شوية نكت.. يمكن الاكتئاب يروح!!

[night prayer]

صعيدي شاف 100 جنيه جديدة في الشارع ، بص يمين شمال ما شافش حد أخذها وحط بدلها واحده قديمه

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

اثنين ساكنين في خيمة وراقدين على ظهورهم بالليل ناظر الأول للسما وقال للثاني وش تشوف ؟ قال اشوف نجوم كثيرة.... قال هذا وش يدل علية ؟ قال الثاني : ان فيه مجرات وكواكب غيرنا في هالكون . قال الأول هذا يدل ان سقف خيمتنا انسرق ياغبي

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

واحد ذكي كان مسافر يوم رجع لقى بيته مليان صراير قام غير قفل الباب

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

اثنين صعيده مسلحين مسكو صعيدي قالوا له انته معانا والا مع التانيين ,قال انا معاكم .... قالوله طب احنا التانيين بقه

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

بسسسسسسسسس

خلصوا..

ان شاء الله يكونوا عجبوكوا..

:blink:

......

عفوا

الأخت نايت برير

نكت جميلة فعلا

ولكن نستأذنك فى

حذف بعض النكت

التى قد تسيئ الى شعب شقيق لنا

وشكرا لتعاونكم

رجب

[دكتور عادل الليثي]

إنت شقية أوي يا صلاة الليل

هي الصورة دي بتاعتك ؟

[maksoof]

فى حرب 1973 &&&&&& بعتت كتيبة عشان تحارب مع مصر. الجيش المصرى إدالهم بنادق آلية.

عثمان بيسأل عبده:

يعنى البندجيه دى بيدرب آلى يا أبدو؟

عبده:

إيوه يا أوثمانه. دى بيدرب آلى و بيدرب واتى و بيدرب كل هاجة.

و كما أفتت فيروز: تم ترالالم تم تم

:blink:

[R.M.G.]

فكرتيني بنكتة بلادياتنا اللي حب يزور فلوس راح مزور ورقة ب17 جنيه وكل مايروح حتة عشان يسربها يرموها في وشه قام رايح ع الصعيد وراح داخل على بقال وقاله:فك لي الورجه دي صاحبنا البجال راح مبحلج فيها ورافعها جدام النور عشان العلامة وراح راميها في الدرج ومديله ورجتين كل واحده من ام 8.5

[ديكارت]

عندما توفت الملكة إليزابيث الأم , توجه الرئيس المصري إلى لندن لعزاء العائلة البريطانية المالكة , وعندما قابلته الملكة إليزابيث في قصر باكينجهام , انتقدته انتقادا شديدا لعدم اختياره نائبا له طوال هذه الفترة من مدة حكمه , ودار بينهما ذلك الحديث:

الملكة إليزابيث : أعتقد أن موقفك يا فخامة الرئيس قد أصبح دقيقا , وعليك أن تبادر باختيار نائبا لك حتى لا يقول الشعب الإنجليزي أن الملكة تستقبل في قصرها ديكتاتور آخر مثل صدام حسين.

الرئيس : ( بإستغراب شديد ) لا صطام ايه ياملكة انا وجه صطام؟... المشكلة هي أني لا أعرف حقيقة كيف أتمكن من اختيار النائب المناسب.

الملكة : سأخبرك عن طريقتي السرية التي اتبعتها في اختيار رئيس وزرائي توني بلير.

الرئيس : رائع .. مدهش .. ما هي هذه الطريقة يا فخامة الملكة ؟؟

الملكة : كل ما فعلته هو أني اتصلت بتوني وسألته : من يكون ابن أمك وأبيك وليس بأخيك ؟؟

الرئيس : سؤال صعب جدا !!!!

الملكة : ولكن برغم ذلك أجاب توني على الفور قائلا: هذا الشخص هو توني بلير ذات نفسه يا جلالة الملكة.

الرئيس : وهل كانت شخصية (توني بلير) هي الإجابة الصحيحة ؟؟

الملكة : بالقطع هي الإجابة الصحيحة , ولذلك فأمرت بتعيينه رئيسا للوزراء.

وعندما عاد الرئيس المصري للقاهرة عزم على إجراء ذلك الاختبار لاختيار نائبه , فأمر بإحضار رئيس مجلس الشعب ودار الحديث التالي :

الرئيس : أخبرني يا رئيس مجلس الشعب , من هو ابن أمك وأبيك وليس بأخيك

رئيس مجلس الشعب (بدهشة) : أمك إيه وأبوك إيه ياريسنا .. ده انت بابا وانت ماما وانت كل حاجة في حياتي.

الرئيس : عفارم .. عفارم .. بالرغم من إنها إجابة جميلة .. ولكنها للأسف إجابة خاطئة .. أحضروا شيخنا.

شيخه : أوامرك يا ريسنا

الرئيس : أخبرني يا شيخ من هو ابن أمك وأبيك وليس بأخيك ؟؟

شيخه (بدهشة) : بالرغم من أني مش فاهم سؤالك يا ريسنا , ولكني أؤكد لك أنه حلال ويجوز ولا يوجد أي حرج شرعي في ذلك , وتوكل على الله.

