سلوكيات مرفوضة اثناء السفر بالطيران

[shiko]

هو المبدأ يا جماعة ...

ان المصريين ....ياولداه لا حول لهم ولا قوة ...

ده طبع يغلب التطبع ....

انا عمالة من الصبح اركب طيارت ايشى مصرى وايشى خليجى ...وايشى سعودى ...

مضيفات على زيت تمويل ...باللام ...ايون عارفة ...ماهو اصله زيت عربيات مكرر

وايشى كركديه ...وايشى كوباية ماية ....

ونفسى اتقطع من متابعة الموضوع ..........

فى الاخر .....المصرى الاصيل هو اللى يسيب بصمته العار ....فى اى مطار ....

كان معكم مراسلكم من عالطيارة الورق ....

شيكوز

[sarmar]

تعرف ياستاذنا سى السيد ان فعلا مصر للطيرا لها سلبيات كثيرة وكثيرة جدا انا مرة كنت مسافر من الرياض للقاهرة فى طيارة 4 العصر ركبت الطيارة 5 الفجر ووصلت مصر الساعة 8 صباحا يعنى لو تحسب انت قاعد فى المطار كام ساعة قبل ركوب الطائرة اكثر من 15 ساعة

واكثر من مرة تتاخر الطيارة ساعتين او اكثر ودايما يحدث هذا التاخير بس اعتقد الان بدأت الاحوال تتظبط مع مصر للطيران خاصة بعد تشغيل المطار الجديد

[sarmar]

بصمته العار ....فى اى مطار المصرى مايسيب عار فى المطار ماهو لهذة الدرجة ياستاذة شيكو

[se_ Elsyed]

تعرف ياستاذنا سى السيد ان فعلا مصر للطيرا لها سلبيات كثيرة وكثيرة جدا انا مرة كنت مسافر من الرياض للقاهرة فى طيارة 4 العصر ركبت الطيارة 5 الفجر ووصلت مصر الساعة 8 صباحا يعنى لو تحسب انت قاعد فى المطار كام ساعة قبل ركوب الطائرة اكثر من 15 ساعة

واكثر من مرة تتاخر الطيارة ساعتين او اكثر ودايما يحدث هذا التاخير بس اعتقد الان بدأت الاحوال تتظبط مع مصر للطيران خاصة بعد تشغيل المطار الجديد

طب تصدق بالله ؟

ولا مره حصلت لي مع مصر للطيران . وكل مره بتبقى الخطوط السعودية

لكن انا بأقدر وبأعذر الناس ... والهطل لما يحصل عالارض أحسن ما يحصل فوق ونلاقي نفسنا زووووووووووو زوووووووووووووووووو .. وتخيل واقع من أرتفاع 30 الف قدم وفوقيك قزايز زيت .. أنا شخصياً هاتضايق جداً لو البدلة أتزيتت .. لان ما بيطلعش يا عم ولا بالسمن البلدي ... قصدي الطبل البلدي

حقيقةً أنا منبهر بالماطر الجديد اللي بجد يخلي الواحد يرفع راسه وسط الكفر ..

[se_ Elsyed]

بصمته العار ....فى اى مطار المصرى مايسيب عار فى المطار ماهو لهذة الدرجة ياستاذة شيكو

sarmer

يا

sarmer

هو أنت بتتكلم خليجي ليش ؟

[fatfouta]

سى السيد باشا

طب وهو الموظف الغلبان ده دفع وزن اد ايه على الحاجات اللى هو جايبها معاه

انا ماشدش انتباهى حاجة غير انى اتضايقت من المنظر بس لان السير والشنط كلها اتبهدلت........طب بلاش هو ماعملش حسابه ليه فى التعبئة السليمة للزيت وخلافه؟؟

الاخ سارمر

مش مصر للطيران بس اللى بيبقى قيها تعطيل.......احنا كنا جايين على الخطوط الجوية السعودية وفعلا الطيارة قعدت بينا اكتر من ساعتين واحنا جواها والتكييف مقفول واتخنقنا جواها ولا حد عبرنا

