سلوكيات مرفوضة اثناء السفر بالطيران

[fatfouta]

بصراحة يا جماعة وماحدش يزعل فى ناس كتير بتبقى وجهة سيئة جداا فى المطارات

وتلاقيهم بيعملوا حاجات غريبة جداا

هحكيلكم على بعض المواقف اللى شوفتها

فى الأجازة اللى فاتت واحنا راجعين طبعا وفى مطار الملك خالد........شفت منظر رهييييييب بمعنى الكلمة والله

كنا واقفين عالسير ومستنيين الشنط بتاعتنا وبصراحة كانت رحلة صعبة من اول البوردينج فى مصر اللى كان زحمةةةةةةةة والجوازات ووقفتها الازحم والعيال بيزنوا بقى وحاجة رهيبة وكمان طلعنا الطيارة قعدنا ساعة ونص تأخير فيها بدون مكيفات وكل الناس اتخنقت

بعدين هبقى احكى عاللى حصل فى الطيارة

المهم واحنا واقفين عالسير بنبص لقينا السير مطلع ايه بقى...........ازايز زيت تموين مربطة فى بعضها

برطمانين سمنه بلدى من الكبار اللى هما اتنين كجم تقريبا

جالونات من اللى هى البلاستيك دى اللى هى 2 لتر فيها كركديه وتمر هندى

شوال ارز كبير

واكياس سكر

والله العظيم انا شوفت الكلام ده بعينى ماشى عالسير ولسه بقول ممكن الحاجات دى تتفتح وتبهدل الشنط الباقيه..........ومافيش والله والناس لقت ازازة زيت اتفتحت وغرقت السير

وجالون التمر هندى اتقلب ومال ووقع كل اللى فيه

وبقت العمليه زيت على تمر هندى والارز شغال يلف فى السير ويتزيت ويتمرر بالتمر الهندى.......وحاجة والله تكسفففففف

الحمد لله السمنة مادلقتش.......دى كانت هتبقى فضيحة والله عيب كده

انا عن نفسى والله بقيت عاوزة الارض تنشق وتبلعنى من المنظر

طلعت الحاجات لعائلة ست وولادها وجوزها يعنى مابقوش عارفين يلموا الحاجة اذاى ولموا اللى لموه وسابو الباقى وطبعا السير اتبهدل خالص ونيل كل الشنط ومنهم طبعا شنط من باعتنا مثلا تلات شنط اتزيتوا والحمد لله وبقينا طالعين بيهم شكلهم فظيع......

كانت منظر شنطتنا بتفكرنى بزمان لما كان ياخد معاه طعمية فى الشنطة وتفتح بقى والشنطة تتزيت ويبقى شكلها شاعرى اوى

كان نفسى اخد الست على جمب واقولها ليه ده كله ما كل ده موجود هنا والله......واللى اكتشفتوا انهم كانوا فى اجازة وراجعين يعنى مش اول مرة........

يعنى كل مرة بيعملوا كده؟؟؟ بصراحة شئ صعب جداااااااا

حد عنده مناظر شافها وضايقته فى المطارات المختلفة؟؟؟ انا شخصيا عندى كتير هقولكم عليه

تم تعديل 18 مارس 2010 بواسطة Mohammad
تعديل العنواب

[لونا]

حرام عليكي يا فتفوتة انت بتجيبي الناس اللي بتشوفيها دي منين ؟؟

عن نفسي عمري ما شفت مصريين يكسفوا في المطار.. و الحمد لله

زيت تموين و سكر :unsure: لا حول و لا قوة إلا بالله

طيب لما يخلصوا ما هم حيشتروا تاني من هنا هيوفروا قد إيه يعني؟

و بعدين اللي عايز يجيب حاجة يتعلم يلفها كويس يا إما ما يجيبش أحسن

و ما يجيبش غير اللي مش موجود هنا فقط

[Amr Radwan]

يعني هو خلاص مش لاقيين حاجة عن المصريين نتكلم فيها الا عن الحالة الشاذة اللي حصلت في المطار :(

