البطاقة الانتخابية

[crossfield]

من حوالى خمس سنين تقريباً قبل انتخابات الرئاسة بشهر وشوية خدت بالى أنا و زوجى العزيز ان مالناش بطاقات انتخابية و قلنا عيب قوى تبقى انتخابات الرياسة على الأبواب و نقف احنا نتفرج ولاننا من مواليد السبعينات لازم نقدم طلبات للحصول عليها.

المهم رحنا قسم الشرطة اللى نتبعه (تابع محل الميلاد) و ملينا استمارات واتقال لنا بعد اسبوعين تلاته و عدى بعد الأسبوعين اسبوعين تانيين و يمكن اكتر و الرد فى كل مرة لسه لسه لحد ما خلصت الطبخة و كل عام و انتم بخير.

بصراحة من ساعتها ما سألناش عن البطاقات تانى لكن هنحاول تانى الأسبوع ده لكن انا متوقعة اننا هنضطر نقدم طلب أو استمارات جديدة و احتمال نفس السيناريو يتكرر

يا ترى حد هنا طلع بطاقة انتخابية فى الفترة الأخيرة دى؟ الموضوع كان عامل إزاى؟ سهل يعنى و الا برضو فوت علينا بكره؟

[crossfield]

النهاردة زوجى أخبرنى بإن زميله فى العمل (و هو رجل مهتم بالسياسة) نصحه بالانضمام للحزب الوطنى علشان الموضوع يخلص هوا :ninja:

هل ده معقول ؟ يعنى أروح ابيع نفسى للحزب الأول علشان اطلع بطاقة انتخابية أبيعه بيها؟ وهل همه عبط قوى كده؟ طيب ما البلدكلها تنضم للحزب و تطلع بطاقات و تصوت لحد من برة الحزب !!!!!. مش فاهمة حاجة :sad:

[crossfield]

أنا هافضل أكلم نفسى هنا كده كتير :unsure:

ما هو يا إما الموضوع مش مهم و الناس فاقدة الأمل تماماًفى أى تغيير

يا إما الكل مظبط حاله و مطلع بطاقة انتخابية من زمان و أنا اللى راحت عليه :sad: بما ان محدش هيكتب حاجة هنا هاسأل نفسى سؤال و امشى: يا ترى الأخوة الأعضاء المقيمين بالخارج هيروحوا السفارة المصرية يوم الانتخابات و يدوا أصواتهم؟ :unsure:

تم تعديل 17 مارس 2010 بواسطة crossfield

[لونا]

أنا هافضل أكلم نفسى هنا كده كتير :unsure:

ما هو يا إما الموضوع مش مهم و الناس فاقدة الأمل تماماًفى أى تغيير

يا إما الكل مظبط حاله و مطلع بطاقة انتخابية من زمان و أنا اللى راحت عليه :hi: بما ان محدش هيكتب حاجة هنا هاسأل نفسى سؤال و امشى: يا ترى الأخوة الأعضاء المقيمين بالخارج هيروحوا السفارة المصرية يوم الانتخابات و يدوا أصواتهم؟ :unsure:

ما عاش و لا كان اللي يسيبك تكلمي نفسك.. :sad:

لأ طبعا الموضوع مهم جدا..

أنا ما عنديش بطاقة إنتخابية و لا زوجي عنده

لأننا كنا فاقدين الأمل في التغيير ..

و دلوقت بعد هذا الحراك السياسي ما ينفعش برضه ...ليه ؟

إحنا مغتربين و لا يسمح لنا بإدلاء أصواتنا في السفارة المصرية :P

[se_ Elsyed]

النظام .. النظام يا بشر

العمليه مش هوجه لأن في واعيد معينه لأستخراج بطاقة أنتخابية وصوتنا أتنبح في الموضوع التالي

عزيزي المواطن .. بادر بأستخراج البطاقة الأنتخابية .. مع تحيات هيئة الأستعلامات السينسينية

هارد لك يا أم عمرو ... ونشوفك كمان 5 سنين

إنتي كده كبيرك تلحقي إنتخابات الرئاسة في 2011 عشان تروحي تختاري

1- نعم لمبارك

أو

- نعمين لمبارك

أما إنتخابات مجلس الشيعب ... فراحت منك الفرصة ..