شيكو يا حبيبتى

كلمة بصمته العار دى وجعت لى قلبى جداااا ايوه احنا عندنا اخطاء لكن ماوصلتش للعار.........بلاش نبقى متحاملين قوى كده

[shiko]

تعرف ياستاذنا سى السيد ان فعلا مصر للطيرا لها سلبيات كثيرة وكثيرة جدا انا مرة كنت مسافر من الرياض للقاهرة فى طيارة 4 العصر ركبت الطيارة 5 الفجر ووصلت مصر الساعة 8 صباحا يعنى لو تحسب انت قاعد فى المطار كام ساعة قبل ركوب الطائرة اكثر من 15 ساعة

واكثر من مرة تتاخر الطيارة ساعتين او اكثر ودايما يحدث هذا التاخير بس اعتقد الان بدأت الاحوال تتظبط مع مصر للطيران خاصة بعد تشغيل المطار الجديد

طب تصدق بالله ؟

ولا مره حصلت لي مع مصر للطيران . وكل مره بتبقى الخطوط السعودية

لكن انا بأقدر وبأعذر الناس ... والهطل لما يحصل عالارض أحسن ما يحصل فوق ونلاقي نفسنا زووووووووووو زوووووووووووووووووو .. وتخيل واقع من أرتفاع 30 الف قدم وفوقيك قزايز زيت .. أنا شخصياً هاتضايق جداً لو البدلة أتزيتت .. لان ما بيطلعش يا عم ولا بالسمن البلدي ... قصدي الطبل البلدي

حقيقةً أنا منبهر بالماطر الجديد اللي بجد يخلي الواحد يرفع راسه وسط الكفر ..

تفتكر ...حضرتك هو العيب فى الزووووووووو.....زووووووووو

ولا العيب فى المصريين هو ده السؤال بقى...

....من أعلى أعالى الطيارات الورق ...

كان معكم مراسلكم الكابتن زووووو القائد الاعلى لجناح الطيارة اليمين

[لونا]

انا لسه جاي من مصر من 3 أسابيع ... وراكب الخطوط السعودية ..

بمناسبة كلام س س عن تأخر طائرات الخطوط السعودية

فعلا أنا ملاحظة إن الطيران السعودي بقى له سنتين بقى ملخبط على الآخر..

يعني السنة اللي فاتت و اللي قبلها كان في تأخير كل مرة نصف ساعة على الأقل في الذهاب و العودة ..

و في مرة الطائرة تأخرت ساعة كاملة .. و بعد صعودنا على الطيارة فضلنا ساعة كاملة بدون تكييف ..

و كانت الطيارة كاملة العدد يعني كان الجو خانق جدا..

ده غير إن معظم الطيارة عائلات و معاهم أطفال .. بعد نصف ساعة بدأ كل الأطفال الصغار يعيطوا و يصرخوا ..

و اللي زاد الطين بلة إن الرحلة كانت مليئة بالمطبات بطريقة ما حصلتش قبل كدة

كانت رحلة عجيبة الحقيقة ..

أنا ما سافرتش على مصر للطيران قبل كدة..

و لكن على عكس ما بتقولوا في ناس أعرفهم بيفضلوا مصر للطيران عن السعودية

و السبب للغرابة.. بشاشة المضيفات !!!!..

شوفتوا بأة أراء الناس بتختلف ازاي

[jasmin hamed]

يا فتفوته مش لازم نعمل من الحبة قُبة ..