طبعا ده مش من الطبيعي يحصل .. انا سافرت كتير و مطارات مختلفة و مش فاكر ان فيه حاجة زي كده حصلت و لو حصل فعلا فده مشكلة البشوات اللي سمحوا للحاجات دي انها تتننقل و المعروف و المتعارف عليه ان اي شنطة للراكب مش بيكون فيها لا سوائل و لا اي زجاجات مضغوطة مثل البروسول و غيرها لانها بتكون قابلة للانفجار و الاشتعال .. فما بالكم انها تكون ظاهرة للجميع بالمنظر ده ...

يعني من الاخر انا شايف اذا كان فيه حد "مصري" قليل الخبرة بالسفر و واخد الحاجات دي معاه المفروض ان الموظف المحترم اللي بيعمل له البوردنج في مصر ما يسمحش بالحاجات دي انها تتنقل اساسا

[fatfouta]

والله يا عمرو انا بتكلم عن حالة وشوفتها وعارفة ان معظم المصريين مش كده فى المطار

وبعدين الحاجات بتاعتهم دى كانوا حاطينها فى كرتونة والكرتونة اتفتحب وبهدلت الدنيا

وعلى رأى لونا يعنى هى الحاجات لما تخلص مش هيضطروا يشتروا من هنا برضو كل حاجة؟؟ وطبعا هما اكيد كده مافروش شئ يعنى

ماتزعلش يا سيدى المرة الجاية هنتكلم عن الايجابيات

[Melhakim]

يعني هو خلاص مش لاقيين حاجة عن المصريين نتكلم فيها الا عن الحالة الشاذة اللي حصلت في المطار :(

طبعا ده مش من الطبيعي يحصل .. انا سافرت كتير و مطارات مختلفة و مش فاكر ان فيه حاجة زي كده حصلت و لو حصل فعلا فده مشكلة البشوات اللي سمحوا للحاجات دي انها تتننقل و المعروف و المتعارف عليه ان اي شنطة للراكب مش بيكون فيها لا سوائل و لا اي زجاجات مضغوطة مثل البروسول و غيرها لانها بتكون قابلة للانفجار و الاشتعال .. فما بالكم انها تكون ظاهرة للجميع بالمنظر ده ...

يعني من الاخر انا شايف اذا كان فيه حد "مصري" قليل الخبرة بالسفر و واخد الحاجات دي معاه المفروض ان الموظف المحترم اللي بيعمل له البوردنج في مصر ما يسمحش بالحاجات دي انها تتنقل اساسا

الناس دى ممكن تكون غلطانه بس فعلا الغلطة الاكبر للموظف اللى بيعمل البوردنج و كان واقف على الميزان لانه سمح بالحاجات دى تطله الطيارة بدون تغليف

واعتقد من باب اولى كان حضرتك تنصحى الست دى وجوزها لان فتح موضوع عن سلبيات المصريين معتقدش انه هيغير حاجه من الموقف اللى حصل فى المطار

[jasmin hamed]

السلام عليكم جميعا

فتفوتى احب اقول لحضرتك انى كنت شغاله نضيفه يوه قصدى مضيفه لمدة 3 سنوات

و بجد رغم انى كل كنت اجازه و لو كانت يوم بليله بانزل مصر بس بجد و من غير اى نفاق رحلة مصر من اسوء الرحالات الى ماكنتش بحبها ابدا

خدى عندك ياستى

1- الراكب المصرى معرفش ليه حاسس انه لازم يستغل حق التذكره قد ما يقدر يعنى مخدات الكراسى تلاقيهم واخدنها

بطنيات الطياره الصابون الى فى الحمام منديل الكلينكس شخليله للعيل و اى حاجه ايده توقع عليها

