رنات التليفون المحمول

[SANAA]

في اخر زياره لي في مصرلاحظت ان تقريبا كل الناس معها موبيل الغريب ان بعض الناس دئب علي ان يرن جرس للاخر فقط ولا يتكلم والاخر يعرف انها فقط رنه

طب ليه؟ ولزمتها ايه؟؟؟

بعض الناس فسرها لي انها بمثابه صباح الخير

البعض الاخر فسرها علي انهاانا فكرك

ومبررات ليس لها نهايه عملت انني فهمت بس لغاية دلوقتي مش قدره اقتنع بهذه الرنه

لماذا نزعج بعضنا الاخر مهو لانتكلم لما نتكلمش

لو فيه حد عنده رد مقنع ياريت يقول

[se_ Elsyed]

لو فيه حد عنده رد مقنع ياريت يقول

إنتِ طيبه قوي يا سناء ...

السبب هو تكلفة المكالمات .. فعلى سبيل المثال المكالمة في الموبيل أبو كرت بتتكلف تقريباً 2 ج للدقيقة والغالبية العظمى في مصر معاها كرت ... فلما اتصل انا على سعادتك علشان أقولك صباح الخير ويكلفني ده 5 أو 6 جنية .. يبقى أحسن لي أخد تاكس وأجي أقولك صباح الخير وأخلي التاكس يستنناني تحت البيت وأرجع فيه ومش هايتكلف نفس المبلغ :blink: :blink:

فيبقى الأحسن نقضيها ميسد كول وشوية شوية أصبح هذا عرف بين الجميع وعادي ..

تصدقي بالله لما بأنزل مصر كام إسبوع بأشتري خط كرات .. اول مره كنت واخد على الخط المفتوح بتاع السعودية وإن الشركة هي اللي بتدفع الفاتورة ده زائد ان المكالمات سعرها منخفض .. المهم إشتريت خط تقريباً بـ 120 جنية وقولت أتصل أسلم على أصحابي .. أفاجأ أن الكرت فرقع في 24 ساعة .. ولقيت اللي حواليه عمالين يضحكوا عليه ...

بعد كده إتعلمت ... إديها ميسد كول .. واللي عايز أكلمه ضروري يبقى من خلال الكرت المنزلي

[SANAA]

بعد كده إتعلمت ... إديها ميسد كول .. واللي عايز أكلمه ضروري يبقى من خلال الكرت المنزلي

طب مانستنا لما نروح البيت ونستعمل الكرت وبلاش الازاعج بالمسد كول

[disappointed]

طب...ده حتّى مرّه واحد معذور فى الفلوس حصل عنده حريقه فى البيت إدى المطافى ميسد كول

:blink: :blink:

[عادل أبوزيد]

هل إستعمال رنات التليفون المحمول وحدها إختراع مصرى ؟ ربما

أنا شخصيا بدأت إستعمالها أخيرا مع إبنى فى السعودية و هو موجود هناك للعمل و معه التليفون من مصر و به خاصية التجوال فى الشهر الأول كانت فاتورته حوالى 3800 جنيه مصرى !!! و من خلال تفاصيل الفتورة مع شرح المسئولين فى موبينيل عرفت أنه لو كلمنى هو تحسب مكالمة دولية من السعودية حسب سعر السعودية أى 8.5 جنيه للدقيقة أما إذا تلقى مكالمة من القاهرة فأيضا تحسب مكالمة دولية و لكن حسب سعر مصر أى 3 جنيه للدقيقة و بعدها تفاهمنا أن يطلبنى و أنا أنهى الإتصال و أطلبه.

و هنا فى مصر لاحظت أن الحرفيين الذين أتعامل معهم يستخدمون فكرة الرنة عندما يريدون الإتصال بى.

و يبدو أن الشباب قد إخترعوا لأنفسهم نوع من اللغة الكودية بإستخدام رنات المحمول و ليس ذلك بغرض التوفير - بابا بيدفع - و لكن نوع من الخلق و الإبداع !!!!

و يصادفنى كثيرا إعلانات عن رنات تليفون حسب الأغانى المعروفة و حقيقة إستعمالات الشباب هنا فى مصر للتليفون المحمول تمثل للعواجيز مثلى لوغاريتمات يصعب حلها.

[se_ Elsyed]

طب...ده حتّى مرّه واحد معذور فى الفلوس حصل عنده حريقه فى البيت إدى المطافى ميسد كول

:blink:  :blink:

وليد لو سمحت ... :blink: مش عايز تريقة على المنايفة .. أنا مناسب منهم وماتجبلناش الكلام .. fsh::

سناء كتبت

طب مانستنا لما نروح البيت ونستعمل الكرت وبلاش الازاعج بالمسد كول

بالعكس ده مش إزعاج .. دي هي دي لغة العصر الحديثة في مصر يا سناء ..

وبعدين الواحد لو إستنى على ما يروح البيت كده هاندخل في المساء .. يبقى علينا صباح ومسا .. يعني فيها إتنين ميسد

[ابو يوسف]

اللى ما تعرفوش ايضا يا خت سناء ... ان الرنات لها مدلولات أخرى غير صباح الخير ...

فهى تستعمل كشفرة على طريقة تجار مخدرات الافلام المصرية .!!

رنه واحدة يعنى انا جاى ..

رنتين ... يبقى مش جاى ...

رنة و تقفل عليا .. يعنى الموضوع تم ..

رنة و ما تقفلش لغاية ما الخط يقطع ... يبقى الموضوع لم يتم ...

وهكذا !!!

لو شركات المحمول خلت الرنة بقرش ضاغ .. كانت كسبت ملايين