سلوكيات مرفوضة اثناء السفر بالطيران

[Alrefaey]

ولمعلوماتك اذا لم تكن اديت الفريضة قبل ذلك ليس كل الحجاج تكون حملاتهم بمنى وانما باماكن اخرى ولذل فبعضهم يحضر الطعام ليأكل منه اثناء الحج ايضا

الحمد لله قمت باداء الفريضه مرتين بخلاف عمل عمراة مرات عديدة

ياعزيزى من يسافر من مصر فى موسم الحج الى السعوديه لابد ان يكون فى حمله وله خيم سواء كان فى منى او العزيزية اما من تجدهم فى بالشوارع فأغلبهم حجاج الداخل او ممن تم عمل زيارة لهم من زويهم واستمرو للحج وذهبو بدون تصريح حج وهذا ايضا سلوك مخالف وغير قانونى , ولكى لا اخرج عن الموضوع هل تعتقد ان الانسان الذى دفع مابين (20 -40 ) الف جنيه بمصر كى يؤدى الفريضه هتقف معاه على 100 او 200 ريال ثمن الزيت والرز واين هيقوم بطبخ هذه الطعام ان كان حاج او معتمرا على افتراضك

ما هو الضرر الذى يصيبهذا الانسان البسيط عندما يحمل كيسين أرز معه والاهم ما هو الضرر المعنوى والمادى

الضرر هيصيبه وهيصيب غيرة

لما زجاجات الزيت تسكب على السير وتؤدى الى تلف امتعتى وامتعتك وامتعته هو ايضا هذا ضرر , لما سلطات المطار تطلب منه تعويض عما نتج عنه تلفيات يبقى ضر بنفسه

لما شخص يتحدث بالمحمول اثناء الصعود والهبوط ويؤدى تشويش بالردار يصبح هذا اذى ام لا

لما شخص يصمم على الجلوس فى اماكن غيرة ويتم تأخير الطأرة لساعات هل هذا ضرر ام لا

لو تكلمنا على سلبيات يقوم بها بعض المسافرون (مصريين او غيرهم ) احيانا فى المطارات لن تحصى ولا تعد

تحياتى

[fatfouta]

الاب العزيز الادفايزر

شكرا على اعادة فتح الموضوع مرة اخرى

[herohero]

السلوكيات ده حدث ولا حرج من بداية الوزن الزائد نهاية بادوات الضايفه اللي بيضرب عليها

والله وانا نازل المره ده الراجل اللي اامي شايفه عمال ينظف ف الحاجه وهب حطها ف كيس معاه مع انها اداوت ضيافه مصر الطيران مش حاجه بتكون قيمة يعني

غير بقى سلوكيات تحسسك ان الشخص عاوز ياخد بتمن التذكرة ده اي حاجه

غير بقى السلوكيات اللي بتزعل لما تحسي فيها عدم حرص ع المال العام بصراحه المطار صاله3 تحفه نظيفه جدا وبجد الواحد بيكون زعلان لو لقى اهمال من اي شخص ايا كانت جنسيته

ومانحن نذكره ليس انتقاص مننا ياجماعه ياريت يبقى عندنا فكره النقد البناء الي بينقد هو اللي بيحب

مش عيب لما يكون المواطن المصري نموذج للرقي والتحضر مانراه من سلوكيات ف المطار يحدث ف الشارع والاتوبيس وغيره وغيره

وبجد نفسي اعرف ايه اللي يخلينا نجيب حاجه من بره وندفع وزن عليها انا ف مصر حاليا بجد مش شايفحاجه تستاهل شيلها من بره ولا احنا غاويين نتعب نفسنا وننفع الغرب

يعني اللي ناخده منهم نحطه ف ايديهم تاني شوفوا الفلبينيين بينزل بشنطة حاططها ع كتفه

[Advisor]

ركاب الطائرات المصريين من و إلى الخليج يمثلون عينة خاصة من المصريين و ليسوا بالضرورة ممثلين لكل المصريين.

ما سبق كان إستهلالا لابد منه

كما أن عمال التراحيل المسافرين حيث يوجد العمل و معهم "الزوادة من العيش و المش" لا يمثلون كل أبناء الصعيد و لكنهم مجموعة ظروفهم قاسية و عملهم يتطلب الترحال و دخولهم ضئيلة لدرجة أن "الزوادة من العيش و المش" تمثل لهم وفرا محسوسا بالنسبة لدخولهم.

جزء كبير من المصريون المسافرين بالطائرات لم يختاروا السفر بالطائرات و لو ترك لهم الخيار ربما لإختاروا السفر بالأتوبيسات و فعلا الأتوبيسات المسافرة للدول العربية تجدها مزدحمة جدا.

و قد قدر لى السفر فى عدد من أنحاء العالم و رأيت جنسيات عديدة من آسيا لهم نفس السلوكيات فى أسفارهم إلى الخليج بالذات و رأيت مسافرون فى سنغافورة و ماليزيا و الصين مسافرون و معهم "قفف و أوز حى".

ما سبق لا يعنى قبولى لهذه السلوكيات و لكنى ربما أنتحل لبعضهم العذر كما أنتحل لعمال التراحيل العذر فى تمسكهك بال "الزوادة" فى حلهم و ترحالهم.

ربما يمكننا إقتراح القيام بنوع من التدريب للمسافرين أول مرة على الطائرات لتعريفهم بآلية التعامل أثناء السفر بالطائرات .... و هذا ليس إختراعا و لكنه يحدث الشركات الكبرى تتعاقد مع شركات متخصصة فى تقديم التدريب اللازم لل expatriate قبل سفرهم لدول أخرى و طريقة الحياة فى الدول الأخرى.