2 - اكتر من 50 راكب فى كل رحله عنده صداع و عايز حبيتين بندول

3 - يا ويلك يا سواد ليليك لو مثلا كان فيه نوعين من الوجبات و نوع خلص

4- اول ماتقف الطياره تلاقى الطياره كلها وقفت و فتحن الكومبارتمن و بتنزل الشنط( العاده ديه ماشفتهاش الا عندنا بصراحه)

و عليه طبعا لان الطياره لسه باندفعها تلاقى شنطه نزلت اتهبدت على راس مواطن محترم مالوش ذنب

ناس كتير بتحب تشوف الاقلاع و الهبوط واقفه ؟؟؟؟؟؟ وتحسى كده الشاب من دول واثق من نفسه ماتقلاقيش يا انسه مش هاقع فاكرين نفسهم فى اتوبيس

5- لو حصل اى مطبات هوائيه تلاقى عالم بتشتم فى الكابتن !!!! و المعروف ان مناطق الجبال ذى جبال البحر الاحمر بتبقى فيها مطبات

6- رحلات المدرسين و ماادراكى ما رحالات المدرسين و لا بلاش ليكون فى هنا حد مدرس ولا حاجه كل الطياره عايزين يتصوروا مع الكابتن

7- واحد تلاقيه عامل تشيك ان قبل الطياره ماتطلع بنص ساعه و معاه 5 عيال مثلا يتطلع الطياره كراسيه مبعتره طبعا تلاقى نرفزه زعيق و حاجه صعبا

احب اقولك ان مافيش مره شفت واحد من الى عاملين هليله على الطياره الاو كان التشكين بتاعه 30او 15 دقيقه قبل الاقلاع مش يحمد ربنا انه لحق لا

يفرج عليه الطياره

8- جراكن عصير المنجا من اشرف فرغلى و لازمن ز لابد نحطها فى التلاجه نقوله يا عم ممنوع ياعم ماينغعش مافيش فايده

انا تعبت

و ممكن اكتب لحضرتك كما ن بس بعد شويه

مذكراتى مع طياراتى

تم تعديل 17 مارس 2010 بواسطة jasmin hamed

[محمد افندى]

لا لا يا فتفوتة هانم

افهم الاول

انتم كنتم مسافرين من مصر الى السعودية

ولا العكس

ولو زى ما فهمت من مصر الى السعودية

يبقى فى تعليق لازم اقولة

بعد ردك على سؤالى

[fatfouta]

لا لا يا فتفوتة هانم

افهم الاول

انتم كنتم مسافرين من مصر الى السعودية

ولا العكس

ولو زى ما فهمت من مصر الى السعودية

يبقى فى تعليق لازم اقولة

بعد ردك على سؤالى

لا علق براحتك

ماهو الواحد لازم يقعد يقول احنا حلوين وذى الفل ولو حب يعالج حاجة او يوعى حد ممكن يكون اصلا ميعرفش يعنى ايه مطار........تلاقى كل واحد وطنى يقعد يديله فى الكلام

والله انا اعتبر نفسى وطنية اكتر من اى حد ونفسى ماحدش يبص لاى حد مصرى فى اى حته نظرة مش كويسة

من مصر للسعودية يا محمد افندى

[Folana]

السلام عليكم ورحمة الله.....

تعرفى يا فتفوتة......الحاجة اللى لفتت نظرى فى موضوعك ايه؟

زجاجات زيت التموين.....

يعنى أسرة تعمل فى الخارج...وتأخذ معاها زيت التموين المدعم اللى الغلابة أولى به؟...أى ضمير وأى عدل يقول كده

أنا لو شفت المنظر ده حأبلغ عنها :unsure:.......ونتكلم عن الدعم وانه لا يصل الى مستحقيه...ده حقيقى لان الدعم جاله عقد عمل فى السعودية...

النقطة الاخرى...بما أن أختى الفاضلة جاسمين كانت مضيفة....فأحب أسألها سؤال على الماشى....ليه مضيفات مصر للطيران تحديدا بيكونوا ضاربين بوز على طول..ومكشرين..وبيتعاملوا مع الركاب كأنهم بيعاملوا أطفال فى حضانة...أو يعنى بيتعاملوا معاهم بأسلوب متعالى شوية؟....بعكس مضيفات خطوط الطيران الاخرى..الله عليهم بجد...ابتسامة وذوق ورقة ...

