أحول الفلوس ليورو... ايه رأيكم؟

[ذهبية]

الامر بسيط جداااا يا جماعة

انتم لما بتروحوا تشتروا دهب ...... مش بتلاقى محلات مكتوب عليها شراء ذهب قديم

المحلات دى تخصصها انها بتشترى الدهب القديم و برضة بتبيع الذهب القديم

بس بتبيعة بكام بقى .......بتمن الذهب و وقت ماانت بتشترى .....بس علية مصنعية 3 جنيهة بس

يعنى شوف انت بقى لما تشترى دهب جديد...... بيكون مصنعيتة كام على الجرام

طبعا احنا بنتكلم الان عن استثمار الفلوس فى الدهب مش على لبسة

و على فكرة ساعات بيكون عندهم دهب شكلة حلو جدا بيتباع يعنى بيكون موضع لوقط لان فية ساعات ناس فعلا بتتزنق

و بتبيع دهب عندها حلو جدا مش مووضع قديم

فالافضل انك تتصاحب على صاحب المحل....... و تاخد منة رقم موبايلاتة و تتفق معاة لما يجى لة قطع دهب حلوة بجد يتصل بيك

و بكدة بتشترى دهب بيكون كويس بسعر كويس جداااا جدااا شكلة برضة كويس

على فكرة يا جماعة فية ناس كتير جداااا من العرسان بتتفق مع اصحاب المحلات دى لو وقع فى ايدهم شبكة

او طقم كامل بيتصلوا بية و يشتريهم كلهم

لانة بجد بيكون وفر فلوس كتيرةةةةةةةةة جدااا

يارب اكون ضيفت لكم اى جديد

[الباشمهندس ياسر]

حط فلوسك ف صورة عقارات

اعقارات دلوقتي لسه مريحة

و هترفع رفعة سوداء قريب

مش مناسب لمن لديهم مبالغ صغيرة

كمان بصراحة ده اللي جابنا ورا

بيوت مقفولة واسعارها بتولع ومحدش مستفيد منها

نفسي نغير وجهة نظرنا شوية

و احي اضيف كمان مشكلة

انك لما تحب تسييل فلوسك هتاخد وقت طويل علي ما تسيلها

بس بالراحة يا عمنا .. انت داخل تتخانق !!!!

[hOuSsAm]

اللى كان بيسال عالاستثمار فى اليورو

اليورو وصل النهاردة 4.63 ريال سعودى انا معرفش كام بالمصرى

وده اسوا انخفاض لليورو امام الدولار وبالتبعية الريال السعودى من يونيو 2006 (لان الريال والدولار مربوطين ببعض)

انا مقدرش انصح حد انه يستثمر فلوسه فى اليورو دلوقتى لانه ممكن ينزل اكتر من كدة بكتير وممكن يطلع (بس الذكاء فى متابعة السوق)

هقول نبذه على سعر اليورو فى السنتين اللى فاتو (معذرة اذا كانت التواريخ مرحلة شوية بس الارقام كنتيجة احصاية مظبوطة)

يونيو 2008 كان سعره 5.8 ريال ( . بتعنى علامة عشرية بس معرفتش اظبط التنسيق)

فى يناير 2009 بدا يهبط لحد موصل سعره 5.3 ريال

فى منتصف 2009 (بداية الازمة العالمية) حتى ما بعد موسم الحج استمر فى الهبوط حتى وصل 4.7 ريال

فى اوائل 2010 بدا يتعافى تانى حتى وصل 5.2 ريال ده لحد ابريل

من اسبوعين كدة بدا فى الهبوط تانى حتى وصل اليوم 4.63 ريال

اللى متابع للامور السياسية والاقتصادية اظن هيبقى اكثر خبرة فى توقع الامور وبالذات المطبخ فى الاتحاد الاوروبى

هذه المعلومات ليست لنصيحة الاستثمار او عدم الاستثمار فى اليورو فقط ولكن الاكثر من ذلك والاهم العاملين فى شركات او اصحاب رؤؤس اموال يتعاملوا مع عملاء بالآجل باستخدام عملة اليورو وده ممكن يترتب عليه خسائر كتيرة جدا جدا قد تؤدى الى الافلاس

بمعنى انت بعت لعميل بضاعة بـ 10000 يورو بما يعادل 46300 ريال (وتم حساب السعر بناء على اسعار التكلفة)

لو السداد بعد 45 يوم وبافتراض ان اليورو وصل لحد 3.5 ريال كدة العميل هيوردلك فلوسك الـ 10000 يورو بما يعاد 35000 ريال يعنى انت فى بيعة واحدة خسران 11300 ريال مبالك فى بقيت العملاء

فعشان كدة ياريت الناس اللى بتشتغل فى شركات تتعامل مع عملاء باليورو تاخد بالها شوية وتبدا تحذر الادارة العليا لو تاخد قرارات بتغيير العملة المستخدة او عمل hedge (انا مش عارف معناها بالعربى بس الاقتصاديين والناس فى البنوك عارفين معناها كويس)

نفس الكلام اللى فوق ينطبق عالفرنك السويسرى بس الفرنك يختلف عن اليورو انه ماسك نفسه شوية سعره مش بيتحرك بسرعة زى اليورو.