يعني لو 5 مليون مواطن بيسافروا رايحين جايين كل سنة .. تفتكري حاله نادرة زي بتاعت زيت التموين دي تسترعي أنتباهنا قوي كده ؟

الأهم من ذلك .. إحنا شعب 80 مليون وفي الجاهل وفي المتعلم وهكذا ... طب ما في ناس بتبقى معانا في الطيارة وما بتعرفش تملى كرت الدخول سواء لمصر أو السعودية .. نشنقها يعني ؟

وبعدين ممكن بتاع الزيت ده يكون عامل بسيط ومرتبه على قده .. فعقله تصور له إنه كده بيوفر

الأغرب من ذلك .. أنا أول مره في حياتي في سفرياتي المتعدده أشوف فيها كراتين ماليه الطيارة ومرصوصة فوق التروللي كانت من أخوه سعوديين جايين من مصر وجايبين فاكهه مانجو قشطة وخلافه

أستنوا أستنوا .... في فصل الصيف وسفر الخلييجين لمصر الكثير .. ماحدش خد باله من كمية رز الكبسه اللي ماشي على السير ورايح مصر .. طب هي مصر مافيهاش رز بسمتي ؟

أما أختنا جاسمين المضيفة .... فأقول لها الزبون دايماً على حق يا جاسمين .... أما مسألة الوقوف أول الطيارة ما تعمل لاندنج ... فحدث ولا حرج .. العرب كلهم سواء فيها قبل المصريين

بما ان كنت انتخبت حضرتك رئيس للدوله فى موضوع عضو و كلمه فمش هقدر اتناقش مع حضرتك الزبون على حق يا فندم اكيد و انا ضد اى تصرف من اى مضيفه مش محترم

لكن كل الا safety مافيهاش هذار لازم تبقى الامور تحت السيطره يا فندم لانها المسئوليه الاولى للمضيف على الطياره و لان تصرف الام الى مش مسئول هيؤدى للفت نظرى ليا انا و الحقيه لو فى حد من العرب

بيوقف و تقوله يعد بيعد لكن المصرين مابيسمعوش الكلام و بعدين انا الغرض من الى بقوله ان الناس تاخد بالها لانها بتعرض غيرها للاذى

دايماً أحذر من ظاهرة أسمها " أستريو تايب " أو الكلاشيهات . أو التابو ...

صدقنى يا استاذ س س انا كمان ضد اى قولبه للمصرين بس بجد انا الى حكيته ماكنش حاجه حصلت مره و خلاص ديه حاجات متكرره

فى مبدا ضد الستيرو تيب Stereotyping اسمه Self fulfilling prophecy يعنى انى احقق الصوره الى الناس شايقينى عليها

وده الى حاصل معانا يعنى كتير ممنا ناس منطمه و محترمه جدا تلاقيه فى مواقف ذى المطار مثلا يقول مهو اين كان الى هعمله الناس شايفنى همجى

يبقى مش فارقه و يمشى ورا القطيع وده الى بيخلى الناس المنظمين يمشوا ورا الى مش منظمين و تلاقى الاتنين سلوكهم واحد

يعني إنطباع عند الواحد وهو كده مش هاغيره .. يعني لو ذُكر أي حاجه فيها مصر .. مطار مصر .. مصر للطيران .. بسكو مصر .. تلاقي الدنيا ولعت وهاتك يا تقطيع

احنا مصرين بنحكى مع بعض و الهدف من الى بقوله ان ماحدش يجيب سيرة بسكو مصر يعنى مشاكلنا احنا نحلها قبل مايجى حد و يتريق علينا

هاحكي على موقف يوضح ده

انا لسه جاي من مصر من 3 أسابيع ... وراكب الخطوط السعودية ..

طيارتي الساعه كام ؟

10 الصبح ...

قلت اروح الساعة 8 وأشتغل في المطار لحد الطيارة ما تطلع

طلعت من بيتنا 7 ونص ..

وصلت 8 بالظبط

ههههههههههههههه مالقتش الطيارة عالجدول وقالوا ما جاتش من الرياض لسه .. لوووووووووووووووووووووولي

فين وفين جت ...

طلعنا الطيارة 11 ونص ...

خلوا بالكم وركزوا معايا .. إحنا جوه الطيارة واخدين بالكم معانا ..

الكابتن لسه بيدور الموتور وبيقول توكلنا على الله ... إلا ويقول المحرك عطل وهايحتاج ربع ساعه تصليح .. ربع ساعة

الربع ساعة يا حضرات أمتدت لساعتين ونص وماحدش عبر أبونا ولا سابونا ننزل حتى ولا جابوا لنا كوبايه ميه يا طنط جاسمين ..