تم تعديل 20 مارس 2010 بواسطة Advisor

[ssmaly]

انا عمرى ماخدت اى مواد غذائية معاى على طيارة الا مرتين

الاولى كانت من مصر الى الكويت

وكانت عبارة عن مانجا اصر حماى (واخدين بالكوا حماى)انى اخدها معاى فى الشنطة

وكانت النتيجة بهدلة بعض الملابس اللى فى الشنطة لان بعض المانجا ضربت فى الشنطة

الثانية لما كنت فى باريس اشترينا الكثير من الجبن الفرنسى ولم نستطع اكله كله (لان طبعا فى السفر معظم الوقت بناكل بره) طبعا شراء الجن كان بامر من الحاكم بأمره زوجتى ولحبها فى الجبن الفرنسى اشترينا نوع اكتشفنا ان له رائحة شديدة (رائحة مش كويسة)انا مش عارف اسم الجبن ده ايه مش ركفور اجمد من ذلك

فأصر الحاكم بأمره ان نأخذ كل انواع الجبن التى لم نتذوقها بعد( وكانت الجبن اللى رائحتها مش كويسة من ضمن البضاعة وكمان كان فيه جبن محطوط فى زيت فى برطمان زجاج) واحنا مسافرين من باريس لمدريد

انا حطيت كل البضاعه فى شنطة هناد باج علشان تكون معاى بالطائرة ولكن امن الطائرة رفضوا العلبة الى فيها زيت (ممنوع السوائل فى الطائرة) وكانت مشكلة لانى وزنت وزوجتى والأولاد دخلوا للأستراحة فى انتظار الطائرة

رجعت تانى علشان ادخل الهاند باج فى العفش

المهم وصلت الشنط كلها فى مدريد الا شنطة الجبن التى جاءت الى الفندق تانى يوم ماذا تتوقعون؟

كانت رائحتها فظيعة شعرت بحرج شديد عندما اسلمتها من رسيبشن الفندق واخدتها ورميتها بالشنطة فى اقرب سلة زبالة بره الفندق وجريت علشان محدش يشوفنى ويبلغ عنى (يمكن يفتكر ان هناك جثة بالشنطة)

ودى كانت اخر مرة وحرمت بعد كدة

[Scorpion]

ركاب الطائرات المصريين من و إلى الخليج يمثلون عينة خاصة من المصريين و ليسوا بالضرورة ممثلين لكل المصريين.

ما سبق كان إستهلالا لابد منه

كما أن عمال التراحيل المسافرون حيث يوجد العمل و معهم "الزوادة من العيش و المش" لا يمثلون كل أبناء الصعيد و لكنهم مجموعة ظروفهم قاسية و عملهم يتطلب الترحال و دخولهم ضئيلة لدرجة أن "الزوادة من العيش و المش" تمثل لهم وفرا محسوسا بالنسبة لدخولهم.

جزء كبير من المصريون المسافرون بالطائرات لم يختاروا السفر بالطائرات و لو ترك لهم الخيار ربما لإختاروا السفر بالأتوبيسات و فعلا الأتوبيسات المسافرة للدول العربية تجدها مزدحمة جدا.

و قد قدر لى السفر فى عدد من أنحاء العالم و رأيت جنسيات عديدة من آسيا لهم نفس السلوكيات فى أسفارهم إلى الخليج بالذات و رأيت مسافرون فى سنغافورة و ماليزيا و الصين مسافرون و معهم "قفف و أوز حى".

ما سبق لا يعنى قبولى لهذه السلوكيات و لكنى ربما أنتحل لبعضهم العذر كما أنتحل لعمال التراحيل العذر فى تمسكهك بال "الزوادة" فى حلهم و ترحالهم.

ربما يمكننا إقتراح القيام بنوع من التدريب للمسافرين أول مرة على الطائرات لتعريفهم بآلية التعامل أثناء السفر بالطائرات .... و هذا ليس إختراعا و لكنه يحدث الشركات الكبرى تتعاقد مع شركات متخصصة فى تقديم التدريب اللازم لل expatriate قبل سفرهم لدول أخرى و طريقة الحياة فى الدول الأخرى.

أوافقك أستاذي الفاضل انه أمر يجمع بين أجناس عديدة مختلفة و معظمها يأتي بما يسمي العالم الثالث ... و لكن الموضوع هنا يخصنا نحن و أعتقد ان هذا ما قصدته صاحبة الموضوع .. نحن من نرغب أن نصبح دولة متقدمة و شعبها مثال للتحضر ....

و بدون تعميم او نظر الي نصف الكوب الفارغ .. المسافر المصري نموذج "متعب" ... ربما لأنه لا يحصل علي حقوق كثيرة في مصر فمتي وجد انه يستطيع المطالبة بها يجنح بها الي التطرف و المبالغة ...

اشعر بالأسف انا أيضآ عندما أري تلك النماذج .. و لمن يقول حاول ان ترشدهم الي الأسلوب الصحيح .. أقول له هل حاولت حضرتك مرة أن تنصح واحد في موقف مماثل ... ثق انك ستنال ما لم تنتظره من تعليقات ستصل الي حد الأهانة ... و أقولها من واقع تجربة تكررت مرات عديدة حتي تعلمت أن "اخليني في حالي" و اتحمل تعميم الحكم بتخلف جميع المصريين بسبب تلك النماذج ...

نحن هنا لا نتكلم بعنصرية او شعور بالتعالي .. نحن امام امثلة سيئة للغاية نعرضها كي نجد معآ حلآ ممكن التطبيق ...

لن احكي عن تجارب عديدة مررت بها حتي لا يخونني قلمي في تعبير خاطيء ..

و لكن عندما اسافر استطيع بسهولة التعرف علي ابناء بلدي في المطارات المختلفة فقط بمجرد رؤيتهم ...

لا يستطيع أحدنا ان يجبر الآخر ان يتعامل بذوق او بصوت منخفض او بدون استخدام تعبيرات جنسية صارخة متصورآ انه هو و زملائه فقط من يتحدث العربية ..

او كمية القمامة التي يتركها خلفه ...