الرئيس : عفارم .. عفارم .. بالرغم من إنها أجابة جميلة ولكنها للأسف إجابة خاطئة .. أحضروا البابا شنودة.

البابا شنودة : أوامرك يا ريسنا.

الرئيس : أخبرني يا أبونا .. من هو ابن أمك وأبيك وليس بأخيك ؟؟

البابا شنودة (بدهشة) : الأب والأم والأخ .. ثلاثة في واحد وواحد في ثلاثة .. كله حاجة واحدة.

الرئيس : جرى إيه يابني ؟؟ .. هو أنا أسألك فزورة تجاوبني بفزورة !! .. أحضروا لي رئيس الوزراء.

رئيس الوزراء : أوامرك يا ريسنا.

الرئيس : قوللي يا عطفطف .. من هو ابن أمك وأبيك وليس بأخيك ؟؟

وكان رئيس الوزراء أكثر حذرا من سابقيه .. فسأل الرئيس:

رئيس الوزراء : ممكن يا ريس أستعين بصديق ؟؟

الرئيس : ممكن .. بس قدامك دقيقتين بس.

فسارع رئيس الوزراء بالاتصال بالدكتور أحمد زويل وسأله:

رئيس الوزراء : إلحقني يا دكتور زويل .. انت راجل عالم وأخذت جايزة نوبل وأنا محتاجك في سؤال عصيب.

الدكتور زويل : خير يا سيادة رئيس الوزراء !!؟؟

رئيس الوزراء : قوللي .. مين هو ابن أمك وأبيك وليس بأخيك ؟؟

الدكتور زويل : ودي حاجة محتاجة سؤال !! .. أنا طبعا يا سيادة رئيس الوزراء.

فذهب رئيس الوزراء مهرولا للرئيس.

رئيس الوزراء : ياريس .. ياريس .. عرفت الإجابة ياريس

الرئيس : عفارم .. عفارم .. قوللي بقى يا عطفطف .. مين هو ابن أمك وأبيك وليس بأخيك ؟؟

رئيس الوزراء : الدكتور أحمد زويل يا ريسنا.

الرئيس : أحمد زويل ايه يا حمار .. إجابتك غلط.

رئيس الوزراء : أمال يطلع مين ده بس يا ريسنا ؟؟؟؟!!!!!

الرئيس بعد ان جمعهم جميعا: الشخص ده يطلع (توني بلير) يا أغبياء !!! .. الحمد لله إني ماخترتش نائب لي لحد دلوقتي.

[night prayer]

خدوا دول كمان ..:blink:

مرة عملوا مسابقة لتعجيز الكمبيوتر.. و كل ماحد يسأله سؤال الكمبيوتر يجاوب عليه في أقل من دقيقة.. جه واحد صعيدي و قال انه عاوز يجرب المهم دخل مع الكمبيوتر و بعدين الناس لقت الكمبيوتر اتحرق لوحده و بيطلع دخان.. سألوا الصعيدي : هو انت سألته في ايه؟

قال: سألته هو أبوجردان قبل مايخلف جردان كان اسمه ايه؟

------------------------------------------------

عملوا مسابقة لأسرع واحد يصطاد أرنب من مغارة مهجورة دخل واحد أمريكي و خرج بعد عشر دقايق و في ايده أرنب بعدين دخل واحد فرنساوي و خرج بعد 7 دقايق و برضه في ايده أرنب.. و بعدين دخل واحد صعيدي..

و بعد ساعة كان لسة ماطلعش فدخلوا عشان يطمنوا عليه.. لقوه ماسك أسد كبير و عمال يضرب فيه و يقوله : ((جول لهم آني أرنب .. جول لهم آني أرنب ))

-------------------------------------------------

واحد بيتصل بأبوه في البيت.. فقاله: الحق يابا آني نسيت المفتاح في الشقة

ابوه: طيب آني عاتصرف.

راح خرج من الشقة و راح يجيب نجار يكسر الباب.

---------------------------------------------------

مع الاعتذار للصعايدة اللي أنا منهم.. :blink: على فكرة الصعايدة هم اللي بيألفوا النكت على نفسهم.. كنوع من الدعابة و خفة الدم

سلام

[ragab2]

مع الاعتذار للصعايدة اللي أنا منهم..  على فكرة الصعايدة هم اللي بيألفوا النكت على نفسهم.. كنوع من الدعابة و خفة الدم

سلام

وأنا صعيدى برضه

ممكن

تخليها واحد بلديتنا

ولا بلاش بلديتنا

أحسن واضح برضه أنها واحد صعيدى

خليها

واحد فلاح أحسن عشان تبقى شايعة

ومش محددة

[دكتور عادل الليثي]

بس لوقلنا فلاح مش هتتفهم

ومش هاتضحك