طلعنا الساعة 2 ونص ووصلت سته وشوية

12 ساعة ولا كأني مسافر بري

طبعاً حضرتك لو مصر للطيران دي كان زمان السيوف طلعت لتلعن سلفسفيل اللي جابوها

صح ؟

هوه انا نفسى الناس تبطل تلعن و تسب عشان التاخير للاعطال الفنيه فى كل الشركات

طب هوه حضرتك لو ناوى توصلنى و هب الكوتش ضرب ينفع اتخانق معاك

تم تعديل 17 مارس 2010 بواسطة jasmin hamed

[sarmar]

مدام فتفوتة كلامك صح كلمة عار لاذعة جدا وانا بكل تواضع اعرف ان كل من يكتب هنا سواء عضو او عضوة فالجميع فى منتهى الزوق والادب وخاصة الاستاذة شيكو قائد الجناح اللى طار ومانزلش وهى اعتقد انها لاتقصد اى اساءة

الاستاذ سى السيد لما حضرتك بتكون فى اجتماع مثلا فى العمل بيكون اللهجة الطاغية على معظم كلامك هى لهجة البلد بس طبعا لايمنع فى اننى اذا كنت تحدثت خليجى اقدم اعتذارى لاننى اعتز بلهجتى المصرية بس تتصور انا لما انزل مصر ساعات بدون قصد اتكلم بعض الالفاظ خليجى مع حرصى ان لايحدث ذلك منى

[shiko]

سى السيد باشا

طب وهو الموظف الغلبان ده دفع وزن اد ايه على الحاجات اللى هو جايبها معاه

انا ماشدش انتباهى حاجة غير انى اتضايقت من المنظر بس لان السير والشنط كلها اتبهدلت........طب بلاش هو ماعملش حسابه ليه فى التعبئة السليمة للزيت وخلافه؟؟

الاخ سارمر

مش مصر للطيران بس اللى بيبقى قيها تعطيل.......احنا كنا جايين على الخطوط الجوية السعودية وفعلا الطيارة قعدت بينا اكتر من ساعتين واحنا جواها والتكييف مقفول واتخنقنا جواها ولا حد عبرنا

شيكو يا حبيبتى

كلمة بصمته العار دى وجعت لى قلبى جداااا ايوه احنا عندنا اخطاء لكن ماوصلتش للعار.........بلاش نبقى متحاملين قوى كده

فتفوتة ...ماظنش ابدا ...انك تفهمينى ...غلط ...

لست انتى هذا الرجل ....

العار هنا جاءت كناية للقافية ...مطار ... ...بس موش اكتر ...

وخدى البوسة الكبيرة دى يا فتافيت السكر

عملتى ايه اكل للعيال انهاردة؟؟

[الغريب]

سامحوني ياجماعة فعلا المصريين غالب عليهم العشوائية في الكثير من المواقف

وبالذات في الأماكن التي بها أحتكاكات إجتماعية زي المطارات وما إلى ذلك وروح شوف الحرم في رمضان هتلاقي المصريين عاملين بعض المشاكل هناك

أنا لا ألوم المصريين في هذا فهم لهم كامل العذر أنهم في بلادهم لم يعتادو على النظام وتعودو على العشوائية وكان ده سلوك مقصود حتى يغرق المصري في بحار الزحمة والفوضة وميفضاش يفكر في سياسة ولا غيره، وعلى فكرة حتى المتعلمين والمثقفين تراهم في مثل هذه المواقف يتعاملون بعنجهية وكأنهم تغيرو عن الأصل وليس هذا سلوكهم الأصلي.

[أحمد سيف]

الأعضاء الأفاضل

سيغلق الموضوع بصورة مؤقتة للتشاور بشأن بعض المداخلات فيه مع الإدارة.

