دي زي محمود سعد وعمرو أديب ماتفتحش بؤهم بالمواضيع دي ليه

أعتقد أنه جزء من مسلسل كبير؟

ومحدش يظلمني ويقول أنته ليه بتفترض سوء النوايا

بس هو السؤال فعلا .. لماذا الآن ظهرت الشجاعة ؟

والله أنا مصدقتش الخبر فعلا، لدرجة أني فتحت الرابط مش تكذيب ولكن للتأكيد من أنه محمود سعد وليس تشابه أسماء

سبحان الله مغير الأحوال ، سبحان من يغير ولا يتغير ، سبحان من له الدواام ، وحدووووووووووووووووووووووووووه

عارف يا الغريب يا خويا يا بتاوع الكويت انتوا

برغم اى حاجة انا من امبارح مبسوطة بالكلمتين اللى قالهم محمود سعد من ساعة ماقريتهم

حاسة بشوية تفائل مع انى كنت متشائمة.......ربنا يجيب الخير لمصر ان شاء الله

لا إله إلا الله محمد رسول الله

[hebapharm]

ايه ده يا فتفوته يااختي..

بجد الكلام ده ...ربنا يبشرك بالخير

اول مره احترم رأي لمحمود سعد ...بس اللي مصر فيه يخلي الحجر ينطق ويقول كفايه بقى

بس برضه غريبه اوي...زي ماغريبه انه تطلع من عمرو اديب وأخوه نظرية الخروج الأمن من السلطه(الحكم يعني )

يااااامسهل

[الجدار]

تفتكروا العروسة الماريونيت ليها رأي في الدور اللي بتقدمه على المسرح ؟؟

معلش أعذروني بس مش قادر أصدق القلبه الـ 180 درجة سواء لمحمود سعد أو الأراجوز عمرو أديب

كل مرحلة ليها رجالها (لو ينفع تسميتهم بكده) وليها موجهين لتعديل الأفكار ناحية إتجاه معين

أحنا دلوقتي في الفصل التمهيدي لكتاب المرحلة اللي جاية

يا رب يكون اللي فهمته غلط

[myusername]

ايه ده يا فتفوته يااختي..

بجد الكلام ده ...ربنا يبشرك بالخير

اول مره احترم رأي لمحمود سعد ...بس اللي مصر فيه يخلي الحجر ينطق ويقول كفايه بقى

بس برضه غريبه اوي...زي ماغريبه انه تطلع من عمرو اديب وأخوه نظرية الخروج الأمن من السلطه(الحكم يعني )

يااااامسهل

اذ ربما ان الموضوع مخطط له كما صرح البعض؟ :P مين عارف

و فعلا كلامك خلانى افتكر الحلقة بتاعت العاشرة مساءا... لانى ساعتها استغربت جدا من كلام عماد الدين اديب... و تلميحاته عن نهاية النظام الحالى.

[fatfouta]

تفتكروا العروسة الماريونيت ليها رأي في الدور اللي بتقدمه على المسرح ؟؟

معلش أعذروني بس مش قادر أصدق القلبه الـ 180 درجة سواء لمحمود سعد أو الأراجوز عمرو أديب

كل مرحلة ليها رجالها (لو ينفع تسميتهم بكده) وليها موجهين لتعديل الأفكار ناحية إتجاه معين

أحنا دلوقتي في الفصل التمهيدي لكتاب المرحلة اللي جاية

يا رب يكون اللي فهمته غلط

يعنى تفتكر انها تمثيلية يا جدار يا خويا ولا مسرحية ولا ايه؟؟

دايما بتحسسنى بالتفائل لما اتكلم معاك بصراحة

[الجدار]

تفتكروا العروسة الماريونيت ليها رأي في الدور اللي بتقدمه على المسرح ؟؟

معلش أعذروني بس مش قادر أصدق القلبه الـ 180 درجة سواء لمحمود سعد أو الأراجوز عمرو أديب