الحقيقة أنا سافرت كتير جدا على مصر للطيران..وعمرى ما فكرت اتصور مع الكابتن :lol:...لكن بأوافقك فى السلوكيات السلبية للبعض ومش الكل طبعا..خصوصا لما الاتوبيس يقف فى المحطة ويبقوا عايزين ينزلوا كلهم والشاطر اللى ينزل الاول ويجرى الاول..علشان يلحق...وللان لا اعلم هو عايز يلحق ايه....

تحياتى

[fatfouta]

السلام عليكم جميعا

فتفوتى احب اقول لحضرتك انى كنت شغاله نضيفه يوه قصدى مضيفه لمدة 3 سنوات

و بجد رغم انى كل كنت اجازه و لو كانت يوم بليله بانزل مصر بس بجد و من غير اى نفاق رحلة مصر من اسوء الرحالات الى ماكنتش بحبها ابدا

و ممكن اكتب لحضرتك كما ن بس بعد شويه

مذكراتى مع طياراتى

شكرا يا جاسمين على ردك ده

عشان بس اللى فاكرينى بألف لو قرأو كلامك ده يتاكدوا

اوهى واحدة كانت بتشغل مضيفة وخبرة فى التعامل مع الناس فى المطارات او على الطيارة كمان

تم تعديل 17 مارس 2010 بواسطة fatfouta

[اغابي]

السلام عليكم جميعا

فتفوتى احب اقول لحضرتك انى كنت شغاله نضيفه يوه قصدى مضيفه لمدة 3 سنوات

و بجد رغم انى كل كنت اجازه و لو كانت يوم بليله بانزل مصر بس بجد و من غير اى نفاق رحلة مصر من اسوء الرحالات الى ماكنتش بحبها ابدا

.

.

الى اخر المداخلة

كل داه شايلاه فى قلبك وساكتة يا اوووختشي - طب ماتعمليش فى روحك كده - صحتك يا حبيبتى - الله يسامحك يا شيكو بالمواضيع اللى فتحهالنا دي

انا بصرحة رحلاتى فى الطيارة بس بتكلم بالنسبة للكويت - مصر او العكس

عادى جدا والناس هادية وقاعدة فى الكراسي - الا بس اذا طفل رضيع فضل يعيط شوية بس داه ايه ذنب مامته - ممكن متمغص- جعان - عاوز ينام

لكن مفيش الحاجات دي خالص-

بس ملحوظة انا دايما سفرى على الخطوط الجوية الكويتية مش بغيرها لانها نضيفة وخدمتهم ممتازة - لا بحب اسافر علي مصرية ولا جزيرة ولا وطنية

بس فى مرة حصل موقف واحد بس معجبنيش من مصريين بس داه مش فى الطيارة جو المطار نفسه فى الكويت بس بلاش احكية .. خلينى ساكتة احسن :unsure:

تم تعديل 17 مارس 2010 بواسطة Folana

[jasmin hamed]

السلام عليكم ورحمة الله.....

تعرفى يا فتفوتة......الحاجة اللى لفتت نظرى فى موضوعك ايه؟

زجاجات زيت التموين.....

يعنى أسرة تعمل فى الخارج...وتأخذ معاها زيت التموين المدعم اللى الغلابة أولى به؟...أى ضمير وأى عدل يقول كده

أنا لو شفت المنظر ده حأبلغ عنها :unsure:.......ونتكلم عن الدعم وانه لا يصل الى مستحقيه...ده حقيقى لان الدعم جاله عقد عمل فى السعودية...