شاكرين تفهمكم

عن فريق التنسيق والإشراف

أحمد سيف

[Alrefaey]

خالص الشكر للادارة على اعادة فتح الموضوع

واحب ان انوه بشىء ليس الهدف هو ابراز سلبيات المصريين والتشهير بها ولكن الهدف كيف يرانا الاخرون .كيف تبدو سلبياتنا فى نظر الغير والعمل على تلافى هذه السلبيات

دام الجميع فى خير وامان :wub:

[fatfouta]

شكراا للادارة الكريمة

[Amr Radwan]

خالص الشكر للادارة على اعادة فتح الموضوع

واحب ان انوه بشىء ليس الهدف هو ابراز سلبيات المصريين والتشهير بها ولكن الهدف كيف يرانا الاخرون .كيف تبدو سلبياتنا فى نظر الغير والعمل على تلافى هذه السلبيات

دام الجميع فى خير وامان mfb:

عفوا اخي الكريم الرفاعي .. انا لا اري بيننا اخرون -_- .. و اللي بيرد علي الموضوع هم مصريين و بيتكلموا علي مصريين .. :)

و انا شخصيا لما بسمع اي حد بيتكلم كلمة مش عجباني علي المصريين و باسلوب مش كويس لازم ارد .. و رد قاسي md2: .. لاني مصري و محبش حد يتكلم عن اي مصري بصورة تهكمية .. و نقعد نتسامر في مساوء المصريين و فضايحهم في المطارات ..

و من الاخر .. مش دول المصريين اللي اعرفهم و انتو تعرفوهم .. انهم بياخدوا زجاجات زيت مدعوم و يشحنوه معاهم في السعودية ..

طيب هسالكم بالله .. حد من اللي مشارك في الموضوع ده بيعمل كده ؟؟ اكاد اجزم انه لا طبعا .. طيب اية اللي هنستفيده بقا ؟؟؟!!!!!

دي حالة شاذة .. و مش صح ابدا اني اجي علي حالة شاذه و اقعد احكي عنها و اسال الناس عن اي حد شاف حلات شاذه تانية نتكلم فيها ..!!!

اما موضوع السلبيات و الايجابيات اللي بنتكلم عليها .. فبصراحة مش شايف ايجابية في عرض السلبيات الشاذة بالطريقة دي .. ;)

انصح بتغيير اسم الموضوع الي "فضااااااااااائح المصريين في المطارات و اللي ما شافش يشوف و اللي ماسمعش تعالي نقولك"

و انصح برده بعمل سلسلة مواضيع اخري .. "فضائح المصريين في جدة "

"فضائح المصريين في الشارع "

"فضائح المصريين في العمل "

و كده يعني ..

حتي تكون فرصة لنا للتعرف علي سلبياتنا .. و نعالجها :)

و شكرا ..

بس رجااااء محدش يفهم اني بهاجم حد معين .. انا مش بهاجم .. انا بتكلم علي الفكرة ..

و دمتم في ايجابية و مميزات و عمل و نجاح و حاجات حلوة كتير :)

[Mercedes]

بصراحة يا جماعة وماحدش يزعل فى ناس كتير بتبقى وجهة سيئة جداا فى المطارات

وتلاقيهم بيعملوا حاجات غريبة جداا

هحكيلكم على بعض المواقف اللى شوفتها

فى الأجازة اللى فاتت واحنا راجعين طبعا وفى مطار الملك خالد........شفت منظر رهييييييب بمعنى الكلمة والله

كنا واقفين عالسير ومستنيين الشنط بتاعتنا وبصراحة كانت رحلة صعبة من اول البوردينج فى مصر اللى كان زحمةةةةةةةة والجوازات ووقفتها الازحم والعيال بيزنوا بقى وحاجة رهيبة وكمان طلعنا الطيارة قعدنا ساعة ونص تأخير فيها بدون مكيفات وكل الناس اتخنقت

بعدين هبقى احكى عاللى حصل فى الطيارة

المهم واحنا واقفين عالسير بنبص لقينا السير مطلع ايه بقى...........ازايز زيت تموين مربطة فى بعضها