او التصور انه داخل اوتوبيس اقاليم و انه وحده الذي يستخدم وسيلة السفر هذه ..

او في حالتنا تلك ان يكون جل اهتمامه اصطحاب طعامه و شرابه معه دون ان يحظي تغليف نفس الأطعمة بنفس الأهتمام ...

هل يعلم أحدآ لماذا الغت الخطوط المالطية رحلتاها بين مالطا و القاهرة بالرغم من كونهما دائمآ Fully Booked اي انهما كانا يحققان ربحآ لتلك الشركة ...

أما عن الحل .. و هو المفروض ايجاده من خلال هذا الموضوع .... ففي رأيي الشخصي أجدني أتفق مع الأفاضل الذين حددوه بمطار المغادرة .. اجد انه يجب منع اصطحاب الأطعمة و السوائل من اساسه .. او علي الأقل تحديدها بكميات صغيرة جيدة التغليف ... شخصيآ لا أنكر انني اصطحب دائمآ برطمانات من العسل الأسود و الطحينة عند سفري و لكنني اضيع وقتآ في تغليفهم أكثر من من الوقت الذي أقضيه في تحضير الشنطة نفسها .. بالأضافة لوزن شنطتي قبل مغادرة المنزل حتي لا أفاجيء علي الكاونتر بوزن زائد لا أعلم كيف أتخلص منه ...

تحياتي و احترامي للفاضلة fatfouta علي فتحها لهذا الموضوع الذي بصورة او بأخري يمسنا جميعآ .

[هيشو]

يا جماعة كل شعب و لية سلوكياته الغلط اللي مش معممة علي الشعب كله

و معظم المواقف الواحد شافها

لكن ليا تعليق واحيد

انا بركب مصر للطيران علشان انا عاوز انفع اهل بلدي و ان فعلا المضيفين و المضيفات بتوع مصر للطيران بشوشين جدا مع اني مشوفتش التانيين بس مظنش حد هيبقي اكثر بشاشة من كدة و لا هتبقي حاجة عيب

هههههههههههههههههههه

انا عن نفسي لو حد عاوز يديني وزن من عنده مش هقبل لأنها مسؤلية و لأنة لو عاوز يجيب حاجات اكثر يبقي يستحمل

انا كنت نازل اوحدي و دفعت وزن زايدة اكثر من 350 ريال

لكني مكنتش زعلان لأنها كانت اول مة و كانت هدايا لمراتي و عيالي لكني مقعدتش اشحت من حد ياخد وزني

[fatfouta]

تحياتي و احترامي للفاضلة fatfouta علي فتحها لهذا الموضوع الذي بصورة او بأخري يمسنا جميعآ .

سكوب العزيز

بالرغم من ان عندى كلام وتعليقات كتير على هذا الموضوع لكن فعلا مش قادرة اقولك اد ايه انا فرحانه لانى لقيت حد فاهم ايه هو غرضى من فتح الموضوع ده.....عشان كده بدأت بيك وبكلامك

الحمد لله ان فيه ولو على الاقل اتنين او ثلاثة فاهمين انا فاتحة الموضوع ده لاى غرض

وهو انى اوّعى ......اوّعى........ اوّعى واحذر من الاخطاء اللى بتجعل صورتنا سيئة للغاية

فيه ناس كتير قلتلى هو الغلبان اللى سافر ده تفتكرى ممكن يفتح النت فى يوم من الايام ويدور على السلوكيات المرفوضة اثناء السفر؟؟......طبعا هقول انا بعمل اللى عليا وهو ده اللى فى ايدى دلوقتى لانى فعلا نفسى تبقى صورتنا احسن من اى جنسية تانية كمصريين

انا دلوقتى متاكده انك فاهم انا عاوزة اقول ايه وبشكرك جزيييييييل الشكر لانك فعلا الكلام اللى انا كنت نفسى اقوله من زمان

شكرا يا سكوب مرة تانية

تم تعديل 21 مارس 2010 بواسطة fatfouta

[fatfouta]

ربما يمكننا إقتراح القيام بنوع من التدريب للمسافرين أول مرة على الطائرات لتعريفهم بآلية التعامل أثناء السفر بالطائرات .... و هذا ليس إختراعا و لكنه يحدث الشركات الكبرى تتعاقد مع شركات متخصصة فى تقديم التدريب اللازم لل expatriate قبل سفرهم لدول أخرى و طريقة الحياة فى الدول الأخرى.

العزيز الادفايزر

هل كل الشركات فى مصر تقوم بمثل هذة التدريبات؟؟

وانا اقول فى مصر لانى اللى يهمنى هو انى اكون مستعد من مطار المغادرة ذى ما قال سكوب....لكى لا افاجأ بما لا يحمد عقباه فى مطار الوضول

طيب لو مش كل الشركات تؤدى هذ الخدمة ماذا افعل انا وغيرى المصريين اللى بيشوفوا السلبيات دى؟؟

انا اشتغلت فى الشحن الدولى فترة طويلة واحب اقول لحضرتك لو رايت فى يوم يا ابى الفاضل منظر قرية البضائع او امتعة الركاب وبالذات المصريين

اكيد اكيد هيحصلك زعر من عدم التنظيم والتغليف الجيد او التعبئة السليمة للاغراض

مصانع الملابس فى الخارج بتفرض نوع كرتون معين وتعبئة وتغليف ذات جودة عالية جداااااااا وبتشدد وايضا بتضع مراقبين جودة متشددين جدااااااا على التغليف فى المصانع اللى موجودة بالذات فى مصر

لانها تعلم او واخدة صورة دايما عن ان المصريين بيستهتروا بالتعبئة والتغليف عامة........ده من واقع شغلى وانا متاكده من الكلام ده

فى حين ان تلاقى البارتنر لما ييجى يتعامل مع الصين مثلا لا يفرض عليهم بند التعبئة والتغليف لانه عارف انه من غير مايفرض ان فيه نظام