النقطة الاخرى...بما أن أختى الفاضلة جاسمين كانت مضيفة....فأحب أسألها سؤال على الماشى....ليه مضيفات مصر للطيران تحديدا بيكونوا ضاربين بوز على طول..ومكشرين..وبيتعاملوا مع الركاب كأنهم بيعاملوا أطفال فى حضانة...أو يعنى بيتعاملوا معاهم بأسلوب متعالى شوية؟....بعكس مضيفات خطوط الطيران الاخرى..الله عليهم بجد...ابتسامة وذوق ورقة ...

الحقيقة أنا سافرت كتير جدا على مصر للطيران..وعمرى ما فكرت اتصور مع الكابتن :lol:...لكن بأوافقك فى السلوكيات السلبية للبعض ومش الكل طبعا..خصوصا لما الاتوبيس يقف فى المحطة ويبقوا عايزين ينزلوا كلهم والشاطر اللى ينزل الاول ويجرى الاول..علشان يلحق...وللان لا اعلم هو عايز يلحق ايه....

تحياتى

الحقيقه انا ماكنتش بشتغل فى مصر للطيران انا كنت بشتغل فى طيران الخليج الى مقرها فى البحرين

و معلومه احب اوضحها للبعض ان كتير من المضيفات بيبقوا شاغلين حوالى 16 ساعه تقريبا و رحله القاهره ممكن ماتكونش اول رحله فى الجدول يعنى كنت كتير بعمل بحرين – مسقط- بحرين – القاهره – بحرين . انا اكيد مش مع اى موضيفه تضرب بوز عشان ديه خدمه عملاء و الى مش قدها مايعملهاش

المشكله ان لو فى 30 من 270 راكب سلوكهم سئ خلاص الناس خدت صوره سيئه و المحرج جدا ان باقيت المضيفات من بلاد مختلفه بتلاقيهم بيعلقو و الواحد مش قادر يفتح بقه

[president]

النقطة الاخرى...بما أن أختى الفاضلة جاسمين كانت مضيفة....فأحب أسألها سؤال على الماشى....ليه مضيفات مصر للطيران تحديدا بيكونوا ضاربين بوز على طول..ومكشرين..وبيتعاملوا مع الركاب كأنهم بيعاملوا أطفال فى حضانة...أو يعنى بيتعاملوا معاهم بأسلوب متعالى شوية؟....بعكس مضيفات خطوط الطيران الاخرى..الله عليهم بجد...ابتسامة وذوق ورقة ...

والله ياأستاذه فولانه انت سألتى السؤال اللى نفسه أسأله من زمان ... وعشان خاطر الحاجات اللى قولتيها دى الواحد مبقاش يركب مصر للطيران خالص .

واحد صاحبى كان فى رحله لمصر للطيران وبيقولى .. مضيفه كانت بتقول لراكبه فى الرحله أهدى ياطنط شويه عشان طلبت منها كوباية ميه .

[fatfouta]

السلام عليكم ورحمة الله.....

تعرفى يا فتفوتة......الحاجة اللى لفتت نظرى فى موضوعك ايه؟

زجاجات زيت التموين.....

يعنى أسرة تعمل فى الخارج...وتأخذ معاها زيت التموين المدعم اللى الغلابة أولى به؟...أى ضمير وأى عدل يقول كده

أنا لو شفت المنظر ده حأبلغ عنها :unsure:.......ونتكلم عن الدعم وانه لا يصل الى مستحقيه...ده حقيقى لان الدعم جاله عقد عمل فى السعودية...

النقطة الاخرى...بما أن أختى الفاضلة جاسمين كانت مضيفة....فأحب أسألها سؤال على الماشى....ليه مضيفات مصر للطيران تحديدا بيكونوا ضاربين بوز على طول..ومكشرين..وبيتعاملوا مع الركاب كأنهم بيعاملوا أطفال فى حضانة...أو يعنى بيتعاملوا معاهم بأسلوب متعالى شوية؟....بعكس مضيفات خطوط الطيران الاخرى..الله عليهم بجد...ابتسامة وذوق ورقة ...