برطمانين سمنه بلدى من الكبار اللى هما اتنين كجم تقريبا

جالونات من اللى هى البلاستيك دى اللى هى 2 لتر فيها كركديه وتمر هندى

شوال ارز كبير

واكياس سكر

والله العظيم انا شوفت الكلام ده بعينى ماشى عالسير ولسه بقول ممكن الحاجات دى تتفتح وتبهدل الشنط الباقيه..........ومافيش والله والناس لقت ازازة زيت اتفتحت وغرقت السير

وجالون التمر هندى اتقلب ومال ووقع كل اللى فيه

وبقت العمليه زيت على تمر هندى والارز شغال يلف فى السير ويتزيت ويتمرر بالتمر الهندى.......وحاجة والله تكسفففففف

الحمد لله السمنة مادلقتش.......دى كانت هتبقى فضيحة والله عيب كده

انا عن نفسى والله بقيت عاوزة الارض تنشق وتبلعنى من المنظر

طلعت الحاجات لعائلة ست وولادها وجوزها يعنى مابقوش عارفين يلموا الحاجة اذاى ولموا اللى لموه وسابو الباقى وطبعا السير اتبهدل خالص ونيل كل الشنط ومنهم طبعا شنط من باعتنا مثلا تلات شنط اتزيتوا والحمد لله وبقينا طالعين بيهم شكلهم فظيع......

كانت منظر شنطتنا بتفكرنى بزمان لما كان ياخد معاه طعمية فى الشنطة وتفتح بقى والشنطة تتزيت ويبقى شكلها شاعرى اوى

كان نفسى اخد الست على جمب واقولها ليه ده كله ما كل ده موجود هنا والله......واللى اكتشفتوا انهم كانوا فى اجازة وراجعين يعنى مش اول مرة........

يعنى كل مرة بيعملوا كده؟؟؟ بصراحة شئ صعب جداااااااا

حد عنده مناظر شافها وضايقته فى المطارات المختلفة؟؟؟ انا شخصيا عندى كتير هقولكم عليه

السلام عليكم و رحمة الله و بركاته -_-

أنا رأيى أن العيب مش عليهم, لكن العيب على الموظف ال؟؟؟؟؟ اللى سابوهم سافروا بيها من مصر كده, ما هو أكيد الموظف بتاع البوردينج اللى فى المطار اللى هما سافروا منه, عشان خد 10 جنيه فى جيبه, وافق يستلم الحاجات دى بالشكل ده.

الحل أن المواطن كه كان يتمسك فى مطار جدة و كان يتعمله محضر اتلاف ممتلكات الغير و يدفع غرامة محترمة عشان ما يعملهاش تانى.

و الحل كمان أن الناس اللى شنطهم اتضرت فى مطار جدة كانوا يلموا بعض و يكتبوا شكوى مجمعة لمدير شركة مصر للطيران ,و الشكوى دى يكون فيها ايميلاتهم و أرقام تليفوناتهم و الشكوى دى تتابع لحد ما توصل لأعلى المستويات عشان يشوفوا مين الموظف ال؟؟؟؟ اللى فى المطار اللى عمل كده و ساب الحاجات دى تتشحن من غير تغليف آمن ,و يتحاسب كويس , يقوم يحرم يعمل مده تانى .

لأن الموظفين اللى زى دول هما اللى جايبين البلد ورااااااااااااا .

و لا أقولكم, الطيب أحسن .

MERCEDES S430

[fatfouta]

[quote name='Alrefaey' post='584234' date

بس رجااااء محدش يفهم اني بهاجم حد معين .. انا مش بهاجم .. انا بتكلم علي الفكرة ..