لكن دايما كان يحزننى كلمة من البارتنر الانجليزى لاحدى مصانع الملابس فى مصر وهو بيقول لو على الايدى البشرية الرخيصة فـ اكيد هفكر انى افتح مصانع فى الصين

لكن لو على الجودة والفن والزوق العالى يبقى المصريين يكسبوا.........ده طبعا بعيد شوية عن موضوع المطارات

لكن فعلاااا ليه مانبقاش عندنا فن وزوق عالى فى كل مكان.......حتى فى كيفية حمل حقائبنا

مش هيأس وكل ما أرى سلبية فى اى مكان هقوم بطرحها للنقاش والتوعية

وشكرا يا سيدى الفاضل

[fatfouta]

انا عمرى ماخدت اى مواد غذائية معاى على طيارة الا مرتين

الاولى كانت من مصر الى الكويت

وكانت عبارة عن مانجا اصر حماى (واخدين بالكوا حماى)انى اخدها معاى فى الشنطة

وكانت النتيجة بهدلة بعض الملابس اللى فى الشنطة لان بعض المانجا ضربت فى الشنطة

الثانية لما كنت فى باريس اشترينا الكثير من الجبن الفرنسى ولم نستطع اكله كله (لان طبعا فى السفر معظم الوقت بناكل بره) طبعا شراء الجن كان بامر من الحاكم بأمره زوجتى ولحبها فى الجبن الفرنسى اشترينا نوع اكتشفنا ان له رائحة شديدة (رائحة مش كويسة)انا مش عارف اسم الجبن ده ايه مش ركفور اجمد من ذلك

فأصر الحاكم بأمره ان نأخذ كل انواع الجبن التى لم نتذوقها بعد( وكانت الجبن اللى رائحتها مش كويسة من ضمن البضاعة وكمان كان فيه جبن محطوط فى زيت فى برطمان زجاج) واحنا مسافرين من باريس لمدريد

انا حطيت كل البضاعه فى شنطة هناد باج علشان تكون معاى بالطائرة ولكن امن الطائرة رفضوا العلبة الى فيها زيت (ممنوع السوائل فى الطائرة) وكانت مشكلة لانى وزنت وزوجتى والأولاد دخلوا للأستراحة فى انتظار الطائرة

رجعت تانى علشان ادخل الهاند باج فى العفش

المهم وصلت الشنط كلها فى مدريد الا شنطة الجبن التى جاءت الى الفندق تانى يوم ماذا تتوقعون؟

كانت رائحتها فظيعة شعرت بحرج شديد عندما اسلمتها من رسيبشن الفندق واخدتها ورميتها بالشنطة فى اقرب سلة زبالة بره الفندق وجريت علشان محدش يشوفنى ويبلغ عنى (يمكن يفتكر ان هناك جثة بالشنطة)

ودى كانت اخر مرة وحرمت بعد كدة

شوف بقى يا سيدى

انا هقولك حاجة كولنا ماشيين باسلوب الاستخسار مش انت لوحدك او الحكومة باعتك(المدام يعنى)

اخويا عايش فى اسبانيا والمفروض عقلية متفتحة جداااااا......لما يروح يقعد فى فندق هو مراته الاسبانية مثلا فى شرم ولا حاجة وهما راجعين الاقيهم جايبين الشامبوهات واللوشن والكريمات وممكن توصل لحد انهم بياخدوا كمان البرنس بتاع الحمام

تخيل بقى اهى زوجته اسبانية وبتفكر بنفس طريق الاستخسار

زوجى برضو لما يسافر يرجع شايل الشامبوهات وخلافه ولما اسالوا ليه كده؟؟؟ يرد ويقول.........هو احنا مش دافعين حقهم

مش انت لوحدك كلنا كده بس لاااااااااااااازم نتغير........مافيش كلام

[jasmin hamed]

السلام عليكم جميعا

فتفوتى احب اقول لحضرتك انى كنت شغاله نضيفه يوه قصدى مضيفه لمدة 3 سنوات

و بجد رغم انى كل كنت اجازه و لو كانت يوم بليله بانزل مصر بس بجد و من غير اى نفاق رحلة مصر من اسوء الرحالات الى ماكنتش بحبها ابدا

خدى عندك ياستى

1- الراكب المصرى معرفش ليه حاسس انه لازم يستغل حق التذكره قد ما يقدر يعنى مخدات الكراسى تلاقيهم واخدنها

بطنيات الطياره الصابون الى فى الحمام منديل الكلينكس شخليله للعيل و اى حاجه ايده توقع عليها

2 - اكتر من 50 راكب فى كل رحله عنده صداع و عايز حبيتين بندول

3 - يا ويلك يا سواد ليليك لو مثلا كان فيه نوعين من الوجبات و نوع خلص

4- اول ماتقف الطياره تلاقى الطياره كلها وقفت و فتحن الكومبارتمن و بتنزل الشنط( العاده ديه ماشفتهاش الا عندنا بصراحه)

و عليه طبعا لان الطياره لسه باندفعها تلاقى شنطه نزلت اتهبدت على راس مواطن محترم مالوش ذنب

ناس كتير بتحب تشوف الاقلاع و الهبوط واقفه ؟؟؟؟؟؟ وتحسى كده الشاب من دول واثق من نفسه ماتقلاقيش يا انسه مش هاقع فاكرين نفسهم فى اتوبيس

5- لو حصل اى مطبات هوائيه تلاقى عالم بتشتم فى الكابتن !!!! و المعروف ان مناطق الجبال ذى جبال البحر الاحمر بتبقى فيها مطبات

6- رحلات المدرسين و ماادراكى ما رحالات المدرسين و لا بلاش ليكون فى هنا حد مدرس ولا حاجه كل الطياره عايزين يتصوروا مع الكابتن