الحقيقة أنا سافرت كتير جدا على مصر للطيران..وعمرى ما فكرت اتصور مع الكابتن :lol:...لكن بأوافقك فى السلوكيات السلبية للبعض ومش الكل طبعا..خصوصا لما الاتوبيس يقف فى المحطة ويبقوا عايزين ينزلوا كلهم والشاطر اللى ينزل الاول ويجرى الاول..علشان يلحق...وللان لا اعلم هو عايز يلحق ايه....

تحياتى

طب اتكلمى انتى يا فولانة يا اختى واخده معاها زيت ليه

فيه ناس قبل ماتسافر بييجى حبايبهم ويهادوهم بحاجات كتير فى مقابل الهدايا اللى هما جابوهالهم وبالتالى بيبقى من ضمن الحاجات دى الزيت والسكر والارز

وبالتالى بياخدوه معاهم والحاجات دى كانت مربوطة ومحطوطة فى كرتونة والكوتونة اتفتحت ذى ماقلت

طب انتى مضايقة من الزيت اللى بهدل السير كله؟؟

طب وايه رأيك فى جراكن التمر هندى والكركادية؟؟

الواحد بيقول كده عشان بس الناس تبقى عندها شوية وعى.........مش عشان اهاجم طبعا

اقسم بالله العظيم انا كان عندى جارتى كل ماتيجى هنا بتحيب شوال الارز ده معاها طب قوليلى ليه يعنى ما الارز المصرى موجود هنا فى كل مكان........طب ماهى اكيد دفعت عليه وزن يبقى وفرت ايه طيب؟؟؟

وفعلا عندك حق فى موضوع المضيفات بتوع مصر للطيران........دول عاوزين موضوع لوحدهم.........بس مش كلهم اكيد كده

تم تعديل 17 مارس 2010 بواسطة fatfouta

[jasmin hamed]

النقطة الاخرى...بما أن أختى الفاضلة جاسمين كانت مضيفة....فأحب أسألها سؤال على الماشى....ليه مضيفات مصر للطيران تحديدا بيكونوا ضاربين بوز على طول..ومكشرين..وبيتعاملوا مع الركاب كأنهم بيعاملوا أطفال فى حضانة...أو يعنى بيتعاملوا معاهم بأسلوب متعالى شوية؟....بعكس مضيفات خطوط الطيران الاخرى..الله عليهم بجد...ابتسامة وذوق ورقة ...

والله ياأستاذه فولانه انت سألتى السؤال اللى نفسه أسأله من زمان ... وعشان خاطر الحاجات اللى قولتيها دى الواحد مبقاش يركب مصر للطيران خالص .

واحد صاحبى كان فى رحله لمصر للطيران وبيقولى .. مضيفه كانت بتقول لراكبه فى الرحله أهدى ياطنط شويه عشان طلبت منها كوباية ميه .

المشكله ان موظفات مصر للطيران خصوصا القدام فيهم موظفين حكومه متسبتين مش بعقد فمابيفرقش معاهم حد بس مضيفات الشركات التانيه لو جيه فيهم شكوتين فى رفد على طول

[Alrefaey]

lمن سنتين كانت رحلة مصر للطيران الرياض القاهرة وكنا فى اول الصيف

الطيارة معظمها اسر ,كل اسرة معها طفلين تلاته , هحكى على موقفين

الاول ست وبنتها ومعاها 6 اطفال وراكبة اخر واحدة بالطيارة وصممت ان الاطفال يركبو كلهم جنب بعض (كل 3 جنب بعد ) وايه كمان ولازم يكونو فى صفين ورا بعض

جت المضيفه وقالت لها ياست ماينفعش مفيش اى مكان فاضى ,انا هاقعدهم كل اثنين جنب بعض

وكأن الست كانت مستنيه المضيفه تقول لها ماينفعش وكأنها مؤجرة الطائرة لحسابها وهاتك يازعيق وكلام شوارع

جاء رئيس طقم الأضافة وحاول معاها ودى مفيش واقفه لهم فى الطرقه ومعطله حركة المرور وبتقول لهم هاتولى الكابتن

وبالفعل الطائرة لم تقلع نصف ساعة بسببها الى ان اضطر الناس الى اخلاء مقاعدهم لها .

