تعلموا الاستعباط السياسي من التجمع والوفد!

[Sherief AbdelWahab]

لكل شيء ثقات حتى الاستعباط..

حزبان كبيران "شرعيان" من أكبر الأحزاب في مصر.. الصلاة على النبي.. بلا موقف واضح من انتخابات الرئاسة ، ولا الانتخابات البرلمانية..

طوال الأيام الماضية هات يا هجوم على البرادعي..

ماشي..

انتم حترشحوا مين للرئاسة لو البرادعي وحش؟

مفيش إجابة..

انتم حترشحوا حد لمجلس الشعب؟

مفيش إجابة..

وآل إيه.. فيه كلام إنهم بيقرنوا مشاركتهم "الجادة" بتغيير الدستور!

يا سلاااااام..

بيهاجموا الحزبوطني في جرايدهم وبيكتبوا همة في جرايد الحزبوطني!

بيشحنوا الناس على النظام وهمة ما بيقدموش أي بديل أو مشروع واضح!

بيتهموا الناس بالسلبية بينما همة سلبيين بلا سبب ولا مبرر ولا داعي!

يدعموا مظاهرات واعتصامات لكن الانتخابات.. حاشا لله..

وبيتكلمولك عن الدستور في الوقت اللي رشح فيه الوفد المرة اللي فاتته رئيسه كرئيس للجمهورية ، وكان التجمع عن نفسه حيعملها..

هل يدرك الحزبين خطورة اللي بيعملوه؟

خلص الكلام

[Alshiekh]

لكل شيء ثقات حتى الاستعباط..

حزبان كبيران "شرعيان" من أكبر الأحزاب في مصر.. الصلاة على النبي.. بلا موقف واضح من انتخابات الرئاسة ، ولا الانتخابات البرلمانية..

طوال الأيام الماضية هات يا هجوم على البرادعي..

ماشي..

انتم حترشحوا مين للرئاسة لو البرادعي وحش؟

مفيش إجابة..

انتم حترشحوا حد لمجلس الشعب؟

مفيش إجابة..

الرد بسيط يا استاذ شريف

" اللى اختشوا ماتوا "