7- واحد تلاقيه عامل تشيك ان قبل الطياره ماتطلع بنص ساعه و معاه 5 عيال مثلا يتطلع الطياره كراسيه مبعتره طبعا تلاقى نرفزه زعيق و حاجه صعبا

احب اقولك ان مافيش مره شفت واحد من الى عاملين هليله على الطياره الاو كان التشكين بتاعه 30او 15 دقيقه قبل الاقلاع مش يحمد ربنا انه لحق لا

يفرج عليه الطياره

8- جراكن عصير المنجا من اشرف فرغلى و لازمن ز لابد نحطها فى التلاجه نقوله يا عم ممنوع ياعم ماينغعش مافيش فايده

انا تعبت

و ممكن اكتب لحضرتك كما ن بس بعد شويه

مذكراتى مع طياراتى

السلام عليكم و رحمة الله و بركاته bv:-

يا ريت فعلا تكتبى عن الموضوع ده لأنه هيخلينا نشوف جانب ماتعودناش نشوفه فى رحلات الطيران و هو الجانب الخاص بالطاقم بتاع الطيارة لأننا دايما بنشوف الجانب اللى يخص الركاب بس .

شكرا

MERCEDES S430

السلام عليكم جميعا

انا هنا بتكلم من جانب الطاقم داخل الطياره MERCEDES S430 ( ربنا يكرمه و يجيب واحده و يبقى يدينى لفه )

اما سلوكهم داخل المطار فتجربتى معاه ذى تجربة اى مسافر عادى لانى لم اعمل كطاقم ارضى فى مناطق التشيك ان

من مشاكل الركاب المصرين على الطياره

اولا الانانيه و عدم مرعاة الاخر

و الامثله على ذلك :

لما لا يراعى الراكب حجم الشنطه الى المفروض عليه و هيه شنطه واحده فقط 7 كيلو بياخد حق غيره يعنى الراكب الى جى بعدك مش بيلاقلى مكان لشنطة

و كتير من رحلات كنا بنظر اننا نبعت شنط المسافرين الاخرين الى كارجو لان ببساطه الكومبارتمن امتلئت ( طبعا الطاقم الارضى لا شك مشترك فى المهزله ديه بس كمان طاقم الضيافه من حقه ان يختار اى شنطه مش ملائمه للطياره و ينزلها كارجو بردو و ده بيرجع لمدير الطاقم و سياسته

لما يصر راكب انوه يعد فى كرسى غير كرسه لانه مش عايز يعد فى كرسى داخلى مثلا او لانه قاعد بعيد عن صاحبه او مراته الراكب بيسمح لنفسه انو ياخد كرسى حد تانى

النوعيه ديه من المشاكل للاسف دايما بيكون فى طرف مالوش ذنب بيقع عليه ظلم

و النوعبه دبه ممكن الطاقم لو ش كويس يسيب الركاب يخبطوا فى بعض و تلاقى جو الرحله اتوتر او الفصل و اكيد فى اى حاله من الحالتين هتسمعلك كلمتين من حد فيهم

عموما ديه اهون مشاكل و بيطلع فيها حس خدمه العملاء عشان تحاول انك تخالى الاطراف كلها مبسوطه

حاجه تانيه يعنى لان رحله القاهره قصيره نسبيا و الرحله دايما مليانه اقدر افهم لما واحد معاها طفل ترمى صنيتها فى اى حته لانها ايده مشغوله ب طفل لكن الى

مابفهموش ابدا اناى حد تانى يرمى الصنيه فى الكردور اى تحت الكرسى

بحسبه بسيطه جدا فى اربعه لخدمه الركاب فى الدرجه السياحيه و بما نا وقت الرحله 3 ساعلت فى المتوسط شيل منهم ساعه مابين اقلاع و هبوط و تحضيرات يبقى فاضل ساعتين 120 دقيقه فى اربعه 480 يعنى فى المتوسط اقل من دقيقتين خدمه لكل مسافر يبقى الى بيشغل المضيف او المضيفه عشر دقايق بياثر على خدمة 5 مسافرين تانين و الى بيعمل كده مش هتفرق كتير مع المضيف لانه ببسياطه الرحله بالنسباله ساعتين او تلاته بيشتغلهم كده كده يبقى احنا الى نراعى بعض

بس اهم حاجه بجد نفسى نعرفها ان الى مسفر ده و ياخد شنطه اكبر من المسموح حتى لو الشركه سمحت فانت بتظلم غيرك و بتاخد حقه و لما تاخد معاك علبه حلويات بتنقح سمنه و الى معاه حاجه ريحتها نفاده

لازم يراعى ان فى ناس على الطياره نفسهم بتقلب بسهوله او حوامل يعنى كل المطلوب من اى واحد قبل ما يعمل حاجه انوا يفكر فى الى حواليه لانهم جيران بس جيران قريبين قوى قاعدين على بعد 10 سم

SAFETY

مشاكل ال SAFETY ديه من المشاكل الى هتلاقى الوش التانى للطاقم ظهر

ومنها

1-التدخين فى الحمامات ( اى راكب يطلب كوبايه قبل مايدخل الحمام اعرف انه هيلزقها على السموك ديتكتر عشان مايصفرش كل ما هنالك ان حضرتك تقف على الباب دقيقتين و هتشم السجاير

2- مخارج الطوارئ المعروف ان اى المفروض يعد على كراسى مخارج الطوارى اى شخص كامل القوه يعنى ماينفعش لا طفل و لا عجوز مثلالان الى بيعد على الكراسى ديه بيساعد فى عملية الاخلاء لو حصل مشكله طبعا حاول تشرح انت الموضوع ده لاسره من 5 افراد ماعدين اطفال على مخارج الطوارئ عشان يلعبوا فى الحته الفاضيه

