رغم الشتائم الصفراء..الاهلي يصعد

[se_ Elsyed]

إمبارح لفت نظري خبر غريب جداً بيقول " إن الزمالك هايقترح على الإسماعيلي التضامن معه لتقديم طلب للجنة المنظمة للبطولة العربية بعدم السماح للأندية المشاركة بقيد لاعبين جدد في الادوار القادمة "

وقولت يا واد يا س س إتلم تانتان على تنتن .... واحد إسمعلاوي والتاني زملكاوي ... وربنا يهني سعيد بسعيده وبالرفاء والبنين ...

يعني حتى التنقلات والإضافات الشرعية اللي محللها المجمع الكروي في الفيفا عايزين يحرموها هما لا لشيء إلا إن الأهلي عايز يقيد 3 لعيبه إشتراهم من سوق التلات ...

أقسم بالله إن لو الاهلي كان هو اللي طلب كده كنت كتبت نفس الكلام ...

لأن الفريق اللي واثق من نفسه بيخليه في لعبه وفي حاله ومايهموش من الفرق التانية .. ولا يقوم عمل تربيطات مع الفرق الفقيرة والمحتاجة والتى تضطر لبيع لحمها لكي تعيش ...

[montaser]

إم جرامون

مش عارف تقصد ايه بكلمة تعصب ، وأنا أتكلم على جمهور الكرة في مصر بصفة عامة ، لم أقصد جمهور الأهلي بصفة خاصة وخصوصا أنني فهمت من مقالاتك بأنك تشجع الأهلي .

التعصب يا أستاذ .... هو أن تتعصب لفريق بعينه ...... وأنا أقصد باستاد القاهرة الدولي استاد العباسية لأنه يقع بحي العباسية حسب ما أعرف ، وكذلك مستشفى الأمراض النفسية في العباسية فنقول مستشفى العباسية ، لا يدخلها سوى المجاورين لها .

والحمد لله أنا لا أكذب ولم أتعلم الكذب كي تقول عني بقالك كام سنة موش في مصر ، كيف عرفت أنني بالخارج ، أم عرفت هذا الكلام من ردي على مقال للإستاذ محمد أبو زيد بعنوان خطيب لأبنتي ، وكمان عرفت بأنني أنزل 15 يوم فقط كل سنتين ، هو أنت بتشتغل في ايه علشان تريد أن تعرف كل دي المعلومات ولا تنجيم .

هل ممكن أعرف من أنت ، مع احترامي لشخصك بقولك يا راجل يا طيب ، عنواني : nsheir72@hotmail.com

الخطوط لم تتداخل في بعضها لأن فيه فرق بين الخط الأول والثاني ولون الخطوط أحمر على أرضية بيضاء صفية ، ربنا يكرمنا في الزمالك والاسماعيلي والأهلي ويصلوا جميعا إلى الدور النهائي ، ليرفعوا من الروح المعنوية شويه بدلا من الانحطاط الذي أصاب الشعب بسبب القومي .

[se_ Elsyed]

صلوا عالنبي يا جدعان .. الله يخرب بيت الكوره اللي هاتخل الناس تخسر بعضها ...

إنما قولولي بصراحة وبعيداً عن التعصب :rolleyes: ماحدش شم ريحة طبيخ في ماتش الزمالك والصفاقسي الأخير ... ولا دي كانت تهيؤات إكمن جيراننا في العمارة كانوا طابخين كوسة يوميها وإحتمال إنها شاطط وريحتها فاحت ؟

[Guest Mohd Gramoun]

عجبا يا اخ منتصر... وهل اتهمتك بالكذب لا سمح الله؟؟؟

و كأنك تفهم كلامي بمعني مخطط ثم تأتي لتقول علي لساني ما لم اكتبه او اصرح به... و عجبا... يكاد المريب يقول خذوني....

واسمحلي اصحح معلوماتك لم يكن هناك استاد في العباسية يوما من الايام و لم يأتوا بونش المرور لسحب الاستاد من موقعه المخالف في العباسية أو بجوار مستشفي المجانين التي اشرت اليها و من ثم نقله لمدينة نصر..

انت فكرتني بالجماعة اللي اخدهم سنبل لميدان الحجاز في هليوبليس عشان يحججهم.... :rolleyes:

و بعدين هو انا بقيت وحش للدرجة دي عشان تتنكر من معرفتي... ولا هو ده حال المخططين... يا حاج منتصر انت ناسي اني انا اللي عملت لك الاشتراك بأدي دول؟؟؟؟ يا راجل ياطيب... و ناسي اني عملت لك مشاركة ترحيب و عرفت المنتدي بأنك صديق لي... ولا الصداقة عندك آخرتها فوز للحمر و هزيمة مخططة؟

طيب سي السيد يقول علينا ايه دلوقت؟؟؟ لما يلاقيك عشت في دور الانكار المخطط و بتطلب تراسلني و بتنكر معرفتي؟؟؟؟

اكيد هيقول الجماعة دول حاجة من اتنين... يا حمر يا مخططين...