على نفس الطيارة الموقف الثانى

الست اللى امامى معاها طفليتين واقفين على الكرسى اثناء اقلاع الطيارة , حاولت اكلم الاولاد انهم يجلسوا لكن بدون استجابه

ولقيت مماتهم معاها كيس تخيلو فيه ايه ؟

بيض مسلوق

ودى تقشر البيض وتعطيه للأولاد وقلبت ريحت الطائرة كلها بيض

طبعا مفيش مناديل ونزلو الطفلتين فى الطرقه واديها مسح بأيديهم فى جميع الكراسى هههه

والله يومها قلت اخر واول مرة اركب مثل هذه طائرة

تخيلو الاولاد نرفزونى فعصبت عليهم بأن يجلسو اماكنهم ردت الام بكل برود عليا وقالت لى هو انت بتشخط فيهم عشان هما بيديؤك ولا عشان خايف عليهم !

لا تعليق

[jasmin hamed]

على نفس الطيارة الموقف الثانى

الست اللى امامى معاها طفليتين واقفين على الكرسى اثناء اقلاع الطيارة , حاولت اكلم الاولاد انهم يجلسوا لكن بدون استجابه

عارف حضرتك مره كنا فى النزول و ام ابنها بيعيط راحت فكاله حزام الامان ووقفتو على الكرسى و الطياره خلاص نازله احاول معاه ياستى تقولى يعنى اسيب الواد يعيط

يعيط ماشى بس عايش و يشاء ربنا انه الطياره تعمل هبوط جامد جدا و الطفل ده دماغه افتحت يمكن 10 غرز المهم الست قامت تمسك فى خناقى تقولى انتى الى فولتى عليه

تم تعديل 17 مارس 2010 بواسطة jasmin hamed

[fatfouta]

على نفس الطيارة الموقف الثانى

الست اللى امامى معاها طفليتين واقفين على الكرسى اثناء اقلاع الطيارة , حاولت اكلم الاولاد انهم يجلسوا لكن بدون استجابه

عارف حضرتك مره كنا فى الاقلاع و ام ابنها بيعيط راحت فكاله حزام الامان ووقفتو على الكرسى و الطياره خلاص نازله احاول معاه ياستى تقولى يعنى اسيب الواد يعيط

يعيط ماشى بس عايش و يشاء ربنا انه الطياره تعمل هبوط جامد جدا و الطفل ده دماغه افتحت يمكن 10 غرز المهم الست قامت تمسك فى خناقى تقولى انتى الى فولتى عليه

فولتى عليه!!!!!!!!!!!!!!

لا حول ولا قوة الا بالله

طب مش احسن يبقى فيه نظام ونقعد ولادنا جمبنا على كراسيهم؟؟ ونعمل احتياطاتنا لاى حاجة ذى كده؟؟

[se_ Elsyed]

يا فتفوته مش لازم نعمل من الحبة قُبة ..

يعني لو 5 مليون مواطن بيسافروا رايحين جايين كل سنة .. تفتكري حاله نادرة زي بتاعت زيت التموين دي تسترعي أنتباهنا قوي كده ؟

الأهم من ذلك .. إحنا شعب 80 مليون وفي الجاهل وفي المتعلم وهكذا ... طب ما في ناس بتبقى معانا في الطيارة وما بتعرفش تملى كرت الدخول سواء لمصر أو السعودية .. نشنقها يعني ؟

وبعدين ممكن بتاع الزيت ده يكون عامل بسيط ومرتبه على قده .. فعقله تصور له إنه كده بيوفر

الأغرب من ذلك .. أنا أول مره في حياتي في سفرياتي المتعدده أشوف فيها كراتين ماليه الطيارة ومرصوصة فوق التروللي كانت من أخوه سعوديين جايين من مصر وجايبين فاكهه مانجو قشطة وخلافه