و دمتم في ايجابية و مميزات و عمل و نجاح و حاجات حلوة كتير -_-

طالما بتتكلم عن الفكرة وصاحبها يبقى تقصدنى انا لانى انا صاحبة الفكرة

وعلى فكرة احب اقولك انى حرة فى عرض اى شئ هنا سلبية كانت ام ايجابية طالما لم اتعدى الحدود وبالطريقة كمان اللى شوفتها بيها

وكل الكلام اللى حضرتك قولته سواء ان اسلوبى فى تهكمات وخلافه......برضه هاخده بحسن نية وانك غيران على المصريين بس انا كمان غيرانة ذيك بالضبط ومش هقول اكتر

وهقولك ذى ما قولت قبل كده

شكرااا وتحياتى

تم تعديل 18 مارس 2010 بواسطة fatfouta

[Mercedes]

السلام عليكم جميعا

فتفوتى احب اقول لحضرتك انى كنت شغاله نضيفه يوه قصدى مضيفه لمدة 3 سنوات

و بجد رغم انى كل كنت اجازه و لو كانت يوم بليله بانزل مصر بس بجد و من غير اى نفاق رحلة مصر من اسوء الرحالات الى ماكنتش بحبها ابدا

خدى عندك ياستى

1- الراكب المصرى معرفش ليه حاسس انه لازم يستغل حق التذكره قد ما يقدر يعنى مخدات الكراسى تلاقيهم واخدنها

بطنيات الطياره الصابون الى فى الحمام منديل الكلينكس شخليله للعيل و اى حاجه ايده توقع عليها

2 - اكتر من 50 راكب فى كل رحله عنده صداع و عايز حبيتين بندول

3 - يا ويلك يا سواد ليليك لو مثلا كان فيه نوعين من الوجبات و نوع خلص

4- اول ماتقف الطياره تلاقى الطياره كلها وقفت و فتحن الكومبارتمن و بتنزل الشنط( العاده ديه ماشفتهاش الا عندنا بصراحه)

و عليه طبعا لان الطياره لسه باندفعها تلاقى شنطه نزلت اتهبدت على راس مواطن محترم مالوش ذنب

ناس كتير بتحب تشوف الاقلاع و الهبوط واقفه ؟؟؟؟؟؟ وتحسى كده الشاب من دول واثق من نفسه ماتقلاقيش يا انسه مش هاقع فاكرين نفسهم فى اتوبيس

5- لو حصل اى مطبات هوائيه تلاقى عالم بتشتم فى الكابتن !!!! و المعروف ان مناطق الجبال ذى جبال البحر الاحمر بتبقى فيها مطبات

6- رحلات المدرسين و ماادراكى ما رحالات المدرسين و لا بلاش ليكون فى هنا حد مدرس ولا حاجه كل الطياره عايزين يتصوروا مع الكابتن

7- واحد تلاقيه عامل تشيك ان قبل الطياره ماتطلع بنص ساعه و معاه 5 عيال مثلا يتطلع الطياره كراسيه مبعتره طبعا تلاقى نرفزه زعيق و حاجه صعبا

احب اقولك ان مافيش مره شفت واحد من الى عاملين هليله على الطياره الاو كان التشكين بتاعه 30او 15 دقيقه قبل الاقلاع مش يحمد ربنا انه لحق لا

يفرج عليه الطياره

8- جراكن عصير المنجا من اشرف فرغلى و لازمن ز لابد نحطها فى التلاجه نقوله يا عم ممنوع ياعم ماينغعش مافيش فايده

انا تعبت

و ممكن اكتب لحضرتك كما ن بس بعد شويه

مذكراتى مع طياراتى

السلام عليكم و رحمة الله و بركاته mfb:

يا ريت فعلا تكتبى عن الموضوع ده لأنه هيخلينا نشوف جانب ماتعودناش نشوفه فى رحلات الطيران و هو الجانب الخاص بالطاقم بتاع الطيارة لأننا دايما بنشوف الجانب اللى يخص الركاب -_- بس .

شكرا

MERCEDES S430

[Mercedes]

طبعاً حضرتك لو مصر للطيران دي كان زمان السيوف طلعت لتلعن سلفسفيل اللي جابوها

صح ؟

السلام عليكم و رحمة الله و بركاته -_-

لا و الله يا سى السيد, أنت كنت بس قول على الموقف بتاع طيران الخطوط السعودية ده و أنا كنت هاوريك انا ممكن أقول ايه!!!!

دا أنا كنت هاقول قوالة

يانهار أبيض يا جدعان!!!!

MERCEDES S430