3- بلاش حاول تقنع واحده مثلا ان حتى شنطة ايدها فى المكان ده اثناء الهبوط و الاقلاع لازم تبقى فوق حاجه من الاتنين و ده بعد خناقه طبعا ياما مش هتسمع الكلام و طبعا هنضتر ان نغيرلها كرسيها مع كرسى حد تانى اجبارى و ياما اول ما نعد و اثناء الاقلاعهتفك الحزام و تقف تجيب الشنطه

4- بجد عندنا مشكله تحدى السلطه و مش عايزين نتبعوا اى قواعد يعنى حزام الامان مثلا يدوبك المضيفين يعدوا عشان الاقلاع و تسمع ترك ترك ناس كتير تفتح الحزام و امهات تفتح للاطفال الرضع طب هوه مضايقهم فى ايه بلاش ديه يعنى احنا عايزنهم يربطوا رخامه مثلا المشكله ان اى حد بيفك الحزام لا قدر الله لو حصل حاجه جسمه بيكون حر يعنى مش هو بس الى هيتئذى لا الوراه و ممكن الى قدامه كمان

5- و الاباء الى بيسمحوا لولدهم انهم يلعبو فى كل حاجه فى الطياره ذى مثلا اللايف جاكت يعنى فى كل رحله بجد بدون مبالغه يامه تلاقى اتنين تلاته لايف جاكت مفكوكيك او مفقودين تصوروا ان الموضوع ده مره اخر طياره ساعتين لان الطاقم الارضى فى مصر ماكنش عندهم نفس اللايف جاكت الى متدربين عليه

بجد انا مش بحاول انى استهزاء من اخواتى و ما يهمنيش اذا كان فى حد غيرنا بيعمل كده الي ي همنى ان احنا نبطل نعمل كده

[Simba]

اول مرة اسافر فيها من الكويت علي مصر كان المفروض ان الكرسي بتاعي جنب الشباك استئذنت الست اللي جنبي انها تقعد جنب الشباك بعد خمس دقايق من الاقلاع لقيتها مطلعة كيس اسود وابتدي القئ .. وبعدها قالت لي معلش اصل انا حامل في التاسع والمفروض ان ميعاد ولادتي الايام اللي جاية وانا نازلة علشان اولد في مصر .. وانا اللي اعرفه انهم مش بيسمحوا للست تسافر في الشهر التاسع بالذات

لا قدر الله كانت ممكن اي حاجة تحصل في الجو او هبوط جامد يضيعها ويضيع الجنين اللي بطنها لكن هي بقي كان لها حسابات تانية

جوزها هنا عنده شغل ومش هيقدر يقعد بيها فراح خلاها تسافر واهلها بقي يبقوا يقوموا بالواجب بصراحة مخاطرة كبيرة ويعتبر سلوك مش مسئول لا منها ولا من جوزها

وفي نفس الرحلة لما وصلنا اتلخبط بين شنطتي وشنطة واحدة تانية كانت شبه شنطتي بالظبط تقولوش الشنطة التوأم جيت بنزلها من علي السير لقيت واحدة جاية وبتصرخ علي بصوت عالي خالص شنطتي شنطتي قولت لها معلش دي شبه شنطتي والله العظيم

لقيتها برضه بتصرخ علي وتقولي تيك كير لو سمحت

يا نهار ابيض بنت ام باتعة قعدت سنة في الكويت رجعت تقول تيك كير

في مرة في مطار الكويت وانا داخل علي الوزن لقيت اتنين واقفين وكل وحد حاطط قدامه ايجي 6 شنط كبيرة وبيقولوا لكل واحد داخل لعي الوزن ممكن توزن لي شنطة معاك بصراحة حاجة مش مقبولة يعني وشغل 3 ورقات

اخر رحلة في الباص اللي هيخرجنا من المطار لحد موقف السيارت كان الباص زحمة واحد طلع هو مراته ومراته شكلها في العشرينات ومعاه شنط وكراتين عاملين زحمة لقيته بيقول لواحد قوم قوم علشان الحاجة تقعد

قولت في بالي والله لو انا اللي كنت قاعد ما كنت قمت واتخانقت معاه

[Diab]

الحمد لله مسافرتش علي مصر للطيران ومش ناوي

[fatfouta]

شكرا يا جاسمين على كل اللى قولتيه لان ده بيدعم الموضوع

لانك بتتكلمى بعين تانية او وجهة نظر اخرى وهى المضيفات اللى احنا بنتعامل معاهم

ايوه بصراحة فى مضيفات كتير بتبقى مش عارفة ليه يعنى ماسكة لنا العصاية بس مش كلهم طبعا ومش على اى خطوط طيران

دايما احس ان المضيفات الفلبينيات طيبين وغلابة كده ولو مهما طلبتى بتجيب لك اللى انتى عاوزاه

عارفة هقولك على موقف حصل معايا بما انك قولتى ان ممكن راكب ياخد حق التانى

كنا جايين هنا انا وابنى لوحدنا عالخطوط السعودية من مصر للرياض

وطلعنا الطيارة واول ماقعدت لقيت اللى جاية جمبى واحدة شكلها لسه صغننه كده وشايلة اقسم بالله مش اقل من اربع شنط بلاستيك طالعة بيهم الطيارة

وفتحت الكومبارتمن وابتدت تحط الشنط ولما خلصت انا جيت احط حاجتى جمبها وبلمش شنطة من شنطها لقيتها ساقععععة ومقطرة مياة........قولت معلش يمكن الشنطة دى بس

وبعدين احسس على كل شنطة فيهم لقيتها كده........قمت بصراحة سألاها قلتلها هى الشنط دى فيها ايه؟؟

عارفة ردت وقالت ايه؟؟؟................فيها زفرر.........يعنى وز وبط وكده مجمدين وهى خايفة عليهم

سكتت ومارضتش احط الشنطة اللى فيها حاجة ابنى جمبها بصراحة وقمت حطاها تحت رجلى

انا نفسى بجد يا جاسمين لما الحاجات دى تعدى عالسير يمنعوها من انها تطلع الطيارات

[Diab]

ركاب الطائرات المصريين من و إلى الخليج يمثلون عينة خاصة من المصريين و ليسوا بالضرورة ممثلين لكل المصريين.