بمناسبة الشغل... انا شغال في الأمن الغذائي... للغلابة و للأثرياء... و دعواتك ربنا يكرمنا و نسد أفواه الشعب الغلبان الجعان... قبل ما تروح حمرة الخدين و يبقي شعب مخطط

[se_ Elsyed]

و بعدين هو انا بقيت وحش للدرجة دي عشان تتنكر من معرفتي... ولا هو ده حال المخططين... يا حاج منتصر انت ناسي اني انا اللي عملت لك الاشتراك بأدي دول؟؟؟؟ يا راجل ياطيب... و ناسي اني عملت لك مشاركة ترحيب و عرفت المنتدي بأنك صديق لي... ولا الصداقة عندك آخرتها فوز للحمر و هزيمة مخططة؟

طيب سي السيد يقول علينا ايه دلوقت؟؟؟ لما يلاقيك عشت في دور الانكار المخطط و بتطلب تراسلني  و بتنكر معرفتي؟؟؟؟

إيه ده أنا إسمي جه في المحضر !!!

لأ بجد انا أستغربت وكدبت نفسي وقولت لأ دول مش هما !!

لأن حسب علمي أنكم زملاء وكنتوا في معسكر عمل واحد بس الزمن فرقكم لكن تظل الصداقة بين الناس ...

وكما قال حسن الهلالي قبل ما يقتل جعفر في فيلم " عض قلبي " بارك الله في العمل القائم على الصداقة وليست الصداقة القائمة على العمل ولما العمل يخلص الأصدقاء يضربوا بعض بالشلاليت

لكن أرجع وأقول خدوا المسائل ببساطة ياخواننا ومتخلوش الكوره تخلينا نخسر بعض ..

وعلى رأي الكابتن لطيف " الكوره أجوان " وياما الأهلي سك الزمالك والإسماعيلي وحلق لهم رايح جاي .. فده العادي يعني :rolleyes: فمافيش مانع لما الزملكاوية والإسماعلاوية يشوفولهم يومين حلوين قبل ماتيجي الأيام البلاك ...

إحنا جايين نهدي النفوس بس ..

[MuslimaEgyptian]

هممم..مع إنى مش فاهمه حاجه، ولكن حاسه كده إن الكلام عن الإسماعيلى.. :lol: :P

ربنا يستر عليكم لما الاخ شرقيه يقرأه ...حاسه ان الدم هيكون للركب :unsure:

متقولوش انى محذرتكوش :blink: stnd::

والله سعدنا بالقراءه لكم، سنفتقد مداخلاتكم كثيرا :huh:

MuslimaEgyptian,

أهلاويه بالوراثه mfb:

أنا إيه اللى جابنى باب الرياضه، لما ألحق أسيبه قبل ما أتدهس تحت الرجلين لحسن الأخوه واخدين الموضوع جد اوى... :angry:

تم تعديل 21 مارس 2004 بواسطة MuslimaEgyptian

[se_ Elsyed]

أنا إيه اللى جابنى باب الرياضه، لما ألحق أسيبه قبل ما أتدهس تحت الرجلين لحسن الأخوه واخدين الموضوع جد اوى... :lol:

أنا برضوا أستغربت وقولت أيه اللي جاب اختنا مسلمة هنا ..

حاسب يابني ياللي بتحدف طوب إنت .. أيوه انت يـــــا موحبيط انا شايفك وإنت شايل دبشه في أيدك ومعاك زملكاوي عامل فيها قوات إمداد وتموين وعماال يناولك ...

عدي بسرعة وأخرجي يا مسلمه أحسن تجيلك طوبة طايشة كده ولا كده ...

[MuslimaEgyptian]

إحنا برضه كان عشمنا فيك كبير يا أخ سى السيد انك تحوش الطوب عنا، وليس فقط لأنه بند من بنود واجبات المنسق :lol: ...ولكن على الأقل بسبب العيش وال ..أم على :P

بس برضه، متقولوش انى محذرتكوش، أستر ياللى بتستر s-:

يلا، هسيبكم مع كلمه أخيره على الماشى علشان مداخلتين فى باب الرياضه فى يوم واحد عدوا الlimit بتاع السنه بتاعى :angry:

كلكو أخوات فى النهايه وأكيد الكوره مش هتوقع بينكم..

:unsure:

تم تعديل 21 مارس 2004 بواسطة MuslimaEgyptian