كل مرحلة ليها رجالها (لو ينفع تسميتهم بكده) وليها موجهين لتعديل الأفكار ناحية إتجاه معين

أحنا دلوقتي في الفصل التمهيدي لكتاب المرحلة اللي جاية

يا رب يكون اللي فهمته غلط

يعنى تفتكر انها تمثيلية يا جدار يا خويا ولا مسرحية ولا ايه؟؟

دايما بتحسسنى بالتفائل لما اتكلم معاك بصراحة

والله يا أختي العزيزة

بكل المعطيات اللي حوالينا

وبتطبيق مبدأ التجربة والخطأ

أتضح أن في ناس على الحجر ماحدش بيقرب منهم ودول لزوم الديمقراطية تدوس على الريموت على طول وصلة مدح

ندوس تاني نباح ندوس عض ندوس معارضة

وعلى الجانب الآخر ناس متداس على رقابها بالجزم

دول معروفين ودول معروفين

الموضوع مش محتاج عبقرية من حد

المشكلة اننا بنحاول نتعلق بأي بصيص أمل حتى لو مش مصدقينه من جوانا

الضوء في نهاية النفق لهانا عن السلاسل اللي إحنا مربوطين بيها

وعجبي !!

تم تعديل 15 مارس 2010 بواسطة الجدار

[بركة]

مش عارفة اللي محتارين في محمود سعد محتارين ليه

الراجل زي ما أنا بشوفه دايما صريح وواضح وابن بلد وبيقول للأعور يا أعور

من زمان وهو لم يتغير .....حقيقي مستغربة !!!!!!!

مقالاته وكلامه في الاعلام لا يحتمل الشك من وجهة نظري

بجد مستغربة ..هو انتم ما شوفتوش حلقته مع عمرو الليثي في برنامج واحد من الناس

دا أنا قلت الراجل ده خلاص بقى ورا الشمس

الرابط هنا

[من بعيد]

كلام محمودسعد فى اعتقادى يؤكد شائعه وفاه الرئيس وان الامر اصبح فى غايه التعقيد وليس من السهل ايجاد حل قابل للتطبيق فى الوقت الحالى

هذه هى الفوضى المنظمه التى نادت بها كوندليزا رايس فى بدايه حكم بوش

وصلنا لمرحله اللا حل

الحل لا يكمن فى رحيل الرئيس او تقاعده الحل يكمن فى ايجاد بدائل مرضى عنها من ماما امريكا

سئال له صله

اين هو جمال مبارك ولماذا اختفائه المفاجئ؟

الامور اصبحت غايه فى الغموض

[fatfouta]

اين هو جمال مبارك ولماذا اختفائه المفاجئ؟

الامور اصبحت غايه فى الغموض

فعلا الغموض بقى سائد على الاحداث وفعلا فين جمال مبارك مختفى ليه؟

بيجهزوا لحاجة؟.......... ولا فيه حاجة احنا مش فاهمينها ولا الاشاعة بتاعة ان هو خلاص دى فعلا واحنا ماحدش هيبلغنا خالص غير لما يضبطوا كل امورهم

والله مابقيت فاهمة اى حاجة

ربنا يستر

[engmido]

بصراحة مش قادر لفهم هل هو يقصد انه يقول للريس تقاعد وشوف حد مكانك

واللا يقصد يقوله يعدل الدستور بحيث يسهل للناس عملية الترشح بعيدا عن مجلس الشعب وعدد الاعضاء والكلام ده

[من بعيد]

اين هو جمال مبارك ولماذا اختفائه المفاجئ؟

الامور اصبحت غايه فى الغموض

فعلا الغموض بقى سائد على الاحداث وفعلا فين جمال مبارك مختفى ليه؟

بيجهزوا لحاجة؟.......... ولا فيه حاجة احنا مش فاهمينها ولا الاشاعة بتاعة ان هو خلاص دى فعلا واحنا ماحدش هيبلغنا خالص غير لما يضبطوا كل امورهم

