النقض تلغي إعدام 10 متهمين باغتصاب سيدة بكفر الشيخ

[Simba]

قضت محكمة النقض في جلستها الثلاثاء بنقض الحكم الصادر عن محكمة جنايات كفر الشيخ والقاضي بمعاقبة عشرة أشخاص بالإعدام شنقا والسجن المشدد لمدة 15 عاما لمتهم آخر لادانتهم باختطاف سيدة من منزلها واغتصابها عنوة والاعتداء عليها .

وقررت المحكمة إعادة المحاكمة أمام دائرة أخرى من دوائر محكمة جنايات كفر الشيخ غير التي أصدرت حكمها بإدانة المتهمين .

وتعود القضيه إلى عام 2006 حيث أقدم المتهمون ال 11 على اختطاف سيدة تحت تهديد السلاح من داخل منزلها بقرية الحمراوي محافظة كفر الشيخ ومنعوا الجيران فى البناية السكنية من التدخل لإنقاذها عقب سماعهم لصرخات استغاثتها من خلال تهديدهم بأسلحة نارية وبنادق آلية ومسدسات واقتادوا السيدة بالقوة داخل سيارة أجرة ميكروباص تابعة لهم وفروا بها إلى منطقة زراعية نائية حيث تناوبوا الاعتداء عليها واغتصابها لأكثر من 3 ساعات وأجروا اتصالات بأصدقاء لهم ليحضروا ويشاركوهم إلى أن أغشي عليها وفقدت الوعي.

واكتشف أحد المتهمين المشاركين في الجريمة إنها زوجة صديق له فقام بإبلاغ زوجها الذي اتصل بدوره بالشرطة إلا أن المتهمين استمروا في اغتصابها وسرقوا مجوهراتها وتبادلوا إطلاق النيران مع قوات الأمن التي طوقتهم إلى أن ألقي القبض عليهم وتم إحالتهم إلى النيابة العامة التي وجهت لهم تهم الاختطاف والاغتصاب تحت تهديد السلاح والسرقة بالإكراه وأحالتهم إلى محكمة الجنايات التي قررت معاقبة 10

منهم بالإعدام شنقا فيما عاقبت صبيا شارك في الجريمة بالسجن المشدد 15 سنة.

لحد هنا وأنتهي الخبر نقلا عن احد مواقع الاخبارية

بس لحد هنا وزادت الدهشة ما بعدها دهشة .... لو الست دي فعلا تم اغتصابها بالطريقة دي وبالوحشية دي من سنة 2006 ولحد دلوقتي تقريبا 4 سنين ونص القضية بتتدوال في المحاكم

مع احتمال ان الجناة يفلتوا فعلا من عقاب رادع علشان يخرج كل واحد منهم من السجن مسخ يهدد الناس واعراضهم

4 سنين ونص ولسه الست المغتصبة حاسة ان الوحوش دول بيتنفسوا وياكلوا ويشربوا زي الني آدمين العاديين

[doha]

مش عارفه القصة فيها حاجه مش مظبوطه ..

يعني رايحين يجيبوها هي بالذات من بيتها مخصوص ليه ؟

والراجل ( الشهم ) الي تعرف عليها وعرف انها مرات صاحبه فبلغه .. مكانش عارف ان البيت ده بيت صاحبه وهم بياخذوها منه ؟

و 11 واحد باسلحه وميكروباص وهلومه .. زانقين نفسهم في ست وحده ليه ؟ مراحوش خطفوا لهم خمس ست ستات ليه ؟

بقولكم .. الموضوع كله فيه حاجه مش مظبوطه ..

[سهران]

مش عارفه القصة فيها حاجه مش مظبوطه ..

يعني رايحين يجيبوها هي بالذات من بيتها مخصوص ليه ؟

والراجل ( الشهم ) الي تعرف عليها وعرف انها مرات صاحبه فبلغه .. مكانش عارف ان البيت ده بيت صاحبه وهم بياخذوها منه ؟

و 11 واحد باسلحه وميكروباص وهلومه .. زانقين نفسهم في ست وحده ليه ؟ مراحوش خطفوا لهم خمس ست ستات ليه ؟

بقولكم .. الموضوع كله فيه حاجه مش مظبوطه ..

أتذكر أن كان فيه خصومة بين زوج السيدة المغتصبة و أحد أفراد المغتصبين لرفضه زواجه من أخته ....