عارفه لو كنتي ساكنه في مدينة نصر ... السلاب بيقدم وجبات كومبو لكل واحد يرشحه .... إنما إيه .. سخنه وسبايسي مع أب سايز بيبسي وفرينش فرايز ... والمفاجآه .. 3 بواكي كاتشب وباكوين ماينوزير كمان .. بصراحة أنا لو في مصر هانتخبه 5 مرات ... عشان أخد خمس وجبات ليه وللعيال .. خليهم يتبسطوا ويفرحوا ... أنا مش حارم عيالي من اي حاجه بصراحه

[se_ Elsyed]

إحنا مغتربين و لا يسمح لنا بإدلاء أصواتنا في السفارة المصرية :unsure:

ممكن يا لونا

لو السفارة ضمانه إنك هاتنتخبي مبارك .. هايسمحوا لك تدلي بصوتك ... وكمان هايدوا لك ربع كبسة دجاج ... بس للأسف مش بمزاجك تختاري القطعية ... يعني حظك جه جناح .. ماشي ... دبوس ما يضٌرش ....

[لونا]

إحنا مغتربين و لا يسمح لنا بإدلاء أصواتنا في السفارة المصرية :ninja:

ممكن يا لونا

لو السفارة ضمانه إنك هاتنتخبي مبارك .. هايسمحوا لك تدلي بصوتك ... وكمان هايدوا لك ربع كبسة دجاج ... بس للأسف مش بمزاجك تختاري القطعية ... يعني حظك جه جناح .. ماشي ... دبوس ما يضٌرش ....

طيب و بالنسبة لانتخابات مجلس الشيعب ؟

تفتكر أروح أرشح مين يمكن يطلع لي في البخت وجبة الطازج و لا حاجة ..

أهي حاجة مفتخرة برضه :unsure:

[crossfield]

النظام .. النظام يا بشر

العمليه مش هوجه لأن في واعيد معينه لأستخراج بطاقة أنتخابية وصوتنا أتنبح في الموضوع التالي

عزيزي المواطن .. بادر بأستخراج البطاقة الأنتخابية .. مع تحيات هيئة الأستعلامات السينسينية

هارد لك يا أم عمرو ... ونشوفك كمان 5 سنين

إنتي كده كبيرك تلحقي إنتخابات الرئاسة في 2011 عشان تروحي تختاري

1- نعم لمبارك

أو

- نعمين لمبارك

أما إنتخابات مجلس الشيعب ... فراحت منك الفرصة ..

عارفه لو كنتي ساكنه في مدينة نصر ... السلاب بيقدم وجبات كومبو لكل واحد يرشحه .... إنما إيه .. سخنه وسبايسي مع أب سايز بيبسي وفرينش فرايز ... والمفاجآه .. 3 بواكي كاتشب وباكوين ماينوزير كمان .. بصراحة أنا لو في مصر هانتخبه 5 مرات ... عشان أخد خمس وجبات ليه وللعيال .. خليهم يتبسطوا ويفرحوا ... أنا مش حارم عيالي من اي حاجه بصراحه

يعنى ايه يعنى مش هاعرف اطلع بطاقة

طيب ايه رأيك بقى يا ابو االسيد انى هاثبتلك فشل نظريتك دى

مش ميعاد استخراج بطاقة خلص

و انا مش ساكنة فى مدينة نصر

و حياة من جمعنا هنا من غير مناسبة :unsure:

لانضم للحزب الوطنى

و اطلع بطاقة انتخابية و انا قاعدة فى البيت

و اقول لععععععععععععععععععععععععع

مش مهم يزوروا النتيجة المهم الواحد يحس انه لسه يقدر يقول لأ

انتظروا المفاجأة.

[Ambitious]

لا يا أبو الأسيان .. كان النظام كده فعلا بس دلوقتى صدر حكم من المحمكة الإدارية العليا بإتاحة الحصول على البطاقة الإنتخابية فى أى وقت من السنة وفى أصدقاء ليا طلعوها فعلا الشهر اللى فات ..