والله مابقيت فاهمة اى حاجة

ربنا يستر

هذا مؤشر اخر على ان سيناريو التوريث وصل الى طريق مسدود والا لماذا صلاحيات الرئيس لم تنتقل الى جمال مبارك مباشرهً؟

المؤشر الثانى ان الرئيس لو كان فى وعكه صحيه عابره وانه فى طريقه الى ممارسه مهام منصبه بعد فتره نقاهه ولو طويله لماذا تنازل عن صلاحيته لشخص اخر وهذه اول مره تحدث بصوره رسميه فى تاريخ مصر ؟

وتساؤل اخر ليس له علاقه ولكنه يصب فى النهايه الى صلب المشكله

محمد البرادعى جاء الى مصر واشعل نار الامل فى المصريين وفجأه عاد ادراجه الى النمسا او سويسرا والله اعلم اين هو الان......لماذا؟

بفرض لوا قدر الله لو استمر الحال على ما هو عليه كم من الوقت بامكان مصر كدوله ان تصمد؟

[أم مروان]

اين هو جمال مبارك ولماذا اختفائه المفاجئ؟

الامور اصبحت غايه فى الغموض

فعلا الغموض بقى سائد على الاحداث وفعلا فين جمال مبارك مختفى ليه؟

بيجهزوا لحاجة؟.......... ولا فيه حاجة احنا مش فاهمينها ولا الاشاعة بتاعة ان هو خلاص دى فعلا واحنا ماحدش هيبلغنا خالص غير لما يضبطوا كل امورهم

والله مابقيت فاهمة اى حاجة

ربنا يستر

هذا مؤشر اخر على ان سيناريو التوريث وصل الى طريق مسدود والا لماذا صلاحيات الرئيس لم تنتقل الى جمال مبارك مباشرهً؟

المؤشر الثانى ان الرئيس لو كان فى وعكه صحيه عابره وانه فى طريقه الى ممارسه مهام منصبه بعد فتره نقاهه ولو طويله لماذا تنازل عن صلاحيته لشخص اخر وهذه اول مره تحدث بصوره رسميه فى تاريخ مصر ؟

وتساؤل اخر ليس له علاقه ولكنه يصب فى النهايه الى صلب المشكله

محمد البرادعى جاء الى مصر واشعل نار الامل فى المصريين وفجأه عاد ادراجه الى النمسا او سويسرا والله اعلم اين هو الان......لماذا؟

بفرض لوا قدر الله لو استمر الحال على ما هو عليه كم من الوقت بامكان مصر كدوله ان تصمد؟

السلام عليكم

على فكرة كلام من بعيد قلقنى قوى وخفت

بس دلو قتى كنت بتفرج على العاشرة مساء و اكدوا ان الريس بخير ونفوا كل الشائعات عن موته

يا ترى دا صحيح ولا مجرد تهدئة للوضع الحالى وخاصة ان البورصة انخفضت بشكل كبير جدا

مش عارفة

يا رب يكون خير

[الجدار]

مش عارفة اللي محتارين في محمود سعد محتارين ليه

الراجل زي ما أنا بشوفه دايما صريح وواضح وابن بلد وبيقول للأعور يا أعور

من زمان وهو لم يتغير .....حقيقي مستغربة !!!!!!!

مقالاته وكلامه في الاعلام لا يحتمل الشك من وجهة نظري

بجد مستغربة ..هو انتم ما شوفتوش حلقته مع عمرو الليثي في برنامج واحد من الناس

دا أنا قلت الراجل ده خلاص بقى ورا الشمس

الرابط هنا

ازيك يا مدام بركة

والله الواحد اتعلم يشك في صوابع إيديه في البلد دي

يعني لو عملنا مقارنة بسيطة بين حمدي قنديل ومحمود سعد

تفتكري ليه حمدي قنديل تم طرده من التليفزيون والأخ محمود سعد لأ

صدقيني المعيار الحقيقي اللي أنا بشوف انه ينفع يبين صدق أو كذب الجماعة دول هو رد فعل الحكومة معاهم