الزوج ذكر ده في برنامج تليفزيوني بعد الحكم باعدامهم .... القصة بوقائعها المؤلمة حدثت و سبق فتح موضوع بالمحاورات به الكثير من التفاصيل المحزنة .

أكتر من أربع سنوات و لسة فيه نقض للحكم في قضية تبدو محسومة و تهز أركان أي مجتمع .....

و لسة بيسألوا عن سبب العنف الموجود بالشوارع و جرائم القتل اللي بتحصل كل ساعة ......

مش قادرين يفهموا أن الناس بتعيش حالة من غياب العدل و غياب القانون ...... ربنا يرحمنا برحمته الواسعة .

تم تعديل 16 مارس 2010 بواسطة سهران

[Simba]

مش عارفه القصة فيها حاجه مش مظبوطه ..

يعني رايحين يجيبوها هي بالذات من بيتها مخصوص ليه ؟

والراجل ( الشهم ) الي تعرف عليها وعرف انها مرات صاحبه فبلغه .. مكانش عارف ان البيت ده بيت صاحبه وهم بياخذوها منه ؟

و 11 واحد باسلحه وميكروباص وهلومه .. زانقين نفسهم في ست وحده ليه ؟ مراحوش خطفوا لهم خمس ست ستات ليه ؟

بقولكم .. الموضوع كله فيه حاجه مش مظبوطه ..

الحاجة اللي مش مظبوطة في القصة انها تفضل موجودة علي الساحة لحد دلوقتي وتتدوال في المحاكم لاكتر من اربع سنين ونص

بعدين الراجل الشهم اللي هو مش شهم واعتبر شاهد مالك هما اتصلوا عليه علشان ياخد نصيبه من الدبيحة فلما راح عرف انها زوجة فلان وبعد ما خدها ومشي طاردوه وكان فيه ضرب نار وحاجات كده ده علي لسان القاضي في برنامج حواري بعد النطق بالحكم

القصة حصلت فعلا وشاهد الملك بياكد علي اقوال علي الضحية لكن شغل المحامين بقي

[Morial]

العدل البطيء ظلم بيًن

[Alshiekh]

الخبر عندما صدر الحكم باعدامهم مع التفاصيل

[wsadani]

انا مش فاهم اسباب النقض ايه

[الغريب]

مش عارفه القصة فيها حاجه مش مظبوطه ..

يعني رايحين يجيبوها هي بالذات من بيتها مخصوص ليه ؟

والراجل ( الشهم ) الي تعرف عليها وعرف انها مرات صاحبه فبلغه .. مكانش عارف ان البيت ده بيت صاحبه وهم بياخذوها منه ؟

و 11 واحد باسلحه وميكروباص وهلومه .. زانقين نفسهم في ست وحده ليه ؟ مراحوش خطفوا لهم خمس ست ستات ليه ؟

بقولكم .. الموضوع كله فيه حاجه مش مظبوطه ..

يعني أحنا يا ست ضحى كل حاجة كدة مش فاهمنها حتى القضايا الجنائية ، دي بقت مشكلة كبيرة والله فعلا مش مصدقين أي حاجة حولينا فعلا ، بنعاني من عدم المصداقية ، وده طبعا نتيجة للقرصات الماضية التي مرت بنا..

الواحد بيحس أن كل حاجة بقت مطبوخة ومعمولة في البلد دي ، في أصابع خفية في كل حاجة في البلد ، حتى الاعلام الواحد مبقاش يثق فيه ..

[se_ Elsyed]

تفاصيل الجريمة باختصار

- كل دول تجار مخدرات في قلب بعض

- واحد منهم راح يتقدم لاخت صاحبه .... هههههههه رفضه لأنه تاجر مخدرات :unsure:

- قرر إنه ينتقم منه ويخطف أخته ويعمل فيها كده عشان يحرق قلبه

- راح أجر الكلاب دول ...

- أقتحموا البيت خبطوا عالباب .. مين اللي فتحت ؟

- زوجة الراجل اللي عاوزين يتجوزوا اخته ...

- طبعاً هما مش في وضع إختيار .. راحوا خاطفين اللي طلع في إيدهم ...

- العروسة المستهدفة كانت في الشقة التانية اللي قصاد شقة أخوها ... سمعت دوشة خرجت شافت منظر يشيب له ريش الكتكوت ..