اتمنى التوفيق للجميع

حسام عبد الفتاح

[myusername]

اللى كان بيسال عالاستثمار فى اليورو

اليورو وصل النهاردة 4.63 ريال سعودى انا معرفش كام بالمصرى

وده اسوا انخفاض لليورو امام الدولار وبالتبعية الريال السعودى من يونيو 2006 (لان الريال والدولار مربوطين ببعض)

انا مقدرش انصح حد انه يستثمر فلوسه فى اليورو دلوقتى لانه ممكن ينزل اكتر من كدة بكتير وممكن يطلع (بس الذكاء فى متابعة السوق)

هقول نبذه على سعر اليورو فى السنتين اللى فاتو (معذرة اذا كانت التواريخ مرحلة شوية بس الارقام كنتيجة احصاية مظبوطة)

يونيو 2008 كان سعره 5.8 ريال ( . بتعنى علامة عشرية بس معرفتش اظبط التنسيق)

فى يناير 2009 بدا يهبط لحد موصل سعره 5.3 ريال

فى منتصف 2009 (بداية الازمة العالمية) حتى ما بعد موسم الحج استمر فى الهبوط حتى وصل 4.7 ريال

فى اوائل 2010 بدا يتعافى تانى حتى وصل 5.2 ريال ده لحد ابريل

من اسبوعين كدة بدا فى الهبوط تانى حتى وصل اليوم 4.63 ريال

اللى متابع للامور السياسية والاقتصادية اظن هيبقى اكثر خبرة فى توقع الامور وبالذات المطبخ فى الاتحاد الاوروبى

هذه المعلومات ليست لنصيحة الاستثمار او عدم الاستثمار فى اليورو فقط ولكن الاكثر من ذلك والاهم العاملين فى شركات او اصحاب رؤؤس اموال يتعاملوا مع عملاء بالآجل باستخدام عملة اليورو وده ممكن يترتب عليه خسائر كتيرة جدا جدا قد تؤدى الى الافلاس

بمعنى انت بعت لعميل بضاعة بـ 10000 يورو بما يعادل 46300 ريال (وتم حساب السعر بناء على اسعار التكلفة)

لو السداد بعد 45 يوم وبافتراض ان اليورو وصل لحد 3.5 ريال كدة العميل هيوردلك فلوسك الـ 10000 يورو بما يعاد 35000 ريال يعنى انت فى بيعة واحدة خسران 11300 ريال مبالك فى بقيت العملاء

فعشان كدة ياريت الناس اللى بتشتغل فى شركات تتعامل مع عملاء باليورو تاخد بالها شوية وتبدا تحذر الادارة العليا لو تاخد قرارات بتغيير العملة المستخدة او عمل hedge (انا مش عارف معناها بالعربى بس الاقتصاديين والناس فى البنوك عارفين معناها كويس)

نفس الكلام اللى فوق ينطبق عالفرنك السويسرى بس الفرنك يختلف عن اليورو انه ماسك نفسه شوية سعره مش بيتحرك بسرعة زى اليورو.

اتمنى التوفيق للجميع

حسام عبد الفتاح

شكرا جزيلا يا استاذ حسام عالمشاركة القيمة دى. wst::

فعلا.. اليورو وصل لادنى سعر من 4 سنين.. و ده بسبب ازمة اليونان و اسبانيا.... و لكن هذا لا يمنع انه لا يزال عملية قوية.. و اوروبا ستتعافى قريبا من الازمة باذن الله.

و مع ذلك... اللى عايز يتاجر او يستثمر.. لازم يعتمد على فكرة تنوع الاستثمارات... او بمعنى آخر عدم وضع البيض كله فى سلتون واحدتون.

يعنى مينفعش حد يحط فلوسه كلها فى عملة او فى البورصة.. و لكن لازم يعمل عملية تنويع.... و يجمع بين الاستثمارات ذات الاجل الطويل و الاجل القصير... و كمان يحتفظ بنسبة سيولة لا تقل عن 20%... لان فيه قاعدة ذهبية فى البورصة بتقول: الكاش هو الملك.

فى رأيى الشخصى... انا وصلت لقناعة مفادها... ان اللى عايز يحتفظ بقيمة فلوسه.. يستثمر فى الذهب.. او فى العقارات.... لان الاتنين دول اكتر حاجتين مبتفقدش قيمتها الفعلية (على الرغم من كون القيم متغيرة بالسلب او الايجاب)... و كمان بتخضع لعملية العرض و الطلب فى السوق... مما يؤدى حتما الى وجود ربح عالمدى الطويل.

[ذهبية]

تكملة لكلامكم الذهب وصل معدلات لم تصل من قبل وصل لاعلى رقم لة و هو

عيار 21 عمل 195 جنيهللجرام الواحد

يعنى زى ما قولت قبل كدة احسن استثمار الذهب

نزل بعد اسبوع ووصل الى 190 وطبعا برضة عالى جدااااا

لاحظوا المشاركة السابقة لى كان العيار بكام و الان اصبح كام