وصدقيني لو دورتي في صفاة الجماعة اللي على الحجر حتلاقيهم

دمهم خفيف

ولاد بلد

حاسين قوي بمشاكل الناس

مابيخافوش يقولوا للأعور أنت أعور

(أمال الناس حتحبهم وتصدقهم إزاي ؟؟)

عامة كل واحد حر في رأيه والأيام بتثبت مين اللي صح

احنا كل اللي بنعمله أننا بنتكلم ونتفرج

وأدي الكرسي وكوباية الشاي

تحياتي لحضرتك :happy:

تم تعديل 16 مارس 2010 بواسطة الجدار

[president]

مش عارفة اللي محتارين في محمود سعد محتارين ليه

الراجل زي ما أنا بشوفه دايما صريح وواضح وابن بلد وبيقول للأعور يا أعور

من زمان وهو لم يتغير .....حقيقي مستغربة !!!!!!!

مقالاته وكلامه في الاعلام لا يحتمل الشك من وجهة نظري

بجد مستغربة ..هو انتم ما شوفتوش حلقته مع عمرو الليثي في برنامج واحد من الناس

دا أنا قلت الراجل ده خلاص بقى ورا الشمس

الرابط هنا

انا برده مستغرب زى حضرتك تماما .

انا سؤالى بس للعلم مش أكتر للأخوه االلى شايفينه منافق وسئ...

كانت ايه مواقف محمود سعد السابقه اللى كان فيها نفاق ؟ بس ياريت حد يقول مواقف حدثت بالفعل .. مش كلام انشا

سؤال تانى ..اذا كان المعيار رد فعل الحكومه مع الشخص بيحدد اذا كان الشخص منافق ولا لأ .

على كده يبقى فاروق جويده طالما سايبينه بيكتب فى الأهرام لغاية دلوقتى يبقى كمان نعتبره من أكبر المنافقين !!!!

تحياتى

[بركة]

محمود سعد ومقال جديد

ربنا يستر عليه

http://www.dostor.org/authors/11/58/10/march/20/10182

كانت لرسالتي إلي الرئيس .. ردود فعل وصلت إلي حوالي 300 رأي علي النت وردود أخري عبر الهاتف.. صحيح أنها كانت في معظمها موافقة علي ما طلبته من تعديل المادة 76 والمادة 77.. إلا أن قلة من ردود الفعل اتهمتني بالنفاق!!

ذلك لأنني كنت مهذبًا وأنا أطلب من الرئيس أن يدخل التاريخ بتعديله مواد الدستور وأنه بذلك سيدخل التاريخ من أوسع أبوابه.

ولا أدافع عن نفسي.. إذا كنت منافقًا أم لا ! فهذا الأمر متروك للقارئ.. وهو يقرأ ما أكتب وله في البداية والنهاية الحرية الكاملة في تقييمه.. وله أن يراني كيفما يشاء.

ولكن فقط أحب القول بأن الحقوق قد تؤخذ بالقوة وباللسان الطويل والهجوم الحاد.. وأيضًا يمكن أن تؤخذ بالأدب والحوار الصريح.. وهكذا أري.

أحب حين أخاطب رئيس الدولة أن أخاطبه بالحوار اللائق به كرمز للأمة ويعتلي أرفع منصب بها .. ولكن هل من النفاق أن أطالب رئيس الدولة - بكل أدب- بأن يعدل الدستور ولا يسمح بالمدد المفتوحة للحاكم وأن يكون هو أول رئيس جمهورية تشهد معه مصر خروجه من السلطة وتركه الحكم لآخر!!

أين النفاق هنا؟!

وهل تذكرون غاندي .. أعظم ثائر.. حين حصل علي استقلال الهند بالحوار والسلم والاعتراض المسالم؟!. أنا أود أن نفعل ذلك.. أحلم بذلك.. أن يرتدي كل طلاب الجامعة في كل المحافظات تي شيرت مكتوبًا عليه وبخط كبير «تعديل الدستور مطلب شعب».. وأن يكتب كل صاحب محل في مصر علي باب «الدكان» «التعديل الدستوري «مطلب شعب» وأن يضع كل موظف علي مكتبه لافتة بسيطة مكتوبًا عليها «التعديل الدستوري مطلب شعب» وأن يضع كل صاحب كشك أو محل ورد نفس اللافتة.