- كل العصابة دي نازلين عالسلم وشايلين الست هيلا بيلا وماشيين بيها

- صوتت الجيران أتلموا والشارع كله أتلم ... وولا واحد قدر يقف في طريق الناس دي أو يبلبغ الشرطة من الخوف وهما شايفين كل التفاصيل .... تخيلوا ؟

وخدوا الست بقى وحصل اللي حصل

بالمناسبة ... بعدها بشهور قليلة جداً الزوج إتقبض عليه في قضية تجارة مخدرات وهو مسجون دلوقت

شوفتوا دفاع المتهمين قايل إيه في مذكرة الدفاع عن الباطل ؟ - تابع موضوع محامي ولكن - حسبي الله ونعم الوكيل ... قال إن المتهمين كانوا تحت تأثير المخدرات .. كمان المتهمة كانت لابسه ملابس مُثيرة .... آه صح ملابس مثيرة .. واحده قاعده لا بيها ولا عليها في شقتها وبراحتها .. إزاي تلبس كده .. ما عندهاش حق بصراحه

شوفتوا فسق وفجور أكتر من ذلك ؟

[wsadani]

انا مش فاهم اسباب النقض ايه

[se_ Elsyed]

انا مش فاهم اسباب النقض ايه

قالت المحكمة فى حيثيات النقض إن حكم الجنايات شابه الفساد فى الاستدلال والقصور فى التسبيب.

والعملية في النملية والفيل في المنديل والمورتا في قعر الحله

أقسم بالله قمة التهريج القانوني ... ويقول لك لا تعقيب على احكام القضاء ؟

عاوز أفهم ... الجريمة تمت ولا ما تمتش ؟

الست تعرضت لأبشع انواع التعذيب البدني والنفسي اللي ممكن حد يتعرض له في التاريخ كله ولا لأ ؟

الكلاب نفذوا الجريمة كما ذُكرت بحذافيرها ولا لأ ؟

أستدلال وسبب إيه بقى ؟

يا أخي حتى لو من غير سبب .. يستحقوا الأعدام ولا لأ ؟

وبعدين إيه حكاية تحت تأثير المخدر دي ... دي مسخره والله

[الغريب]

المشكلة أني فاكر لما الموضوع ده حصل الناس كلها تقبلتها بسعادة بالغة لأنه وضع حد لمهازل التعدي والاغتصاب وكان بمثابة نذير لمحدثي التحرش الجنسي في البلد وكل الناس يوميها دعت للقاضي الهمام اللي حكم على العشر كلاب بالإعدام دون رحمة ، بس تقول ايه ، آآآآآآآآآآآآآه يابلد

[اغابي]

أتذكر أن كان فيه خصومة بين زوج السيدة المغتصبة و أحد أفراد المغتصبين لرفضه زواجه من أخته ....

الزوج ذكر ده في برنامج تليفزيوني بعد الحكم باعدامهم .... القصة بوقائعها المؤلمة حدثت و سبق فتح موضوع بالمحاورات به الكثير من التفاصيل المحزنة .

أكتر من أربع سنوات و لسة فيه نقض للحكم في قضية تبدو محسومة و تهز أركان أي مجتمع .....

و لسة بيسألوا عن سبب العنف الموجود بالشوارع و جرائم القتل اللي بتحصل كل ساعة ......

مش قادرين يفهموا أن الناس بتعيش حالة من غياب العدل و غياب القانون ...... ربنا يرحمنا برحمته الواسعة .

وانا راى مع حضرتك برضوه

وكمان العنف انتشر اوى طب دا حادث محزن ومؤسف حصل امبارح جريمة قتل جوه مدرسة بالاسماعيلية

الإسماعيلية- أ ش أ

لقى طالب مصرعه وأصيب آخر بجروح خطيرة إثر اندلاع مشاجرة بينهما وأهالى المجنى عليه بإحدى المدارس بمدينة الإسماعيلية .

وترجع احداث الواقعه اثر وقوع مشاجرة بين المجنى عليه وزميلة بالمدرسة ويدعى أحمد علي حتى طعنه بسلاح أبيض ولقى مصرعه وبعد ذلك تجمع العشرات من أهالي القتيل بالمدرسة وقاموا بضرب القاتل مستخدمين العصي الغليظة والأسلحة البيضاء وحطموا عددا من الآثاثات والممتلكات العامة بالمدرسة وفروا هاربين تاركين القاتل في حالة حرجة وتم نقله إلى مستشفي جامعة قناة السويس التعليمي مصابا بجروح متفرقة بأنحاء الجسد ومنطقة الرقبة .