أستنوا أستنوا .... في فصل الصيف وسفر الخلييجين لمصر الكثير .. ماحدش خد باله من كمية رز الكبسه اللي ماشي على السير ورايح مصر .. طب هي مصر مافيهاش رز بسمتي ؟

أما أختنا جاسمين المضيفة .... فأقول لها الزبون دايماً على حق يا جاسمين .... أما مسألة الوقوف أول الطيارة ما تعمل لاندنج ... فحدث ولا حرج .. العرب كلهم سواء فيها قبل المصريين

دايماً أحذر من ظاهرة أسمها " أستريو تايب " أو الكلاشيهات . أو التابو ...

يعني إنطباع عند الواحد وهو كده مش هاغيره .. يعني لو ذُكر أي حاجه فيها مصر .. مطار مصر .. مصر للطيران .. بسكو مصر .. تلاقي الدنيا ولعت وهاتك يا تقطيع

هاحكي على موقف يوضح ده

انا لسه جاي من مصر من 3 أسابيع ... وراكب الخطوط السعودية ..

طيارتي الساعه كام ؟

10 الصبح ...

قلت اروح الساعة 8 وأشتغل في المطار لحد الطيارة ما تطلع

طلعت من بيتنا 7 ونص ..

وصلت 8 بالظبط

ههههههههههههههه مالقتش الطيارة عالجدول وقالوا ما جاتش من الرياض لسه .. لوووووووووووووووووووووولي

فين وفين جت ...

طلعنا الطيارة 11 ونص ...

خلوا بالكم وركزوا معايا .. إحنا جوه الطيارة واخدين بالكم معانا ..

الكابتن لسه بيدور الموتور وبيقول توكلنا على الله ... إلا ويقول المحرك عطل وهايحتاج ربع ساعه تصليح .. ربع ساعة

الربع ساعة يا حضرات أمتدت لساعتين ونص وماحدش عبر أبونا ولا سابونا ننزل حتى ولا جابوا لنا كوبايه ميه يا طنط جاسمين ..

طلعنا الساعة 2 ونص ووصلت سته وشوية

12 ساعة ولا كأني مسافر بري

طبعاً حضرتك لو مصر للطيران دي كان زمان السيوف طلعت لتلعن سلفسفيل اللي جابوها

صح ؟

[sarmar]

بدون شك ان فتفوتة غيورة جدا على ابناء وطنها ونحن معها فى ذلك للقضاء على مانراة سلبيا خاصة وسط تعاملات دولية يعنى اننا لما بنكون فى المطار فبيكون بكل سهولة انك تحتك باسلوب او باخر بشخصيات غير مصرية

المهم اننا لنا سلبيات فعلا فى المطارات سواء كانت مطاراتنا او ونحن قادمون من الخارج هذا ليس عيبا فينا لان كل الناس عندها سلبيات لكن سلبياتنا احنا بتاخد بالعافية من ايدك وتفضح نفسها امام الجميع يكفى النظافة

لو تكرمتم اخواتى واخوانى وبالاخ الاخت ياسمين ماعمرى ذهبت الى مطار وكان بة ركاب مصريين وبعد ان يدخلوا الطائرة تجد لهم آثار تدل على وجودهم غير اى ناس ويحدث هذا سواء بمطار القاهرة او بمطارات خارجية

وبعدين ياستنا فولانة تعرفى انك اذا قارنتى بين زيت التموين فى مصر او حتى الزيت العادى وقارنتية باى زيت سعرة رخيص خارج مصر ستجدى ان الانسان الذى يتمسك بالزيت المصرى نظرة اصبح ضعيف جدا لانة اصبح مابيشوف الفرق ويمكن اى اخت من المتواجدات تقول الفرق

وهناك سلبيات كثيرة اخرى يراها الجميع ولكن خلونا نقول اللى كاتم على نفسنا من سلبياتنا حبا وغيرة على جميع المصريين