وأن نضع شارة بحجم معقول تعلق علي الصدور للرجل وللمرأة في كل مصر.. شارة مكتوبًا عليها «التعديل الدستوري مطلب شعب».

وأن يعلق كل صاحب شقة أو منزل علي بيته نفس الشارة.

وأن يضع نفس الشارة كل تلميذ في المدرسة.. يصفها له والداه ويقولان له إن هذه الشارة هي حلم مصر وهي الشارة القاتلة .. الشارة القادرة علي النهوض بهذه الأمة.. والقادرة علي أن تنطلق بمصر إلي آفاق أرحب وأوسع.

الأمة كلها تنهض علي طلب واحد.. وعبارة واحدة تصوروا لو ذلك حدث.. هل يستطيع الأمن أن يقاومنا هل يستطيع الأمن أن يمنعنا.. ونحن لا نتظاهر ولا نلقي بالحجارة ولا نثير الشغب.. فقط نحن نعلن موقف الشعب.. وأن الجميع يطالب بالتغيير وأن مصر لن يكون بها حكم وراثي وأن مصر لن يحكمها بعد الآن حاكم إلي نهاية حياته.. إنما الشعب.. كل الشعب.. قادر علي التمسك بالتغيير؟!

لنرفع الشارة.. ونجعلها مثل علم مصر.. لا تفارق صدورنا ولا أقول إن هذا هو الجهد في نهايته وإنما دعونا نجعلها البداية.. بداية سلمية.. مهذبة.. لا يستطيع أحد أن يشوهها أو يقول عنها السيئ من القول..

وبمثل هذا تنهض الدولة.

وبمثل هذا مصر في أمس الحاجة إليه..

تعالوا نفعلها .. إذا لم يفعلها الرئيس.

[Amr Radwan]

محمود سعد احد الاعلامين و الذين ذاع صيتهم في الفترة الاخيرة ..

قد تكون ظاهرة هذا الراجل احد الاحتمالات الاربعة التالية :

1- احد رجالات النظام الحاكم و يلعب دور المعارضة الصديقة !! لتحريك الراي العام الي زوايا خفيه قد لا نتوقعها .. لان السياسة مثل الشطرنج تظهر لخصمك انك تلعب في اتجاه ثم بتاغته فجأه بان الوزير "مات" او "كش ملك" .

2- راجل شغال بدماغ عالية و مستقله و بيفكر كويس في اللي حواليه و لا هو تبع المعارضة و لا تبع الحكومة ..

3- راجل مناااااااااااافق و خبيث و يعرف ازاي يكبر و يعلي باستخدام عواطف و الالم الشعب الغلبان اللي ما بيصدقوا حد يقول رايهم ..

4 - راجل طيب و غلبان و علي قد حاله و لما بتكون الدنيا ماشية مع الحكومة بيمشي مع الحكومة و لما بيصعب عليه الشعب و حاله بيجي مع الشعب ..

انا شخصيا اري فيه الشخصية رقم 2 .. و نسبة قليلة جداااا من الشخصية رقم 3 ..

و من اهم اللقاءات الاعلامية اللي عجبني فيها كلامه مع احمد عز في مكالمة تيليفونية من برنامج البيت بيتك

اما بقا اللي مش بيعجبني فيه و دي خنقاني منه جدا .. لما بيقابل واحدة .. زي نانسي عجرف او مش عارف مين .. بحس كده ان صوته بقا رفيع و الاسئلة بقت عبارة عن عبارات اعجاب .. بجد بيخنقني ساعتها ..

عموما .. شوفو الفيديو ده ..

http://www.youtube.com/watch?v=nZswWeIJX5U

تم تعديل 21 مارس 2010 بواسطة Amr Radwan