وقد تلقى أمن الإسماعيلية إخطارا بوفاة محمد خلف 14 عاما طالب بالمدرسة الزخرفية بمدينة الإسماعيلية نتيجة تلقيه طعنه نافذة بسلاح أبيض بمنطقة البطن .

وقد تم إلقاء القبض علي عدد من أهالي المجنى عليه الذين شاركوا في المشاجرة وتولت النيابة العامة التحقيق .

قمة الهمجية - ايه داه

[sarmar]

حسبى الله ونعم الوكيل بصراحة مش عارف لية كل شىء فى مصر بيتحول لأزمة وأزمة كبيرة

يعنى ماورد من عمنا الاستاذ سى السيد بيكفى كلمة واحدة من كلامة الا وهى هل الجريمة وقعت ام لا ؟ بصرف النظر عن وجود خصومة او تار او اى شىء وهذا لايعطية الحق ان يقوم بمثل هذا الجرم الفظيع انهم يفسدون فى الارض لابد من تنفيذ حكم اللة فيهم ومن يقول انة لاتعقيب على حكم القضاء خطأ بين وواضح لان القاضى انسان طبيعى جدا ممكن لة ان يصيب وممكن لة ان يخطأ

اللهم لاتصلت علينا بذنوبنا من لايخافك ولايرحمنا

[فــيــروز]

اليوم فى المينى باص ضربت بعينى فى جريبدة الراكب أمامى و قرأت الخبر و شعرت بغصّه شديده فى حلقى واللهِ .. :unsure:

ما هذا الفُجر المُقنّن !!

تخيّلوا أن المتّهمين -أو أهلهم- بعد صدور الحكم بالإعدام كان تعليقهم : تعدموا كل دول عشان واحده !!

تخيّلوا السفاله !! ألا يُعتَبر هذا اعترافا صريحا و استهانه شديده بقيمة البشر !!

طيب أمّا إحنا بنعامل بعض بالوِقّه و بالكيلو ولا نكترث كثيرا لاغتصاب امرأه و نستكثر إعدام 10 من أجل "واحده" لمجرّد أن عددهم كبير و نتجاهل أن العشره مذنبون و من ثمّ يستحقّوا العقاب .. لماذا نستغرب أن تعاملنا حكومتنا بنفس المنطق ولا تهتز لسقوط ضحايا إلاّ إذا كانوا بالمئات أو الآلاف و أقل من هذا أمر عادى و مقبول ولا يُحرّك لها جفن بينما مثلا سقوط قتيل واحد فى موسم الحجّ بسبب الزحام أو التدافع يستدعى التحقيق و التقصّى و محاولة بذل الجهد لضمان عدم تكرّر الأمر !! حسبنا الله و نِعم الوكيل ..

[Amr Radwan]

انا استغربت جدا لما قرأت الموضوع ..

جت فترة و انتشرت جرائم الاغتصاب و كان اغربها القصة دي .. واحدة واقفة في البلكونة ندهوا عليها ال 10 حيوانات و نص (طفل كان معاهم عاوز يبقي راجل) دول رفضت و دخلت شقتها قاموا طالعين و كاسرين الباب و شايلينها و ماشيين و الناس واقفة تتفرج و خايفين منهم عشان السلاح الابيض و السلام اللي معاهم ..

بجد قصص افلام ما كنت اتخيل ابدا ان ده يحصل في مصر

طبعا الناس في مصر كلها زاطت و قالت ازاي ده يحصل .. فينك يا حكومة .. فينك يا بوليس .. فينك .. يا .. ... قوم اية .. قالوا هيكون فيه عقوبات بالاعدام .. و فعلا .. كان الحكم بالاعدام و ظهر الموضوع ده في برنامج العاشرة مساءا علي ما اتذكر علي انه انتصار للحرية و هزيمة للجريمة التي لا تفيد .. و انا قلت خلاص الحمد لله الجريمة لا تفيد و الدنيا حلوة .. و لكن طلعت غلطان و ان بعد كده طلعت القضية علي فشوش و الموضوع ان الهانم كانت لابسة في بيتها ملابس متحررة .. و يا عيني ال10 شباب و نص اللي واقفين برا .. كانو شاربين مخدرات و يا عيني ما استحملوش و طلعوا شالوها هيلا بيلا (علي راي س س ) و اخدوها الي المقر الخاص بهم .. فكروني بمسرحية الهمجي ..

و الله ده تهريج ..

و لسه ..