ركاب الطائرات المصريين من و إلى الخليج يمثلون مصر بالكامل

يعمل بالخليج عموما رقم وبجانبه ستة أصفار

يعني من كل بيت تقريبا في مصر في واحد او اكتر مسافر

الطيارة هي اخر مكان بيقدروا ياخدوا حريتهم فيه وعشان كدة التصرفات العشؤائية

ومجرد ما تطأ قدمهم أرض الغربة يبدأ الألتزام بالقوانين وإلا ........

اخر موقف شفته في المطار موسم الحج الللي فات في مطار القاهرة

واحد شكله مندوب جمعية حب يخلص نفسه

جمع الجوازات من الناس اللي معاه في الحمله وعاوز يسلمها لموظف الجوازات مرة واحدة

طبعا خد كلام وتريقة من الناس اللي حواليه قد كدة

يعني انت مندوب ومش فاهم اي حاجة في اي حاجة

طيب ده لما يجي السعودية هيعمل بالناس دي ايه في الحج

الله يسامحه بقي

[jasmin hamed]

انا نفسى بجد يا جاسمين لما الحاجات دى تعدى عالسير يمنعوها من انها تطلع الطيارات

و الله وانا كمان نفسى بس المشكله ان الى واقفين فى المطار بيراعوا الخواطر ذياده عن الازم يعنى لازم شوية حزم بجد انا ماوصلتش كبير طاقم ضيافه بس لو كنت وصلت كان من رابع المستتحيلات

انى اعدى حاجه مش صح من على باب الطياره

على فكره فى بلاد ذى استراليا و انتى داخله بيبقى فيه باسكت كبير قبل الاكس راى و لو حد جايب معاه تفاحه و مارمهاش بيغرموه 200 دولار

اكيد هوه قانون قاسى جدا بس صرامته هيه الى احنا محتاجنها فى مطار القاهره عشان الى مش عايز يحترم الناس الى حواليه بالادب يبقى بالعافيه

[fatfouta]

عيب والله كده........ومالهم الفلاحين......ومالهم الصعايدة؟؟؟

احنا بنتكلم عن المجتمع المصرى ككل ولم نخص فئة بذاتها لان كلنا لينا خطااااااء

ومعلش اللى هيقول انا ماليش مش هصدقة بصراحة

ركزوا معايا بقى.........

انا بقى نفسى ليا اخطاء عالطيارة انى كنت زمان ايام ثانوى كانت اللغة بتاعتى الالمانىة وكان فيه حاجة اسمها منحة المنحة دى عبارة عن ان اللى تجيب فى نهاية السنة الدرجة النهائية فى اللغة الالمانية بتتاخد مع العشرة الاوائل على الجمهورية وبيروحوا رحلة لالمانيا

المهم طبعا انا كنت من العشرة الاوائل وقالولى هتسافرى المانيا فرحت جدااااااااا

طلعونا على خطوط طيران اللوفتهانزا.........حاجة تحفة بصراحة

قبل ماروح ام واحدة صاحبتى قالتلى ابقى لمى الاطباق اللى اكلتى فيها واوعى تسيبيها

قمت كنت واخدة شنطة بلاستيك معايا وعملت كده(لسه عيلة بقى ومش فاهمة)

عادى الموضوع عدى وجينا وصلنا المطار هناك وفجأة وانا خارجة بعد السير الشنطة اتقطعت ووقع كل اللى فيها

طبعا كان منظرى سئ جدااااااااا.......ووجهة مشرفة فعلا لطالبات مصر :blush2: ........لكن كنت صغيرة واتعلمت

وعمرى دلوقتى ما عمل حاجة ذى كده

تم تعديل 21 مارس 2010 بواسطة fatfouta

[herohero]

عيب والله كده........ومالهم الفلاحين......ومالهم الصعايدة؟؟؟

احنا بنتكلم عن المجتمع المصرى ككل ولم نخص فئة بذاتها لان كلنا لينا خطااااااء

ومعلش اللى هيقول انا ماليش مش هصدقة بصراحة

ركزوا معايا بقى.........

انا بقى نفسى ليا اخطاء عالطيارة انى كنت زمان ايام ثانوى كانت اللغة بتاعتى الالمانىة وكان فيه حاجة اسمها منحة المنحة دى عبارة عن ان اللى تجيب فى نهاية السنة الدرجة النهائية فى اللغة الالمانية بتتاخد مع العشرة الاوائل على الجمهورية وبيروحوا رحلة لالمانيا

المهم طبعا انا كنت من العشرة الاوائل وقالولى هتسافرى المانيا فرحت جدااااااااا

طلعونا على خطوط طيران اللوفتهانزا.........حاجة تحفة بصراحة

قبل ماروح ام واحدة صاحبتى قالتلى ابقى لمى الاطباق اللى اكلتى فيها واوعى تسيبيها

قمت كنت واخدة شنطة بلاستيك معايا وعملت كده(لسه عيلة بقى ومش فاهمة)

عادى الموضوع عدى وجينا وصلنا المطار هناك وفجأة وانا خارجة بعد السير الشنطة اتقطعت ووقع كل اللى فيها

طبعا كان منظرى سئ جدااااااااا.......ووجهة مشرفة فعلا لطالبات مصر :blush2: ........لكن كنت صغيرة واتعلمت

وعمرى دلوقتى ما عمل حاجة ذى كده

تصرف مشرف ومبشر يا اخت فتفوته وانت طالبة بدات بلم اطباق الضيافه بتاعت الطائرة !!! امال لما تخرجتي عملتي ايه :blush2:

هي المشكلة ان فيه ناس كتير بتقولك ماهو احنا دافعين فلوس الحاجه ده

طيب ياسيدي افترضنا صحه كده هتعمل بيها ايه ؟ هتفيدك يعني الواحد يبقى مبدئه انا هاخد حاجه هتفيدني ما اسيبها وغيري يستفاد

واصلا هي مش من حقي

شوفوا هي السلوكيات بترتبط بالمكان يعني مع كامل احترامي وتقديري لنا سلوكيات الركاب المصريين الي جايين من نيويورك غير سلوكيات رحله جايه من الرياض

مع كامل احترامي وتقديري

عارفين زمان بصراحه من غير زعل كنت بلاقي شكل ولبس اللي جايين من الخليج غير خالص المصريين اللي جايين من اوروبا او امريكا

هي الناس بتبهت ع بعض ولا ايه

[Amr Radwan]

موضوع للفاضلة "مصرية متغربة" شاهدته بالصدفة .. يعبر عن كل ما اريد ان اقوله .. في رصد السلبيات ..

في دولة عظمى مثل المملكة المتحدة يستطيع أي فرد من أفراد الشعب انتقاد الحكومة انتقادات لاذعة

يمكن ان تستقيل بسببها الحكومة بكاملها و بالتأكيد لا يتم اعتقاله :blush2:

البريطانيون لديهم مهارة كبيرة في الانتقاد في منتهى الأدب

و لا يمكن أن تمسك عليه غلطة واحدة

فالبريطاني مفرود الظهر يتنفس بعمق

نبرة صوته معتدلة و لا ينفعل بسهولة

و يصعب بل من المستحيل استفزازه

و حتى بعد نقاش حاد و ملئ بالتراشقات اللفظية

تجده يحييك و يتمنى لك يوما طيبا

و اذا كان البريطاني يستطيع أن ينتقد الحكومة

فهو بالتأكيد يحترم بلاده و لا يمكن أن يتجرأ على إهانة الشعب أو انتقاد الشخصية البريطانية

و لا تجده يتهكم على بلده أو بني جلدته

هناك فرق بين النقد البناء مع التزام قواعد الأدب

و بين انتهاك كل القيم بدعوى رصد السلبيات

هل تعودنا كمصريين أن نستحل سب الوطن و سب بني جلدتنا كلما تعرضنا للفشل؟؟

هل أصبح التهكم على البلد و على الشعب شيء مستباح؟؟

الحكومات تأتي و تذهب

و مصر هي مصر

المحروسة

و شعبها من أرقى شعوب العالم

يجب أن نعتز بمصر و بانتمائنا لها

إنه لشرف أن أكون مصرية

انظروا لدول العالم أجمع

هل سمعنا بماليزي يسب ماليزيا؟؟

أو صومالي يسب بلاده ؟؟

أو أوروبي يسب بلاده؟؟

هل أصبح من الطبيعي أن نسب مصر بمنتهى البساطة؟؟

هل نحن فقط من يعاني من السلبيات؟؟

لم أسمع في أفقر دول العالم الثالث من يسب بلاده كما نفعل نحن

شوية احترام للبلد و شعبها

هل هذا كثير؟؟

كفاية فضايح ..

احنا مبسوطين و احنا بنحكي عن سلبياتنا انفسنا ؟؟!! بدعوي النقد البناء ؟؟

طيب اية الفايدة ؟؟

علي فكرة فيه مثل معبر جدا بيقول "النصيحة علي الملأ فضيحة" و احنا هنا الدنيا كلها بتتفرج علينا و علي كلامنا عن نفسنا و عن غيرنا ..

انا مش شايف حد اتكلم بايجابية عن الموضوع الا القليل من المشاركين هما اللي حاولا يحطوا حلول للموضوع ده .. و الباقي ما صدق يطلع اللي في جعبته ..

خلونا فعلا نتعلم من اخطائنا و نحط حلول بدل فقط الحكاوي اللي عمرها ما هتخلص

انا عن نفسي لو شوفت حد من اي جنسية معاه حاجة غلط علي الطيارة زي اكياس ال"زفر" مش هفكر الا اني اكلم الشخص صاحب الحاجة دي و لو ما اقتنعش اكلم طاقم البوردنج انه مش يطلعه عشان دي خطر و لو طلعه الموظف يبقي جنت علي نفسها براقش و مش همشي الا لما ينزلوها او يغلفوها بطريقة امنة .. اذا كانت فعلا خطر علي الطيارة او هتعمل مشكلة

اللي مش فاهم نفهمه براحة بدون تشهير و نظرات و حركات اللمز و الغمز و الاستغراب اللي ممكن تضايقه و اتوقع ان الشخص ده لو حس مني اني عاوز مصلحته و مصلحتي و مصلحة الكل و اني مش عاوز افضحة و عاوز انصحة ما هيصدق و يتجاوب .. و ان لم يتجاوب لا يوجد الا الطرق الرسمية .. زي موضوع التفاحة ام 200 دولار

صباحكم كله ايجابية و سعادة :blush2:

تم تعديل 21 مارس 2010 بواسطة Amr Radwan

[fatfouta]

الفاضل / عمرو رضوان

الكلام اللى حضرتك لونته باللون الاحمر فى المداخلة المقتبسة بتاعة مصرية متغربة........أظن انك لو ماكنتش تقصد توجهه لينا ماكنتش لونته من اساسه

ياريت ماتحطلناش السم فى العسل وتدخل تهيننا لتالت مرة..... وبرضوا مش هنرد على اهاناتك

لان ربنا هو اللى اعلم بالنيات وانا كنت لسه بطرح السلبيات و لما ننتهى منها نحط بقى الحلول اللى ممكن نقترحها كلنا

اعتقد ان المنتدى هنا مش هيسمح لاى عضو يتعدى قواعد الادب

وأهلا بيك فى الخطوة اللى الجاية وهى طرح الايجابيات والحلول

تم تعديل 21 مارس 2010 بواسطة fatfouta